اشتعال السحب الفصل 23

اسيبكم مع البارت الـ 23 واياريت مايشغلكم البارت عن صلواتكم 



متردد من اللي بيسويه جزء منو صعبان عليها وجزء منو يبى يكمل المخطط دا 
ابتسم لما اتخيــل شكلها كيف حيكون لما تشوفو بعد بكــرا

اخوه مر من قدامو وهوا يدندن بكـــــــل حــب

نزار اختفت ابتسامته وطارت سهاد فجأه من راسو ووقف : يزززن 
يزن وقف وطالع فيــه : ها
نزار : على فين
يزن كان راجع من عند امو وبعدها شاف رنيــم : تحقيق ؟
نزار بشك : كنت مع رنيم ؟
يزن اختفت ملامح اللين من وجههو : ايوا في شي ؟
نزار : سؤال يعني ماتقدر تبطل لعبتك دي لين ماتخلص البنت رقص وبعدين
يزن قاطعو بجديه : ومينن قال اني بلعب عليها
نزار ماستوعب : ايش نهايه دي العلاقه
يزن : خير ان شالله
نزار : يعني ماكفوك بنات حقون اول كلهم... رايح تمسك وحده غلبانه
يزن عقد حوآجبه : انتا خير بتهرررج كدا
نزار : انا مابى مشاكل معاها
يزن : اخر واحد تهرج عن المشاكل معاها انتا دامها معايا ماحيسير شي
نزار : طيب ابى افهم انتا ايش علاقتك فيها
يزن : انتا ايش بك الييوم دا كلو مو فاهم
نزار : لا انا فااهم بس مو مصدق انو انتا بتسوي شي عارف نهايتو مستحيله
يزن كششر : نهايتو مستحيله ؟
نزار : عارف دي وحده عايشه بشوارع اهببل انتا تبى تطور علاقتك لفيين الا لو قصدك تلعب فيها انتا حر
يزن مرا انقققهر : اول شي لاتجيب سيرتها على لسانك بدا الاسلوب وتاني شي انا لما قلتلها احببك لأنو نهايتي ان شالله تكون معاها وبــس
نزار اتوجه للباب وقفلو خايف اصواتهم تطلع : انتا كييف تفككر لو ابويا وسيدي عرفو وربي يودوك وروا الشممس
يزن طالع في الباب وبعدها بنزار ورفع حاجبه : على بالك راي احد يهمني حفرض رايي على الكل في النهايه انا اللي حتزوجها مو هما مالهم اي حق يعترضو
نزار : ترا بنهرج عن ابوك لاتسوي انو ماتعرف تفكيرو دحين
يزن : معليش بس هوا له حق يدخل في حياتي كلها ويقرر ايش اسوي وايش ماسوي عمري ماحعترض بس توصل انو يختار لي اللي حتزوجها لا محد له كلمه عليا بدا الموضوع البنت اللي اباها حختارها بنفسي
نزار : انتا حمار ماتفهم هما ماحيختارولك طبعا بس عندك ناس معينه اللي تقدر تختار بناتها ووحده زي رنيم مو من مقامنا ولا عمرها حتوصلنا
يزن سكت شويا وبعدها قال : ترا انا احس انو رنيم كتير عليا عشان كدا شي طبيعي ماتكون من مقامنا
نزار طالع فيه ببلاهه واضحه : لا والله البنت ساحرتك ساحرتك
يزن : دا الموضوع لاتفتحو تاني معايا _ اتوجه للباب وفتحو الا نزار وقفه لما هرج _
نزار : البنت طيبه ومافيها شي بس انا بقولك راي ابويا عشان تعرف ولاتتهور وتعلق البنت
يزن : ماحيقول شي
خــرج من الغرفه وطلــع لغرفـتو ..
خرج الجوال من جيبو وكان بيرميــه على الطاوله الا لقــى مكـآلمه من رودينا
زفر بضيــق وهوا شايل هم بكرا
حيبدأو دوام وحيشوفها
ايشش حيسوي
يعزها
ويحترمها
مايقدر يجرحها
الشي الوحيد اللي بيســويه يتهرب وبــس
عارف انو وقــح بس مو قادر يكدب عليها
يبى يشوفها بالجامعه ويتكلم معاها بصــراحه
عشان مايبى يجرحها اكتر
ومايبى ضمميرو يأنبو
ومايبى يحس انو بيكدب على رنيــم وبيستغفلها



اما بعيـــد في شواارع مزدحمــه بسيـآرات

تمشي على الرصيف وابتسامه حالمه على وجهها ..تمشي بكل بطــئ
وكل شي بيمر قدام عينها
كلامو حركاتو نظراتو
وكل ماتتذكر شي تزيد الابتسامه ناسيه كل شي حولينها
ناسيه انو ناس ممكن يطالع فيــها
ماسار يهمها شي
تحس انو كل شي سار محصور فيها هيا ويزن
العالم مافيه الا هما الاتنين
زمان كانت اول ماتصحى من النوم تجلس اكتر من ساعه مسدوحه عشان تفكر بكل شي عايشه فيه
اما حاليا اول ماتفتح عينها ويجي في بالها تبتسم وتقوم من على السرير
زفرت بكل راحه وهيا تتمنى انو تفضل على دا الحــآل

سبحان الله وبحمده سبحان الله العظيـــم .. 

واقفه عند الباب وماسكه اطراف اصابيع يدها في بعــض 
دقات قلبها طاغيه على المكان
قربت اذنها من الباب وهيا تحاول تســـمع
رجولها تتنافض
اطرافها كلها بارده
دموعها في عينها
الخوف متمكن منـــها
ويحقلــها
ابوها جا وعمها دحين حيفتحلو موضوعها هيا واسامه
على قد انها ماتبى اسامه وممكن تبكي لو سار الموضوع
على قد انها تبى يسير الموضوع عشان ربي يستر عليها
انفصـــآم
بس هيا من هرجه نضال وصاحبه
حايسه انها سارت مضطربه نفسيا
فتحت عينها بااندهاش وهيا تسمع صوت ابوها علي بالمكان
بعدت بعدها على طوول وراحت جررري لغرفتها
على انو ابوها مكانو بس خااافت
دخلت الغرفه وقفلت الباب وجلست وراااه وهيا تردد بينها وبين نفســها " يااارب استتترني ياارب استترني "
عارفه لو ماتم دا الموضوع مو بعيده تنقتل من اعمامها


في الغرفــه وقبل لايثور الوضع من ابوهــآ . .. 
ابو اسامه : يلا معليش لأنو ماخليتك تجلس مع راما بس خلينا نهرج في الموضوع
ابو راما حاسس بنتو مرا اتغيرت وكأنو وراها مصيبــه بس اتوقع من الدراسه ولأنها بعيد عن اهلها : تراك ليك كم يوم مووترني ايش هوا دا الموضوع اللي يخليك تمرمطني كدا
ابو اسامه : خير ان شالله
ابو راما : الموضوع يخص بنتي
ابو اسامه ابتسم بهدوء عشان يريح اخوه : ونعم التربيه والله
ابو راما كلام اخوه ريحو بس برضو مو مطمن : ايش اللي ساير راما سوت شي ؟
ابو اسامه : ايش حتسسوي يعني وانتا ابوها البنت مافي زيها عشان كدا جايبك نتفاهم
ابو راما شال الشماغ من راسو حطو جمبو : طيب ايش الموضوع قلقتني
ابو اسامه : انا عارف انو بنتك قريب حتملك بس مايسير تملك وهيا مغصوبه
ابو راما عقد حواجبه : ومين قال انها مغصوبه البنت برضاها وافقت علييه والولد شاريها
ابو اسامه : دا كلام اول
ابو راما طغت على ملامحه العصبيه : ايش هوا شغغغل بزوره
ابو اسامه عكسو تماما : هدي الحمدالله انو لسى ماسار نصيب بينهم والبنت اتخذت قرارها قبل لاتملك
ابو راما : فينها دي راما انا اتفاهم معاها
ابو اسامه : شووف جايبك لهنا عشان انا اتفاهم معاك بالموضوع البنت لها كم يوم بس تبكي ومضايقه
من دا الموضوع
ابو راما : انا من البدايه ماغصبتها ولما اديت لأخويا كلمه اديتها بعد ماوفقتها هيا
ابو اسامه : سبحان الله ربي اداهم مهله قبل الملكه عشان كدا هيا ارتاحت له بالبدايه بس دحين لا
ابو راما : حتسير مشاكل بيني وبين مصطفى ياسامح
ابو اسامه : شوف انا ولدي يحب بنتك وبنتك تحبـو هما يدرسو مع بعض بنفس الجامعه وكان حابب هوا بنفسو يكلمك بس انا قلت انا حفتح معاك الموضوع عشانك ماحتردني تقدر تقول لمصطفى مافي نصيب
ابو راما مصدووم قال وهوا لسى مو مستوعب : ايش الكلام الفااضي دا هوا ولدك كم عمرو اصلا
مايعرفووووو ابدن اسامه يحسبوه لساتو بزره
ابو اسامه : اكبر من بنتك ب 3 سنوات
ابو راما حس انو السؤال عبيط مالو اي صله بوجهة نظرو عن الموضوع : سامح حتسير مشاكل بيني وبين اخويا
ابو اسامه : وانا اخوكم الكبير سنتين ماعرفكم ولما جيت ابى اسير منكم وفيكم ونرجع زي اول حترفض
ابو راما : انا ابى اتفاهم مع راما بالموضوع دا
ابو اسامه : بنتك موصيتني اكلمك بنفسي لأنها خايفه من ردة فعلك هيا ماسوت شي غلط والحب مو عيب وعمرو ماكن عيب وحرام تظلمها وتزوجها لولد مصطفى وهيا تفكر بولد عمها التاني مو بس حتظلمها حتظلم ولدي وولد اخوك كمان انتا فكر بالموضوع ولد مصطفى ممكن يزعل بس كلها شهر شهرين وحيروم يدورلو على غيرها
ابو راما : انتا كدا تصعبها بوجهي عارف معزتك عندي بس
ابو اسامه : لابس ولا حااجه خلينا نكون متفاهمين وبلاش نعقد الموضوع فاكرين ايش سويتو فيا ايام ماتزوجت زمان ولين دحين مو قادر انسسى ولو مستعدين ولدي كمان يمر بنفس المرحله فاعلاقتي فيكم ماسرت اعترفبها
ابو راما : لاتقفلها بوجهي انتا عارف اللي سار اول من ابونا الله يرحمو احنا مالنا كانت كلمه انا اكتر واحد كنت احاول اوقف معاك بس مافيدي كان شي
ابو اسامه : وجا وقتك عشان تصلح غللطك فرحة ولدي من فرحتي وبنتك اعتبرها زي بنتتتي مافي شي حيبسطني قبل لاأموت غير لو شوفتهم مع بعض
ابو راما : الله يطول بعمرك لاتقول كدا



ابو اسامه باإسلوبو بدأ يلين قلــب اخووه 
وابو راما بدأ يقتنع بس برضو شايل هم ردة فعل اخووه الصغيــر




بعد ساعتيـــن من النقــآش .. اتوجه ابو اسامه لغرفتـه واخد جوالـه 



في بيــته .. قام من عز نومــه على صوت دقة الجوال 
مالو نفس يرد حطو صامت ورجع نام بس اتوتر من كتر ماهو قاعد ينوور
مد يدو ورد : الو
ابوه : هوا انتا نــآيم
اسامه : ايش فيي
ابو اسامه : عمك بياخد بنتو وراجع دحين السعوديه
اسامه حس انو ارتااااح : قلتلك ماحيسمعلك
ابو اسامه : اقول قوم من نومك احنا بكرا رايحين وراهم
اسامه ماستوعب : ها !! ليشش
ابو اسامه : والله عمك يادوبك راجع يتفاهم مع اخوه وعشان الكلام الزايد حتملك عليها بعد بكرا
اسامه انففففففففففججججع رفع جسسمو وسندو على المخده وقال وهوا مستوعب : ايشش بتقوول املك عليها بعد بكراا لسى قصدي بدري ياأ
ابوه قاطعو : اجل متى على بالك حتملك وبعدين بالقوه ابوها رضي والمفروض انتا كان جيت كلمتو كمان معايا
اسامه : قلتلك انا مالي في اعمامي وبعدين الموضوع مرا بدري أجلوه شوويا بعد بكرا تبدا الدراسه
ابوه : تقدر تعوض اللي يروح عليييك
اسامه ابدن ابدن ماتوقع الموضوع يتم بدي السسســرعه : مع
ابوه قاطعه : اقولك انا رايح اوديهم المطاار مايكفي انك ماجيت ولا يعرفك اصلا
اسامه مارد حتى
ابوه : سلام سلام
ابوه قفل من هنا
وهوا فضضضضل حق ربع سااعه متنــح على السرير مو مستوعــب
كان نااسي اوم الهرجه
دف اللحاف من علييه وعقد حواجبه وقام من على السرير : ايش المجاااغه دي

راح صــلى وكل مايجلس تمر عليه لحظــه كدا يسير بس مســرح ويبى يستوعب 
ويرجع يمسسك الجوال فجأه خف انو كان يحلم لما لقى اخر المكلمات ابوه رما الجوال على السرير
حس انو دخل نفسسو في شي هوا مالو فيـــه
زوآآآج
مو اي شي داا
جلس على الكنبــه وهوا يكرر الجمله : حتزوج ..! زواااج ..! بعد بكرا حملك !انا وراما ..!؟؟؟
رجع دخل لغرفتو وهوا اصلا بيمشي في البيت زي الحااايس مو عااارف ايش يبى
طالع بغرفتو واتوجه للسرير اخدو
يبى احد يخرجو من دي الورطــه
مايقدر طبعا يشتكي ليزن او نزار او مازن بدا الموضوع
اتصــل على اليــن على طول واول ماردت قال باإستنجاد : الييين
الين : ايوا ايش في
اسامه مو عارف كيف يفتح معاها الموضوع هدي شويا : كيفك
الين حاسه انو في شي من نبرة صوتو : كويسا وانتا كيفك ؟
اسامه : مدري حاسس في مصيبه وماقدر اخرج منها
الين : ايش سوويت ؟؟؟
يمكن لو انو يزن او مازن تخاف من جملتو لأنو هما مصاااايبهم مصاااايب اما اسامه لا عمرو ماسمعت شي منو
اسامه : بعد بكررا حسير عريس
الين مادخل براسها طبعا الكلام ضحكت وقالت : وانا بعد بكرا حخلف نونتي التاني
اسامه : الييين بلاشي تقاله دم تراني بهرج بجدددي
الين كانت ابتسامه على وجهها اختفت تدريجيا : وانا اخر من يعللم يعني
اسامه : اوووف يااشيخه مو عارف ايش اسسوي اطنش ولا اسافر ولا ايشش بزبط
اليين : دقيقه دقيقه لايكون غلطت مع البنت واهلها جابرينك تتزوجها
اسامه بلع ريقو وسار يكلمها وهوا رايح جاي بالغرفه : تقريبا زي كدا
الين شهقت : الله ياااخدك ياغبي دا وانتا تقول انا مالي ببنات الامارات انتا حماااار اعطيهم فلو اي حااجه وخرج نفسسسك
اسااامه : اسسسمعي انا ماسويت شي _ ماقدر يفضحها و يقول انها كانت مع غيرو _ قصدي هيا ساعه شيطان
الين : ياألله مبرر جميل طيب في الف حل غير الزواج
اسامه : هيا بنت عمممي
الين انكتتتتمت ولا علقت
اسامه : الين ..!
الين : بنت عمك من متى عندك بنات عم
اسامه : لها فتره هنا من بدايه الترم وبتدرس معانا بالجامعه
الين : كمااان
اسامه : مو دي المممصيبه دحيين المصيبه انو بكرا حسافر السعوديه وبعد بكرا حنملك انتي عااارفه كيف الووضع دحيين
الين : سؤال يعني اهلك واهلها عرفو ؟
اسامه : لاطبعا اهلها مو دارين بس ابويا
الين : سرررررى الليل رووح انتحر ياااشيخ
اسامه : ترا مافتحت الموضوع لأحد اصحك تجيبي سيره
الين : يعني حتتزوج على السكاتي ولا ايش الهرجه
اسامه : مدري مو انا حااايس دحين لأنو مو عارف راسي من رجلي
الين : دام حتتزوجها قول لأصحابك وانتهينا ايش في اكتر من انو اتحدد موعد الملكه وموضوع زي كدا مافيه لعب ابوك عارف بالهرجه دي عاد مصيبه
اسامه : والله اني غلطان لما اتصلت عليكي
الين : اسامه لايكون بتستهبل على رااسي
اسامه : اقووول ياشيخه ولللي مع سلااامه
الين : هييي لاتقفل معليش بس ماستوعبت
اسامه زفر بضيــق : اسافر واطنشهم
الين : والبنت ؟
اسامه : في حريقه
الين : واهلك واهلها انتا بدال مصيبتك الاولى حتزييدها مصاااايب
مررت لحظه سكووت من الطرفيــن كلهم يبو يستوعبو وبعدها الين قالت : البنت حلوه ؟
اساامه : لاحوول
الين : لا من جد يعني ازا كانت كمان بشعه انا ممكن ابكي عليك بدي اللحظه
اسامه لاشعوريا ضحك : ياريتني اخد الموضوع بسطحيه زيك
الين : والله حاسه نفسي صدعت وانا بس بفكر بالهررجه
اسامه : عارفه انا ممكن اتاخر هناك مدري اسبوع او اسبوعين مو عارف ايش حيسير بزبط هوا انا حتزوجها هناك وارجع ولا بس حنكون مخطوبين
الين : يافرحتك حتى مو عارف ايش اللي حيسير
اسامه : انا قبل شوويا صااحي على الخبر من ابوويا كلم اخووه وورطني مع بنتو
الين : تستاااهل عشان تعرف مرا تانيه مع مييين تستهبل
اسامه :بس لو رجعنا واحنا مخطوبين ماحقول لأحد
الين : يعني تباها تدرس بنفس الجامعه ومحد داري انها خطيبتك
اسامه : بزبط وبعدين انا ساكن في مكان وهيا في مكان يعني اسهل ليا ولها كدا هيا ماتباني وانا ماباها
الين : معليش بس هيا كيف رضيت على نفسها تسوي .._ وسكتت عشان يفهم _
اسامه اتنرفز من سؤال الين اصلا هوا غلط لما قلها الموضوع بس مالقى في النهايه غيرها موضوع زي كدا ماقدر يخليه في نفسسو
سكت
والين كملت : يعني هيا بنت عمك وسوت كدا معاك وماخافت على سمعتها اجل مع غيرك ايش حتسوي
اسامه عقد على حواجبه وقال بككدب : انا يومها غصبتها خلاص الين لاندخل بالتفاااصيل احسن لي واحسن لك
الين انكتتتتتتتتتتتتتمت فجأه حست انو طاح من عينها
اسامه ننندم انو كلم الييين : اقوول انا قاايم استحمى والموضوع دا لاتفتحيه ولا لمخلووق
الين مقهوره منو ماتوقعتو كدا : حقول لمين يعني سواد وجهك باي
اسامه اتوقع ردها كدا بلع ريقو ودوبو بيهرج الا هيا قفلت بوجهه
حط الجوال على جمــب واتوجه للحمام .. ابتلللش في شي هوا مالو فيـــه

اللهم يا ذا الجلال و الإكرام يا حي يا قيوم ندعوك باسمك الأعظم الذي إذا 
دعيت به أجبت,أن تبسط على والداي من بركاتك ورحمتك ورزقك ،
اللهم ألبسهما العافية حتى يهنئا بالمعيشة , واختم لهما بالمغفرة حتى لا 
تضرهما الذنوب ,

تمشي بالممر وصوت كعبها عالي بالمكــآن .. لابســـه جينز اسوود وتيشيرت احممر وشايله في يدها بـآقة الورد
وقفت قدام باب الغرفه وقرأت الرقــم وابتسمت باإرتبـآك مدت يدها ودقت مرتيــن وبعدها فتحت الباب ودخلت بخطوات متردده
ابتسمت اكتر لما شافتو واقــف بدون اي حـركه
مو حاسس اصلا فيـها ولا سمع دقات الباب كان بيحاول انو يمشــي ..
وهيا تتفرج عليــه بصمت
دوبها حست بجاذبيتــه
اساسا اول ماشافتـه في الحديقه قالت سبحان الله محد كامل
لكن دحين وهوا واقف على رجولو ..
حستو انســآن تــآني
اختفت ابتساامتها لما مسسسك بطررف السرير وهوا بيتألم
على طول اتوجهت له : سااري
ماااسك الحديد بكل قوتــه ومقفــل على عينوو مع انو سسمع اسسمو بس ولارررفع رااسوو
مو قادر يممشي رجلو يحسسها ثقيلـــه واللم مو طبيــعي بس الدكتور يباه يحاول يمشي
شادن حطت الورود على الطاوله وجات لعندو : فيييك شي
حاول يخفف من ضغطو على ملامح وجهه وطالع فيـه : لا مافيا شي
شادن قالت بشك : انادي الدكتور
ساري : لا مايحتاااج
شادن : طيب اجلللس
ساري مو قادر يبعد يدو عن الحديده سااند جسسمو فيــها
شادن حسسست بدا الشي مدت يدها : تعال على الكنبه على الاقل
ساري ماحب يحط تقلو عليها :لا خلاص
بعد يدو عن السرير وحاول يخطو خطووه وبعدها وقف وبعدها خطووه وخلااص حسسس انو مو قادر يممشي اكتتر
وكل المه يباان في عينو لما يشد عليــهاا
شادن وقفت جمبو وهوا حط يدو على كتفــها وبيحاول قدر الامكان مايتقل عليها وهيا حاسه انو ضاغط على رجلو
بس شويا ساند يدو عليها واول ماجا للكنبه رما جسمو علييه ومد رجللوواليمين ومحط يدو عليــها
شادن : الحمدالله على السلامه
ساري : الله يسسلمك .. تسسلمى على جيتك ولو فيها كلفه علي
شادن قاطعته : لا وي بالعكس كنت حابه اشوفك وانتا واقف على رجلك
ساري : عقبال ماأمشي
شادن : أهو ماشالله دوبك مشيييت
ساري حس روحو بتطلع لما يضغط على رجلو : الحمدالله
شادن : الدكتور ايش قلك
ساري : يباني احاول امشي وانا صراحه ابدن مو قادر دحيين
شادن : لأنو لازم يكون معاك ععكاز مايسير من دحين تمشي كدا
ساري : مو شرط
شادن : الا وي وبعدين انتا مسووي عمليه كان نسبه نجاحها بسيطه والحمدالله اهو نجحت اقل شي تسسويه دحين انو تمشي على التعليمات اللي بيعطيها لك الدكتور
ساري : دحين انتي بتتفلسفي ومو عارفه ايش قلي الدكتور
شادن : هههههههههههههه مايحتجلها زكاء
ساري ابتسم : طيب اجلسي
شادن جلست على السرير وسارت قباله : لدحين ماكلمت اهلك
ساري : لا قلتلهم اني سافرت مع اصحابي
شادن : واصحابك محد جاك لهنا
ساري : محد داري
شادن : ومتى يعني ناوي تهرج
ساري : امم _ ابتسم وهوا بيتخيل _ لما امشي بروح بنفسي لهم ابى اشوف ردة فعلهم
شادن بس اتخيلت موقفه ابتسمت على طول : مماحيصدقو
ساري زفر براحه : الحمدالله .. مو عشان كدا بحاول اضغط على نفسي وامشي مابى ياخد وقت اكتر من كدا
شادن وقفت : طيب قوم برا المشي احسسن
ساري : لا مو وقتو دحين
شادن : الغرفه هنا صغيره ومافي شي تسند نفسك عليه اما برا المكان وسيييع ..يلا


بعد زن شادن قام ساري من على الكنبــه بمساعدتــها فتحتلو باب الغرفــه وخررج وهوا حاتط يدو على فخذو 
ويمشي بكل صعوبــه
طول الممر كان على الجددار جديدهـ لنهايه الممر وهوا يمشي خطوه ويرجع يمسسك الحديده ويطغى على وجههو بلحظتها ملامح الألم مع انو بيحاول مايضغط على رجلو مرا
شادن : امشي للنهايه ويكفي كدا
كانت واقفه قدامو وتمشي بالعكس وتحاول تاخد وتدي معاه بالكلام : ايش كنت تشتغل
ساري رد عليها وهوا واقف مكانو : ماكنت اشتغل _ مشي خطوه وباين من طريقة تنفسو انو بيسوي مجهوود _ بالقوه اصلا كملت الثنوي
شادن حاستو بيتألم بس ماتباه يرجع للغرفه : وليش يعني
ساري : عشان بديت احس اني مو زي البقيه
شادن لو انو لسسى زي ماهوا يمكن كان حزنت بس حاليا مبسوطه له : طيب ايش اكتر موقف حز في نفسك ومستحيل تنساهه
سااري كان بيفكر ومشي خطوتيــن وشادن بينها وبين نفسها مبتســـمه وهيا تشوفو بيمشي شويا
: لما كنت بالمتوســط خرجت انا وابويا الله يرحمو وكان المكان مرا زحمه فاوقف سيارتو في مكان ن_ نبرة صوتو اتوطت شويا وقال _ المعاقين هوا حس اني انقرهت لأنو انا ماعتبر نفسي معاق في ناس اسوء مني بس هوا قام برر وقلي مافي مواقف
شادن تطالع في عينو وهوا بيهرج : انتا ولدت كدا ولا سرلك حادث ؟
ساري : لا من يومي كدا
شادن ابتسمت : الحمدالله شوف بعد كم سنه ربي كتبلك تتعالج
ساري : الحمدالله
شادن ماحبت تقلب جو نكد فاقالت بحماس وهيا تمشي على ورا وضمت اياديها لبعض : دحييين لما تخرج ماتفكر تشتغل تدرس اي حاجه
ساري : طبعا ابى اشتغل بس في شي نفسي كنت اسويه من زمان
شادن : ايش هوا ؟
ساري ضحك : بلعب كورا
شادن فتحت عينها على وسعها : ترااني من عشااق الكوره
ساري : ههههههههههههه حتفق معاكي يعني _
شادن : ههههه تقدر تقول كدا
ساري ماقدر يمشي اكتر من كدا فاهرج وهوا واقف مكانو : ماقلتيلي طيب انتي تدرسي ؟
شادن طفشت من شعرها مفتوح اخدت ربطه ورفعت شعرها لفوق وهيا بتهرج معاه : ايوا باقيلي سنتين واتخرج
ساري حس فجأه وهيا بتهرج انو محظوظ لأنو يعرف انسانه زيــها
ملامح وجهها الناعمه
ظيبتها
اسلوبها بالهرج يحسها انسانه مافي زيــها : بتووفيق كم عمرك اصلا
شادن : 22 وانتا
ساري : 25 اليوم احنا كم
شادن : بكرا بدايه السنه الجديده ايش بك مضيع
ساري بتفاجئ : بكرا 1 ..؟
شادن : اييوا
ساري : بكرا حسير اجل 26
شادن : ولدت في بدايه السنه ..!
ساري : يوم مميز مو
شادن: هههههههههه مراا
ساري بتردد قال : يرضيكي بكرا اكون لوحدي
قالها باإسلوب وكأنو يتمسكن على راسها
ضحححكت بكل صوتها
وهوا طالع حولينو وضحك : فضحتينا
شادن حطت يدها على فمها وبتحاول تكتم ضحكتها : لاعاد تتكلم بدا الاسلوب
ساري ابتسم : مارديتي عليا
شادن نزلت يدها وابتسمت بخجل : سيبها لبكرا
ساري : حتسيبيني معلق لبكرا
شادن : ههههههههههههه خلاص ان شالله اجي

لاإله إلا أنت سبحانك إني كنت من الظالمين

كان النبي صلى الله عليه وسلم إذا أتاه أمر يسره أو يُسر به خر ساجداً شكراً لله تبارك وتعالى

اليـــوم اجواء البيـــت غيـــر ..

واقف قدام المرآيـــه وهوا على سنقــة عشــره الثوب الاماراتي
الشماغ الاماراتي الملفوف على رآســو
مرر يدو على صدرو وهوا يعدل الثووب وابتسسسم باإقتنــآع
فتحت بــآب الغر فه وفي يدها المبخــره واول ماشافتـــو زغرطــت
ودخلت بعدها جنــى وطلللعت فووق السرير وتنطنط وتقوول : اوييييييييهاااا ومين قال نزاار ماحيتزووج
اوييييها واخد الهنديه المقروووده حقووو اووي
وماكملت كلمتها بسبب الركازه اللي رماها على وجهها : اطلللعي براا اقوول
اروى : هههههههههههههههههه سيبك منها وربي البنت تفلق الصخخر
جنى نزلت من على السرير وهيا تغمز لو : ايش الحركاات دي ياأخوياا من زمان ماشوفكم لابسين ثياب اغريتني صرااحه مايسير تحول عليا
نزار : ههههههههههههه جنننى خلي اليوم يعدي على خير
جنى جات لعندو واروى برضو سارت تبخرو
وجنى بحقاره كعادتها تطالع فيــه من فوق لتحت : بللهي بللهي خليني اتصور جمبك وانتا كدا وبنزل الصورة على الفيس بوك واكتب اخويا لا لا اكتب ماي بيبي عشان البنات يولعو
نزار : صدقيني صفحتك على الفيس بوك دي محد حيقفلها غيري
جنى : ههههههههههههههههههههه هيي والله مابنزل صور الا وانا محتششمه بكاامل عفتتي
نزار : لا ياااشيخه الله يرحم امك نزليلي صورة لكي _ طالع فيها من فوق لتحت _ وانتي لابستلي دا الشورت
جنى عضت على شفايفها : لا استحي
اروى حطت يدها على كتف نزار وهيا تنفض : سيبك منها
جنى خرجت جوالها من جيبها : امانه امانه خليني اتصور جمبك
نزار : روحي اتصوري جمب يزززن
جنى : والله نص اللي ضايفتهم عندي عشان يززن بلا بشكلهم نزلت مجلد كلو صورووو لو تشووف كم تعلليق يجيني حذفت اصلا كل صورو بلا حتى اللي ماكنت اعرفهم وعلاقتي سطحيه معاهم سارو يسألو عني
اروى : هههههههههههههههه اصلا لو درى انك بتاجري بصورو
جنى ضحكت من قلللبها وقالت : اقولكم شي بمناسبه دي المناسبه الجميله
نزار : ياريت مايكون شي غبي
جنى : سويت اكاونت على الفيس بوك كلو صور يززن وقاعده اشبك البنات وحاطه الصوره الشخصيه صوره له وهوا بيسبح وررربي ماكزب عليكم تجيني اضااافااات مو طبيعيه باليوم الواااحد البنات مرا ماسارو يستحو
نزار فرصع عينو : هبببله انتتي وربي لو يزن دري حيوريكي نجوم الليل بعز الظهر
جنى : هههههههههههههههههههههههههههههههه عارفه بس والله البنات مرا وقحااات بعضهم يرسلولي ارقامهم على الخاص عيني عينك مافي اي حيا وبعدين اقول ليش اخواني منحرفييين لا يحقلكم صرااحه
اروى : اقوول انتي يافيلسوفه الغي اللي بتسويه دا كلو قبل لايكبر الموضوع
جنى : لاتخافي اغلب اللي مشبكتهم بنات من لبنان والعراق والسعوديه ببعد عن الاماارات
نزار : مشبكتهم ..؟ ليش انتي من متى بتلعبي على دول
جنى : قول حق شهرين
اروى : الله واكبر عليكي ياشيخه
جنى : ههههههههههههههههههههههههه علاقتي سطحيه مع الكل بس 3 انبسط لما اهرج معااهم يعني قلتلهم احبك وماعرف ايششش وكل يوم ارسلهم صوره ليييزن
نزار استوعب : مو عشان كدا امس قلتيلو يتصور وهوا لابس التيشيرت الازرق؟
جنى : بنقوو
نزار : هههههههههههه وربي انك خططططيره
اروى طالعت بنزاار مفجوعه : بدال ماتهزأها تقوم تشجعها ايش المجاااغه دي اخ كبير على الفاضي
جنى : يشجعني طبعا اصلا اخوانك مافيهم عقل يعني ايش فيه اكتر من انو رايح يشوف حبيبتو وهيا ماتدري انو هوا وقاعده كم يوم تبكي _ اتذكرت _ والله امس اتصلت عليها وبس قلتلها نزار لو تشووف كيف صوتها انقلب وقالتلي انا بنام صرفتني وقفلت
نزار زفر بضيق : تلوموني فيها
اروى : اصلا انا بحاول قدر الامكان ماعلق على اللي سويتو معاها لأنو لو انا مكانها مداني كرهتك
نزار : كلها ساعه بالكتير وتعرررف
اروى ابتسمت وسلمت على خدو : بتووفيــق
جنى : دحين يعني حتشوفها بس ماحددتو الملكه
نزار: انا قلتلهم الملكه لما امي تكون هنا اول ماتجي حنملك اما دحيين بس قدام الكل حتكون ليا عشان البنت لاتروح من يدي
جنى : يافددديت علووم البدو انا
نزار ضحك : ايش شااربه انتي اليوم
جنى : هههههههههههههههههههههههههههههههههه ولاشي
اروى عارفه انو جنى مبسوطه عشان وضــآح طلب من ابوه يبني دوور تالت فوقهم له عشان يبى يخطب
دخل سيدهم وهوا متشخص برضو وكالعاده خارب كل شي بعصبيتو : ياااارشدي اباظا ماتفكر تممشي يعني ولا حنببطل ترا
نزار تمتم بصوت راخي مايسمعوه الا اروى وجنى :لازم يتمنن علياا
جنى : سيدي ترااه سبك
نزار طالع فيها : كزااابه
سيدو رفع العصايه واشر عليه : اصلا احس اليوم دا مو لازم يمر على خييير البنت شكلها ماتنااسبك
نزار الا دا الموضوع : سيدي بتمزززح جنى ايش فييك
جنى : ولله
الا نزار مسكها وكتم فممهااا : يلا ياسيدي لانتأخر
جنى تحاول تهررج وتررفع يدها وتحررركها بس طبعا كل اللي بيطلع تمتمه
سيدهم طالع فيها وحرك راسو باأسف : بنتي خلفت مجانين
وخــرج من الغرفه
وجنى دفت نززار : بلاا _ مسكت فكها _ الله واكبر على يــدك عساها بالكســـر ان شالله
نزار دفاها من راسها : انقللعي اقوول واتوجه للصندوق الكبير الخشبي بزاويــه الغرفه
فتحــو باليدين عشنو تقيــل ودخل الاغرااض وجاي يقفلو وبيقوم بسرعه يلحق سيدو الا قفل على يدوو
صرررخ بكل صوووتو : آآآآآآآآ
اما جنى انجفعت دوبها دعييت عليييه من هنا والادمي صررخ من هنـآ
اروى جررريت لعندوو : وي اتعوورت
نزززار مسك يدوو باألللللم وقال ووجهه محمــر : جننننننى لاتخليني اشووفو وجهك
جنى واقفه بعيد مفجوعه وحاطه يدها على فمها : معللليش والله ياريت طلبت العفو والعافيه
نزار طالع فيها بحققققد وفضضل يحررك يدوو بالهووا : خليني الحق سيدي بدال مايسرلي شي من عييينك
اخد محفظتــو وخررج واروى وجنى طالعو في بعضض وبعدها ضحكــو ..
اروى : بسسسم الله من عيينك ياشيخه
جنى : مو عين ياهبله ربي استجاب بس دعائي وبعدين دعوه المظللووم مستجابه
اروى : اقوول اسكتتي بس
جنى : ايش تتوقعي ردة فعل سهااد
ااروى ضحكت : اموت واعرف
جنى : يووه ماحقدر انام دحيين
اروى : نستناه لين مايرجع
جنى بشك : ليش مو راجعه بيتك ؟
اروى : لا كلمت وليد اجلس
جنى كان نفسها ترجع عشان تجي معاها طبعا : اها كوويس من زمان ماتباتي عندنا




اما هيــآ في غرفتها ..
لابســه
حاطه ميك اب خفيف
ومافي اي فررحه بوجهها
قلبــها تحســو يوجعها كل ماتتذكر انو جا وكلها دقايـــق حتدخــلو
طالعت نفسها بالمرايه زفرررت وهيا حاسه بشي خانقها وحاولت تمسسح الدمووع اللي اتجمعت بعينها بدون ماتعدم الكحــل

انفتح باب الغرفه وامها الابتسامه على وجهها وبااااين انهااا مرااا مبسسوطه : خلاص هوا راح للصالون التاني يلا تعــآلي

من كلام امها خلاص قلبها سار يدق ورا بعضو وكل ماتخطو خطوه وتقرب للغرفــه تحس انها تزيد دقات قلبها
كل اللي في بالها نـــــزاار وبـــس ..

وقفت عند الباب وامها طالعت فيـها وهمستلها : ادخللي
سهاد بلعت ريقـها وهيا ماااسكه نفسسها بالقوه عششان لاتبـــكي
امها مسكت يدها اممشي ياسهاد الولد يستنــآ

في الغرفــه دي كان بس فيها نزار ابووها وسيدو في غرفه تانيه ...
سهاد نزلت راسها وهيا ماتبى تشوفو خير شر
بس تبى تدخل عشان اهلها
نزلت راسها عشان لاتبان دموعها
ولا ملامح وجهها اللي باين فيها رفضها ..
دخلللت هيا وامها لنص الغرفه وهيا عيونها ابببدن مو عليــه

اما نزار اول ماشافها وقف وابتسسسسم اشتقققققققققلهاا كم يووم مايشوفها : السلام عليكم
ام سهاد : وعليكم السلام
سهاد عقدت حواجبها وقبضها قلبها رفعت عييينها على طوول
صووووووووتووووو
لما شافتو فتحت عينها على وســعها
اما نزززار ماسسسسسسك نفسسو لايضحك على تعااابير وجهها
ام سهاد : عن ازنكم ..
سحبت نفسسسها من الغرفــه وقفلت الباب وراها
اما سهاد مبلمممه في وجهه قربت منو : نزااار !!
نزار ضحك : يعني بللهي حسيبك لغيري بعقلك انتي ؟
سهاد نزززلت دموعها وكأنها ماااصدقت تشوفو قدامهاا
اخدت الركازه اللي على الكنبــه وضربتووو وتببكي بصوتها وتهرررج : اكرررررهك اكررررهك انتاا عااارف قد ايش عزززبتني
نزار حاط يدو قددام وجههو عشان لايتعور ويضضحك : سوسو لاتفضحينننا
سهاااد مستمممره بضربوو : وووربي كررهتك
نزار سحب منها الركازه ورماها بالارض : خلاص لاتبببكي
سهاد فكت مناااحه
تحسس انها ارتااحت كدا بكييت من قلبببها
هوا قدامها
في بيتها
اتقدملها
لهاا هيا وبــس
غطت وجهها بيدها وتبــكي
نزار قرب منها وشال يدها وهمسلها : اسسسسف والله حبيت اسويلك مفاجئــه بس مدري كيف جا في بالك اني ممكن اسيبك او ماهتم بالموضوع دا _ قال بقهر _ سوسو الله يخليكي خلاص لاتبكي
قربها منو وباسها في جبينها وحضنها وقعد يتأسفلها

بعد ماهدت وجللست على الكنبه وهوا جلس جمبها وماسك يدها : خلاص فكككي
سهاد مرا متكرنه : انتا عارف سايبني كم يوم ببكي كل ماتزكر انو خلاص اللي بيننا انتهى
نزار قاطعهاا :خلاص قلتلك اســف وانا مزحي تقيل
سهاد مبوزه : وعبيط كمان
نزار مسسك خدها : خلاص ياهوو ماسارت
سهاد ابتسمتت : قوم من جمبي يلا ترا ماما باأي لحظه حتدخل ولو شافتك كدا صدقني حيسير شي مو طيب
نزار : زي ايش يعني
سهاد : ساعتها حتفضحك وتطردك من البيت
نزار ساب يدها : من بدايتها طرد لا يأومي قومممي _ اشرلها على الزاويه _ اجللسي هناك
سهاد رفعت حاجبها : هههههههههههههه لا يااشيخ
نزار : واالله احتمال اقولهم انو انتي جيتي بنفسك وجلستي جمبي يعني الغلط لابسسك
سهاد ضربتو على كتفوو : بداال ماتعووضني عن الكم يوم اللي بس ببكي فيها بسببك كمااان بتستهبل
نزار : ههههههههههههه ياحيااتي وررربي خايف اسوي كدا شي الا امك تطب علينا خليها لبعدين
سهاد: بلااا بقولك كلام ايش حسستني ابى لاتستفزني تراني معصبه خلقة منك
نزار : والله عمرك ماحتنسي دا الييوم بزات لما نجيب بهيه حتجلسي تحكيها عن دا اليوم
سهاد طغى على ملامحها الهبل : بهيه ؟؟؟ ايش هوا دا
نزار : اسم بنتنا
سهاد تحسبو يمززح : دا اسم بنت ..!! كأنو اسم حيووان منقررض
نزار : تراه اسم امي
سهاد وجهها رااااااح فيـــــــــهاا حاولت تعدل موقفها : قـ قـصدي
نزار : مو عاجبك
سهاد انقلب وجهها للاحمر : لا وي بس _ مو قادره تقول كلمتين على بعضها _
قاطعها بضحكتو : ههههههههههههههههههههههههههههههههههه بمزح معاكي كم مرا اقولك امي اسمها سميه
سهاد خلااص وصلت حدها : نزاااااار بلااا والله كان قلبي بيوقف
نزار : ههههههههههههههههههه بس ترا وحده من عماتي اسمها بهيه لكن ماتت قبل لاأولد
سهاد باإنفعال : طيب خلاص قفل سيرتها الله يرحمك يابهيه . تحلم اصلا تسمي وحده من بناتي كلهم انا حسميهم

إذا رأى أحدكم من نفسه أو ماله أو أخيه ما يعجبه فليدع له بالبركة ، فإن العين حق 


في الغرفــه الهاديــه
مظلمـه
بــآردهـ
منسدح في نص سريرهـ ومستسلم للنوم .. فجــآه ررفففع جسسسموو من على السرير وبعد عن جسمو اللحاف
طالع حوليــه ولما استوعب انو هوا بغرفــتو
مو بحمام رغــد مو بغطــى بدمــها
: استغفر لله
قام من على السرير اخد التيشيرت الاسود اللي مرمي في الارض ولبــسو
وكان لابس شوورت
فتح باب غرفتــه وخررج
مايدري ليش خــرج بس مايبى يجلس لوححدوو
اتوجه للغرفه اللي قريبه منو ودق الباب وبعدها فتــحو لقـى يزن جالس على سريرهـ وشكلو دوبو جاي ينـآم
يزن باإستغراب : في شي
مازن دخل وجلس على السرير : لا طفششان ...؟
يزن مادخلت براسو كلمت طفشان : المطلوب
مازن : قوم نطلع برا نجلسس
يزن مع انو نفسو ينام بس عارفو ماجاه مازن لعندو الا وهوا يباه جمبـو
يزن : طيب بروح الحمام وبعدين ننزل نسبح ولا نعسسل ولا نشوفلنا صرفه حتى انا طفشــآن
مازن : طيب
قام من على السرير واتوجه للحمـآم

اما مــآزن طالع في سااعه اللي على الطاوله وعلى بال يستنى يزن انسددح على السرير ..
يزن اتلككع بالحمام
حتى وهوا بالحمام جات على بالو رنيــم وقعد على اقل من مهلو والابتسامه على وجههو
جاي يفتح باب الحمام طالع في نفسسو بالمرايه وحاول يخفف الابتسامه
عشان مازن لاياخدو تريقــه
خرج : مااازن _ عقد حواجبه وقرب للسرير لقااه نايم _ مو من جدوو دا ... _ نادى بهدوء _ مازن
لقااه نايم من قلــب ولا كأنو دوبو صاحي
زفر بضيــق وراح انسسدح على الكنبــه
مقهوور على حال اخووه
بس فتره وتعدي زي حالتو بزبــط
فكر بزمـآآآآآآن كيف كان هوا ومازن عايشين بمتعه ..... ونزار الوحيـــد اللي متبري من طريقة حياتهم ماكان زيهم
ماكان يحب يلعب على البنات
ولا يفتري على احد
هوا الوحيييد غيرهم واليوم حقق حلمــه
وهوا ومــآزن بسبب اللي كانو بسووه ربي جازاهم بمواقف عمرهم ماحينسوها
حتفضل تلاحقــهم طول العمر
حيفضلو مجرووحيـــن ويعانو بسببها

اما مــآزن بدون مايحس بنفسو نام بغرفه اخووه
الشي الوحيد اللي ممكن يرتاح مازن فيه لما يكون قريب من يزن
لأنو كدا اتعوود
يزن كل مايسرلو شي يدور على امو ويشتكيلها
ومازن كل ماسرلو شي يروح يجلس مع يــزن
وكبــرو وهما على دا الحال
ماتغيرت طبايعهم
بس كل مالو مصايبهم تكبر معاهم
كل مالهم بيحسو انو الحياه ماكانت محصوره بالفلوس ولا بالطبقات
السحب بدأت تندمج في بعضها وماسارو يدرو هما فينهم بزبـــط
يزن بدا يتغير عشــآنها ويحس انها تستاهل
ومازن اتغير عشانــها واتمنى انو ماتغير
اتمنى انو مافتح قلبه لها
ولاحبــها
دمر نفسسه ودمرها معاهـ ...



بعد نــص ساعه قام يزن بسبب الضربه اللي جات على وجهه فتح عينو مفجووع : ايششش فيي
مازن جالس على السرير : قووم
يزن : هوا انا موقت لمواعيدك دوبي ناايم
مازن يفرك عينو : قوم ياشيخ تراني طفششان
يزن رجع غمض عينو وقال بقهر : مالي فيييك
وفتح عينو تانيه لما تاني مخده جات بوجهه جلس بعصبيه : هاااا ياأخي ابى انااام ارحمنني
مازن : خلينا نســـهر
يزن اشرر على وجههو : انتا شايف وجهي مناسب لسسهر تراني تعباااان
مازن :اسويلك اي منبه بس قوم
يزن زفر بضيق : لاحول ولاقوة الا بلله
قام وخبص شعروو بتعب وبيهرج : ايش نسسسوي
مازن : قوم اول شي غسسل وجهك ..
يزن طالع فيه بنص عين ودخل الحمام بيحاول قدر الامكان مايعصب عليـــه
عشان نفسييتو ..
خرج وهوا يتثاوب ويتمطــع : كلها ساعه وبرجع انام
مازن : طيببب
خــرجو من الغرفه ويزن كل شويا يتثاوب . : ايش حنسوي
مازن : اول شي بروح ابارك لنزار
يزن : وانا قرينك
مازن : هههههههههه اعوذ بلله يااشيخ
يزن ضحك لما جاب سيرة القرين اتذكر الشياطين وبعدها رنيييم ..
اتوجههو لغرفــه نزار يزن دق الباب مرتين وبعدها مازن دفو وفتح الباب
يزن طالع فييه : الاحترام معدوم
مازن : نزار اصمخ مايمسسع
دخلو الغرفــه ولقووهـ مسدوح في الارض وساند راسو بتكايه ومدفي بشرشف ابيض
وشكلو كان ياكل ويكللم سهااد لين مانام
مازن : دا من اول يوم قدو نايم بالارض
يزن : كأنو ميت
مازن سكت شوويا وبعدها ضحك
يزن طالع فيه : ايش في
مازن زادت ضكتو
يزن ابتسم : ايششش بك
مازن : ايش رايك نفجعو
يزن : كيف
مازن : نصلي عليه صلاة الميت
يزن ماستوعب : نعععم
مازن بيضحك لأنو يتخيل شكل نزار : ايييوا والله حيقوم مفجووع بس نادي نادي جنى تصوره
يزن : ايش الهبلل دا
مازن : اسسسكت ... دقيقه بروح انادي جنى وانتا نظف المكان شيل الاكل اللي حولينو
يزن مو عارف ايش بيسوي مازن بس ماشي معاه علــ خط
ماازن راااااااااح جررري لغرفه جنـــى وفتح الباب من غير لايييدق
وهيا علللى طول صرررخت وكانت بتلبس غطت جسمها بالبلوزه : ياحقييير
مازن دار جسموو وضحك : معللليششش
جنى مكسسوووفه : اطللع برااا
مازن : الببسي بسرعه مابطالع
جنى لبست التيشيرت على السريع وبتوتر رجعت شعرها ورا اذنها : ماتعرف تددق الباب
مازن : خلصصتي
جنى : اييوا
مازن طالع فيها وقال بحقاره : ياهو كبرناا
جنى : ماااازن
مازن : ههههههههههههه جيبي مسفع الصلاه وتعالي بسرعه
جنى : ايش فيي
مازن : والكاميرا كمان بسسسسرعه يزن مستنينا
خرج من الغرفه وهيا عررفت دام الهرجه روقان مازن وييزن يعني شي حيخليها تضحك لليوم اللي بعدو
جنى سحبت مسفع الصلاه والكاميرا وخرجت وراه
راحو لغرفه نزار ويزن مزببط الوضع
مازن قفل اللمبه وخلى الاضائه مرا واطيــه
مازن يهمس لجنى : حطي الكميرا على الطاوله واتأكدي انها تبين كل شي
جنى حطت كتب فوق الطاوله وحطت الكميرا فوقهم وحطت تسجيــل ..
اما يزن اتوجه لنزار وغطاه بشرشف الابيض عدل
ومازن جاب شماغين ورما واحد ليــزن
لبسوهم باإهمال كدا على روسهم
وجنى لابسه مسفع الصلاه
وشغل مازن بجوالو مقطـــع من اليوتيوووب واااحد يصرررخ ويقول : لاااااااااحووول ولا قوووة الا بللله
اللله يرحمممممم موتاانا الله يغفرلنااااااااا
نزار فتح عيونو مفجووع الا لقى نزار ومازن يكبروو وهوا زي الجثه قدامهم
ووحده لابسه مسفع صلاه ومو بااين وجهها بس شكلها بتبكككي
جنى اساسا بتضضضحك بس لأنها بتكتم ضحكتها باين كأنها بتبكي
نزار ولا رفففع راااسسسووو
يطاالع في اخوانو اللي كبرو سبـــع مرااات
الله اكبر
الله اكبر
الله اكببر
الله اكببر
الله اكبر
الله اكبر
مسسك اطراف اياديه مفجوووع جاي يفتح فمو ويهرررج
الا مازن ويزن سلموو ورفعو اياديهم يدعوو
: الله يرحمممك يانزااار الله يثبتك عند السؤال

نزار هنا جلسس مفجوع ويطالع فيييهم : مااازن ... يزززن
محد رررد عليـــه
مازن رفع الشماغ لعينو يبى يضحك بس بيسوي نفسو يبكي : الله يرحمممك مالحق يتزووج

نزار مع الفجعه سار يطالع في يدو يحررك رجلللوو
وبعدها بيطالع فيهم وفي البنت اللي مو عارف وجهها من قفاهاا وبتبكي بصووتها
واللي فاجعووو اكتتر
الصووت اللي مو داري من فييين طاااااالع والشيخ بس يصررخ ورعععد ويهررج عن القياامه ويوم البعث
ييزززن اتنهد بكل صووتوووو : مات وهوا ناييم فجججعه والله
جنىى ولا بعدت المسفع عن وجهها لأنها بس بتضضحك : اااه ياأخووووياااا اااه
نزار مو قادر يووقف بعد الشرشف عنو
الا باب الغررفه يترررزززززعععع بكل قوتــه
وصوت خطوووووات تفجع جايه لعمدهك
نزاار مع رزعه الباب مسك راسو وقال بردة فعل سريعه : رحممممتك يااااارب ارحممننني

الا سيدهم وفي يدو العصااايه داخل : ايششش الاصووو _ وانكتم لما شااف دي الحاله كلها _
يزززن بعد ردة فعل نزار ماااقدر يمسسسك نفسسسو جلللس في الاررررررض وميييت ضحككك
وجنننى سحبت الكميرااا واتررمت على السرير وكلللهم يضحكوو على نزااار اللي شويا ويبــكي
مازن انفجع من رزعه الباب عشان كدا قال لسيدو : عظم الله اجررك
نزار عدسه عينو تتنقل في المكان
ويييزن وجههو احممممر من كتتتر مايضضضحك وبعدها ممازن فررط ضحككك
وجنى متكوره على نفسها بسسرير
نزار استوووعب قاام شال التكااايه اللي ورااه ورمااهاا على يزن وماازن وقال بقهههر : والله قلبي كان حيووقف الله يقلعكمم
سيدهم شايف الكل بيضحك وفي دي الحاله بزبط يكره يجللس معاهم : الله يشفيكم ماغلطت لما قلت بنتي مخلفه مجانين _ وانسسحب من الغرفه _
مازن قفل المقققطع من الجوال وماسك بطنو : ههههههههههههههههههههههههههههه ااااه يااابطننني
يزن يقلد نزار لما مسسك راسو : رحمممممتك يااارب ارحمننني
جنى : هههههههههههههههههههههههههه لا لا وجههو وانتو بتدعوو فاااااااتكمممم
ماازن وجههو قلللب ااحممر ومو قادر يتنفسس :هههههههههههههههههههههههههه خلااااااص بطننني
نزار ضاغط على اسنانه بحقــد : تراااكم مرا سخيفين
يزن : هههههههههههههههههههه لا وهووا يمسك يدوو كأنو يبى يتأكد انا حي ولا لأ
نزار حس انو المقلب اللي سواه بسهاد ربي ردالو هوا بس على اقوى بكتتتتير
جنى ماقالت طبعا لنزار على التصوير عشان لاياخدو عليهم : ههههههههههههههههههههههههههههه وربي مو قااادره
واستممممممممرت ضحكاااااتهم ليـــن 7 الصبــآح نزار بعد ساااعه من المقلب فك ورووق معاهم
حكاهم عن الشوفه
وبعدها قامو اتفرجو فلـــم " كريزي ستوبد لوف "
وحطوالمعســل وتروويقه للصبح ..
لهم فتره مايجتمعو كدا 

أعوذ بكلمات الله التامة ، من كل شيطان وهامه ، وكل عينِ لامه

اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ". كان رسول الله صلى الله عليه وسلم يكثر من هذا الدعاء

في السعوديــــــه وبتحديد في جــــدهـ ..
جالسه بغرفتها مع اختها ..
اختها قفلت الجريده بعد ماقرات كارثة الحريقه اللي سارت : الله يرحمهم
راما : امين يارب
اختها : ماتبي تقوليلي دحين ايش غير رايك كدا
راما ابتسمت : ايش حيغيرو
اختها : والله سارت مشاكل من موضوعك دحين
راما : ماتوقعت عمي كدا يصرخ
اختها : ايش ماتوقعتي ياراما انا لدحين مو مستوعبه اللي بتسويه
راما : رويدا خلاص بليز لاتزوديها عليا
رويدها : الله يكملك بعقلك حتى دا اللي بتقولي عنو اسامه محد يعرف شكلو ولا اخلاقو ولا شي ولد عم بالاسم بس
راما نزلت راسها وهيا بتحاول انها تمسسك نفسها مر عليها اسبوعيين من الحادثه وكل همها دحين انها تملك هيا واسامه عشان ترتاح نفسيا
كانت تحب ولد عمها التاني بس عارفتو وعارفه طبايعو وعندها الستر يفوق الحب
طز في الحب وسنينو



اما في غرفه امها .. كانت مبتسمه على الكنبه وزوجها عكسها
: كنت حاسس انو حتسير مشاكل بيني وبينو حسبيه الله عليكي ياراما
زوجتو : سيب البنت في حالها انتا رضيت من البدايه بقرارها يعني لاتحط اللوم عليها
ابو راما : شايفك اصلا طول اليوم مبتسسمه وكأنو مافي شي
ام راما : استخرت وارتحت انتا عارف انو زواج راما من اخوك ممصطفى لا أنا ولا انتا كنا مرتاحين وعارف كيف الناس بيهرجو فيه لاصلاه ولاعباده رميت بنتك له عشانو اخوك انا مرتاحه لولد سامح مع اني ماقد شوفتو بس استخرت ولو فيه خير حيوصل بكرا ان شالله جده ولو مافيه خير ربي حيبعدو عن بنتي انتا عارفني عمرو ماخاب احساسي
ابو راما دايما يرتاح من كلام زوجتـــه لما تقول حاســه مايخيب احساسها : الله ييسر وان شالله مصطفى يهدا ويفكر بعقليه بالموضوع دا في النهايه قسمه ونصيب ماقدر اجبر بنتي على ولدو..
ام راما : عادي اي واحد في مكانو حيسوي نفس الشي احنا وهما غلطنا لما اديناهم موافقه من قبل الملكه بفتره بس الحمدالله على كل حاال حينقفل الموضوع دحين ولا بعد الملكه ...


فــي غرفة راما ورويــدآ ..
رويدا مسدوحه على السرير : راما كيف شكلو اسامه
راما متربعه على الكنبـه : عادي
رويدا : مين احلى زوجك الاول ولا التاني
راما : ياحيووووانه ولا واحد لسسسى زوجي حقييره
رويدا : ههههههههههههههههههههههههههههه من جد مين احلى
راما : رويدا الله يخليكي نقطيني بسكاتك
رويدا : انتي ايش بك من اول ماجيتي من دبي وانتي قالبه خلقتك كدا تراكي ليا فتره ماتشوفيني
راما مالها نفسس تهررج : روووويدا لوو سمحتتتتي لأخر مرا اقولك خليكي في حاالك مو ناقصتك
رويدا جلست وقالت بجديه : راما هوا في شي سار هناك ؟
راما طالعت فيها وبان التوتر : نعم ! ايش ممكن يسير يعني
رويدا تبى تهرج معاها بصراحه ماتعودو يخبو على بعض ومن يوم مارجعت راما وهيا مو كأنها راما الاولى ..
: راما امس حسيت فيكي قبل لاتنامي وانتي بتبكي انا مو فاهمه ليش بتبكي دامك تبي الولد وهوا يباكي وبكرا جاي
راما فتحت شعرها وسارت تلفو وترفعو باإرتباك : بلاشي فلسفه كان موضوع براسي لاأكتر وبعدين انتي بتراقبني ولا ايش حكايتك
رويدا مفجوعه منها : انا متأكده انو في شي ساير انتي حاسه نفسسك قد ايش اتغيرتي كأنك كبرتي 10 سنوات ماسرتي زي اول على طول مكشششره وكأنك ماتبي تشوفينا
راما وقفت : اقوول لاتخبصي بالكلام حروح انام بصاله مو ناقصه تستجوبيني اكتر من كدا
خرجت من الغرفه وقفلت الباب وراها
كل ماتتقدم ســآعه
تحسسس انو اخلاقها تقفــل
موعد وصولهم باقي عليه 12 ساعه
انسدحت على الكنبــه
وعينها على الساعه اللي بالجدار
وصوتها مزعج وموترها اكتر
تك
تك
تك
تك
تك
تطالع بعقــرب الثواني وهوا يمشي .. وفجاه بدأت دموعها تنزل
اتذكرت الرجال وهوا يرب منها على السرير
ضمت رجلها لصدرها وغمممضت عينها بكل قووتها وكأنها تبى تخررج كل شي من راسها
كانت شاده على جسسسمها بخوووف
بدات شهقات بكاها تطلع
رفعت يدها وغطت على فمها عشان لحد يسمعها
بكيت بكيييت على الكنبــه ليين مابدأ جسمها يرتخــي ونــآمت ..
اما روديدا واقفه عند باب غرفتها وفي مرايه قدام راما وعاكســه لها كل شي
قلبها عوورها على اختها
ماقدرت ترحلها
لأنو لو راما بتهرج كان اشتكتلها
بس هيا برضو رجعت انسدحت على سريرها وبكيت على بكــآ اختـها ..
مع انها مو عارفه ايش بها بس اول مرا تشووفها تبكككي بدي الحاله






بعد 12 ساعه بزبــط وعلى اذان العصــر ...
وصلــو للمطــآر
واســآمه اخلااااااااااقووو مقفــــله .. يكككره اهل ابوووه
ودحيــن حيكرهم زيـآدهـ ..
ابوه : شويا حيوصلو اعمامك ..
اسامه : وانا اشلي
ابوه : مو حنروح عندهم
اسامه لبس نظارتو الشمسيه : انتا شايف الوقت ليش نروح لبيتهم !!!
ابوه : دول اخواني لو ماستقبلوني في بيتهم فين يستقبلووك
اسامه بدون اي نقاش : انا قبل اجي حجزتلي اصلا في فندق روح انتا مع اخوانك وانا رايح انام
ابوه ::: ايششش تبى يقولو عليااا
اسامه : ايش حيقولو يعني تقدر تطلع اي مبرر زي ماقنعت ابوها بسهوله يحسب على ولد اخوهه تقدر تعطيه سبب مقنع لروحتي للفندق




اسامه مــشي وهوا عاارف انو اتووواقح مع ابوووه مراا بس شي مو بيده
يحسس كل احلامو قااعده تتحطم قدامو
حياتو حتتغير 180 درجـــه
اتوجه للفندق .. ودخل للغرفه اللي حاجزها استحممى ورما نفسسو على السرير
نفسسو كل دا يطلللع حلــم لا مو حللم كابووس دا
زفر بكل ضيــق ..
مو عارف ايش يسوي
حاسس انو بيعيش في موقــف مايقدر غير يسوي اللي يبوه وبــس
بكل طــآعه
مو عارف اصلا
يعصب
ولا ينقهههر
ولا يكون راضي
ولا ايش بزبط موقفه من دا كلو
الشي الوحيد اللي عارفو انو حيستر عليـها وبــس
اخد جواله واتصل على امــه .. قعد يهرررج معاها لييين مارتاااح نفسيا ونااام وجواله مافيه بطــآريــه ..






بعــد العشــآ بدأت الاستعدادت العائليــه للملكـــه
فستانها الاصفــر معلق على الدولاب
الكوفيرا بتمكيجــها
وهيا بدون اي تفاعل
اعصااااااابها مشدوده
حتى لما تبتسم مجامله لأختها ولا لأمها بايييين انها بالقوووه
فسرووه " خوووف من الزواج " دا الشي الوحيد اللي خطر في بال امها

اما في مجللس الرجــآل ..
ابو اسامه قام وخرج من الغرفه وواقف في السيــب اتصصل كدا مرا على اسامه جواله مقفـــل
خلااص مو عااارف يتصـــرف
مايكفي انو ماجا من البداايه معاه كمان يبى يفضحو قدام اخوانوو ومايجي الملكه
يتوقع اي شي من ولدهـ
ابتسم مجامله لما اخو راما اللي بالمتوسط جا لعنده ومعاه المبخره : عمي ابويا يباك
ابو اسامه " الله يعدي اليوم على خيــر "
اما اخو راما رايد دخل لغرفه راما : عريسسسك دا شكلو مو جاااي
الكلمه انقالت كدا
بس مييين اللي انفججعع راما
بعدت يد الحرمه عن وجهها وجلسست : كيف مو جاي
امها وهيا تعطر فستان راما : ياشيخه اخصريكي منو
راما قلبها سار يدق بسسسرعه تتوقع من اسامه اي شي
اتذكرت يوم ماقلها انا اكرره اعمامي
ولايمكن اطب بيتكم
مع التوتر كل المواضيع السلبيه جات براسها
رايد كمل على نياته : والله انا شايف عمي كل شويا يتصل علييه ومحد بيرد وكل مابابا كلمو قلو دوبي كلمتو دحين بطريق وهوا اصلا ماكلم احد وبعدين اصلا باين في وجههو
امو ضربتو على ظهره : انتا ماتبطللل ملقفه وحششششريه رووووح عند الرجااال واوقف جمب ابوووك
رامااا خلااص الخوووف طااغي عليييها
انسدحت عشان الحرمه تكملها مكييياج
وتحسسس اليييوم دا ماحيمممر كدا
دا احساسها

مرت ربع سااعه
نص ســآعه
ساعه الا ربع
ساعه
ساعه ونــص
ساعتيـــن ..
وراماا خلـــصت
وخالاتها كلهم موجودين وعمتها
الا مرت عمها ماجات ولا عمها ممصطفى ولا عياله ..
والمؤذون وصـــل وهنـآآآآ بدا التوتر يعم بالمكـــآن

حاطه يدها على خدها وتتامل اظافيرها اللي لونها عوودي كاتم بعكس لون فستانها اللي مايل للاصفر وماسك على جسمها ومبرز تقاسيمها المنحوته بدقـــه
شعرها نازل على كتفــها وباين شكلها جدن بريئ بالورده الناعمه اللي مزينه فيها شعــرها
طالعت بنفسسها بالمرايـــه شكلها مرا متغير
رسمــه عينها مكبره عينها اكـتر واكتر وبارزه لون عيونها العسليــه
كل من دخل عليها الغرفه يقولها والله محظووظ فيكي
والله حيتجنن عليكي
يابنتي حتنسيه اسموو
بلعت ريقها وبدا التوتر يتسلل لقلبــها
رجلــها تحركها بتوتر وخلاص دمعتها في عينها
مو واثقــه فيــه
هيا ماسمعت ولا كلمه منو
كل الكلام جاا بلسان عمها
اتذكرت المشكله اللي بين اسامه وعمها
اكيييد سااار شي تاااني بينهم
ضااامه اياديها لبــعض
ووجهها باااين فيــه الخووف
امها دخللت عليها : راما ايش بببك كدا
راما بلعت ريقها وحاولت تعدل نبرة صوتها : ولا حاجه
امها عاارفه ليش منكده بس ابتسمت : يابنتي اكييد الشوارع زحمه ماتعرفي كيف جده يعني بنص الاسبوع
راما ابتسمت وسوت انها عادي مو مهتمه : عارفه
امها خرجت من الغرفه والابتسامه اختفت من وجهها جات اختها : ياهو فين العررريس الساعه 10
ام راما همسست : مرفت لاتوتريني الله يخليكي اكتتتر من كدا يكفففي زووجي
مرفت : امي والله اللي بتسئلني
ام راما : شغلولها فيرووز حتنطرب وتنشششغل سيبوني في حااالي _ وراحت لزوجها اللي يستناها جمب باب الرجال _

ابو راما : ساااعه بناديكي
ام راما : صلي على النبي وي ايش بك كدا مطرطع
ابو راما : ياااشيخه دا لليين دحين ماجا _ رفع يدو _ شووفي الساعه كم
ام راما : خير ان شالله
ابو راما : اي خييير وجوالو مقفـــل من اول سامح بيقولي بطريق بطرييييق وبياكل بعقلي حلاوووه وعرفت في النهايه انو ولدو جوالو مقفففل
ام راما مررت يدها على كتفه : خلاص انتا هدي نفسسك يعني ايش حيسير لو اتأخر
ابو راما : فييي رجااال هنا مدينهم كلمـــه
ام راما : خلاااص بقوولك عصبيتك دي ماحتخلي الولد يجي خلييك هااادي وبلاش توترني زياده يكفي البنت جوا مرعووبهه


داخل مجللس الرجال ..
المؤذون يطالع بســآعه : انا ماقدر اطوول اكتر من كداا
ابو اسامه وجههو خلااص راايح فييها من كتر مو مكسسوف قدام الرجال : كلها نص ساعه وولدي حيجي اصبر
المؤذون : لك ساعتين وانتا بتقولي نفس الكلام
ابو اسامه ابتسم بخجل : الطررق زحمه
المؤذون : كلها نص ساعه ياأخويا وانا حممشي من هنا
ابو اسامه : ان شالله

مررت عشـــره دقـآيق والوضع بدأ يتوتر
رما طالعت بســآعه لقتها 10 وربـــع
وبعدهااا ســآرت 10 ونــص ولما جات لـ 11
هيـآ هنــآ بكيييت
عرررفت انو سحــب عليها
فكررت بعقــل
هوا ايش ذنبو يتزوجها اصلا
اكيييد مايبى يتورط في مصيبتها
ماايبى يدخل بعييلتها
عمها سكتها بكلمتين وهيا صدقـــت واسامه ماعبرهم
اختها دخلت عليها الغرفه ولما شافتها تبكي قفلت بالمفتاااح وراحت لعندها : وي راما ايش بببك
راما مسسكت يد رويداا وانفففففجججرت بالبكــآ : ماحيجي يارويدااا ماحيجي
رويدا انفففجعت : ليشش ايش فيي
راما ضغطت على يد اختها بكل قوووتها ودخلت بداوومه بكاا : اناا صددقت انو حيستتتر عليااا يااريتني مارووحت دبي ياااريتني مادرسست ولا سوويت شي
رويداا : يااابنت ايش فيي لاتفجعيني اكتتتر اهرررجي
راما خلاااص كبتت كتتتير ومو قادره تستحمل اكتر من كدا : انا مو بنت _ غطت وجهها وبكيييت بحررقه قلب _
رويدا بتلكلك : هوا لمسسك ..!!؟
راما اشرت بنفي : لا
رويدا سحبت يد راما من وجهها ورفعتتتت صوتها : طاالعي فيا واههرررجي ايششش سرررلك
راما عدمت كل مكيااجها ببكاها ضمت نفسسها وهيا تتذكر : دخلل عليا واحد وانا بشقتي كان بيسرق وشافني ولمسسني _ صوتها كل شووويا يرووح كانت محتاجه تحكي احد عن داك المووقف لأنو ماقدرت تهرج فييه لأحد _ مسسكني غصبا عننني ورماني على السرير قتتتتلنننني والله مابقى شي فيااا _ قالت من قلبببها _ الله ياااااخدووو الله يحرقووو ان شالله
رويدا انصصصصدددمت ماقالت اي تعللييييق
سكتت ثواني وبعدها قالت : لمسسك ؟!كيف يعني
قالت وهيا مو مستوعبه مفجوووعه
راما قال بانفعاال : يعني موو بنت يعني اسامه جااي الييوم عششان عمي قلو تعال استتر عليها ولاتفضحها قدام اهلها وهوا ماجااا ولاحيجي يارويدااا اااه يااقلبي ايششش اسسسوي
اندق باب الغرفه ورويدا طالعت في الباب على طول
ماعندها اي رد لراما الصدمه خرستها
قالت : مسححي دموعك لحد يشووفك
رويدا اتوجهت لباب وبعدها خرجت وقفلت وراها كانت خالتها تبى تدخل عشان كدا سحبتها وخرجت معاها
وراما بقييت لوحدها
ماتبى تخررج من الغرفه ..
اتوجهت للباب وقفلت بالمفتاح وسمعت همسات امها وهيا تكلم جمب غرفتها
قربت اذنها اكتر للباب وسمعت
ام راما : ايششش نسسسوي الولد لدحيين ماجاا والشيخ يبى يمشششششششششي
راما بعدت عن الباب وحطت يدها على فمها
خلاااص عرررفت انو فضيحتها اليـــوم ..
مستحييل تخررج من دي الغرفه
اصلا هيا مارجعت لجديه الا وهيا واثقه بعمها
ماتقدر تطالع في امها وابــوها
اتذكــرت يوم ماخرجت تستقبل ابوها من المطـآر
ومرت هيا وعمها من الحاره القديمه
وخررجوو بنت على السرير وكانت الحاره مرا زحمه
وعرفو انها انتحرت وقالت بنفسسسها " مدري كيف دوول مايفكروو قبل لايسسسو "
في دي اللحظه جات في بالها البنت
وزي مازين الشيطان الانتحار بعيــن رغـــد
زينــو بعين رآمــآ
طالعت حولينها وهيا ترفففع شويا الفستان عشان تسهل حركتها اتوجهت للتسريخه وسارت ترمي الاشياء اللي عليها وتدور بكل توتر اي حاااجه
مسسستحيل تخرج من هنا
عررفت واتأكدت انو اسامه مو جاي
اصلا واحد زي عيشتو ومدلع ومتكبر بنسبه لها وكاهر خلقه اهلها مستحيل يجيها
فتحت الادراج وطاح الدرج في الارض جلللسسست في الارض وسارت تبعد الاوراق والاشيااء من فوق بعضها
تفتكر انو هنا في حاجه حاده
شالت البوم الصوور لقت تحتو مشــرط
خررجت الحديده للي فيه
ورمت الالبوم من يدها
وخرجت منو صوره لوجه ابوها
وهنا زااد بكاها لاشعوريا
تنتحر
ولاتفضحو مع انو هيا ماسوت شي
بس سكوتها عن الموضو من البدايه دحييين جريمه
هرجه اسامه انو يباهااا وعاشو مع بعض وبعدين ماجاها
لوحدها حكايه مو بعيييد يقولو هوا اللي لمسسسها







في غرفــه الرجال المؤذوون وقف : انا اسسسسف اديتكم وقت كتيــر وشكلو الولد مو جاااي
صووت الرجال علي في المكان كلهم بيحاولو يجلسسسوه
بس ماقدددر يصبــر اكتتتر من كدااا
طنشششهم واتوجه للباب وفتـــحوو
وابو اسااامه مو عاارف ايش يقووول
نظراات اخووه له ابدن ماتبشششر باأي خيـــر
سسسكت المجللس كلوو لما قال الشيخ : انتا العريييسسس ؟
الكل طالع علللى الباب ومحددد استووعب انو دا العرييسسس
كان لسساتو براا والغتره بيدوو يبى يلبســها
ومستعجل باين عليــه الا فتح الشيخ الباب
الخيلان يطالعو في بعض
والعم اول مرا يشوفو واخوان راماا
الولـــد بنسبــــــه لهــم قمــه الوســآمه
شي مو منــهم
عيونـــو زرقــه بلون البحــر
سمـآره مع لوون عينوو مديــه جمـآل للون بشرتو اكتــر
غير الثوب الإماراتي اللي محليــه
شعروو اسووود
الغتره بيدوو
واكمام الثوب لساتها مرفوعه لنص يدو ومانزلها
باين انو على تاخيره دا كمان جاي مصربــع
اسامه ارتببــك مو عارف يعدل الغتره ولا اكمام الثوب ولا ياقة الثوب اللي مفتوحه ولا شعره المخبـص
الكل مادخل براسهم انو دا اسامه دايما الكل يديه انو ايطالي طالع على امـــو ..
عم راما : لا مو دا العريــس
بديها رداا ..
الا ابو اسامه اتوجه للشيخ : لااا دا العريـــــسسس دا ولدي

اسامه اصلا مارد على الشيخ لأنو انفجع من انظاار الكل وهوا مفجوع خلقــه من يوم ماشاف الوقت وخرج مصربع


الكل اللي بالغرفه طالعوو فيــــــه وهوا قال باإرتباك : السلام عليـكم
دخل وابوه اتووجه لعنده وهمسلو : طلع عذر لتأخيرك اول روح سلم على عمك
اسامه مو طـــآيق يشووف اساسا عمو
ابوه يعرف ولدو مايدري اصلا مين عمو اشر عليه : روحلو هوا دا ابو راما
اسامه طبعا جامل وابتسم وراح سلم علييه وعلى خيلانها وعلى الكل وطلــع عذر لتأخيره : والله اسف راحت عليا نومه وعلى بال ماقومت واستحميت وفطرت _ قااالها بقمممه البروده كان يبى يستفز ابو راما كارهه مو طايقو
ابوه وولع كان يباه يطلع عذذذر زي الناس يخلي الرجال يتقبلوه الا زاد الطين بله بصراحتو الزايده..


عند الحريم دخخخل راااايد وقققال بببببببببكل صوووووووتو : العرييييييييييييييييييس اجننننننننبي
ام راما على طوول : جااا اسااامه
راايد : ايوووواا جاا
وهنا الحريييم على طوول زغرطووو
ورويييدا رااحت جررري لرااااااااما تتتدق الباب ماافي اي رد ..












دقت الباب وحاولت تفتحو كدا مرررا قررربت فمها للباب وقااالت : رامااا جاااا اساامه جاااا


رامااا بين الاوراق والقراابيع جالســه ودمووعها على خدهــآ
وكانت تمرر المششرط بشووويش
كانت خاايفه من ابووها لو عررف ايش تطللع
بس ايماانها اقووى من دا
مااقدرت اول مافكككرت بالحســآب وانتبهت للدم البسيط اللي خررج من يدها بعدت المشـرط ورمتو
وبعدهااا سمممممممعت الخبــــر

خبر بنسبــه لهاا صدممها
ماتوقعتــه يجي
لاشعووريا دفت كل شي حوليها ورفعت فستانها ووقفت واتوجهت لباب وقالت باإبتسامه اترسمت على وجهها : جاا
خالاتها ستها عمتهاا امهااا كلهم انفجعو لما شافووها بدي الحاله مكياجها معدوووم
وباااااااين انها انهلكت من البكاا
الكل اتوووقع انو بكاها لأنو اتأخر
حسبت فييه شي
كل واحد فسسر على كيفو
بس اغلب التوقعات محصووره على انو " تعششششق اسامـــه "
رويدا دخلت راما وقفلت الباب : تعاالي اعدلك المكيــآج
راما واللههفه باينه في وجهها : من جد جااا
رويدا : ايووا جاا اجللسي
راما جلسسسست ودموعها نززلت
رويدا : ليش بتبكي دحييين
راما تمسسح دموعها : ماتوقعتو يجي مرا انبسسطت
رويدا ابتسمتلها : ربي كاتبلك حياه جديده احمدي ربك عدا على خير
راما : الحمدالله
رويدا تبى تنسيها : اخوكي الاهبل ضحكنا دخل يقول العريسسس اجنبي
راما : ههههههههههه ايوا ترا ماتديه عربي
كانت بتهررج ونفسيييتها مراااااااا غيــــر
تحس ابواب لسما انفتحت بوجهها تاااني ..
رويدا : وي ليشش
راما : ايش بك مو طالع على امو
رويدا : ايطااالي ..؟!!!!
راما : ايوا اخد لون عيونها مع انو كان ابيض زي امو بس سوا تان
رويدا قالت بسهتان تاني مرا : ها ايطالي
راما ابتسمت
رويدا : من جدي بهررج
راما : ايشش بك سويلي المكياااج
رويدا : يعني ايطالي
راما ضحكت عليها : رويدا خلاص
رويدا : اول اوصفيلي شكلوو وانا حبدأ اعدلك
راما : اووف تراني مو فااايقه خلصيني
رويدا مصرره : اوصفيييلي
راما : دحين حتشوفيه
رويدا : لا خلي الصدمات بشويش اخدها
راما تمسح دموعها اللي بطرف عينها : هههههههههه بطلي هبل
رويدا : اووصفي بقوول
راما : ماشالله عليه جميل ووسيم وكلو
رويدا : دا الكام تقوليه لماما
راما : عارفه دول اللي يجو قدامك وتقولي ابى اطلع عيب في شكلو بس مافي
رويدا ضحكككت : اووووم التشبيه
راما : ماعرف اوصفو بقول شويا تشوفيه
رويدا : لا اصلا جملتك تكككفي
راما : بس في النهايه انا احلــى
رويدا : غصبا عن اهلوو كلهم وربي لو ايش ماكان في النهايه انتي احلى منو بالف مراا
راما : انتي ماشوفتيه وبتهرجي كدا
رويدا : جمال البنت غيــر مهما كان الولد وسيــم هيا تطللع احلى بنعومتها وملامحها وانتي ماشالله عارفه نفسك مايحتاك
راما طبعا واثقه في نفسسها احلى منو ابتسمت لأنه كبر في عينها لما جا اليييوم رغــم كرهه لأهلها ..


ملكــو على بعــض والاغاني والزغاريط اندلعت في البيـــت
وجا دوورها تدخــل عندهـ

هوا عدل طبــعا نفســـه وحاسس شكلو غريب بينهم .. العيله على جمااال بناتهم بس شباب العيله كلهم وحشيــن طالع اسامه كدا سبشل
اسامه قرب من ابوه وقال : فينو مراد
كان نفسسو يشوفو مايدري ليش بس يمكن من كتر راما ماحكتو عنــه
ابو اسامه : ماجاه لا هوا ولا ابــوه
اسامه ابتسسم : مقهور يعني
ابو اسامه : ايووا موللع قللب امس البيت حريقه
فجاه الشباب كلهم خرجـــو وبقو بس الرجال الكبــآر واسامه
اسامه وقـف لما بدأ يشووف الحريم داخلين بالعبي
ووحده بون عبايه اتوجهت لعنده
عرف انها ام راماااا شكللللللللللها طبق الاصل من بنتها بس على شكل اكبــر
سلم على يدها وعلى جبينــها
وباركتلـــو .. وبعدها انفتحت الصلاه والسلام على النبي
واغنيه حسين الجسمـي " ياعروس الكون "
دخلت ولاشعوريا اسامه طاله فيها وبعدين نزل راسو وقال " ماشالله "
دايما يشوفها لابسسسه محشششم
واكمام طويـــله
دحيين الفستان مفصلها تفصيــــل
بيآضــها نااصع مع للون الفستان الاصـفر
ملامح وجهها برررزت مع المكيــآج
اختها كانت محجبــه بس واول ماشافت اسامه طالعت في راما وتأشرلها وتحرك شفايفها بدون صوت " مززززززززززززز
راما على قدر الخووف والتوتر بس ماتدري ليششش بذات بدي اللحظه مراا مرتــآحه بشكل فضيـــع
وقــفت جمبــو وهوا دار عليـها وباسها في جبينها وهيا ولا حطت عينها بعينو
مرررررررررررا مستحيييه منو
اما اسااامه عاجبو الحال
قاعد يطالع فيها على كيفـــوو ..
لبســها ولبســتو الخاتم اتصورو
وجلسسسو اتصورو وهوا بدي يعرف اهلها وطبعا مو متقبلهم بس بيجااامل قدر الامكــآن ..
مرت ســآعه
ساعتيــن والغرفه فضيــت بقيو بس هما الاتنين
اول ماخرجو راما سحبت جسمها بعييد عنو
بالقوه كانت لاصقــه فيه عششان الصوور
واصلا من يوم ماسار قريب منها لاشعوريا الابتسامه انمحت من على وجهها
خافت من قربه

سامه انتبه لها وهيا تبعععد عنو بس ماعــلق
طبيغي طبعا اسامه هيا اللي مستحيــه


كانت تبى تقولو شكــرا
تبى تقولو ماتوقعت توقف جمبي وعمري ماحنسسى اللي سويتو
بتقوول كلام كتير بس تبى ترتبو جواتها عشششان تقولو

بس هوا قاطع تفكيرها لما قال : اتفاهمت مع ابويا على موضوعنا
راما طالعت فيه وبعدين شتت نظرها وقالت : وايش وصلتو
اسامه يهرجها ومانزل عينو من عليـــها عاااااااجبو كدا وهيا لابســـه بدا الشكل وفاتجه شعرهاا ومتزبطه : لازم ارجع بكرا دبي لأنو اول يوم عليا اختبار بالجامعه فاإنتي حترجعي معانا
راما فرصعت عينها وطالعت فييه : ها
اسامه : ايووا الوضع زي ماهوا بس اللهم انو انتي خطيبتي وطبعا مو في دبي
الكلــمه مافهمتها " طبعا مو في دبــي "
ماستوعبتها
راما بهدوء قالت : كيف يعني
اسامه : شوفي انا قلت الزواج بعد نهايه الترم دا وكلها شهرين ونطلق انتي عيشي حياتك وانا حعيش حياتي
راما على انها عارفه الموضوع دا بس قلبها وجعها لما سمعتو منو وكيف يهرج بببكل برووود : طبعا مو في دبي دي مافهمتها
اسامه : صراحه انا فكرت بالموضوع كتيــر وقلت بلاهه اصحابي يدرو عننا او اي احد يعني في النهايه الشبكه والزواج حتسير بجده وبعدها نسافر شهر العسل وحنرررجع هنا نعيش شهر ونطلق برضو هنا مايحوج اني اقولهم بخطب ودا الكلام
راماا مصدوومهه كلامو مايدخل الراس قالت لاشعوريا : ودحين لو رجعنا دبي واتقابلنا بالجامعه انا بنت عمك وبس يعني ؟
اسامه : محد داري انو عندي بنت عم اصلا
رامااا عررررررررفت انو ماحيييييييها قداام اصحاابو نهائيا
في النهايه ماتقدر تقوول شي
ايش تبى منوو
شي طبيعي واحد اخدها عشان يستر عليها
ماتقدر الا تحمد ربها
حسسست من جواتها ضعف الالم اللي حاااسه فيــه
ابتسمت باإنكســآر ودمعتها تحاول ماتبينها : زي ماتحب
اسامه مقتنع بكلامــه
ولو غيره اصلا مايرضى بدي الزواجه بكبرها
هوا رضي بس بششروط جرحت راما مرا وكسرت اشياء كتير جواتها ..
عم الهدووء بينهم

انفتح باب الغرفه ودخلت بنت صغيــره وتنادي : اسااامه
اسامه طالع فيها مستغررب : نعم ؟
البنت الصغيره تهرج بلكااعه : في .. واحد ..بشارع .. يقول .. ناديلي اسامه ..وانتا اسامه
اسامه حسبو ابووه وقف وطالع في راما : دحين راجع
راما من جوواتها ماتبااه يرجججع اصلا
تحسس انها مخنووقه منوو

كان في باب لنفس الغرفــه يووجه للحوش على طول
خرج منــو

ومانتبه لأي احد البنت كانت وراه واششرت لوواحد وااقف بعييد على الرصيــف : شوفو هناااك
اسامه ماعرفوو اتوجه للرصيــف اللي قبال بيت راما وهوا مستــغرب
كان الولد واقف جمب عامود اللمبــه
اسامه طالع فيــه وقال بشك : ايوا في ح
وقبـــل لايكممممل كلامـــه جااانو ضربـه على بطنــو خلتو يركـــععع من قووتها ويحااول يااخد انفاســـه غترته وعقــأله طاحو بالارض ..
الوولد بعد الضربببه مسسسك اسااامه وضــرب وجهه بالعاااامووود اللي قدااامو مرتيـــن
اسامممه مع الضربه اللي ببطنو كتمتو ورررجعت علىى راســو حس الدنيا داارت قداامو كل اللي سوواه
انووو دففف الوولد عنو والود رراجع يتهجم الا اولاد خاله راما انتبهولو واتهجموو عليييه

اسامه مو سااامع غير دا مرااد .. مراااد
حط يدو على جينو وبعد يدوو لقــى دم
سااامع صووت صريــخ ومضـــآربه وهوا مو معااهم
ابووه جااا مسسسكو مفجوووووووووووووع
:: اساااامه سرررلك شي
اساامه ماسسسك جبينوو وحرك راسو بنففي مع انو راااسي يلللف مع قوة الضربــه : لااا كويسسس
ابووه مرا انففجع عليييه من يوم مادخل راايد على الرججال وقال الحققققووو مراااد ضررب اسامه وخررج من راسو الدممم
وهوا ابووه دموو نششششف وجا لولدوو يجري مفجووع


بعد دقـــآيق مممشي مراااد بعد ماااخد ضرررب محتتتتتتتتتتتترم من اولاد خااله رامااا
واسامه ابووه وابو راماا فتحو الباب الللي كانت فيها راما ومو داريه عن شي
الا لما دخل اسامه وابووه وابوها معاااه
هيا وقفت مفجووعه وقالت : ايش سااار
اسااامـــه جلسسس على الكنبـــه وابووه جلس جمبــو : الله ينكببببووو دا الزززفت
ابو راما مراا منحــرج : امسسحها بوجهي ياأخووويا _ طالع برااماا _ رووحي نااادي اممـــك
راما راحت مفجووعه عند امها وقالتلها الحقيني



بعد ربـــع ٍســآعه

جالس وساند جسمــو على الكنبـــه ومغمض عينــو ...
وهيا جالسه جنمبو .. الغرفه سار فاضيه ..
راما : لساتك دايخ
اسامه فتح عينو ومارفع راسو من على الكنبه بس دارو عليــها: لا كويس دحبن .. ترا لو تلاحظي دي تاني مرا راسي تسرلو عاهه بسببك
راما على توترها بس ضحكككت : هههههههههههه ليش ايشلي دحييين اصلا انا مو فاهمه ايش اللي سار
اسامه رفع حاجبه : مراد اللي سوا فيا كدا
راما شهقققت لاشعووريا وقااالت بدون ماتحس بنفسسسها : سرلووو شي
اسامه نزل حاجبه اللي كان رافعه وملامحه فجأه ماسار فيها اي تعبير
يمكن ماتوقع ردة فعلها كدا
او ردها صدمو
مايدري ايش بزبط
راما باإنفعال قالت : سويتلو شي ضربتو طيب ؟
كانت خااايفه على مراااد فجأه خاافت عليييه
ماهتمت لأسامه
اسامه : مدري انا ماالمستو بس اولاد مدري مين ضربوه
راما حطت يدها على فمها وصوتها شويا وتبكي : ايش سولو ضربوه
اسامه كان يهررج وبس بيدقق في تعابير وجهها وردات فعلها وكلامها : لا قعدو يلعبو معااه
راما : بهرررج من جدي لاتستهبل
اسامه : واحد ضااربني يعني ايش بيسولو يازكيه انتي
راما : يعني مايعرفو يتناقشو
اسامه بهدوء قال : انتي ماشوفتي ايش سوالي يعني .؟!! وبعدين واحد حيوان زيو مايتفاهم الا بضرب
راما : عن الغلط ياأسامه ترا ولد عمي
اسامه مرا مفجووع من ردة فعلها يعني هوا داخل عليها بدموو
ماسووا شي للولد الولد هوا اللي اتهجم علييه وهيا بكل بجاحه تدافع عنو
رجع غمض عينو : خلاص اسسكتي رااسي مصددع
رامت سكتت شوويا وبعدها قالت بهدوء : اسامه
اسامه بدون مايفتح عينو : نعم
راما بتردد وبحب واضح : تقول هوا كوويس
اسامه على طول فتح عينو وطالع فيـــها وبعدها خرج جوالو : كم الرقم
راما مافهمت : رقم ميين
اسامه عصب : ررقم السيد مراااد خليني اتصصصل عليه اسئلو كيييفك دحييين بعد ماضربتني كويس ولا لأ
راما انفجعت من عصبيتو
هوا خلقــه مصدددع مع الضرربه اللي اخدها قام من على الكنبه وسحب غترتو ومعقد حوآجبه : قولي لأهلك اني مشيت
راما ولا قدرت تفتح فمها تخااف منو لما يعصب .. كانن نفسها يسلم على الاقل على امها وابوها قبل لايخرجو بس فتح الباب ورزعو وراه

خرج باأخر الليل وهوا مو عارف كيييف حيلقاله تاكسي بس اهون من الجلسسسه معاها وهيا تسأل عن السيد مرااد
مضرووب بسببه وهيا بكل غبااء تبى تطمن عليــه ...


اما راما حست على نفســـها اعتذرت لأمها وابوها وقالت انو مرا تعباان ومشي على طوول
وبعدها اتوجهت لغرفتها انسدحت على السرير
واتذكرت مراااد عارفه انو جا لهنا عششانو مقهووور
موولع من جواتـــه
يحبها يباااهااا
بكيـــت
ومسحت دموعها
ورجعت تبـــكي وماوقفت لييين مانامت



اما اسامه بعد ســـــآعه بزبــط وصــل للفندق اتــرمى زي القتيــل على السرير
بلبســو وبكل شي
مافكر ولا بحــآجه
على طول غمض عينو واستسلم للنوم .. 
قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له

ممده جسمها على الكنبــه وماسكه المجلــه تقــلب فيــها ..
الشــله مالها اي حــس
اسامه جوالو مقفــل
يزن اي احد يتصل عليه يديه مششغول وبعض الاحيان مايرد خير شـر مع رنيم مايبى احد يقاطعو
نزار 24 ساعه مع سهاد بالجوال
مازن مابيكلم احد ولا بينسمعلو حس دي اليــومين
الين تــرد تهرج كلمتيــن وبعدها تقول بعدين بعدين اكلمك مشغوله في اثيــر
وريناد مشغوله في عملــهاا
وهيا تبى تحتفــل بالسنــه الجديده
ابتسمت وقفلت المجله من يدها لما اتذكرت وجه ساري وهوا يطلب منها
ماتسيبو اليوم لوحدهـ ..

وطلعت لغرفتها لبــست بنطلون رمــآدي وتيشيرت نــآعم
خرجت من البيت اشترتلــو الكيكــه ..
وبدون ماتقولو وتعطيه خبر لجيتها راحت للمستشفـــى ..
طلللعت للدور االتالت .. وقل لاتدخل الغرفــه
لبـست طربــوش على راســها
وولعت الشمووع على الكيكه وشالتها ودخلــت
اول ماشافتو منسددددح على السرير وبيدو الريموت قاعد يقلللب القنوات بمممل
هيا ابتسسمت وغغنت : happy birthday to u happy birthday to saary happy birthday happy birthday happy birthdayt to u

ساااري ابتسسسسسسسسسسسامه عريييضه اتررسمت على وجههه جلللس باهتمام
مررررررا ماجاا على بالو انها حتجيـــه
وقفت عند السرير : بسرعه بسسرعه اتمنى امنيــــه
ساري متنح يطااالع فيـــها
شادن : اووف بسسرعه قبل لاتطططفي
ســآري اتمنــى وطفـــى الشمووووع وهيا على طول حطططت االكيكه على الطااوله : اووو تعببت
ساااري : ههههههههههه تسسسلمي والله ماكان يحتجلو دا كلوو
شادن : لا وييي دا اقققل شي اســويه كنت حشتريلك هديه بس مامداننني خوفت اتأخر وتنام
ساري : جيتك تسوى الف هديه
شادن ابتسمت وقالت بدددلع : مـــــرررسي
ساري يطالع في الكيكه وبعدها فيها : والله مرا مبسسوط لأنك جيتي
شادن : ليش ماتوقعت اجي
ساري : ايييوا يعني بكرا حيبدا دوامك قلت اكييد مشغوله
شادن : ماعندي شي والله كدا خــرجت المهم كيف العلاج الطبيعي معاك
ساري : الحمدالله سرت احسن من اول
شادن ابتسسمت : كــويس
ســآري .. : اجلللسي
شادن جلست على السرير واخـــدهم اللكـــلام والضــحك ماحبت تتاخر بالجلسسسه معاه
عشـآن كدا استأذنت وقبل لاتخرج طلب منها لو تقدر تجيه بكرا
حستو مرا طفشــآن بما انو مايزورو احد
ماكانت تبى تحتك فييه كتير
بس طبعها ماتقدر ترفــض
عشان كدا قالتلو اول ماخرج من الجامعه حمــرعليــك ..

كان النبي صلى الله عليه وسلم إذا أتاه أمر يسره أو يُسر به خر ساجداً شكراً لله تبارك وتعالى 

صحــى من نـــومه استحمممى واتوضــآ وصـلى ..
فصل جواله عن الشاحن وحط الشاحن بشنطــه ولملم اغراااضووو
جوالو ياكتتتر المكالمااات اللي فيــه
ولسسسى دوبو بيفكر بللي سار امس الا ابووهـ اتصل
: الوو
ابو اسامه : السلام عليكم
اسامه : وعليييكم السلام
اابو اسامه : فينك
اسامه : في الفندق بجهز اغراضي عشان مسافر
ابو اسامه: قلتلك خليها بعد بكرا نسافر كلنا مرا وحده
اسامه : مالي جلللسه انا هنا سويت اللي تباه وخلاص اهو ماشي
ابو اسامه : انتا حتى ماجلست مع اهلها عدل
اسامه : ووالله امس حاااولت اجلس معاهم وواحد اتهجم فيييا مو ناااقص لاهرج زايد ولا مشاكل زايده اللي سار كفايه زمان منهم ودحين
ابو اسامه اول مرا ينتبه لدي الكلمه يمكن دحين يفهم ليش ولدو كاره اعمامو كدا : وايش اللي سار زمان ..!؟
اسامه شال المنشفه على السرير وراماها وسط الشنطه : ولاشي ماسار شي بس انا مو طااايق اجلس معاهم يكفي سويت فيهم جميل واخدت بنتهم وسترت عليها مع انهم مايستاهلو بس مافكرت فيهم لما سويت دا الشي سويتو عشان ضميري لايأنبني بس
ابو اسامه : انتا متى حتحترم انو دول اعمامك وماتهرج عنهم بدي الطريقه
اسامه : شووفت وجيههم امس لما شافوني وكل واحد بيهمس لتاني وعارف ومتأكد جابو في سيره امي
ابو اسامه : طيب وايش في انتا عاررف انك ماتشبهم والكل بيقول طالع على امك واخد ملامح اهلها الايطاليه يعني شي طبيعي حيجيبو في سيره امك
اسامه : ابوويا انا مو قصدي كدا انتا فاهم لو جابو سيره امي في ايش حيجيبوها
ابو اسامه يفتكر انو مشاكلو مع اخوانو ايام ماكان اسامه صغييييييييييير عشان كدا ماتوقعه ابدددن متذكر
وحاااقد كداا : لا مو فاهم قولي في ايش
اسامه : دامك مو متززكر بلاشي نفتح دي المواضيع بس ازا انتا نسيت لأنهمم دول اخوانك ولك علاقه معاهم بس انا مستحيل انسى ولو لبعد مليون سنننه
ابو اسامه مررا كان مفجووع اخر كان شي يتوقعه انو دا سبب كره اسامه لأخوانه : اسامه افهم الموضوع عدل وبعدين حلل ععلى كيفك انا اخواني صح انهم غلطو بــس
اسامه جلس على السرير وقاطعو : لاتطللع اعزاار ليهم لأنو اللي سار بسببهم مالو بنسبه ليا اي عزر .. وامي دي اللي ناكر اصلها انتا واخوانك دي تسواهم كلهم .. مابى اتأخر عن رحلتي سلام
قفــل وهوا معقد حواجبـــه ..
اكتتتر ســن الانســآن مستحيل ينسسى فيه
سن الطفــوله كل شي يفضضضل عالق براســه
ودا السن اللي اتأسس فيه اسامه وكررره اعمامو كلـــهم
كررههم لدرجه كان يتمنى موتهم
كان وهوا صغير يبكي اخر الليل يبىى اموو واخر شي مايلقى غير ابووه مقفلل عليه الباب
عشششان يخاف علييه لايشــرد ويروح عندها
ديك الفتره كانت زي الزفــت عليييه سنــتين مايتجمع مع اصحابو ولا يخررج معاهم
ولا يحب يهرج مع احد حتى بالمدرســه
وكل دا بسبب اعمامه ...

قفل شنطتــو وخــرج من الفندق ... كان بيفكــر باأليين وكيف اعترفلهاا
الين على وقاحتها بس انســآنه ايش مانقلها مستحييل تهررج فيــه
عشان كدا طننش الوضع
مستحيل تفتح فمها
مستحيل تدقدقو بالكلام ان مارضى يفتحو تاني
بالعكككس خلاص هرجه وانفتحت ان فتحها تاني اوك ان مافتحها وحستو مايبى يهرج ماتحب تهرررج

وهوا متوجه للمطار شــآرد الذهن اتذكر امس لما راما بس بتسـئلو عن مراد
مررا استفزتوو هوا في حـــآله وهيا في عاالم تاني : الله يعينني على غبائها 
من جلس في مجلس فكثر فيه لغطه ؟ فقال قبل أن يقوم من مجلسه ذلك : " سبحانك اللهم وبحمدك ، أشهد أن لا إله إلا أنت أستغفرك وأتوب إليك . إلا غفر له ما كان في مجلسه ذلك .



دوبها خـــرجت من الحــآره ارتاحت شوويــآ لما سلمت على امــها ومالقت هتــآن ..
سار يوتــرها لما يجي قدامها
وتكره كلامو اللي بيرميييه

كانت تمشي على الرصيـــف وجااست الا بواحد يسحبها في مدخل صغيره بين عمارتييين سند جسسسمها على الجدار
وحط يدوو على فمهااا
كانت لسسسه بتضــآرب بتصصصصرخ الا لما شافتو ارتخى جسمها وهوا بعد يدو عن فمها
رنيم : صفوااان
صفوان : ايووا صفوان ايش بك مستغربه
رنيم : ايش جااابك هنا
صفوان : ليش ماتبي تشوفي وجههي
رنيم : صفوان بلاش مشاكل وامممشي من هنا احسسن لك
صفوان مسك ذقنها : ايش بك خايفه
رنيم دفت يدو : مو خااايفه دا الناقص
صفوان : رنيم انا اسف من جد على اللي سار
رنيم : بلله اسف ؟ طيب فين اصرفها دي
صفوان : انتي عارف ليش سوويت كدا والله انا بمر بمرحله صعبببه وانتي الوحيده اللي حتوقفي معايا
رنيم : اللي كان بيننا ماحيرجع زي اول صفوان : طيب يعني تبيني ادخل الحاره واروح اسلم
رنيم قاطعته : صفوان امشي من هنا
صفوان : طيب شووفي ترا لاتحسبي انا مدري عن تصرفاتك وانك سافرتي ورجعتتتي وكل يوم داخله وخارجه مع واحد ترا عيوني ترااقبك على طوول
رنيم مرا خافت
صفوان : بس دامك ماتبيني ادخل الحاره وانتي عارفه لو دخخللت لمين حروح بزبط فاعشان ككدا ساعديني
رنيم على طول استسلمت تساعده ممكن بس ماتخليه يدخل للحاره : ايش تبى
صفوان : فلووس
رنيم : كم ؟
صفوان : 5 الاف
رنيم شهقت : معع نفسسك انتا تستهبل ولا ايش حكاايتك انا من فللي
صفوان : هواا دا انتي من فلك ومين قال دحين انو ابى منك
رنيم : اجل ؟
صفوان : من دا اللي بيدخل ويخرج معاكي
رنيم لاشعوريا دفتو على ورا : امممشي من هناا احسسن لك
صفوان قرب منها : لو مشيييت وربي حسسوي اشيااء ماحتعجبببك
رنيم مرا خافت : والله ماعندي دا المبلغ
صفوان : يابنتي انا مين قلك اباها منك بقول استغلي اللي معاكي تقدري تسحبي دا المبلغ البسيط برااحه منو
رنيم : مستحييل انتا اهببل تبااني اطلب من الناس عشششانك
صفوان : والله قدامك دا الخياريين
خرج ورقه من جيبو ومسك يدها وحطى الورقه : دا رقمــي
رنيم : صفووان بليـز اسسمعني
صفووان قاطعها : انتي المفرووض اللي تسمعيني انا بمر بحاله مايعلم فيها الا ربي وانتي اقرب وحده ليا عارفه ايش تعنيلي يارنيم
رنيم : وانتا عارف ايش اعتبرك بس برضو ماقدر اطلب المبلغ
صفوان : لاتقدري بس لازم تتعلمي ترا اللي بتخرجي وتدخلي معاه انتي مجررد زينه جمبو يستعرض فيها قدام اللي يعرفهم _ طالع فيها من فوق لتحت _ ماتشوفي كيف خلاكي زيوو عشان مايستحي منك عشان يقدر يعملك ققييمه تراكي مهما اتغيرتي حتفضضلي رنيــم وهوا انسان مو من مستواكي لاتطالعي مرا فووق وتخسري اللي حوليكي
ماحدخل بحياتك لأنو من يوم ماسبتك وانا واثق بكل شي تسويه ويمكن دا درس تتعلميه من حياتك انك تمشي وانتي تطالعي طريقــك

خرررج وســآبها واقفه في مكانها ودقاات قلبها وراا بعضضضها خوفها بكلامـــو .. ماتحس يزن اخدها كدا عرض معاه لو يبى يااخد وحده يستعرض فيها ياكتر البنات اللي كانو حوليــه ..
فكرت بالفلووس لازم تدبرلو هوا بس ماتعرف كيــف ..
من يززن
على طول شالت دي الفكره من راسها
ماتبى تخلي علاقتها بينها وبين يزن مبنيه عل الفلوس عشان لاتحس نفسسها اقل منوو 


اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك " 



اما في المكتـب بيكلمها ومرا مستمتع : دقيقه جنوو
حط جوالو على المكتب ونسي مايحط تعلييق للمكاالمه ..
دخل عليه الرجال ومد يدوو : السلام علييكم
وضاح : وعليكم السلام
الرجال جللس : انتا وضــآح
وضاح : ايووا أأمر
الرجال : والله انا ابو رغـــد
جنى كانت سامعه شوويا .. كالعاده الملقفه زايده عندها عشان كدا قربت الجوال اكتر لأذنها تبى تسممع
تعششق تسسمع وضاح وهوا في عملو ويهرج ويتنااقش
وضاح : مين رغــد ؟
الرجال زفر بضيـق : والله ياولدي هيا قبل كم يوم اتوفت
وضاح لساتو مايدري مين دي : الله يرحمها ان شالله
ابو رغــد : ومات اللي في بطنها
وضاح : طيب ؟؟
ابو رغــد : اللي في بطنها كان منــك
وضاح سكت شويا وبعدين ضححك : تستهبل انتا ايش الكلام الفااضي دا
ابو رغــد : دحيين بتسسوي انك ماتعرفففها هاا
وضاح وقف واشر على الباب : لو سمحت اطللع برااا
ابو رغــد : خاارج بس زي ماحرقت قلبي على بنتي حطلعو من عييينك
وضاح : انتا ايش بتخررف ياأخي انا لاأعررف بنتك ولا قد شووفتها
ابو رغد : روح اسئل صاحبك اياد عنها يمكن يذكرك فيها
وضااااح بلللم دوبوو استووعب
رغـــــد
ديييك اللي نام معاها قبل شهررين يمكن
بس مابين علييه انو عرفها اتمسسك برايــوو : بقول براا

ابو رغــد خررج وهوا نــآوي نيه مو طيبــه عليــه
اما جنننننى مفجووووعه وضــآح رجع يكلمها
وبيقولها انا مالي علاقه
اطمنت لأنو ردة فعل وضاح مع الرجال كانت باينه مراا انو اساسا مايعرف رغد
بس برضو حاسه بقلق وماقدرت تهررج معاه قفلت منو وانسدحت
اتعوذت من الشيطان
ماكانت تبى توسوس وتفكر فيه افكاار هبله
بس الرجال قال ايااد
يعني عارفهم وخابزهم
او يمكن يتبلى علييهم
اخدها التفكككير يمين وشمممال
شويا تداافع عنوو وشويا توسوس

اماا وضــآح جالس على مكتبــه مفجوووع
مستحيل مستحيل تكون حامل منو
حاول يطمن نفسسو البنت ماتت يعني مالو اي علاقه دحين بالموضوع
حتى لو انها كانت حامل ايش اللي حيتغير ..!


ضع يدك على الذي تألم من جسدك وقل : بسم الله ، ثلاثاً ، وقل سبع مرات : أعوذ بالله وقُدرته من شر ما أجد وأحاذر 

في البقــآله اللي تشتغل فيـــها تحس كتير كدا علييها
تسسسكت ولا ترووح تتكلم
ولو اتكللللللللمت حتااخد حقها بطول والعررض
ولو سكتت حتفضل مظلومه طوول عمرها
ايش معنى هما مرتاحيين وهيا قاعده تبيع بدي البقاله
مع انو هيا المفرووض تكون مكانها
عارفه لو فتحت فمها حتتتهدم بيتتت ياكبرو
بس لو فضلت برضو ساكتــه حتموت الف مرا باليوووم
يـــآربي سااعدني . 



نهايه البـــآرت .. ان شالله يعجبكم