اشتعال السحب الفصل الرابع

بمـآ إنو البارت جـــآهـز حبيــت انــزلــو 
استنى ردودكـــم وتعلقيااتـــكم وتقيـــمكم ... 




البارت الرابع 3>


حـــديــقه خضــراء سمــآء صـآفيــه ..

تـجري الطفــلـه باإستمتــآع وتتـعثــر
وتــقف دون تذمــر والإبتــسامه على شفتيــها تنظر إلى الخــلف وتنادي بمرح : أبــي
ياأتي الاب بكــل فــخر وضحكــآته ممتلئــه بالمكــآن ..يرفــع ابنـتـه من على العشــب الاخضــر ويحمــلها بين ذرآعيه
الطفــله عيونــها تتنقــل في ارجاء المكان وتـريد اشباع فضوولها السؤال الوحيد اللذي يتكرر : ماهذا ؟
والاب بكل سعاده يعرف ابنــتـه بكــل شــي
اعين بعض الناس متصوبه على الطفــله ويضحكو على تصــرفاتها الطفوليــه


فــي نفس المكـــآن ولكن اشياء كثيــره اختــلفت
الأب اعتــلى عليــه الشعر الابيــض والتقدم بالعمر ولكن يبــقى في وجهه الابتســآمه والفخر بطفلـته
عــذرا
إنها ليــست طفلــه بــل فتــآة بالغه ولكن بنفس سذاجــة الطفــله
واعيــن النــآس اختفلت هنــآ فقد تحــولت لعــدة اشــكآل
نظرات استغراب
نظرات استحقار
نظرات متعاطفــه
ونظرات شفـقـه
مهما تغيــرت الأوجـــه يبـقى افتخــآر الاب رغــم هذه النظرات
واستكشــآف الفتاة يزدآد كل بعـــد لحظه


رفعت يدها ع سماا وهيا تطالع بتعجب : بابا شوف سار لونها احمــر
قرب منها ابوها وهوا يضحك ومبسوط من قلبـه : برتتقاالي يابتي مو احمر
نزلت يدها وابتسمت لأبوها : مــره حلوو
ابـوها : قولي سبحان الله
اثيـر : سبحان الله
ابوها : لنا 5 ساعات برا البيـت ماتبي ترجعي ؟
اثيـر اشرت براسها : لا ابى اجلس هنا حلو المكـآن
ابـوها : طيب شوفي انا طالع البيت دقايق وراجعلك
اثيـر : طيب
ابـوها راح لبيـته إللي قريــب من الحـديقه وساب بنتــه لوحدهاا وبين مجموعه النــآس اللي الاغلبيه بيطالعو فيــهاا
ضمت اياديها لبــعض وعلى وجهها ابتســآمه ماختفت من 4 ايام عيونها تتفحص كل شبــر في المكـــآن
وتــزيد ابتــسامتها لما تشوف شي غريــب قربــت من عند شجره وكآن في قلــب محفوور مدت يدها للشجره وهيا تمرر اصابعها بداخل القــلب حاولت تتذكر ايش اللون داا قالت بصوت مسموع : اخضر ؟ لا مو اخضر اممم بني ايوا داا بني
دارت وهيا تطالع بالألوان وتحاول تحــزر ايش الالوان دي

فــي نفس المكــآن ...
جلس على الكــرسي الخشبــي : يااتركي مو من جدك حتجيبني كل يوم هناا عشان تلمح فارسه احلامك
تركي واقف وعينـو تترقب حبيتو إللي مممكن تنزل من العماره : ماازن اهجددد وبلاش قروشه
مازن : ترا على دي الخرجه حتجبلي حشيش
تركي : اوك ان شالله
مازن : الله يصـبرني بسس لو ادن المغرب انا مااشي من هنا ماحطوول
تركي بتسليك : طيب


ابتســمت لما شافت الكرسي الخشبــي : ودا لونـو بنــي
تعــبت من المــشي اتـــوجهت للكـــرسي وجلســت .. مـآزن وتــركي طالعــو فيــهاا عيونها مره جذآبــه عسليه مايله للرصــآصي ووسيــعه وشكلها هادي ومو عامله اي شي بوجهها
اثيــر طالعت في مازن وابتـسمت بطفوليــه طالعت بتيشـرتو وعلى الرسمه اللي عليـه اشرت على التيشرت :دا ايش ؟
مازن طالع فيها مفجوع وطالع بعدها بتركي وكأنو يقولو " ايش بها ! " وجه كلامو لأثير : تيشيرت
اثيير : ايوا عارفه _ حطت صباعها على خدها وهيا تبى تجيب الاسم اتذكرت _ اهااااا دبااابه
مازن طالع بتشيرتو وضحك بششك : لا دا دباب مو دبابه !
اثير : مافي فرق
مازن طالع بتركي واشرلو يعني مجنونه تركي ضحك ..اما اثيــر مافهمت حــركتـــو
مازن : إلا في
اثيـر : طيب ايش لونو دا ؟
مازن : ههههههههههه انتي عندك نقص _ اشر على راسو _ هناا
تركي حزن قرب منــهم ووقف قبالهم : مازن اسكــت .. انتي ايش اسمك
اثيـر طالعت بتركي ورمشت بعيونها : اثير
مازن : هههههههههههههه من الاسم تعرف السماجه
تركي فرصع عينو : ماازن استتحي
اثير مبتسمه على ضحكه مازن
تركي : فين اهلك ؟
اثير اشرت على بيتهم : هناااك بابا دحين حيجي .. وانتو فين اهلكم
مازن بتريـقه : يستنوني بسياره قالولي اجي العب مع صاحبي نص ساعه ودحين رايحلهم
تركي ضحك
واثيــر بكل برائه صدقت : آهااا
تركي : كم عمرك ؟
اثيـر : 21
مـآزن : وايش اللي عندك ؟
اثير مافهمتو : ايش هوا؟
مازن: في مخك ايش في ؟
تركي : مازن بلا هبل يعني مو فاهم
مازن : ابى اتأكد
اثيـر عيونها تتنقل بيـنهم ومو فاهمتهم : مافهمتكم ؟
تركي : اهلك كيف يسيبوكي لوحدك هنا
اثيـر : انا كبيره وبابا شويا حيجيني
مازن : اموت ياشيخه في الكبيره
تركي : وكل يوم تجي هنا ؟
اثير : بس امس جيت واليوم
مـآزن عاجبــو شكلها مرهـ واللي يزيد جمــآلها بنسبـه له غبائها يقدر يلف عليها براحــه
وقف مازن وقرب من تركي وهمســله : دي لو اخدتها معايا الشقه ماحتفهم
تركي انفجع من تفكيره : مازن دي مريــضه بلاش هببل
مازن : دي ماتفهم يامخ يعني لو سويتلها اللي اباه حنبسسط شوف جسمها بسسس
تركي مره متعاطف معاها : انسسى مالي صلااح
مازن : انتا مالك خليـك في حبيبتك دي _ وجه كلامو لأثيـر _ تجي معايا ؟
اثيـر : فين ؟
مآزن : تعالي تعالي
اثير وقفـت وجآت معاه .. مآزن غمز لتـركي : وليمه جديده
مشي واثيـر جمبـو : فيين نروح ؟
مآزن : نروح سيارتي
اثيـر : لا ماقدر بابا دحين يجي ومايلاقيني
مازن : بس شوويا ..انتي عندك اصحاب
اثير : لاا ماعرف احد
مازن : اوك اعتبريني صاحبك
اثير ابتســمت وهوا ابتــسم على طول على ابتســآمتها الجذآبـــه : طيب
وقفــو عند الرصيــف وكآن بشــآرع المقـآبل سيـآرتـه .اثيــر قدمت كآنت بتمشي إلا بردة فعل سريعه مسك مازن يدها ووقفها : ماتشووفي انتي السياره الشاخطه دي
اثيــر رجعت على ورى وعينها على السياره اللي مرت من قدامها بسسسرعه: مانتبهتلها
مازن : عمييا
اثيـر : كنت بس دحين مو عميا لاتقولي كدا
مازن باستغراب: كنتي ?
اثيـر طالعت فيه ولساتها ماسابت يده : قبل اربـعه ايام سويت عمليه وماسرت عميا
مآزن اختفت الابتسامه من وجهو : لكي كم سنه ؟
اثيـر : من يوم ماولدت كنت عميا وماشوف شي _ اتذكرت _ امس بابا علمني الالوان كلهاا
مازن : من جدك ؟
اثير : ايوا حفظت كل الالواان بس لساتي اتلخبط
مازن مو مصدق : لا قصدي على دا يعني من يوم ماولدتي وانتي ماتشوفي شي وقبل اربعه ايام اول مره تشوفي بحياتك !
اثير اشرت براسها : ايوا
مازن سحب يده من يدها بهدوء ماقدر ياخدها معاه للسياره : اها
اثير : بس انا مو غبيه
مازن عقد حوآجبه وهوا مو فاهم دي الدخله الغلط : ومين قال عنك غبيه ؟
اثير تهرج بعفويه ممتلئه بسذاجه مو متعوده على الاختلاط
ماتعرف تهــرج عدل : الناس عشان يشوفوني اسئل كتير واقول ايش دا يحسبوني هبله بس انا مو هبله
مازن حاسس نفسو مو عارف ايش يردلها اتعاطف معاها قال بتلكلك : مالكي باأحد
اثيـر ابتسمتلو : كككدا بابا قلي
مآزن ابتسـملها وبانت غمـآزتو على خدو ..اثير رفعت يدها وحطتها على خده وضحكت : زي بابا عنده كدا
مآزن لاشعوريا ضحــك وكلمها كأنها طفله : احسن انتي ماعندك
اثير بعدت يدها عن خدو وقالت وهيا زعلانه : ايوا ماعندي زيكم
مازن : بس برضك كدا حلوه
اثير ابتسمت : اعرف بابا دايما يقولي كدا
ماحسها لما قالتها غرور اكتــر من انها كآنت طفوليه بكلمتها دي
: اثيـــر
دارت جسمها وابتسمت وقالت بصوت عالي : بااااابااا
ابوها جا لحدها : فجعتيني ليش بعدتي كدا
اثير اشرت على مازن : هوا قلي
مازن انفجع قال بردة فعل سريعه : جلسنا نهررج الله يخليها لك
اثيـر عقدت حوآجبها : مو كنا رايحين
مآزن خايفها تفرط الشريط وتوديه في دهيه قاطعها برضو : نشتري من البقااله قالت انها عطشانه
ابوها ابتسم بخوف على بنتـو : معليش ياولدي عل إزعااج
اثير تطالع في مازن وهيا مستغربه من كلامه
ابوها : يلا اثيـر
اثيـر : طيب
ابوها قدم وهيا قالت لمازن : باي
مازن : دقيقه
اثير : ها ؟
مازن بتردد
: اي احد يقولك مره تانيه اطلعي معايا السياره لاتروحي
اثير : ليش ؟
مازن : ازا ماكنتي تعرفيه لاتروحي معاه طيب
اثير : بي احنا سرنا اصحاب ؟
مازن (( دي غبيه وربي )) : ايوا انا تجي معايا عادي بس غيري لا مايسير
اثير بطاعه اشرت براسها : طيب
مازن : يلا باي
اثير اشرت بيدها : باااي
مشيت ورجعت دارت عليه واشرت بيدها : بااي
مازن ضحك : بااي
رجــع لتــركي ..
تركي : ايش بك ماروحت
مازن جلس وماسمعــه
تــركي : هييي
مازن طالع فيه : هاا !
تركي : مو قلت تبى تاخدها
مازن ماحب يحكيــه اي شي ويطلع طيب في عين صاحبـه : دي ياشيخ مره غبيــه حتوديني في دهيه
تركي : قلتلك مايسير تاخدها شوف ابوها جااا
مازن : وحنجي كل يوم هنا ؟
تركي : مو قلت بكرا ماحتجي ؟
مازن : لو حتجبلي حشيش جااي اكيد
تركي : ايوا جااي _ شاف حبيبته جايا _ واخييييييرا جااات

ملاحــظة بسيــطه " ماقلت انها غبيــه او ساذجه لأنها كآنت عميــآ .. بس سذاجتها كانت بسبب عدم اختلاطها بنااس حبسها على طول في غرفتتهاا والعمى كان عامل مساعد للي هيا فيه دحين "

خـــرج من الجــآمعه بصــربعـــه وقفــلو تــآكســي واتصل على اخــوه : ايوا نضال
نضال : فينك ؟
هتـآن : رايح العمل
نضال : ماحتجي تتغدى
هتـآن طالع بساعه : مره مافي وقــت
نضال : دحين امك تسويلنا حكــآيه
هتان : قولها اتغديت وبسس
نضال : طيب ومتى راجع
هتان : اخر الليل زي ابوك ولا ناسي يعني مو اعيده
نضـآل : قلتلك بلاشي دي الشغله يكفي شغلتي و
هتان قاطعه : نضال لمتى حتصرف عليا ؟ ماحسئلك من فين تجيب دي الفلوس لأنو عمي مرزوق اتوقع ماحيعطيك دا الراتب كلو
نضال مبررو اليومي : قلتلك اشتغل في شغلتين
هتان بعدم تصديق : ااهااا ايوا صح اتزكررت
نضال : عل عموم لو محتاج شي قولي
هتان : ان شالله
نضال : مع سلامـه
هتان : سلام ..
قفــل من آخـــــــوهـ وبعد نـــص ساعه وقف التــآكسي قدآم القصـــر ..اعطاه الفلوس وخرج من السياره وهوا مذهول
من القصــر : ماشالله
دخــل واستـــلم خـــلاص عمـــله بعد ماتناقش مع صحبة البيــت واعطتــه زيه الرسمي لبســه...


قفـــل ابــواب القـــصر وجلس على كرسيـــه الخشبــي وعيـــونو على الحديـــقه الكبيـــرهـ
والمسبـــح ومبــتسم سرح بخيــآله لو ممكن يكون هوا عايش هنا مع عيــلته
مرتــآحيــــن
مبـــسوطيـــن
وغير دا كلــو يكونو حاسسين بالحيــآهـ .. قطع حبـــل افكـــآره بوري سياره الفراري اللي ورا ابواب القــصر
قام بســـرعه من مكــآنه وفتـــح البــوابـــه والسيــآره دخـــلت بســـرعه وبدون مايشوف مين وسطــها

وقفــت سيــآرتهاا لمت اغراضها بالشنطــه وشالت كتبــها ولابســه نظارتها الشمسيــه فتحت باب السياره
ورجع قفــل ماسكه اغراض كتيــر ..
اما هوا لما انتبــه لها اتـــوجهلها وفتحلها باب السياره وعينو على البوآبــه
مو عارف كيف يتصرف ..
خرجت من السيــآره وقفلت الباب وطالعت فيــه وشهقت مع الفجعه
انفجع وجات عيــنه في عيــنها وبـــــــــــــلـــم
فسخت نظارتها واشرت عليه بقرف: انتا ايش جابك هنا ؟
هتان بلع ريـقه حلل بينه وبين نفسه انو اكيد دي ساكنه بدا القصــر كدا حيرد على سؤالها بدون فلسفه : انا اشتغل هنا !
طالعت بزيو الرسمــي ورجعت طالعت فيــه : ومييين اللي عينك هناا
هتان طنشــها ومشي كعادتــه بس وقفتـــه بكلامــها اللي كلو امــر
: لمااا اكلللمك توووقف وتررد عليــآ تراااك مو في الجامعه عشان تطنشني
حزت في نفســه الكلمه .. لأول مره احد يرفع صوته بدي الطريقه عليــه ويكلمه وكأنو خدام عندهـ
خـــدآم ؟
وقف عند دي الكلمه وضحك بنفســه (( انا اصلا خدام هناا ))
اليـــن مشيت بعصبيــه ووقفت قبااله : مااااتســمع اننتااا !؟
هتان شد على قبضه يدو وهوا يدارك عصبيــتو : نعم ؟
الين : مين اللي خلاك تشتغل هنا
هتان : اهلك !
الين : داادي ؟ وفين العجوز اللي كان يشتغل عندنا لاتقول ماات مره مو وقتو
هتـآن مره انقهر: العجووز اللي بتهرجي عنو ابوياا وان شالله يومك قبل يومــه انا هنا بواب القصـر وياريت تكلميني بطريقه انسب من كدا
اليـن كانت تباه يعيد كلامــه : ايش قلت ؟!!
هتان : اللي سمعتيـه اتــوجه لمكــآنه وجلس على كرسيـــه ...
اما اليـــن دخــلت القصــــر وهيا تنااادي بكل صوووتهاا : ماااااامي مااااااااااامي
امها خرجت من الغرفه مفجوعه : ايش فيي ؟؟!
الين : دا الكلب اللي جايبنو براا مين حااااطه !!؟
امها : مين جاب كلب ؟؟
الين : اوووه البواااب قصدي
امها : دا ولد فريد اللي كان يشتغل هنا
الين : فريد منيير انا ماالي طيب دا الزباله اللي براا بكرا مابى اشوفو هنأأ
امها : سوالك شي
الين : لا _ حطت يدها على راسها _ بس كدا مزاااااج مااابى اشوفو هنا
امها : ماقدر اغير حاجه وابوكي مسافر
الين باين العصبيه كلها بوجهها : انا حتفااهم معاااهـ
دارت لقت الشغاله وراها رمت الكتاب والشنطه بالارض : تعااالي ورايا
الشغاله عارفه انو اليــن معصبــه كداا تتوقع منها اي شي اخدت اغراضها من الارض ومشيت ورا الين إللي اتوجهت لغرفتــهاا
فتحت باب الغرفه بعصبيـــه وجلست على سريرها واتصلت بتلفون غرفــتها على ابــوها جواله مقفــل
قفــلت وحوآجبها مقرونه من العصبيــه : داا اللي ناقص واحد زيو يشتغل هنا
تحررك رجلها بكل عصبيـــه طالعت بشغاله اللي عدلت وقفتها على طول : تهتاجي شي مسز الين ؟
اليـن مافي غير شغالتها الخاصه دايما تسمع لبربرتها : شوفتي البواب الجديد
نونا خافت تهرج وتعصب عليها زياده الين : ايوا
الين : نونا تراني ماحعصب عليكي عادي اهرجي
نونا حطت اغراض الين على الكنبــه ورجعت وقفت قبال اليـن : مافي شي يخلي انتا يعصب مسز الين
الين : نونا دا يدرس في جامعتي مره حيوان
نونا : وانتا في خوف منو ؟
الين : نعمم من متى اخاف من احد ؟ لا طبعاا مو خايفه ولا شي بس انو مستفز وبعدين في الجامعه طنشني واحرجني ماحب احد يطنشني
نونا من كتر ماعاشرت الين سارت زيها : طيب مسز هوا يشتغل عند انتا مايقدر يطنش دحين
اليــن سكتت للحظات وبعدها ابتـسمت : واااااا صح مافكرت فيـــهاا
نونا ابتــسمت بافتخــآر انها جابت شي : انتا لايعصب
الين : والله حطلعلوو عيـــنوو واوريـــه مين اليــن
نونا : اجيب غداا مسز ولا يتغدا تحت ؟
الين : لا جيبيه هنــآ
خرجت الخادمـــه وبقيـــت الين مسرحــه باأفكااارها
فكره تجيبـــها وفكـــرهـ توديـــهاا


عند بوابـــه القصـــر جالس ولســآته مو مستوعـــب انو حيشــتـغل عندهــم ..
بعد ماكان مبسسوط إنو حيشتغل وياخد راتــب نفسيـــتو اتحطمت
حيشتغل عندها وحيدرسسسو في نفس لجامعه


لمتى حتلاحـــقه نظرات الاستـــحقـــآر ..
غمض عيـــنه واترســم في بالــه شكـــل ابــوه على الســـرير مريـــض
اتذكــر كلام الدكتــور (( العلاج امــلو الوحيــد ازا ماتحسن احنا مانقدر نسويلو شي ))
اللي يهديــه دايما ويخليــه ماينفعــل ويتضارب مع اي احـــد
صوت امـــه وهيا تبــكي اخر الليـــل وتدعي لأبـــوهـ
بس فكر بدا الشي نسي اليـــن وجبروتــها
واللي سوتــو ماحيهتــم وحيحاول مايشوفها لا بالجــآمعه
وهنا حيسوي المطلووب وبـس .. وضــعه اكبــر من استفزازات اليــن
جــآت في بالــو بلســمو " رنيــم "ابتســم لاإردايا وزفر بضيــق
وحشـــته مســك كتــآبه واخد قـــلم وساار يكتب اسمـــهاا وكتب بالخط العريـض احبــــك ..
وزي عادتــه لما يفــكر فيــها يكتــب اشـــعاار ...

فــي أحــد المطــآعم ..
شرب مويــه ورجعها على الطاوله : بديت اتعب معاها
خالد : ههههههه دا وانتا تاني يوم بتدربــها
نزار : البنت وقحه وشكلها تربيتها تربية شوارع فاعشان كداا بتعب
خالد : لاتكون بطلت ؟
نزار : لا طبعاا المهم كيف مازن ؟
خالد : ليا اسبوع بخرج مع شلتــو انتبهلو
نزار : ليش بياخد شي اكتر من الحشيش ؟
خالد : لدحين لا بس اليوم سئل عن الكوكائين فشكلو ناوي عليـه
نزار : لو شوفتو بدأ يتعاطاها قولي
خالد : يعني انتا مستنيه لين مايجربها بعدين تمنعـه
نزار : مو معقول كمان امنــعه من شلتو ولا هبــلو دا ممكن يسيب البيت لأنو سيدي واقفلو على غلطه لو انا وقفت بصف سيدي حيتكرن ويمشي
خالد حط شوكتـو بصحن : الله يعينـكم عليـه
نزار : امين اهم شي دحين خليك صاحبـه
خالد غمزله : ماعليك ..وانتا اشتغل في رنيــم
نزار : باقي 3 ساعات ونبدأ تدرييب واليوم اخلاقي مره واقفه ممكن اطلع حرتي فيـها
خالد : هههههههه صلي على النبي ياولد وروق وبعدين روحلها
نزار : مشكلتي ماحب اختلط بدول الناس بس ملزووم
خالد : طيب ايش بها اخلاقك اليوم ضاربــه ؟
نزار سند جسمه على الكرسي : كالعاده واحد من اخواني مضايق
خالد ضحك من قلبـه : انتو مستحيـــــــلين وربي
نزار : ايش الضحكه دي
خالد : اليوم في الصبـآح مازن قلب علينا فجأه وسار يتصل على يزن ودحين انتا مره شي يتعب
نزار : وعاد تعاال لما تشوفني مبسوط ومبرووق وفجأه واحد منهم تسرله مصيبه ولا يضاايق تكون احاسيسي مهجنه في يدك الساعه
خالد : هههههههههههههههههههههههههههههه شي صعب والله
نزار : ايوا بس عارف مازن ويزن يحسو في بعض اكتر فاالحمدالله اني مو زيهم
خالد بتعجـــب: سبحان الله
نزار ابتســم : ماعلينا دحين ايش حتسوي في شغـلتك ؟
اتغــدى مــعــآهـ .. راحـــو للمعـهد جلسو فيــه كم ساعه وبعديــن رجــع نزآر لبيتـه استحمى وراح للقاعه يستنى
رنيـم ..


امــآ رنيــم وفــي أحــد الارصــفه واقفـه كالعادهـ قبــآل عربيــه الخضــروات
اخدت كيس وتحط خيــآر وســطه : 10 ياعمي
الرجال اعطاها الفلـوس واخخد الكيس ومشي .. ورجعت تطالع في الناس المـآرهـ
جــآ في بالها هتــآن (( اتصل عليه ؟ ))..سئلت الرجال اللي يبـع جمبـها : الساعه كم
: خمسه ونــص
رنيـم : كدا يكفـــي _ دفــت عربيـتها واعطتها لصاحبــها واعطاها نص المبلغ اللي كسبتو اليــوم _
اتــوجهت لكبينة الاتصاآلات ودقت الارقام اللي حافظتها زي اسـمها ..رد عليــها من تاني رنــه وصوتو كلو طفـش
: الو ؟
رنيــم : هتان ؟
هتـآن كآن جالس علـ كرسي لاإراديا وقف وابتسـم : وحشتيني
رنيم ابتسـمت ووجهها راح فيـها وكأنه قدآمها : اعرف
هتتآن : قوليلي وانتا كمان
رنيم باستهبال : ومين قال انك وحشتني ؟
هتـآن كان مضايق وكلمتها خلتو ينفجــر قال بجديــه :رنيم انا تعبت منــــك
قد سمعتها منو قبل كدا بمزح بس اول مره تسمعها بدي النبرهـ
اختفت الابتسـآمه من وجهها : تعبـت ؟
هتـآن : ايوا تعبت انا احـبك والله بس
رنيم ماهتمت بكلمه انا احبك زي ماهتمت بكلمه بس : بس ايش ؟
هتـآن مايبى يخسـرها قال بنبره هاديـه : انتبهي لتصرفاتك
رنيـم : ولو استمريت على دي التصرفات ايش حيسير ياهتـآن
هتان زفر بضيـق : اتعوذي من الشيطان يارنيم ولا تخلينا نتمشكل دحييين
رنيم بعناد : انا ابى اتمشكل ايش رايك ؟ قولي لو مانتبهت لتصرفاتي ايش حيسير حتسيبني يعني ولا كي
قاطعها بردة فعل سريعه : رنيييم اهجدددي انتي عارفه لو ايشش ماسار انا ماحسيبك
رنيم مره مقهوره منو : ايوا صح
هتان : ايش بك دحين
رنيم : ولاشي بحاول انتبه بس لتصرفاتي
هتان : يااربي منك دايما تفهمي الكلام بالشقلووب
رنيـم : اصلا انا مافهم مو ؟ اانتا بس اللي تفسر كلامك على كيــفك
هتان : متصله عشان نتضارب ؟
رنيم : اييوا
هتان بدون اي نقاش : اجل مع سلامه _ قفل ولا سمع منـها كلمــه _
اما هيا رممت السماااعه بعصبيـــه ع تلفــــــووون وخرجـــت من المكـــآن ومعقده حوآجبههااا قالت بصوت مسموه : حيووووان
اللي حولينها طاالــعو فيــها وهيـــآ ولا اهتــمت وكمــلت طريــقهاا بكـــل عصبيـــه ..

هتـــآن جلس على الكرسي فتح كتــآبه لقـــى اسمـــهاا رجع قفـــله بقوووه ورماالكـــتآب على جنـــب
ووحوآجبــه مقرونـه في بعضــها
قالت بخوف : اتفضـل
طالع فيــها : شكرا مابــى
الخادمه وفي يدها كاسه حلـيب : مسز عبير " ام الين " قال يعطيك دا
هتـآن جيعان وعطشان وكل شي بس بعد مكالمتو مع رنيــم انسدت نفسه عن كل شي : قلتلك مابى تسلمي
الخادمه ابتــسمتلو ورجعت دخــلت لقت بوجهها اليــن : دا للبواب ؟
الخادمه : يس مسز الين
اليـن : ومين قلك تخرجيلو _ ماخلت الشغاله حتى تقولها مين على طول قالت _ ماما ؟
الخادمـه : يس
الين : مره تانيـه لاتخريجلو شي نونا اوك ؟
الخادمه : بس ا
الين قاطعتها :لابس ولا حــآجه هوا يشتغل هنا مو مسؤولين احنا عن اكله وشربه
الخامه : حاضر
الين طالعت بالكوب : غريبه ماشربو دا المفجوع
نونا بلقافتها المعتاده :شكلو في مضاربه مع حبيب هوا انا سمعتو يكلم جوال وبعدها سار معصب
الين ضحكت : كويس دي الاشكال تحب ولقيت احد يعبرها
نونا ماعلقــت
اليـن رفعت شنطتها على كتفــها : اليوم مو فايقتــلو لما افضى حطلع عيـــنوو
نونــآ : انبسط مسز
الين : في احد يسوي مساج وماينبســط
خـــرجت ركبــت سيـــآرتهاا ..وقبـل لاتوصــل عند البووابــه دقت البووري باإزعااج وهيا معلقــه
هتان كان جالس على الكرسي وقام مفجووع من البـــوري فتــحلهاا البوآبـــه
وهيا مــرت وكآنت فآتحـــه الطـــاقه ..طالعت فيه بنظره استحقاار ..وخرجت من اسوار القــصر ..
هتــآن ( ماترجعي ان شالله ))

في الــحــآرات القديمـــه ...دخــل بيـتــه
: الســلأأم
امو وام رنيــم : وعليــكم السلام
رمــى نفســـه علـ ارض وسند يده على التكــآيــه : كيف ابــويا ؟
امو اتنهدت وقالت بتعــب : حمدالله
نضـآل : محتاجين شي ؟
امو : حطيت على الدولاب كراتين الادويه اللي اباك تشتريها
نضـآل : طيب
ام رنيـم : ان شالله يرجعلكم زي اول
ام نضال من كل قلبــها : ان شالللله .. هتان لسه ماجا ايش بو اتأخر كدا
نضـآل : راح لعملو بيقول اتغدى خلاص
ام نضـآل : الله واعلم ايش اكل دحيــن
نضال : لاتشيلي هموو
ام نضـآل : جامعه وبعدو عمــل والله شي يهد الحيـل
نضال : قلتلو يبطل مو راضي
ام نضـآل : وكمان المشواار بعيــد من الجامعه لعملو
نضال : ليش فين قصرهم دا ؟
ام نضال ماتعرف بتحديد : مدري بس بعيــد
نضـآل : المهم مره جيعاان عبي الغــدى
ام نضـآل وقفت : طيب
خرجت ام نضــآل ..وبقي نضال وام رنيــم بالغــرفـه
ام رنيـم : كيفك مع شهد
نضأآل بدون اهتمام : كويسين
ام رنيـم عارفه انو العكس مره : ليش ماتسئل عنها ياولدي دي زوجتك مايسير تعاملها كدا
نضال طالع فيها : ليش قالتلك شي مو دا اللي فالحه فيه بس تشتكي
ام رنيـم : شكلك لسه ماتعرفها البت لاشتكت ولافتحت فمها كل الحاره عارفين كيف بتعاملها قدام الناس بترفع صوتك عليها
دي مرتــك عاملها زي ماتعامل امك واختـك على الاقل
نضـآل : ماتمشي دي الا بدا الاسلووب
ام رنيـم : الله يهدييك بسس_ راحت تسااعد ام نضــآل _

بعــد الغــدى دق جوآل نضــآل وكآنت المكـآلمــه مره مهمــه ..فتح باب البيــت وخرج عشان ياخد راحتــه
واقف عند باب بيت ويتكلم بكل حــذر : ايوا معاك دحين
... : اليوم الساعه 1 الليل اباك تجي
نضال : المكان المعتاد ؟
..: ايوا انتبه لايكون احد بيراقبك
نضـآل: لاتشيل هم بس تبوني دي المره على ايش بزبط ؟
... : قصــر صاحب القصـر مساافر انتا تعال واحنا حنفهمك ايش نبى بزبط من هنـآك ..
نضـآل : بس من دحين اقولك انا محتـآج فلوس يعني ابى اكتر من كل مره
... بتردد : بسس
نضال قاطعه : دا شرطي
.. : تعال وحنتفاهم
نضال : طيب

دخـــلت غرفتــها وهيا متنـــكدهـ قفلت الباب بقووه ورمت شنطــت الجامعه في الارض ...
جلسست على سريرهاا ودموعها بعيـــنهاا ..انسدحت على السرير ودموعـــها نزلـــت
(( ابوها قيي شي تقــرف منــــــو تكره تســـمعــو وتحاول ماتفكر كتير بدا الموضوع
بــس لما هددها اليوم يــزن بدي الهــرجه كرهت نفســها كرهت ابوها وكل شي في دا البيــت ))
رفعت يدها ومســحت دمــوعهاا ..لايمــكن تمرر تهــديد يزن على خيــر
جلســت وهيا تفــكر ايش تسسسوي فيــه .. كيف تبــرد قلبــهاا المحــرووق
فـتحت عينها على وســعها لما جاتها فكـــره ممكن تقهر يـــزن
قامت من مكــآنها بســرعه واتوجهت للتســريحه وهيا تدور الكميـــرا حقــتهاا ..
فتحت الآدرااج وتدوور وبعــد طلووع الرووح لقــتهاا
جلسست علـ كرسي وهيا تقــلب بصوور وتضـغط الزر بســرعه
وقفت لما لقت الصوره وابتســمت ..عضت على شفايفها
وهيا تشــوف صوره يزن مع مدرسه عندهم بالجامعــه : ارسلها لمدير الجامعه ويزن ودي الهبله يتورطوو
قامت من على الكرســي دوبها بترسل الصوره على جهازها الاب الا افتكــرت شي ممكن يفضحهم اكتــر
قالت بتفكــير (( لو اعطيتها للمدير ممكن يطردهم وبــس وانا مابى الموضوع يمر كداا اطبع الصووره واحطها بلوحه الاعلانات بالجامعه .. انا اوريك ياايــزن ))
محد يدري بموضوع ابوها غيرو وقد امنـتو انو مايهرج لأحد بس مو لما يعصب يسير يمسكها من يدها إللي توجعــهاا
شغلت الاب وبتردد (( لا دي قويــه ممكن ينطرد من الجامعه _ ضحكت بهدوء _ كويس هوا اصلا يبى ينطرد اسهلو الموضوع ))
موضوع طردتـو من الجامعه بنسبه لها ماتحس إنو حينقهر ولا يعصب منـو لأنو دا مبتغاه في النهايه
اللي براسها انها تخلي الكل يطالع فيــه ويأشر بفضيحتــو _
نــزلت الصوره على الجــهــآز ..اتــذكرت هرجه الجبـــل واختفت الابتسـآمه من على وجهها
عــآرفــه انه الموضوع مو هيــن
وردة فعــل يزن كآنت جدن عاديـــه
اتـــذككرت دااك الييوم وبردة فعل سريــعه قفلت الاب واتراجعت عن افكارها : حمرر دي الهـرجه


مســكت جوآلها واتصلت عليــه ..
جالــس على ســريــره وباله بعيــــــد يفكــر ايش ممكن يسير لو احد عــرف
قطــع حبــل افكــآرهـ صوت الجوال إللي فجــعو
اخد الجوال وعقد حوآجبه لما شاف المتصــل من زمــآن مايتصل عليها ولا هيا تتصل عليــه
شخصيـــن في القــروب صلتهم كآنت مره قوويـــه واختفــت قجأه رد عليها : ايوا
رودينا بتكلمو وحاسه بتوتر لأنها من زمان ماتتصل عليـه :كيفك ؟
يزن : تمام وانتي ؟.
رودينا مسكت طرف بلوزتها الحرير ومن التوتر تنسـلو : كويسسا .. مو المفروض انتا اللي تتصل
يزن : وليش اتصل ؟
روديـنا : لأنك قلت كلام ماينقال
يزن اتذكر : عارفتني لما اعصب اقول كلام مالو داعي
رودينا : اللي قلتو اكبر يايزن
يزن : اسف
رودينا ابتسـمت وحنت بنفس الوقت لأيامها معاآه : طيب دحين مين اللي عرف بديك الهرجه ؟
يزن : مدري جاتني رساله من وحده معانا في الجـآمعه وشكلها عارفه بالموضوع المشكله سئلت كل اللي كانو في القاعه
عن البنت محد عارفـها
رودينا : انتا غلطت لما جيت تهرجني اكيد كانت بتراقبــك وبردة فعلك ديك اثبت الموضوع
يــزن بضــعف : انا انعمييت كنت خايف

نـــرجــع شهـــرين لدآك اليـــوم بزبـــط ...في الجــآمعه
جــآ باإتجاهها وباين الغيره في عيــنه وقف قبالها وهيا استغربت : يزن ايش بك
يـزن : مين داك اللي بيهرج وطاقه حنــك معااهـ
رودينا : علي
يزن : وعادي يعني لو علي تضحكي وتجلسي معاه ساعتين
رودينا قربت منو وقالت بهمس : يزن بطل حركاتك دي
يزن : خايفه احد يشوفني ويحسب اني احبك
رودينا : يحسب ؟
يزن : ايوا
رودينا : ودي الغيره كلها ايش تطلع ؟
يزن : انا طبعي كدا
رودينا انقهرت يعني بااين انو يحبها بس يستعبط ومايبى يقولها : اهاا اجل مالك صلاح فيا اجلس مع مين مابى
يزن قال مابين اسناانه : رودينا لاتستفزيني
رودينا بكل برود : ومين قال اني بستفزك !بس مالك فيــآ

مـــر الموضوع كالعاده عــآدي ... مشيـــو وبعد خمســـه دقـــآيق رودينا اللي بدأت كلام
رودينا : ايش تبى صفاء ؟
يزن : ماتعرفيها يعني كيف تحبني
رودينا : مريضه دي احسها تعرفك اكتر مني
يزن : هههههههههههههه تراقبني طول يومي وانا هنا ماحس براحه الا لما ارجع البيت
رودينا : ارحمني بس ياجمس بولد
يزن :هههههههههههه حرجعك بنفسي على بيتك
رودينا : جيت بسيارتي
يزن : طيب اوديكي مكاني اللي احبــو وبعديــن تـرجعي
رودينا : امم اول نروح نتغدى وبعدين نروح ل مكـآنك
يزن : يكون احســن _ شاف اسامه جاي باإتجاههم قال بسرعه لرودينا _ لاتقوليلو انو خارجين مع بعض
رودينا استغربت : ليش ؟
يزن : بلاشي كلام زايد حيروح بالهم لبـعيد
رودينا مره انقهرت بس لأنها تحبـو ســكتت وماعلقــت علـ موضوع


بــعد مـآتغدو وانبســطو مع بـعض ... بعــد المغرب متوجهيــن لمكــآن يزن المفضــل ..
رودينـآ : بتفهمني إنو كل يوم تجي هنا
يزن : لا مرتين بالإسبوع يمكن
رودينا : وليش يعني ؟
يزن : لو شوفــتيه حتـعرفي ليــه

وصـــلو وقــف السياره على حـآفة الجبـــل ورودينا ميتــه خووف : يززن تبى تمووتني انتا ارجع على ورى شويا
يزن : هههههههههههه ماحموتك انزلي بس
رودينا تهرج بكل خووف : يزن المكــآن يخووف ماني نازله
يزن : انا معاكي ياهبله انزلي بس
رودينـآ ماسكه باب السياره : مااحنزززل
يـزن : هههههههههه حمسك يدك
رودينا تحرك راسها بنفي : مااااابى لايمكن انززل والله قلبي حيووقف من الخووف
يزن فاطس ضحك عليها :بلا هبــل يارودينا
رودينا : انا اخاف من الاماكن العاليه جاي تجيبني في طرف جبل وتقولي انزلي
يزن : حرميكي يعني ؟
رودينـآ : ماالي ماالي ماحنزل من هنا
يزن دوبو بيــهرج إلا دق على قزاز السياره ولد .. لابــس توب اسوود ورابط عومــه على راسـه
يزن فتح الطاقه باإستغراب : نعم ؟
الولد : سيارتي وقفـت تقدر تنزل تساعدني
يزن بدون رفــض ابتسملو وقفل الطاقه وفتح باب السياره : طيب
روينا بردة فعل سريعه مسكت يدو : لاتنززل
يزن رفع حاجبه : ماقلتلك انزلي معايا
رودينا : الولد شكلو يخووف ..لاترووح
يزن حط يدو التانيه على يدها وابتسملها وقال بهدوء : دقيفتين وحرجعلك لاتخافي
رودينا ابتسمت وهيا لسساتها خاايفــه : طيب لاتتأخر
يـزن خرج وقفل باب السياره دوبو بيمشي إلا الولد دفاه ع سيااارهـ وخرج سكينه من جيبــو وحطها تحت ذقن يزن
يزن دقاات قلبـــه ورا بعـــض عيــنه على يد الرجااال وهوا مرعـــوب
ورودينا على طوول بكيــت في السيااارهـ وبتنااادي باإسمموو
يزن بصوت يرجـف : ايش تبــى ؟حعطيك إللي تباه بس ابعــد عننا
الولد : نبى البنت إللي معاك اعطينا هيا ووكمل طريقك
يزن بهدوء وبدون ماينتبهلو الولد دخل يدو وسسط جيبه وضغط زر السويتش وانقفلت السياره : نزل السكينه وخلينا نتفاهم
الولد : قلت اعطيني البنت إلللي معاك بسس مابى شي تاني
رودينا يدها على فمها وتبــــكي ولا قادره تخرج من السياره من كتر الخوف
مو عارفه تتصرف بس خافت اكتــر لما يزن قفل عليها السيــآرهـ ..
الولد ضفط ع سكينــه وهوا يهرج بين اسنانه : كنت اباك تعطيني هيا برضااك
صاحــب الولد جاي وهوا يمشي بخطوات غير ثابــته وفي يدو الويسكي وباين إنو عقلو مره مو معااه : ماتبى تعطينا البنت ؟ انا الييوم مررره متحمـــس__ قرب لقزاز السياره ولصق وجههو فيه وهوا يطالع في رودينا ويضحك _ ثواني وتكوني عندي يابعد كلي انتي
رودينا جوى السياااره وتبـــكي بكل صووتها ونظرات الرججاال لها حسست إنو اليوم حيكون اخر يوم ليزن
وحتشووف هياا اشيااء مو طبيعيــه
ثوااني بس جات في بالها اشياء سودا
السكران دق على القزاز بقووه وهوا يضضضحك .. ورودينا منكمششه على نفسسها وتزيد بكاها لما يدق على القزاز
بــرى السيـآره
يزن مو عارف يتصــرف يايعطيهم رودينا ويمشي يايدافع عنها وهوا إللي يروح فيـــها
الولد بيهرج ويزن في راسه دا الشيين وكأنه بيقرر مصيره ياهيا ياهوا
بلع ريــقه وقال بهمس ويده ترجــف مو بس يده جسسسمه كلـــو
: خلينا نتفاهم بعيد عن السياره لأنه ماباها تسمع _ رفع يده باإستسلام _ ماحسوي شي نزل السكينه
الولد نزل السكينـه ..ويزن مشي وجا قبال السياره جمب الهاويه والولد جا قباله
رودينا تطالع فيــهم ومو عارفه ايش بيسير
يزن : طيب حعطيك هيا بشـرط _ طالع بالسكراان إللي واقف عند سيارته _
الولد بيلعب بالسكيــنه : ايش ؟
يزن بردة فعل سريعه كان بيدف الولد على الارض ... مد يده ودفاااهـ الا كااانت ورا الولد حجــرهـ
كان بيتجنبها الولد الا طـــآآح من على الهاااويـــه
يـــزن وقــف في مكـــــــآنه مصدوووم وصـــرخه الوووولد في كل المكــــآن لييين ماختــفى الصوت بـرطمه
الســـكران جاا جرري على حاافة الجبببل وجلسسس وينااادي بكـــل صووووووووته : حااااااااااتم
يــزن راااح لسيااارته جرري وفتحها بكــل صـــربعه وجسسمه كلو يـــرجف
رودينا حاطه يدها على فمهاا وفاتحه عينها على وسعها ودموعها تنــــزل
الصدممـــه شلت لسسسسانها مافي اي كلمه خـــرجت

يزن شغل السياااره ونـــزل من على الجبـــــل ...
خـــرج للشارع العام وهوا يســـوق بكل جنـــون بدون مايعرف وجهتــو اما رودينا لساتها على وضعهاا
حاطه يدها على فمها ودموعها تنـــزل من غيـــر اي صوت ... مو قادره تطالع حتى بيـــزن
يــزن لما الطريـــق بدأ يغبــش قدااامــه وقف السيـــآره في الخط السريـع
ورودينا طالعت فيــه ..فتح باب السياره وخـــرج ...
سند جسمه على السياااره وهوا مو مصدددق اللي سوااه رفع اياديه الثنتين وخللها بشــعره وشـــد على شــعره
عيــونه مجمعه فيها الدموووع مو قادر يبــــكي يبا احد يقولو انو ماااسوووى شي
روودينا خــرجت من السياره ودموعها على خــدها وقفــت قبااله وهوا على طوول هــرج : رودينا يكون ماات ؟
رودينا ضمت اياديها تحت صدرها واشرت براسها بدون ماتهرج يعني " ايوا " صوتها ماطلع هيا كمان مرعوبــه
يزن دار جســمه للسياره وحط راسسسه علـى السياره وبكــــــي : والله ماحسيـــت بنفـــسي مدري كيييف سويييت كدااا
رودينا مدت يدها كآنت بتحطها على كتفو الا نزلت يدها بتردد قالت بصوت يرجف : يزن لاتبكي
يزن زاد بكــآه وهوا يتذكر كيف دف الووولد وصرختـــه إللي تدور في راســـه : كان قدرت ادفوو علـ ارض ولا اسوي اي شي
رودينا حاولت تهــرج مع إنها مو قادره تهرج مع الخوف بس ماقدرت تشوف يزن بدي الحاله وتسكت : انتا كنت بدافع عن نفسك الولد بيهددك بسكيــن
يزن : يااااريتــه سواا شي فييا ولادفيـــته
رودينا ودموعها مارضيت تووقف عن النزول : يزن لاتقول كداا
يزن داار عليــها وباين الانهييار بوجهه قال بضعف : ايش اسسوي دحين
رودينا زيو مو عارفه ايش حيسير دحين رفعت كتفها : مدري
يزن : دحين ممكن يبلغو عني ولا
رودينا قاطعته : يزن محد كان فيه غيرنا
يزن : صاحبــه ممكن يبلغ عني
رودينا : سكراان ماطالع فيـنا .. شوفتو ماكان بوعيـو
يزن بكل صوتــه :آآآآه يااااربي
رودينا مسحت دموعهاا : قلتلك لاتنزل من السياره
يزن قــرب منــها ولأول مره يحضــنها وبكـــي في حضـــنهاا

قطع تفكيـــرها نفس الصوت وهوا بيهرجها بالجوال : ايش اسوي دحين معاها
رودينا لسه في بالها حضنتــو في بالها صوت بكــآهـ داك اليوم محفوور في بالها ولا يمكن تنساه : اتجاهلها
يزن : ماقدر انا وجهي يروح فيــهاا لما اشوف رساله منها
رودينا : طيب ماتقدر تودي رقمها لأحد تعرفو يطلعلك صحبة الشريحه
يزن : حجرب واشوف مع انو ماتوقع تكون بااسم
رودينا : شوف يمكن تقدر توصلها وتعرف مين دي
يزن : خلاص طيب ..رودينا
رودينا بس لما اقال اسمها زادت دقات قلبها قالت بتوتر : نعم
يزن : دحين نازل اتغدى تبي شي ؟
رودينا : لا
يزن : طيب باي
رودينا : باي

دوبها بتحــط جوالها على السرير إلا دقت اليـــن ..
رودينا : ايوا حياتي
الين بحماس: رودي لو تدري ايش ساير
رودينا : وات ؟
الين : عارفه اللي قلتلك عليه كب الكوب حقي
رودينا : ايوا ؟
الين : قابلتو تاني
رودينا : طيب ؟
الين : يشتغل عندنا
رودينا على بالها مع ام الين في تصميم الاكسسوار ولا مع ابوها في المؤسسات وكدا : طيب ؟
الين : ايش هوا اللي طيب بقولك بيشتغل عندنا والله اللي جانا في الجامعه المزيع اهون
رودينا : ليش ايش يشتغل
الين ضحكت : حتموتي من الضحك
رودينا ضحكت من قبل لاتعرف : قوليلي ابى شي يضحكني
الين : بواب بيتنا
رودينا انفجعت : اماااااااا
الين : ههههههههههههههههه وررررررربي
رودينا مو مصدقه : مو من جدك
الين : اصووورلك وهوا يفتحلي البوابه ويقفلها ههههههههههههه
رودينا اندمجت ضحكتها بضحكة اليـــن ... يضحكو من قلبـــهم
رودينا حاولت تاخد نفسسها : احسسك بتكزبي عليا
الين تمسح دموعها : ياااريتني اكزب ياشيخه
رودينا : مااالي ابى اجيكي دحييين اشوفو
الين : انا برا البييت خليها بكرا نخرج من الجامــعه وتجي تشوفيه
رودينا : ههههههههههههههههههههه حمااس يااشيخه
الين : اول ماعرفت صراحه عصبت واتصلت على بابا عشان يطردو بس فكرت فيها وقلت خلييه استمتع شويتين
رودينا : ايوا خليه ياهبــله مره حننبسط على راسسسو
الين : بس تقولي واحد زي كدا منتف ايش جايبو بجامعتنا؟!
رودينا : تلاقي احد مساعده ولا منحـه
اليـن : ميبي_ جاها خط _ يزن متصل
رودينا استغربت لأنو قلها غدا : ايش يبى
الين :شوفتيني رديت عليه ؟
رودينا : لا بس قلت يمكن تعرفي
الين : اليوم وحده بتسئلني عنو بالجامعه بلا من يوم ماسار يجي بالإعلانات زادت شعبيتو بين البنات
رودينا : اهاا ومين دي
الين : لبنانيه اسمها سناء تفقع القلب بدلعها
رودينا وقلتي ليزن ؟
الين : لا نسيت واصلا ماحقولو خليه يولي حيشوف نفسوو علينا دحين
رودينا : من يومو شايف نفسو
الين بجديـه : تصدقي يزن مهما اتعرف واعجب ببنت عمرو مايعرفها علينا
رودينا باإستغراب : اصلا ماقد حب عشان يعرفها علينا
الين : مع نفسسك حب ثنتين بالجامعه وحده فلسطينيه لقيتلو رسايل معاها بجواله بس سكت لو لاحظتي اياميها كان متغير ومايجلس معانا كتير وبعدها اتوقع سابو بعض وحب اردنيـه بس طلعت بيتش ومتزوجه اللي فهمتو من دا كلو انو يزن مايحب يعرفنا على اللي يحبهم
رودينا اتذكرت ايام ماكان يقولها لاتقولي احد اننا بنخرج مع بعض : وليش تتوقعي مايقولنا
الين : لأنو بكاااش ولعااب لو من جد في راسه حب كان على الاقل عرفنا على وحده فيــهم بس اولاد مجدي التلاته لعاااابين
رودينا : نزار مو لعاب ها بيحب سهاد لهم سنتين
الين : نزار اعقلهم بس مازن ويزن فاصلين دوول واحد محشش والتاني رافع خشمو
رودينا : هههههههههههه ترااهم اصحاابك
الين : ايوا شباب عادي يسير اتريق عليهم
رودينا : لا ياشيخه ولو بنات مايسير يعني
الين : ايوا مايجي

هــرجت مع الين نص ساعه وبعدها قفـــلت وفي راسها اشياء كتيـــر
يزن إللي كدب عليــها وقفل منها واتصل على اليــن
وكلام اليـــن
اول مره تدري انو يزن حب
ودوبها ربطت المواضيع كلها في بعــض اكتشفت إنو يـــزن لما كانو يتقابلو في كل مره يقولها لاتقولي لأحد اننا بنتقابل
ولما يتلم القروب كلهم مع بعــض مايسير يهرج معاها كتير ويهرج مع الين وشادن اكتـــر
معقـــوله بيــضحك عليــا ..!
اتذكرت اللي سار قبل شهرين وكيف دافع عنهاا ..اتذكرت لما قفل السيااره عشان لحد يحاول يدخلهاا
كبر في عيـــنهاا اكتـــر .. حاولت تنفض اللي ساار
وحتعاملــو زي مايعاملها دحيـــن وكلامها معاه يرجع سطحـــي .. عشان لاتوجع قلبــها على واحد مو مهتم لها


اما اليــن اتصلت على يزن مارد عليــها بعدها بخمســه دقايق اتصل عليــها يزن
الين منســدحه على السرير الأبيـــض على بطنـــها وفي حرمــه واقفه وبتسويــلها مساااج
الين ردت اسبكر : ايوا
يزن : ليش متصله
الين : ايش الاسلوب دا
يزن : بروح انام
الين : طيب ليش متصل
يزن : متى ؟
الين : قبل شويا اتصلت عليا
يزن : مدري جوالي كان مع توتي
الين : يناااسو على النتفه دا ماكبر
يزن : الا سار يمشي
الين : واختك ايش جابها دحين
يزن : يعني ماتزور اخوانها ؟
الين : اهاا الحب مقطعكم
يزن : اعوذ برب الفلق
الين : ههههههههههههه يلا بقفل باي
يزن: باي

في آحـــد الشركــآت الضخمـــه في دبــــي ...وبتحديد في غـــرفة صاحب الشركـــه ...
جالس ورا المكتــب على الكرسي الجلد البني الكبيـــر ويديرو يمين يسااار : حبيت المكان
واقف عنند دولاب الملفات وهوا يدور ورا ملف معيـن : ايوا لو تشتغل اصلا كان كرهت المكان بكبرو
اياد : انا مدري ليش قاتل نفسسك على الشغل دا وانتا صاحب الشركه
وضـآح : هيا فتره يجيني كدا ضغط وبعدهاا افل اهلها
اياد : دحين مافي ضغط ولك ساعتين لاوحني وانتا بتقلب بدي الاوراق
وضاح اخد الملف واتوجه للكنبــه اللي قبال المكتب وجلس عليها : ياشيخ سارت مشاكل من العمال اللي هنا فامضطر اصلح اغلاطهم
اياد : اهاا
وضـآح : وانتا لمتى حتفضل عاطل كدا
اياد : دام بيجيني كل شي جاهز ليش اشتغل ؟
وضاح : يعني مايكفي انك كازب على اهلك وبتقولهم انك بتدرس
اياد : ههههههههههههه ماكزبت عليهم انا كنت بدرس
وضاح : وانطردت من الجامعه
اياد : لازم اقولهم اني انطردت ؟
وضاح طالعلو بنص عيــن : لا مو لازم
اياد : قلتلهم دي اخر سنه واتخرج
وضاح : ولو طلبو شهادتك ؟!
اياد :الفلوس تسوي كل شي حشتري شهاده
وضاح : ومين حيبعلك شهاده قول تزووور دي تخش العقل
اياد : لا بلااش تزوير كدا مره انكفشت بدي المواضيع اتفقت مع واحد بجامعتي انو يدرس وانا اشتري منو الشهاده وحشغلو عندي خالي كماان بجده يعني ايش يبى اكتر من كدا فلوس ووظيفه !
ووضاح : عارف انو انتا حمار وهوا احمر منك
اياد : ههههههههههههههههههههه اي نو بس دا حلي الوحيد
وضاح : عليك مخ
اياد : اشغلو وقت الحاجه لاتشيل هم
وضاح قفل الملف لما دق الباب : ادخــل
دخل الرجال الكبير بسن واياد على طول كشـر : ايش تبى ياعم ؟
وضاح على انو معصب لما شاف الرجال بس ضحك على اياد : اياد خليك على جمب
العجوز قرب من الطاوله اللي قبال وضاح : طلبتني ؟
وضاح : مو شي طبيعي اطلبك بعد اللي سار ؟
العجوز : بس مو مشكلتي
وضاح صوتو علي بالمكــآن وفجع اياد والعجوز : لماااا تنسحب 750000 درهم من الشركككه وانتا المسؤول عن حسابات الشركه يعني حتكون مشكلة مين
العجوز : بسس
وضاح قاطعو بصوت جهوري: الفلوووس دي فيييين راااااحت ؟؟؟؟ ابى اععرف مين سحبها مو انتا
العجوز : لا مو انا انسحبت الفلوس زي ماعرف امس وانا امس ماجيت
وضاح : جيت في الصباح
العجوز : ساعه وبعدين انسحبت الفلوس في المغرب
وضاح : داا يدل على تقصيرك بالعمــل
العجوز : انا اسف
وضاح : انتا مفصوول
العجووز بردة فعل سريعه : لا الله يستر عليك ياولدي انا عندي بزوورهـ
وضـآح :وانا فلوسي طاارت مدري فينها
اياد بدخله عرض وهوا يهرج بتحليل ويحرك الكرسي وعايش اللحظه مره
: صح الفلووس اهم يعني عيالك حتصرف عليهم من اي مكان اما الفلوس كيف يعوضها
وضاح كان نفسو يضحك على اياد بس ماسك نفسو لأنو الموقف اللي محطوط فيــه مايسمحلو يضحك
العجوز شويا ويبكي : دي اخخر مرره انا اســف
وضاح سكت وهوا يفكر انو يخليــه بس كلام اياد خلاه يمسك في رايو
اياد : دي 750000 فين نصرف كلمه اسف تبى تتاسف ورح اتأسف لعيالك وقولهم ابوكم انطررد لأنو سارق 750000 من الشركه
العجوز : ببس انا مو سارقها
اياد : طيب عندك حليـن يانبلغ الشرطه وتروح المحكمه وانتا عارف قرارهم حيكون كم سنه سجن ولا تنفصل من شغلك دا وتروح تشوفلك مكان تاني _ طالع في وضاح وغمزله _
العجوز : اسمعوني
وضاح : انتا اللي اسمعني ياعمي انا اسف مالك مكان عندي بالشركه الله يعطيك العافيه على شغلك نشوفك ان شالله
العجوز طالع في اياد ووضاح بعيــون مدمعــه مو عارف كيف يطلب منهم
نفسسسو يترجااهم بس كرامتو ماتسمح
اتذكر بناته 4 وولدهـ
كيف حيصررف عليــهم بعد كداا
خـــرج من غرفة المديـــر وهوا بدون عقـــل ولا قال اي كلمـــه
دق جوآله وكآنت زوجتــه : سعيد انا في بيت اخـتي مر علياا


وسط الغرفه ضحكـــه تدل على حقارتــو : لاتخليهم يلعبو بعقلك لما تقولهم كللللمه خلاص سويها
وضاح : بس فكرت ببزورتو حززنت
اياد : يااشيخ كل الناس عندهم بزوره لا اول ولاأخر واحد عندوووو
وضاح : لو رجع كلمني ترى حرجعو
اياد : لاحووووول
وضااح : يحزن شوف عينو كيف مهما كان كبير بسن
اياد : اقوول يلا خلينا نخررج
وضاح : نص ساعه ونخــرج
اياد سند جسمو على الكرسي بتملل : طييييييييب

بطـــريقهم للبيــــت .. السياره طااغي عليــها الهدوووء .. معاها البي بي وتبى تشغل نفسها في اي شي
عشان لاطالع في وجههو اللي سار بنسبه لها مستفـــز لا اكتــر من مستفـــز تكلم صحبتها هنيده علـ بي بي
هنيده " ليش دحين معصبـه ؟ "
راما " مو عارفه احكيكي والله ببكي ياهنيده "
هنيده " ايش سارلك ياقلبي "
راما اتذكرت اللي سرلها شويا وتبكي بس ماتبى قدام اسامه " من اول يوم وخلاص حاسه نفسي مخنوقه ومو قادره اكمل "
هنيده " ايش سار معاكي ماعجبك المكان ولا احد ازاكي ولا ايش بزبطط "
راما " كل شي جديد عليا سارتلي مواقف تافهه والشباب هناك نظراتهم تقررف مو نظرات وبس ممكن يتريقو عليكي خلاااااص ماقدددر على كداا "
هنيده " حتصل عليكي "
راما " لا لاتتصلي "
هنيده "ليش "
راما "انا بسياره مع الكلب اسامه "
هنيده : مو قبل كم يوم متجننه عليه "
راما حاسه لو جلست تهرج مع صحبتها اكتر ممكن تبكــي " كنت .. برب "
دخلت جوالها في الشنطــه ..
اسامه : كويس
راما رفعت حاجبها : نعم ؟
اسامه : جهازك دا جديد ؟
راما باإستغراب : ايوا ليش ؟
اسامه : لا بس كنت ابى اعرف ليش ماسكته طول وقتك عرفت خلاص
راما من جوتها حريـــقه قدها منو : بهرج مع عيلتي
اسامه ضحك نص ضحكه استفزازيه بس: يعني هما كمان كدا ماسكينو طول الوقت !
راما ماردت عليـــه ..تحرك رجلها بعصــبيه نفسها تقوم تضربــه
اسامه : انتي اليوم اثبتي كلمه ارهابيه للعربيات
راما ماتدري هيا ماتفهمو ولا هوا دخلاته في الهرج دايما غلـط : ايش ؟
اسامه : يعني لما يجي واحد لكي تقومي تضربيه ليش ؟؟
راما وجهها حمـــر : حسبتو يبى يازيني
اسامه : إنو يعنننننني سااااب كل بنات الجامعه دحين وانتي بس اللي جازبتو ولاحقك للمكتبه
راما نظراتها كلها حقد : ماقلت كداا وبعدين ايش دخل ارهابيه دحيين
اسامه : بما انك محجبـه يعني واتهجتمي على ولد بدون سبب
راما اتفاجئت من تفكيره : ارهابيــه ؟؟عشني محجبه واتناقرت مع واحد اسير ارهابيه
اسامه : دا مو رايي اتوقع راي الاجانب اللي كانو حوليا
راما عدلت طرحتها ولساتها مصدومه : شكلك تتأثر كتير بكلام اللي حولك
اسامه كان بيفتح فمو بيهرج الا قاطعته راما لما رفعت يدها وباين انها مضايقه : لو سمحت انتهى الموضوع
ااسامه رفع حاجبه وكأنو ماعجبتو حركتها قال وهوا بس يبى يهرج كدا عناد : بكرا ماحتركبي معايا كل واحد يروح ويرجع لوحدو
راما : ودا اللي اباه
اسامه معاه جواله كالعاده وقال كلمه ماسمعتها مره لأنو صوتو واطي بس لقطتها
راما انفجرت : مع نفسسسك انتا اللي غبي ومتخللف كماان
اسامه رفع عينه من على جواله ومعقد حوآجبو : سلامات ؟!
راما : في الجامعه قلتلي غبيه ومشيت سكتلك بس على بالك لما تقولي هيا مره تانيه حممررها
اسامه سكت للحظات وبعدها استوعب ضحك من قلبووو علييها
: هوا اللي على راسو بطحه يحسس عليها كنت بهرج نفسسسي قلت الغيه مو غبيه
راما وجهها راح فييها من كتتر الاحراااج تبى تعدل موقفها االسخيف : عارفه انا بهرج عن الكلمه اللي قلتلي هيا بالمكتبه
اسامه رجع يضحك : طيب طيب _ سكت للحظات وبعدها رجعع يضحكك _
رامااا خلااااص شااااااابه ناااار من جواتها لو ماوقفت السياره قبال البيت كانت نطت فووقوو وارتكبت جريمــه فيــه


فتحت باب السيااارهـ وخــرجت جاااي بيخرج الا قفــلت باب السياره بوجهو ..
اسامه ضحك :هببله وربي

اما هيــآ سبــقتوو ولقت ميري قبالها : الغدى ح
راما قاطعتها : اتغدوو انتو انا مااابى _ كانت بتمشي الا وقفها صوتو الجهوري : مين مززعل القمر
راما ابتسمت بمجامله : ولااحد
جا جمبها وحط يدو على كتفها وقربها لحضنو : تخبي على عمــك
اسامه داخل والابتسامه على وجهو من يوم ماشاف ابــوهـ اختفت الابتســآمه ...راما لاحظت دا الشي
اسامه : السلام.
ابوه طالع فيه : وعليكم السلام .. تعرف ايش مــزعل راما
راما ضحكت باحراج : مو زعلانه ياعمو
اسامه : لا بتقولك مو زعلانه
ابو اسامه : اكييد ياراما ؟
راما اشرت براسها " اييوا "
ابو اسامه : يلا اطلعو غيرو عشان الغدى
اسامه مشي وهيا مشيت جمبــو يطلعو الدرجات مع بعــض ولما وصلــووو كل واحد لف بجهه ..
راما دخلت غرفتــها وهيا ناويــه ماتنززل دخلت الحمام تستحمممى واتخالطت الموويه بدموعهاا اللي نزلت فجأهـ
حــــــاسه نفسها مخنووقه ومكتوومه وكل شــــي ..
اما هوا دخــل غرفـــته وجلس على السرير ..مد يدو وفتح درج الكومديــنه خرج صورة امـــو
واتنهد بضيـــق لما شافهاا .. مو عارف فيــنهاا
اتأمل ملامحــهاا وعيونها اللي نفس لون عيــنه الزرقـآ ..
مـرت خمســه دقااايق وهوا يطالع بصوره بتأمل .. قد ايششششششش يتمنى ترجع وبس يحضـــنهاا..
كل مايشووف الصوره يكره ابوه اكتــر واكتـــر ...
رجع الصوورهـ مكـــآنـــهاا ..غير ملابســه ونزل اتغدى وكانت مو موجودهـ راما
ابو اسامه : يعني ماتبى ؟
ميري : يس مستر
ابو اسامه : خلاص سيبيها براحتــها ..
ميري : حاضـر
ابو اسامه وجه كلامو لأسامه : كيف كانت الجامعه لراما
اسامه : مدري عنها
ابو اسامه : ليش ماجلست معاها ؟
اسامه : بصفتي ايش البيبي ستر حقتها ؟
ابو اسامه : دي بنت عمك
اسامه: بنت عمي هنا مو بالجامعه
ابو اسامه : هنا وفي كل مكااان
اسامه عصب بس مايبى يرفع صوتو على ابووه : من النهايه يعني انتا ليش جايبها هنا ؟
ابو اسامه : عشان تكمل دراستها
اسامه رجع شوكتـو وسكيـنتو على الصحن : كان باإمكانك تدخلها في جده مكان ماتكون مايحتاج تجيبها لهنا
ابو اسامه بصوت عاالي : إزا مو عاجبتك جلستها في دا البيت اطلع براا البيت بنت اخويا تشيلها على راسك
اسامه وقــف : بنت اخوك محترمهاا عشانها ضيفه بس مو ملزوم اشيل احد على راسي ولا اسوي خير فيها تبى تسوي خير فيها انقلها لجامعه تانيه لأنو مو دا مستواها - خرج من الغرفه وابوووه بيربر ويصرخ اول ماخرج لقققى راما واقفه
وكأنها سمعت الكلام كلــو
لا شعوريا وقف مشي وطالع فيـــها ... اما هيا شمقت في وجهو بقـــهر وطلعت لغرفتها انسدت نفسها عن الغدى
اسامه مايبى يئنب ضميره ( مع نفسسها تستاهل مسويتلي محجبـــه وساكنه في بيت مافيلو غير ولد وابوه )

رجـــعت راما لغرفتـــها وقفـــلت الباب باأقووى ماعندهاا ..اتصلت على هنيده
ردت عليها هنيده : ايوا ياقلبي
راما بكيــت : هنيييده ابى ارجعع انا خلاص حتصل على بابا واقولو راجعه
هينده بردة فعل سريعه : انتي ايش فيكي اليييوم
راما هرجت باانفعال: مخنوقه والله دا اسامه مره حيوان اكرهو ياشيخه مو قادره اجلس هنا اكتر من كدااا والله مو قادره
هنيده : صلي على النبي ياقلبي واهدي قومي صلي ركعتيـــن دحين
راما : وبعدها حتصل على بابا واقولو برجع
هنيده : ياااراما مو عشنك معصبه تروحي تقرري قرارات زي وجهك
راما : من امس وانا افكر بدا الموضوع مو دوبي قررت
هنيده : ماحترجعي مو على كيفك انتي عارفه كم وحده تتمنى تكون مكانك
راما : بس انا مو مرتاحه هنا ايش اسسوي
هنيده : قولي لعمــك دا الكلام قوليلو ابى اسكن في سكن الجامعه
راما : ولو مارضي وبابا تقولي يوافق
هنيده : ابوكي واثق في اخوه لو عمك قال المكان مناسب خلاص روحي ولا ترجعي بطلي هببل
راما بتفكــير : مدري حشووف
هنيده : فكري عددل
راما : ان شالله

دخلت القـــآعه : معليش اتأخرت
مستنيها له نص ســآعه زفر وهوا يحاول امسك اعصابه لاتفلت منــو ويهزاها : ادخليي
دخلت وفسخت شوزهاا ورفعت شعرها زي مايقولها..
شغلها اغنيــه MAD NEYO : هيب هوب
رنيم كانت حطلع كل عصبيتها برقص بس الموسيقا ماتسمح : هوا انتا فاهم الموسيقا غلط ولا كيف
نزار كان دوبو بيجللس الا رجع وقف : انتي ايش مشكلتك ؟
رنيـم مو ناقصه تتضارب مع نزار يكفي هتان كدا قالت بتفاهم :مو قصدي شي بس في اغاني تدخل جو وتخليني ارقص احسن من دي
نزار : وانا كدا مابا ديك الاغاني لأنو ابى ادربك انو جسمك يرقص على اي شي احطلك هوا
رنيـم زفرت : طيب دحين انتا بتعلمني مو المفروض ترقــص وانا اقلدك ؟ زي عندك بالمعهد
نزار : انتي بتعلميني شغلي ؟ ارقصي بدون صوت _ رجع عاد الاغنيـــه وجلس على الكـــرسي _
وهيا بدات تــرقص
نزار عيونه على جسمــها بيشوف اخطائها عشان بعدين يعلمــها شغلها اكتر من اغنيه وهيا ترقــص عليــها
بعد ثلث ســآعه وقف الموسيقا : شوفي بكرا الصباح وحجيب قروبي حق الرقص حتشوفيهم كيف يرقصو اتعلمي منهم
رنيم باإستغراب : وانتا ايش شغلتك ؟
نزار مره اتنرفز من الجمله : شغال عند ابوكي ! شغلتي اني اعلمك بتدريج اباكي تتفرجي على راقصين محترفين وبعدها اسير اعلمك وابدأ معاكي بكرا ابكاي من بعد الظهر هنا
رنيم : ماقدر اجي بعد الظهر
نزار : وانا قلت بعد الظهر اباكي هنااا
رنيم : وانا بقوولك مااقدر عندي شغل مهم
نزار : مافي شي اهم من داا
رنيم : بنسبه لييك
نزار : مو فاهم كيف دي بتفكــر : ترا انا فوق دداا معطيكي فلووس على تعليمي ليكي وكمان مو مهم بنسبه ليكي
رنيم : لاتفهمنب غلط بس انو في اشياء في حياتي اهم
نزار وقف وقال بتعب : شووفي خلينا نتفاهم اي شي اطلبو منك تسوويه.. موضوع الرقص دا تقدميه على كل شي في حيااتك لاتحسبي انتي بترقصي في مكاان في ناس ممكن تصفقلك وتمشي لا ياستي كل اللي حيكون حاضرين ناس مهمه وممكن تتغير حياتك من هنااك تلاقي نااس تدعمك وتساعدك فاعشان كداا انتي حتكوني صوره لييا هنااك انتي فشلتي انا حتجيني انتقادات كتير فاعشان كداا اباكي تفتحيلي مخك وتركزي معايا
رنيم خافت من كلامه :كم يعني حيكونو هناك ؟
نزار : ماقدر احدد العدد بس حيكونو كتير
رنيم شبككت اصابيعها ببعض :ودي الحفله لايش
نزار : دي الحفله مجهزينها شباب الجامعه الامريكيه عشان يشجعو الناس للتبرع
رنيم بس سمعت اسم الجامعه لاإراديا قالت بصوت عاالي : اييييييييييششش الجامعه الايششش
نزار انفجع : ايش بك ؟
رنيم سارت تهرج بتلكلك : لا لا ماقدر بطللت
نزار : مافي شي يخووف
رنيم : مو على يخووف _ رجعت شعرها ورى اذنها _ بس خلاص مابى ماقدر قصدي
نزار رفع حاجبه :والسبب ؟
رنيـم خافت انو هتان يشوفها ولا شي : شووف غيــري انا مااشيـــه
جات بتخــرج من القااعه على طوول
وقفها صووت نزار : رنيــم إزا خرجتي من دا الباب مالكي رجعه
رنيم وقفت بتردد هتان ولا الرقــص
هتان لو شافها كدا ترقصص حيموتهاا لايييمكن تقولو
جا في بالها ردة فعل هتاان لو شافها تــرقص بدون تردد قالت : شوف غيـــري
نزار مافيييه حيييل يدور غيرها بس مع نفسسسهاا ...
رنيـــم لبســت شووزهاا وخــرجت من القــــآعه وهيا مو عارفه اللي سوتــو صح ولا غلـــط
الفلـــوس من فين تدبرهاا ؟
فكره تجيبها وفكره توديــها مو عارفه راسها من رجلها
ولا وقفتلها تاكسي تمشي وهيا تفـــكر بللي ممكن يســـير

اما نزار مفجووع جوآ ( ايش بها دي الهبــله ؟)

جالس على كرسيـــه الخشبـــي جمب البوابـــه
له كم ســـآعه يحس ظهره انفلــق من دي الجلســه رفــع يده وطالع بســآعته المشطوبه
الساعه 1 ونص اتثااوب بتملل النص السااعـــه تمشي بكل بطــئ
هلكــــــآن ونفســـه يــنام ,,,, بدون مايحس بنفســه غــفت عيــنه
فتح عينه مفجــوع على صووت شي طاااح في الحديــقه الخلفيــه
مافيـــه حيل يقووم يشووف ايش فيــه ( اكيـــد السوااق )) ..مايدري انو السواااق في ساابع نومــآ
وســط القـــصر لبــست الشوورت الاخضــر وبادي ابيــض محدد بالأخضــر ..مافيــها نوووم
: اجبلي اكل اتسلى عليه واشوف اي فلــم
قامت من على سريــرها ونزلت للمطبخ اخدت صحن كبير فشار والتاني شبـــس وطالعه بكل راااحه لغرفتها
الخدم كلهم تايميــن .. امهاا في غــرفتها
طلعت كانت بتروح لغرفتها بس لقتــ الغرفه إللي امها حاطه فيها كل الإكسسوارات اللي تصممها والاكسسوارات الناردة اللي تشتريهاا مفتوح شويا الباب وفيــه نوور خــآفت يتنــقل في المكــآن ..مره استغربــت
قربــت بخطوات تقبــله للباب دفت الباب برجلـــها وقالت : مام _ واختـــفى صوووتها وطاح الصحنين من يدهاا لماا شاافت واحد بيلم كل الاكسسواار بكيــس اسسود ولابس قناع اسود ولبسس اسوود _
الولد اول ماشافهاا انفـــجع دفاااهاا علـ ارررض وخــرج من الــغرفه جـــري وهوا مو عارف من فيــن يخــرج
طاااحت علـ ارض وصوت تنفساتها مسموووعه مافي اي صووت خــرج منهاا عيــونها على باب الغــرفه
بعد ماستوعبت إللي شاافتـــه صرخت صرخــــه هـــزت فيها اركاان القصـــر
امهاا خـــرجت تجـــري باإتجاهها
وهتــآن إللي بيروح لبيـته وقف مفجووع وهوا بيطالع على القــصر مو عارف يروح ولا ماله صلاااح
بعدها بثواااني معدوده صرخت ام اليـــن : حراااااااااااااااااااااااااامي
راااح جـــــري للقصــر دوبو بيــفتح البببباب الا خــرج واااحد من الباب ومسسرع دفاااااااه وكمل طريــقه
هتان مفجووع طالع في الولد وبعدها طالع بللي خارجه من القصــر وكانت تصرخ : امسسسكووو
هتــآن لحـــق الولـــد ووكآآن اســـرع حاول يمســكو بس مسك قنااعه وسحبــو ورماااه بالأرض
والولد حاول يججججري اكتـــر لأنو هتاان مره ورااهـ
هتـــآن بالقـــوه قددددر يمـــسك الولد من قفـــآه ودااااره وهوا ناوي يضــربه بس فتح عيــنه على وسعها : نضـال
نضال بس شاف هتان ارتخت يده وطاااح الكيــس علـ ارض مو عارف ايش يقوول
خــرجت ام اليــن والين عند باب البيت
هتاان بردة فعل سريعه وصوتو يــرجف : اضربني واشرد
نضال مع الجري كان يتنفسس بسسرعه ماقدر يسسوي اللي طلبوو هتاان
هتاان شد على كلامــه وقال بهمممس وهوا ماااسك اخوووهـ: نضال لايمسكوك
نضـآل رفع يددده ولكـــم اخووهـ اللي طااا ح علـ ارض وشـــرد وخرج من اسوار القصـــر
ام اليــن راحت باإتجااه هتــآن ونزلت جسمها لمستواه : سرلللك شي ؟
هتان حط يده على فكــه وهوا يحاول يخفـــي دمــوعه : لا وانتو سرلكم شي
ام الين طالعت ببنتها وبعدين وجهت كلامها لهتان : لا
هتان انتبه للكيــس اخدو ووقف : خدي الحمدالله ماسرق شي
ام الين : حتصل على الشرطه
هتان خاف على اخوه :خلاص مالو داعي مانسرق شي
ام اليـن : اخاف يرجع تاني
هتان : انا حجلس اراقبلكم المكان
ام الين وفي يدها الكيس : الله يعطيك العافيه ياولدي
هتان طالع بللي واقفه عند باب القصـــر ببجامتها النـآعمــه وشكلها الرايــق نــزل عيــنه وهوا بيحاول يغض البصر
اما هيا مع اللي سرلها حاسه نفسها متنحه طالعت في لبســهاا
وبعدها دخــلت على طوول البيــت وهيا مكسووفــه من نفســـهاا

دخـــلو وبقــي هوا عند بوابـــة القصـــر دمووعه محجره في عيــنه
دحيــن عـــرف من فيــن اخوه يجــيب الفلـــوس
دق جواله برقــم صحبة رنيــم " داايما رنيم تتصل عليه منو "اعطاها مشغوول
رجعت اتصلت عليــه مره تانيه واعطاها مشغوول
كااره نفسسه
كاااره عيشــته
ارسل لرنيم ( لاتتصلي ترا مو فااايق لأحد )
وزي ماطلب ماتصلت رنيــم وطبعا دا الشي ماكان يبــآهـ
كاان يبــآها تتصل
ويرد عليــها ويبكــي ويشتكيلها
يقوولها اخوويا حراامي
يقولها فلووسناا كلها حرااام
يقولها اشيااء كتيــر يبى يفضفض لأحـــد
بس مالقى حوليــه احد يشتكيــلو
دق نضااال عليــه ..هتان على طوول قفــل جوآله
بطــل ماحيرجع حتى البيـــت ...النوم اللي كان فيــه طار مع الصدمــــه ..



امــآ نضــآل خــرج من اسواار القــصر وركــب في سيااارة الفــآن اللي اتحــركت على طوول وبعدددت عن المكــآن
وســط السياره الـ 3 متحمسين ويحسبو نضاال جبلــهم اللي يبوووه
: كووووويسسس
: دي ملااايين ياااشببااااب
:ههههههههههههههههههههههه
جالس عل كنبــه بدون اي حرف
نظرات اخوه الصغير مرسوخه في باله
صوتــه وهوا يقولو " اضربني واشرد "
مو قااادر يشيل الصوره من باله
الولد : نضال فين الكيس
نضال طالع فيـهم : ماخدت شي
كلهم بنبرات غضب : لييييييييييييش
: كيييف مااااخدتووو
: رددد
نضــآل صرخخخ بعصبيهه : وووقف السياااره
: فين تبى ترووح
نضاال : ارووح فيين ماابى وقفوو السياااره ابببى انزززل
: اول شي تقوولنا ليش مااخدت اللي طلبناه
نضال بعصبيه قبضض يده وضربببها بقزاز السياره وقال بكل عصبيه: لاتفتحوو معاااياا داا الموضوع وقف السياااره بقووولك
الرجال انفجع دق كتف صاحبه اللي بيسوق : وقف السياره
نضال خرج من السياره وقفل الباب باأقوووى ماعنده والسياره مشيييت وهوا كمل طريــقه على الرصيــف
مشتــت تفكيـــره
..خرج جواله واتصل عى اخوه
مو عارف ايش يقوله
بس يبى يسمع صوته
دق وبعدها انقطع اتصل مره تانيه الجوال مقفـــل
جلس بطــرف الرصيـــف ونزلللت دمـــوعه
دا كاان حلو الوحيــد عشان يخلي اخوه يكمل دراسه
عشان يعالج ابــوه
عشـآن مايحتآج لشفقه الناااس
رممى جواله بعصبيــه في الطـــريق واتكسسر لأجزاااء
خلل يده بششعره وساار يبــكي بصووتـــه
مو عارف
يكمل بدا الطــريق عشان يعيشش
ولا يبــطل عشان اخوهـ
نظرة الفخــر اللي هتان كان دايما يطالع فيها له
حتــختفــي وماتبقى غير نظراات الاستحقـــآر
هووا سوا كل دا عشــآنهم مافكر بنفسسه
بـــس
مافكــر كيف لو عــرفو انو اللي ساندهم شغلتــه
" يســـرق من بيــوت الــنآس "




وقــف سيــآررتــه ونــزل كان داخل البييــت الا لقــى اخــوه جالس في الحــديقــه ..
قــرب للطاوله : ايش بتسسوي هناا
يزن دار راســه وطالع بمازن : طفشان
مازن جلس على الكرسي اللي قبال يزن : شوف انا عارف انو في شي سايرلك بس مني زيك حشري وحقولك ايش هوا
يزن : اتوقع دا الهرج دقه
مازن ضحك : هههههههههههه بزببببط يااخي مو عشان بيننا تواصل روحااني بتوقفلي على كل شي احس فيه وتتصل عليا
يزن : تواصل روحاني ها ايش بك انتا يعني اللي ماتصلت عليا اليوم
مازن : بس مره اتصلت قلت لو رد رد لو مارد بكيفو
يزن : انا مشاكلي على قدي
مازن رفع رجوله على الطاوله وخرج بكت الدخان : ايوا صح
يزن : هات سجاره
مازن خرج حبه وحط البكت على الطاوله : دا حشيش ياولدي
يزن : نااوي تتمســك من سيدي
مازن : يااشيخ العجوز دا احببه بس مستفزز والله
خــرج من البيــت اخوهـــم وانضم للطاولــه ..
يزن : كيف العاشق الولهان
نزار : متعبتلي قلبي
مازن : ههههههههههههههه دمها تقيل ماحبها
نزار : دمها تقيل ؟ انتا اللي تكسسف اقولك دي سهاد تروح تقول قدامها مشروع زواج ولا بس شكشكه ومسخره
يزن فررط ضحك ومازن اللي كان بيدخن سار يكـــح ويضضضحك
يزن : اما قلت كداا ياغبييي ؟
مازن : وانا ايش عرفني انو علاقتكم جديه مرره
نزار حاقد : بعرفهاا علييكم شي طبيعي حتكون جديه _ رفع يده ودف رجل مازن من على الطاوله _ اجلس عددل
مازن سند جسمه على الكــرسي : بلا قولي انا كنت ححنزلها
يزن : بكرا عندي حفله
مازن نفث الدخاان من فمــو : لاتقولي فيه عارضات ازياء
يزن : اييوا
مازن بترجي : والله احبك يايزن ايش رايك تاخدني معاك
يزن : ماقدر معايا بطاقتين بس
مازن : ايوا انا وانتا
يزن : لا ياخد معايا اي بنت
مازن بكل ترجي : ييزن ححضر بدالك المحاضرات لمدة يوم كاامل
يزن : لاتحاول
نزار حزن : بلله خدو معاك شوف وجهو كييف شويا ويبوس رجلك
مازن طالع بحقد لنزار : قول شي عدل ولا انكتم
نزار : هههههههههههههه
يزن : واخدك بصفتك ايش معايا
مازن : القيي حقك عادي اخوان وقيي حنسير ملفتين للإنتبااه
نزار ويـــزن طالعو فيــه مفجوعيــن وهوا فطسس ضحك : بهززر ياجمااعه _ لساتهم بيطالعوفيه باإستحقار _ خلااص بطلت ماحرووح
يزن : كوويسس الاسبوع الجاي عندي اعلان سياره مع عارضة ازياء فرنسيه
مازن : لاتوجع قلبي ياايزن
نزار : ايش دخل عارضة الازياء في السياره
يزن : مدري عنهم لسسه بعد بكرا حروح اشوف ايش يبو بزبط
نزار : ووافقت وانتا مو داري ايش حتسوي تبى سيدي يموتك
يزن : لسسسه ماوقعت يااشيخ على اي شي مجرد كلام بس اللي عرفت انهم يبوني
مازن : اخـ _ وانقطع صوتو لما طااح علـ ارض ودخل تحت الطاوله وهوا يقول _ الطاامه جاا
نزار ماافهم ومفجوع : ايش ببك يوااد
يزن طالع ورااه لقى سيدو خارج من البيــت وجايهم همس لنزار : سيدي جاا
نزار : وايش مسوي مازن ؟
يزن : بيحشش يامخ
نزار انتبه لبكت الدخان اخدو ورماه تحت الطاوله .. اما ماازن جالس تحت الطاوله ومدنق راسسه عشان المكان صغيــر
محششور حششر
سيدهم جا باإتجاههم وهما ابتســمولو باإصطناع : اهلا ياأولاد
الاتنين وقفــو وسلمو على يدوو : اهلا
سيدهم : فينو مازن عنكم ؟
نزار : مدري
يزن : دوبو كلمني دحين جاي
سيدهم جلس على كرسي مازن : اجل خليننا نستناه
مازن انقهر قرص رجل يزن : ايي
سيده طالع بيزن :ايش بك ؟
يزن ضحك مفجوع : ولاشي _ جلس وشاات ماازن برجلللو _
ماازن جاات الخببطه في راسسو (( اأأأي الله يحرقك يايزن )
سيدهم : ايوا وايش مسسوين ؟
نزار : كويسين
يزن : تماام
الجد خرج الجوال : خلوني اتصل على ماازن داا اشوف فينو
نزار بردة فعل سريعه : تلاقي بطريق مايحتاااج
الجد مصمم يتصل : اتأكد فينو
يزن : يااسيدو ماتعرفو كييف يكون مسرع بسياره لو سمح الله رد علييك يعني وهوا مسرع وسرلو شي بلاها تتصل
الجد طالع فيهم مشك : في شي ؟
نزار ويزن على طول : لا طبعا
الجد : طيب اسكتو
مازن تحتت الطاوله ومو عارف ايش يسسسوي خـــرج جواله وحطو على فــخذ يزن
سيدو دق الجوال ويزن رفعو ورسم على وجههو ابتســآمه : وا الجوال عندي
سيدو قفــل : اتصل على جوالو التاني
مازن خرج جواله التاني واعطاه ليزن ..يزن حط جوالات مازن على الطاوله : حتى التاني عندي اخدتو منو لما كنا بالجامعه
نزار بتصريــفه : اهاا عشان كدا اتصل عليا من جوال صاحبو
يزن رفع حاجبه الاتنين وبيأيد اخوه: ايييوا
مازن تحت الطاوله ومتربع ويضحك على اخوانــه جالس وعلى يميــنه رجل يزن ويساره رجل نزاار وقباله سيدهـ
انتبه للسجاره إللي لساتها بيده وقدها خلاص بتخلص ماهان قلبــه يطفيها كداا ..
حطها بين شفتوو وسحب من قلبـــه وبعدها خرج الدخاان وانفجع ساار يهف بيدوو وفموو مع الفجعه يبى الدخان يختفــي
جدهم : ايش دي الريحه
نزار شااات مازن برجلــه ويبااه يهجـــد :
يزن بيشم : مافي اي ريحــه
الجد : لا شامم ريحه غريبه
نزار طالع بيزن : مو ريحة عطرك دي الجديده
يزن : اهاا ايوا عطري دا _ ملامحو اتحولت للقرف _ مره ماحبيتو بس مضطر اعلن عنو
نزار يبى يجيب هرجه عشان سيدهم ينسى هرجه الريحه : ايوا مع العارضه الفرنسيه اللي دوبك قلتلي عليها ولا دا شي تاني
يزن : اييوا بزبط دي هييا
الجد يتحسس لما يجيبو سيرة البنات : وايش حتسسوي مع دي الكافره
يزن : استغفر الله ياسيدي مايسير تقول كداا
الجد شد على كلامـه : المهم ايش حتسسوي
يزن مو عارف ياألف وفاشل بتأليف : قالولي ب ارفع العطر وهيا تبتسم وتغمزلي و
نزار فرط ضحك : دا اعلان دحين
يزن بنظرات حقد لنزار يباه يساعده قام يضحك علييه : ايوا اعلاان يكفي انا فييه
الجد دام البنت ماتقرب من يزن ولا في لمس عاجبه : ايوا حلو خلي كل اعلاناتك كدا وحكايه الغمز دا مالو دااعي
نزار لساته يضحك : ايش الاعلان السخيف دا طيب ماسئلتهم ترفع العطر بيدك اليمين ولا اليسار
مازن تحت الطاوله ووجههو محمـــــــر يبىى يضحـــك وماااسك نفســـه
يزن حقد : نزار انكتم
مازن كان بيطفي السجاره نزل يده بيطفيها بالأرض الا انتبه ليد سيدو يحك فخذو (( اااه ياسيدو ياجرباان ))
نزاار قدم رجــلو وماازن ماطالع في المكان إللي بيحط السجااارهـ
فعصصصها بكل قوته على رجل اخووووووه اللي قااام من مكــــــــآنه يصصصرخ بكل صوووتـــــــه :آآآآآآآآآآآآه
يزن وسيدو انفجعو ووقفو معاه : ايشش بككك
مااازن انفجع : او ماي قااد
نزااار باألللم : رجللللللللللي اااي رججلللي _ رراااح وهوا رافع رجل وينط برجل وحده باإتجااااه المسبــــح دخللل رجلللللو في المسببببح _ آآآآآآآآه

جدهم بخووف : نزاار ايشش بك
نزار وحيفضح مازن قال بكل عصبيـــه : حرقني الكللب دا اللي تحت الطاااوله
سيدو : كللب ؟!؟! ميـــن !
خرج رجلــو من المسبـــح وهوا يحـــس رجلـــو تحــرقو بشششكل فضيـــع : مييين يعننني شووف مين تحت الطااوله وانتا حتعرف
يزن يهدي : نزار ايش بتخررف اجللس دحيين اجبلك شي لرجللك
نزاار اتـــوجه للطاوله : داا اللي بنقوولك علييه براا البيــت شوفو هنــآ _ دفففا الطااوله وطاحت عل ارض ومافي شي تحتها _
يزن فتح عينه ( وي فينو دا ) جا باإتجاه نزار وحط يده على كتفو ودفاه على الكرسي : قلت اجلللس وارفع رجلك اششوف
نزار رفع رجله على الكرسي التاااني وهوا يشووف صبااعــه الكبيــر محفوور ومحروووق
الجد مو فاهم اي شي بس همو دحييين رجل نزاار سحب كرسيه وجلس جمب نزاار : من ايشش دااا
يزن برده فعل سريعه : ماندري
الجد : كيف ماتدرو دا حرررق كييف اتعووورت



اما مــآآآزن اللي داااخل البيــت جــــري وطاالع الدرررررج وهوا يشششطح بعض الدرجااات

رجلـــو انتنت وطااااح على وجهـــو وانفرش فرشـــه على الدرج ...رفع رااسه اللي انصقع بدرررجه
وماقدر يقوووم يحس اسنانه بتتكسسر وخشموو طقق عييونه دمعــت مع الضربه
ووقف وهوا يحررك اسناانه يبى يشوفها سليــمه ولا لا(( حسبيه الله علييك يانزاار ))
طلع الدرجات بهدوء وهوا يحرك خششمه وبيتأكد كل حوآسسسه تمااام
دخــل غرفـــته ولبـــس بجــآمــه ونززل جــري لهم لما وصل عند الدرجه اللي طاح فيها مشي بهدووء
خــرج الحديقه وهوا يتمطــع : انتو هنااا
نزار طالع فيييه بحقـــد وهوا ماااسك نفسسه لايلعنه
مازن عقد حوآجبه : ايش سرررلك ؟
يزن بيحط مرهم على الحرق
جدهم : انتا متى جييت ؟
مازن : من ساعتين بس كنت بزاكر بغرفتي
الجد : خلييكم زييو وانتو جالسين هنا طول وقتكم ونااسين اشغالكم
مازن يصطنع االبرائــه
: سيبك منهم ياسيدو دول طول حياتهم مشغوليين واحد برقص والتاني باعلانته والازياء اللي مالها داعي
الجد بفخــر : انتا اللي حترفع رااسي
نزاار شد على كلامه : اييوا مررره حيرفعو
يزن : والله ياسيدي مو عارف ابكي ولا اضحك على كلامك داا بس حتشوف بنهايه فين حوصلك مازن
نزار نزل رجله من على الكرســي : خلاص يكفي
جدهم : انا واثق انو مازن حيسوي شي افتخر فييه
مازن ( لا مو لدي الدرجه ) : سيدي لاتششطح مره
الجد : يلا يلا قومو نامو _ مشي _ انا رااايح اناام تصبحو على خيـر
مازن : وانتا بخير ياجدي العزيز
الجد : هههههههههه _ دخل البيت _
ونزار صرخ على ماازن : انتا تستهببببل ولا كييف
مازن يهرج بضعف : والله ماكان قصدي حسبتها الارض وبعدين سيدو بيسوي حركات اغراء تحت الطاوله كدا مانتبهت دي رجلك ولا الارض
يزن : هههههههههههههههههههههه
نزار عض على شفتو بقهــر : وربي نفسسي اقتلك
مازن :come down خليك ريلاكس وبلاش الانفعالات دي
نزااار بانفعال : حرررقتلي رجللي وتقوولي خلييك ريلاكس تستهبببل
مازن : هههههههههههههه والله معلليششش
يزن : خلاص انتا على هواا
ماازن بمززح قرب منو وبااس راســه الا نزار دفااه : ياشيخ ابعد عنني
مازن : دا جزاتي اصلا
نزار وقف : راايح اناام _ كشر _ يحرققني الله يصيبك
مازن : تباني انفخلك عليه ؟
نزار بنظرات وشويا يقتلو
مازن خاف رفع يدو باأستسلام : والله بمزح
رااح نزار ...
يزن : انا برضو حنااام _ اتذكر _ اتصلت على البنت
مازن : نسيت
يزن رمالو جوالو : خد اسمها مسجل ب رغد
مازن : ماحبيت الاسم
يزن باأمر: البنت اخلاق فابلاش تستعبط على راسها
مازن بكل تسليك : حااضر
يزن راح ومازن نقل رقمها من جوال يزن لجواله واتصل عليــها
ردت عليه : الو
مـآزن : اهلين
: مين معايا ؟
مازن : انا مازن
رغد عرفت على طول مين بس تستعبط : مين مازن ؟
مازن : اللي نومت عندك قبل كم يوم
رغد : اهاا
مازن : معليش علي سار
رغد كانت بتقول لا عادي بس حاسبت على نفسها : امم اوك
مازن : عرفت إنو باقي اشياء ليا عندك ؟
رغـد : ايوا استحيت اتصل بس خوفت انك تحتاج الاشياء دي وتنسى فين حاطيتها
مازن : تستحي من ايشش احنا عاد بيننا سرير
رغد لو انها بشخصيتها كانت ضحكت بس دامها تصطنع البرائه قالت : نعمم ؟
مازن انفجع : It's just a joke
رغد : اهاا على فكره قلتلك هيا قبل كدا بس خليها في بالك انا مادخلتك بيتي الا عشان شوفتك بديك الحاله
مازن بتسليك وكل انواع الثناء رصلها هوا: طيب مشكوره يااستي كتر الله خلييك ويكتر امثالك بدوله
رغـدد حستو يتريق بس طنشت ماتبى مضاربه ولا مناقره : المهم
مازن : ايوا المهم !
رغد : اغراضك ؟
مازن :بكرا في الليل
رغد مسويه مره ماتسهر في دا الوقت : نو خليها في العصر
مازن كشر : زي ماتبي
رغـد : يلا انا بروح انام
مازن : اوك وانا كمان باي
رغد : باي
رغـد قفلــت منـــو وكانت بالجهه المقابله للكبريــه ابتســمت : رايحه انام ههههه
ودوبــه بدأ يوومــها وسط دا المكـــآن ...


جالسسه في غــرفتها وبعيــده عن ازعــآج البيــت .. تمشي في الغــرفه وتهرج بالجوال وكالعاده الكدب صفه تتميز فيها
: شادي ايش دا الهبل ... نو اصلا ماحب اشتري من اي مكــآن ..مخييم في الاجازه ! مو من جدكم مرره قرف والله سوري بس انا اصلا بالاجازه اروح عند عمي في فرنسسا ... زوجتــه مصممه ازياء مره خطيرهـ معروفه هيا هناك .. عيد ميلادي قريب بس انا قلت لماما دي السنه لاتسويلي عشان انتا قلتلي متكفل بكل شي ... بكيفك بس خد في باالك بابا وماما يصرفو ملايين فيها
انا بنتهم الوحيده زي ماتعرف .. ههههههههههههه دقيقــه واتصل علييك _ قفلت وراحت فتحت الباب بعصبيــه وكان اخوها لؤي شايل اخته اللي عمرها 11 شهر لما وهيا تفرفر بكــى
لانا بعصبيه : خيـــــررر
لؤي بالقوه بيحاول يمسسك اختوو الصغيره : ماما وبابا لدحيـن ماجوه ولما مسخنننه
لانا : يعني ؟
لؤي : تعالي شوفي ايش فيها
لانا تهرج بهدوء بس ممزوجه بالعصبيه : دحيين داق عليا باب الغرفه عشان تباني اجي اشوف ايش بها ؟
لؤي باإستغراب : اييوا !
لانا حطت يدا على خصرها وواقفه بتملل: انا اقولك ايش بهاا مسخنه شويا عشان كدا بتبكي _ حطت يدها على الباب وتبى تقفلو _ عرفت دحين ايش بها ؟
لؤي طالع في وجه اختو الصغيره وشويا ويبكي قال بترجي : لأانا طيب اتصلي على ماما قوليلها ترررجع
دق جوال لانا بيدها طالعت بشاشه وابتسمت قفلت الباب بوجه اخووها ودخلت جلست على سريرها
: هاااي سوسو
سوسو تهرج بالازعااج: اهليين لانوووش بسسرعه تعااالي
لانا : فيين اجي ؟
: اخدتلك بطاايق لحفله فضضل شااكر بســرعه تعاالي
لانا : وي كيف قدرتي تدبريها
: هههههههههه لاتزكريني دحين تعاالي بيبدأ فضضل
لانا قامت من على سريرهاا تعشق فضل شاكر : ثوااني واكوون عنندك
راحت جري لدولابها خرجتلها ملابسس لبسست واتشيكت وخــرجت من غرفتهاا نزلت الدررج جري ولقت اخوانهاا متجمعين حول لما الصغيره
حاطينها بالأرض ولؤي ولينا وليان حولينها وماسكين الالعاب يبوها تضحك
لينا : لانا اخيرا جيتي
لانا مشيت من جمببهم ولا عبرتهم خــرجت من البيت ومافراسها غير فضل شاكر
ركبت سيارتها وانتبهت لجوالها يدق تحسب صحبتها الا لما شافت " ماما " رمت الجوال باإهمال وشغلت السياره
اليوم عشرات المكالمات من امها وابوها ولا ترد عليـــهم
امها ماملت كل شووويا تتصل لانا طفشت وردت : اييوا ياماما
امها في السياره : لوؤي اتصل علييا بيقوول لما تعباانه
لانا : انا برى البيت ارجعي شوفي ايش بها بنتك
امها :انا ساايبتك مع اخووانك تخرجي وتسيبيهم
لانا : ماشالله ياماما دول يشيلو بيت بكبرو ماحيسرلهم شي وبعدين لما مع لؤي مو يعرف يتصررف
امها بعصبيه : حسبيه الله عليكي يااالانا
لانا : مو انا جلست معاهم 3 ساعات بس انتو اتأخرتو ماسارت خرجه
امها : خلاااص دحيين راجعيين البيت
لانا : كوويس يلا انا بقفل بسسوق
امها : وكيف تخرجي من غير ماتستأزني
لانا : سوري بس نسيت سوسو دبرتلي تزكره لحفله فضل شاكر
امها بعصبيه : مع سلااامه ياالانا
لانا قفلت بدون ماتهتم لنبرهـ صوت امــهااا


في السياره الــتآنيه بيسووق وعقله مو معاه 
هيا قفلت الجوال : لانا دي حتجنني بلله ياسعييد اسررع لما تعباانه
سهيد بصوت شبه مسموع : ان شالله
ام لانا : خلاص حبيبي مايسير تسوي في نفسسك كداا
سعيد اتنهد بضيــق : ماليا نفس حتى ارجع البيت
ام لانا : مو وقته دا الكلام دحيين بنتك تعببانه خلينا نوديها المستشفى
ابو لانا زاد سرعــه السياره


تحت اجوواء الغنـــى يغني فضـــل شاااكــــر علـ مســـرح 
وهيا بين الجمهـــور تتمايل مع صحبتها ويغنو بهدووء ورمنسيــه مع فضــل وزاد صوت الجمهور لما فضل وجه المايك للمجمهور يكملو الاغنيــه :روووح حبيبي روووح شو بدك فيي انسااني اترككني لحااالي يااحبيبي رووح بيكفي جروح انا كنت نسيتك شو اللي جابك على بالي
لانا صرخت بحمااس : فضضضضضضضضضضل احبببببببببببببببك
سوسو ضحكت : اسكتي ياهببله
لانا حطت اياديها على خدها وتهرج بصووت عالي : يجننن يانااااس
سوسو تهووي بيدها على وجهها : حررر
لانا مو مع صحبتها مره فضل شاكر خلص الاغنيه وهيا صرخت: وااااااااااااااااااااااااااااااا
سوسو رفعت شعرهاا مع الحــر دا : اوووف
لانا دق جوالها رفعتــو لقت رقم امهاا ..ماردت اول مره دق رقــم ابــوها عليها
لانا : اوووووووف ايش ساااير دحيــن .
ردت بس ماكان صوت ابوها كدا استغربت ...المكاان ازعاااج حطت يدها على ادنها التانيه : ميين معااايا ؟؟؟ ... ايوا انا بنتــو ؟! .. مستشفى ؟ _ دارت وسارت تمشي وتدف النااس وهيا مو مستوعبه اللي سمعتو _ ايش بتقوول انتااا ؟
طاح الجوووال علـ ارض من الصدمـــه وواقفه مكانها ولا اتحركت مع الزحمــه سارو يدفووها جاا وااحد صدمها بقووه وهوا مره متفااعل مع فضضضل كااانت بطيــح الا مسسكها : انتبببهي بئااا
طالعت فييه ودموعها في عينها بس مانتبببه الولد ..سارت تدف اللي قدااامها وتببــى تخررج من المكــآن
تبـــى تووصل لسياآرتـــهاا .. صحبتها تمشي ورراها وبتناديهاا بس لانا بدي الحاله
طريقها مغبشش من الدموع اللي بعيوونها
والشي الوحيد اللي سامعته صوت الدكتور وهوا يقولها "بيك وامك سارلن حادث "


_______ 
جــآلســـه في غـــرفتـــها بس مو زي العاده لوحدهاا وطفشششانه وماتهرج مع احد
منــسدحه على سريــرها وضحكتها في الـغرفه كلهاا : هههههههههههههه لااا يامروان ماحب كدااا
اما مـروان في سطووح بيـــته ورايح جااي تحت الجوو البـآرد والابتسامه مو مفارقــهه وجهـو : طيب ايش تحبي
شادن بتفككيــر : امممم مدري بس مو زي ماقلت
مروان : قراتي النكته اللي ارسلتلك هييا
شادن بس اتذكرتها رجعت تضحك : ههههههههه مره ضحككتني والله عارف قلتها لرودينا ماضحكت قلتها لماما برضو ماضحكت مره استفزوني
مروان خلاص اتعود عليها وسار يهرج طبيعي وبعيد عن السطحيه قال بتحليل زي عادتـه : يمكن انتي ماعندك روح الدعابه او تعابير وجهك ماتسااعد يعنني الواحد يدخل جو في النكته يعني ماتعرفي توصليها
شادن سكتت وهيا مفجوعه من كلامـــه ماتدري دا بيمزح ولا بيهرج جد بس نبرة صوتــه كانت مره جديــه
واللي قهرها اكتر لأنها حست تحليله صح
مروان حس بسكاتها وحس انو زودها كالعاده بكلامه ماصدق يوصلها وحيطرها بلسسانه المفلوت :شادن !
شادن صوتها باين انها زعلت او مصدومه : نعم ؟
مروان : سوري على كلاميي
شادن : طيب
مروان حسها زعلانه : اسف من جد مو قصدي شي بس انا كدا دايما احلل واجيب كلام مدري من فيين
شادن ضحكت وهيا ماتبى تبين انها زعلت : لا وي عادي
مروان : مو زعلانه
شادن : لا مو زعلانه
مروان : اكيييد ؟
شادن ضحكت : ايوا
مروان : كوويس والله قلبي يدق بسرعه ههههههههههه
شادن : وليش دا كلو !
مروان : ياشيخه انا اللي يزعلو مني بسبب تحليلي السخييف داا فاحسبتك حتزعلي كماان
شادن : ههههههههههه لا مازعلت بس انفجعت
مروان : وليش يعني
شادن رفعت يدها لشعرها وتلعب فيه وقالت بصراحه زي عادتها : لأني حسيتك بتهرج من جد عني
مروان ضحك : ههههههههههههههههه مو دي مشكلتي التانيه
شادن : انو الناس يزعلو منك لأنك صادق يعني ؟
مروان بكل براائه : والله نيتي اني بحلل مو شي تاني بس هما يزعلو لأنو كلامي صح واوصلو بطريقه هبله
شادن عجبها صراحتو وكلامو وكل شي : بالعكس وصلتو بطريــقه خلتني احسس انك تعرفني سنين خوفتني والله
مروان : ههههههههههههههههههههه
شادن : مو كأنو الوقت اتـأخر ؟
مروان : طرده محترمه دي
شادن : هههههههههههه لا مو قصدي بـ
قاطعها مروان : عادي عادي خلاص حتى انا بناام
شادن : اوك
مروان : قبل لاتنامي ممكن اطلب منك طلب اخير
شادن باإستغراب : اطلب
مروان : البسي بكرا تيشيرت وردي
شادن ضحكت بخجل : ليش يعني
مروان : احب اللون دا عليكي
شادن بتقــل : افكر
مروان : اتقل يامعلم
شادن : نعم !
مروان حس بنفسو : امم سوري للمره التانيه
شادن اتغطت بلحاف : ههههههههههه ترا كلامك يفجعني بعض الاحيان
مروان بطلع عذر لنفسه : قرووبي كلو شباب فاإسلوبي مو مره شي مع البنات فااستحمليني شويا
شادن : حنستحمل
مروان : كويس .. يلا نامي كويس
شادن : اوكـ
مروان : تصبحي على خيـر
شادن : وانتا بخـير .باي
مروان : باي _ قفل منها ومع الفرحــه رقـــص اختو دوبها دخلت عليه وانفجعت _
: مروان سلامات !
مروان وقف رقص مكسسوف ومفجووع بنفس الوقت : بسم الله من فين جيتي
اختو بكل برائه اششرت على الباب : من هنا
مروان كششر : احلفي
اختو مستمره : والله
مروان جا لحدها ورمالها كلمه وكمل طريقه : هببله
اختو تشردح : والله مدري من فينا الاهببل وجالس يرقصصص بكل حمااس كأنو اول مره يكلم بنت
كان ماشي ووقف مشي وطالع فييها : انتي كنتي تتنصتي !؟
اختو : لا انتا اللي مبسسوط زياده عن اللزوم وصوتك مره عاالي
مروان : كنت اكلم صااحبي بس امشي من هنااا
اختو ضحكت بحقااره : تكلللم صاااحبك هااا ولما تكلم صاحبك تقولو البسلي وردي !
مروان مرره حققد قال بقهر : اقول يامنقل خليكي في حالك
اختو مرام مره تنقهر من دا الاسسسم : منققل في عييينك ياحيييوان حتعرفك بعدين على حقيقتك وتسييبك يامنتف
هيا تبربر بكل صووتها وهوا نزل وسابها تكلم نفسسسسهاا ...


نهاية البارت اشوفكم الربووع الجـــآآآي ... 
ابى ردود طوويلــه