اشتعال السحب الفصل السادس

البـــآرت الســآدس ...3>

يالها من صدمــه حين تستقيظو وتجدو انفسكم لازلتــم في كابوس
طال الانتظار يئسـآ لتخلــص منـــه
مكـــــــــآن دائما ماحاولتم تفادي اي مشاعر مرتبـطه به
فاهوا كالحلقــه كلما تقدمتم وجدتم انفسكم تعاودون الاماكن مرارا وتكرارا
كلما حاولتم تخطيــها سمعتم مالايســر ولايجلب للقلب الا الالم الممزوج بالخوف
مكــآن لايتواجد به الا انظمــه قاسيه وكاتمه للانفاس
الصمت فيه نعمه
والصوت نقمــه
السكوت عن الحــق وسيله فعاله للسلام
ولاتصلون الا شاطئ النجاه الا برفــع راية الاستسلام
ورمي مرساة الكرامــه لمكان اعمـــق من ماتتصورون
فما الوسيله المنتظره غير السرير
اللذي يخبئ مسببات الانتحــار
من جهه
ومسببات للهرب من جهه اخــرى
زجاجات قد فرغت من الدواء لاتسبب الا الموت الجسدي فقط
فكل نبرة مساعده تصدر لاتجد الا صدى يرتد نحوها
السجــــــن
الزنزانـــه
الــنـــــــــــــهــــــــايـــه
كل قضيب معدنــي فيــه " هوا جدار مبصوم باأرجائه الوحده , الياس , الرهبــه , الانين , الظلم "
ولاسيما ان السفـــر اليه ستكون تــذكره ذهاب باأحااسيس والرجوع بدونـها 


فـــي احد سجـــون دبـــي ... وفي الساااحه الخــآرجيـــه ماسك في يده قلـــم وورقــه ويكتــب
عن معانــآآتـــه هنــآ
11 سنـــه وهوا محبـــوس ... لساااته صغيــر وعمره 28 سنـه
المكــآن مرره ازعاااج بس اتعووود مختلي في زاويـــه لوحده
كل شي يسووويه لوحده
وجهه شاااحب
شفايـــفه تعاني من الجفاف
لحيتوو البسيطه اللي على وجههو مكبرتوو اكتـــر
عيـونه النعساانه تروي كل معاناه مر فيــها
من ظلم ليـــن الحرمـــآن
كتب في الورقه 5 ايام ... وابتسم لاشعووريا ابتسسم من الخاارج بس جوواا ماكان مبسسوط
لين مايخرج من دا المكــآن
اتــوقع انو حتممر سنين هنا وحيمووت وكالعاده محد يزوره ولا حد يسئل عنه
ماصـــدق لما قالوله جااك عفوو ملــــكي ...
اتجمعت دمووعـــه في عينه لما اتذككر سبب جيتـــه لسجنن
نفسسه يصـــرخ ويقووول " مظلوووووم يانااااااس اناا ووالله مظلوووم "
زفـــر بصووت مسمووع .. وقــف وكآآن بيمشي
حس في لحظظه انو مخنـــووق
يبــى يغســـل وجهه بالمووياا
اتــوجه لدوراات الميــآهـ وقف قباال المغســـله المكســره وشغل الموويــآ حس بمجمووعه دخــلت
الحمــآم

بس ماطالع فيــهم غسسل وجهه وقفــل المووياا جااي بيــخرج الا بدون قصد صدم في واحد ضخــم : اسف
الرجال فتح عينننه على وسســـعها وكأنه ماصدق احد يتحرش فيـــه : انتاا ماتشووف
نادر بصوت متفااهم : ماشووفتك معليش
الرجججال من غغير اي تفاااهم : تببى تتمششكل انتااا
ناادر مو عارف ايش سوووى ورا الرجال 3 من اصحابه وكلهم ضخاام : لا مابى ايي مشااكل
الرجال قرب مننه وضغط على اسنانه : دي مو اول مره
نادر مو متذذككر مين دا اصلا عقد حوآجبه ودوبو بيـــهرررج الا الرجاال قبـــض ييده واعطآآآه لكمممه رجعت ناادر علـ جداار ووقف بالقوه وهوا يتوآزن بجسمـــه
الرججال رجعع مسكووو من بلوزتــه وقربــه لعنده : ناااوي عليـــك اليييوم
ضـــربه ودفاااه لصاااحبـــه اللي مسسك نااادر وابتسمللو وسنو الذهبــي ظهر كان بيــضربو
###
الرجال حسبو يبكــي لأنه مو متعود على السجن مايدري انوو نص عمره مر وهوا بدا المكــآن
خـــرج نــآدر ونسي دفتره وقلمــه بالمكــآن ماعاااد يبــآه

تــلوثات من مصــنع القــلب ♀♂

" دي صفاء اللي احبــها "
" دي صفاء اللي احبــها "
" دي صفاء اللي احبــها "
اربـــع كلمــآت تدور في راســـهاا تطالع فيــه وتحسس انو كلامــه بيتكــرر ماستوعبت غير دي الجمله
نزلت عينها على اياديهم المشبكــه وعقدت حوآجبهاا حست نفسها متنحــه
انكــرت اللي سمعتــه وقالت " يمكن مافهمت اللي قالــه "
رجعت طالعت بوجه يززن وكيفـه مبتســم وهيا بايــنه انها عاشقتــو
موقــف لاتحســد عليـــه
لاإراديا رفعت يدها ودخلتها تحت شعرها وهيا تلمــس رقبــتهاا
تتذكــر اللي سوتــه من دقــآيق معااهـ
مشــآعر متضــآربــه كانت
تبــى تبــكي
تبــى تصــرخ وتكدبه
تبــى تضــربه على هبلها لما خلتو يلمسها وماعارضتو

بــس دا كلــو كاان بيسيــر جوآتها ومع الصدمه ماخــرجت منها اي ردة فعــل
غيــر انها جالسه على الكــرسي وتــرمش بعيــنهاا بسهتــآن
دي اول صدمـــه


تــآني صدمـــه اللي كالعاده ينفعــل بســـرعــه بس دي المره سكــت
مو عشــآن مايبى اخوه يحــب
بس لأول مره يحــس انو يــزن مو اخووهـ

دايما حركــآته ماتكون مفاجئــه له يكون حاسس باأخوه وايش يبــى وايش ممكن حيسووي
بس دحييين مافي اي حرف قدر يخــرج من فمـــه
حاول يقول كلمــه بس رجع سكــت
طالع برودينــآ اللي تطالع في يــزن ومن نظرتها بس عــرف انها تحــب يزن
بس مو فاهم يزن ليــش سوى كدا
مو قادر يطلع اي مبرر له

في كل مره يكون واحد من اخوانه غلطان والغلط راكبــه مايعترف انو اخوه غلـطان
مايقــدر لو ايش ماسار.. يطلعلو 600 عــذر

بس دحيــن مخرووس مع الصدمـــه

الصدمـــه التالتــه
تنـآحــه لمده دقيــقه بعدهاا استيعااب عل بطيــى وبعدها الضحكـــه او التعليــق
ودي مر فيها اسامه وشادن

شادن جالسه على كرسيها : ههههه اهليين _ مدت يدها _ انا شادن
صفاء ابتسمتلها بترحيب ومدت يدها تسلم : وانا صفاء _ طالعت باأسامه ومددتلو يدها _
اسامه رفـع يده : اسامه
صفاء اتوجهت لرودينـآ والإبتسامه البسيطه على وجهها ويدها ممدود باإتجااه رودينا
رودينا طالعت بيد صفاء ورجعت طالعت في وجهها
مو قادره ترفــع يدها تطالع في صفــآء ولساتها مو مستوعبـه
طالعت بيزن بدون ماتحس بنفسها قالت بكل ضــعف : يزن دي كزبه ابريل ؟
يزن انكسسف منــها
شتت نظره عنها وطالع بصفااء اللي لساتها ماده يدهاا ومصره تسلم على رودينا وتعرفها
مــآزن حس انو اخوه مابيكدب وعارفو مايحب يستهبل في دي المواضيـــع
رودينا بسألها حطت نفسها في موقف بايخ
مـآزن قاام من مكــآنه وراح لجهه رودينا حط يدو على يد صفاء ونزلها : خلاص
صفاء بلعت ريقها باإحراج وهيا مو عارفه ايش بو مازن قلب فجأهـ
مسك شنطة رودينا وشالها ومسك يد رودينا وقومـها
بدون اي اعترااض قامت وهيا عقلها مو معاهــآآآ
مازن بكدب: عندنا محاااضره دحين
اسامه وشادن حسو انو في شي بس ماحيهرجو قدآم صفااء سلكو الوضع
دار جسسمه وطالع باأخوه بنظراات حقــد لأول مره يززن يشووفها
وهوا ماشي دف كتفه بكتـــف يزن وكأنه إنذااار له بس
ماسك بيدو اليمين شنطتها ويدو اليسار بيدهاا بعــدوو عنــهم وهيا ماهـــرجت مــرهـ
راحو لمكــآن كآن فاضــي حط شنطتها على الدكه البيضــه اللي عليـهاا ترااب ومزرووع فيها بعض النباات
مبلــمه علـ اخر مازن حط يدو على كتفــها وكأنه بيفوقها من عالمها : رودييينا
رودينا طالعت بعيــنه ودموعهاا اتجمعت في عينها : مازن كزاب مايحبهاا والله مايحبها
مآزن مره صعبت عليــه : سيبيكي منوو
رودينا نزلت دموعها وعللت صوووتهاا : ليشش طيييب يسوي فياا كداا انا ايش سويتللوو
مآزن ماتوقعها تحبـو لدي الدرجه : ماعليكي انا حتفاهم معاه بس لاتبكي
رودينا بدون ماتحس بنفسسها رفعت شعرهاا ورا اذنهاا : مآززن مااقدر جاايب وحده مدري من فين وبكل بجاحه يعرفها علييناا
مآزن ماسمع ولا كلمه عينو جات على رقبـتها وطالع فيها باإرتباك : ايش دا
رودينا دفت اياديــه عن كتفهاا وجلست على الدكــه وزاااد بكــآهاا
مآزن نسي اللي سواه اخووه ووقف قبالها وبصراامه قال : رودينناا ايش داا
حنت ظهرهاا وغطت يدها بوجهها وكل مالو يزيد بكااهاا
مآزن العصبيه عمت عينه قرب منهاا وبكل عفااشه مسك يدها وشالها عن وجهها : رددي علييا انا بهررجك
رودينا وجهها كلو دموع قالت بكل ضعف : ايش تباااني اقولك انا حمااااره وغبيه لأني صدقتوو وروحت معااه
انا ولاشي يااماازن ولاشي
مآزن الكلمات خرجت بهدووءمن فمو وكلها شك وخوف من الإجابه : اللي سوى فيكي كدا يزن
روردينا نزلت ودموعها وبدون اي صووت ردت اشرت بس برااسهـا " ايوا "
مـآزن مو مصدق اخوه بدي الحقااره اشر على نفســه : اخويا يزن ؟
رفعت يدها لوجهها وبكت بصوتها ..
لحــظه سكوووت مرت عليــه مصدووم وصوت شهقاتها وبكاها في اذنـــو
رودينا مسحت دموعها اخدت شنطتها وخرجت نظارتها الشمسيه لبستها ووقفت : انا راجعه البيت
مازن بصوت واحد ضاايع بتفكيــره قال : طيب
ومشي قبــلها حتـــى ...
مو قادر يــرجع يجــلس معااهم .. ركــب سيــآرته ومن كتــر مايفكــر وهوا يســوق مايدري لفين راايـح
اماا روديــنا رجــعت بيتــها سيـدا
دخلت بيــتها وبدون ماتعطي وجه لأي احد دخلت غرفتها قفللت الباب وماقدرت تكممل لسريرهاا حتىى
جلسست ورا الباااب وبكككت بكل صووتهاا
انكمششت على نفسسهاا لما اتذكــرت لمساااته في جسمممهاا
وزااد بكااهاا لما اتذكـــرت كلمه " احبـك "
ليــش سواا كدا فيـــها
ليششش قلها احبــك وهوا بيحب غيــرهاا
حتى ماحتــرم العشــره اللي بيــنهم
عاملها كاأي بنت يعــرفها
ويسحب عليــها
حطاها امام الأمر الوااقـــع وماهمه مشــآعرهاا



فــي نفــس الجــآمعه وفي احد القــآعـآآت الدكتوره الشقرا الأجنبيـــه واقفه وبتشـرح بكل حمــآس


اما هيــآ دارت كرسسيها ومعطيا ظهرها لهتـآن وكل شوويا ترفـع الساعه بتملل وتطالع فيــها
وتتأفف ... مو طايقه تجلس في مكآآن هوا فيـــه
بس بسببو
هوا خـــــــآدم عندهاا
وومتقـــرفه منـو

اماا هوا مقــرب للطاوله ومو ساائل عنهاا رســم على الورقــه البيـضاا شجــره وكتب اسم " رنيم "
وقلــوب وبااين انو في عاالم تــآني


اليــن لمحت انو مشغوول زي عادتها الفضوول مره يقتلها دارت كرسيـها وشافت الورقــه
عــرفت انو الأخ هيمااان
اليــن " غبــي "
" الحواار طبعا في الجامعه بين الدكاتره والطلاب كلو انجلش "
الدكتوره : اي احد عنده اجاابه ؟
الكل سااكـــت
الييين بكل حقاره رفعت يدها
الدكتوره ماصدقت احد يرفع يده : ايوا اليين
الين : لا مس مو انا _ اشرت على هتان وهيا ماتبى تنطق اسمو حتى _ دا عنده اجابه
الدكتوره ابتسمت اكتر : ايوا هتــآن !!
هتان بدون مايرفـع راسه طالع بعينه يمين شمال مو عارف ايش الحركه اللي دوبها سوتها دي
وليش بتسسوي اصلا كدا ؟؟!
الدكتوره : هتاان ؟
هتان رفـع راسه وماسك قلمــه بتوتر وهوا مو عارف ايش يسوي بيقلب القلم باإصابعه
رمى نظرا لأليــن خلتها تبتسم ونفسها تضحك
لحــظه سكووت في الفصــل العيون كلها على هتــآن ويبو جوواب منــو
هتاان مو عارف اصلا هيا في ايش تهرج لأول مره يســرح ويطنش الدرس :امم اتوقع _ يبى يتذكر هيا في ايش اصلا بتهرج _ انو يعني _ طالع بالسبوره ولقط الموضوع شويا _ انو البيئـه _ الين دارت كرسيها وحطت يدها تحت صدرها وكأنها مستمتعه بتمتمااتــه .. افتكر كم كلمه قالتها ولقطها وهوا بيكتب وفهم نوعا ما السؤال _نسوي حملات تطوع للبيئه _ بدأت ثقته ترجعله وهوا مو عارف معاهم عل خط ولا لأ _نلقي محاضرات توعيــه هوا صح كتير بيسو دي الاشيااء بس احنا دايما بنختار الاماكن الغلط انا من رايي انو الصغار هما اللي نعلمهم دا الشي لأنو لو اتعلمو من صغرهم على حاجه معينه حيتعودو عليها مع الاستمرار اما الكبيـر ممكن يطبق اللي سمعه لممده يومين او 3 ويرجع زي اول _ هدووء طاغي المكــآن في دي اللحظه شك انو هوا بيعالم والكل بعالم تاني _
الدكتوره : براافو هتاان دا اللي احنا محتاجينه
اليين مره حقدت ولا طالعت فيـــه
الدكتوره عجبتها فكرتو : عارف انا حغيــر فكرة النشااط انتا مع مين ياهتان
هتان اتطمن مرره لما شاف ردة فعلها قال بكل عفويــه : الين
الين كشرت من يوم ماسمعت اسمها من فمه
الدكتوره : دام تبى تبدأ التوعيه من المدارس الابتدائيـه فاأنا حشوف الوضع وحتبدأ مع اليـن لو لقيت في تطور وايجابيه اقدر اساعدكم
هتاان اهم شي انو ياخد شهاده على دا كلو ماهمه مع ميــن ولا ايش حيســوي : اوكـ
انتــهت الحصـــه وخــرجو الطلاب
والين ماصدقت وقفت ولمــت كتبــهاا
هتان همسلها وهوا ياخد ملفو : لاعادي تسوي دي الحركات عشان لاأقلبها عليكي
الين سابت كتبهاا على الطاوله ورفعت حاجبها : خيير ؟؟ كيف حتقلبها علييا
هتان ملامحــو كلها جديه رفع حاجبه وهوا بس يحذرها بنظرااته : خلي في بالك انا وانتي بالجامعه مو في بيتك
اليـن ابتسمتلو بكل حقاره : بس نظرتي ليك انك خدام عندي وبس سواء كنت هنا او بالجاامعه
كلامها حرقــله قلبـــه قاطعتهم لما جات الدكتوره جمبــهم وهيا بيدها جوالها ودوبها مخلصــه من المكالمه
الابتسامه على وجهها : دوبي كلمت صحبتي هيا مديرة لمدرسه ابتدائيـه قالت حتردلي خبـر بليل إزا تقدر تساعدنا او لا بس انتو اهم شي تكونو مجهزين نفســكم سواء كنتو حتروحو ولا لا
الين (( يارب ماتقدر ماصدقت على الله دي تتصـــل بلا في طختها )) ابتسمت بكل مجامله كعادتها : ان شالله
هتان ماقدر حتى يبتسم من بعد ماسمع كلام الين : طيب
لدكتوره جلست تكلمهم بكل حمااس وهيا انبسطت بدي الفكـــرهـ فضلت معاهم ربــع سااعه
وتساعدهم باأفكارهاا...
بسس خلصت الدكتوره كلام هوا مشي على طووول ولا رد على اليــن ..

اما هيـــآ خــرجت بعده وهيا تكلــم نفسها بقهـــر " داا دحيين كيف اتعامل معاه بلله شي مقررف الله يعله "

اتذكرت رودينــآ وابتسمت على طوول سرعــت خطوآتها وهيا مبســـوطه
وصلــت لعنــد الطاوله ورفعت حاجبها باإستغراب لما شافتها بتضحك من قلبها : شادن
شادن كآنت عينها علي جالس جمبها وبيشرحلها بس اخده الوضع بهبل ولا راضيه تفهم شي
شادن دارت وطالعت في الين : نعم
الين : فين البقيه
شادن : يزن ومازن ورودينا راحو واسامه في المكتبه
الين طالعت بمروان : اها طيب ويزن ماقلكم شي
شادن : إلا عرفنا على حبيبته
الين اتوسعت ابتسامتها : وكيف ردة فعلكم بللهي
شادن : انصدمت وربي ههههههههه حتى اسامه بس مازن شكلو عصــب
الين : داري مازن
شادن : مدري عنو حتى رودينا ماحسيتها انبسطت
الين مافهمت : كيف مانبسطت
شادن رفعت كتفها : مدري
الين على نياتها : تلاقيها مكسسوفه اسكتي لبنت طايره فييه
شادن عقدت حوآجبها : وليش تنكسسف
الين حست انو في شي قالت بشك : يزن عرفكم على مين
شادن : حبيبتو صفاء
الين رمشت عيونها كدا مره وقالت وهيا مو مستوعبه : كييف قصدي ميين دي
شادن : وانا ايش عررفني ولا 5 دقايق جلست معاها اللي عرفتو انو اسمها صفاء ويزن متجنن عليها
الين رفعت شنطتها لكتفها : رودينا ايش سوت
شادن : قلتلك مازن ورودينا ماحسيتهم مبسوطين يمكن اتفاجأو _ رفعت الكتاب من على الطاوله _ خلاص بزاااكر هنا
الين : اوك باي _ مشيت وهيا معقده حوآجبها مو مصدقـــه اللي سار خرجت جوالها ودقت كدا مره على رودينا ماردت علييها اتصلت بعدها على ماازن ولا رد عليها انهتها بيزن اللي مقفل جواله من الاساس _
نفسسها ترووح عنــد رودينا بس باقيلها محاضررتين
حتخلص وترووح لروديناا تفهم منها كل شـــي


اما على الطــآوله قفــل الكتاااب : دحين بللهي وجهك وجه وحده تبى تفهم
شادن ضحكت : قلتلك ماابى افهم خلاص
مروان هرج بجديه : ومتى يعني تبى تفهمي
شادن سحبت الكتااب قدامها : عادي مو لازم
مروان : تراكي مره مستهتره
شادن طالعت فيه بنص عين : مالك فيا
مروان لسه كلامها مو راضي يخرج من راسه : دحين في شي ابى اعرفه
شادن : اللي هوا ؟
مروان : لما حكيتيني عن حبيبك دا وشوفتيه مع بنت وكدا
شادن كشرت من السيره : طيب ؟
مروان : انتي كيف تروحيلو لبيتو ؟
شادن : عادي بس كان بيوريني شي
مروان مصدوم : كييف عاادي انتي رايحه لبيت واحد مافيه غيرك انتي وهوا ماتخافي على نفسك
شادن : واثقه فيه _ بردة فعل سريعه _ كنت واثقه في
مروان هرج بصرااحه جارحه كعادته : ماتوقعتك مره كدا
شادن استغربت وبان في ملامحها : كيف يعني ؟
مروان : يعني في ناس تشوفيهم من براا تحسبيهم شي بس لما تتع _ سكت وحاول يدارك نفسسه بس قدو رماها _
شادن ولا حتى رمشت كانت تبااه يكمل كلامــه : كملل
مروان ابتسم باإحراج : خليني اكملك شرح _ مد يدو بيااخد الكتااب _
الا شادن اخدت كتااابهاا من على الطاوله وحطتو في حضنها
اول مره يشووفها بدي الهجووميــه
نظرااتها بس فجعتـــو حس انها حتنفجر عليــه شدت على كلامها : قلت كممل
مروان : بمززح معاكي لاتاخدي بكلامي
شادن : ايش طلعت دحين ؟
مروان بان الاحراج كلو بوجهه مو عارف ينقذ نفسو من دا الموقف : انا اسف مو قصدي شي انو ل
شادن مره انقهرت اتذكرت حبيبها اللي خانها وكيف كانت هبله معاه بس مو لدحيــن
تكره الثقــل اللي عايشه فيه الين
والكلام اللي ترميه رودينا وماتحس باأحد
تكره اسلووب الين في معامله بعض النااس
بس دوبها فهمت انه بعض الناس مايمشو الا بدي الطريقه
: عارف انا الهبله اللي اعطتيك وجه من البدايه كآن خليتك تطالع عليا من بعييد احسن لك واحسن لي _ وقفت _ بس مو غلطك ترا دا كلو غلطي لأني نزلت مستوايا لناس ماتستاهل _ شمقت بوجههوو وومشيت _
قام من مكااانه بردة فعل سريييعه وجا قباالها : شادن شادن دقيقه لاتفهميني غلط والله
شادن علت صووتها وقالت باإصرار : مرووان ابعد عن وجهي لاتخليني الم الجامعه كلها علييك
مروان : شوفي ا
شادن ماتبى تسمع شي رفعت صووتها اكتتر وكل اللي حولينهم طالعوفيهم :قلتتت ابععععد عني
مروان طالع حولينه والشباب والبنات اللي طالعو فيــهم بعد عنهاا وخلاها تكمـــل طريــقــها

اما هوا اتــوجه لأصحابه اللي شهدوو الموقف اللي سار
جللس على الدررج ...
والتلاته ساكتيـــن
واحد منهم اتشجع وهرج حمد: ياحمار وش قلتلها عشان تسوي كذا
مروان : كالعااده انا ولسااني اللي ماحس فيييه
محمود : هوا انتا مش عاايز تحاسب بئا دنتا بالعافيه ئدرت توصلها
مروان : إيش اسووي يعنني ماهرج ولاكييف
حمد : حااسب ماتعرف تحااسب شوي على كلامك
مروان بقلة صبــر : ماااعرف ياأخي حااولت وماقددرت
حمد : وش قلتلها ذحين
مروان قلهم ايش قال لشادن ...
محمود : خربتها ياعم
مروان : حتى انتو مافهمتو قصدي انا بقصد لما كنت اشوفها مع دا القرووب وكيف هما عايشين صح كانت تعجبني بس اتوقعتهاا تهرج عن االشوبينق طول اليوم وفين تسافر وفين تجي بس لما اتعرفت عليها مرره حسيتها متواضعه ماتهرج ابدآ عن دي المواضيع ومره بسيطه وتضحك طول وقتها وعلى نياتهاا مره
حمد : وليش ماقلتلها كذا واصلا انتا فتحت الموضوع بوقت غلط
مروان : عارف اني فتحتو بوقت غلط كنت بضيع الهرجه لأني مصدوم من خرجتها لبيت حبيبها وانو شي ايزي خربتهاا وبعدين انا وقفت كلامي لأنه خوفت انها تحسبني احببها وانا مابى دا الشي
محمود : نعممم ؟؟؟ هوا انتا عاجبك الوضع داا مجرد فرندز وبس
مروان : انتو عارفين اني مافكر بالحــب
محمود وقف : ياااعمي رووح بئااا ولا بللي عملتوو عشاانك
_ رااح _
ومروان ضحك
حمد : يعني قلت للولد يدبرلك رقمها ولما اعطاك هوا تقول مابي احبها اجل وش تبى تسوي معها
مروان : اووه منكم محد فااهمني
حمد : بكلامك الزايد ذاا حطير كل الناس من حولينك _ وقف _ عندي محاااضره
سابو حمـــد ومرووان جالس لوحدهـ
ارتبك في كلامو لأنه خاف تفهمو غلط مو عارف نهاية لسسانه دا ايش





بعـــد الجـــآمــعه ...
ركــب سيــآرته اللي تلفت جميــع الانظــآر واتــوجه لبيــته بدون ماحس اتوجــه لقصــره بس ادارك نفسسه
فس نص الطريــق ورجع اخد اللفه واتــوجه لبيت جـــآســـم ..


وقــف سيــآرته عند الفــله الصغيــرهـ نزل من السيــآره وهوا حامد ربــه ماشاف اليــوم راما في وجهه
فتح باب الفله ودخل
صووت الاغاني المزعــجه في كل البيتتت عقد حوآجبه وقفل الباب دخل الصالووون
وفي بنت مع جــآسم والدخاان منتشر بالجوو
جاسم لما انتبه لأسامه رفع يده : قوى اسامه تعال ويانا
اسامه كشــر : بروح انااام _ اتوجه بس للمطبخ ياخد قاروره موويــآ وعينه على جاااسم اللي في يدو إبره
وشكلو نااوي يضرب هروويــن مره انفجع مايحب دي البلاووي قفل التلاجه من غير ماياخد حتى الموويا نسيهاا
طلع غرفتــه وجللس فيهاا انتبه لصورة امو على الكومدينـه
ملامحو لانــت وهوا يتأمل امـــه
نفسه يعرف فينها
كيف عايشه ادا كانت اصلا عايشـــه
ليش مارجعتلو
مايقدر يقوول ماتباه
يعرف انها تحبـــه
بس عاارف ابووه دا ازا ماكان مهددها انو يقلب حياتها لو جاات دبـــي
مرر اصابعه على الصوره القديمـــه واللي مشقووقــه
كآن نص الصوره اببوه فيها كدا شقهاا وخلى بس امـــه وهواا 


فــي الجـــآمــعه كانت جالسه على الدرج لأحد مباني الجامعــه
وفي شباب بيطالعو فيــها ويضحكـــو استغربت من ضحكــآتهم ونزلت راسها على الكتاب اللي بيدها
وحاولت تشغل نفسها بالقرائــه
بسس ماقدرت ضحكاتهم مستمره ... رفعت عينها عليهم وشدت على حوآجبها وهيا تحاول تهرج بشجاعه شويتين : في شي يضحك
وهنا زاااد ضحكهم اكتــــر ...الضحكه جدن مستفزهــ : لا سلااامتك كمللي كملي قرائه
عينها على الكتااب بس عقلها معاهم اصلا فتحت الكتاب لأنها مرتبكه وتبى تنشغل عنهم
ولا قرأت ولا حرف منوو
الولد بتريقــه : ياشباب الكتاااب مقلوووب ولابيتهيألي _ مد يدوو ويضرب كفو بكف صاحبو اللي فرط ضحكك _
وصاحبه التاني يكمل عنـــه : ايش بك تراها مركزززه ولها ساعه تقرأ

انتبهت للكتاب اللي ماسكتوو من اول ومقلـــوب ببيدها قفلتو بصربــعه وحطتو على الدرج
بلعت ريقها اكتر من مرهـ
وهما زاااد ضحكككهم مستفزززين ومحششين وماعندهم شي يتريقو عليــه غيرها
ماقدرت تستحملهم شالت شنطتها وكتبها واضطرت تمشي من قداامهم الا وااحد مد يدوو ونغزها بخصرهاا
وهيا هناا زادت خطواااتها بخووف وصدمت بواحد قدامها وطاحت كتبببها
نزلت تلمها ودمووعها في عيـــنهاا
والولد ساعدهاا وشاف كيف وجهها محمــر : فيكي شي ؟
اخدت كتبها وقامت والولد في يده كتااب لها : لا
مد يدو بيعطيها الكتاب وانتبه للشباب اللي بيطالعو فيها : بيأزوكي ؟
راما ماصدقت تستنجد في احد اشرت براسها : اييوا
الولد طالع في الـ 3 شباب بنظرااات كلها استحقــآر الا هماا مشيوو وراحو يدورو على احد يتريقو عليـه
اعطاها كتابها : ماتعودتي يعني على دي الاشكال
راما : لا ولاحتعود
ضحك عليها : شكلو كان باد دي
راما اخدت كتابها : ايوا مرا
: انا مروان
: راما
مروان : على فين رايحه ؟
راما : المكتبـه
مروان : حتى انا اجي معاكي ولا فيها احراج ؟
راما : عادي
مشيــت وهوا مشي جمبــهاا
مروان : دايما يوم الاتنين احسو مزفت
راما ضحكت : شكلو يومك برضو مو حلو
مروان : تقدري تقولي كدا
راما : ليش ؟
مروان : عشان لساني دايما ينقط عسل
راما ضحكت : هههههههههههه وعلى مين اليوم نقط عسل
مروان : وحده كنت معجب فيها
راما : كماان معجب فيها المفروض تحااسب
مروان : ماعليناا
راما : تقدر تتأسفلها لو الكلام زعلها يعني
مروان : مشكلتي ماعندي خلفيه عن البنات يعني ماعرف اتعامل معاهم
راما : شوف ابعد عن التعقيدات وبكلمتين ترانا نرضى قلها ماكنت اقصد انا اسف
مروان زفر : لا مو على كدا اقدر اهرج بس ممكن اخبص بالكلام وازيد كلمتين كدا مالها داعي اخرب ام الموضوع
راما ضحكت من قلبها علييه وعلى معانااته باين انه متعقد من نفسسه : الله يعينك على نفســك
مروان حسها طيبه قال باإسلوب فيه ترجي : هيلب ميييي
راما زادت ضحك : مو من جدك
مروان وقف مشي : لا والله من جد بهـــرج انا مره احب اجلس معاها ماتتخيلي قد ايش بس دايما اخبص الوضع
راما : تحبها
مروان : لا مو حبب جست فريند
راما مافهمت اعجاب وبس اصحاب ! : يعني الاعجاب ماحيجي بعدو الحب
مروان : انا مافكر بالحب
راما ماتناقشت اكتر في الموضوع : وكيف اقدر اساعدك
مروان : مدري حفظيني كلام اقولها هوا حيرضيها
راما :هههههههههه مو من جدك
مروان رفع كتفه : مافي غيرو
راما : اول شي فهمني كل اللي سار بينكم وبعديــن اقولك ايش تسوي
مروان : اوكـ اسمعي .... 

وقــفت قبــآل القــآعه الصغيره اتذكرت اخر شي قلها هوا " إزا خرجتي من دا الباب مالكي رجعه "
بلعت ريــقهاا تحس نفسها غبيه لما سابت المكــآن
بس خافت هتان يشوفها بعديـــن بس رجعت لضروره
كانت دوبها بتفتح الباب الا انفتح الباب وهوا مكشششر وبااين العصبيه بوجهه
انكمشت على نفسها ورجعت على ورى : نزاار _ بخوف _ قصدي استاز نزار
وقف قبالها وماخرج من فمو اي حــرف وبعدها قال بتردد ولعبتو دي المفضله : ايوا ؟
رنيـم شبكت اصابيعها في بعض :انا عارفه انك قلتلي مارجع لو خرجت وانا خرجت بدون ماسمع لك اي كلمه بس انا _ سكتت لثواني وبعدها قالت _ اسفه انا مره محتاجه اني ارجع لهنا ومستعده اتعلم من البدايه

ماعرف ايش يرد عليها قال بتردد : وانتي ايش تتوقعي اقولك دحين ؟
رنيم ماتوقعت يهرج بتفااهم : ترجعني وتعلمني
: خلاص اعتبري نفسك رجعتي بس لاتعيديها
رنيييم مره اتفاجأت ... اشرت براسها بطاعه : ان شالله _ قالت بحماس غير عادتها_ خلاص دحين نبدأ ؟
: اوك بس بروح اجيب غــرض وراجع
ابتسمت برااحـــه : طيب

هوآآ رآح للقـــصر دوبــه بيدخل إلا نااداه اخوه : مااازن
مازن دار : نزاار كويس لقيتك
نزار : في شي ؟
مآزن : في وحده لقيتها عند القاعه وتحسبني انتا المهم مشيت معاها وقلتلها ينفع ترجع مدري ايش ساير بينكم بس زبطت الموضوع لاتشيل هم
نزار كاان جالس عند المسبح وبيههرج مع سهاد : سهاد شويا اتصل عليكي _ قفل منــهاا _ ووقف
: انتا تبى تجلطني
مازن رفع حاجبه باإستغراب : ليش
نزار قرب منه وقال بعصبيه : كممم مره اقوولك لماا احد يلخبط بيننا تقووله انك مو انا
مازن : ماكان فيا حيل وبعدين زي ماقلتلك عدلت الوضع بينكم
نزار : لا يااشيخ
مازن من نبرة نزار عرف انو جاب العيد بس يبى يستفزو : اييوا وقلتلها مايسير خاطرك الا طيب
نزار عقد اياديه لصدره : اييوا وايش كماان
مازن بكدب : هرجنا كتير وضحكنا مع بعض مره البنت دمها خفيف بس قلتلها لاتعيدي حركتك مره تانيه
نزار : لا ماشالله كويس انك قلتلهاا لاتعيديها
مازن : افا علييك اعتمد عليا لاتشيل هم
نزار بيهرج وهوا نفسسه يضربو بس ماسك نفسسه لدحين : والبنت شكلها كيف ؟
مازن : مبهدل كدا كأنها شحاته كدا صعبت علييا فاقلتلها خشي القاعه
نزار : وودا كلو وهيا تحسبك انا ؟
مازن ضحك بثقه : اكيييد ماحبيت افضحك
نزار شد على الكلمه : اهاااااا ماحبيت تفضحني امس حرقت صبااعي وسكتنا واليوم تتصرف من رااسك و
مازن قاطعه وحط يده على كتف نزار : خلاص لاتكمل الاخوان لبعض يانزاار
نزار بعصبيه دف يده مااازن : اخوووان ايييييش الله يحرق الاخوان اللي زيك
مازن بعد وهوا يضحححك على نزاار يعشششق يستفزوو

اما نزااار سب في مازن ليـــن ماقـــآآل بـــس .. اتــوجه للقاعه اللي قبال القصـــر

فتح البوابه وهوا ناوي يقولها دا اخووويــآ ومالك مكاان هنــآ مايحب احد يكســر كلمتــه
بسس اول مادخل لقاها تــرقصصص وفاتحه الاغاني ورافعه شعرها
انتبه لشوزها حاطتــو على جنــب ..وقف في مكــآنه ثوواني
ويفكــر " هيا محتااجه فلووس وانا محتــآجها عشان اسامه " أمري لله زفر وقفــل الباب ورااه
وهوا يطــآالع فيها وهيا بتــرقص بتسوي الخطوات اللي علمهاا هيــآ
شكلها ناويه تبدأ من جـــديــد معاااهـ
ابتســم لما انتهت الموسيقــآ : كوويسس
دارت عليــه مفجووعه : انتا جييت
نزار مافيه حيل يشرح : ايوا جيـت
رجعت بعض شعرها ورا اذنهاا : نبدأ ؟
نزار باأخلاق مقفله كعادتــه : اجل ايش نسسوي نتفرج على بعض
رنيـم " ايش بو دا دوبو كآن مرووق " : انا دحين قلت شي ؟
نزار رفعلها حاجبه لها بدون مايرد _ اخد الريموت وفضل يقلب بالاغااني _
وهيا كشرت ( مالت شخص متنااقض )

مــرت عدة ساعات وهوا يدربــهاا ليـــن 12 الظهر مسكت ظهرها وهيا تتنفس بصعوبه
: خلاااص تعبببت
نزآر : باقي سااعه ونخلص
رنييم جلسست عل ارض وهيا خلاص مو قادره اصلا تووقف قالت بصوت متقطع : مااقدر مااقدر
نزار قرب منها ومد يدو : قومي خلاص حخليها نص ساعه
رنيم رفعت راسها وهيا تمسح جبينها بتعب : خلاااص تعباانه والله
نزار لساته ماد يدو ومصـــر انها تقووم : قلت نص ساعه
رنيم : ولا خمسسه دقاايق
نزار رفع حاجبه مفجوع من ردها وقتهاا بعناد اصر انها تقووم : رنيـــم قلت قومي دحيين ولكي سااعه حتتدربي فييها
رنيم عيونها كلها ترجي وصوت تنفسها يدل على تعبهاا : ياربي انتا ماتحس ليا 3 ساعات وانا بدرب انهد حيلي والله
نزار ماهتــم شغل موسيـقا وامرها بكل حززم انها تقووم : باقي ساعه قووومي
رنيـم مو شغله عناد بس تعبت مو بيدها تقوم ترقص وظهرها ورجلها توجعها ! : نزار والله تعبانه بحلفلك
نزار ساكت ويطالع فيها
رنيم انتبهت لنفسها : استاز نزار
نزار : وبعدين معاااكي لمتى حستمر بتصرفاتك دي انا محددلك وقت تتدربي فيه وماحيخلص تدريبك لين مايخلص وقتك
رنيم : بس انا بديت قبل وقتي بساعه يعني دي الساعه المفروض اخلص فيها
نزار افتكر انها جات قبل موعدها بساعه وصح بدأو على طول بس جوابها استفزو اول كدا بيطلع عينها : الساعه اللي اتدربيتها اول ماجيتي مالي فيها انتي اللي حبيتي تدربي داك الوقت اما وقتي اللي حاسبلك هوا لساته مانتهى
رنيــم شافت الشياطين تنطنط قدامها مدري ليش جات صوره في بالها وهيا ماسكتو بركنيه القااعه وتدبجو على بطنوو لين مايقول بسسس
عــدت ليين عششره وهيا تطالع فيه بنظرااات تهديـــد ووعيـــد وكل شي
اما هوا مادى اهميه لنظراتها بس عاد الموسيـقى واشرلها براسه يعني تقووم
وقفــت ودوبها بتبدأ الا دق جوآلــه واول ماشاف المتصل قفل الموسيقا ورد : ايوا ياقلبي .. انشغلت والله دقيقه بس _ وجه كلامو لرنيــم _ ادربي انا رايح _ رجع حط الجوال على ادنو _ انا جيكي انتي فيين
رنيـم مره انقهرت ومن يوم مادار ظهره هيا قبضت يدها ورفعتها بالهوا وهيا نفسها تضــربه
لمحها بالمرااايه فنجل عينه وطالع وراه وهيا نزلت يدها بســـرعه
طالعت بسقف ولا كأنها مسويه شي
اما هوا ماكان عنده وقت يعللق بس ناويلها نيه على حركتها دي خــرج من المكــآن وهيا جبتلها قاروره مويا
وسندت جسمها على الجدار : قال ادرب قااال مره عايش اللحظه الملـ**** دا




اما في القـــصــر ...

دخــل يدور على يــزن لقااه نايم علـ كنبــه في الصآلوون وبااين الارهــآق في وجهه
منســدح على بطنـــه ويده ممدده براا الكنبــه ..
جلس على الكنبه اللي قباله وهوا نفسسو يهبــدو بس كان يبااه يقوم ويتفااهم معااه
مايبى يتســرع ويتضارب معاه
حاول كدا مره يطلع مبرر للي سواه يزن ومالقى شي مــرت علييه ربــع ساعه وعينه على اخووه
وفكره توديه وتجيبـــه ...

يـزن نايييم ومو حاسس باأي شي حوليه رجع من الجامعه تعبان وحتى مافحيلو يطلع لغرفتــو
من بعــد دآآك اليــوم وهواا يجيــه كوآبيــس ومايقدر يناام عــدل

في نفــس المكـأآن وعلى حآفه الهاويه
المكاان مظلللم مافي غيره والولد
و مااافي اي صووت غيــر صوت بكىى الوولد اللي رماااه
ويصــرخ بكل صوووتـــه : انتاااا قتلللتني
يزن ماكان يقدر يتحرك من مكــآنه يطالع في الولد مفجووع
من بكاااه وتألمه : اهلي كل يووم يدعوو عليييك ضاعوو من بعـــدي __ قرب من يييزن _ ذنبي في رقبتتك _ وحط يده على صدر يزززن ودفااااه _
يزززن برده فعل سرريعه رفـــع جسسسمه من على الكنبـــه طالع حولينو يمين يسااار وبعدها ارتاااح
ماازن انفججع : يززن ايش بكك
يزن صوت تنفسسسه كآن مسموع في الغرفه كللهاا
صوت الولد يحسسو براســـه لسساته قام من على الكنبه واتجااهل سؤال اخوه
كان بيعدي من عند مازن عشان يخـــرج إلا مازن وقف قباله ولما مارد عليــه دخل في موضوع رودينا : فهمني ايش اللي سويتو اليوم
يزن مو فااايق : ماازن ابعد
مازن اصر على اسنانه : ترا احمد ربك اني بهررجك لدحين وماسويت شي تاني
يزن حاسس نفسسه مخنووق من بعد الحللم داا : مو وقتك
مازن رفع صووته وقال بعصبيــه : ايش البروود داا اللي عندككك يعني لو ماتحبهاا ليش لمستهاا طيب
يزن رفع شعره عن وجهه : مازن مالك بللي سار
مازن واقف قباله بتمااام وكلهم بطوول واحد : لا ليييا انتا ماشوفتها كيف تبكي زنبها في رقبتتتك علي سويتو معاها اليوم
يزن بس لما سمع كلمه " ذنبها في رقبتـك " اتذكر الولد دمووعــه اتجمعتت في عيــنه
مخنوووق
كاره نفســه قال بكل ضعف : مازن خلاااص وربي تعباان
مازن مره انفجع من نبرة صوتو .. ملامحه الجامده لانت بخوووف ونسي هرجة رودينا : يزن ايش فيييك
يزن كان يبى امه عشان تحس فيــه بس عارف محد حااسس فييه زي ماازن
وبنفس الوقت مو قاادر يقوله ايش سوى
نزلللت دموعــه على خــده : ياريتني ماروحت يومها
مازن مفجوع : فيين ؟؟ يزن اهرج عددل
يزن مو قادر يهررج قرب من اخووه وحضنــه وبكي
مآزن مره انفجع حاسس بخووف اخووهـ
بس مو عارف السبب
مــرت دقااايق وييزن يبككي
مازن كلمع مفجووع قليله علييه اول مره يشووف يزن يبكي بدي الطريقه : يززن قولي ايش صاااير
يزن بعد عن مازن ومسح دمووعــه مايبى يهررج : ولاشي خلاص
مازن باإصرار : عارف انو فيي شي اهررج
يزن عيونه حمــره وجهه مصفــر : ماازن ترا ماليا نفس اهررج بس اعرف شي واحد اخر همي دحين مشااعر روديننا مو فااايق لهاا _ بعد عن ماازن وخــرج من الغـــرفه وهوا تعبببان نفسيـــآ _
مازن بعد بكى يــزن ماهتم لمشااعر رودينــآ زي ماخاف على اخوه
وعارف انو في مصيبه
حس نفسسه هوا التاني قلــب وماله نفسس يهرج مع احــد


اما يـــزن ضاايع في تفكــيره
يطلع الدرج وهوا يفكــر باأهل الوولد ..اتجمعت دموعه في عينــه
وهوا يتخيــل لو انو واحد من اخوانه زي كدا سرله ومادرو مين اللي رمااه
شي يــحرق القـــلب
اخر فكره جاته انو يرمي نفســـه من نفس الممكــآن ويرتاااح من تئنيب الضمير داا
ماسااار يقــدر ينآآم
سياارته غيـرهاا عشان لايتذكـــر
رودينا جاته فترة بعد عنها لأنه لما يشوفها يتذكر اللي سار
كل شي غيره عششان ينسى
بس ماقـــدر ولا حيــقدر
صعـــب تعيـــش وانتا قاتـــل نفس ومحــد عااارف
دخـــل غرفتــه وقــفل البــآب
جللس على كرسيــه وسند راسه عل كرسي غمممض عيــنه يبى يخـــرج الموضوع من راســه غفى لخمســه دقاايق
وفتح عيــنه لما حس يده تحـرقه
رفع اياديه الثنتين وتــرجف بشكل مو طبيعي فركها ببعضضض وحسس انها محمرره زيااادهـ
رجع طالع فيــها لما خفــت
مو عااارف ايش دا اللي حس فيــه وليش كدا يده بتــرجف
بس جا في بالو الحلم اللي يتكرر في راسه له كم اسبوع " اهليي بيدعو عليــك "
رجـــع يبـــكي من قلبــه على نفســـه
خايف يفتح فمــه ويهرج ويروح فيــها
وبنفس الوقت مو قادر يستحمل شي مكببوت فييه زي كدااا

تــلوثات من مصــنع القــلب ♀♂

جــآآلـــس في افخـــم شاليـهـآت دبـــي ...رافــع رجلــه على الطاوله اللي قباله وبيــشرب مشروبه المفضل
واجهة الشاليه كلها قزاز بيتفــرج على البحــر وشااارد باأفكاارهـ
قاطع تفكيــره لما جلس وضاح جمبــه وهرجــه : كيف تكلم ابوك بدي الطريقـه
اياد طالع فيه ورجع طالع بالبحر : متعود
وضاح : مايسير ياأخي دا وهوا طيب معاك ومايرفضلك طلب
اياد : كنت اول اعاملــه اخس بس دحين اتعدلت كتير
وضاح : والسبب ؟
اياد حكاه : فاكر قبل سنــه لما جيت هنا
وضاح : ايوا
اياد : بعد ماسافرت سارتلي مصيبه جات سياره شكلو صحبها سكران ولا مدري ايش حكايته يجاكرني وانا اتشتت بسواقه وصدمت بنت
وضاح فتجل عينه وهوا اصلا مو داري عن دي الهرجه : وايش سرلها
اياد : لا كويسسا الحمدالله وقتها انسجنت شهر يمكن وابويا قلب الدنيا وخرجني
وضاح : وانتا اتعدلت من بعدها مع ابوك ؟
اياد : اهل البنت ماكانو حيتنازلو عن اللي سار
وضاح : مو قلت انها كويسا
اياد : دحين كويسا ابويا عالجها على حسابه وهما اتنازلو وقتها
وضاح : اول مره ادري عن دي الهرجه
اياد : والخافي اعظم
وضاح ضحك : كدا يكفيني
اياد ابتسم : بس ياسيدي من بعدها اتعدلت شويا معاه
وضاح اخدلو حبت سجاره وولعها : ولي دا كلو تعديــل وليش اصلا تعامل ابوك بدي الطريقه
اياد اتمطع ولا رد عليــــه ..
من بعــد اللي سوااه ابووه قبل سنه وكيف ساعده واترجى اهل البنت
يحــس انو حقيـــر بمعاملته مع ابووه
بس لما يتذكر حقيقة ابووه يرجع يحقــد عليــه ..


القصــه اللي مايدري عنها اياد واللي سارت قبـل سنـــه بتمــآم من ورااهـ....

اياد كعادتــه لما يجي دبــي مايتصــل باأهله ولا يقولهم انه جاا
الا يومــها اتصل على ابــوه وطلــب منــو مبــلغ كبيـــر وانو يحجزلو 4 غــرف في احد الفنادق الفخمه في دبي ..
وغيـــر طلبآتــه البقيــه اللي ماتخــلص اتأمر اتأمر اتأمر وقفــل وكأنه يكلم خدآآم عندهـ
ابوه ارسله رساله باإنه مايقدر يسويلوو شي ..فاتصــل اياااد وهدده ورخى بوجهه

في المكتـــب رخــى التلفوون وهوا معصـــب من الوضــع اللي هووآآ فيــه
جلس على كرسيــه الكبيــر وهوا مايقدر يستحمل الاهانه بعد اليـــووم
ولده صح بس شركاته ومكــآنته في دبي اهم من كــل شي
الولد بنسبه له يتعوووض
بس الفللووس ماتتعووض
لمتى حسمع تهديداته واسكـــت
لمتى ولدي حيتحكم فيــا
الشيطااان عمــآهـ
والفلووس تغيـر نفووس البشــر
رفــع التلفوون ودق الارقام وهوا ماحيتراجع عن قرارهـ
قال بكـــل قساااوة قــلب : معتز اياد في شاليــه **** حيخرج بعد نص سااعه
معتز : ايوا ؟
ابوه سكت للحظات وبعدها قال وهوا يقسي قلبو اكتــر : اباااك تاخد الشاحنه وفي الطريق السريع شوف شغلك
معتز بلــم مايدري هوا سمع ولا ماسمع مو مصدددق انو في اب يسوي كدا قال بكل فهاوه : ايش ؟
ابو اياد : اللي سمعتوو رووح شوف شغلك من غير اي نقااش
معتز ولا كلمه نطقهاا حاطط جواله على اذنه ومبلم عل اخيير
ابو اياد : معتز ؟
معتز حس نفسسه هوا اللي بيبكي قال باإرتباك : بسس
ابو اياد : لاتبسبس سوي اللي طلبـته
معتز بلع ريقــه وقال بتردد : حــآضر
مهما كآنت طلبات ابو اياد لمعتزز كان يسوويهاا
بس ماتووقع انو في نااس يووصــله لدي المواصيـــل
داا ولدهـ ...!!!
بسسس سوى زي ماطلب منــه رئيســه ركب الشاحنه ولحــق سيااره اياد حاااول يجااكرهـ
ويشتته عن السواااقــه بس طلعت فجأه بنت في طريــق اياااد وصدمهاا
ومعتـــز من الخووف شخط الطـــريق وشــرد ....

وهنــآ ابو اياد سوا نفســه الاب الحنوون اللي مايرضى لولده يقــعد بسجــن وحيسوي المستحيل عشان يخــرجه ..

نــرجع للشــآليــه ...
اياد وقــف ودوبه افتكر حاجه : عندي شغله بسوويها
وضااح : على فين ؟
اياد : لما ارجع اقــولك
وضاح : اوك انا كمان رايح لأمي اجلس معاهاا كم ساعه كدا وبعدين رايح على الشركــه
اياد سحب تيشيرتو على تحت : اووكـ سلام _ اخد السويتش ونظارتو الشمسيه من على الطاوله وخـرج _
ركــب سيــآرتــه واتــوجه للمكــآن اللي كرهوو بس عــرف شخــص فيه مره طيب
وهوا بيحكي وضاح جاا على بالـــه ونفســو يشوفو
طالع بســآعتــه ولا اخد تلت ساعه منو الطريق الا وصـل
وقفــ السياره ... وكآن موعد الزيارات



جــآلس بزنزانتــه على سريرهـ الصغــيـر...مدد جسمــه على الســرير
وزفــر بضيــق
جااهـ الشرطي قبــآله : ناادر سليــم عندك زااير
ناادر جلس مفجوع اخر مره جا احد يزوره قبــل 4 سنوآآت !!
قال بشك : انا ؟
الشرطي باأخلاق مقفله : بسسرعه اتحرك قدامي
نادر قاام وباين على ملامحــه الاستــغراب (( مين يكون جا ؟؟ ))
يمشـــي وهوا يجي في باااله الف شخــص وشخـــص
بس اول مادخل الغرفه وشــآف ميين اللي جااا
رفع حوآجبه باإستغراااب ومره انبسسسط مره ماجااه على باآآآله انو ممكن يجيه او يفتكـــره
رااح سلم عليـــه وبااينه الفــرحه في عيــنه : ايااد والله مو مصدددق
اياد ضحك : وربي دايما تجي في بالي واقول حجي ازورك وانشغل
نادر جلس على الكرسي واياد جلس قباله : فيك الخيــر والله
اياد اختفت الابتسامه من وجهه : ايش بك كدا سرت
ناادر : تعببت ياإياد
اياد : لساتك على وضعك ومو عارف شي ؟
نادر : وكل مالو بيتعققد
اياد : كم باقيلك سننه
نادر ابتسم براحه : باقيلي 4 ايام
اياد فنجل عينه : امااااا
نادر ضحك كان نفسه احد ينبسط معاه بس محد اداه اهتمام : وربي
اياد لساته مو مصدق : لا بتكزززب
نادر : هههههههههههههه وليش بكزب يااشيخ وربي مو قادر افررح ابى اخررج احس نفسي بحللم
اياد يمطمط بكلامه ومره مبسسوط : يحقلللللك ياااشيخ لو اني مكاانك كان رقصصت طوول الييوم
نادر : نفسي مسدوده واحس قبل لاأخرج حيسير شي واكمل كم سنه كمان هنا
اياد كشر : فاول خيـــر
نادر : هوا انا شوفت الخيــر
اياد : اقووول عن دا الكلام اول ماتخرج حتكون سياارتي برا مستنيتك وافرفرك بكل دببي اوريك الحريــه
نادر : هههههههههههههه _ قرب للطاوله ونزل عينه عليها _
اياد : ايش بك
نادر زفر : لاتطالع فيا باإستغراب بس من زمان ماضحك
اياد : ايش بك سرت مكتئب كدا ؟
نادر : 11 سنه يااياد انتا جلست هنا شهر وماقدرت وكنت حتجنن كويس اني بعقلي لدحين
اياد حس فيــه : اهلك فينهم
نادر : مدري ماسئلو عني حتى اصحابي لهم 4 سنين مايجوني خلاص تعبو
اياد : ماعليك انا فيي واهلك اكيد ساير شي معاهم
نادر قال بغصه : 11 سنه ايش حيكون ساير معاهم ؟؟!
اياد ( من جد ) : تباني اشوفلكك هما ولاشي ؟
نادر : لا كلها 4 ايام واروح اشوفهم
اياد قال بتردد : وامك ؟
نادر كشر وسكت
اياد غير الموضوع : خلاص ماعلييك افرررح دحيين 11 سنننه مررت وبقي منها 4 ايام
نادر ابتسسم : تمشي مره بشوويش
اياد : هههههههههههه شي طبيعي تمشي بشوويش متى حتــخرج
نادر : بظهــر
اياد :كوويسس
نادر حرك راسه :ايوا 

تــلوثات من مصــنع القــلب ♀♂

في قـــآعة الرقــص مرت عليــها سااعه ونــص وهيا جالســه في المكــآن ...
طالعت بساعتها البلاستـــك ..بقي ربــع ساعه وتبدأ شغلها وتبيع الخضــآر ..
فتحت باب القــآعه لقتــو واقف ومدخل يده في جيبــو وباين انو في عالم تااني
راحت لحده : نزار
طالع فيها وعقد حوآجبــه
رنيــم : متى تباني ارجــع
يــزن : انا مو نزار
رنيــم سكتت لثواني وبعدها ضحكت : بللهي
يـزن حس ضحكتها تريــقه وكأنه مجنون مو ناقصها دي التانيه : ايش تبي ؟
رنيـم وقفت ضحك لما شافت ملامحه الجديه : متى تباني اجي في الليل
يزن بتصريف : لاتجي
رنيــم رفعت حوآجبها باإستغراب من رده : متأكد ؟
يزن طالع بلبسها واتقرف : ايوا
رنيـم ابتسمت : كوويسس
يزن ولا اعطاها وجــه قطــع الطريــق وراح للقصــر
رنيــم : مالت عليه هوا واسلوبه داا _ اتذكرت لما قال انا مو نزار ورجعت تضحك _ وربي اهبببل ومايعرف حتى يمزح
تــلوثات من مصــنع القــلب ♀♂

خــرجت من الجــآمعه وراحــت بيت صحبـتهاا .. دخلت بيتها واتجهت على طوول غــرفتها
دقت الباب كدا مره مافي اي رد .. فتحت الباب ولقتها جالسه على سريرها وسانده جسمها على السرير
لساتها بلبــس الجامعه
الكحــل سايل تحت عيــنها
قفلت الباب ودخــلت راحت لها وجلست على السرير حطت يدها على رجلها : رودينا مو يزن اللي يبكيكي
رودينا ولا طالعت باأليين مماكانت حتى ترمــش بعيــنهاا
الين خافت عليها : روديينا
رودينا بصوت مخنوق : نعم
الين : بليز لاتسوي في نفسك كدا
رودينا طالعت في الين : اليين ليش سوا فيا كدا ابى اعررف بسس
الين : مدري
رودينا : انا احببو صح بس لو سار شي بيننا وسابني ماكان بكيت عليه زي مابكي دحين عارف ليشش
الين اشرت براسها وهيا تبى الجواب
رودينا هرجت وهيا تبكي : لأني حسيت نفسي ولا حااجه كأني بزرره عنده مشااني على قد عقللي كم يووم وقلي حقولهم وانا هبله اصدق واسهر معاااه اخر الليل واهررج جا اليوم التاني وماقلكم عشان انتي منتي فييه ولا بقية الشباب قلت عاادي بس اللي سواه اليوم كتتير ياألييين انا مارضاها على نفسسسي مااقدر اشوفو بعد كداا والله مااقدر
الين قربت منها وحضنتهاا : خلاص ياقلبي سيبكي نوو والله مايستاهل دمووعك انتي عارفه كييف هوا مايهتم في دي الاشياء ليش قربتي منوو
رودينا حطت راسها على كتف صحبتها : لأني هبله وصدقتو دي مشكلتتتتي وانا المفروض اللي اكون عارفتهم اكتر من نفسسي
الين تهديها : خلاص ماعليكي سار اللي سار ماتقدرري تغيريه
رودينا بعدت عن حضن صحبتها : بس اقدر اخد حقي منو
الين : لو بترتاحي سوي اللي تبيــه
رودينا بحقد : حتى لو سويت دا الشي ماحرتااح بس ابى احررق قلببو شوويا
اليــن : ايش تبـــي تســـوي ؟؟!

بــعد انتهـــآء 3 ايام في العزآآ ..
جالســـه على الكنبـــه بدون اي حـــركه ... رفعت عينها على الكنبــه اللي قبالها
واتذكرت مكــآن ابووها ونزلت دمووعهاا
قلبـــها تحسسو يوجعهاا من كتر ماتبكي
مخنوووقه
تحت عيوونها في سوااد بسيـط من قلة النووم والتعب والإرهاااق
طالعت باأخوانها اللي نايمين في الارض جمب بعــض
ودموعها زااادت ... ايش تسسسوي
كيف تتعامل معاااهم
3 ايام كآنو في نااس يساعدوها
دحيـــن مااافي احــــد
كل واحد مشغوول بنفســـه
مالها اقااارب
ماتعرف تتعامل مع الصغــآر ..دق جــرس البيت ..رفعت يدها الساعه 10
قامت من مكــآنها بالقووه
جسمها ضعيــف من غير اكل او شـــرب
اخوها على طول رفــع راســه وقال : ميين
انفجعت حسبتو نايم مسحت دموعها : ارجع ناام
لؤي وقف : خليكي هنا انا بروح افتح الباب
يحــآول قدر مايقدر انو يسوي زي ماقالولو الرجآآل " انو يكون رجال البيــت "
لانا مشيـت ورااهـ ...
فتح باب الفله واتوجه للباب الخارجي وفتحـــو .. : مين ؟
: لؤي ؟
لؤي اشر براسه : ايوا ميين ؟
: عظم الله اجرك
لؤي : جزاك الله خير
: فين اختك لانا
لؤي اشر على جوا : ادخل
دخــل الرجال الكبيـــر بســن ووراه لؤي .. دخله غرفة الضيووف ولانا جاتــه حسبتو جاي يعزيها
: معليش جاي في وقت متأخر
لانا عيونها سهتانه باين كل التعب فييها لابســه تيشيرت اسود وجينز سووده ولامه شعرها على ورى : لا عادي
: شوفي يابنتي انا مقدر حالتكم وعارف انكم بتمرو باأيام صعبــه وليا 3 ايام ماجيت عشان مابى اصعبها عليكم بس الموضوع مو بيدي
لانا مو ناقصه اي هرجه تانيه : ادخل في الموضوع على طول
مره ماعندها اسلووب في الكلام لا مع الكبيــر ولا الصغــير
الرجال : ابووكي عليـــه ديوون وانا جااي بهرج على لساان اكتر من 5 اشخاص
لانا ماعرفت ايش تقول غير كلمه خرجت من فمها بدون ماتحس بنفسها : طيب ؟
الرجال : قبل لايتوفى ابوكي الله يرحمــه هرجت معاه بدا الموضوع وهوا قلي ماعنده شي ملكه غير دا البيت
وراتبه اللي ياخدو كل شهر
لانا رمشت بعينها وهيا تحاول تخفي دموعها ولؤي واقف حمبها ومو فاهم شي ...قالت بصوت يرجف وهيا مقهوره ابوها لسه ماجف ترابه وهما جايين يطالبو بديون : ايش بيدي اسوي ؟
الرجال حزن عليها بس مو بيدو الوضع زفر : انا عارف انو صعب عل
لانا قاطعته وهيا تتكي على كلامها : قلت ايش بيدي اسووي وانا حسويه
الرجال باإرتباك : اكييد عنده فلوس هنا ولا هنا تقدري تردي فيها ديون ابوكي
لانا : وكم الديون ؟
الرجال خرج ورقه من جيبــه وكل شخص كم ابوه اخد منـــو اخدت الورقه وقرأت الارقااام
وماقدرت تعلللق مع الفجعــه لؤي دخل رااسه في الورقه
لانا قالت بصدمه : بابا ايش كان يبى بدا كلو
الرجال : ابووكي كان يلعب قمار

لانا بصدمــــه : ايششش ؟!
الرجال : انا اسسف بس دا اللي كان بيسير وهوا وعدنا انو يرجعلنا مبالغنا
لانا نزلت دموعها وهيا ترجع تقرأ المبالــغ وكلمه " قمااار " تنعاد في راسسسها
ماتوقعت ابوووها له في دا الكــلام ...
الرجال مره حززن : يااابنتي والله عارفه انك بتمري بـ
لانا وقفــت وشدت على الورقه وقالت وهيا تتظاهر بالقوه : لو سمحت قول للي معاك فلوسهم حترجعلهم وبابا ماكان يلعب قماار _ ماكانت تبى تشوه صورة ابوها قدام لؤي _ بابا حطاها في الاسهم وخســر تعال الاسبوع الجاي والفلوس حتكون جاهزه
الرجال وقف وعارف انها كدا بتطردهـ ماحب يكسر قلبها اكتر من كدا : طيب مع سلامه

خــرج الرجال من هنا وهيا راااحت لغرفتها وقفــلت الباب ورجعت تبـــكي والورقــه معاااهاا
ابووها يلــعب قمـــآر
هيا وضــعها صعـــب ودحيـــن سار اصــعب من فيــن تدبرله دا المبــلغ كلــه
دا شي فووق طاقتهـــا بكتيـــر
ايش تسسسوي مع جامعتها
ايش تسسوي مع الدين دا
ايش تسووي مع اخوااانهاا
كيــف تتصــرف من بعــد اليوم وتصــرف على آخوانــهاا ...
مافي غيــر عمهاا ..
اخــدت الجوال واتصلــت عليــه .. قامت من على السرير وهيا رايحه وراجعه بالغـــرفه
وتباه برد بعد تاني محاااوله ردت عليها مرتــو وعــرفت انو عمــهاا في العنايه المركززه
قفــلت في وجه عمتتتها وهيا خلااااص ماعاااد تبببى تسسمع شي تاااني
جلللست على سريــرهاا وبكــت لســــــآعاااات




طفشـــآن وماله نفــس يرجــع البيــت ... مسك جواله ويدور بالارقــآم مين ممكن يخــرج معاه دحيــن
لقــى رقمها وبتردد اتصــل عليــهاا



في احد الكبريــهات اول ماشافت رقمــو خـرجت جري من المكــآن وهيا تبعــد عن الازعــآج ..
ردت عليــه وهيا بشاارع بلبســها الخفيــف : الو
مـآزن : اهليـن
رغــد : اهلا
مازن : ككيفك
رغد : كويسا وانتا كيفك
مازن : تمام بس طفشان ونفسي اخرج معاكي
رغــد عرفت انو بكاش في كلمتو الاخيره بس مشت : وافرض انا مشغوله
مازن : ماتقدري تفضي عشاني
رغـد : ماعندي غيرك يعني
مازن بتريــقه : ماقلنا كدا بس استاهل ترا
رغــد : ههههههههه لاتكون كدا مره واثق
مآزن قلبها ترجي بمزح : طيب الله يخليكي اخرجي دحين معايا
رغــد ضحكت من قلبـــهاا عليـــه وهوا ذاااب على الضحكــه المنحرفــه دي
مآزن : تجيبي اجلي كدا
رغـد حاولت توقف ضحك وتركــز : ضحككتني والله المهم دوبي خارجه من عملي
مازن : هوا انتي ايش تشتغلي ؟
رغـد الكدب شي سهل مرره : ممرضـه
مآزن يتمسكن: طيب اليوم مره تعبااان مايجي تخرجي معايا تشوفيلي حل
رغــد رجعت تضـــحك ومااازن مااات على الضحكـــه
مازن مبتسم : ها ايش قلتــي
رغــد اتــوجهت لبيتها اللي قريب من الكباريه : اووكـ بس اعطيني نص ساعه واجيك عارف دوبي جايه من المستشفى اغير ملابسي واتزبط وجايتك
مازن : عادي انا امرلك
رغــد ماحبت يجي : لا بلاشي انا اجيك قولي بس فين وانا حجي
مازن : خلاص اوك حشوف فين اروح واتصل عليكي
رغـد : اوكـ

قفـــلت منــه ودخلت بيتها مسحت مكياجها الثقـــيل غيرت فستانها ولبست جينز وتيشيــرت عاادي
مسكت شعرها بشباصه وخلتو مفتوح سوت ميك اب خفيــف ولبست نظارتها الطبيــه
وآتوجهت للمكآن اللي حــددو ...
جلست قبــآلو وابتسمتلو وهوا مانتبه حتى انها جلسست كآآآآآن مسرح علـ اخر : اللي ماخد عقلك
طالع فيها وابتسم لاشعوريا : سوري بس كنت بفكر بـ
قاطعته : لا عادي
مازن عقد حوآجبه وهوا يطالع فيها شكت بنفسها : في شي
مازن مد يدو لها وهيا انكمشت على نفســها سحب النظاره من عينها وحطاها على الطاوله : انتي برا المستشفى خليكي كدا
رغــد ابتسمت باإحرااج وقلبها يدق بسـرعه حركات بسيطه بس توترها : يعني مبشعتني
مازن : لا طبعا بس اخرجي من جو المستشفى وانتي معايا
رغـد ماتدري ليش حست انو يقصــد كبريـه قـربت من الطاوله وقالت كلمه بصــدق : حخرج
تبــى تتصرف بعفوويــه وتشوف لفين توصــل معااهـ
طلبــو عصيــراات .. وأخـــدهم الــهرج
مره عجبو طعم عصيــره مد لها كاستــه : مره لزيز
رغـد بلعت ريقها وطالعت في الكاسه : طيب ؟
مازن حرك يده " يعني خدي الكاسه ": دوقيــه
رغـد استصعبت حركتــو دي أخدت الكاسه وشــربت منــها ورجعتلو هيا : لزيز
مآزن رجع شرب من الكاسه وهوا يتلزلز بطعم العصيــر .. وهيا تطالع فيــه ليش الرجال حاقدين عليـه ؟!؟
حستــو بريـئ وعفووي وطيــب وماينكره
وللي موتــرها اكتــر حركااته الغريبـــه اللي تحسسها بحاجات غريبــه
مآزن : دحين انتي عايشه في شقة لوحدك ؟
رغــد بكدب : لا مين قال
مازن : كأني لما كنت عندك لمحت انو بس غرفة نوم وحده و
رغد قاطعته وهيا بتكدب : لا اخويا معايا بس انو مسافر دي اليومين
مازن : اها
رغــد : وانتا ايش تشتغل
مازن : لساتي بدرس
رغـد : اخر سنه ؟
مازن قال من قلبه : ياليت
رغـد ضحكت : كم باقيلك
مآزن : بما اني سحبت على سنه فاباقيلي سنتين
رغـد : يلا هانت الله يعينك _ انتبهت لواحد تقابله كانت بالكبريه في نفس المكان مره خافت يشوفها _
مازن حس باإرتباكها : فيكي شي
رغــد : عاجبك المكان
مازن : عادي كويس ليش مو عاجبــك ؟
رغد : نفسي امشي كدا على رجلي طفشت من القعده
مازن ماعنده اي مانع وقف : اووك قوومي _ حط الفلوس على الطاوله _ وخرجــو من الكافي
كآن الجو مرهـ بـــرد وفيــه رعـــد ..
مازن طالع بسـحب : اتوقع حتمطططر شويا
رغــد ابتسمــت : حلو والجو
مآزن : مرره_ طالع فيـها _ رغـــد
رغد طالعت فيه باإستغراب : نعم
مآزن :اسمك من اللين والطيبه مو
رغـد ابتسمت : ايوا
مآزن : وشخصيتك تعكس اسمك ولا من جمبها
رغـد سكتت لحظآت وبعضها قالت بتوتر : انتا احكم
مآزن : انا ماعرف احكم على احد
رغـد كشرت : مافهمتك
مآزن : يعني دحين حعاملك زي اي وحده اعرفها ليا سنين ماححط بيني وبينك حوآجز وحثق فيكي وحهرج معاكي عن اي شي _ شافها ساكتــه _ منتي قد الثقه ؟
رغــد تحس كلامه كله فيه دق لهاا هيا عن نفسها ماتستاهل احد يثق فيــها قالت : الا
مآزن : كوويسسس ماحب الرسميات مره
رغـد ابتسمت بهدوء غير عن اول بتفكــر بكلامــه
في نااس تظلميهم وماتهتمي
وفي ناااس ماتقدري تغلطي عليـــهم حتــى لو ماتعرفيــهم
نــزل مطــر خفيـــف وفوقها من تفكيـرها
مازن : واخيييراا
رغــد : تحب المطر
مآزن : افكورس
رغــد مدت يدها والقطرات تجي في يدهاا .. وقف مشي وجات في بــآله اثيــر
(( اول مره حتشووف المطــر ))
رغــد : ماازن خلاص برجع البيت اتأخرت
مآزن بدون اي اعتراض : اوكـ
اتــوجه لسيارته وهيا معااهـ : انا حوقفلي تاكسي
مآزن : لا خلاص انا حوصلك
رغــد : لا مالو دااعي _ وقفت على نهاية الرصيــف ووقفتلها تاكسي _ رايح البيت ؟
مآزن بتفكيــر : امم لا عندي شغله وبعدها راجع البيت
رغـد ابتسمتلو : اوك اشووفك تاني
مآزن : ان شالله باي _ رااح لسيااارتـــه واتــوجه للمكــآن _
طالع بســآعتــه 11 الليل ( ماحتكوون فيـــه ... بس دي اول مره ينزل مطر من بعد العمليــه اكيد حتنزل .. وانا إشلي دحيين فيها
| _ كان بيـرجع البيت بس يحب يشوف شكلها اول ماتشوف شي غريب _ ابتسم وهوا يتخيلها وبعدها ضحك _ أكيــد مبسوطه ))
وصــل لعنـد الحديــقه ومالقاهاا . الشوارع فاااضيــــه والمطــر كل ماالو يــزيد
وجه نظروو للعماره اللي عايشه فيها ..اخد جوآله واتصل لأول مره عليــها

فــي دآخل الشقــه ...
اصوووآت صريــخهم مالي المكــآن ... وكعــآدتها تسمعلهــم وسااكتـــه
ام هدى : اثيــر لأخر مره اقوولك طلعات برى البيت ماتطلعي
اثيــر ساااكتــه لها نص ســآعه
اقتكــرت كلام مآآزن " ردي عليها "
قلت بتردد ولأول مره تعصي كلامها : حخرج متى مابى
ام هدى انفجعت من ردها البسيط ورفعت حوآجبها : نعم ؟
اثيـر حست بخوف بس مسكت نفســها وقالت : بابا عارف اني بخـرج وهدى تخرج زي ماتبى جات عليا
ام هدى : لا والله طلعلك لسسسان
اثيـر بتدافع بس بتهرج بصوت واطي : ماقولت شي غلط
ام هدى : قلت مافي طلعه
اثيـر : ماليا لو جا في راسي اطلع حطلع ترا بابا راضيلي خلاص انتي اتحكمي في بنتك _ اتوجهت لغرفتها وبدون ماتحس بنفسها قفلت الباب بقووه _
وقفــت ثواني بالغرفه مفجوعه من نفســها وبعدها ضحكــت
ماتمشي الا بالعيــن الحمراا
جلست على سريرها وهي مرتـآحــه بس كان نفسها تزيد تهزأ
دق جوآلها اخدت الجوال وردت وهيا اصلا مو عارفه المتصل ماتعرف تقرا :الو
: اهلين
اثيـر : مين معايا ؟
: مازن
اثير ابتمست : اها كيفك
مازن : كويسس وانتي كيفك
اثيـر : حمدالله
مآآزن : ايش بك منتي في الحديقه
اثيـر لابسه بجامتها : بنام
مآزن : ماشوفتي المطر ؟
اثيـر بتفاجئ : لا
مازن : اماا مو سامعه دا كلو
اثيــر : هههههه والله مو سامعه اختي هدى فاتحه اغاني بصوت عالي
مآزن : برضوو دا صنج قدو
اثيـر اتوجهت للطاقه وفتحتها : وااااا
مآزن : انزلي انا تحت
اثيـر ماهتمت الساعه كم : دحيين ناازله _ قفلت منو بدون ماتقول باي وقفلت الطااقه بحمــآس ولا حتى غيرت بجآمتــها لبست شووز ونززلت جـــــــري الدرجج _


شافــها خــرجت من العمااره طفى السيااره وخــرج منــها اشرلــها من بعيـــد وهيا جاات لحدوو تجري وتضحكك
مآزن : ههههههههههه نازلتلي ببجامه
اثيـر ببجامتها الفوشيــه : نسيت ماغير _ مدت اياديها في الجوو _ الله مررررره يجننن
ماازن وقف جمبها وماهتم بيتبلبل ولا لأ مع انو يكره يوقف تحت المطر :مو عشان كدا قلتلك تعالي
رفعت راسها لفووق ورجعت نزلتو بسرعه لما دخل بعينها المططر : ههههههههههههه
دخللت وسط الحديــقه وهوا يمشي وراها وهييا ماده اياديها والإبتسااامه مو مختفييه عنها : ماازن مره حللو
مآزن جلسس على الكرسي : عارف
اثيــر داااارت وهيا مغمضه عينها ورافعه راسها للسما
مآزن : هههههههه وربي انك بزره
اثيـر وقفت ومسحت بيدها وجهها عن المويييا : شعوور حلللو
مآزن : طيب خلاص يلا ارجعي بيتك امسس وسط البحر واليوم مطر حتتعبي
اثيـر : عادي _ ضمت اياديها لبعض وقطرات المطر تتجمع فيــهم _ اقدر اشربها
مآزن ابتســم : اشربيــهاا
اثيــر قربـتها لفمها وماقدرت تشرب شي منــهاا
مآزن وقف وجا لعندهاا : بداا يزيد المطر يلا ارجعي البيت
اثيـر : ماابى
مازن : انا الغلطان اللي قلتلك انزلي
اثيــر : هههههههههههه
صـــآعقـــه رعديـه جاات صووت المكأأأأأأآن
اثيـــر رمت نفسسها على مااازن مع الفجعه ومسسكت فيــه
قد سممعت الرعـــد بس ماقد شاافت الضوو دا الغريــب الاتنين جو فجأه فجعوها
مآآزن حط يدو على ظهرها وضحك : قلتلك ادخلي بيتك مارضيتي
اثيــر لساتها لاصقه فيه قالت بحذر : حيجي تاني
مأزن عاجببو وقفتها كدا مره سموول جمببو : ايش درىى اهلي انا يلا ادخلي البيت ترا _ قال بكدب _ ممكن يقتلك دا الشي
اثيــر قالت بكل بخوف : كزاب
مآزن حب يطقطق على راسـها : يوا كتير يموتو لما تجي الامطار بسبب الرعـــد
اثيـر : ايش يسويلهم ؟
مآزن : تجييه عليـــه ومن قوة الرعد سبحان الله يوقف قلبو ويموت
اثيـر بعدت عنو وقالت بكل خووف ووجهها راح اللوان : مع سلاامـــه _ وزي الهواااء طاااارت لبيـــتهاا _
اما هوآآآ مااااااات من الضحـــك لما شافها تجــــري
جلللس على الكـــرسي الخشبـــي وماقدر ياخد انفاااســـه من كتر مابيضححككك (( وربي هبلـــه ))
بــعد دقاايــق قااام وهوا يمســح دمـــوعــ الضحك
اتــوجه لسيــآرتـــه ودخلها وملابســه كلها مبلبله اتصل عليــهاا وردت عليــه
ورجع هوا يضــحك
اثيــر : ايش بك
مآزن شغل السياره : ههههههههه وللا شي
اثيـر صوتها بالجوال مايعطيها اكتر من 15 سنــه يعشق الطفووليــه والملامح الببريــئه
والحركات العفوويــه : قومي غيري ملابســك
اثيـر : طيب وبعدها حنام
مازن : ماعاد تبي تشوفي االمطر
اثيـر : حتى لو بشوفو من الطاقه بس
مازن مارضضي يقولها انه بيكدب: ههههههههههههههههههههه كوويسس
اثيــر : باي
مآزن : بااي

يومو بدآيتــه نكـــد صح لسااته مضاايــق عشان يــزن
بس شويا انبســط مع رغـــد واثيــر ...




فـــي صباااح اليـــوم الــتااني .. الشغاله عبــت الفطــور كلهم متجمعيــن حولين الطاوله
ومالهم نفــس ياكلوو
لانا خــرجت من المطبــخ وفي يدها لمى وتهزهاا : اوووو دي كيييف تنااام
لؤي مسدوده نفسسه عن الاكل قااام من مكــآنه وراح باإتجاه لانا : هاتيها
لانا معقده حوآجبها اعطتها بكل عفااشه للؤي ورجعت تهرج بجوالها مع صاحب ابوها : طيب انا ابى الفلوس اللي بالبنك ..._ قالت بعصبيـه _ ايوا حعطيها كلها لأصحاابها .. اناا ماحب احد يهرج عننا ويقول دول متسلفين احنا مو محتااجيت ششي
صاحب ابوها : يابنتي بس وضعكم مايسمح انك تصرفي كل الفلوس اللي عندك ابوكي الله يرحمه الفلوس اللي عليه كتيره على الاقل اصبرري ادفعيها لهم بتدريج اما كدا مايسير
لانا ماهمها كيف اخوانها ولا كيف حتصرف عليهم بعدين اهم شي نظرة الناس ليهم : انا عارفه كيف حتصصرف ابى الفلوس كلها وبس
صاحب ابوها : وحتعطيها لهم وحيبقالك منها مبلغ بسيط يكفيكي انتي واخوانك يمكن لمدة شهر اذا اقصتدو طبعا وخرجتو السواق والشغاله
لانا انفجعت : لا ماحخرج شي الشغاله والسواق ماحيخرجو احنا نحتاجهم
صاحب ابوها يبى يساعدها بس مع عقليتها دي مو قادر : وكيف حتدفعيلهم رواتبهم
لانا : انا حصرفها
صاحب ابوها تعب منهاا : خلاص زي مااتبي ...وانتي حتداومي في الجامعه ؟
لانا : لا ماحكمل دراسه
صاحب ابوها : كويس يابنتي انتبهي لأخوانك في البيت ودرسيهم
لانا ماتبى تتناقش معاه اكتر عن قراراتها : اوك طيب يلا مع سلامه
صاحب ابوها : مع سلامه
قفــلت منــو وخــرجت لقت ليان ولينا لساتهم على الطاوله وماكلو شي
ولؤي بيدو لمى ويحرك يده بهدووء وشكلها ناامت
لانا بعصبيــه : انتوو ليش ماااكلتوو
ليان : مابى
لينا : ولا انا
لانا وقفت قبال الطااقه : ولللليشش يعننني
سكتو الثنتين ولاهــرجو
لانا مره مو ناقصتتتهم : انتي على هيااا اطفحوو اكلكمم اللي قدااامكم ترااني مو ناقصه شويا تقولولي جعنا
لؤي بهمس : لانا لاترفعي صوتك ماصدقت لمى تناام
لانا : دامها نايمه ليش سايبها لدحيين هنا روح وديها الغرفه
لؤي اتووجه للغرفه بطااعه ...
اماا ليان تآآكل ودموعها تنـــزل ماتعودت كدا يكون صباحـــهاا ولينا بس شافتها تبكي بكيت معاهااا
لانا شافتهم بس طنششتهم في راسها اشياء كتيــر كيف ترتبــها
وايش تسسسوي
تبى تشغل نفســـهاا عشان لاتبــكي اتجاهلت اخوانها ..
اخدت اجازه من مدارسهم اسبوعيــن وبالقوه اعطوها هييا
اليــوم حتسدد فلوس الديـــن
هيا طبعها تستنقص اي احد يتسللف فلووس
عشان كداا تبــى تدفــع الفلوس كلها دفعه وحده وتوريهم انه ابوها ماكان محتااج شي منهم
تفكيرها سطحــي جدآآ
وحتــى بعــد موتــهم ماتعدلـــت ...


وقــف سياارتــه عند الجــآمعــه وهوا مــآله نفــس يدخــل ... بس عنده اختبــآر ولا اصلا مسكــه
رايــح كداا حيهبب ويخــرج
اول مادخل سوور الجـآمعه بدأ يلاحظ نظرات عليــه زايــده اكتــر من كــل مــرهـ
عقــد حوآجبـــه وطنش النظــرات كمــل طريــقه
وبدأت يزيــد الوضـــع الكـــل بيطاالع فيــه
مو إتنين ولا تلاتـــه
حــس انو ســآير شـــي
ماكان رايــح لطاولة اصحــآبــه بس مع دي النظراات اكيد حيرووح ويسئــل ايش ساير
سوى نفســه مو مهتم واتوجه لأصحــآبه قبــل لايووصــل الطاوله
طالعو فيــه مازن وشادن واسامه (( الله يســتر ))
وقف عند الطاوله : ايش سايــر
مازن حط الورقه قبااله : لوك
شاف الصووره اللي على الورقـــه وطلعت عينه : لاتقولو دي الصوره شافها الكل
اسامه : كل الجامعه
يزن في يده الورقــه وطالع حوليــنه : مو من جدكم
شادن : منتا شايف كيف بيطالعوولك
يزن زفــر : هوا انا ناااقص
مازن : مين حيسوي كدا
يزن ناسي انو رودينا عندها دي الصوره : مدري
اسامه : طيب ايش حتسوي لو وصلت دي للمسؤل حتروح فيــها
يزن واقف مكآآنه ولا جلس كرممش الصووره بعصبيــه ورماها على الطاووله : ايش حسوي دحيــن _ جلس على الكــرسي وقال بكل تعــب _ ترا والله مو نااقص
اسامه قــرب للطاوله :ليش ايش فيــك
يــزن حيرووح بدهيه ورا دي الصووره هوا مع احد دكاترة الجامعه وفي غرفتــها
وكآنو قباال بعــض وبيبووســهاا في مكآن غلــط مره
يــزن مو عارف يتصــرف رجع قام من على الكرسي : ولا شي _ مششي كم خطووه وهوا يحاول يتجنب الانظاار إلا اخوه مازن وقفــو لما وقف قباللو _
يزن : مازن ابعععد
مازن : قولي ايش اللي بيصير معااك
يــزن سكت
مآزن : حقدر اساعدك
يزن : لا ماحتقدر محد حيقدر يساااعدني
مازن : جرررب
يزن قرب من اخوه وقال مابين اسناانه وبهمــس : تقدر ترجع الميت ؟
مآزن انفجع من سؤاله : ايش دخل دا
يزن طالع في عييين ماازن وهوا يبااه يفهمهاا
جآآهم ولد وقطع عليهم : مين فيكم يزن ؟
يزن طالع في الولد : انا
: العميد يباك
يزن عــرف انو الموضوع وصــلو نسي مازن ومشـــي
اتــوجه لغـــرفـتتتو وأول مادخل لقــى الدكتورهـ الامريــكيـه واقفه قبال المكتــب
مايدري ايش كان يفــكر لما استهبل معاها
بس هيا اللي كانت تناديه كل شويا لمكتبها وحس انهاا معجبه فيــه

قفــل الباب ورآآهـ ودخل المكتــب بدون مايهرج اي كلمــه
" برضو الحوار انجـلش "
العميد عدل نظارته : يزن ؟
يزن : ايوا
العميد قــرب الصووره لهم : ممكن تفهمووني ايش داا
الدكتوره بتوتر طالعت بيــزن وهيا دوبها درت بالموضوع ...
يزن دوبو بيــهرج بس قاطعو لما دخــل ماازن الغــرفه
يزن عقــد حوآجبه : ايش جاابــك
مازن مارد عليــه قربب لحد المكتــب وشاف الصوره اخدها وقال : انا اللي كنت مع الدكتوره كارمن مو يزن




واقفيــن الاتنين وقبــآلهم الدكتــورهـ تشرحلهم : معليش بس ماحتروحو لمدرسه ابتدائيه
اليــن انبسطت بس سوت نفسها زعلانه : ليـــش
الدكتوره : حتروحو لروضــه ومعاكم الاستاذ عامر حيلقي عليــهم محاضره بسيطه عن النظافه وانتو بعدها تشوفو شغلكم في كل كلاس
هتـآن بدون اي معارضه : اوكـ
اليــن عقــدت اياديها لتحت صدرها ومره مولعــه قالت من ورا قلبــها : كويسس مره
الدكتوره : ثواني ويكون عندكم _ راحــت _
وهتــآن واليــن واقفــين مكاانــهم .. الين ططالعت فيــه وشمقــت
هتان ولا اهتم وجودها وعدمها واحـــد ...
الين كعادتها رمت كلمهه تسد النفــس : ايش دا القـــرف _ وزفـــرت بعدم ارتياااح _
هتـآن طنشــهاا مع انو متنرفــز منــها ونفسسه يقتــلهااا ..
جــآهم الاستاذ عامر بإبتسامته البشوشه وسسلم عليــهم واتعـــرف على اساميــهم وبعدها قلهم : يلا على السياره
مشــو وراااهـ ...
ركب الاستاذ سيارته وهتان كان حيركب قدام الا شاف المقعده مبلبله
عامر : ولدي كب المووياهههههه
هتان ابتسملو مجامله : مو مشكله ...قفل الباب
ودوبها اليين بتقفل الباب الا دخل يده على اساس يمسسك الباب الا قفــلت بكل قووتها على اصابعــه بدون ماتدري
هتــآن صـــرخ صـرخه مع الالللم طاااح فيـــها قللب اليــن من الفجعــــه



انــدق البــآب اكتــر من مره وبصووت كــلو ازعــآج ... كشــرت وفتحت عيــنها وقالت بصوت كلو نوم وهيا بتهرج نفســـهاا: ميين داا

قامت من على ســريــرهاا واخدت روبـها الطويــل تغطي فيــه جسمهاا وكل بعد خطوى تتقربــع من كتــر بيـتها ماهو مكركــب صــرخت بصوت عاالي : جااايه جاااايه
بس ماافي امــل كل مالو يزيد دق الباب وباين اللي بيدق مره حااقـــد
وقفــت قبال الباب : ميين
بصوت رجوولي : افتتتحي
رغـــد : قلت ميين
الصوت فييه عصبيــه : رغــد افتحي الباب
ميزت صوتــو واستغربت جيتــو بس فتحت بالمفتااح الا هوا فتحووو بقووه وهيا مع الفجعه رجعت لووورى
قالت بصوت عالي وكلو خووف: نضااال ايش ببك
نضاال قفللل الباب ودار عليها وهيا هنا خاافت زياده اول مره تشوفو كدآ معصــب
ضاااغط على فك اسنانه
عيونه محمـــره
قال بصوت كلللو حقـــد : ايش لك تروحي تكلمي شهد
رغد بلعت ريـقها : مين شهد
نضاال اتهجم علييها ومسسكها من شعرها وصررخ علييهاا : تستهبببلي علييا
رغد مسكت شعرها باألم : آآآي نضااال سيبني
نضأل : يا ******* انااا كم مره اقوولك لاتدخلي في شي مايخصصصك
رغــد بكت من الالم حست شعرها بيتقطع في يدو : والله مالي صلاااح عن ايش بتهررج
نضاال دفااها علـ كنبـــه وهيا جلســـت ووجهها كلو دمووع
نضــآل وقف قبالها : مين اعطاكي الحق تهرجي عن اخلاقي انتي اخر وحده تهرجي عن الاخلاق يأ********
رغــد : والله مو فاهمتتتك
نضـآل : قبل يومين مين اللي جا كلمك وقلك تعرفي نضال
رغـد هرجت بصراحه : ايوا سئلتني عنك وقالتلي تعرفيه قلتلها ايوا
نضال : ايوا وبعدين
رغـد : وسئلتني كيف اعرفك قلتلها اتعرفت عليه في شاليه صحبتي
نضـآل : وانتي يامحرووسه تعرفي مين ديك
رغد اشرت برااسها :لا
نضـآل : دييك خطيبتي _ قرررب منها وكان مره مقهوور رفعهاا من شعرها وهيا صرخت
رغد : آآآآآ نضاال والله ماكنت عاارفه انا ماقلت شي غلللط
نضــآل اعطاااهاا ككفف طيحها في الارض وماقدرت بعدها تقووم وفضلت تبكي بكل صوووتهااا
نضآل تفل علييييها : روووحي يابــت الـ ***** لو عاد تقربي من احد اعرفو والله موتك على يدي يارغد خليكي في الشباب حققك واتـ ***** معاهم لييين ماتموووتي الله يااخد اللي زيييك ناااس ماتعرف التربيه _ فتح باب الشقـــه وخـــرج وسابهاا في الارض تبكي باأعلى صوووتهاا
قـــهر من كلامـــه
والم من ضـــربه

نهاية البارت 
تلـــوثات من مصنــع القلب ....