البــآرت الـ 30 والأخيـــر .." الجزء الاول "
شعور بذنــب
الخووف
التردد
دا كل اللي يحس فيـه وهوا اقف بعمــآرهـ مجهوله وبــزبـط قدام الباب البنــي
ماهتم للوقــت
له كدا شهــر وهوا عايش بضميـــر يئنبــه يمكن لو شاف كيفــه
حيرتــآح ضميــرهـ ..
مد يده وقبــل لايدق الجــرس غمض عينه وقال : يااارب _ ماعرف ايش يدعي ايش يقوول في موقف زي كدا
يستر
يعينه
يصلح غلطتو
يتمنــى اشيــآء كتيــره بس اكتفــى بكلمــه ياارب
ودقاة قلبــو وراا بعــض
دق الجرس ونززل يده
خطووات متجهه لعند البــآب زادت توتــره
ولما سمــع كلمــه ميييين حس قلبــه طاح من مكــآنه
جممع قوآآه وقـآل وهوا قــآبض على يده : دا بيت حــآتم
الحرمــه : ايووا مين ؟
يزن : انا صاحبـه
سممع صوت المفتااح وعــرف انها بتفــح البــآب
موقــف لايحسسد عليــه
كل شي يسمعه يزيد توتــره
ويحس انو بيمووت من الخــوف
فتحت الـبــآب
حرمــه كبيـره بسســـن ابتسمت باإرتباك
الوقت مرا متأخر : اهلين
يزن حاول يرسم ولو ابتسامه على وجهه بس مــآقدر : موحود حــآتم
دام جاي بدا الوقت عرفت الحرمه انو في شي ضروري
كدا فتحت الباب : ادخل اشوفلك هوآآ
يزن دخـل وهيا قفـلت البــآب
مشـي وراها وهيا تقولو : اتفضل اتفضــل ياولدي
يزن ولا كلمـــه قالــها ماااشي وراها بكل صمــت
ووقف في الممر لما هيا دخلت للغرفــه المظلمــه
طالع في الصوور المرصوصه على الدولاب وقررب منـها لما اتذكر شكلــوو
داا هوآآآ
خرجت من الغرفه وفوقتــو من صدمتــوو : والله دوبو نــآم مو راضي يقوم
طالع فيييها وهوا بيبكـي قال بصوت يادوب طلـع : مو مشكلــه
خــرجت من التــآكســي وتطالع في العمـآرتين اللي جمب بعض
ماتدري اي وحده فيــهم بـــزبــط شافت سياره يــزن قدام السياره اللي على اليمين
فابدون تفكــييير دخللت العمـآره
وهوا بدي اللحظه خرج من العمـآره التــآنيــه
مممشي بخطوووات وآآحد مصدوووووم
مفجووووووع
ركــب سيــآرته والمكـآن الوحيد اللي خطر في بااله وهوا بدي الحــآله
" امـــوو "
اما هيااا مااسمعت اي حــس ليــزن طلعت للدور الرابع وبعدها نزززلت ماتدري ليش اصلا دخلت
يعني لو يزن موجود فيها حيكون وسط احد دي الشقق
قالت مافي حل غيــر تستنــاه براا
واول ماخرجت من العماره حطت يدها على قلبـــها لما مالقت السياره
طالعت يمين ويســآر مالقت اي اثــر
زفرت بضيــق وملامحها طااغي عليها الاسسسى : ان شالله يكون بخيـر ..
كــآن يبــى يروح لرنيــم هيا الوحيده اللي حتستوعب اللي فيه على طــول
حتعرف كيف تهديـه
بس ماتوقــع انو حتــرضى تشوفو حاليــآ
فاكدآ رآح عند امـــوو عـلى طووول
دخـــل المستشفى وبعدها المصعد واتووجه للغرفــه
امــو حآليــآ صحتــها احسسسسسن من اول بكتيـر
كانت قريبه من الباب واول مانفتح دارت وملامحها طغى عليــها الصدمه رمت باقة الورة اللي بيدها على الكنـبه
واتوجهت له وهيا مفجوعه : يزن ايش بك
بس اصلا شافها سار يبــكي حضنــها بدون اي نقــآش
امو تهرج بكل خووف : يززن حبيبي ايش سااير
يزن ماسكــها بكل قوتـــه ويبـــكي باإنهيــآر
امو خلااص دمهاا نشــف من كتر الخوووف : يزززن لتووقفلي قلللبي قوولي ايش اللي سااير
عشـآن كدا كان يبــآ رنيــم
مايقدر يقول لأموو الهــرجه
بس بنفس الوقــت ملزوم يقولها
جلسسسو على السرير وحكــآها كل حــآجه
من يوم ماكان مع رودينا لدحيـــن
يزن : عنده بنــت صغيره
امو مسكت يزن : طيب حبيبي كويس انو عايــش
يزن : الولد صورة كلها وهوا جالس على كرسـي متحرك ياأومي بسببي سايرله كداا
امو قربت منو وهوا رجع في حضنها ويبــكي : يمكن يقدر يتعاالج احنا حنتكفل بكل حـآجه
يزن مسح دموعه : رنيم برضو قالتلي نفس الكلام لكن لو مايتعالج ايش اسسوي
امو : ربي كاتبلك انو انتا تدفوو لسبب وكاتب انو
هوا يفضل كدا برضو لسبب دا قدره ماتدري لو لدحين هوا طبيعي ايش كان سار فيه مو انتا تقولي بيسكر هيا شووف ايش كان ممكن هبب في نفســه
يزن : ياأومي لاتبسطيلي الموضوع بس علشاني ولدك
اموحاضنتو وتمسح على شعره بهدوء وتهرج كعادتها بكل لباقه واراحيه : انا ببسطلك الموضوع لأنو انتا ماحتقدر تغير شي فاعندك حلين ياتحلل الموضوع باإيجابيه عشان تكمل انتا وهوا حياتك ياتحلله بسلبيه وحتفضل تبكي على نفسك وحاسس بذنب على طول الادمي هوا اللي اعتدى عليك هوا اللي قرب منك انتا ماسويت شي كل اللي كنت تسويه بتدافع عن نفسسسك ولو على حالتو حاليا فاعتبر انو الولد حيتحقق كل شي في باله لبنته ولأهله ماحقصر معاهم بس اهم شي لاعاد اشوفك تبــكي زي كداا
وهنــآ انزآآحت كــل همـــومــه
كلام الام غيــر وحضن الام غيـر
لاإله الا الله محمد رســول الله ..
من صغــره وهوا حلمــه يبــقى في حضــن امــه
من صغره وهوا اكبر امنيــآتــه انو يكبــر وهيا جمبو
كبر وكبــر واحلامــوو وامنيــآتوو محصوره حولين " اموو "
بس كــل شــي اتبخــر بالهوووى ..
وقــف السيــآره وهوا طول الطريــق بيسوق بكل صمــت نززل وهيا معــآه ماقدرت تخليــه لوحدهـ
مع انها مو عارفه ايش سااير
لكن صدمـــتــو وصمتــو خلاها تعرف انو ســآير حاججه
دخخل للبيت وهوا بيدور ابـــوه
يطالع يمين ويســآر ويرجع يدخل لغرفه ويخرج منــها
وهيا واقفه وتطالع فيــه مفجووعه
لين ماتوجه لأحد الغرف وهيا وقفت عند الباب بس بتشوف ايش سااير
وابوه جالس على الكنبــه بالغرفــه دخخل اساامه
وابووه وقف وملامحه كلها اســف
اسامه قال بتلكلك : امـ امـي فينـها
ابوه حط يده على كتف اسامه : الله يرحمها اتـ
اسامه دف يدو وقاطعه بهدوء وهوا لساتو مو مستوعب : لاتقوولي ماتت ماماتت ابى اشووفها قولي فينها
راماا حطت يدها على فمها وفتحت عيونها على وسعها
ابووه سارت دموعه تنززل : اسامه دا قضااء وقدر
اسامه رفع صووته عليــه : لاتتتتبكككي هياا راجعه _ اشر على نفسه وصوتو يرجف _ قالتلي حترجع انا لسى ماشوفتها حتى ماجلست معاها ياأبويا والله لسى _ دموعه هوا كمان نززلت _
ابوه تعبان من نفســه ندمااان لأنه طلقها في يوم
ندماان لأنه حرم ولده من امـــه : ادعيلها مايسير تقول كداا
اسامه اللي حارق قلبـه انو شافها يمكن لو خلاص ماشافها من صغره اهووان من انو شافها قبل كم اسبوع وماشبع منها ووعدته انها حترجع وبعدها ماجات : قولي هيا فين انا حروحلها ابى اشوفها
ابو اساممه : خالتك كلمتني دوبها خلاص بيدفنوها مايمداك تروح
اسامه قال باإستنكار : كلمتني اممس ماكان فيها شي
داار جسمــو كآن بيخررج يبــى يســآفررر بس وقـف لما لققى صورتها على الطاوله
كان يضارب دايما مع الشغالات وابوه لو احد بيشيلهاا
لما شاف شكلها استووعب
استووعب كلام خالتو وصوتها وهيا تبــكي لما كلمتو من نص ساعه
مد يدو ومسك الكرسي اللي جمبو وطااح على ركبتوو وساار يبكي بصووتوو وصورة امو قداموو : آآآآه يااووومي حرااام عليييييكيييي
ابوووه جاا لعندوو وهواا يبكي معاااه حط يدوو على كتفو : اساامه قووم
اسااامه يطاالع بصوورتها ويبكي بكل انهيــآر : انا كنت عايششش عشان اشووفها وربي كنت عايش عشانها
راماا واقفه عند الباب مو قادره حتى تدخل
مع انها ماشافتها الا مرا
وماتعرفها خير شــر بس بكى عمها وكلام اسامه وبكاااه سارت تبــكي معاااهم
ابووه قلبــو وجعو من كلامــو حس نفسسو ولاشي
ماقدر يجللس بدي الغرفــه اكتــر
خرج ولما جا عند راماا قلها : هديـه ياراما
معتبرها خطيبة ولدوو
مايدري كيف اصلا علاقتهم مع بــعض قال دي الكلمتين
ومشــي
يبى يكون لوحده
يبكككككي لوحدددده
اما اساااامه جالس على ركبتـــوو ويده ماسك فيها الكنبــه ويبــــكي بكككل صووتــه ويناادي امــوو
عـآرف انها ماتسمــعه
حتى مايقدر يشــوفهاا
كان مبسسسوط لأنـــه خلاص حيرجججع زي اول معاها
لأنو عــرف فينها
لأنو محرووم من صغره منــها ودحين طول عمره حيعيش معااهاا ماحسب حســآب لشي اسمو " المووت "
راما ماقدرت تدخــل ايش تقولو عشــآن يهدأ ..!
ادا ابوه ماقدر ودا هيا بس من بعيد تطالع فييه وتحس انها منهاااره كيف لو قربـت منوو
خرجت من الغرفه وجلست بكنبــه قريبه من الغرفه
ساامعه صووت بكــى اساامه لحدددهااا
سااامعه صووت شهقاااتووو وكلاموو اللي بيهرج فيـه الصورة اللي قداموو
قلبــها اتقطـــع الف مرااا عليــــه
اسامـــه بالغرفـــه سحب الصوورة من على الطاوله وسسار يططالع في شكلهاا
في شعرها الأسود الليي زيي شعره
في للون عيوونها اللي زيي لوونو
طالع عليها بكدا حــآجه
ندددم آخر مراا لأنو ماقلها على كل شي حاسس فيــه
يحسسس انو في كلاااااام كتيـــر
كان بيقولها هووواا
بس مانقـآل
حس انو ماوصفلها قد ايش كان بيتعززب وهيا بعيده عنوو
قد ايشش بيحس انو منبووذ لما يشووف كل اصحابو عندهم ام وهوا ماعندووو
كان بيقولها حاجات كتيــر بس مالحق يقولــووو
بعد سـآعه هدأ وســآرت الكلمه بس اللي على لساتنو وهوا يهذي فيها : ابــى امـي
كان يقولها وهوا صغير على امل انو يشوفها
بس دحيــن يقولها وهوا عـآرف انو خلاص مافي اي امل يرجع يشوفها
امــآ ابوووه
يبـــــكي ويتقطععع وبيتعززب الـف مرآآآآآ
ندمـــآن ندممم مو طبيـــعي
لدحيــن يحبــها بس عشان عادات اهلو سابها
وعشان مايقدر يشوفها كل مرا قدامو قلها تسـآفر
وعشان لايسمع سيرتها كل مراا حرم اسامه منــها
كل دا عشان مشاعره مافكر بمشــآعر ولده ولا مشـآعرها
بس ماينفع دحيــن شــي
اخد الجــوآآل واتصــل على ام رودينــا
ابو اسامه ابو اللين ام وردينا وام شـآدن كانو بالقروب
وابو وام التوأم كأنو برضو بالقروب وحبو بعض واتزوجو
: الوو .. ايووا انتي كيف دحين .. ايووا بس _ صوتو خانو _ ام اسامه اتوفت
قفــلت من الجوال وعلـى رجلها كان منسدح اياد
اياد رفــع جسمو لما سمع صوت اممو اتغيرت : امــي ايش فــي
امو زفرت بضيـق : ان لله وان اليه راجعون
اياد عدل جلستو بخووف : ايش ساااير
امو :ام اسامه اتوفت
اياد : الايطاليـه .؟
امو حركت راسها باأسف : ايوا الله يرحمها
اياد : امممين بس انا اعرف انهم مو معاها
امو : الام تفضل ام لو كانت قريبه ولا بعيده
اياد ابتسملها وباس راسها : الله يطولي بعمرك
رجعت دموعها في عينها
واياد بردة فعل سريعه : لاعااد تبكككي يكفي اوول خلاص خلينا مبسوطين
امو ابتسمت ومسحت دموعها : انا اكره نفسي كل ماتزكراللي قولتو
اياد رجع انسدح على الكنبه وحط راسو على رجلها ومسك يدها وحطها عند شفايفه وباسها : خلاص لاعاد تقولي حاجــه
امو الابتسامه ماختفت من وجهها دوبها حسست انو ولدها يحب يدحللسس ويفضل بس يبوها ويحضنها وينسدح عليها من يوم ماتأسفلها وهوا على دا الحال
وهنــآ اتذكرت " زوجها الاول "
كآن نفس الطبــآيـــع
مرت عليــه سـآعه وعليــها وهوا بدي الغرفــه
مد يدو للكنبه وسند نفسسو ووقــف بقوه على حيلــه
مشي في البيــــت
خرج من الغرفــه وراما على طول طلت فيــه بس هوا في عالم تاني ولا منتبه لأحد ولاشايــف احددد قدامو
اتوجــه للدرج مسك الدربزان ويطلع درجتين ويوقف لين ماشاف ابووه واقف فوق وبيطالع فيــه
البيت مالو ذكريــآت كتير مع امــه
بس يتذككر وهوا بــزبط
وكان عمره 5 سنــوآت يشيل الاغرااض ويبى يطلعها لفوق وامو تطلع معاه درجه درجه وابووه واقف فوق ويقول : يلاا باقيلك شوويااا
وامو ضحكتها ترن في المكان : براااافووو
ماقدر حتى يطــلع ويكممل الدرج
جللللسسس في الدررج ورجــع يبـــكي
ابووه نززل لعنده : اسااامه ارحمم نفســك خلاااص لاتعزبهاا
اسامه دموعه ولا وقفت
ابووه : خلاص زي ماعشت اول بدونها كمل حياتك وادعيلهاا
اسامه اشر على نفسه : انا ماكنت عايش اصلا اوول
ابوه ماقدرلوو مايقدر يهديــه اصلا
في دي اللحظه اتمنى بس يمسك جواله ويتصل على واحد من اصحابووه يجووه بس قاال انهيـآر طبيعي
ردة فعععل طبيعيه
حيهدى من نفســـوو
مسك يد اسامه : قوم يااولدي
اسامه وقــف وطلعــوو لفوووق ...
اما رآمــآ كانت بتتفرج على دا كلــو وتبـــــكي
وكأنه اللي ماتت امها مو امــوو
ردة فعلله
وبكاااه
تبكي الحججر
اول مرا تشوفــه كدا
وحزنـآنه لأنه عارفه ماقد اتهنى بلحظاات مع امـوو
دق جوآلـــها وردت لما شافت اسم ابوها : الوو
ابوها : كيفك ياراما
راما : كويسسسا وانتا كيفك
ابوها : دوبي عمك كلمني الله يرحمها ياارب
راما : امين
ابوها : وكيفو اسامه دحين
راما دوبها استوعبت نو اسامه حاليا خطيبها يعني عادي تهرج عنو قالت : زفت يابابا والله حالتو حاله
ابوها : الله يصبره هيا كدا الحيااه محد بااقي _ اتنهد بضيق _ خلاص ام شالله بكرا نكون عندكم
راما كعادتها تنحت في البدايه : طيب _ وبعدين استوعبت وقالت بردة فعل سريعه _ هاا فين جايين هنا دبي ؟
ابوها : اجججل يابنتي لازم نعززي زوجك
راما بلعت ريقـها وحست بخوف مو طبيعي : نعزي ! ليش مين جاي معاك
ابوها : امك قالت تعزيه بالجوال احسن بس حجي انا واعمامك ولو جو الشباب شي راجعلهم انا ااديتهم الخبر وهما قالوو جايين معايا
راما مبلمممممه ابدددددن ماتوقعت يجوو : لاتتعبو نفسكم عزوه بالجوال
ابوها : ايش ناقصنا يد ولا رجل عشان مانوقف جمبو
راما خافت : توصلو بسلااامه
ابوها : الله يسسلمك
راما قفلللت وهيا تقوول " الله يستتتتتتر "
عندهم كمان بجده اجازه يعني شكلوو حيجلسسو هنا وهيا اللي حتتورط
سبحان الله وبحمده سبحان الله العظيــم ..
سبحان الله وبحمده سبحان الله العظيــم ..
حــب بس مايكتمل في اليوم الا بعصبيتها ونرفزتــو
ودا احــلى شي بالحب بنسبــه لهــم
مابينهم اي اتفــآق
بس فووق دا كلــوو عرفــو انو مايقدرو يعيشو من غيـر بعـض ..
نايــمه في بيت اختــها ..
منسدحه ورافعه يدها قبال وجهها وفي يدها البي بي وبتكتب مع الحماس طاح الجوال على وجهها : هههههه اااي
ولا كأنو سار شي على طول رفعتو وتكممل الهرجه معااه
وضــآح كتبـلها " يابنتي لاتحرقي في دمي "
جنى " ههههههههههههههه وضاح انســى اني اخرج من الغرفه انا في بيتك"
وضاح " مابديتي تلاحظي انو سرنا تافهين من يوم ماقلتلهم اني اباكي ودي مشكلتنا مو قادرين نوقف قدام بعض خمسه دقايق عدله "
جنى ارستلو " عشان تاني مرا تبطططل فلحننه قلتلك بابا ماحيرضى الا لو ماما جات "
وضاح " كرهتو اصلا "
جنى " نعم ! "
وضاح " ههههههههه ماحكزب يعني لما كنت اقولو لو تشوفي كيف الانشكااح بوجههي بس قااالي الصاعقه كل اللي جا في بالي وهوا يهرج اني امسسسكوو واضربوو واضربووو لين ماقول بــس "
جنى فرطت ضحك بس طبعا ماقالتلو انها ضحكت سوت نفسها زعلانه " عيب استحي تراه عمك "
وضاح " وابو زوجتي وجد عيـآلي "
جنى " هههههههههههههه وضاح اهجد "
وضاح " اقوول قوومي بسسرعه "
جنى " على فين ! "
وضاح " عندي "
جنى : اهبل انتا ! ؟ "
وضاح " ترا لو ماجيتي انا حجيكي "
جنى " بكيفك تعااال اول ماحتدخل حصرخ واقول انك بتعتدي عليا مو مشكله "
وضضاح " ههههههههههههه بلله تعالي نسوي شي اهبل "
جنى " زيي ؟ "
وضاح " ننام مع بعض
"
جنى " هههههههههههههههههههههه مع نفسسك "
وضاح " طيب تحبيني ؟ "
وضاح قام من على السرير وقرر يروحلها
اما جنى انسدحت على بطنها وابتسمت حطت شعرها على الجنب ووجهها طاغي عليه الخجل كتبت " لا "
وضااح " بلله ؟ "
جنى تضحك بصوت راخي " حكزب يعني "
وضاح جا لعند الباب وفتحو : تكزبي طبعا
جنى طالعت فيه مفجووعه وبعدها طالعت في تامر اللي نايم على السرير : لاتصفحنا الساعه 4
وضاح : هههههههههههه _ دخل وقفل الباب بالمفتاح _ طول يومي بدوام مابشووفك
جنى حطت يدها على خدها وشهقت : وضااح اخخخرج وربي لأنجلللط تراا
وضااح : يااشيخه بلا خووف زايد
جنى : وربي انتا ماحترتاح الا لو جبتلنا مصيبــه
وضاح : لو المصيبه من ورا رااسك راضي فيييها
حنى وقفت واشرت على الباب : اطططلعععع وربي قلبي حيووقف
وضااح يموت فيها لما تخااف : ويعني لو شاافونا ايش حيسير
وهنا فتحت الباب اروى ولقتو مقفل سارت تدددق : جنننى
وضااح الشجاااعه بدي اللحظه كلللللللها اتبخرررت رااح لجننى ودفاها ويهمس : اخرجي اخرررجي
جنىىى مسكت فيييه : تنتا اللي اخررج يااهبل
وضــآح يطالع حولينو غرفــه تامر مافيها اي مكان الواحد يستخبي فيـــه : جنننىي شووفيلك صرفه مع اختتك
جنى تهممس : مااااالي صلاااااح ماحفتتتح
وضاااح وجههو صففر : حترووح لغرفتي دحيين والباب مشرع ومفتووح حتعرف انو انا مو فييه
جنى : ووااا ياااماما مالي مااالي انا ماعرفك _ بعدت عنووو _ والله لأقولهم انك غصبتني وقفلت الباب وانا ببكي واقولك لا
وضاح عارفها ممكن تسويها كدا يبى رضاها : حياتي انتي مايسير كدا تقولي والله بعدين ماحنتزوج
جنى : طزز فيك عسا عمري ماتزوووجت _ حطت يدها على قلبها وتطالع في الباب _ واا يااقلبي
اروى : جنننى افتحي سامعه صوتك بتقرقري
جنى جلست على الكنبه وقلبها بيوووقف : وااا ياوويلي وااا يافضيحتي
وضااح يطالع حولينوو : حخرج من الطااقه
جنى علت صووتها : دقيقه بلببسسسسس
اروى : يااشيخه بسسسرعه بديكي الرضااعه واغير لتااامر ماحشووفك
حنى : مو لابسسه شي _ طالعت في وضاح واشرت على الطااقه _ نططط
وضاح راح فتح الطــآقه وهنا جنى شهقت : مجنون انتا حتخرج من هنااا
وضاح طالع فيها : ايش اسوي يعني
جنى مسكت في يدو : اخاف تموت
وضاحح : تراه دورين بسسس
جنى : دوووريين بس ارتفاع لو طحت حتتكسر
وضاح : عشان تاني مرا لما اقولك احبك لاتصرفيني
جنى طالعت في الباب لما زااد الددددق واروى عصبت دفتوو من قفااه : نططططط اقووول مع نفسسسك سمعتي فووق كل شي
وضاح : هههههههههه اي سمعه هيا بقت فيها سمعه
جنى ضربتو على ظهره : وضاااح نطططط قبل لاقلبي يووقف مع الفجعه
وضاح خرج راسه من الطاقه وبعدين رجع : كيف حخررج انتي شايفه الارتقااع
جنى عصبت : مو انتا اللي قلت حتنط نطططط خلاااص
وضاح : ولو موووت عششان خاطر مين عششانك خلي اختك تفضضحنا ولا يسير فيا حاجه
كان بيقفل الطاقه الا جنى مسكت الطاااقه وعلت صوتها : خلصصصت لبس _ همست بعدها بجددديه _ نططط بقووولك
وضاح : طيب شوفي انا حفضضضل متعلق بطااقه لما اروى تروح افتحيلي عشان ادخخل
جنى : طيب طيب يلاا
وضــآح خررج من الطــآقه وسار واقف على الحدود العريضضضضضضه البارزه لاصــق بالجداار ومقفل عينوو كل مايطالع تحت يحسس انو بيطيح دقات قلببو ورا بعضضض
اما جننننى مرا خاافت عليه بعد مافتخت الباب لأروى كل شويا تطالع بطااقه خاايفه
اروى دخلت معصبه : سااااعه بلااااا
جنى تعدل بلوزتها : كنت بلبس
اروى : على اساس اني ماقد شووفتك والله عصبتيني _ راحت لتامر وبتغيرلو على اقل من مهلها _
وجنننى تلعب باأظافيرهاا وتحس دمها نشــف
ووضــآح مو قااادر يووقف اكتتر من كددددا سار مابين انو ينططط ويتمنى انو مايسرلو شي ومابين انو يفضضضل متمسسسككك
بس ارووى فضلللت كتير بالغرفــه جنى زاد مرا توترها فاسحبت منها بلوزه تامر : خلاص انا اكملو روحي نامي شكلك يحززن
اروى : ريحتيني
جنى تباها تخرررج الا اروى جلسسست : ترا نزار ويزن اتضـآربو اليوم
جنى شويا وتقتلهاا حبكت دحين تهرج : اها مو جديد عليهم
اروى رفعت حوآجبها : من متى بللهي بيتضاربو دول !
جنى تبى تسلك وبس تباها تنهي الهرجه : ايوا صح والله مايتضاربو
اروى : ايوا سيدي كلمني وهووا معصب من يزن ونزار
جنى تطالع في الطاقه : يحقلو يحقلو
اروى : تخيلي كمان يزن ضرب نزاار عشان وحده !
جنى لاشعوريا فجأه اتحمسست : نعععم مو من جددك
اروى : استصبت ياشيخه من متى بيننا يعني طولة اليد دي وغير دا كلوو الموضوع نفسو مايدخل الراس ميين دي البنت اصلا
بعدددها سمعوو صووت طيــحه بين الشجيراات اللي محوطه البيت
ودقااايق صووت كلللب الحراااســه ينبــح
جنننى قلبــهااااااا طااااااااااح
كل اللي في راسسها وضااح ســرلو شــي
اروى : وي بسسسم الله ايش دااا
جنى قامت : دحيين انا اشووف _ اتوجهت للطاقه ماشافت شي عددل بس تبى تصصصرف بسسرعه اي شي _ الكلللب مع البواب هننا ( علت صوتها بكدب وهيا تهرج نفسها _ محممد في حاااجه
بعدها طالعت في اروى : لا مااافي فجعووني بلاا
اروى قامت : حتى اناا يلا بقوم انام
جنى : طيب
اروى خرجت وجنى قفلت الباب وبعدها بدقيقه بزبط فتحتو خرجت راسهااا شافت يمين ويسـآر ماافي احدددد
ونزززززززززززززززززززلتتتتتت جرررررررررري
وووجهها مصفـــــــــــرررر
لابســه بجامتــهاا الصفـرا وفاتحــه شعرهاا
فتحت بــآب البيــت وتناادي بهمممسسس : وضاااح
تممشي وتنادي وصوتهاا طغى علييه الخووف : وضاااح وضااح
وضــآح جالـس بعيــد على الكـرسي وقدامو الطـآوله : هيي اناا هنااا
طالعت فييه من بعييد وراحتللو على طوول : سسرررلك شششي
وضاح ماد رجلو اليمين : تووجعنني رججلي
جنى طالعت في وجهه : انجرحت
انشخط بوجهه من الغصصصن ورفع يدوو : حتى في يدي كلو مننك
جننى : والله ماكنت ادددري انو حيسرلك كداا
وضــآح معقد حوآجبه ومعصــب يمرر يدو على رجلــوو ولا رد عليـها
جنى جلست بالكرسي اللي جمبو وقالت بخوف : كيف مرا توجعك
وضـآح يبى يطللع عينها طالع فيها بنص عين وقال بكل جفاصه : لا بستهبل عليكي
جنى :والله ياوضاح مع الخووف مافكرت
وضـآح وقـف واتكى على الطاوله : خليني انام احسن لي
جنى وقفت معاه وهوا يمممشي ويعرررج ويقول بتمثيـل : آآه ياارجلي
هوا كآنت رجلو بتوجعو بس هوا زايد الموضوع عشان يحسسها بذنب
جنى مشيت وراه وباين في صوتها البكـى : وضااح ازا مرا توجعك اجللس اناديلك اروى
وضاح يممشي وقال يدق بالهرج: لا عاادي اخاف بعدين يشكو فيناا
جنى ماهتمت : بكيفهم ايش يعني كنا حنسوي
وضـآح وقـف : مدددري _ وغمض عينو باألم _ ناديلي وليد
جنى خافت : ها دحين لا بعدين ايش يقول
وضاح شويا ويضحك : مو دوبك تقولي لا عادي
جنى : اروى اصحيها ممكن بس وليد والله مرا لا
وضــآح جللس على الدرررجه ومد رجلــووكان لابـس بنطلوون طويـل شويا وســيع حق بجـآمه ومقلم
جنى ماسكه اياديها في بعض وترهج بتلكلك : اشووف طيب رجججلللك
وضــآح رفع صوتو عليـها : ايش حتسسويلي يعني لو شوفتيها
جنى : لاتررفع صووتك
وضاااح : دا اللي همك انا مو قااادر امممشي وا
جنى قاطعتــه وجلست جمبو : خلاص لاتعصب مو لازم ننادي ولييد خلينا شويا نجلس هنا يمكن رجلك يهدا الالم فيها
وضَـآح نظراتو اسلوبو نبره صوتو كلـــها جديه × جديه : لا يااشيخه عارفه انا اساسا غلطـآن لأنوو في كل مرررا اوقف فيها قدامك تسويلي مصيبه حتى لو شغاله شافتنا تقومي قيامتي وكأنو مدري ايش اللي سار ودحين راميتني من الطاقه عشان اختك بس
جنى : انتا اللي جبت فكرة الطاقه
وضاح : وانتي واختك قاعدين تهرجو اقل شي كان صرفتيهاا
جنى : خلاص انا اسفـــه
وضاح حط يدو على ركبتوو وشد على عينو : ااااه يارجلي مو حاسس فيهاا
جنى دموعها سارت في عينها : مرا بتوجععك ؟
وووضاح مسك يدها وضغط عيلها : ججننننى مراا تألممني
جنى خااافت : خلاص خلاص بنادي وليـد _ كانت بتقوم الا هوا شد على يدها _
وضــآح : لا لا تقوومي خليكي معاياا
جنى : ماحسويلك شي انااا خايني اناادي وليييد ولا ابووك
وضاح : لا بلااشي _ سكت شوويا وبعدها قال _ آآآآه يااارججججلللي
جنى دموعها نزلت: والله اسفــه ماكان قصدي
وضــآح يبى يعلللمها تاني مرا لاتربشششووو
حط يدوو على كتفها وقربو لحضنها: حياتي لاتبكي انتي مالك
جنى : لا كلوو بسببي لو ماخليتك تنط
وضـــآح انعدى من نذالتها ولا قلها : لا حياتي اناا الي اصريت ودخلت الغرفــه
جنــى : لا والله بسببي
وضــآح كان بيوصل لدي النقطه ويلومها : خلاص سار اللي سار _ خلنا نطلللع
جنى مسحت دموعها : وانتا كيف دحين
وضـآح : حنام يمكن تخف لما تقووم
جنى : اخاف تزيــد
وضــآح بكل حقـآره مسوي البرائه منقطه منو : لو زادت خلاص بكرا اروح المستشفى واقول لأبويا اي صرفه
جنــى : طيب _ سكتت شويا وبعدها اتذكرت _ وترا كنت اكزب عليـك
وضـآح : في ايش ؟
جنى : انو مارديت عليك يعني وقلتلك احبك
وضـآح من جواتو ميت ضحككك خلاها تمممشي صصصصححح : مو مشكله حبيبي _ وقف وهيا وقفت ومسك يدها _ خلينا ننام
وصلــو لغرفه نومــوو ودخلت غرفتو بكل خووف جلس على السرير وكآنت حتسحب يدها من يدو بس هوا شد على يدها وقال : جنننى مرا تووجعنني
جنى نسيت انها بغرفتو : طيب قولي ايش اسوي وانا حسويلك هوا
وضـآح : خلاص خلاص روحي
جنى جلست على السرير : لو بتوجعك ماحروح
وضــآح ( ههههههههههههههههههه وربي اني رهيب ) : مابيدك تسوي شي خلاص حنسدح لين مانام
جنى على نياتها : تنسدح وهيا كدا توجعك
وضـآح : في حل غيرو ؟
جنى سكتت شويتين وبعدها قالت : لا _ اتذكرت _ خلاص اكلمك بالجوال لين ماتنام
وضـآح طالع فيها بنص عين : مو انتي تكرهي دي الحركات
كان دايما يقولها نهرج لين مانام تقوم تتأفف بس دحين هيا اللي اقترحت
جنى : لا ماكرهها خلاص انسسسدح وانا حكلمك دحين بالجوال
وضــآح ولا ابتسم بوجهها : خلاص طيب
جنى قامت من جمبو وضميــرها ياأنبها راحت للغرفــه وعلى طول كلمتو بالجووال وهوا ميييت ضحكككك عليييها مستحييل يقولها الحقيقه دامها كدا ماشيه معاه صح وبتسمع كلامو اجل عرف كيف يعدلها ...
في صبــآح اليــوم التــآني
كلهم على طــآولة الطعـآم وبيفطــروو ولسى وضـآح لدحيــن ماشــرف
بس عادي كلهم بيفطرو وماعندهم شي اسمو انتظار
اللي يجي يجي واللي مايجي بكيفــو
اما جنــى تـآكل وعينها على البــآب
مستنيتو يجي
اتصلت عليه اول ماصحيت مارد عليـها
ومسكة كاسه العصير بتوتـر لما شـآفتو دخل وبيعرج
ابوه عقد حوآجبه وقال بخووف : واا ايش بببكك ياوضااح
وضااح مسك في الكرسي وضحك عشان يعدل الجوو : تلوت رججلي
ابووه : متتى
جنى تشرب العصير وتطالع فيــه ولما طل فيها رمشت بعينها وكأنها مالها صلاح والبرائه تقطر منها
وضـآح امس لما رجعت من الدوام
وليد بشك : وايش دا اللي على خدك
وضـآح مرر يدو على الجرح : بالعلاقه اتعورت _ يبى يصرف _ امس يوم العاهات العالمي
اروى : ههههههههه منجدد اهم شي دحين رجللك كيف
ابوه : اييوا لو تعورك روح المستشفى اكشف على نفسك لاتبلينا بعدين بمصيبه
وضـآح : لا مايحتاج
جنى ساارت مو زي اول تاخد وتدي لما يجي وضـآح معاهم مرا تستحي فالصمت هوا وضعها في دي الحـآله
ابوه وقــف : زي ماتشوف بس اهم شي لاهمل نفسسسك خلوني الحق على الدوام
: ترجع بسلامه
: الله يسلمكم
خرج من الغرفــه ولا دقيــقه دخل البواب وهوا منزل راسو : ايوا مستر وليد
وليــد : كم مرا اقولك لاتفتح لأي احد البوابه
: انا مايفتح
وليد بعصبيـه : والرجال اللي امس مدخلي هوا ايش يططططلع ان شالله
اروى على طوول تهديه دايما لما يعصب طلت فيه رمت كم كلمه ورجعت تكمل فطورها تكره لما يكلم الخدم كدا: ارحم من في الارض يرحمكم من في السمااء
وليد هدي شويتين والبواب هرج : هوا يقول انو يعرف مستر انتا
وليد : واي احد عارف اسمي ويقولك افتح الباب حتفتحلو كم مرااا بقولك لاتفتح لأحد غريب الا لما تكلمنني
البواب : اسف ان شالله مرا تااني _ كان بيخرج بعدين اتذكر شي وطالع في وضااح _ مستر وضاح انتا امس ليش ينط من طااقه
وضاح كان بيدو التوست ودوبو بلعو انخنننق من يوم ماهرررج لبوااب ساار يضررب على صدروو ولسااااتو يكككح وجههو حمــر واروى ادتو كاسه مويا وهيا مفجوعه : وي بسسسم الله ايش بككك
جنى دمممهاا نشـــف
حســبو انوو انستــرو كدا ومحد داري عن تهبيبهم
وليد ماهتم لخنقــة وضـآح .. قال للبواب وهوا مفجوع : نط من فييين !
البواب : من الدور التااني
وليد طل في وضاح وبعدها بالبواب : من الدور التااني !
البواب : ااايووا امـ
وضاح قاطعوو : خلاص اقولك اطلللع
جنى مو عارفه كيف تتصرف يمكن يكون سبب سكوتها انهم يعرفوو من وراها الهرجه
اروى : لا دقيقه كيف نطيت من الدور التاني
وليد بتحليل : عشان كدا رجلك توجعك
اروى كملت : ودا اللي في وجهك من الطيحه
وضـآح يبى البواب يخرج قبل لايحدد كمان الغرفه اللي نط منها وضاح : انا ححكيكم بس خلو دا يخرج من متى ماشالله يدخل كاد البيت _ طل في جنى _ هنا في بنات
وليد حسب عششان جنى لابسـه برمودا كدا اخوه معصب اشر للبواب : خلاص خلاص رووح
البواب : اووك
وخــرج
والكل طالع في وضــآح ويبو تفسيــر
وضاح حط اياديه على الطاوله : ايوا ؟
وليد : احنا اللي نقولك ايوا ؟
وضـآح مو عارف ايش يقول مو طبعو يطلع الكدبه في لحظتها : شي ساار بس
اروى : ويخليك تنط من الدور التاني !! انجنيت !
جنى بدات تحس نظرة وليد لها وكأنو بيربط بينهم عشانها ساكته ومو دا طبعها كدا حبت تهررج ضحكت وقالت : اما من الدور التاني تستعبط ياوضااح
وضــآح طالع فيها ونفسو يقتولها اما هيا على طول طالعت في اروى عشان خافت من نظرتوو
وليد : حتهرج ؟
وضـآح مو عارف ايش يقول مو عارف يطلع الكدببه
وتروه وهما التلاته بيطــآلعو فيـــه
كدا قال : لا ماحهرج
وليد : يعني انادي البواب يحكينا
وضـآح : ايش حيقولكم سبب نطتي من غرفتي ! وبعدين بكيفي انط من الطاقه ولا اخرج من باب البيت ترا كلو واحد في النهايه _ وقف وهوا يهرج نفسسسو _ حتى الواحد محسوبه عليه كيف يخرج من البيت
خرج من الغرفه وهوا مسوي نفسو زعلان
وجنى ماسكه نفسها لاتضـــحك
واروى ووليــد ممفجوعين
اروى قالت وهيا مصدومه : استخف دا .!
وليد ضحك : ههههههههه لا مو صااحي دا !!!
اروى : ايش اللي يضحك بالموضوع روح شوف اخووك استخخخف يبى يبتكر كمان طرق غير الباب عشان يخرج من البيت
وليد : على اساس انك صدقتيه ورااه مصيبه ودا وجههي
اروى : مصيبه
وليد : اييوا باين من وجههو اصلا _ طالع في جنى وقال بشك _ نشووف نهايتو
جنى اخد الكـآسه الفاضيه وحطتو عند فمها بتشرب مع الارتباك مانتبهت بعدها رجعت الكاسه : الحمدالله شبعت
امــآ وضــآح طلع لغرفتــوو ولساتو بيعرج في مشيتو وبيسب جنـى من جواته : ماتبطل حركاتها _ استوعب موقفها _ ايش كمان بيدها هيا تسوووي
وصـــل خبــر الوفــآة لكل القــرووب ...
في اليــوم التــآني ..
جالسيــن البنــآت في غرفــة الين وكل وحده لابســه عبايه سودآ
شادن : وربي قلبي وجعني اول ماعرفت
رودينا : تقولو كيف دحين هوا
الين لساتها يدها مجبســـه وعينها منعوها تفتحها بس مو مهتمه لو احد شافها كدا ايش يقول تبى تروح تعزي اسامه : مدري والله الله يصبره ياشيخه
رودينا : ايوا صح منار ايش سويتي فيها
الين : ولاشي بس صبرها عليــآ
رودينا : تعجبيني
الين مهما اتغيرت بس صفات فيها ماحتتغير لو احد غلط عليها او استفزها تسير متوحشـــه وتدافع عن نفسسسها بتسلـــط ..
شادن حطت الطرحه على راسـها : ماتبو تروحو شوفو الساعه كم
الين طلت بساعه : وي قدها 5
رودينا : اممشي ننزل امك حتروح ؟
الين : لا تقول ماعرفهم بس بابا طبعا رايح
رودينا : مايبالها كلام
شادن : وانا ماما تلاقيها قدها هنــآك قالت مافي الا خدم بالبيت لازم احد يعلمهم ايش يعملوو
رودينا : برضو كدا ماما قــآلت
بس محـــد حـآسب حســآب وحده شـآيله البيت كلو على راســها
لابســه جينـزز وبلوزه سودا وطرحه سودا على شعرها
فتحت باب البيت لقــت ابو اسامه واقف براا والعزا حيكون في الديوانيــه .. ودا مخصص للرجال وقت المنــآسسبــآت ..وبدأو الرجــآل يجــوو
واسامه لدحيــن مانزل .. ابو اسامه جاا لعند راما : روحي نادي اسامه
راما زفرت بضيــق مو عارفه كيف حتدخل غرفتو من امس ماشافتوو : حاضر
دارت وطلعت لفووق وهيا عند باب الغرفه اتمنت انها نادت وحده من الشغالات تدخلوو ..
حاولت تقووي نفســها دقت الباب ومالقت اي رد
فتحت الباب بشويش وشافتو جالس على طرف السرير ومســرح
وجعها قلبــها عليــه : اسامه
اسامه طالع فيــها وبالو في مكان تـآني
راما : الرجال جو لازم تنزل
اسامه اشر براسه بتسليك وهوا اصلا ماسمع ولا حرف
راما كانت بتخرج وترد الباب الا شافتو ولا اتحرك عرفت انو مو معاها اصلا
دخللت للغرفه ووقفت قبالو : اسامه قووم النااس تحت
اسامه وقف وكان ماشي الا هيا وقفت قبالو : فين رايح كداا
اسامه والارهاق طاغي على وجهه : نازل
راما طالعت بياقة الثوب مفتووحه واكمام الثوب برضو مفتوحه : طيب عدل نفسك بس
اسامه عقد حوآجبه : مو فااايق
راماا متعوده دايما تسوي لأخوها وابووهاا مسكت يدها وسارت تقفلو هوآآ وهوا بيطالع فيها
مو بيفكر فيها
لا بس بيفكر باأمو
ومسكت بعدها يدو التـآنيه وقفلتلو
طالعت بياقه الثوب وقالت عادي يخليها مفتوحه مو مشكله : خلاص
اسامه نزل عينو ومشـي قبلها طالعت على السرير لقـت صورة امــوو
نزلت راسها باأسف وهيا تدعي بسس انو ربي يصبـره
خررج من البيـــت واتوجه للديوانيــه
جــلس عند اول كنبــه قريبه من البــآب
ويدخلو الناس يسلمو عليــه
عظم الله اجرك
عظم الله اجرك
عظم الله اجرررك
ليين خلاص حس انو مو قادر يسمعها اكتــر
هوا مو مستوعب وفاتها وكل واحد يقول دي الكلمه
وكأنو يقولو فووق خلاص ماتت
نززل راســوو ودموعه مغرقه عينه
دخل رجال كبيـر : اسامه
يبى يسسلم عليــه
اسامه ولا طاالع فيــه
خلاص ماعاد يبــى يسسلم على احد
ابوه جالس جمبو قام مد يدو للرجال وطالعلو بنظرات وكأنو يقولو " خلاص سيبوو "
ودخل بعدها مجموعه رجال واسامه ولا طاالع في اي واحد فيهم ولا سللم على احددد
كل اللي في راسوو امــوو
يحسس خالتو الايطاليــه قلبـها من حجججر امس ارسلتلو صورة امو قبل الدفن
عندهم دي تعتبر ذكــرى
مايدري انها عذبته الف مرا بصوورة
ولا قدددر يناام بعدها
ولدحيــن حاسس انو مافراسه غير الصوورة
اي مشــآعر دي اللي عندهم
معدوميــــن منهاا
خالتو مسيحيه بس امو مسلمــه اسلمت بعد ماولدت اسامه
امــآ جوآآ ام شــآدن جالســه ومستغربــه مين دي البنت مسوويا انو البيت بيتها
وجهزه كل شي
واي احد يدخل كان يسلم عليــها هيا
محد اصلا كان عارفها بس واضح انها من اهل البيت
دخلو التلاته البنات ومعاهم ام رودينا
وراما وقفــت ولما طالعت في وجيههم انفجعت بس حاولت تسوي وكأنو شي عاادي
حبل الكدب دايما قصيــر
التلاته طالعو في بعـــض
الكل لابــس عبي الا دي البنت
ام رودينا باإستغراب سلمت عليها وقالت عظم الله اجرك
راما : جزاكي الله خيـر
شادن ورودينا واليـــــن مدهوووووووووووووشييين
بذات شادن ورودينا لأنهم شافوها مع مازن
اما الين ماتعرفها كتيــر ..
بس سلموو عليــها وجلسسسوو .. شافتهم تنادي الشغالات وتكلمهم وترجع تجلــس
وتسلم على اي احد داخل
رودينا قربت من الين : سلامات دي ايش بها هنا
الين : ومين دي اصلا
رودينا : صحبة مازن
شادن عقدت حوآجبها وهيا تهممس كمان معاهم : ايش جابها
رودينا : علمي علمك نشوف ايش حكايتها
الين : واسامه متى حنشوفو
شادن : لو دخل هنا حشوفو محلانا نروح عند الرجال
رودينا : والله حووووسه
ام رودينا وام شادن جالسين مع بعض
ونفس الحكايه هرجتهم : دي بنت مين
ام شادن : والله مو عارفه كل شويا اشوف سامخ يدخل ويكلمها عرفت انها تقربلهم بس ايش الصلهه بزبط مو داريه
ام رودينا : غريبه والله سامح ولا مرا جبلي سيرتها
ام شادن : ولاانا
رودينا لقطت من كلام ام شادن : بتقول عمو سامح من اول يدخل يكلمها وكأنها تقربلهم
شادن : مستحيل ياشيخه
الين : مرا ماتشبههم
رودينا : اللقافه مقطعتني
حتى وهمـآ بعزآآ مايبطلوو هررج وتحريـــآت ..
راما حـآسه بنظراتهم ومراا خايــفه شكلها حيكون باايخ لو انكفششت وهما مخبين على القرووب مرا مو وقتو ...
امــآ برآآ ..
وفي الديــوانيــه بتحديد
جالس على الكــرسي وكأنه بدون اي رووح
بس سمممع كلمــه : اسااامه
عرف انو صووت مازن رفع رآســه ومااصدق يشووفهم التلاتــه
وقف وحضن مــآزن وصمتــو من يوم مادخل دا المكان طلعو دحيــن لما بكــي بصوتــه ويشتكي لصاحبه لإنسان حيفهمو: امي راااحت يااماازن
مازن وفي حالــه نفسيــه ماتسمح كآنت له انو يبــكي عشــآن رغــد
بــس دحيــن ماصدق احد يحس فيــه
اسامه حاط راسوعلى كتف مازن والكل بيطــآلع فيه وهوا يبــكي بصووتــه
يـزن نزار ماازن ابووهه متأثرين معــآه
لأول مرا يشوفووهـ كدآآآ
بحاولو يهدووه
يكلمووه
بس ولا كأنو سامعــهم
مستحيل يهدأ ويرتاااح بس يقدر يوقف بكى من التعب.. ويحس انو يمر في لحظه هدووء للحظات
جلس جمبه سيدهم وحط يدو على رجل اسامه وبيهرجوو : دي سنه الحيـآه ياولدي انا ولدي ومرتي ماتو في شهر واحد وشوفني قدامك الحياه ماتوقف على احد ايش في اكتر من انو هيا اتوفت وهيا مسلمه ايش في اكتر من انو سابت وراها رجااال يدعيلها بعد وفاتها بكل لحظــه لو تبى تبكي ابــكي لين ماترتااح بس مافي شي حيرجع
اسامه نززلت دموعه ويهرج بهدوء ودا اول شخص بيتكلم معاه بدون ماينفععل : ولا حرتااح _ قال وهوا مستصعب الموضوع ومو مصدددق _ تخيل يصوروهاا !
سيدوو : قول الحمدالله اهل امك ناس جاهله انا ولدي طلعت صورتو بالجريده وهوا مقتول ومافيه اي ملامح _ نزلت دموعه _ ايش في اكتر من كدا طالع في غيرك وقول الحمدالله امك اتوفت وهيا قريبه من ربناا ومحجبه ومتمسكه بدينها _ رفع طرف غترته وهوا يمسسح دموعه _
اسامه صح كلام الجد حسسو كأنو شي باارد انكب على قلببو الحاار بس برضوو في شي نــآقص
جلس شويتين وهوا بيحاول يسترجع كلام جد التوأم
الحيــآ ماتوقف على احد
مااقدر
اموو دي
حلللم كآن طوول عمروو نفسو يوصــلو
ولما عرف انو وصــلوو لما سار ينام مرتاااح
وهوا عارف انو حيقوم ويلقاها جمبو فجأه راااحت
كيــف يرتــآح ..!
سممع ابوه بيهرج مع واااحد
بيقولو التفااصيــل كيف ماتت
ساار يسسمع ودموعه تنززل
ماااقدر يستحمل دا الوضــع
وقـف والكــل طـآلع فيــه
وخــرج من المكــآن
يزن كان بيخرج وراه الا سيدو مسكو : سيبووه
يزن : مايسير ي
سيدو قاطعو : انا حاسس بللي يمر فيــه _ قال بتعب _ سيبو ياولدي
اسامــه خررج من المكــآن وكأنه كان جوا احد خااانقـــه وماااصدق يتنفسسس
ودمووعــه تنـــزززل
شااف مجموووعه رجــآل جايين عشان كدا بعد عن الديوآنيــه مالو نفـس يسلم على احد
عبدالله ولد عم اسامه طالع في ابو راما : مو داك اسامـه !
شــآفوو اســآمه بيبكي ومتــوجه لبعيد عن الديوانيـه .. ابو راما : لاحول ولاقوة الا بلله
عم اسامه التاني : الله يرحمـــهاا ياشيخ
امــآ اسامه اتوجه للكراج ماقدر يدخل البيت لأنو عارف البنات جوآ مو نـآقص احد يشوفو كدااا
جلسس على الدرج وفي الظلمــه قعععد يبـــكي
لوحده
وفي الظلمــه
وفي اخر اللبيت
بيبكــي بقهههههههررر من ابووه
اول كان يقول حروح لأمي وماحيلظمني ابوويــآ بس دحيين حس انو مظللللللوووم
لأنه حرمو ابوه من ذكريــآت المفروض تكون مرتبطه باأمووو
فضــل ســآعه لوحده وجواله كل شــوياا يدق بس مطنــش
مسسح دموعه بتعب ورفع جوآله
مكالمه من نزار ومن يزن ومن مااازن كل وااحد بيتصل عليه
بس دا دحيــن ابووهـ رد عليـه : ايوا
ابوه بخوف : اساامه انتا فين
اسامه وقف : دحين جــآي
رآآح لعند الـرجـآل وباقي بس اصحــآبوو واهل رآمــآ
سلم عليــهم بدون مايفتح فمو لأي احدددد جلس على الكـ{سي وهما بيهرجوووه وهوا بيطالع فيهم بس مو معاهم
بعد نــص سـآعه
اتوجه اسامــه للبيت وفتــح البــآب ودخــل
وجا للغرفه اللي فيها الحريم بس مادخـل فضل عند الباب
ام رودينا وام شـآدن على طوول وقفــوو وراحلوو
ام رودينا حضنتوو تعتبرو زي ولدها وهوا دموعــه اتجمعت في عينــه بس ماسك نفسسو لايرجع يبــكي وبعدها مد يدو سلم على الين ورودينا وشادن من بعيد لبعييد : عظم الله اجــرك
رد عليييهم وبعدها راما جات لعندهم وكآنو زي الدائره والكل بيطالع في راما
بذات اللي عارف انها محجبه ودحين الطرحه في نص راسها واسامه قدامهاعادي ..!!!
راما : في شي
اسامه حط يدو على جبينو وقال وصوتو شبه رايح : كنت بقولك حاجه
راما : الاشياء اللي طلبها عمي قلت للشغالات يسووها
اسامه اتذكر :ايووا صح ابوكي واعمامك جوو
راما : طيب
كانت بتمشي الا اسامه مد يدو وسحب طرحتها لمقدمه راسها وقال : الشباب برضو جوو غطي شعرك
قالــها ومشــي
بحكم انها خطيبتــو قالها كدا بدون مايدري عن خمسسسه اشخااص بيسمعو كل كلمــه يقولها
وراما بكل طاعه اتحجبــت عدل ومشيت وراااه
طالعـــو في بعــض
رودينا : ايش اللي سار دوبو !
شادن رفعت اكتـآفها : مدددري
الين : تكون اختو ؟!
ام رودينا : ايواا يمكن اختو برضاعه
شادن : لو اختو ماحتقول عممي
ام شادن : ليش ماسئلتو البنت وهيا عندكم
الين : حسيت الوقت غللط
ام شادن : لا غلط ولا حاجه احنا من اهل البيت وهيا اللي مانعرف مين اهلها
رودينا: والله شكلو هيا اللي من اهل البيت
امــآ اسامه فتح الباب وكآن ابوها وعمها وولدين شباب معاه اولاد عمها عبدالرحمن وعبدالله شباب جامعيين
راما خرجت وعلى طول ابتسمت لما شافت ابوها وسلمت عليــه وبعدها سللللمت على عمــها
والشباب طالعت فيهم من غير مصافحه : ماشالله كلكم جيتو
عبدالله : دا الواجب
اسامه طبعا شافها بس تسسلم عليييهم وهوا على طول راح لعنــد الرجــآل مالو اي علاقه فيــهم
ومالو نفــس يهــرج مع آحــــد ...
آنتـــهى اليــــوم بدون محــد يدري رآمـآ ايش تقرب لأســآمــه
بس قالو بكرآ نســألها ...
اما اساامه بدون مايعبر اي احد بالبيت على طول اتوجه لغرفتــو وقفل على نفســو البــآب
وابــوه واخوآنـــوو واولاد اخوانو وراما كلهم سهرانين تحت من زمان عن جلساتهم دي
بيضحكو ويتذكرو ايام صغرهم
ورامااا عقلها مو معاهم لما تسمعهم يضحكو بصوت عالي نفسها تقولهم وطوو اصواتهم مراعااة بس لمشااعر اسامه
نفســها تطــلع فووق تشووف ايش بيســـووي
مع انو عارفه انو بيبكـي بس تبى تطمــن عليــه
جملتو من امس ترن في ادنها " انا كنت عايش عشانها "
وقفـت : انا رايحه انام
: تصبحي على خيــر
: وانتو من اهله
انسحبت وطلعت وكآنت الشغاله خارجه من غرفه اسامه
رما طالعت في التبسي اللي بيد الشغاله : مااكل حاجه
الشغاله :من اول جوا مدام مافي ياكل شي
راما : خلاص بعد ساعه كدا سولو اي شي خفيف
الشغاله : حاضر مدام
راما اتــوجهت لغرفتــها وهيا قلبـها مع اسامه
انسدحت على السرير وكل اللي سار اليوم يمر قداام عينها
جالس على السرير وســآند جسمو على المخدهـ
ولا غفتلــو عينو
مسك الجوال وفتح البـآس وطلعت على طول صورة امو وهيا بالكفن اول لما شافها حتى ماقفل الصورة ساب الجوال بكبرو
شاقها ورجعت دمووعــو تنـــزززل
انسسدح على السرير لين ماحس بنفسو ونـآم
اليــــوم التـــآني ..
صحيــو اغلبــهم من بــدري رآما
واهلها بحكم انو البيت غريب عليــهم
وابو اسامه لأنو فرحان فيـــهم
بس اسامه لوحده كــآن نايــم
عبــو الفطوور وكلهم اتوجههو لغرفــه الطعــآم
ابو راما طالع في بنتو : وفينو خطيبك
الكلــمه تفجعهاا ماكانت حااسه فيها دي الفتره
ابو اسامه طالع في راما : روحي ناديه
راما وجهها حمر : طيب
عبدالله ضحك : مسويا انها تستحي دحين
راما اتنرفزت منوو بسس عشانو اكبر منها مسويا انها تحترمو قدام الرجال لكن نظره الوعيييد خلتو ينكتم
خــرجت من الغـرفه وطلــعت تعبت من الدرج
من كتر ماتطلع وتنزل دي اليوميـــن
اتوجهت لغرفتــه دقت الباب كدا مرآآ ولا من مجيب
عارفه في حالتو اصلا ماتستنى يقولها ادخلي
تفتح الباب بشويش تطل من الفتحه الصغيره لو كويس الوضع تدخخل
ودخـــلت بس فضــلت واقفـه عند الباب مستنيتو يخــلص صــلاهـ
سلم وجلس شويتين على السجاده ماحبت تقاطعه ولما وقف ودار جسمو
قالتلو : تقبل الله
اسام طالع فيــها وعيونه منفووخه : من الجميــع
اخد السجاده وحطها على السرير
راما : يلا تعال عبينا الفطور
اسامه : ماليا نفس
راما : ترا من امس ماأكلت
اساامه جلس على السرير وبتصريـف قال : الا اكلت
راما : في كل مرابيرجع الاكل زي ماهوا فين بللهي اكلت
اسامه طل فيها وقال بترجي : راما والله ماليا نفس خلاص روحي انتي افطري
راما ماحبت تغصبو بس قالت وهيا تحاول لأخر مرا : ابوك وبابا وعمي اللي نادوني
اسامه : ودا بزبط اللي مو طايقو حاليا
راما نزلت عينها ماعرفت ايش تقولو حاولت ترد ولو بكلمتين بس ماقدرت ولا تلوموو
لو مادخلوو اعمامها ماكان ابوه طلق امو
ولو ابووه ماسمع لأخوانوو كان عايش هوا لدحين مع امــوو .. : براحتك
قفلت الباب وفضلت واقفه شويتين عند الباب
مراا نفسها اهلها يرجعو جده
تحس الجو مرا مايسااعد انو اسامه يشوفهم طول الوقت
سبحان الله وبحمده سبحان الله العظيـــم
في بيت مكوون من 6 غــررف ..
الاثاث الانيـق زايـــد فخـآمه البيــت ..
بتســـوي شي عشــآن ابــوها مو عشان هيا مرتاحه وراضيه بدا الموضوع
قالو طيــب قالت اووك موافقه ..
بدات تكبــر وتستوعب الحيـآه بس لسى ماتعرف انو في مواضيع ماتتعامل بدي الطريــقه
بـــذات موضوع " الزوآج "
نظرآتـــه بس عليــها يكلم ابـوها ويرجع يطالع فيها ويبتسم
امــآ هيـآ
مــــــــــــــــــرااا عــآدي مو كأنوو دا حيكون خطيبـهاا
الادمي وقـف وسلم على ابــوها : خلاص اجل بس تزبط اوراقي وحيسير كل شي
ابو اثيـر والفرحه طاغيـه عليــه : الله يسرلك امورك
الولد : ان شالله ياعمي
راح لعند اثيـر وقال : مع سلامه
اثيـر من غير لاتوقف اشرت بيدها :باي
ماضايق من حركتها بالعككسسس خرج وهوا مبسوووطه أنو في يوم من الايام حتكون دي زوجتـــه
كان نفســو يملك عليها دحيــن بس عنده مشــآكل في بعض اوراقوو يعني بحدود الاسبوع وتـــكوون اثيـر " خطيبه انــس "
ابوها طل في اثيـر : ايش بك
اثيـر وقفت : ولاحاجه مرا طول عندنا
ابوها : مالو ساعتين
اثيـر ماعجبها الوضع : كتير _ حطت يدها على فمها وهيا تتثاوب _ جبلي النوم
وخرجت من الغرفه وابوها اختفت ابتسامته
يحس انو يفرح بجية الولد اكتر من بنتو اللي مو مهتمــه
اول ماخرجت اثيــر للصاله لقت هدى وامــها ..
هدى تاكل فصفص وتهرج وهوا مو عاجبها العجب : ها حل مشاكلو الولد ولا لسى حتجلسي عندنا
اثيـر : روحي اسئليه بنفسك
ام هدى ماصدقت اثيـر ترد : ايش بك انتي مو متقبله مننا رد
اثيـر : ايش قلت دحييين
هدى : دا الحق عليا حابه اسئلك ايش سويتي
اثيـر : والله لو انك مهتمه ماكان تاكلي الفصفص بقههر خفي عليه
دخلــت غرفتها
وام هدى وقفت بعصبه : تعااالي هناا
هدى مغجوعه دي الايام من ردود اثيــر : شووفتي ياماما ايش قاالت
ابو اثيــر : خييير ايش فييي !!!!
ام هدى تشــردح : شوووف بنتك قاعده تعايب بنتي عشانها مو مخطوووبه واللهي قله اددددب
ابو اثيـر : صلو على النبي اثير صغيره ماتقصصصد
ام هدى حطت يدها على وسسطها : مين هيا اللي صغييره شووفها قدها بطووولي ولسااانها اطوول منهاا دي يبالها احد يربيها من جديد
ابو اثيـر بحزم : اقووولك اهجدددي ولاعاد تدخلي باأثير خلونا يوم بدون صرريخ بالبييييت _ وهوا كماان راح لغرفته وساب مرته وبنته ياكلو بنفسسسهم في الصــآله _
واقفـــه بغرفتــها طالعت حولينها وبعدها اتوجههت للطاقه وفتحتــها
اتأملت الحديقــه وجا في بالها مـآزن
مو جا في بالها اساسا هوا على طول ببالها
بس دحين اتذكرت مواقفــها معاه
زفرت بضيـق وقفلت الطاقه تحاول تشغل نفسها عشان تنسـآه
متقبله فكرة انها تنسـآه لأنو متأكده هوا مايعتبرها غير صديقه مقربــه
اما في الصــاله ..
هدى : انا ساكتـه لدحين بس لأنو ترا الولد مايجي منو
ام هدى : انا اوووريها بنت اللذين لا هوا ولا اللي اسوء منو حيطالع في وجهها لو ماخليتوو يبطل منها ماكون انا امك ياشيخه
هدى ابتسمت : خليها ياماما معاه بالعكس هيا خسرانه حتى وظيقتو مو عدله ولا شي فيه عدل
م هدى : هوا دا كبير عليها كمااان قال ايش شقه بغرفتين يسكن هيا وياها بس تحلم حتى بشقــه حخليها عندي هنا على طول
هدى جلست باإهتمام :ايش حتســـوي فيها ..؟
ام هدى بمكر: قصدك ايش حسوي فيـــه
تلوثات من مصنع القلب
حط الاغراض في الصاله الصغيره
: دي اخر الاشياء
رنيم اتبسمتلو : اوك شكـرا
نضال ابتسملها وطالع في امها اليل دخلت لغرفه وجلست : خلاص دحين حتاخدي دا البيت ؟
رنيم : لا ماحاخدو بس حق كم يوم على بال ادبر نفسي
نضال همسلها : ايش اللي سايرلك بــزبط
رنيم حاولت ماتبين شي ابتسمتلو : ولا شي
نضال: ترا لدحين مو راضي يخش في راسي انو انتي وهتان خلاص !
رنيم : مافي شي يدوم
نضال : حب هتان ليكي كان حيدوم
رنيم حطت يدها تحت صدرها : ربي يسعدو ان شالله مع وحده تستاهلو
نضال : طيب سيبيكي من هرجه هتـآن دا قراركم بس انتي دي اليومين ايش اللي بيسير معاكي وجهك مو طبيعي
رنيم حركت راسها بنفي : ولاحاجه
نضـآل اتنهد : بكيفك بس متى ماتحتاجي شي انا حوقف معاكي ولا يردك شي
رنيم : ماتقصر
خرج نضــآل من هنــآ ورنيــم طلت في االبيت نفس بيتهم الاول
استأجرت بيت ام اليــن
قالت حتقدر تدفع دا الشهــر
بس الشهر الجــآي من فين لها
لكن كل اللي تعرفه مستحيـل تقرب من قصوورهم مرا تـآنيــه
مو محتاجه الين
ولا يزن ولا نزار ولا أحـــد .
تلوثات من مصنع القلب
جالس في الصــآله ولابــس الثوب الاماراتي وريحــه البخور منتشره في البيــت ..
وزي مايقولو شـبــآب الامارات مباخر متنقـله
قبل لاتطالعي بالشكل تجذبك الريحــه :P
بيهرج بالجوال وهوا وراه خــرجه حيكون تاني يوم لعزا ام اساامه ..
: سوزان قولي بعد شهر ممكن نسويها
سوزان : اوك وبعد اسبوعين حينزل الاعلان اللي صورتو
يزن : مرا اتأخر نسيت اني سويت اعلان
سوزان: هههههههه سارت مشاكل
يزن : مو مشكله
سوزان : وفي كدا عمل حابه اتناقش فيه معاك بس فيس تو فيس
يزن : سوزان وربي حاليا مرا مشغوول مو فايق لأي حاجه خليني اخلص دي السنه ويسير خيـر
سوزان : وماحددت متى حتسوي حفله عيد ميلادك
يزن : مو عشان ام اسامه اتوفت ولا كان بدي االيومين ~قولي بعد شهر كداا نفوق ونسويها
سوزان: اها كويسسس
يزن : ابى منك شغله
سوزان : امرني
يزن : تعرفي رنيم
سوزان : اللي سافرت معاك
يزن : اييوا
سوزان : ايش بها ؟
يزن سكت شويا وباين التردد عليـه
سوزان : اهرج
يزن : شوفي قولي دي الفتره كلها ماحشوفها فيها لأنو مالي وجه اتقابل معاها بس في يوم عيد ميلادي اباكي تسوي شغله
سوزآن اتحمسسست : ايششش ..؟
قـآل لسوزان كل ِشـــي يباه منها
وهيا كعادتها مايصعب عليها حـآجه
وماتقدر ترفض طلباته لأنه كل شي بحقـــووو
قفـل منها واتوجه لسيارته وهوا مستصعب انو ماحيشوف رنيــم لمدة شهــر بس دا احسن حل له عشان هيا كمان ترتاح ويقدر يتفاهم معاها على رواق ...
تــآلت يوم العزآ ..
لين دحيــن الخمـآسي ماعرفوو رآمـآ ايشش صلـتها باأسامه
امس جو اغلب اللي يشتغلو بشـركه ابوه عشان يعزو ولدهـ
وازدحم المكــآن وراما مادتهم وجه اصـلا
امــآ اليـــوم شبــه فااضي المكان
جو كدا شخص عزو اسامه ومشيـــوو
برا البيت واقفه عند الدرج وقبـآلها ولد عمها ..
عبدالله : ترا دا خطيبك من يوم ماجينا مو معبر احد خير السلام ببلاش ترا
راما تعدل حجابها : بلا مجاغه ياعبدالله هوا فايق يعني لكم
عبدالله : راما انتي فاهمتني اقل شي يسويه لأبوكي وابويا يجلس معاهم حق دقيقتين كل ماكلموه رد كلمه ومشي ترا اتمرمطنا من جده عششانوو
راما تبى تشوف اي صرفه : هوا اليــوم بدأ يفوق عدل على تصرفاته والمفروض تراعو حالتو
عبدالله : والله انا مراعي حالتو بس الزوق زوق في كل الحالات وبعدين علاقتك انتي وهوا ولاكأنكم مخطوبين فين راماا الرومنسيه اللي كنتي تطفشي اهلناا بـ
راما ضحكت وقاطعته : انتا ايش بك اليوم سلامات الادمي امو متوفيه وانتا تباني استهبل
عبدالله : انا مستني منو نظره ليكي كلمه ليا يومين وانا مراقب تصصرفاتكم وكأنكم ماتعرفو بعض !
راما خافت انو يكفشهم كدا قالت : عبدالله بلاش حركات البزوره دي تراا عمرك 23 ماتعبت وانتا تبصبص في الناس ترا من راقب الناس مات همااا
عبدالله : ياأومي انا عايش ليومك دا ومرتاح لأني براقب الناس
راما : ههههههههههه رووح بس الرجال يستنو
عبدالله : طيب ياستي
دخلت رامـآ لعند الحريــم ماكان فيــه غير البنات وامهاتهم بسس جلست وهيا مرا مرتبــكه بينهم
على طول رودينا والين جلسو جمبــها
راما طالعت فيهم وابتسمت وهيا حاسه بخوف مو طبيعي
رودينا : كيفك
راما : كويسسا
الين على طول خشت بالموضوع : انتي ايش تقربي لأسامه
راما دحين كلمه " بنت عمو " سارت اهوان من " خطيبتو " كدا قالت : بنت عمو
الين اتفاجئت مع انها عارفه انها بتقربلو بس برضو اتفاجئت : اول مرا اعرف انو عندو بنات عم هنا
راما : ماليا كتير في الامارات
رودينا : اهااا وتدرسي معانا بالجامعه كدا استغربنا
راما : ايييوا
الين : غريبه ماعرفنا عليكي
راما : مو مرا انا وهوا مع بعض
الين ماقتنعت : اهاا
راما وقفت وهيا بتشرد من اسئلتهم حست لو جلست حيجلسو يستجوبوها ولو لبكرا : عن ازنكم
وقفـــت وشردت من المكــآن
وهمـآ كملــو هرج فيــها
بعد نــص ســآعه اتجمـــع القرووب لوحدهم
من زمــآن مايتجمــعوو
يمكن حتسير كدا جمعاتهم في المستقبل
في المنــآسبات ..
شعور ابدن مو حلــو
جالسين السبعه وكل واااحد عنده مصـآيب اكتر من التاني
كانو زمان كل واحد يحكي القروب كل شي بيسويه
لكن حالــيـآ الجمعه ســآرت تكفيهم انو ينبسطو بدون مايشتكو
اســآمه : ابى اسافر
نزار : على فين
اسامه : اهل امي
مازن : هوا انتا تعرفهم اصلا
اسامه سكت شويا وبعدها قال : لا بس بشوف كيف كانت عايشه امي ابى اكون بينهم دي الفتره
يزن : حطول طيب
اسامه : حق شهر وراجع
رودينا انفجعت : اما شهههر
الين : وي دراااستك طيب
اسامه ابتسم بشتات : جات على الدراسه عادي ندرس من جديد السنه الجيه
شادن : مو من جدددك يااسامه حضيع نفسك لاحق على السفره او سافر حق اسبوع وتعال
اسامه بدون اهتمام : بعد ماراحت امي فين حضيع اكتر خلاص قدها دراسه مو شي صعب
سكــت الكل مهما حاولو يهرجو معاه ردوده تسكتهم
يزن هرج : يلا مو مشكله وترا لو تباني اسيب دي السنه حسحب عليها عشانك
الين طالعت فيهم مفجوعه : بلاش بهلله اقول
يزن : هههههههه ترا وربي اسوويها انا كدا ولا كدا درجاتي زي الزفت فاخليني اسوي اني بوقف مع صاحبي احسن لي
اسامه ضحك غصبا عنو : فجأه حسيتك بتكبر بعيني بس مالحقت
يزن : ههههههههههههههه هوا انتا شجعني وصدقني حسحب عليها
اسامه : طيب تسافر معايا .؟
نزار : اما عااااد
اسامه : ايوا والله كدا نغير جوو
يزن : بين اهل امك ؟
اسامه : لا ياااشيخ انا حجلس عندهم يوم يومين وماشي بس بعدل نفسيتي وبعدها ارجع
يزن حب يوقف معاه كدا بدون تفكير قال : رجلي على رجلك
اسامه ابتسم : من جد مو تسحب عليا بعدين ؟
يزن : معاااك ياااشيخ بلا دراسه بلا هم
مازن : اييييييييييييوا اديلوو انتا على هوووا وانا ايش اسسوي
يزن : ههههههههههه انتا مضطر تكمل دي السسسنه
مازن مايقدر يساافر : اجلو السفره دي عشاني
يزن : تعال حق كم يوم وبعدها روح
نزار : اقول انا ماعندي شي حجي معــآكم
اسامه : اللي بعدوو مين حيجي كمااان
الين شمقت : هبل دا الناقص اضيع سنه من عمري عشان اونسك
اسامه طالع فيها مفجوع : ترا عمرك ماحتتغيري بلا
الين : عسا عمري ماتغيرت
رودينا : ولا انا اسامه انتا عارفني احبك بس لاتقرب من الدراســه
شادن : ولاانا خليني مجملتها دي السنه
مازن : اجل انا حجيكم حق اسبووع كدا وارجع
البنـآت اتمسكو بمستقبلهم
والشباب حيفضلو كدا طول عمرهم " شباب "
حينبسسطوو ويسلو صاحبهم ويرجعـــو من جديد
يرجـــع كل وآحد لقصتــه
اللي مايدري حتستمر ولا حتوقــف
يزن : دحين دي البنت اللي بجامعتنا من ججد بنت عمك ..!
اسامه : كم مرا حتسئلني
يزن : مو مستوعب ياأخي خير شوفتها كدا مرا مع مازن وانتا معانا ولا فتحت فمك
اسامه : عادي مايحتاج اقول
مازن مسوي نفسه مستحي من اسامه عشان طلعت بنت عمو مايدري اسامه انو اصلا مازن عاارف من قبل لايدري القروب
مازن قرب من اسامه وهمسلو : مازعلت يعني
مصمم انو يطفشو اليوم
اسامه : ياأخي ليش حزعل
مازن : طيب سؤال
اسامه : اسئل
مازن : دحين هيا بنت عمك يعني تعرف خطيبها وريني هوا
اسامه قرب منو وهمسلو اكتر ومازن اتحمس يبى يسمع : اقلب وجهك
مازن بعد عنو وطالع فيه بنص عين : يجيك يوم
اندق باب الغرفـه وفتح الباب عبدالرحمــن طل بكل الغرفه وبعدها انتبه لأسـآمه بين الشباب : فينها راما
اسامه ماسمع الاسم قال : مين ؟!
عبدالرحمن على نياتو قال : خطيبتك ياأخي ليا ساعه بدور عليها مو لاقيها
ماااااااازن مااااصدق يمسسسك كلمه القروب كلو تنح ويمكن كأنو حيحسبوها مزحه لكن مااازن ماراحت عليه عشان كدا قرر يمسك بالكلمه : خطيبة مين ؟
اسامه كان مسند نفسو على الكنبه على طول جلسس عدددل وقال : مدري اتوقع بغرفتها روحلها شووف
يبى يخررج عبدالرحممن على طوول
لكن مازن عاد : خطيبه ميين ياأخي
عبدالرحمن : خطيبه اسامه !
الكل طالع في بعض اما الين ضحكت بهبل
اسامه وقف على طول وحك رقبتوو وهوا يبى عبدالرحمن يطللع
بس مااازن لتتتتتتتتتتح ماحب يطلع صاحبو بصورة سيئه قدام اولاد عمها عشان كدا ماقال " اسامه خاطب ! " قلو وهوا مسوي نفسه يستهبل : كم لوو خاطب صاحبي
عبدالرحمن طالع في اسامه : مالك اسبوعين صح ؟!
اسامه على طوول اتوجه لعبدالرحمن وسحبو : اممشي تعال ادورها معاك _ خرج وقفل الباب _
اما مازن سند جسمو على الكنبــه وساب القرووب كلوو مفجوووووووع وهوا من جوآته يضحك
فاتحيييييين فمهم البنــآت
يزن مو مستووعب اصلا
ونزار يحاول يربط كلام اهل راما طول امس مع ابوو اسامه بس لدحين مو مصدق
اسامه يخطب ومايقولهم
اما مازن ولا كأنوو متككككي وسايبهم يحللو على كيفهم
كل واحد بيحلل لنفسسسه
لوحده
لين شادن قالت بتناحه : يستهبلو كدا ؟
نزار : يمكن
مازن حسهم مرا عبط كدا يزيد بهارات : انا كنت شاااك اصلاا بس قلت خليني اتأكد واتأكدت بعيني لما شوفتها هنا
يزن : يااشيخ بلا هببل فيين خاطب ومايقولنا
مازن : افهمو منو لما يجي ..
حاول يطلع هرجه جديده في القروب وبذات لأسامه عشان يشغلوو عارف اسامه ممكن يفضل طول اليوم يفكر كيف يغطي على نفسسسو
لكن اللي يموت ويعرفه مازن ليش اسامه مو راضي يقولهم انه خاطبها ..!
اما ااسامــه ايش العذر اللي حيطلعو دحيــن للقروب
مو قادر يرجــع يجلس معاهم
يبى كذبــه
حس اسلوب مازن وهوا يستجوب وكأنو شاااك
عبدالرحمن راااح وهوا لمح راما وناداها
راما جاتو: نعم
اسامه : ولد عمك دا ورطني
راما مستغربه انو في موضوع ساير لأنو اسامه مو مدي وجه لأحد : في ايش
اسامه : القروب شكلهم عرفو انو مخطوبين
راما مرا متنرفزه لما شافت البنات داخلين مع اسامه
: بلله ؟!
اسامه : دحين ايش اقولهم
راما ماكانت تبى تفتح معاه المووضوع بس مقهوره : طيب وانا ايش اقول لأهلي وانتا ساحب البنات التلاته وداخل الغرفه ومقفل الباب !!! طلعلي شي اقولو لأهلي وبعدها فكر ايش حتقول لقروبــك
اسامه : اهلك انتي اتصرفي معاهم
راما همسست وهيا معصبه : عارفه انك كاره اهلللي ويمكن حتى كارهني بس كل اللي اطلبو انك تقدرهم وماتقلل من قيمتي قدااهم
ااسامه : اهلك ترا مو ملزووم اديهم اي عذر لتصرفاتي دي
راما ضمت يدها تحت صدرها: اجل لو احد سئلني من القروب انا ايش بنسبه لك لاتقولي ليش قلتيلهم
مشيت الا اسامه مسك يدها بحزززم وقال : راما اهجدددي وخلينا نهررج عدل
راما طالعت حولينها ماشافت احد فقالت : لما اهلي مايكونو في حساباتك اجل اصحابك نفس الشغله ولاهموني لو عرفوو
اسامه : ايش سويت دحيين دا كلو عشان اخدتهم بغرفه
ترا مرا عااادي
راما : عادي عندكم اما عند عيلتي ابدن مو عادي انا مو قادره اروح اجلس مع بابا لأنو عارفه مو عاجبو الوضع اصلا ماليا عين اطالع فيـه حتى عبدالله اليوم سئلني ايش علاقتي فيك بزبـط
اسامه : دا الادمي حالتو صعبه وبعدين هوا ايش حكايتو معااكي كل شويا الاقيه ناتط لكي ويباكي بهرجه !
راما انفجعت الموضوع مرا انحرف : ترا دا موموضوعنا
اسامه : الا موضوعنا انا مو عاجبني الحال بس ساااكت لأنو مو فايق له بس دامك بتهرجي عن القروب دا اللي مو عاجبك انا الادمي دا علاقتو فيكي مو عاجبتني خير شر كلامو معاكي مو طبيعي
راما مفجوعه لأنو اسامه مايجلس معاهم ماتدري ايش اللي قاهره او كيف شايف تصرفات عبدالله وحست كلامو مو منطقققي على اي اساس يتكلم كدا ! : انا ماقلت قروبك مو عاجبني في فرق ترا محترمه علاقتك معاهم وانا عارفه انو انا وانتا حنطلق في النهايه عشان كدا مامنعتك ولا قلتلك مين دوول لكن كل اللي قلتلك هوا تحترم وجود اهلي وماسئلتك ترا ازا عبدالله عاجبك وجوده ولا لأ _ كانت بتمشي بس حبت تديه المعلومه اللي مو داري عنها _ وعلى فكره لو اهلي سافرو عبدالله حيفضل هنـآ عشـآن ابوك عرض انو يشتغل عنده
مشيـــت وهوا من جوآتـه مولــــع
كان راجع لأصحـآبه بس حس انو مو فايق يتنـآقش في موضوع زي كدآ حـآليــآ
اساسا مايدري ليش اتضـآرب مع راما
لكن عبدالله دا مستفــزهـ
وهرجه انو حيبــقى دي شغله تانيــه
اتوجه لأبوه وقلـو يقول للقروب انو هوآ خــرج
عرف انها حركه مو حلــوه
بس مايبى يكون موضوع راما يتناقش فيــه حاليـآ
ومشــي بدون مايعبر ابو راما وعمها التـآني
هوا خرج وعبدالله كان داخل
عبدالله ابتسملو : فين راما
اسامه اتنرفز اخوه دوبو مدور عليها وكمان دا : نايمه
راما جات في لحظتها
وعبدالله طالع فيـها : وي دوبو بيقولي نايمه من اول بدور عليكي
راما طالعت في اسامه وماحبت تكدبو : كنت مسدوحه
عبدالله : اهااا
اما اسامه نفسسو يضرب دا عبدالله ويطلع حرتو فيــه
بس قبــض يدوو ومشـي من قدامهم
السفــر حيكوون راااحه له من جميــع النوآحـي ..
حاسس بضغط مو طبيعي
تلوثات من مصنع القلب
القروب خــرجو من البيت مستغربيـــن .. !!!
رجعو التلاتــه البنات لبيت اليــن وهما طالعين الدرج جات بوجههم منـآر
رودينا وقفت : اما مين دي
الين كملت مشيها وقالت وهيا بتضحك: جدار متحرك بالبيت
شادن ورودينا مشيو وراها وهما يضحكو بصوت واطي مسوين انهم احترموها
منار عصبت : لو تبي تقولي شي قوليه بوجههي مو وانتي شارده
الين وقفت ودارت عليها والهدوءء طاغي عليها : حبيبتي انا مابشرد منك لأني خايفه منك انا بشرد لأني ممكن اسوي فيكي مصيبه لو قعدت معاكي بنفس المكان فاترا دا لسلامتك اني ببعد صدقيني لو انتي قدرتي تنسي ماما وبابا الموضوع ترا عمري ماحنساااه وبغض النظر عن قصتك الحزينه دي اللي بتحكينا هيا كل يوم بس برضو ماحركتي فيا اي مشاعر وبقولك انتبهي على نفسسك
رودينا مسكت يدها : امشي اخصريكي منها
مشيــو التلاته لفــوق . ومنار نزلت وهيا مووولــعه بس ماتقدر تقول شي
اما يــزن ومازن قاعدين مع بعض بنفس الغرفــه
يزن مسدوح على السرير ومازن ساند جسمو على المخده : تقول اسامه حيفضل كدا لمتى
يزن : والله اليوم شايفو كويسس
مازن : هوا كوويس بس برضو
يزن قاطعه : دحين مو دي الهرجه انا مو عاارف مازن من جد خاطب
مازن : ههههههههههه ايش عرفني رووح اسئل اسامه
يزن : المشكله مانقدر نتكلم معاه بدا الموضوع حاليا
مازن : ايوا بلااشي
يزن : تلقااه مزحه
مازن : يمكن ابى افهم دحين انتا ونزار لمتى حتفضلو معصبين وماتكلمو بعض
يزن : ولا غلطت فيه انا
مازن : تراك ضربتو
يزن : وكلامو كآن اسوء من الضربه
مازن : وبعدين !
يزن اخد الريموت وشغل التي في : شوف لو اي بنت يهرج عنها مافتح فمي بس زي ماأقدر انا اهرج عن سهاد
هوا مالو حق يهرج عن رنيـم بدا الشكل انا ما ضربتو عشـآن اللي خربت بيننا بنت زي ماقال سيدي وفسر الموضوع كدا انا ضربتو لأنو هوآ اخووويااا وقلل ادبو عليـآ
مازن : شوف انا معاك من البدايه بس ايش فهم سيدي دحين والمصيبه ابويا وسيدي مستحيل يوافقو على علاقتك برنيم
يزن حط يدو تحت راسو : امي موافقه
مازن عقد حوآجبه : ايش عرفها !
يزن : تعرف كل حاجه وشافافتها
مازن : ها !
يزن حس على نفسو : ارسلتلها الصوره يعني
مازن : اهااا وايش قالت
يزن ابتسم : مرا حبتها على ققولها سهاد دي ماتعرف راسها من رجلها وفرحان فيها سيدي على الاقل رنيم نعرف كل شي عنها والبنت مافي زيها
مازن : ياهوووووو انتاا الحكوومه وافقت عليييها اجل سيدي وابويا مالهم كلمه
يزن : ههههههههه مو انا ساااكت دي الفتره ليششش
مازن : تقول سفره ايطاليـا لها داعي
يزن : بنسبه ليا انا بســآفر وكويس من اسامه انو بيسافر لأنو حسيتو مو طايق احد وعارف لو روحنا هناك حيسحب علينا ويرووح لوحدو بس برضو اسمنو روحت معاه
مازن : ونزار ملكتو الاسبوع الجاي ايش حيسوي
يزن ضحك : سحب عليها بيقول تستنى بعد شهر
مازن : ههههههههههههههههه القوووي وربي حتقلب عليييه
يزن : مو قلت كدا عاد دي مافي زي مجاغتها
مازن : هههههههههههه وربي اني اكتئب نفسيا كل ماعرف انها خطيبه اخويا
يزن : هههههههههههه ايش سووتلك الادميه
مازن اتحولت ملامحه للقرف وهوا يوصفها : غلصه ودلعها زااايد ومجغه ومستفزه انا مو عارف نزار ايشبو خرف
يزن جلسسس : هههههههههههههههههههههههههههههههه الله يصيبك دا كلو مخبيه في قلبك البنت فيها مجاغه لما تهرررج بس مو لدي الدرجه
مازن : وربي اني مو طايقها بس بجامل نزار ههههههههههه يقولي بللهي كيف اقولو عررفت تختاار وانا نفففسي ارميه بالجزمه
يزن : هههههههههههههه زي امس ابويا يقول لنزار هيا ايش بها تهرج زي كدا نعبانه البنت نزار قالو لا هيا كدا مدلعه لو تشووف وقتها سيدي اخدها تريقه حسيت انو برد قلببي
مازن : اهم شي ردة فعل نزار
يزن : سيدي حرقلو دممو فقااام ماقدر طبعا يقول شي
مازن : هههههههههههههههههههههههههههههههههههه
يزن : ترا بنهرج عن زوجه اخونا
مازن : هههههههههههههه انا ملاحظ برضو بس بحاول اتغاضى عن الموضوع جيب مزتك بس البيت وانا لوحدي ماحرحمها
يزن بدون اي تعللليق دفووو برجلوو من على السرير بككل قووته
مااازن طاااح من على السرير ورااسسسو اندق بالكومديييينه : ااااااااااييييي الله ياااخدك
يزززن انففففججججع : هههههههههههههههههههههه سررلللك حاااجه
مازن وقف وهوا ماسك جبينو : فكيتلي جبيني
يزن : ههههههههههههههههههههههههههههههه
مازن جلس على السرير وهوا يمرر يدو على حبينو: بلله نروح نصلي على نزار صلاه الميت تاني
يزن : ههههههههههههههههههههههههههههههههه للما يتزوج اول يوم وهما نايمين نصلي عليـهم
مازن : ههههههههههههههه تقول حتطلب الطلاق بعدها
يزن بحماس : والله لو ادري انها حتطلب الطلاق نروح نصلي عليها دحين وهيا بين اهلها
تلوثات من مصنع القلب
في احد الكافيـهات
جـآلسه قبـــآله قربت وقالت : ايش اللي سـآر بينك وبين امـــك
اياد ابتسم : شايفتني مبســـوط
لانا بمزح: انتا مبسوط عشان شوفتني _ وحركت شعرها بغرور _
اياد ضحك : ارحمميني ياشيخه
لانا ضحكت وبعدها قالت بجديه : يلا بللهي قولي بالتفصيل الممل ايش اللي ســآر .. .
وحصــل هدووء قبــل العـآصفـــه
وايش اللي سار بــزبط بين اياد وامــو .. ؟
سفره الشباب الغير المتوقعه ايش حتكونن مضارها ومنـآفعهـآ ..؟
وبشــكل عــآم شخصيــآت الروآيــه لدي اللحظه مو عارفين ايش يبــوو
وخايفين من الاعتراف باأشيــآء كتير
بيتهربو من الوآقـــع
حفلــه العيد الميلاد حتجممـــع كل شخصيــآتي ...
فاإيش اللي حيسير فيها بزبـــط
ورنيم كيف حتجي لداك المكــآن
هل هرجه يزن لسوزان لها علاقــه
واثيــر حتكمل مع انس ولا مازن ..؟
اسامه وراما علاقه بتطور وهما مو منتبهين لنفســهم
فاحتنتهي بالطلاق ولا حيتمسكو ببعض ..؟
اشككككر لولا في النهايه على احلللى كللللام ربي لايحرمني منهااا ..
شعور بذنــب
الخووف
التردد
دا كل اللي يحس فيـه وهوا اقف بعمــآرهـ مجهوله وبــزبـط قدام الباب البنــي
ماهتم للوقــت
له كدا شهــر وهوا عايش بضميـــر يئنبــه يمكن لو شاف كيفــه
حيرتــآح ضميــرهـ ..
مد يده وقبــل لايدق الجــرس غمض عينه وقال : يااارب _ ماعرف ايش يدعي ايش يقوول في موقف زي كدا
يستر
يعينه
يصلح غلطتو
يتمنــى اشيــآء كتيــره بس اكتفــى بكلمــه ياارب
ودقاة قلبــو وراا بعــض
دق الجرس ونززل يده
خطووات متجهه لعند البــآب زادت توتــره
ولما سمــع كلمــه ميييين حس قلبــه طاح من مكــآنه
جممع قوآآه وقـآل وهوا قــآبض على يده : دا بيت حــآتم
الحرمــه : ايووا مين ؟
يزن : انا صاحبـه
سممع صوت المفتااح وعــرف انها بتفــح البــآب
موقــف لايحسسد عليــه
كل شي يسمعه يزيد توتــره
ويحس انو بيمووت من الخــوف
فتحت الـبــآب
حرمــه كبيـره بسســـن ابتسمت باإرتباك
الوقت مرا متأخر : اهلين
يزن حاول يرسم ولو ابتسامه على وجهه بس مــآقدر : موحود حــآتم
دام جاي بدا الوقت عرفت الحرمه انو في شي ضروري
كدا فتحت الباب : ادخل اشوفلك هوآآ
يزن دخـل وهيا قفـلت البــآب
مشـي وراها وهيا تقولو : اتفضل اتفضــل ياولدي
يزن ولا كلمـــه قالــها ماااشي وراها بكل صمــت
ووقف في الممر لما هيا دخلت للغرفــه المظلمــه
طالع في الصوور المرصوصه على الدولاب وقررب منـها لما اتذكر شكلــوو
داا هوآآآ
خرجت من الغرفه وفوقتــو من صدمتــوو : والله دوبو نــآم مو راضي يقوم
طالع فيييها وهوا بيبكـي قال بصوت يادوب طلـع : مو مشكلــه
خــرجت من التــآكســي وتطالع في العمـآرتين اللي جمب بعض
ماتدري اي وحده فيــهم بـــزبــط شافت سياره يــزن قدام السياره اللي على اليمين
فابدون تفكــييير دخللت العمـآره
وهوا بدي اللحظه خرج من العمـآره التــآنيــه
مممشي بخطوووات وآآحد مصدوووووم
مفجووووووع
ركــب سيــآرته والمكـآن الوحيد اللي خطر في بااله وهوا بدي الحــآله
" امـــوو "
اما هيااا مااسمعت اي حــس ليــزن طلعت للدور الرابع وبعدها نزززلت ماتدري ليش اصلا دخلت
يعني لو يزن موجود فيها حيكون وسط احد دي الشقق
قالت مافي حل غيــر تستنــاه براا
واول ماخرجت من العماره حطت يدها على قلبـــها لما مالقت السياره
طالعت يمين ويســآر مالقت اي اثــر
زفرت بضيــق وملامحها طااغي عليها الاسسسى : ان شالله يكون بخيـر ..
كــآن يبــى يروح لرنيــم هيا الوحيده اللي حتستوعب اللي فيه على طــول
حتعرف كيف تهديـه
بس ماتوقــع انو حتــرضى تشوفو حاليــآ
فاكدآ رآح عند امـــوو عـلى طووول
دخـــل المستشفى وبعدها المصعد واتووجه للغرفــه
امــو حآليــآ صحتــها احسسسسسن من اول بكتيـر
كانت قريبه من الباب واول مانفتح دارت وملامحها طغى عليــها الصدمه رمت باقة الورة اللي بيدها على الكنـبه
واتوجهت له وهيا مفجوعه : يزن ايش بك
بس اصلا شافها سار يبــكي حضنــها بدون اي نقــآش
امو تهرج بكل خووف : يززن حبيبي ايش سااير
يزن ماسكــها بكل قوتـــه ويبـــكي باإنهيــآر
امو خلااص دمهاا نشــف من كتر الخوووف : يزززن لتووقفلي قلللبي قوولي ايش اللي سااير
عشـآن كدا كان يبــآ رنيــم
مايقدر يقول لأموو الهــرجه
بس بنفس الوقــت ملزوم يقولها
جلسسسو على السرير وحكــآها كل حــآجه
من يوم ماكان مع رودينا لدحيـــن
يزن : عنده بنــت صغيره
امو مسكت يزن : طيب حبيبي كويس انو عايــش
يزن : الولد صورة كلها وهوا جالس على كرسـي متحرك ياأومي بسببي سايرله كداا
امو قربت منو وهوا رجع في حضنها ويبــكي : يمكن يقدر يتعاالج احنا حنتكفل بكل حـآجه
يزن مسح دموعه : رنيم برضو قالتلي نفس الكلام لكن لو مايتعالج ايش اسسوي
امو : ربي كاتبلك انو انتا تدفوو لسبب وكاتب انو
هوا يفضل كدا برضو لسبب دا قدره ماتدري لو لدحين هوا طبيعي ايش كان سار فيه مو انتا تقولي بيسكر هيا شووف ايش كان ممكن هبب في نفســه
يزن : ياأومي لاتبسطيلي الموضوع بس علشاني ولدك
اموحاضنتو وتمسح على شعره بهدوء وتهرج كعادتها بكل لباقه واراحيه : انا ببسطلك الموضوع لأنو انتا ماحتقدر تغير شي فاعندك حلين ياتحلل الموضوع باإيجابيه عشان تكمل انتا وهوا حياتك ياتحلله بسلبيه وحتفضل تبكي على نفسك وحاسس بذنب على طول الادمي هوا اللي اعتدى عليك هوا اللي قرب منك انتا ماسويت شي كل اللي كنت تسويه بتدافع عن نفسسسك ولو على حالتو حاليا فاعتبر انو الولد حيتحقق كل شي في باله لبنته ولأهله ماحقصر معاهم بس اهم شي لاعاد اشوفك تبــكي زي كداا
وهنــآ انزآآحت كــل همـــومــه
كلام الام غيــر وحضن الام غيـر
لاإله الا الله محمد رســول الله ..
من صغــره وهوا حلمــه يبــقى في حضــن امــه
من صغره وهوا اكبر امنيــآتــه انو يكبــر وهيا جمبو
كبر وكبــر واحلامــوو وامنيــآتوو محصوره حولين " اموو "
بس كــل شــي اتبخــر بالهوووى ..
وقــف السيــآره وهوا طول الطريــق بيسوق بكل صمــت نززل وهيا معــآه ماقدرت تخليــه لوحدهـ
مع انها مو عارفه ايش سااير
لكن صدمـــتــو وصمتــو خلاها تعرف انو ســآير حاججه
دخخل للبيت وهوا بيدور ابـــوه
يطالع يمين ويســآر ويرجع يدخل لغرفه ويخرج منــها
وهيا واقفه وتطالع فيــه مفجووعه
لين ماتوجه لأحد الغرف وهيا وقفت عند الباب بس بتشوف ايش سااير
وابوه جالس على الكنبــه بالغرفــه دخخل اساامه
وابووه وقف وملامحه كلها اســف
اسامه قال بتلكلك : امـ امـي فينـها
ابوه حط يده على كتف اسامه : الله يرحمها اتـ
اسامه دف يدو وقاطعه بهدوء وهوا لساتو مو مستوعب : لاتقوولي ماتت ماماتت ابى اشووفها قولي فينها
راماا حطت يدها على فمها وفتحت عيونها على وسعها
ابووه سارت دموعه تنززل : اسامه دا قضااء وقدر
اسامه رفع صووته عليــه : لاتتتتبكككي هياا راجعه _ اشر على نفسه وصوتو يرجف _ قالتلي حترجع انا لسى ماشوفتها حتى ماجلست معاها ياأبويا والله لسى _ دموعه هوا كمان نززلت _
ابوه تعبان من نفســه ندمااان لأنه طلقها في يوم
ندماان لأنه حرم ولده من امـــه : ادعيلها مايسير تقول كداا
اسامه اللي حارق قلبـه انو شافها يمكن لو خلاص ماشافها من صغره اهووان من انو شافها قبل كم اسبوع وماشبع منها ووعدته انها حترجع وبعدها ماجات : قولي هيا فين انا حروحلها ابى اشوفها
ابو اساممه : خالتك كلمتني دوبها خلاص بيدفنوها مايمداك تروح
اسامه قال باإستنكار : كلمتني اممس ماكان فيها شي
داار جسمــو كآن بيخررج يبــى يســآفررر بس وقـف لما لققى صورتها على الطاوله
كان يضارب دايما مع الشغالات وابوه لو احد بيشيلهاا
لما شاف شكلها استووعب
استووعب كلام خالتو وصوتها وهيا تبــكي لما كلمتو من نص ساعه
مد يدو ومسك الكرسي اللي جمبو وطااح على ركبتوو وساار يبكي بصووتوو وصورة امو قداموو : آآآآه يااووومي حرااام عليييييكيييي
ابوووه جاا لعندوو وهواا يبكي معاااه حط يدوو على كتفو : اساامه قووم
اسااامه يطاالع بصوورتها ويبكي بكل انهيــآر : انا كنت عايششش عشان اشووفها وربي كنت عايش عشانها
راماا واقفه عند الباب مو قادره حتى تدخل
مع انها ماشافتها الا مرا
وماتعرفها خير شــر بس بكى عمها وكلام اسامه وبكاااه سارت تبــكي معاااهم
ابووه قلبــو وجعو من كلامــو حس نفسسو ولاشي
ماقدر يجللس بدي الغرفــه اكتــر
خرج ولما جا عند راماا قلها : هديـه ياراما
معتبرها خطيبة ولدوو
مايدري كيف اصلا علاقتهم مع بــعض قال دي الكلمتين
ومشــي
يبى يكون لوحده
يبكككككي لوحدددده
اما اساااامه جالس على ركبتـــوو ويده ماسك فيها الكنبــه ويبــــكي بكككل صووتــه ويناادي امــوو
عـآرف انها ماتسمــعه
حتى مايقدر يشــوفهاا
كان مبسسسوط لأنـــه خلاص حيرجججع زي اول معاها
لأنو عــرف فينها
لأنو محرووم من صغره منــها ودحين طول عمره حيعيش معااهاا ماحسب حســآب لشي اسمو " المووت "
راما ماقدرت تدخــل ايش تقولو عشــآن يهدأ ..!
ادا ابوه ماقدر ودا هيا بس من بعيد تطالع فييه وتحس انها منهاااره كيف لو قربـت منوو
خرجت من الغرفه وجلست بكنبــه قريبه من الغرفه
ساامعه صووت بكــى اساامه لحدددهااا
سااامعه صووت شهقاااتووو وكلاموو اللي بيهرج فيـه الصورة اللي قداموو
قلبــها اتقطـــع الف مرااا عليــــه
اسامـــه بالغرفـــه سحب الصوورة من على الطاوله وسسار يططالع في شكلهاا
في شعرها الأسود الليي زيي شعره
في للون عيوونها اللي زيي لوونو
طالع عليها بكدا حــآجه
ندددم آخر مراا لأنو ماقلها على كل شي حاسس فيــه
يحسسس انو في كلاااااام كتيـــر
كان بيقولها هووواا
بس مانقـآل
حس انو ماوصفلها قد ايش كان بيتعززب وهيا بعيده عنوو
قد ايشش بيحس انو منبووذ لما يشووف كل اصحابو عندهم ام وهوا ماعندووو
كان بيقولها حاجات كتيــر بس مالحق يقولــووو
بعد سـآعه هدأ وســآرت الكلمه بس اللي على لساتنو وهوا يهذي فيها : ابــى امـي
كان يقولها وهوا صغير على امل انو يشوفها
بس دحيــن يقولها وهوا عـآرف انو خلاص مافي اي امل يرجع يشوفها
امــآ ابوووه
يبـــــكي ويتقطععع وبيتعززب الـف مرآآآآآ
ندمـــآن ندممم مو طبيـــعي
لدحيــن يحبــها بس عشان عادات اهلو سابها
وعشان مايقدر يشوفها كل مرا قدامو قلها تسـآفر
وعشان لايسمع سيرتها كل مراا حرم اسامه منــها
كل دا عشان مشاعره مافكر بمشــآعر ولده ولا مشـآعرها
بس ماينفع دحيــن شــي
اخد الجــوآآل واتصــل على ام رودينــا
ابو اسامه ابو اللين ام وردينا وام شـآدن كانو بالقروب
وابو وام التوأم كأنو برضو بالقروب وحبو بعض واتزوجو
: الوو .. ايووا انتي كيف دحين .. ايووا بس _ صوتو خانو _ ام اسامه اتوفت
قفــلت من الجوال وعلـى رجلها كان منسدح اياد
اياد رفــع جسمو لما سمع صوت اممو اتغيرت : امــي ايش فــي
امو زفرت بضيـق : ان لله وان اليه راجعون
اياد عدل جلستو بخووف : ايش ساااير
امو :ام اسامه اتوفت
اياد : الايطاليـه .؟
امو حركت راسها باأسف : ايوا الله يرحمها
اياد : امممين بس انا اعرف انهم مو معاها
امو : الام تفضل ام لو كانت قريبه ولا بعيده
اياد ابتسملها وباس راسها : الله يطولي بعمرك
رجعت دموعها في عينها
واياد بردة فعل سريعه : لاعااد تبكككي يكفي اوول خلاص خلينا مبسوطين
امو ابتسمت ومسحت دموعها : انا اكره نفسي كل ماتزكراللي قولتو
اياد رجع انسدح على الكنبه وحط راسو على رجلها ومسك يدها وحطها عند شفايفه وباسها : خلاص لاعاد تقولي حاجــه
امو الابتسامه ماختفت من وجهها دوبها حسست انو ولدها يحب يدحللسس ويفضل بس يبوها ويحضنها وينسدح عليها من يوم ماتأسفلها وهوا على دا الحال
وهنــآ اتذكرت " زوجها الاول "
كآن نفس الطبــآيـــع
مرت عليــه سـآعه وعليــها وهوا بدي الغرفــه
مد يدو للكنبه وسند نفسسو ووقــف بقوه على حيلــه
مشي في البيــــت
خرج من الغرفــه وراما على طول طلت فيــه بس هوا في عالم تاني ولا منتبه لأحد ولاشايــف احددد قدامو
اتوجــه للدرج مسك الدربزان ويطلع درجتين ويوقف لين ماشاف ابووه واقف فوق وبيطالع فيــه
البيت مالو ذكريــآت كتير مع امــه
بس يتذككر وهوا بــزبط
وكان عمره 5 سنــوآت يشيل الاغرااض ويبى يطلعها لفوق وامو تطلع معاه درجه درجه وابووه واقف فوق ويقول : يلاا باقيلك شوويااا
وامو ضحكتها ترن في المكان : براااافووو
ماقدر حتى يطــلع ويكممل الدرج
جللللسسس في الدررج ورجــع يبـــكي
ابووه نززل لعنده : اسااامه ارحمم نفســك خلاااص لاتعزبهاا
اسامه دموعه ولا وقفت
ابووه : خلاص زي ماعشت اول بدونها كمل حياتك وادعيلهاا
اسامه اشر على نفسه : انا ماكنت عايش اصلا اوول
ابوه ماقدرلوو مايقدر يهديــه اصلا
في دي اللحظه اتمنى بس يمسك جواله ويتصل على واحد من اصحابووه يجووه بس قاال انهيـآر طبيعي
ردة فعععل طبيعيه
حيهدى من نفســـوو
مسك يد اسامه : قوم يااولدي
اسامه وقــف وطلعــوو لفوووق ...
اما رآمــآ كانت بتتفرج على دا كلــو وتبـــــكي
وكأنه اللي ماتت امها مو امــوو
ردة فعلله
وبكاااه
تبكي الحججر
اول مرا تشوفــه كدا
وحزنـآنه لأنه عارفه ماقد اتهنى بلحظاات مع امـوو
دق جوآلـــها وردت لما شافت اسم ابوها : الوو
ابوها : كيفك ياراما
راما : كويسسسا وانتا كيفك
ابوها : دوبي عمك كلمني الله يرحمها ياارب
راما : امين
ابوها : وكيفو اسامه دحين
راما دوبها استوعبت نو اسامه حاليا خطيبها يعني عادي تهرج عنو قالت : زفت يابابا والله حالتو حاله
ابوها : الله يصبره هيا كدا الحيااه محد بااقي _ اتنهد بضيق _ خلاص ام شالله بكرا نكون عندكم
راما كعادتها تنحت في البدايه : طيب _ وبعدين استوعبت وقالت بردة فعل سريعه _ هاا فين جايين هنا دبي ؟
ابوها : اجججل يابنتي لازم نعززي زوجك
راما بلعت ريقـها وحست بخوف مو طبيعي : نعزي ! ليش مين جاي معاك
ابوها : امك قالت تعزيه بالجوال احسن بس حجي انا واعمامك ولو جو الشباب شي راجعلهم انا ااديتهم الخبر وهما قالوو جايين معايا
راما مبلمممممه ابدددددن ماتوقعت يجوو : لاتتعبو نفسكم عزوه بالجوال
ابوها : ايش ناقصنا يد ولا رجل عشان مانوقف جمبو
راما خافت : توصلو بسلااامه
ابوها : الله يسسلمك
راما قفلللت وهيا تقوول " الله يستتتتتتر "
عندهم كمان بجده اجازه يعني شكلوو حيجلسسو هنا وهيا اللي حتتورط
سبحان الله وبحمده سبحان الله العظيــم ..
سبحان الله وبحمده سبحان الله العظيــم ..
حــب بس مايكتمل في اليوم الا بعصبيتها ونرفزتــو
ودا احــلى شي بالحب بنسبــه لهــم
مابينهم اي اتفــآق
بس فووق دا كلــوو عرفــو انو مايقدرو يعيشو من غيـر بعـض ..
نايــمه في بيت اختــها ..
منسدحه ورافعه يدها قبال وجهها وفي يدها البي بي وبتكتب مع الحماس طاح الجوال على وجهها : هههههه اااي
ولا كأنو سار شي على طول رفعتو وتكممل الهرجه معااه
وضــآح كتبـلها " يابنتي لاتحرقي في دمي "
جنى " ههههههههههههههه وضاح انســى اني اخرج من الغرفه انا في بيتك"
وضاح " مابديتي تلاحظي انو سرنا تافهين من يوم ماقلتلهم اني اباكي ودي مشكلتنا مو قادرين نوقف قدام بعض خمسه دقايق عدله "
جنى ارستلو " عشان تاني مرا تبطططل فلحننه قلتلك بابا ماحيرضى الا لو ماما جات "
وضاح " كرهتو اصلا "
جنى " نعم ! "
وضاح " ههههههههه ماحكزب يعني لما كنت اقولو لو تشوفي كيف الانشكااح بوجههي بس قااالي الصاعقه كل اللي جا في بالي وهوا يهرج اني امسسسكوو واضربوو واضربووو لين ماقول بــس "
جنى فرطت ضحك بس طبعا ماقالتلو انها ضحكت سوت نفسها زعلانه " عيب استحي تراه عمك "
وضاح " وابو زوجتي وجد عيـآلي "
جنى " هههههههههههههه وضاح اهجد "
وضاح " اقوول قوومي بسسرعه "
جنى " على فين ! "
وضاح " عندي "
جنى : اهبل انتا ! ؟ "
وضاح " ترا لو ماجيتي انا حجيكي "
جنى " بكيفك تعااال اول ماحتدخل حصرخ واقول انك بتعتدي عليا مو مشكله "
وضضاح " ههههههههههههه بلله تعالي نسوي شي اهبل "
جنى " زيي ؟ "
وضاح " ننام مع بعض
"جنى " هههههههههههههههههههههه مع نفسسك "
وضاح " طيب تحبيني ؟ "
وضاح قام من على السرير وقرر يروحلها
اما جنى انسدحت على بطنها وابتسمت حطت شعرها على الجنب ووجهها طاغي عليه الخجل كتبت " لا "
وضااح " بلله ؟ "
جنى تضحك بصوت راخي " حكزب يعني "
وضاح جا لعند الباب وفتحو : تكزبي طبعا
جنى طالعت فيه مفجووعه وبعدها طالعت في تامر اللي نايم على السرير : لاتصفحنا الساعه 4
وضاح : هههههههههههه _ دخل وقفل الباب بالمفتاح _ طول يومي بدوام مابشووفك
جنى حطت يدها على خدها وشهقت : وضااح اخخخرج وربي لأنجلللط تراا
وضااح : يااشيخه بلا خووف زايد
جنى : وربي انتا ماحترتاح الا لو جبتلنا مصيبــه
وضاح : لو المصيبه من ورا رااسك راضي فيييها
حنى وقفت واشرت على الباب : اطططلعععع وربي قلبي حيووقف
وضااح يموت فيها لما تخااف : ويعني لو شاافونا ايش حيسير
وهنا فتحت الباب اروى ولقتو مقفل سارت تدددق : جنننى
وضااح الشجاااعه بدي اللحظه كلللللللها اتبخرررت رااح لجننى ودفاها ويهمس : اخرجي اخرررجي
جنىىى مسكت فيييه : تنتا اللي اخررج يااهبل
وضــآح يطالع حولينو غرفــه تامر مافيها اي مكان الواحد يستخبي فيـــه : جنننىي شووفيلك صرفه مع اختتك
جنى تهممس : مااااالي صلاااااح ماحفتتتح
وضاااح وجههو صففر : حترووح لغرفتي دحيين والباب مشرع ومفتووح حتعرف انو انا مو فييه
جنى : ووااا ياااماما مالي مااالي انا ماعرفك _ بعدت عنووو _ والله لأقولهم انك غصبتني وقفلت الباب وانا ببكي واقولك لا
وضاح عارفها ممكن تسويها كدا يبى رضاها : حياتي انتي مايسير كدا تقولي والله بعدين ماحنتزوج
جنى : طزز فيك عسا عمري ماتزوووجت _ حطت يدها على قلبها وتطالع في الباب _ واا يااقلبي
اروى : جنننى افتحي سامعه صوتك بتقرقري
جنى جلست على الكنبه وقلبها بيوووقف : وااا ياوويلي وااا يافضيحتي
وضااح يطالع حولينوو : حخرج من الطااقه
جنى علت صووتها : دقيقه بلببسسسسس
اروى : يااشيخه بسسسرعه بديكي الرضااعه واغير لتااامر ماحشووفك
حنى : مو لابسسه شي _ طالعت في وضاح واشرت على الطااقه _ نططط
وضاح راح فتح الطــآقه وهنا جنى شهقت : مجنون انتا حتخرج من هنااا
وضاح طالع فيها : ايش اسوي يعني
جنى مسكت في يدو : اخاف تموت
وضاحح : تراه دورين بسسس
جنى : دوووريين بس ارتفاع لو طحت حتتكسر
وضاح : عشان تاني مرا لما اقولك احبك لاتصرفيني
جنى طالعت في الباب لما زااد الددددق واروى عصبت دفتوو من قفااه : نططططط اقووول مع نفسسسك سمعتي فووق كل شي
وضاح : هههههههههه اي سمعه هيا بقت فيها سمعه
جنى ضربتو على ظهره : وضاااح نطططط قبل لاقلبي يووقف مع الفجعه
وضاح خرج راسه من الطاقه وبعدين رجع : كيف حخررج انتي شايفه الارتقااع
جنى عصبت : مو انتا اللي قلت حتنط نطططط خلاااص
وضاح : ولو موووت عششان خاطر مين عششانك خلي اختك تفضضحنا ولا يسير فيا حاجه
كان بيقفل الطاقه الا جنى مسكت الطاااقه وعلت صوتها : خلصصصت لبس _ همست بعدها بجددديه _ نططط بقووولك
وضاح : طيب شوفي انا حفضضضل متعلق بطااقه لما اروى تروح افتحيلي عشان ادخخل
جنى : طيب طيب يلاا
وضــآح خررج من الطــآقه وسار واقف على الحدود العريضضضضضضه البارزه لاصــق بالجداار ومقفل عينوو كل مايطالع تحت يحسس انو بيطيح دقات قلببو ورا بعضضض
اما جننننى مرا خاافت عليه بعد مافتخت الباب لأروى كل شويا تطالع بطااقه خاايفه
اروى دخلت معصبه : سااااعه بلااااا
جنى تعدل بلوزتها : كنت بلبس
اروى : على اساس اني ماقد شووفتك والله عصبتيني _ راحت لتامر وبتغيرلو على اقل من مهلها _
وجنننى تلعب باأظافيرهاا وتحس دمها نشــف
ووضــآح مو قااادر يووقف اكتتر من كددددا سار مابين انو ينططط ويتمنى انو مايسرلو شي ومابين انو يفضضضل متمسسسككك
بس ارووى فضلللت كتير بالغرفــه جنى زاد مرا توترها فاسحبت منها بلوزه تامر : خلاص انا اكملو روحي نامي شكلك يحززن
اروى : ريحتيني
جنى تباها تخرررج الا اروى جلسسست : ترا نزار ويزن اتضـآربو اليوم
جنى شويا وتقتلهاا حبكت دحين تهرج : اها مو جديد عليهم
اروى رفعت حوآجبها : من متى بللهي بيتضاربو دول !
جنى تبى تسلك وبس تباها تنهي الهرجه : ايوا صح والله مايتضاربو
اروى : ايوا سيدي كلمني وهووا معصب من يزن ونزار
جنى تطالع في الطاقه : يحقلو يحقلو
اروى : تخيلي كمان يزن ضرب نزاار عشان وحده !
جنى لاشعوريا فجأه اتحمسست : نعععم مو من جددك
اروى : استصبت ياشيخه من متى بيننا يعني طولة اليد دي وغير دا كلوو الموضوع نفسو مايدخل الراس ميين دي البنت اصلا
بعدددها سمعوو صووت طيــحه بين الشجيراات اللي محوطه البيت
ودقااايق صووت كلللب الحراااســه ينبــح
جنننى قلبــهااااااا طااااااااااح
كل اللي في راسسها وضااح ســرلو شــي
اروى : وي بسسسم الله ايش دااا
جنى قامت : دحيين انا اشووف _ اتوجهت للطاقه ماشافت شي عددل بس تبى تصصصرف بسسرعه اي شي _ الكلللب مع البواب هننا ( علت صوتها بكدب وهيا تهرج نفسها _ محممد في حاااجه
بعدها طالعت في اروى : لا مااافي فجعووني بلاا
اروى قامت : حتى اناا يلا بقوم انام
جنى : طيب
اروى خرجت وجنى قفلت الباب وبعدها بدقيقه بزبط فتحتو خرجت راسهااا شافت يمين ويسـآر ماافي احدددد
ونزززززززززززززززززززلتتتتتت جرررررررررري
وووجهها مصفـــــــــــرررر
لابســه بجامتــهاا الصفـرا وفاتحــه شعرهاا
فتحت بــآب البيــت وتناادي بهمممسسس : وضاااح
تممشي وتنادي وصوتهاا طغى علييه الخووف : وضاااح وضااح
وضــآح جالـس بعيــد على الكـرسي وقدامو الطـآوله : هيي اناا هنااا
طالعت فييه من بعييد وراحتللو على طوول : سسرررلك شششي
وضاح ماد رجلو اليمين : تووجعنني رججلي
جنى طالعت في وجهه : انجرحت
انشخط بوجهه من الغصصصن ورفع يدوو : حتى في يدي كلو مننك
جننى : والله ماكنت ادددري انو حيسرلك كداا
وضــآح معقد حوآجبه ومعصــب يمرر يدو على رجلــوو ولا رد عليـها
جنى جلست بالكرسي اللي جمبو وقالت بخوف : كيف مرا توجعك
وضـآح يبى يطللع عينها طالع فيها بنص عين وقال بكل جفاصه : لا بستهبل عليكي
جنى :والله ياوضاح مع الخووف مافكرت
وضـآح وقـف واتكى على الطاوله : خليني انام احسن لي
جنى وقفت معاه وهوا يمممشي ويعرررج ويقول بتمثيـل : آآه ياارجلي
هوا كآنت رجلو بتوجعو بس هوا زايد الموضوع عشان يحسسها بذنب
جنى مشيت وراه وباين في صوتها البكـى : وضااح ازا مرا توجعك اجللس اناديلك اروى
وضاح يممشي وقال يدق بالهرج: لا عاادي اخاف بعدين يشكو فيناا
جنى ماهتمت : بكيفهم ايش يعني كنا حنسوي
وضـآح وقـف : مدددري _ وغمض عينو باألم _ ناديلي وليد
جنى خافت : ها دحين لا بعدين ايش يقول
وضاح شويا ويضحك : مو دوبك تقولي لا عادي
جنى : اروى اصحيها ممكن بس وليد والله مرا لا
وضــآح جللس على الدرررجه ومد رجلــووكان لابـس بنطلوون طويـل شويا وســيع حق بجـآمه ومقلم
جنى ماسكه اياديها في بعض وترهج بتلكلك : اشووف طيب رجججلللك
وضــآح رفع صوتو عليـها : ايش حتسسويلي يعني لو شوفتيها
جنى : لاتررفع صووتك
وضاااح : دا اللي همك انا مو قااادر امممشي وا
جنى قاطعتــه وجلست جمبو : خلاص لاتعصب مو لازم ننادي ولييد خلينا شويا نجلس هنا يمكن رجلك يهدا الالم فيها
وضَـآح نظراتو اسلوبو نبره صوتو كلـــها جديه × جديه : لا يااشيخه عارفه انا اساسا غلطـآن لأنوو في كل مرررا اوقف فيها قدامك تسويلي مصيبه حتى لو شغاله شافتنا تقومي قيامتي وكأنو مدري ايش اللي سار ودحين راميتني من الطاقه عشان اختك بس
جنى : انتا اللي جبت فكرة الطاقه
وضاح : وانتي واختك قاعدين تهرجو اقل شي كان صرفتيهاا
جنى : خلاص انا اسفـــه
وضاح حط يدو على ركبتوو وشد على عينو : ااااه يارجلي مو حاسس فيهاا
جنى دموعها سارت في عينها : مرا بتوجععك ؟
وووضاح مسك يدها وضغط عيلها : ججننننى مراا تألممني
جنى خااافت : خلاص خلاص بنادي وليـد _ كانت بتقوم الا هوا شد على يدها _
وضــآح : لا لا تقوومي خليكي معاياا
جنى : ماحسويلك شي انااا خايني اناادي وليييد ولا ابووك
وضاح : لا بلااشي _ سكت شوويا وبعدها قال _ آآآآه يااارججججلللي
جنى دموعها نزلت: والله اسفــه ماكان قصدي
وضــآح يبى يعلللمها تاني مرا لاتربشششووو
حط يدوو على كتفها وقربو لحضنها: حياتي لاتبكي انتي مالك
جنى : لا كلوو بسببي لو ماخليتك تنط
وضـــآح انعدى من نذالتها ولا قلها : لا حياتي اناا الي اصريت ودخلت الغرفــه
جنــى : لا والله بسببي
وضــآح كان بيوصل لدي النقطه ويلومها : خلاص سار اللي سار _ خلنا نطلللع
جنى مسحت دموعها : وانتا كيف دحين
وضـآح : حنام يمكن تخف لما تقووم
جنى : اخاف تزيــد
وضــآح بكل حقـآره مسوي البرائه منقطه منو : لو زادت خلاص بكرا اروح المستشفى واقول لأبويا اي صرفه
جنــى : طيب _ سكتت شويا وبعدها اتذكرت _ وترا كنت اكزب عليـك
وضـآح : في ايش ؟
جنى : انو مارديت عليك يعني وقلتلك احبك
وضـآح من جواتو ميت ضحككك خلاها تمممشي صصصصححح : مو مشكله حبيبي _ وقف وهيا وقفت ومسك يدها _ خلينا ننام
وصلــو لغرفه نومــوو ودخلت غرفتو بكل خووف جلس على السرير وكآنت حتسحب يدها من يدو بس هوا شد على يدها وقال : جنننى مرا تووجعنني
جنى نسيت انها بغرفتو : طيب قولي ايش اسوي وانا حسويلك هوا
وضـآح : خلاص خلاص روحي
جنى جلست على السرير : لو بتوجعك ماحروح
وضــآح ( ههههههههههههههههههه وربي اني رهيب ) : مابيدك تسوي شي خلاص حنسدح لين مانام
جنى على نياتها : تنسدح وهيا كدا توجعك
وضـآح : في حل غيرو ؟
جنى سكتت شويتين وبعدها قالت : لا _ اتذكرت _ خلاص اكلمك بالجوال لين ماتنام
وضـآح طالع فيها بنص عين : مو انتي تكرهي دي الحركات
كان دايما يقولها نهرج لين مانام تقوم تتأفف بس دحين هيا اللي اقترحت
جنى : لا ماكرهها خلاص انسسسدح وانا حكلمك دحين بالجوال
وضــآح ولا ابتسم بوجهها : خلاص طيب
جنى قامت من جمبو وضميــرها ياأنبها راحت للغرفــه وعلى طول كلمتو بالجووال وهوا ميييت ضحكككك عليييها مستحييل يقولها الحقيقه دامها كدا ماشيه معاه صح وبتسمع كلامو اجل عرف كيف يعدلها ...
في صبــآح اليــوم التــآني
كلهم على طــآولة الطعـآم وبيفطــروو ولسى وضـآح لدحيــن ماشــرف
بس عادي كلهم بيفطرو وماعندهم شي اسمو انتظار
اللي يجي يجي واللي مايجي بكيفــو
اما جنــى تـآكل وعينها على البــآب
مستنيتو يجي
اتصلت عليه اول ماصحيت مارد عليـها
ومسكة كاسه العصير بتوتـر لما شـآفتو دخل وبيعرج
ابوه عقد حوآجبه وقال بخووف : واا ايش بببكك ياوضااح
وضااح مسك في الكرسي وضحك عشان يعدل الجوو : تلوت رججلي
ابووه : متتى
جنى تشرب العصير وتطالع فيــه ولما طل فيها رمشت بعينها وكأنها مالها صلاح والبرائه تقطر منها
وضـآح امس لما رجعت من الدوام
وليد بشك : وايش دا اللي على خدك
وضـآح مرر يدو على الجرح : بالعلاقه اتعورت _ يبى يصرف _ امس يوم العاهات العالمي
اروى : ههههههههه منجدد اهم شي دحين رجللك كيف
ابوه : اييوا لو تعورك روح المستشفى اكشف على نفسك لاتبلينا بعدين بمصيبه
وضـآح : لا مايحتاج
جنى ساارت مو زي اول تاخد وتدي لما يجي وضـآح معاهم مرا تستحي فالصمت هوا وضعها في دي الحـآله
ابوه وقــف : زي ماتشوف بس اهم شي لاهمل نفسسسك خلوني الحق على الدوام
: ترجع بسلامه
: الله يسلمكم
خرج من الغرفــه ولا دقيــقه دخل البواب وهوا منزل راسو : ايوا مستر وليد
وليــد : كم مرا اقولك لاتفتح لأي احد البوابه
: انا مايفتح
وليد بعصبيـه : والرجال اللي امس مدخلي هوا ايش يططططلع ان شالله
اروى على طوول تهديه دايما لما يعصب طلت فيه رمت كم كلمه ورجعت تكمل فطورها تكره لما يكلم الخدم كدا: ارحم من في الارض يرحمكم من في السمااء
وليد هدي شويتين والبواب هرج : هوا يقول انو يعرف مستر انتا
وليد : واي احد عارف اسمي ويقولك افتح الباب حتفتحلو كم مرااا بقولك لاتفتح لأحد غريب الا لما تكلمنني
البواب : اسف ان شالله مرا تااني _ كان بيخرج بعدين اتذكر شي وطالع في وضااح _ مستر وضاح انتا امس ليش ينط من طااقه
وضاح كان بيدو التوست ودوبو بلعو انخنننق من يوم ماهرررج لبوااب ساار يضررب على صدروو ولسااااتو يكككح وجههو حمــر واروى ادتو كاسه مويا وهيا مفجوعه : وي بسسسم الله ايش بككك
جنى دمممهاا نشـــف
حســبو انوو انستــرو كدا ومحد داري عن تهبيبهم
وليد ماهتم لخنقــة وضـآح .. قال للبواب وهوا مفجوع : نط من فييين !
البواب : من الدور التااني
وليد طل في وضاح وبعدها بالبواب : من الدور التااني !
البواب : ااايووا امـ
وضاح قاطعوو : خلاص اقولك اطلللع
جنى مو عارفه كيف تتصرف يمكن يكون سبب سكوتها انهم يعرفوو من وراها الهرجه
اروى : لا دقيقه كيف نطيت من الدور التاني
وليد بتحليل : عشان كدا رجلك توجعك
اروى كملت : ودا اللي في وجهك من الطيحه
وضـآح يبى البواب يخرج قبل لايحدد كمان الغرفه اللي نط منها وضاح : انا ححكيكم بس خلو دا يخرج من متى ماشالله يدخل كاد البيت _ طل في جنى _ هنا في بنات
وليد حسب عششان جنى لابسـه برمودا كدا اخوه معصب اشر للبواب : خلاص خلاص رووح
البواب : اووك
وخــرج
والكل طالع في وضــآح ويبو تفسيــر
وضاح حط اياديه على الطاوله : ايوا ؟
وليد : احنا اللي نقولك ايوا ؟
وضـآح مو عارف ايش يقول مو طبعو يطلع الكدبه في لحظتها : شي ساار بس
اروى : ويخليك تنط من الدور التاني !! انجنيت !
جنى بدات تحس نظرة وليد لها وكأنو بيربط بينهم عشانها ساكته ومو دا طبعها كدا حبت تهررج ضحكت وقالت : اما من الدور التاني تستعبط ياوضااح
وضــآح طالع فيها ونفسو يقتولها اما هيا على طول طالعت في اروى عشان خافت من نظرتوو
وليد : حتهرج ؟
وضـآح مو عارف ايش يقول مو عارف يطلع الكدببه
وتروه وهما التلاته بيطــآلعو فيـــه
كدا قال : لا ماحهرج
وليد : يعني انادي البواب يحكينا
وضـآح : ايش حيقولكم سبب نطتي من غرفتي ! وبعدين بكيفي انط من الطاقه ولا اخرج من باب البيت ترا كلو واحد في النهايه _ وقف وهوا يهرج نفسسسو _ حتى الواحد محسوبه عليه كيف يخرج من البيت
خرج من الغرفه وهوا مسوي نفسو زعلان
وجنى ماسكه نفسها لاتضـــحك
واروى ووليــد ممفجوعين
اروى قالت وهيا مصدومه : استخف دا .!
وليد ضحك : ههههههههه لا مو صااحي دا !!!
اروى : ايش اللي يضحك بالموضوع روح شوف اخووك استخخخف يبى يبتكر كمان طرق غير الباب عشان يخرج من البيت
وليد : على اساس انك صدقتيه ورااه مصيبه ودا وجههي
اروى : مصيبه
وليد : اييوا باين من وجههو اصلا _ طالع في جنى وقال بشك _ نشووف نهايتو
جنى اخد الكـآسه الفاضيه وحطتو عند فمها بتشرب مع الارتباك مانتبهت بعدها رجعت الكاسه : الحمدالله شبعت
امــآ وضــآح طلع لغرفتــوو ولساتو بيعرج في مشيتو وبيسب جنـى من جواته : ماتبطل حركاتها _ استوعب موقفها _ ايش كمان بيدها هيا تسوووي
وصـــل خبــر الوفــآة لكل القــرووب ...
في اليــوم التــآني ..
جالسيــن البنــآت في غرفــة الين وكل وحده لابســه عبايه سودآ
شادن : وربي قلبي وجعني اول ماعرفت
رودينا : تقولو كيف دحين هوا
الين لساتها يدها مجبســـه وعينها منعوها تفتحها بس مو مهتمه لو احد شافها كدا ايش يقول تبى تروح تعزي اسامه : مدري والله الله يصبره ياشيخه
رودينا : ايوا صح منار ايش سويتي فيها
الين : ولاشي بس صبرها عليــآ
رودينا : تعجبيني
الين مهما اتغيرت بس صفات فيها ماحتتغير لو احد غلط عليها او استفزها تسير متوحشـــه وتدافع عن نفسسسها بتسلـــط ..
شادن حطت الطرحه على راسـها : ماتبو تروحو شوفو الساعه كم
الين طلت بساعه : وي قدها 5
رودينا : اممشي ننزل امك حتروح ؟
الين : لا تقول ماعرفهم بس بابا طبعا رايح
رودينا : مايبالها كلام
شادن : وانا ماما تلاقيها قدها هنــآك قالت مافي الا خدم بالبيت لازم احد يعلمهم ايش يعملوو
رودينا : برضو كدا ماما قــآلت
بس محـــد حـآسب حســآب وحده شـآيله البيت كلو على راســها
لابســه جينـزز وبلوزه سودا وطرحه سودا على شعرها
فتحت باب البيت لقــت ابو اسامه واقف براا والعزا حيكون في الديوانيــه .. ودا مخصص للرجال وقت المنــآسسبــآت ..وبدأو الرجــآل يجــوو
واسامه لدحيــن مانزل .. ابو اسامه جاا لعند راما : روحي نادي اسامه
راما زفرت بضيــق مو عارفه كيف حتدخل غرفتو من امس ماشافتوو : حاضر
دارت وطلعت لفووق وهيا عند باب الغرفه اتمنت انها نادت وحده من الشغالات تدخلوو ..
حاولت تقووي نفســها دقت الباب ومالقت اي رد
فتحت الباب بشويش وشافتو جالس على طرف السرير ومســرح
وجعها قلبــها عليــه : اسامه
اسامه طالع فيــها وبالو في مكان تـآني
راما : الرجال جو لازم تنزل
اسامه اشر براسه بتسليك وهوا اصلا ماسمع ولا حرف
راما كانت بتخرج وترد الباب الا شافتو ولا اتحرك عرفت انو مو معاها اصلا
دخللت للغرفه ووقفت قبالو : اسامه قووم النااس تحت
اسامه وقف وكان ماشي الا هيا وقفت قبالو : فين رايح كداا
اسامه والارهاق طاغي على وجهه : نازل
راما طالعت بياقة الثوب مفتووحه واكمام الثوب برضو مفتوحه : طيب عدل نفسك بس
اسامه عقد حوآجبه : مو فااايق
راماا متعوده دايما تسوي لأخوها وابووهاا مسكت يدها وسارت تقفلو هوآآ وهوا بيطالع فيها
مو بيفكر فيها
لا بس بيفكر باأمو
ومسكت بعدها يدو التـآنيه وقفلتلو
طالعت بياقه الثوب وقالت عادي يخليها مفتوحه مو مشكله : خلاص
اسامه نزل عينو ومشـي قبلها طالعت على السرير لقـت صورة امــوو
نزلت راسها باأسف وهيا تدعي بسس انو ربي يصبـره
خررج من البيـــت واتوجه للديوانيــه
جــلس عند اول كنبــه قريبه من البــآب
ويدخلو الناس يسلمو عليــه
عظم الله اجرك
عظم الله اجرك
عظم الله اجرررك
ليين خلاص حس انو مو قادر يسمعها اكتــر
هوا مو مستوعب وفاتها وكل واحد يقول دي الكلمه
وكأنو يقولو فووق خلاص ماتت
نززل راســوو ودموعه مغرقه عينه
دخل رجال كبيـر : اسامه
يبى يسسلم عليــه
اسامه ولا طاالع فيــه
خلاص ماعاد يبــى يسسلم على احد
ابوه جالس جمبو قام مد يدو للرجال وطالعلو بنظرات وكأنو يقولو " خلاص سيبوو "
ودخل بعدها مجموعه رجال واسامه ولا طاالع في اي واحد فيهم ولا سللم على احددد
كل اللي في راسوو امــوو
يحسس خالتو الايطاليــه قلبـها من حجججر امس ارسلتلو صورة امو قبل الدفن
عندهم دي تعتبر ذكــرى
مايدري انها عذبته الف مرا بصوورة
ولا قدددر يناام بعدها
ولدحيــن حاسس انو مافراسه غير الصوورة
اي مشــآعر دي اللي عندهم
معدوميــــن منهاا
خالتو مسيحيه بس امو مسلمــه اسلمت بعد ماولدت اسامه
امــآ جوآآ ام شــآدن جالســه ومستغربــه مين دي البنت مسوويا انو البيت بيتها
وجهزه كل شي
واي احد يدخل كان يسلم عليــها هيا
محد اصلا كان عارفها بس واضح انها من اهل البيت
دخلو التلاته البنات ومعاهم ام رودينا
وراما وقفــت ولما طالعت في وجيههم انفجعت بس حاولت تسوي وكأنو شي عاادي
حبل الكدب دايما قصيــر
التلاته طالعو في بعـــض
الكل لابــس عبي الا دي البنت
ام رودينا باإستغراب سلمت عليها وقالت عظم الله اجرك
راما : جزاكي الله خيـر
شادن ورودينا واليـــــن مدهوووووووووووووشييين
بذات شادن ورودينا لأنهم شافوها مع مازن
اما الين ماتعرفها كتيــر ..
بس سلموو عليــها وجلسسسوو .. شافتهم تنادي الشغالات وتكلمهم وترجع تجلــس
وتسلم على اي احد داخل
رودينا قربت من الين : سلامات دي ايش بها هنا
الين : ومين دي اصلا
رودينا : صحبة مازن
شادن عقدت حوآجبها وهيا تهممس كمان معاهم : ايش جابها
رودينا : علمي علمك نشوف ايش حكايتها
الين : واسامه متى حنشوفو
شادن : لو دخل هنا حشوفو محلانا نروح عند الرجال
رودينا : والله حووووسه
ام رودينا وام شادن جالسين مع بعض
ونفس الحكايه هرجتهم : دي بنت مين
ام شادن : والله مو عارفه كل شويا اشوف سامخ يدخل ويكلمها عرفت انها تقربلهم بس ايش الصلهه بزبط مو داريه
ام رودينا : غريبه والله سامح ولا مرا جبلي سيرتها
ام شادن : ولاانا
رودينا لقطت من كلام ام شادن : بتقول عمو سامح من اول يدخل يكلمها وكأنها تقربلهم
شادن : مستحيل ياشيخه
الين : مرا ماتشبههم
رودينا : اللقافه مقطعتني
حتى وهمـآ بعزآآ مايبطلوو هررج وتحريـــآت ..
راما حـآسه بنظراتهم ومراا خايــفه شكلها حيكون باايخ لو انكفششت وهما مخبين على القرووب مرا مو وقتو ...
امــآ برآآ ..
وفي الديــوانيــه بتحديد
جالس على الكــرسي وكأنه بدون اي رووح
بس سمممع كلمــه : اسااامه
عرف انو صووت مازن رفع رآســه ومااصدق يشووفهم التلاتــه
وقف وحضن مــآزن وصمتــو من يوم مادخل دا المكان طلعو دحيــن لما بكــي بصوتــه ويشتكي لصاحبه لإنسان حيفهمو: امي راااحت يااماازن
مازن وفي حالــه نفسيــه ماتسمح كآنت له انو يبــكي عشــآن رغــد
بــس دحيــن ماصدق احد يحس فيــه
اسامه حاط راسوعلى كتف مازن والكل بيطــآلع فيه وهوا يبــكي بصووتــه
يـزن نزار ماازن ابووهه متأثرين معــآه
لأول مرا يشوفووهـ كدآآآ
بحاولو يهدووه
يكلمووه
بس ولا كأنو سامعــهم
مستحيل يهدأ ويرتاااح بس يقدر يوقف بكى من التعب.. ويحس انو يمر في لحظه هدووء للحظات
جلس جمبه سيدهم وحط يدو على رجل اسامه وبيهرجوو : دي سنه الحيـآه ياولدي انا ولدي ومرتي ماتو في شهر واحد وشوفني قدامك الحياه ماتوقف على احد ايش في اكتر من انو هيا اتوفت وهيا مسلمه ايش في اكتر من انو سابت وراها رجااال يدعيلها بعد وفاتها بكل لحظــه لو تبى تبكي ابــكي لين ماترتااح بس مافي شي حيرجع
اسامه نززلت دموعه ويهرج بهدوء ودا اول شخص بيتكلم معاه بدون ماينفععل : ولا حرتااح _ قال وهوا مستصعب الموضوع ومو مصدددق _ تخيل يصوروهاا !
سيدوو : قول الحمدالله اهل امك ناس جاهله انا ولدي طلعت صورتو بالجريده وهوا مقتول ومافيه اي ملامح _ نزلت دموعه _ ايش في اكتر من كدا طالع في غيرك وقول الحمدالله امك اتوفت وهيا قريبه من ربناا ومحجبه ومتمسكه بدينها _ رفع طرف غترته وهوا يمسسح دموعه _
اسامه صح كلام الجد حسسو كأنو شي باارد انكب على قلببو الحاار بس برضوو في شي نــآقص
جلس شويتين وهوا بيحاول يسترجع كلام جد التوأم
الحيــآ ماتوقف على احد
مااقدر
اموو دي
حلللم كآن طوول عمروو نفسو يوصــلو
ولما عرف انو وصــلوو لما سار ينام مرتاااح
وهوا عارف انو حيقوم ويلقاها جمبو فجأه راااحت
كيــف يرتــآح ..!
سممع ابوه بيهرج مع واااحد
بيقولو التفااصيــل كيف ماتت
ساار يسسمع ودموعه تنززل
ماااقدر يستحمل دا الوضــع
وقـف والكــل طـآلع فيــه
وخــرج من المكــآن
يزن كان بيخرج وراه الا سيدو مسكو : سيبووه
يزن : مايسير ي
سيدو قاطعو : انا حاسس بللي يمر فيــه _ قال بتعب _ سيبو ياولدي
اسامــه خررج من المكــآن وكأنه كان جوا احد خااانقـــه وماااصدق يتنفسسس
ودمووعــه تنـــزززل
شااف مجموووعه رجــآل جايين عشان كدا بعد عن الديوآنيــه مالو نفـس يسلم على احد
عبدالله ولد عم اسامه طالع في ابو راما : مو داك اسامـه !
شــآفوو اســآمه بيبكي ومتــوجه لبعيد عن الديوانيـه .. ابو راما : لاحول ولاقوة الا بلله
عم اسامه التاني : الله يرحمـــهاا ياشيخ
امــآ اسامه اتوجه للكراج ماقدر يدخل البيت لأنو عارف البنات جوآ مو نـآقص احد يشوفو كدااا
جلسس على الدرج وفي الظلمــه قعععد يبـــكي
لوحده
وفي الظلمــه
وفي اخر اللبيت
بيبكــي بقهههههههررر من ابووه
اول كان يقول حروح لأمي وماحيلظمني ابوويــآ بس دحيين حس انو مظللللللوووم
لأنه حرمو ابوه من ذكريــآت المفروض تكون مرتبطه باأمووو
فضــل ســآعه لوحده وجواله كل شــوياا يدق بس مطنــش
مسسح دموعه بتعب ورفع جوآله
مكالمه من نزار ومن يزن ومن مااازن كل وااحد بيتصل عليه
بس دا دحيــن ابووهـ رد عليـه : ايوا
ابوه بخوف : اساامه انتا فين
اسامه وقف : دحين جــآي
رآآح لعند الـرجـآل وباقي بس اصحــآبوو واهل رآمــآ
سلم عليــهم بدون مايفتح فمو لأي احدددد جلس على الكـ{سي وهما بيهرجوووه وهوا بيطالع فيهم بس مو معاهم
بعد نــص سـآعه
اتوجه اسامــه للبيت وفتــح البــآب ودخــل
وجا للغرفه اللي فيها الحريم بس مادخـل فضل عند الباب
ام رودينا وام شـآدن على طوول وقفــوو وراحلوو
ام رودينا حضنتوو تعتبرو زي ولدها وهوا دموعــه اتجمعت في عينــه بس ماسك نفسسو لايرجع يبــكي وبعدها مد يدو سلم على الين ورودينا وشادن من بعيد لبعييد : عظم الله اجــرك
رد عليييهم وبعدها راما جات لعندهم وكآنو زي الدائره والكل بيطالع في راما
بذات اللي عارف انها محجبه ودحين الطرحه في نص راسها واسامه قدامهاعادي ..!!!
راما : في شي
اسامه حط يدو على جبينو وقال وصوتو شبه رايح : كنت بقولك حاجه
راما : الاشياء اللي طلبها عمي قلت للشغالات يسووها
اسامه اتذكر :ايووا صح ابوكي واعمامك جوو
راما : طيب
كانت بتمشي الا اسامه مد يدو وسحب طرحتها لمقدمه راسها وقال : الشباب برضو جوو غطي شعرك
قالــها ومشــي
بحكم انها خطيبتــو قالها كدا بدون مايدري عن خمسسسه اشخااص بيسمعو كل كلمــه يقولها
وراما بكل طاعه اتحجبــت عدل ومشيت وراااه
طالعـــو في بعــض
رودينا : ايش اللي سار دوبو !
شادن رفعت اكتـآفها : مدددري
الين : تكون اختو ؟!
ام رودينا : ايواا يمكن اختو برضاعه
شادن : لو اختو ماحتقول عممي
ام شادن : ليش ماسئلتو البنت وهيا عندكم
الين : حسيت الوقت غللط
ام شادن : لا غلط ولا حاجه احنا من اهل البيت وهيا اللي مانعرف مين اهلها
رودينا: والله شكلو هيا اللي من اهل البيت
امــآ اسامه فتح الباب وكآن ابوها وعمها وولدين شباب معاه اولاد عمها عبدالرحمن وعبدالله شباب جامعيين
راما خرجت وعلى طول ابتسمت لما شافت ابوها وسلمت عليــه وبعدها سللللمت على عمــها
والشباب طالعت فيهم من غير مصافحه : ماشالله كلكم جيتو
عبدالله : دا الواجب
اسامه طبعا شافها بس تسسلم عليييهم وهوا على طول راح لعنــد الرجــآل مالو اي علاقه فيــهم
ومالو نفــس يهــرج مع آحــــد ...
آنتـــهى اليــــوم بدون محــد يدري رآمـآ ايش تقرب لأســآمــه
بس قالو بكرآ نســألها ...
اما اساامه بدون مايعبر اي احد بالبيت على طول اتوجه لغرفتــو وقفل على نفســو البــآب
وابــوه واخوآنـــوو واولاد اخوانو وراما كلهم سهرانين تحت من زمان عن جلساتهم دي
بيضحكو ويتذكرو ايام صغرهم
ورامااا عقلها مو معاهم لما تسمعهم يضحكو بصوت عالي نفسها تقولهم وطوو اصواتهم مراعااة بس لمشااعر اسامه
نفســها تطــلع فووق تشووف ايش بيســـووي
مع انو عارفه انو بيبكـي بس تبى تطمــن عليــه
جملتو من امس ترن في ادنها " انا كنت عايش عشانها "
وقفـت : انا رايحه انام
: تصبحي على خيــر
: وانتو من اهله
انسحبت وطلعت وكآنت الشغاله خارجه من غرفه اسامه
رما طالعت في التبسي اللي بيد الشغاله : مااكل حاجه
الشغاله :من اول جوا مدام مافي ياكل شي
راما : خلاص بعد ساعه كدا سولو اي شي خفيف
الشغاله : حاضر مدام
راما اتــوجهت لغرفتــها وهيا قلبـها مع اسامه
انسدحت على السرير وكل اللي سار اليوم يمر قداام عينها
جالس على السرير وســآند جسمو على المخدهـ
ولا غفتلــو عينو
مسك الجوال وفتح البـآس وطلعت على طول صورة امو وهيا بالكفن اول لما شافها حتى ماقفل الصورة ساب الجوال بكبرو
شاقها ورجعت دمووعــو تنـــزززل
انسسدح على السرير لين ماحس بنفسو ونـآم
اليــــوم التـــآني ..
صحيــو اغلبــهم من بــدري رآما
واهلها بحكم انو البيت غريب عليــهم
وابو اسامه لأنو فرحان فيـــهم
بس اسامه لوحده كــآن نايــم
عبــو الفطوور وكلهم اتوجههو لغرفــه الطعــآم
ابو راما طالع في بنتو : وفينو خطيبك
الكلــمه تفجعهاا ماكانت حااسه فيها دي الفتره
ابو اسامه طالع في راما : روحي ناديه
راما وجهها حمر : طيب
عبدالله ضحك : مسويا انها تستحي دحين
راما اتنرفزت منوو بسس عشانو اكبر منها مسويا انها تحترمو قدام الرجال لكن نظره الوعيييد خلتو ينكتم
خــرجت من الغـرفه وطلــعت تعبت من الدرج
من كتر ماتطلع وتنزل دي اليوميـــن
اتوجهت لغرفتــه دقت الباب كدا مرآآ ولا من مجيب
عارفه في حالتو اصلا ماتستنى يقولها ادخلي
تفتح الباب بشويش تطل من الفتحه الصغيره لو كويس الوضع تدخخل
ودخـــلت بس فضــلت واقفـه عند الباب مستنيتو يخــلص صــلاهـ
سلم وجلس شويتين على السجاده ماحبت تقاطعه ولما وقف ودار جسمو
قالتلو : تقبل الله
اسام طالع فيــها وعيونه منفووخه : من الجميــع
اخد السجاده وحطها على السرير
راما : يلا تعال عبينا الفطور
اسامه : ماليا نفس
راما : ترا من امس ماأكلت
اساامه جلس على السرير وبتصريـف قال : الا اكلت
راما : في كل مرابيرجع الاكل زي ماهوا فين بللهي اكلت
اسامه طل فيها وقال بترجي : راما والله ماليا نفس خلاص روحي انتي افطري
راما ماحبت تغصبو بس قالت وهيا تحاول لأخر مرا : ابوك وبابا وعمي اللي نادوني
اسامه : ودا بزبط اللي مو طايقو حاليا
راما نزلت عينها ماعرفت ايش تقولو حاولت ترد ولو بكلمتين بس ماقدرت ولا تلوموو
لو مادخلوو اعمامها ماكان ابوه طلق امو
ولو ابووه ماسمع لأخوانوو كان عايش هوا لدحين مع امــوو .. : براحتك
قفلت الباب وفضلت واقفه شويتين عند الباب
مراا نفسها اهلها يرجعو جده
تحس الجو مرا مايسااعد انو اسامه يشوفهم طول الوقت
سبحان الله وبحمده سبحان الله العظيـــم
في بيت مكوون من 6 غــررف ..
الاثاث الانيـق زايـــد فخـآمه البيــت ..
بتســـوي شي عشــآن ابــوها مو عشان هيا مرتاحه وراضيه بدا الموضوع
قالو طيــب قالت اووك موافقه ..
بدات تكبــر وتستوعب الحيـآه بس لسى ماتعرف انو في مواضيع ماتتعامل بدي الطريــقه
بـــذات موضوع " الزوآج "
نظرآتـــه بس عليــها يكلم ابـوها ويرجع يطالع فيها ويبتسم
امــآ هيـآ
مــــــــــــــــــرااا عــآدي مو كأنوو دا حيكون خطيبـهاا
الادمي وقـف وسلم على ابــوها : خلاص اجل بس تزبط اوراقي وحيسير كل شي
ابو اثيـر والفرحه طاغيـه عليــه : الله يسرلك امورك
الولد : ان شالله ياعمي
راح لعند اثيـر وقال : مع سلامه
اثيـر من غير لاتوقف اشرت بيدها :باي
ماضايق من حركتها بالعككسسس خرج وهوا مبسوووطه أنو في يوم من الايام حتكون دي زوجتـــه
كان نفســو يملك عليها دحيــن بس عنده مشــآكل في بعض اوراقوو يعني بحدود الاسبوع وتـــكوون اثيـر " خطيبه انــس "
ابوها طل في اثيـر : ايش بك
اثيـر وقفت : ولاحاجه مرا طول عندنا
ابوها : مالو ساعتين
اثيـر ماعجبها الوضع : كتير _ حطت يدها على فمها وهيا تتثاوب _ جبلي النوم
وخرجت من الغرفه وابوها اختفت ابتسامته
يحس انو يفرح بجية الولد اكتر من بنتو اللي مو مهتمــه
اول ماخرجت اثيــر للصاله لقت هدى وامــها ..
هدى تاكل فصفص وتهرج وهوا مو عاجبها العجب : ها حل مشاكلو الولد ولا لسى حتجلسي عندنا
اثيـر : روحي اسئليه بنفسك
ام هدى ماصدقت اثيـر ترد : ايش بك انتي مو متقبله مننا رد
اثيـر : ايش قلت دحييين
هدى : دا الحق عليا حابه اسئلك ايش سويتي
اثيـر : والله لو انك مهتمه ماكان تاكلي الفصفص بقههر خفي عليه
دخلــت غرفتها
وام هدى وقفت بعصبه : تعااالي هناا
هدى مغجوعه دي الايام من ردود اثيــر : شووفتي ياماما ايش قاالت
ابو اثيــر : خييير ايش فييي !!!!
ام هدى تشــردح : شوووف بنتك قاعده تعايب بنتي عشانها مو مخطوووبه واللهي قله اددددب
ابو اثيـر : صلو على النبي اثير صغيره ماتقصصصد
ام هدى حطت يدها على وسسطها : مين هيا اللي صغييره شووفها قدها بطووولي ولسااانها اطوول منهاا دي يبالها احد يربيها من جديد
ابو اثيـر بحزم : اقووولك اهجدددي ولاعاد تدخلي باأثير خلونا يوم بدون صرريخ بالبييييت _ وهوا كماان راح لغرفته وساب مرته وبنته ياكلو بنفسسسهم في الصــآله _
واقفـــه بغرفتــها طالعت حولينها وبعدها اتوجههت للطاقه وفتحتــها
اتأملت الحديقــه وجا في بالها مـآزن
مو جا في بالها اساسا هوا على طول ببالها
بس دحين اتذكرت مواقفــها معاه
زفرت بضيـق وقفلت الطاقه تحاول تشغل نفسها عشان تنسـآه
متقبله فكرة انها تنسـآه لأنو متأكده هوا مايعتبرها غير صديقه مقربــه
اما في الصــاله ..
هدى : انا ساكتـه لدحين بس لأنو ترا الولد مايجي منو
ام هدى : انا اوووريها بنت اللذين لا هوا ولا اللي اسوء منو حيطالع في وجهها لو ماخليتوو يبطل منها ماكون انا امك ياشيخه
هدى ابتسمت : خليها ياماما معاه بالعكس هيا خسرانه حتى وظيقتو مو عدله ولا شي فيه عدل
م هدى : هوا دا كبير عليها كمااان قال ايش شقه بغرفتين يسكن هيا وياها بس تحلم حتى بشقــه حخليها عندي هنا على طول
هدى جلست باإهتمام :ايش حتســـوي فيها ..؟
ام هدى بمكر: قصدك ايش حسوي فيـــه
تلوثات من مصنع القلب
حط الاغراض في الصاله الصغيره
: دي اخر الاشياء
رنيم اتبسمتلو : اوك شكـرا
نضال ابتسملها وطالع في امها اليل دخلت لغرفه وجلست : خلاص دحين حتاخدي دا البيت ؟
رنيم : لا ماحاخدو بس حق كم يوم على بال ادبر نفسي
نضال همسلها : ايش اللي سايرلك بــزبط
رنيم حاولت ماتبين شي ابتسمتلو : ولا شي
نضال: ترا لدحين مو راضي يخش في راسي انو انتي وهتان خلاص !
رنيم : مافي شي يدوم
نضال : حب هتان ليكي كان حيدوم
رنيم حطت يدها تحت صدرها : ربي يسعدو ان شالله مع وحده تستاهلو
نضال : طيب سيبيكي من هرجه هتـآن دا قراركم بس انتي دي اليومين ايش اللي بيسير معاكي وجهك مو طبيعي
رنيم حركت راسها بنفي : ولاحاجه
نضـآل اتنهد : بكيفك بس متى ماتحتاجي شي انا حوقف معاكي ولا يردك شي
رنيم : ماتقصر
خرج نضــآل من هنــآ ورنيــم طلت في االبيت نفس بيتهم الاول
استأجرت بيت ام اليــن
قالت حتقدر تدفع دا الشهــر
بس الشهر الجــآي من فين لها
لكن كل اللي تعرفه مستحيـل تقرب من قصوورهم مرا تـآنيــه
مو محتاجه الين
ولا يزن ولا نزار ولا أحـــد .
تلوثات من مصنع القلب
جالس في الصــآله ولابــس الثوب الاماراتي وريحــه البخور منتشره في البيــت ..
وزي مايقولو شـبــآب الامارات مباخر متنقـله
قبل لاتطالعي بالشكل تجذبك الريحــه :P
بيهرج بالجوال وهوا وراه خــرجه حيكون تاني يوم لعزا ام اساامه ..
: سوزان قولي بعد شهر ممكن نسويها
سوزان : اوك وبعد اسبوعين حينزل الاعلان اللي صورتو
يزن : مرا اتأخر نسيت اني سويت اعلان
سوزان: هههههههه سارت مشاكل
يزن : مو مشكله
سوزان : وفي كدا عمل حابه اتناقش فيه معاك بس فيس تو فيس
يزن : سوزان وربي حاليا مرا مشغوول مو فايق لأي حاجه خليني اخلص دي السنه ويسير خيـر
سوزان : وماحددت متى حتسوي حفله عيد ميلادك
يزن : مو عشان ام اسامه اتوفت ولا كان بدي االيومين ~قولي بعد شهر كداا نفوق ونسويها
سوزان: اها كويسسس
يزن : ابى منك شغله
سوزان : امرني
يزن : تعرفي رنيم
سوزان : اللي سافرت معاك
يزن : اييوا
سوزان : ايش بها ؟
يزن سكت شويا وباين التردد عليـه
سوزان : اهرج
يزن : شوفي قولي دي الفتره كلها ماحشوفها فيها لأنو مالي وجه اتقابل معاها بس في يوم عيد ميلادي اباكي تسوي شغله
سوزآن اتحمسسست : ايششش ..؟
قـآل لسوزان كل ِشـــي يباه منها
وهيا كعادتها مايصعب عليها حـآجه
وماتقدر ترفض طلباته لأنه كل شي بحقـــووو
قفـل منها واتوجه لسيارته وهوا مستصعب انو ماحيشوف رنيــم لمدة شهــر بس دا احسن حل له عشان هيا كمان ترتاح ويقدر يتفاهم معاها على رواق ...
تــآلت يوم العزآ ..
لين دحيــن الخمـآسي ماعرفوو رآمـآ ايشش صلـتها باأسامه
امس جو اغلب اللي يشتغلو بشـركه ابوه عشان يعزو ولدهـ
وازدحم المكــآن وراما مادتهم وجه اصـلا
امــآ اليـــوم شبــه فااضي المكان
جو كدا شخص عزو اسامه ومشيـــوو
برا البيت واقفه عند الدرج وقبـآلها ولد عمها ..
عبدالله : ترا دا خطيبك من يوم ماجينا مو معبر احد خير السلام ببلاش ترا
راما تعدل حجابها : بلا مجاغه ياعبدالله هوا فايق يعني لكم
عبدالله : راما انتي فاهمتني اقل شي يسويه لأبوكي وابويا يجلس معاهم حق دقيقتين كل ماكلموه رد كلمه ومشي ترا اتمرمطنا من جده عششانوو
راما تبى تشوف اي صرفه : هوا اليــوم بدأ يفوق عدل على تصرفاته والمفروض تراعو حالتو
عبدالله : والله انا مراعي حالتو بس الزوق زوق في كل الحالات وبعدين علاقتك انتي وهوا ولاكأنكم مخطوبين فين راماا الرومنسيه اللي كنتي تطفشي اهلناا بـ
راما ضحكت وقاطعته : انتا ايش بك اليوم سلامات الادمي امو متوفيه وانتا تباني استهبل
عبدالله : انا مستني منو نظره ليكي كلمه ليا يومين وانا مراقب تصصرفاتكم وكأنكم ماتعرفو بعض !
راما خافت انو يكفشهم كدا قالت : عبدالله بلاش حركات البزوره دي تراا عمرك 23 ماتعبت وانتا تبصبص في الناس ترا من راقب الناس مات همااا
عبدالله : ياأومي انا عايش ليومك دا ومرتاح لأني براقب الناس
راما : ههههههههههه رووح بس الرجال يستنو
عبدالله : طيب ياستي
دخلت رامـآ لعند الحريــم ماكان فيــه غير البنات وامهاتهم بسس جلست وهيا مرا مرتبــكه بينهم
على طول رودينا والين جلسو جمبــها
راما طالعت فيهم وابتسمت وهيا حاسه بخوف مو طبيعي
رودينا : كيفك
راما : كويسسا
الين على طول خشت بالموضوع : انتي ايش تقربي لأسامه
راما دحين كلمه " بنت عمو " سارت اهوان من " خطيبتو " كدا قالت : بنت عمو
الين اتفاجئت مع انها عارفه انها بتقربلو بس برضو اتفاجئت : اول مرا اعرف انو عندو بنات عم هنا
راما : ماليا كتير في الامارات
رودينا : اهااا وتدرسي معانا بالجامعه كدا استغربنا
راما : ايييوا
الين : غريبه ماعرفنا عليكي
راما : مو مرا انا وهوا مع بعض
الين ماقتنعت : اهاا
راما وقفت وهيا بتشرد من اسئلتهم حست لو جلست حيجلسو يستجوبوها ولو لبكرا : عن ازنكم
وقفـــت وشردت من المكــآن
وهمـآ كملــو هرج فيــها
بعد نــص ســآعه اتجمـــع القرووب لوحدهم
من زمــآن مايتجمــعوو
يمكن حتسير كدا جمعاتهم في المستقبل
في المنــآسبات ..
شعور ابدن مو حلــو
جالسين السبعه وكل واااحد عنده مصـآيب اكتر من التاني
كانو زمان كل واحد يحكي القروب كل شي بيسويه
لكن حالــيـآ الجمعه ســآرت تكفيهم انو ينبسطو بدون مايشتكو
اســآمه : ابى اسافر
نزار : على فين
اسامه : اهل امي
مازن : هوا انتا تعرفهم اصلا
اسامه سكت شويا وبعدها قال : لا بس بشوف كيف كانت عايشه امي ابى اكون بينهم دي الفتره
يزن : حطول طيب
اسامه : حق شهر وراجع
رودينا انفجعت : اما شهههر
الين : وي دراااستك طيب
اسامه ابتسم بشتات : جات على الدراسه عادي ندرس من جديد السنه الجيه
شادن : مو من جدددك يااسامه حضيع نفسك لاحق على السفره او سافر حق اسبوع وتعال
اسامه بدون اهتمام : بعد ماراحت امي فين حضيع اكتر خلاص قدها دراسه مو شي صعب
سكــت الكل مهما حاولو يهرجو معاه ردوده تسكتهم
يزن هرج : يلا مو مشكله وترا لو تباني اسيب دي السنه حسحب عليها عشانك
الين طالعت فيهم مفجوعه : بلاش بهلله اقول
يزن : هههههههه ترا وربي اسوويها انا كدا ولا كدا درجاتي زي الزفت فاخليني اسوي اني بوقف مع صاحبي احسن لي
اسامه ضحك غصبا عنو : فجأه حسيتك بتكبر بعيني بس مالحقت
يزن : ههههههههههههههه هوا انتا شجعني وصدقني حسحب عليها
اسامه : طيب تسافر معايا .؟
نزار : اما عااااد
اسامه : ايوا والله كدا نغير جوو
يزن : بين اهل امك ؟
اسامه : لا ياااشيخ انا حجلس عندهم يوم يومين وماشي بس بعدل نفسيتي وبعدها ارجع
يزن حب يوقف معاه كدا بدون تفكير قال : رجلي على رجلك
اسامه ابتسم : من جد مو تسحب عليا بعدين ؟
يزن : معاااك ياااشيخ بلا دراسه بلا هم
مازن : اييييييييييييوا اديلوو انتا على هوووا وانا ايش اسسوي
يزن : ههههههههههه انتا مضطر تكمل دي السسسنه
مازن مايقدر يساافر : اجلو السفره دي عشاني
يزن : تعال حق كم يوم وبعدها روح
نزار : اقول انا ماعندي شي حجي معــآكم
اسامه : اللي بعدوو مين حيجي كمااان
الين شمقت : هبل دا الناقص اضيع سنه من عمري عشان اونسك
اسامه طالع فيها مفجوع : ترا عمرك ماحتتغيري بلا
الين : عسا عمري ماتغيرت
رودينا : ولا انا اسامه انتا عارفني احبك بس لاتقرب من الدراســه
شادن : ولاانا خليني مجملتها دي السنه
مازن : اجل انا حجيكم حق اسبووع كدا وارجع
البنـآت اتمسكو بمستقبلهم
والشباب حيفضلو كدا طول عمرهم " شباب "
حينبسسطوو ويسلو صاحبهم ويرجعـــو من جديد
يرجـــع كل وآحد لقصتــه
اللي مايدري حتستمر ولا حتوقــف
يزن : دحين دي البنت اللي بجامعتنا من ججد بنت عمك ..!
اسامه : كم مرا حتسئلني
يزن : مو مستوعب ياأخي خير شوفتها كدا مرا مع مازن وانتا معانا ولا فتحت فمك
اسامه : عادي مايحتاج اقول
مازن مسوي نفسه مستحي من اسامه عشان طلعت بنت عمو مايدري اسامه انو اصلا مازن عاارف من قبل لايدري القروب
مازن قرب من اسامه وهمسلو : مازعلت يعني
مصمم انو يطفشو اليوم
اسامه : ياأخي ليش حزعل
مازن : طيب سؤال
اسامه : اسئل
مازن : دحين هيا بنت عمك يعني تعرف خطيبها وريني هوا
اسامه قرب منو وهمسلو اكتر ومازن اتحمس يبى يسمع : اقلب وجهك
مازن بعد عنو وطالع فيه بنص عين : يجيك يوم
اندق باب الغرفـه وفتح الباب عبدالرحمــن طل بكل الغرفه وبعدها انتبه لأسـآمه بين الشباب : فينها راما
اسامه ماسمع الاسم قال : مين ؟!
عبدالرحمن على نياتو قال : خطيبتك ياأخي ليا ساعه بدور عليها مو لاقيها
ماااااااازن مااااصدق يمسسسك كلمه القروب كلو تنح ويمكن كأنو حيحسبوها مزحه لكن مااازن ماراحت عليه عشان كدا قرر يمسك بالكلمه : خطيبة مين ؟
اسامه كان مسند نفسو على الكنبه على طول جلسس عدددل وقال : مدري اتوقع بغرفتها روحلها شووف
يبى يخررج عبدالرحممن على طوول
لكن مازن عاد : خطيبه ميين ياأخي
عبدالرحمن : خطيبه اسامه !
الكل طالع في بعض اما الين ضحكت بهبل
اسامه وقف على طول وحك رقبتوو وهوا يبى عبدالرحمن يطللع
بس مااازن لتتتتتتتتتتح ماحب يطلع صاحبو بصورة سيئه قدام اولاد عمها عشان كدا ماقال " اسامه خاطب ! " قلو وهوا مسوي نفسه يستهبل : كم لوو خاطب صاحبي
عبدالرحمن طالع في اسامه : مالك اسبوعين صح ؟!
اسامه على طوول اتوجه لعبدالرحمن وسحبو : اممشي تعال ادورها معاك _ خرج وقفل الباب _
اما مازن سند جسمو على الكنبــه وساب القرووب كلوو مفجوووووووع وهوا من جوآته يضحك
فاتحيييييين فمهم البنــآت
يزن مو مستووعب اصلا
ونزار يحاول يربط كلام اهل راما طول امس مع ابوو اسامه بس لدحين مو مصدق
اسامه يخطب ومايقولهم
اما مازن ولا كأنوو متككككي وسايبهم يحللو على كيفهم
كل واحد بيحلل لنفسسسه
لوحده
لين شادن قالت بتناحه : يستهبلو كدا ؟
نزار : يمكن
مازن حسهم مرا عبط كدا يزيد بهارات : انا كنت شاااك اصلاا بس قلت خليني اتأكد واتأكدت بعيني لما شوفتها هنا
يزن : يااشيخ بلا هببل فيين خاطب ومايقولنا
مازن : افهمو منو لما يجي ..
حاول يطلع هرجه جديده في القروب وبذات لأسامه عشان يشغلوو عارف اسامه ممكن يفضل طول اليوم يفكر كيف يغطي على نفسسسو
لكن اللي يموت ويعرفه مازن ليش اسامه مو راضي يقولهم انه خاطبها ..!
اما ااسامــه ايش العذر اللي حيطلعو دحيــن للقروب
مو قادر يرجــع يجلس معاهم
يبى كذبــه
حس اسلوب مازن وهوا يستجوب وكأنو شاااك
عبدالرحمن راااح وهوا لمح راما وناداها
راما جاتو: نعم
اسامه : ولد عمك دا ورطني
راما مستغربه انو في موضوع ساير لأنو اسامه مو مدي وجه لأحد : في ايش
اسامه : القروب شكلهم عرفو انو مخطوبين
راما مرا متنرفزه لما شافت البنات داخلين مع اسامه
: بلله ؟!
اسامه : دحين ايش اقولهم
راما ماكانت تبى تفتح معاه المووضوع بس مقهوره : طيب وانا ايش اقول لأهلي وانتا ساحب البنات التلاته وداخل الغرفه ومقفل الباب !!! طلعلي شي اقولو لأهلي وبعدها فكر ايش حتقول لقروبــك
اسامه : اهلك انتي اتصرفي معاهم
راما همسست وهيا معصبه : عارفه انك كاره اهلللي ويمكن حتى كارهني بس كل اللي اطلبو انك تقدرهم وماتقلل من قيمتي قدااهم
ااسامه : اهلك ترا مو ملزووم اديهم اي عذر لتصرفاتي دي
راما ضمت يدها تحت صدرها: اجل لو احد سئلني من القروب انا ايش بنسبه لك لاتقولي ليش قلتيلهم
مشيت الا اسامه مسك يدها بحزززم وقال : راما اهجدددي وخلينا نهررج عدل
راما طالعت حولينها ماشافت احد فقالت : لما اهلي مايكونو في حساباتك اجل اصحابك نفس الشغله ولاهموني لو عرفوو
اسامه : ايش سويت دحيين دا كلو عشان اخدتهم بغرفه
ترا مرا عااادي
راما : عادي عندكم اما عند عيلتي ابدن مو عادي انا مو قادره اروح اجلس مع بابا لأنو عارفه مو عاجبو الوضع اصلا ماليا عين اطالع فيـه حتى عبدالله اليوم سئلني ايش علاقتي فيك بزبـط
اسامه : دا الادمي حالتو صعبه وبعدين هوا ايش حكايتو معااكي كل شويا الاقيه ناتط لكي ويباكي بهرجه !
راما انفجعت الموضوع مرا انحرف : ترا دا موموضوعنا
اسامه : الا موضوعنا انا مو عاجبني الحال بس ساااكت لأنو مو فايق له بس دامك بتهرجي عن القروب دا اللي مو عاجبك انا الادمي دا علاقتو فيكي مو عاجبتني خير شر كلامو معاكي مو طبيعي
راما مفجوعه لأنو اسامه مايجلس معاهم ماتدري ايش اللي قاهره او كيف شايف تصرفات عبدالله وحست كلامو مو منطقققي على اي اساس يتكلم كدا ! : انا ماقلت قروبك مو عاجبني في فرق ترا محترمه علاقتك معاهم وانا عارفه انو انا وانتا حنطلق في النهايه عشان كدا مامنعتك ولا قلتلك مين دوول لكن كل اللي قلتلك هوا تحترم وجود اهلي وماسئلتك ترا ازا عبدالله عاجبك وجوده ولا لأ _ كانت بتمشي بس حبت تديه المعلومه اللي مو داري عنها _ وعلى فكره لو اهلي سافرو عبدالله حيفضل هنـآ عشـآن ابوك عرض انو يشتغل عنده
مشيـــت وهوا من جوآتـه مولــــع
كان راجع لأصحـآبه بس حس انو مو فايق يتنـآقش في موضوع زي كدآ حـآليــآ
اساسا مايدري ليش اتضـآرب مع راما
لكن عبدالله دا مستفــزهـ
وهرجه انو حيبــقى دي شغله تانيــه
اتوجه لأبوه وقلـو يقول للقروب انو هوآ خــرج
عرف انها حركه مو حلــوه
بس مايبى يكون موضوع راما يتناقش فيــه حاليـآ
ومشــي بدون مايعبر ابو راما وعمها التـآني
هوا خرج وعبدالله كان داخل
عبدالله ابتسملو : فين راما
اسامه اتنرفز اخوه دوبو مدور عليها وكمان دا : نايمه
راما جات في لحظتها
وعبدالله طالع فيـها : وي دوبو بيقولي نايمه من اول بدور عليكي
راما طالعت في اسامه وماحبت تكدبو : كنت مسدوحه
عبدالله : اهااا
اما اسامه نفسسو يضرب دا عبدالله ويطلع حرتو فيــه
بس قبــض يدوو ومشـي من قدامهم
السفــر حيكوون راااحه له من جميــع النوآحـي ..
حاسس بضغط مو طبيعي
تلوثات من مصنع القلب
القروب خــرجو من البيت مستغربيـــن .. !!!
رجعو التلاتــه البنات لبيت اليــن وهما طالعين الدرج جات بوجههم منـآر
رودينا وقفت : اما مين دي
الين كملت مشيها وقالت وهيا بتضحك: جدار متحرك بالبيت
شادن ورودينا مشيو وراها وهما يضحكو بصوت واطي مسوين انهم احترموها
منار عصبت : لو تبي تقولي شي قوليه بوجههي مو وانتي شارده
الين وقفت ودارت عليها والهدوءء طاغي عليها : حبيبتي انا مابشرد منك لأني خايفه منك انا بشرد لأني ممكن اسوي فيكي مصيبه لو قعدت معاكي بنفس المكان فاترا دا لسلامتك اني ببعد صدقيني لو انتي قدرتي تنسي ماما وبابا الموضوع ترا عمري ماحنساااه وبغض النظر عن قصتك الحزينه دي اللي بتحكينا هيا كل يوم بس برضو ماحركتي فيا اي مشاعر وبقولك انتبهي على نفسسك
رودينا مسكت يدها : امشي اخصريكي منها
مشيــو التلاته لفــوق . ومنار نزلت وهيا مووولــعه بس ماتقدر تقول شي
اما يــزن ومازن قاعدين مع بعض بنفس الغرفــه
يزن مسدوح على السرير ومازن ساند جسمو على المخده : تقول اسامه حيفضل كدا لمتى
يزن : والله اليوم شايفو كويسس
مازن : هوا كوويس بس برضو
يزن قاطعه : دحين مو دي الهرجه انا مو عاارف مازن من جد خاطب
مازن : ههههههههههه ايش عرفني رووح اسئل اسامه
يزن : المشكله مانقدر نتكلم معاه بدا الموضوع حاليا
مازن : ايوا بلااشي
يزن : تلقااه مزحه
مازن : يمكن ابى افهم دحين انتا ونزار لمتى حتفضلو معصبين وماتكلمو بعض
يزن : ولا غلطت فيه انا
مازن : تراك ضربتو
يزن : وكلامو كآن اسوء من الضربه
مازن : وبعدين !
يزن اخد الريموت وشغل التي في : شوف لو اي بنت يهرج عنها مافتح فمي بس زي ماأقدر انا اهرج عن سهاد
هوا مالو حق يهرج عن رنيـم بدا الشكل انا ما ضربتو عشـآن اللي خربت بيننا بنت زي ماقال سيدي وفسر الموضوع كدا انا ضربتو لأنو هوآ اخووويااا وقلل ادبو عليـآ
مازن : شوف انا معاك من البدايه بس ايش فهم سيدي دحين والمصيبه ابويا وسيدي مستحيل يوافقو على علاقتك برنيم
يزن حط يدو تحت راسو : امي موافقه
مازن عقد حوآجبه : ايش عرفها !
يزن : تعرف كل حاجه وشافافتها
مازن : ها !
يزن حس على نفسو : ارسلتلها الصوره يعني
مازن : اهااا وايش قالت
يزن ابتسم : مرا حبتها على ققولها سهاد دي ماتعرف راسها من رجلها وفرحان فيها سيدي على الاقل رنيم نعرف كل شي عنها والبنت مافي زيها
مازن : ياهوووووو انتاا الحكوومه وافقت عليييها اجل سيدي وابويا مالهم كلمه
يزن : ههههههههه مو انا ساااكت دي الفتره ليششش
مازن : تقول سفره ايطاليـا لها داعي
يزن : بنسبه ليا انا بســآفر وكويس من اسامه انو بيسافر لأنو حسيتو مو طايق احد وعارف لو روحنا هناك حيسحب علينا ويرووح لوحدو بس برضو اسمنو روحت معاه
مازن : ونزار ملكتو الاسبوع الجاي ايش حيسوي
يزن ضحك : سحب عليها بيقول تستنى بعد شهر
مازن : ههههههههههههههههه القوووي وربي حتقلب عليييه
يزن : مو قلت كدا عاد دي مافي زي مجاغتها
مازن : هههههههههههه وربي اني اكتئب نفسيا كل ماعرف انها خطيبه اخويا
يزن : هههههههههههه ايش سووتلك الادميه
مازن اتحولت ملامحه للقرف وهوا يوصفها : غلصه ودلعها زااايد ومجغه ومستفزه انا مو عارف نزار ايشبو خرف
يزن جلسسس : هههههههههههههههههههههههههههههههه الله يصيبك دا كلو مخبيه في قلبك البنت فيها مجاغه لما تهرررج بس مو لدي الدرجه
مازن : وربي اني مو طايقها بس بجامل نزار ههههههههههه يقولي بللهي كيف اقولو عررفت تختاار وانا نفففسي ارميه بالجزمه
يزن : هههههههههههههه زي امس ابويا يقول لنزار هيا ايش بها تهرج زي كدا نعبانه البنت نزار قالو لا هيا كدا مدلعه لو تشووف وقتها سيدي اخدها تريقه حسيت انو برد قلببي
مازن : اهم شي ردة فعل نزار
يزن : سيدي حرقلو دممو فقااام ماقدر طبعا يقول شي
مازن : هههههههههههههههههههههههههههههههههههه
يزن : ترا بنهرج عن زوجه اخونا
مازن : هههههههههههههه انا ملاحظ برضو بس بحاول اتغاضى عن الموضوع جيب مزتك بس البيت وانا لوحدي ماحرحمها
يزن بدون اي تعللليق دفووو برجلوو من على السرير بككل قووته
مااازن طاااح من على السرير ورااسسسو اندق بالكومديييينه : ااااااااااييييي الله ياااخدك
يزززن انففففججججع : هههههههههههههههههههههه سررلللك حاااجه
مازن وقف وهوا ماسك جبينو : فكيتلي جبيني
يزن : ههههههههههههههههههههههههههههههه
مازن جلس على السرير وهوا يمرر يدو على حبينو: بلله نروح نصلي على نزار صلاه الميت تاني
يزن : ههههههههههههههههههههههههههههههههه للما يتزوج اول يوم وهما نايمين نصلي عليـهم
مازن : ههههههههههههههه تقول حتطلب الطلاق بعدها
يزن بحماس : والله لو ادري انها حتطلب الطلاق نروح نصلي عليها دحين وهيا بين اهلها
تلوثات من مصنع القلب
في احد الكافيـهات
جـآلسه قبـــآله قربت وقالت : ايش اللي سـآر بينك وبين امـــك
اياد ابتسم : شايفتني مبســـوط
لانا بمزح: انتا مبسوط عشان شوفتني _ وحركت شعرها بغرور _
اياد ضحك : ارحمميني ياشيخه
لانا ضحكت وبعدها قالت بجديه : يلا بللهي قولي بالتفصيل الممل ايش اللي ســآر .. .
وحصــل هدووء قبــل العـآصفـــه
وايش اللي سار بــزبط بين اياد وامــو .. ؟
سفره الشباب الغير المتوقعه ايش حتكونن مضارها ومنـآفعهـآ ..؟
وبشــكل عــآم شخصيــآت الروآيــه لدي اللحظه مو عارفين ايش يبــوو
وخايفين من الاعتراف باأشيــآء كتير
بيتهربو من الوآقـــع
حفلــه العيد الميلاد حتجممـــع كل شخصيــآتي ...
فاإيش اللي حيسير فيها بزبـــط
ورنيم كيف حتجي لداك المكــآن
هل هرجه يزن لسوزان لها علاقــه
واثيــر حتكمل مع انس ولا مازن ..؟
اسامه وراما علاقه بتطور وهما مو منتبهين لنفســهم
فاحتنتهي بالطلاق ولا حيتمسكو ببعض ..؟
اشككككر لولا في النهايه على احلللى كللللام ربي لايحرمني منهااا ..
0 التعليقات:
إرسال تعليق