اشتعال السحب الفصل ال 19

كيفكم ان شالله يعجبكم البارت الـ 19 دووبي مخلصــه منو يادوب قدرت اكتب 

لابســه عبــآيتها السودآ والطــرحه على شعــرها باإهمــآل حــآطه مكــيــآج مرا اوفــر بذت لدا الوقت ولدا المكـآن
وشايله على كتفها شنطتــها الحمــرا
قربــت لعندو : تباني اخــرج
اياد وقف : هنــد اكسري الشر وارجعي بيتك
لانا جالسه بالكــرسي ومصدوومـــه هيا جــآيه لواحد متزوووووج ..!
شدت على الشنطه ورجولها مو قادره تشيلها
اياد : ايش تبي
هند : سمعت انك هنا وجيت اطمن عليك
اياد : أهو شوفتيني مافيا شي
هنـد قربت منو : ومين دي اللي عندك
لانا حاااسه نفسسها وقحــــــــــه وهيا هنا قامت بردة فعـل سريــعه ومن جواتها شابه نااار
تتخيل لو انها هيا في مكان الحرمه
زوجها في المستشفى وتلقى عندو بنــت
وبنسبه لها انصدمت لأنو شكل اياد ماهيئ انو متــزوج
اتوجهت للسرير ونزلت لينا : امشي يلاا
اياد طالع فيــها : لانا اصـبري
_ دوبو بيمد يدو الا لانا مالت بجسمها بعيد عنو وطالعت فيه بجديه واحاولت ماتسوي مشاكل _
طالعت بالبنت : اسفه على الازعاج
لينا : ايششش فييي
لانا تجرهاا من يدها : امممشي عددل
اياد : لاناا اصبببري
فتحت باب الغرفــه وخرجت بقمة غضبـــهاا


في وســط الغرفــه ...
اياد كآن بيلحق لانا الا هند وقفت قبالو : مين دي كمان
اياد عقد حوآجبه : انتي ايش جايبك هناا
هند : حبيت اطمن
اياد : انا قلتلك ماعاد ابى اشوف وجهك اتوقع طلاق وطلقتك
هند : ابى فلوس
اياد : انتي جايه علشان كدا
هند : ايوا
اياد : وبصفتي ايش اصرف عليكي !
هند : زوجي السابق
اياد : اقول ولي من هنا لاأناديلك امن المستشفى .. _ مشي وهوا يهرج بصوت عالي _ دا النااقص

فتــح باب الغرفـــه وخــرج يدوور على لانــآآ
مايبااها تفهم غلــط
يطالع يمين ويســآر اتوجه للمصــآعد وشافها واقفه هنــآك دوبها بتدخل الا هوا سبقهاا ومسك لينا وسحبها
لانا دارت مفجوعه وشهقت ولما شافت اياد اختفى صوتها خافت حسبتو رجال تاني
اياد خلى لينا جمبو : ارجعي الغرفه
لانا مسكت يد لينا : سيبهاا
اياد : امشي بهرج معاكي
لانا ملامحها طاغي عليها الجديه : لو سمحت سيبهاا
اياد شال لينــآ واتوووجه للغرفـــه مافيــه حيل يووقــف فاأختصر الهرج الكتير
وعارف انو حتلحق وراه غصبا عنها عشان لينــآ
لانا بخطوات سريعه ورا ايااد وتناادي علييه بحزم : اياااااد سيبهاا ...اياد بقوولك سيببهاا ..ياإياااد
اياد دخل الغرفــه وهند كانت لسى فيــه ولانا اول ماشافتها وقفت عند الباب ولا دخلــت
اياد : هند بقولك اخرجــي
هند طالعت في لانا من فوق لتحت : مين دي
اياد : لاحووول _ على صوتو بعصبيــه فجعت لانا وهند ولينا _ بقووولك اطلععي برا لحسسن حتشوفي شي مايعجبك
هند شمقت : خااارجه خــلاص بس حنتفاهم بعدين
هند مرت من عند لانا ووقفت ابتسمتلها وقالت بحقاره : شكلو الدور عليــكي
اياد عصبـ : هنــــــــد
هند خـرجت ولانا مفجووعـــه
اياد اشر على لانا : ادخلي واقفلي الباب وراكي
اياد دخلل وحط لينا على السرير
ولانا اتوجهت له ومسكت لينا تبى تنزلها الا اياد مسكها : ايش ببك انتي
لانا تهرج بدون ماتطالع فيــه وهرجت بعصبيه : انا ابى امشي ممكن تسيب اختي
اياد : دحين ليش بتهرجي كدا
لانا : ولاشي
اياد سكت للحظات وبعدها قال : تراني مطلقها
لانا الجمله ريحتها بس برضو مولعه ماتوقعتو قد تزوج
جو غريــب اللي بيسير بينهم
هوا بيشــرحلها السبب مع انو مو ملزوم
وهيا تبى تسمع السبب مع انو مايعنيلها
اياد : لانا والله مو متزوجها قصدي اتزوجتها حق يومين بس
لانا هنـآ طالعت فيـه مفجوعه : اهااااا عشان كدا قالتلي شكلو الدور عليكي شوف ياإياد انا مو من دول البنات اللي تبى تلعب على راسهم جيت اتحمد لك بسلامه وماشيه ولاعاد حتشوف وجهي تاني فاممكن تسيب اختي وتخلينا نمشي من هنا
لينا بينهم مفجووعــه ومطموومه
اياد : اي بنات اللي تقصديهم ؟!
لانا : ترا انا عارفه انتا ايش فابلاش تعيش الدور
اياد مو فاهمها : دور ايش انتي ايش بتخرفي ؟!
لانا رفعت شطنتها على كتفها وقالت بجديه : لما روحت الشاليه ماشالله المكان _ باإستهزاء _مرا كان خطير وعارفه ايش نوع الحفلات اللي بتسير بدي الاماكن وانتا انسان طول يومك شرااب وقرف وكمان طلعت تتزوج حق يومين وتلاته وانا انسانه مابى مشاكل اللي فيني مكفيني عشان كدا الله يخليك ابعد عن طريـقي وسيبني امشي من هنا بدون مشاكل
اياد ماتوقع كدا نظرتها عنو ساب لينا بهدوء ولا بالسحبه اللي سواها براا وقال بتردد : اوكـ
لانا ماتوقعت يسيبها على طول كدا .. حسسها بردة فعلو دي انها غلطانه من ناحيتو
دقات قلبها الشي الوحيد اللي بيوترها بدا الجو
اياد شافها لساتها واقفه مكانها : ها خدي اختك
لانانزلت لينا من السرير
اياد طالع في لينا وبعدها بلانا : لانا
لانا كانت مستنيه اصلا انو يهرج مع انو تبى تخرج
شعوور مرا غبي تباه يهرج وماتباه يهرج
ماتدري ايش تبى بزبــط
لانا سوت انها متكرنه : نعم !
اياد مسك رقبتو فتح فمو بيهــرج :آ _ رجع قفل فمو كآن بيقولها انا مو كدا نظرتك فيا غلـط بيشرحلها اي شي بس كعادتو يرجع مايوضــح _ ولاشي خلاص
لانا ماتدري ايش فيــه سحبت يد ليناا
لينا رفعت يدها التانيـه واشرتلو : مع سلامه
اياد ابتسم بصعوبه للينا : سلام
لانا خــرجت وحااســه انو كان بيقول شي بس سحب كلامــوو
ايش في اللي سواه
هيا المفروض تعذرو
سمعت عن مصايبو مع ابووه
تدري ايش اللي بيمر فيـه
وهيا كانت اسووء منــو
كآنت زمان برضو لها مصـآيب
يعني لاتتهجم عليــه بدا الاسلووب
ماكانت تبى تخـرج
ندمت على كلامها
لو جلست وفهمت منو احسن من انفعالها
مشيت في الممر وابتسمت لما اتذكرت جملتــو " لانا والله مو متزوجها "
كآن بيوضــحلها
اانبسطت لأنو وضحـلها اكيد التوضيح له سبب معيــن
اتذكرت رودينا " طيب ديك ايش تسرلو "
جا في بالها برضو جملة هند " شكلو الدور عليــكي "
مرا خافت من جملــتها
اياد من وجههو يباان انو صــآيــع
ينخااف منو


اما ايـآد جلـس على الكنبــه يعني يعتبــر لانا اول وحده تتعرف عليــه
من دون ماتعرف مصــآيبــه
واليوم لما عرفت بس انو متــزوج ومطــلق كدا نفـرت منو
اجل لو تعرف مصــآيبو التانيه ايش ممكن تســوي
مشكلتو انو يرتـآح لها حاسس باإنجذاب
يحب البنت اللي تكون تقيـله
انسـآنه لايمكن يلقى زيـها مربيــه اخوانها بدون اي مساعده من احــد
متحمله شي فوق طاقتـها
اتذكر يوم ماكانت تبــكي في الشــركه
بكاها كان يقطــع القلب
واكتر شي لايمكن يشيلو من بــآلــو صوت صريخـها لما طـآح
على انو شبــه مو متذكر اي شي بس فاكر صوتها وهيا تنــآديــه
ابتسم لما جا في بالو كلام الدكتور امس على لانا (( دي كآنت بتبكي طول وقتها علشان كدا حسبتها زوجتك ))

تلوثات من مصنع القلب


فــي تــركيــآ وبعد ماخلصت رنيــم من الرقــص ..
كآنو بيمشــي باإتجاه الفنــدق ويهــرجوو ..
رنيـم : ها ايش قلت ؟
يزن دخل يدو بجيبـو : اممم تقولي فيها ؟
رنيـم : انا حاستك تحبها كلمها يمكن تلحق عليها قبل لاتتزوج
يزن سكت
رنيـم : يزن ليا ساعه بهــرج
يزن : خلاص لما نـرجع يسير خيـرر
رنيـم : تدري احس الايام تمشي مرا بسـرعه
يزن : ههههه حتى انا ...علشان مبسوطين اول يوم قعدتها هنا حسيت اليوم يمشي مرا بطيــئ
رنيـم : ايوا انا معدله جوك الكئيب
يزن طالع فيـها : انتي دحين اللي معدله جويي !! والله كان موتي من طفشك لو مني معاكي
رنيـم ابتسمت بدون تعليــق بس باإبتسامتها ايدت فيه رايو
يزن : المهم دحين هتان دا
رنيم قاطعتو: دحين انتا ليش كل ماتقول اسمو بعدها كلمة دا بتحسسني انو حشـرة
يزن : هههههههههههه اوك ياستي ولا تزعلي السيد هتـآن تتوقعي ايش يسوي لو رجعتي
رنيم : امم اتووقــع اخد تهزيئ محتـرم منو
يزن : كويس لو جات على تهزيئ
رنيـم : يعني ايش ممكن يسويلي اصلا لو سوا اكتر من كدا حزعل منو
يزن : انتي حطي نفسك مكانو وهوا يســآفر اسبوعين بدون مايقولك ولا يطمنك عنو
رنيـم : لو سواها عمري ماحكلمو بعد كدا
يزن ضحك : ايش حلال عليكي وحرام عليــه
رنيـم : شوف هتان من يوم ماعرفتو عمرو ماكزب عليا بحرف اما انا دايما اكزب عليـه ويقوم يكفشني هههه بس انا بكزب عليــه لأنو ظروفي صعبـه وماحب اشتكيلو لأنو حيفضل بس يساعدني وانا اباه يركز في دراستو فهمت
يزن : اهاااا اهم شي انو بيكفشك في كل مرا
رنيم: هههههههههه زي مايقولو حبل الكدب قصير
يزن سكت ثواني وبعدها طالع فيها : مو امس قلتلك اللبسي احمر
رنيـم : مو بكيفك
يزن : لاحوول بشحت انا منك
رنيـم : ايوا اشحت عشان ارضى
يزن : اقول اسري خلصو البنات
رنيـم : ههههههههههههههههه دحين ايش نظامنا
دخــلو الفنـــدق ..
يزن : والله يااستي حطــلع استحمــى وبعدها نروح على السوق
رنيـم : اووك
يزن : وحتلبسي احمر ولا والله ماحتروحي
رنيم فتحت عينها مفجوعه : اقوول لاتحلـــف
يزن هرج وهوا يتكي على كل كلمــه : وربي ماحتركبي السياره يارنيــم ولا حتخرجي من الفندق دا الا وانتي لابســه الاحمر
رنيــم : هههههههههههههههههه نشووف
يزن وقف عند المصعد وضغط عليــه : تراني حلفــتت
رنيـم بدون اي اهتمام : بكيفك محد قلك احلـف
يزن بترجي وقال بضعف : رنيــم مايسير الله يخليكي البسي
رنيـم فرطت ضحك ودخلت المصعد : ههههههههههههه مو دوووبك تطالعلي بنص عيــن وتقولي بكل ثقه ربي اعطاك هيا حتلبببسي يعني حتلبسي دحين تقولي الله يخليكي والله ماعرفلك انتا

يزن دخـل وفي رجال وقف جمــب رنيــم وجمبو بنــت كماان
يزن مسك يد رنيـم وسحبها لجمبو : تحبي تحشري نفسك جمب اي واحد
رنيـم سحبت يدها منو : هوا وقف
يزن : ويافرحة اهلك
رنيـم : زوجته جمبو
يزن : ايوا مو علشان كدا سحبتك
رنيم بعدت عنو : عليك مخ زي وجهك دحين تقولي ابعد عن الرجال اللي بيني وبينو شبر وتلصقني جمبك .. مدري انتا كيف تفكر
يزن : عادي اتعودتي عليا
رنيـم سندت جسمها على المرايـه : لا ياااشيـــخ ..! يعني الحكايه عندك مسأله وقت
يزن ابتسـم : تعود مو وقت يعني ممكن يمر وقت طويل بيني وبينك ومارتحلك ويمكن يمر وقت طويل بيني وبينك واتعود عليكي وارتحلك ك
رنيم ضمت يدها تحت صدرها وتهرج بكل جديــه : ابى افهمم انتا ماعندك حدود بينك وبين البنات
يزن : من اي ناحيه
رنيـم : من ناحيةالقرب واللمس وكدا
يزن : هههههههههههههه
رنيـم من ضحكتو الحقيره عرفت انو فهمها غلط : لاتفهم على كيفك انا شايفتك بس تمسك يدي وتفضل بس تقرب مني مراا وانا كم مرا اقولك انا ماحب كدا ولا عاد تسويلي بس انتا ماتفهم فابحس انو انتا ماتحترم اي وحده
يزن بتفاجئ : انا ماحترمـتك ..!
رنيـم : قولي كم مرا مسسكت يدي من يوم ماجينا هنا وكم مرا تحط يدك على كتفي وكم مرا تمسكلي شعري وتلعب فيه
يزن ابتسم بحقاره : رنيــم ياحيااتي انا سويت معاكي اللي هتان ماسوااه
وهيا افتكرت اللنــش وعى طوول ملامحها طغى عليــها العصبيــه : عااارف اصلا الغلط عليا بتنااقش معااك واحاول افهم عقليييتك
يزن : ههههههههههههههههههههههههههههههه خلي فلسفتك لهتااان انا ماحب الفلسفه الزايده اللي ماتحب حركاتي تبعد عني وانتهينا
رنيـم : دا يسمى احترام انتا تحترم غيــرك لما ماتتعدى الحدود اللي هوا حاطهاا
انفتــح باب المصــعد وخرجت رنيــم ووراها يــزن
ومايستحلالهم طبعا فتح المواضيع والمناقشه اكتــر الا عند باب غرفتــها
سندت جسمها على الباب وهوا ووقف قبـآلها
رافعه عدســة عينها لفوق علشان تشووف وجههو
يزن : انا اصلا مدي وجه لأي احد علشان كدا انا اللي ابني حدود ولو دخل مزاجي دا الشخص اشيل الستمية حاجز وماهتم
رنيـم : ياألله على شخصيتك دي الهبله انتا ليش كدا مزاااجي يعني ازا انتا حبيت دا الشخص تسوي اللي انتا تباه لو انتا كرهت دا الشخص تسوي اللي تباه عمرك ماتفكر الشخص التاني ايش يبــى
يزن : وانا يعني ححب شخص يكرهني
رنيــم تعبت تبى تحاول تفهمو بس هوا يصعب عليها الموضوع : انا بتكلم عن الحدود اللي لا لا مو حدود دي اخلاقيات انا اخلاقي ماتسمح انو انتا تجي تمسكني كل شويا بدي الطريقه
يزن رفع حاجبه : واخلاقك تسمح انك ترقــصي قدام 300 شخــص .؟!
رنيـم انفجعت من دخلتو قالت بتلكلك : انـ آ مو مو قصدي كدا
يزن قاطعها : خلاص اجل لاتتفلسفي على راسي
رنيـم اضايقت من جملتو .. ويزن بدأ يضايق من فكره انها حترقص قدام شباب جامعتو
رنيـم : انا حرقص بلبس محترم
يزن : هههههههه والله لو انك لابســه فوطه وترقصي الشباب برضهم حينهبلــو
رنيـم ماحست انو وقت مزح : انا مو شايفه فيها شي
يزن : ولما امسكك فيها شي ؟؟؟؟
رنيـم : لاتربط دي الموضوعين في بعض
يزن اعطاها على راسها : الا حربطهم لما انتي تجي تفتني اكتر من خمسين ولد بجسمك وانا اجي بس ابى امسك يدك وتصرخي ساعتها حربط الموضوعين في بعضــها انتي تشوفي اللي تبيه عيب واللي ماتبيه عادي تسلكي بعدين تقوليلي مزآجي على الاقل اكون مزاجي واعامل الناس زي ماأبى ولا اكون زيك واطلع احكام من راسي
رنيـم سكتت كلامو خرسها .. رجعت اياديها ورا ظهرهاا : ايش اللي غير كلامك دحين مو كنت تشجعني على الرقص
يزن : انا ماقد شجعتك على شي زي كدا
رنيـم : نعم !
يزن اتذكر نزار
لمتــى حيكذب عليــها
نفسو يقولها علشان لاتعرف بعدين من نزار وتنصدم
عارف انو علاقة نزار ورنيم مو مراا
اما هوا ورنيـم سارت علاقتهم مرا قويـــه
يعني حتزعل منو مو من نزار
رنيـم : ايشش بك سكت
يزن طالع فيـها ويبى يقولها بس مسك نفسو : خلينا نغير ملابسنا عشان نلحــق على اليوم الوقت يمر
رنيـم مضايقه من كلامو فتحت الباب ودخلت بدون حتى ماتستناه كالعاده
جلست على الكرســي وهيا تفكر بكلامو ..


اما هوا بيحــآول انو مايفكــر بموضوع رقصــها : شي راجعلها
دخـل الغرفــه استحمــى واتــزبــط لبس جينز وتيشيرت ازرق غامق وعلى الكتـف رقم 20 بالأصفـر ..
اتوجه للمراايه ..



ورنيــم من كتر كلام يزن مايرن في ادنها ماستوعبت انو هيا بتخرج التيشيرت الاحمر وبتلبسو قدها
نسيــت انو طلب منهاا وهيا رفضــت
اتشــيكت كعادتها بدي اليوميــن وباأناقه بسيطه و جذابـــه
لبست الكعــب الابيــض اتعودت مرا عليــه ماتدري كيف اول كانت مستحمله نفسها
تغير كااامل فيــها تحس غير حتى شخصيــتها
ماتحس انها رنيم الاولى اشيااء كتير اتغيرت فيها
ومو عارفه ايش هيا بزبـــط
بس متأكده حتعرف تغيرها لو رجعت لدبــي
اندق جرس الباب على المووووعد بزبــــــــــط
ماتأخر ولا اتقدم بموعدوو
عقدت حوآجبها وهيا بتدخل رجلها بالجزمــه : بلااا ادخللي
اتوجهت بســرعه للبـآب وفتحتو : انتا ماتتاخر حتى دقيقه
دوبو بيفتح فمو الا رجع سكت وابتســـم لما شاف اللون الاحمر اللي يغريــه كالعاده
وقال باإسلوب حقير
: قصدك نولعها اليوم
لانت ملامح وجهها :نعم .!
يزن ضحك : ولاشي خلاص _ طالع فيها باإعجاب من فوق لتحت وبعدها في وجهها
رفعت حاجبها من نظراته
ووقتها هوا ضحك تاني : قلتلك الاحمر يغريني
لاشعوريا طالعت في البلوزه وشهقت : واا نسيييت
دوبها بتدير الا هوا مد يدو وقفل باب الغرفه : هي هي على فيييين
رنيــم بعدت خطوه لورى : بدخل اغير
يزن : والله ماحتغيري
رنيم طالعت في يدو : شيل يدك وبعد عن الباب
يزن سند جسمو على الباب : ماافي حتمشي كدا خلاص اصلا ماحيكون في وقت للتغير يادوب نجهز نفسنا
رنيـم : ايش حياخد يعني مني اللبس كلها دقاايق
يزن : مو دي الدقايق اللي بتودينا في دهيه
رنيـم : اقول بعد بس عن الباب وبطل فلسفه
يزن انمحت الابتسامه اللي كانت على وجههو وقال بجديه وبأمر: ماحبعد بقولك انتهى الموضوع حتمشي قدامي بدا اللبس غصبا عنك
رنيم ماتحب اسلوب الامر دا ضمت يدها تحت صدرها : يزن تراني مابمزح معاك خليني ادخل اغير بطيب نفس ولاتقلب اليوم عليا
يزن : ولا انا مابمزح معاكي حتمشي كدا ان كنتي راضيه ولا مو راضيه
رنيم صنقرت : حمشي بس انا اوريييك بعدين
دارت جسمها وهوا ابتسم بحقاره بدون ماتشوفو وصل للي يباه
مشبت بخطوات سريعه والعصبيه باينه في وجهها
وهوا جمبها وبيحاول يمسك نفسو لايضحك
باين عليه انو كاتم ضحكتو
وقفو قبال المصعد
ضغط على الزر وضحك بصوت هادي
رنيـم بدون ماتطالع فيه قالت : بطل
يزن : حتى الضحكه حرام عندك ياشيخه
رنيـم : لما اكون انا سببها ايوا حرام ارتحت
يزن : ياهو على المعصب
رنيـم معصبه وهوا يستهبل دا فورها انفتح باب المصعد ودخلت وهوا دخل : خليك ساكت احسن
يزن : رنيم لو بتهرجي كدا ارجعي لغرفتك احسن لك انا مني واحد من حقون حارتك
رنيـم من جواتها شابه ناااار وماصدقت اصلا يقولها روووحي مشيت خطوتين الا حست باإنو مسكها ولا طالعت فيييه ماسك طرف البلوزه مو قادره حتى تطالع فيه عشان لاتسبو اكتر : يزززززن تراني استحملتك اليوم بما فيه الكفايه سيبني احسن لك ..يزززن بقوولك سيبننني
ضححححححك بصوووت جدن جدن عااااالي
وهيا ولعتتت دارت عليه ودوبها بتنطق بالكلمه الا لقتو ساند جسمو على المرايه ومرا بعيييد عنها وضاغط على الزر اللي مخلي ابواب المصعد ماتنقفل يبى يشوف نهايتها مع هبلها
طالعت بالبلوزه اللي ماسكه بالحديده اللي بالمصعد ووجهها انقلللب مع الاحرااااج لأحممممر
جرت البلووووزه مع القهر بكككل قووتها وطللللع صوووت خلى عينها تفرصصع على نهايتها
وييييزن ماااااات من الضضضضحك وجهه احمر من كتتر مايضحك ومو قادر اصلا يتنفس ععدددل
ماااسك بطنننه : آآآآآآآآه يااابطنني
بلوزتها من الجننب انشششقت للنص .... مع الاحراااج زي الهوااا خرجت من المصصصعد
وضحكت يزززن واصلتهاا خرج من المصعد وبيعلللق باإستفزاز : شووفتي عشان ماني راااضي عليكي وزعلتيني
ولا مديتو وجه تبى تووصل بس للغرفه عشان حاسه انو الكعب حتكسروو في وجهه باأي لحظه
دخلت وقفلت باب الغرفه بقووه
وهوا جا لحد الباب وقرب وجهه وهررج : امووت على الخاله اللي بخصصرك هههههههههههههههههه
رنيييم لاعاااد تعصبيني وتستهبلي على راااسي عشان دايما ادعيتي مستجابه
جلست على الكرسي وصوتوو وااصلها
ضحكتو
كلامو
تريقتو بشكل عاام
بدون سبب بكيت
بدون اي مبرر دموعها نزززلت
ماتدري ليش بتبكي دحييين
عليه
ولا منو
ولا على نفسها
بدأت تحس بشي مو طبيعي
اهتمام ..!
او انها خايفه ترجع لدبي
خايفه من اشياء كتير
هتان
علاقتها مع يزن اللي بفتره قصيره حست انو شي يومي ومو قادره تستغني عن هبلو
هبلو سارت تتحسس منو
لو اذاها بكلمه مو بطبيعتها تشيل في قلبها وتحلل وتفكر كتير بس كل كلمه من يزن تفكر فيها كتتير
سارت حســـآآآآســه بزياده معااه
عمرها ماحست بدي الحساسيه من قبل
هتان على انو تجيه فترات يتريق عليها بس ولا تهتم

مسحت دموعها وهيا معقده حوآجبها واتوجهت للحمام
تغسل وجهها
وهيا تبى تنسى انها بكيـــت بسبب " يزن "
تبى تجيب اي سبب تاني لبكاها
نزلت عينها على البلوزه
واقنعت نفسها انها بكيت علشان البلوزه انقطعت وشافهاا
غيرت البلوزه فضلت دقايق معدوده وسط الغرفه لين مايختفي اثار البكا وبعدها فتحت الباب بعصبيه : خيييير
يزن : بدري
رنيــم خلاص اخلاقها ضاربه : ماحروح اي حفله تبى تروح لوحدك روح
يزن : هههههههههههه _ بااستهبال _ مائدرش على بعدك
رنيــم : اتعوود
يزن : ايوا والله باقيلنا كم يوم ونرجع وماحشوفك بعدها
رنيـم لسى باقي تعلمني لما نرجع الله يعينني عليك
يزن ملامحو قلبت للجديه : رنيم
رنيـم استغربت من نبرة صوتو : ايش في ..؟
يزن دخل يدو وسط جيبو : انتي ارتحتي لشخصيتي وانا هنا او قبل مانسافر
رنيـم : بكل الاحوال شخصيتك زفت
يزن ابتسم : لا من جدي بهرج
رنيـم : عرفتك هنا اكتر
يزن بدأ يهرج بتردد واضح : شوفي انا من جد ارتحتلك
رنيم مرا اتوترت من ترددو بالكلام حست باإنو حيقول شي ماتبى تسمعو نهائيا دقات قلبهاا زادت : طيب ؟
يزن : عشان كدا مابى اكزب عليكي نهائيا
رنيم : لاتهرج زي كدا بلا خوفتني
يزن ابتسم : شوفي انا في حياتي كلها ماكنت عفوي مع اي احد حتى رودينا اللي حبيتها يمكن كنت احط حدود بيني وبينها في بعض المواضيع علشاني احبها فماكنت احب اشتكيلها او اقولها مشاكلي فاإنتي الوحيده اللي يمكن عرفتيني صح هيا كم يوم بس كانت تكفي ليا وليكي
رنيم ابتسمت باإحراج : خلاصة الموضوع
يزن : انتي تعرفي اسامي اخواني التوأم ..؟
رنيـم : انتا ومازن والتالت ماقد قلتلي اسمو .!
يزن : هوا دا موضوعنا اخويا التالت هههههههه
رنيـم عقدت حوآجبها : اشلنا فيــه ..!؟
يزن : الهرجه بدأت قبل لانجي هنا بيني وبين اخويا اللي هوا _ دق جوآال يزن خرجو من جيبو _ دقيقه بس
رنيم تطالع فيه وهوا يهرج وتحاول ولو تفكر انو ايش حتكون الهرجه المهمه دي
اللي لها مقدمات زي دي ... وايش دخل اخوه بالهرجه ..!
دا اللي بيقتلهاا من كتتتر ماتفكككر

يزن بيهرج بالجوال قبال رنيــم .. كآنت عينو عليــهاا ومبتسسسم كعادتــه : ايووا معااك .. عمرك طويل دوبي بجيب سيرتك .. _ عقد حوآجبه _ ايش بو صوتك ..؟! ...نعععم !!! ... _ قال بلكلكه _ ا إيش فيها
... ايش بهاا امي اهررج عددل _ بدي يعصب من التوتر _ تعباانه ايش بها يعني .. _ بعد عن رنيــم _ نزاار لو امي فيها شي اهررج ..بقولك لاتقول كويسا وتبااني اجي لدبي على الفاضي انا عارف انو فيها شي فاقولي ايش بها .. هيا جات دبي ؟ .. ايش عندها في المستشفى
نزار : والله مو عااارف يزن لاتقرووشني من اسئلتك دي قلتلك تعاال وبس
يزن : طيب ابببى افههم على الاقل هيا بخير يعني مافيها شي
نزار : والله مو عااارف شي ابوياا اليوم جاي معاها وكلمني اجمعكم وهلكنني من صريخو لما عرف انو انتا مسافر
يزن : نزار لما كلمك ابويا وقلك انها تعبانه ماقال ايش فيها
نزار : قال شويا تعبااانه وبعدها قال جمع اخوانك ابى اتكلم معاكم انا مو فاهم شي ارجع دبي وبعدين كلنا حنعررف
يزن : طيب كلمت امي ؟
نزار : ايوا كلمتها من نص ساعه ردت عليا وهيا نايمه مافيها شي كويسا
يزن مو عارف راسو من رجلو شويا تعبانه وشويا بيقول كويسا وااللي فاجعو اكتر انهم يبوه يرجع
مستحيل يخلوه يرجع الا لو مصيبه سايره ..بلع ريقو بتوتر : خلاص كم ساعه واكون عندكم
نزار يعرف طبع اخوه بتفكير : يززن اسمعني امي مافيها شي كلمتها وكانت كويسا
يزن بس يبى يقفل :طيب
نزار : تلاقيه ابويا كالعاده في شي براسووو وفاول علييها علشان يجمعنا
يزن هرج بحده: خلاص طيب يانزار فهمت تبى شي ؟ ... سلام
قفل من نزار ونسي تماما رنيـــم
كان متووجه لغرفتـــو

رنيــم حست انو في شي ســآير على طول راحت ورااه : يززن
ولما مارد عليها زادت خطواتها عشان توصــلو : يززززن
وقف مشي مع انو يبى يكمــل طريقــو بس مايقدر يخصـرهاا
جات قداموو وهيا مفجوعه : ايش فيي ايش ساااير
يزن : حرجع دبي
رنيم : وي ليش
يزن : خليكي انتي هنا حروح بس اشوف ايش ساير وحرجع
رنيــم : لا حجي معاك
يزن : مالو دااعي روحه وجيه على الفاضي
رنيـم : لو بتمشي حمشي معاك بدون اي نقاش
يزن زفر بضيق : طيب براحتك
رنيـم : ماقلتلي ايش اللي ساير
يزن : مدري _ سكت لأنو قصدي بمدري يصرفها علشان لايشـرح بس سكت لثواني وبعدها قال _ اخويا اتصل عليا بيقولي امي تعبانه وبعدين بيقول ممافيها شي وابوك اللي يباك ترجع مو فاهم ايش يبى بزبط بس اكيد امي فيها حاجه
رنيـم : لاتتسرع وتفاول روح واتأكد وان شالله امك مافيها شي
يزن الضيقه طاغيه على وجههو : ان شالله روحي عبي شنطتك على بال احجز تزاكر وازبط موضوعنا دا لو في كمان 


في يوم جديد .. وبعد العصـــر ..

وقفـــت السيــآره في الموآقــف والتوتر متمكن منها ,,,طالعت فيه بخوف : كيف حفتح معاه الموضوع 
نادر : لا تفككري كيف حتفتحي الموضوع ولا ايش حتقولي وقت ماتكوني قبالو ارمي الللي حاسه فيه دي اسهل طريقه 
رودينا حبت طريقتو بس بنفس الوقت دا ابوها مو اي شخص تاني : بس خايفه 
نادر فتح باب السيــآره 
رودينا بردة فعل سريعه : وي على فييين 
قفل الباب بدون مايرد عليها واتوجه لعندها فتح باب السياره : اخرجي 
رودينا ضمت يدها لبعض : لا خاايفه ماعاد ابى اكلمو خلاص
نادر مد يدو : رودينا اخرجي لاتفكري كتتتير بالموضوع عشان لاتترددي 
رودينا طالعت فيه بضعف : نادر دا بابا 
نادر : مو علشانو ابوكي حتسوي كدا يلا تعالي 
رودينا شالت شنطتها ومسكتها بكل قوتها مع الخوف خرجت من السياره ودقات قلبهاا وراا بعض 
نادر قفل باب السياره : امشي ولاتفكري بللي حيسير سيبيها على ربك 
رودينا زفرت بخوف : قلبي حيوقف 
نادر ضحك ويبى يفتح معاها اي موضوع عشان يشغلها على بال يوصلو لعند ابوها : ودا يزن لدحين ماشوفناه فينوو 
رودينا استتغربت من الموضوع اللي انفتح فجأه : مسافر
نادر : ومتى ناوي يرجع .؟
رودينا : مدري عنو اتوقع على نهاية الاجازه ..ليش ؟
نادر : فضول
رودينا : وايش سويت مع اهل هدى ؟
نادر : ماستفدت منهم شي طلعو مايعرفو حاجه 
رودينا : ايش كنت تبى منهم 
نادر : اشياء بس بسئل عنها 
رودينا حستو مايبى يهرررج ... 

دخلــووو لمقــر عمــل ابووهــآ وبس قربت من المكان االلي هوا فييه ماتت من الخووف ... 
نادر :خلاص ادخلي انا استناكي هنا
رودينا وقفت قبالو : لا خلاااص مابى مابى اهرجوو
نادر : رودينا ادخلي قدك عند الباب لاتترددي 
رودينا طالعت في الباب المقفل وفضلت ساكتــه 
: ادخلي 
رودينا بتردد : طيب 
اتوجهت للباب وفتحتــووو .. لقت ابووهاا واقف ومو كعادته الابتسامه على وجههو 
باين انو متنكدورايح فيها 
لابس الثوب اللي من عند الياقه مفتوحه 
والغتره مو على راسوو 
رودينا عقدت حووآجبها واتوجهت سلمت عليه : ايش بك يابابا 
ابوها بتفاجئ : ايش جابك ؟
رودينا : لك كم يوم مابشوفك 
ابوها : مشغووول يابنتي _ جلس على الكنبـــه _ 
ورودينا مو مطمنــه : ايش سااير _ جلست جمبوو _
ابوها : مشااغل العمل هالكتني 
رودينا : اها 
ابوها : في شي ساير ؟
رودينا وجهها صفر : امم لا 
ابوها مستغرب من جيتها : اجل ؟
رودينا بلعت ريقها وحاولت بس تكون قويه وتهرج : بابا انتا _ سكتت _ 
ابوها جلس باإهتمام : ايش فيي
رودينا نزلت عينها ماقدرت تطالع فيه ومن التوتر بتلعب باأظافيرها وتهرج : انتا عارف ايش مشكلتك مع اياد 
ابوها بس سمع كلمة اياد وجههو راح فيها حسب انو قلها 
رودينا : انتا عارف اللي بتسويه حرام مو بس في حقي وحق ماما وحق اياد دا ربي حيجازيك فيه يوم القيامه بابا انا احبك _ بدي صوتها يخونها _ وانتا عارف دا الشي بس كل ماتززكر انتا ايش تحب احس ان ماحب افكر حتى فيك انا اباك ترجع زي اول معانا _ سكتت _ 
وابوها حب يضرب عصفورين بحجر مسك يدها : انتي قصدك على اللي كنت معاه ؟
رودينا اشرت راسها باإيوا 
ابوها بكدب ضحك : رودينا حبيبي انا مدري زمان كيف سويت ككداا بس دحين انا طردتو من العمل الشي الوحيد اللي اباه منكم انكم تكونو راضين عني وبسعدكم ولا شخص يقدر يبعدني عنكم وانا عارف انو جاتني فتره وغلطت بس انا تعبت من اخوكي دي اليومين بزات احسو كارهني ومهما براضي فيه مابيسمعني انا كمان تعبت منو تعبت من البيت ومن كلامو اللي يحسسني اني ولدو مو ابوه انتي ماتعرفي اياد ايش بيسوي 
رودينا : بابا اياد هوا كدا ل
ابوها قاطعها : مافي شي اسمو كدا انا تعبت كمان سرت اكره ادخل البيت وهوا فيــه وها دوبو متصل عليا شكلو يبى حاجه تنكد يومي كالعاده 
رودينا : سيبك منو هوا دي الفتره تعبان شويا لو رجع زي اول اوعدك انو ماحيسويلك شي
ابوها : انتي عارفه سعادتكم عندي بالدنيا كلها والله مابرفض لكم طلب لو كان دا يقتتلني من جواتي حسوويه عشان ترتاحو انتوو انا وعييت لاتحسبيني لدحين على غلطي دااك ندمااان عللي كنت اسوويه 
رودينا قربت وحضنتو : خلاص لاعاد تفتح داك الموضوع 
ابوها ابتسسم : خليني اتصل على اخوكي اشوف كمان ايش يبى 




برا الغرفـــه نادر رايــح جــآي من الملل ... بعد خمســه دقايق بزبــط خرجتلوو روديناا والابتسسااامه طاااغيه على وجهها ماتوووقعت الموضوع كدا يمممر بســـرعه ووقفت قبااالوو 
نادر : ايش ساار
رودينا : بدي المناسبه عازمتك على كوفي يلاا 
نادر : شكلو اتقبل كلامك 
رودينا : انا بقوولك تراا مافي زي بابا ربي يسعددلي هووا
نادر ابتسسم : اممين 
رآحــو لأحد الكافيهات وجلسو قبال بعض وحكتــو .. 
نادر : دا اخوكي انا مو عارف كيف يفكر
رودينا : ولا انا بس ماحفتح معاه الموضوع الا لما نرجع البيت 
نادر طالع بساعه : نص ساعه ونروحلو 
رودينا : مسكين اصلا طفش من المستشفى ماحيصدق يخرج 
نادر : دحين ابى افهم شغله ابوكي ماقلك بزبط ايش بيقولو اياد ؟
رودينا : لا والله 
نادر : انتي لما حكيتيني الحكايه بقول لا ابوكي الغلطان بس مهما كان احس اخوكي غلطان ومدري باايش يفكر يعني لو انا في مكانو شي طبيعي احقد على ابويا بس على الاقل ينسى يعني عشانك وعشان امك
رودينا : الصراحه انا بديت اطفش من تصرفات اياد فاكيف بابا دا وبابا مابيرد عليه وبس بيسويلو كل شي يطلبو 
نادر : الله يعينو 
رودينا : هههههههه ترا مرا حوسناك معانا معليش
نادر ابتسم : اياد زي اخويا واهله زي اهلي يعني مالو داعي دا الكلام 
رودينا قربت باإهتمام واضح للطاوله : مابى اكون حشريه او ادخل بخصوصيات الناس بس عندي سؤال له فتره في بالي 
نادر : اللي هوا؟
رودينا : انتا ليش دخلت السجن ؟
نادر مافي اي تعبير في وجههو وبعد لحظات اخد كوب القهوه رفعها لعند شفايفه وحتى ماشرب رجع نزلها للطاوله 
رودينا حست انها مرا احرجتو بس لساتها عند موقفها وتبى تعرف : ماتوقع دحين بيني وبينك اي رسميات تقدر تهرج 
نادر ابتسم ابتسامه مالها اي معنى : ايش تبيني اقولك .؟
رودينا استغربت من ابتسامته : ليش دخلت السجن 
نادر نزل عينو على الكوب وبعدها طالع فيــها ..قرب للطاوله وحط يدو عليــها 
رودينا اتوترت من حركاتوو بس فضلت ساكتــه
نادر حس انو مايقدر يهرج بالتفصيل عن دا الموضوع قلبه يوجعو كل مايتذكر قال وهوا يداري اللي جواتو : لو بتكلم باإختصار حقول انهم اتهموني بقتل خالي ولو بتكلم بتفصيل بقول انو امي شهدت وقالت انو انا قتلت اخوها _ نزل عينو على الكوب ورجع مسكوو مايحب يقول لأحد دا الموضوع رفع الكوب واتمنى بدي الللحظه انو يكون شي باارد علشان يبرد على قلبــو _ 
رودينا صعقت 
مو عارفه تهرج او ايش تقول بزبط قالت بتردد : وليش شهدت ضدك ؟ يعني انتا من جد _ سكتت _ 
نادر طالع فيها : تتوقعي اني ممكن اقتل يعني ..؟
رودينا رجعت شعرها ورا اذنها: لا مو قصدي كدا بس انا مو مستوعبه الموضوع ككل كيف صار على بالي موضوع مخدرات او وشي مو قتل 
نادر سكت 
ورودينا : خال يزن انقتل برضو كدا جا في
نادر قاطعها : خالي مانقتل
رودينا مو عارفه راسها من رجلها : اجل 
نادر : معلومه بسيطه خالي مسيحي وامي مسيحيه مالهم مرا بالاسلام وانا اعتبراللي مو مسلم دايما عايش بشتات نفسي فاخالي تعب من دا الشي وانتحر 
رودينا فنجلت عينها : انتحر ..! طيب وليش ماقلتلهم 
نادر بدون مايحس بنفسو حكاهااا ..: انا وخالي مرا مابيننا اي علاقه كنت اكرهو لدرجه كم مره في الحي يفكوني منو تلاقيني بس اهجم عليه واضربو انسان مو نفس ديانتي بيسوي اشياء تستفزني ويقول انو عادي فاكنت مرا اتنرفز فايومها اتضاربت معاه في الظهر وابويا واخويا كالعاده فكوني منو وبعدها اتضارب مع امي مضاربه مرا جامده في البيت ومدري اساسا ايش الهرجه لما يهرجو فرنسي بسرعه محد كان يفهم بس باين انو الموضوع مرا حاد فاهوا عصب وطلع لشقتو 
قلت اطلع لخالي اتأسفلو مهما كان دا خالي دوبي بفتح باب البيت الا سمعت طلقة ناار _ عينو بدأت تسرح وكأنو كل شي بيمر قدامو _ دخلت عليه ععلى طول لقييتوو مرمي في الارض مماقدرت انزل على طول ليهم واقولهم مسكتو وهواو كان بيهرج _ عقد حوآجبه _ قلي انها انانيه وتحب نفسها و قلي مابى اموت بعد ماطخ نفسو خاف واتمنى انو يرجع كانت دموعو تنزل ويترجاااني اساعدوو كنت ابى انزل بس هوا ماخلاني كان متمسك فيااا خايف يسيبني ويموت خاف يموت لوحدو علشان كدا فضلت ماسكو عمري ماحبيتو وعمري ماحزنت عليه وعمري ماتمنيت انو يكون واحد زيو يقربلي بس يومها ندمت لأنو حتى لو كانت ديانتو غير عن ديانتي المفروض كنت احترمو بس ماقدرت دا الشي.. فاكر صوتو ليومك دا وهوا بينازع _ طالع في رودينا _ سبحان الله البني ادم ضعيف لما يموت لو تشوفي كيف كان وجهو تحززني عليه ماتقولي دا خالي الجبروت اللي كان دايما يطلع الف مشكله نبرة صوتو ودموعوو وتعابير وجههو كلها اتغيرت كان المسدس بيدو التانيه انا بدون ماحس بنفسي مسكتوو مدري ايش اللي خلاني امسكو بس كنت مو بوعيي يومها لما بدأ يخرج من فمو دم ماقدرت امسكو بعد كدا على طول سبتو ونزلت جري انادي امي طلعت معايا وببس شافتو ماقدرت تدخل للغرفه حقتو رمت نفسها عند الباب وسارت تبكي كنا نطالع فيه من بعيد وهوا خلاص بيموت مات ويجيلك داك اليوم اللي يسحبوني فيه للسجن _ ابتسم بقهر _ ويجي اليوم اللي امي تدخل فجأه وتتهمني طبعا بصماتي كانت بكل مكان والحي كلو شاف مضاربتي انا وهوا بظهر وكيف كنت اقولو والله لأموتك بسسس
رودينا نفسها تقوم من على الكرسي وترووح مكان لوحدها وتبببكي عليــه عيونها متعلقه عليـــه 
قلببها يوووجعها بشكل مو طبيعي ابسسط شي جاا في راسها انها نفسها تقوم وتحضنوو 
خانها التعبير
ايش تقول في موقف زي كدا
تسب امو ..!
نادر ضحك على ردة فعلها وكيف يا ساكتــه حسها انها تبى تهرج بس مو قادره : ترا مو مستني منك كلمــه 
رودينا قالت باإحراج واضح : اسفه ازا ضايقتك بالموضوع ماكنت ادري انو ممكن _ سكتت _
نادر كمل عنها : في ناس قاسيه كدا ؟؟
رودينا : دي امك
نادر دام فتح الموضوع حس لاشعوريا انو بيفضفض : مو دا اللي جنني لـ 11 سنــه اتمنيت اني انظلم من الحي كلو ولا منـها 
رودينا تباه يسكت علشان خايفه لاتبكي وبنفس الوقت حاستو انو يبى يهرج وتبى تسمعلو عشان يرتاح : طيب انتا ماعرفت ليش هيا سوت كدا
نادر حرك راسو بنفي وبعدها زفر بضيق : ولا ابى اعرف
رودينا : طيب ابوك واخوك صدقوو ؟ 
نادر : بما إنهم ماسارو يزوروني اكيد صدقو
رودينا عقدت حوآجبها : يعني حتى لو كنت انتا ايش حيتبرو منك شي طبيعي مايسيبوك 
نادر :حاسس انو شي ساير 
رودينا : ماتعرف طيب فينهم ؟
نادر: اعرف بس فين امي 
رودينا : طيب روح اسلىلها عن اهلك 
نادر : حدورهم بنفسي
رودينا : فين بللهي حتدور اسىلها وانتيهنا 
نادر : اجل عسى عمري ماشفتهم 
رودينا سكتت ماحبت ترد وتدخل اكتر بالموضوع ..شي راجعلو بس مستحيل دحين هرجتو تخرج من راسها 
هيا انسانه ماتستوعب الا على البطيئ يعني يبالها 3 ساعات عشان تستوعب وتتأثر بقصتو 
مرت لحظه صمت بينهم وبعدها رودينا هرجت : اهم شي انتا مرتاح كدا 
نادر : الحمدالله 
وخلاص كانت دي اخر كلمــه هوا فضل ساااكت ويطالع في اللي راح واللي جاي وعقلو اصلا مو معاهم 
وهيا كل شويا تسترق النظر فيه وتطالعلو 
حتى لما اتوجههو للسياره مافي في راسها غير موضوع 
كلامو يتردد في راسها 
لو هيا مكانو من يوم امها ماتهمتها كان انتحرت 
حست نفسها انســآنه جدن مدلعه 
وحستــوو شااايل اشياء كتير جواته 
قال قصتو باإسلوب حسسها انو شي عاادي 
يمكن كدا باإسلوب يبى يهدي نفسو 
بس هيا لما فضلت تتخيل انو كيف عاش كل للحظه اتقطع قلبها عليـــه 
طول الطريــق 
وهيا تحسب كم كان عمرو لما سار الحادث 
اي ادمي اللي يستحمل 
موت خالو قدامو .. ظلم اموو له .. ظلم الناس .. اهله سابوه في امس الحاجه .. وغير دا كلو مسجون 11 سنه 
مافاقت الا على صوتو وهوا يقولها يلا انزززلي
نزلت من السياره بعد مارسمت ابتسامه مصطنعه على وجههو 
وقبل لايروحو لغرفه اياد لقووه قدو قدامهم : عللىىى فينن انتو رايحين 
رودينا : شكلنا اتأخرنا عليك 
اياد : عمرك اصلا انتي ماتسوي شي في وقتو 
رودينا : هههههههههههه معليشش
اياد مشي قدامهم : ابى اخررج من دا المكان احس انو حتجيني حاله نفسيه 
نادر : اكتر من حالتك دي 
اياد طالع في نادر : تراك دي اليومين ساير حقير
نادر ضحك : من عاشر قوما
اياد يبى يقلب الهرجه اشر على رودينا : رودينا بيسبك
رودينا ضحكت : مع نفسسسك بيهرجك انتا 
كملو طريقــهم واتوجههو بعدها للسياره نادر واياد قدام ورودينا ورا .. 
رودينا : اكره اقعد ورا 
اياد : ترا صوتك بيصدعلي راسي ممكن تنكتمي
رودينا : منتا حاسس انك بتدلع على راسي من اول 
اياد : لا بدلع ولا شي انتي اللي صوتك مزعج 
نادر : ايوا صوتها حاد تجيك للحظات ماتبى تسمعو 
اياد : شايفه مو بس انا 
رودينا مرا اتنرفزت : الغلط مني لأني بهرجكم مالت على وجيهكمم 
اياد : ههههههههههه _ سند راسو على الكنبه وطالع في الطاقه _ 
3 بسياره لكن كل واحد بالو مشغول في شي تاني 
اياد 
عارف لو رجع البيت حيلقى امو تبــكي 
اكيد دوبو وصلها خبر طلاقــها 
يكره يشووف امو تبــكي 
بس حاول يقنع نفسو دا في صالحها تشوف حياتها بعيد عن ابوه احســـن 

نادر 
قلبت عليــه المواجع رودينا ومن كتر المواضيع اللي براسو يحس انو بيسوق وهوا مو بوعيو 

رودينا 
تفكيرها كلو منحصر بنادر كل شويا كانت تطالع في عينو تحس فيهم كئــآبه 
باين كل شي في عيــنوو 


بعيد عن هدووء دي السيـــآره في احد البيوت اللي تضج بصوت ديما بشــآر
كنت قاعدة مرة جوا حوش الدار
تحت الزيتونة الخضرا جنب اكليل الغار
كانت إمي الحنونة عم تخبز الشراك
وبيي بيسقى الليمونة مع اختي ملاك
فجاة عند النافورة أجى رجال كبير
ناداني يا أمورة يا أحلى العصافير
قلي إحنا فوق فوق وانتوا في الوديان
نعطيكوا شوية حقوق وتعطونا الكوشان
لمى الصغيره بتأغي ولؤي بيلعبــها 
وليان لابســه كعادتها ملابس ولاديه وبتشوت الكوره على الجدار 
وكتبهم وشنط المدرسسه مشعتره بكل الصاله 
والعابهم والشبسات مرميه وزايده المكان حوســـه 
ولانا بين دا الازعاج 
ماسارت تكره ازعاجهم بالعكس تحس بشي غريب لو ماسمعت دا الازعاج 
تبى البيت ازعاج عشان لاتحس بفقدان ششي 
ولينا كعادتها فوق راسهاا وتترجاها : يعني حنروح الله يخليكي 
لانا : اممم شوفي حنروح بس بشرط 
لينا : ايشش 
لانا طالعت في ليان ولؤي ورجعت قامت من على الكنبـه مسكت يد لينا : تعاالي
سحبت ليان للغرفه ودخلت وقفلت الباب 
وليان انفجعت : ايش فيي !
لانا وقفت ورا الباب بزبط وفي يدها الجوال وهرجت بنبره صوت مرا خافته : تبينا نروح الملاهي ؟
ليان زاد خوفها وماقدرت تهرج بس اشرت براسها بتردد باإيوا 
لانا : شوفي حتصل على اياد وانتي قوليلو اباك تجي معانا ولو جبلك سيرتي قوليلو انو انتي اتصلتي عليه بدون ماأنا ادري طيب
ليان لسى مو فاهمه : ليش يعني 
لانا : تبيني اخرجكم سوي اللي اقولو 
ليان : طيب بس تخليني العب في كل الألعاب 
لانا نفسها تعطيها كف بس منقذتها تحس انو اخر موقف سار بينهم مرا غبي 
عشان كدا تبى تقابلو : حسوي اللي تبيه وانتي سوي اللي اباه اتفقنا 
ليان ابتسمت باإنتصار : اتفقنا 
لانا راحت باإتجاه الكرسي : تعالي اقولك ايش تقوليلو بزبط 



في السيــآره قطــع حبل افكارهم صوت جوال اياد خرج الجوال من جيبــو ورفع حاجبه باإستغراب لما شاف 
الرقم ابدن ماتوقع انها تتصل عليــه 
وبنفس ردة الفعل رد عليها وهوا مستغرب : الو !
بصوتها الطفولي البريئ : اياد ؟
اياد دحين ماستغرب : اهلا ليوناا 
ليان : كيفك 
اياد : كويس 
ليان : شوف بقولك بسرعه قبل لاتجي لانا 
اياد : ايشش ؟
ليان : احنا اليوم حنروح الملاهي وانا مرا اباك تجي 
اياد : يعني لانا ماتباني اجي 
ليان سكتت شويا مو عارفه ترد وبعدها قالت تعليمات لانا :مدري المهم انا اباك تجي تلعب معايا 
اياد حس انو اتحطم كان يباها هيا تقولو تجي بس مايقدر يرفض لليان شي : متى طيب ؟
ليان : حنروح بعد المغرب
اياد : طيب روحي قولي للانا عشان ماأجي كدا فجأه واخرب خرجتكم 
ليان : عادي عادي احنا نباك 
اياد سكت للحظات وبعدها قال : خلاص احاول اجي 
ليان : استنااك طيب
اياد : طيب 
ليان : يلا باي
اياد : باي 
من يوم ماقفل على طول رودينا هجمت ...
رودينا : خير انتا فين تبى تروح دوبك خارج من المستشفى 
اياد معقد حوآجبه بيفكر في الموضوع : ماحطول ياشيخه وبطلي اسلوبك دا
رودينا : وبعدين خلي شي في بالك حركاتك خلاص دي تبطلها ياإياد اكبر فكك من دي التصرفات 
اياد مافهم : اي حركات وتصررفات ..!
نادر طبعا سااكت مستمع بس
رودينا : شوف البنت فيها خير انها اتصلت علينا يوم ماطحت بس مو معناتو دا انها كويسا دي كانت هيا واختها الصغيره عندك بشاليه ولا حتى في اي حيا بتعلم اختها الصغيره علـ
اياد قاطعها بصرامه : رودينا لاتحششري نفسك في مواضيع مالك فيها 
رودينا : ماحشرت نفسي ولا حاجه بس بقولك دي الاشكال اقطع علاقتك فيهم 
اياد : لما اكون اصغر منك تعالي وقتها علميني ايش اسوي وايش ماأسوي 
رودينا : بناءا على صغر عقلك فايحقلي اقولك ايش تسوي 
نادر حس انهم بيتضاربو : هدو ياجماعه _ طالع في اياد _ خلاص يااياد 
اياد سكـــت لأنو عارف رودينا بس تتفلسف وترمي كلام مالو داعي ففضل السكوت 
وعارف انو يستناهم في البيت صدمــه 
فمايبى يزيد عليــها 
وقفت السيــآره ونزلو التلاتــه 
زفر براحه وبنفس الوقت خوف من ردة الفعل " الله يستر "
اتوجهه للباب ودخلو البيـــت 
اياد : فين امي ؟
رودينا استغربت من سؤاله مو دايما بيسئل كدا اول مايدخل : مدري
طالع بشغاله وسئلها عن امو واشرتلو على الغرفـــه ...
اتوجــه على طول للغرفه ورودينا جات معاه ونادر معاهم علشان بيسلم عليـها
اياد وقف عند الباب لما شافها جالسه على الكرسي وماسكه ورقه بيدها وتبــكي 
وجهها احمممررر 
تبكي من غيير صووت 
الصدمه قاتلتها 
ولا قدرت تسيب الورقه من يدها 
رودينا انفجعت لما شافتها على طول جرت لعندها وجلسست بالارض جمب رجلها وتطالع في امها : مااماا ايش سااير
اياد بلع ريقو وهوا عاارف ايش سااير اتووجه لهاا ونادر الوحيد بيطالع عليهم عند الباب ومو عارف شي
رودينا : مااامااا ايش فيي
ام رودينا بدون ماتطالع في رودينا حاطه يدها على جبينها ماسكه راسها رمت الورقه لرودينا : طللقني يارودينا ابوكي طللقني 
رودينا مسكت الورقه تقراا مصدوومه دوبها كانت عندوو 
لسى مو مستوعبه تطالع في الورقه وبعدها في امها والكلام ضاايع منها 
اياد مو عارف ايش يقول : يمكن خيره ياأمي 
امو ماكنت منتبهه انو فيه بالغرفه شالت يدها من على جبينها وطالعت في اياد 
فتحت عينها على وسعها واشرت عليــه : انتا اخر واحد تهررج 
سحبت الورقه من رودينا وقااامت وهيا منهاره رمت الورقه في وجههو : كلوووو منك _ دفتو من قدامها _ طللقني بسببك قلي هوا طلقتك عشان اياد يرتاااح الله يااااااخدك _ رجعت تضربو على صدرو بكل انهياار _ كنا مبسوووطين من غيييرررك 

ايااااد وااقف في مكانو وامو تضرب فيييه ماقدر يسوي شي 
كلام امو صدموو 
ماتوقع ابوه توصل لدي الدرجه فيه 
سابهم بس حب يخرب علاقة اياد مع امو 
قبل لايروح 
حاول يمسك يدها وهيا تسحب يدها بعصبيه : امي اسمعيني 
امو تسحب يدها بالقووه منو وترجع تضربو : اطلللع من بيتي اطللللع برااا 
رودينا جالسه لساتها بالارض لابكى 
ولا صووت 
ولا اي ردة فعل 
لسى مو مستوعبه شي

اياد قال بكل ترجي : طيب خليني افهمك 
امو بعدت عنووو وتصررخ بكل صووتها : ايش تفهمننني قوول ايش تفهمني انا كنت مبسووطه كنت مبسووطه معااه - اشرت عليه _ طلقني عشاااانك مافكر فياا حتى _ حطت يدها على صدرها وهيا لساتها مو مستووعبه _ آآه يااقلبي 
اياد دموعو بطرف عينوو مو قادر يهرج بنفس الوقت شايف امو منهاره ولو رما صاعقه تانيه ممكن ماتستحمل : ياأمي ا
قاطعتو وهيا تهرج بجنون : لاتقولي امي انا مو امك بعد اليوم _ اشرت على الباب وصرررخت بكل صووتها _ اطلللع برااا بيتي اطللع من هنا ماعااد ابى اشووف وجهك تاااني 
اياد بكي حاول يقرب بس منها الا هيا بعدت وساارت تصصرخ بجنوون : اطللللللع روووح من قداام وجهههي روووح 


نادر ماقدر يفضل في المكان صراخهم بكاهم 
رجعت فيه ذكرى بيحاول ينساها 
ملامح بيحاولل يمحيها من ذاكرتو 
انسحب بكل هدوء من المكاان 

اما اياد واقف بكل ضعف مو عارف ايش يسوي دموعو الشي الوحيد اللي كانت تترجى امو تسمعو 

جلست على الكنبــه ومسكت ركبــها وضاغطه عليــها تحس انو رجلها مو شايلتها ودموعها تنزل 
اياد عارف انو ظلم امو 
عارف انو قهرها 
وحرق قلبها 
وكمان دمرهاا من جواتها 
عارف انها تعشق ابووه 
بس ماتوقع ابوه يسوي دا الشي 

اتوجه خطوتين رايح لأمو بس وقفت قبالو رودينا ودموعها محجره بعينها 
دوبها استوعبت كلام ابوها في المكتب لما قلها " انتي عارفه سعادتكم عندي بالدنيا كلها والله مابرفض لكم طلب لو كان دا يقتتلني من جواتي حسوويه عشان ترتاحو .. " وسوا اللي طلبو اياد 
رودينا بصوت مكتوم وتحاول تكتم عصبيتها : اطلع برا البيت 
اياد : رودينا ابعددي 
رودينا : قلت اطلللع لاعااد تجي مانبى مشاااكل اكتتر من كدااا حرااام عليييك 
اياد : انتو مو فاهمين 
امو غمضت عينها وتتكلم بقهر : حسبيه الله عليك حسبيه الله عليييك 
اياد مقهووور يسمع دا الكلام من اموو : امي انا عارف ان
رودينا قاطعتو : بقوولك اطلع لاتببرر حاجه دا اللي كنت تباه ها خلاص ساار تبانا نعيش بشارع كمان عشان ترتاح 
اياد مسح دموعو وطنش كلام رودينا عدى رودينا وجلس عند رجل امو وباس يدها اللي على ركبتها : اسمعيني الله يخليكي انا ماسويت دا الشي الا عشانك _ نزل راسو لعند ركبتها وبكي لأول مرا يبكي كداا حس انو خرب كل شي دموع امو عندوو بدنيا كلهاا _
امو ولا اتعاطفت معاه 
لأول مرا اياد يمسكها كدا
لأول مرا يبكي وهوا بدا العمر 
لأول مرا يترجاها 
قالت بحروف يادوب تطلعها من القهر : لو تبى تسوي شي عشاني لاعاد توريني وجهك تاني 
وقامت من مكــآنها وهيا تحاول بس تمسسك نفسها : لو شوفتك تاني هنا ماحيسير شي طيب 
_ خرجت من الغرفـــه وهيا تردد بكل قهههر : حسبيه الله علييييك حسبيه الله عليييك 
ورودينا على انو في كلام كتير بقلبها بس لسى مو قادره تهرج خرجت ورا امها 
وبقي هوا جمب الكنبه يبــكي
كل الموضوع انقلب عليــه 
كل اللي كان بيسوويه عشانهم سار ضدوو 
ابوه اذكى منو بمراحل
حوش على الفلوس وهدم ترابط العيله 

قام من على الارض وخررج من البيت بدون تفكيــر جمله امو " الله ياخدك " 
كسرتوو من جوآتوو
دخل السيــآره وشغلها وخارج من اسوار البيت حس انو مو شااايف الطريق من كتر مو مغبش 
مسح دموعو للمرا العاااشره عشان يركز بطريــق 
ماعرف فين يرووح 
كل الاماكن انقفلت بوجهه 
يحس انو ضاايع 
وقف عند اشاره حمرا ونززل رااسو على طارة السياره 
وبببكي 
بكي من قلبوو ولوحدوو
كل شي كان يمكن كابتو جوآتوو بكى عليــه دحيين 
يحس انو بهبلو ضيع كل شي
يتمنى انو مارجع دبي كآنو عايشين من غيرو احسن عيشه 
بس هوا قرر يدخل ويصلح الاوضاع وخرب كل شي

خضرت الاشاره البوارري صجت المكاان يبوه يحررك السياره 
بس مو قادره حتى يرفع رااسوو 
طنش الكل 
خسرهم 
ماهتم 
حسس قلبوو يووجعووو مع القههر 
فضل في السياره ويبــكي 
السيارات اللي وراه سارت تعدي وتلف واللي يمشي من جمبو يرمي كلام مع العصبيه 
كدا دعوه اخدها من الرجال والحريم اللي بيسوقو ومعصبين 
سيارتو مظلله من كل مكان 
محد داري ايش في جواتها 
محد داري انو فيها انسااان كان كاابت كل شي فيـــه اكتر من خمسه سنوات ودوبو انفجججر 
ببساطه محد يقدر يحــس ...


في البيـــت ... 
وبتحديد في غرفه امهاا قالت بكل صووتها وباإنهياار : سيبووووني لوووحدي اطلللللعي بقوولك اطللعي 
رودينا خلاص سااارت بس تبكي 
لأول مرا تشوف امها بدا الضعف 
لأول مرا تحسها انجرحت 

خرجت باانكسار تام من الغرفـــه تمشي ودموعها تنزززل 
تدعي على اياد من جواتها 
كرهتو 
حقدت عليه 
كانو مبسوووطين قبل لايجي 
كانو مرتاحين بدونو 
كانت تقول بهمس : الله يااخدوو
وتكررها لاششعوريا كانت بتدعي عليه 
مع القهر 
مع الحقد انعمت ماحست انو دا اخوها 
كرهتو لدرجه انها اتمنت موتــو 
دخلت اللمر اللي فيــه غرفتهاا 
وغرفــة اياد 
وكان دوبو نادر بيدخل الغرفــه الا طالع فيها لما شافها حالتها حاله وبس بتبكي : رودينا 
لما تبـكي ماتحاسب 
ماتفكر ايش تسوي
لاشعوريا غطت عينها بضعف واتوجهت له 
اتوقعها توقف قباله تهرجوو 
اتوقعها تشتكيلوو 
بس لما قربت وبكت في حضنوو 
بكل ضعف 
تبكي وتشهههق 
من غير اي كلام 
مايدري ادا هيا اللي تحتاج احد يحضنها ولا هوا اللي له 11 سنه يحتاج يحضن احد 
بكككت باإنهيار
بكتب بكل ضعف 
بكت بكل قهر 
وهوا ماحس بنفسو الا انو يلمها اكتر لحضنه ودموعو بدون ماتشوفها كانت تنزززل 
كل واحد رما همومه للتاني كل واحد احتاج انو يحضن التاني عشان يستقوووي

الا شخص بعيــد عنهم 
بيبكي لووحدو بكل ظلــم 


تلوثات من مصنع القلب



مازن نادى عليها لتاني مرا وهوا متفاجئ : اثيـــر ..!
مسحت دموعها وطالعت فيـه بنظرات مكسوره 
مازن نزل درجه ووقف قبالها بزبــط : ايش بك .. من جابك لهنا
اثيــر : حسن 
مازن اتفاجئ من الاسم : تعالي ادخلي
اثيـر اشرت براسها بنفي : مابى _ جلست بدرج وهوا جلس جمبها _ 
مازن : طيب قوليلي ايش بك 
اثيـر : ابى بابا 
مازن رفع حاجبه : وتبكي عشان كدا ؟
اثيـر : لا انا مابى اتزوج
مازن بانت الصدمه في وجهه : لساتك صغيره مين قلك تتزوجي
اثيـر : مرت بابا عشان اتقدملي حسن فقالت لعيلتو انو انا موافقه بس انا ماباه وقلتلو ماباك بس هوا يقولي فكري اكتر 
مازن : محد يقدر يغصبك 
اثيـر : انا ابى بابا 
مازن : طيب دحين حسن بعد دا الموضوع جابك هنا على اساس ايش ؟
اثيـر : شافني ابكي وماقدر يسكتني قلي فين اوديكي قلتلو وديني عند زينه 
مازن ضحك : هههههههههههههه زييينه الله يجبر في خاطرك ياشيخه اسم مرا جميل
اثيـر ابتسمت : انتا ديك المرا قلتلي قوليلهم صحبتك زينه
مازن : ايوا انتي كدا تحفظي اللي تبيه وتنسي اللي ماتبيه نسيتي كل شي ودا اليش الوحيد اللي متزكرتو يعني 
اثيـر بزره تنسى بسسرعه اللي يضايقها دام احد ضحك معاها مسحت دموعها بكفها ودارت جسمها عليه وكملت : لا بس كلامك ماانساه 
مازن : مو بقولك طول عمري بطلي غباء وعمرك مابطلتي 
اثيـر فتحت عينها على وسعها وقالت بقههر : مااااااااازن 
مازن : هههههههههههههههههه _ حط يدو على شعرها ولخبطلها هوا _ بمززح معاكي ماحب اشوفك تبكي 
اثير دفت يدو : لاتمسسكني _ عدلت شعرها _ اووف ساعه وانا اسوي شعري 
مازن : محسستني انك كنتي مسوويا تسريحه فضيعه فاتحتو وانتهينا بلاش فلسفه 
اثيـر : لقافه مالك اسوي اللي اباه 
مازن : 600 موود في النص الساعه بكيتي وضحكتي وعصبتي وسبيتي يابنتي انتي ايش في مخك بزبط تنكه وربي
اثيـر : في عقل احسن منك 
مازن : في مخك في عقل ..! يبهرني زكائك ياشيخه روحي بللهي ارجعي بيتك انتي قدكك منتهيه صلاحيتك 
اثيـر وقفت : اصلا انا هبله عشان اجيك 
مازن : واااااااخيرا اعترفتتتي 
اثيـر دوبها بتنزل الدرجه الا ضحك ومسك يدها وسحبها لتحت جلسها بالقووه : اجلللسي بمززح معاكي ترا 
اثيـر شمقت : بس سرت تعصبني ماحجيك تاني 
مازن : اثير من يومك ماعرفتك وانتي لما تقابليني تقوليلي ماحشوفك تاني 
اثيـر : انسى 
مازن : مو مشكله ازكرك المرا التانيه 
اثيـر طالعت فيه بجديه 
الا هوا ضحك يباها تنسى هرجه مرت ابوها : تراني مروق فاتغاضي عن كلامي
اثيـر : انتا كدا طول عمرك 
مازن : المهم ايش حتسوي بموضوع حسن ؟
اثيـر : انتا ايش تقول 
مازن : انتي ايش تبي
اثيـر سكتت 
مازن : اثير ازا الولد كويس وحيسعدك ارضي خلاص مع اني اشوفك صغيره 
اثيـر دموعها اتجمعت في عينها جا في بالها كلام حسن بسياره 
(( حخليكي تروحي عندو وقوليلو اني انا اتقدملك شوفي وقتها يحبك ولا لا مع اني ماتوقع يهتم ))
اثيـر : وانتا ؟
مازن : ايش بي انا 
اثيـر : ايش حتسوي ؟
مازن : ههههههههههههههه حتزوج رغد واتعرف بعدين على حسسن واقولو مرتك مرا هبله وكنت اعرفها زمان وافركش زواجتكم واعيش انا ورغد مرتاحين ومبسووطين 
اثيـر مرا انخنقت من كلامو وقفت للمرا التانيه : انا خلاص حروح 
مازن استغرب : لايكون زعلتي 
اثيـر : لا مازعلت بس حسن تلاقيـه جاا
مازن : ماشالله هوا بيستناكي 
اثيــر : ايوا _ مشيت بدون ماتودعو حتى حست انو قلبها يوجعها من كلامو _
راحت لعند البحــر تتمشــى بعيد عن نظرو حسن لايستناها ولاشي .. 
اول مرا تحس بوجع الحب 


عند شاليه مـآزن كان جالس لساتو عند الدرج ومرا ماأخد بكلامها .. خلاص راحت راحت بكيفها 
دوبو بيدخل الا استغرب : وي ايش جابك 
: هههههههههه بدال ماتقول اهليين ونورتي 
مازن نزل الدرجتين : نورتي ياست الين مو عوايدك تجيني لوحدك 
الين : بس كنت ماره قلت اسلم عليك 
مازن : وايش بو وجههك كدا مقلووب 
الين : ههههههههه ولاشي المهم انتا كيفك 


قعدو حق خمســه دقايق يهــرجوو كانت بس تبى تضحك وبعدها قالت خلاص حمشــي 
اتوجهت لسيارتها دوبها بتدخل الا وقفتها اثيــر بصوتها البريئ : ممكن توصليني بطريقك 
مالقت احد يوصلها 
وتخاف من التكاسي تبى تتجنبهم 
الين رفعت حاجبها باإستغراب نفسها تردها بس لساتو شويا في دم بوجهها وقالت بتردد : اتفضلي 
اثيـر ابتسمتلها ودخلت على طول والين دخلت بعدها وقفلت الباب 
وقالت للسوااق يمشي .. 
الين طالعت في ساعتها : في مول قريب هنا بنزل اشتري اشياء وبعدين اوصلك 
اثيـر : عادي 
الين خرجت جوالها وبتتصفح وتقرا 
اثير : دي سيارتك 
الين رفعت عينها على الجوال : نعم !
اثير : دي سيارتك 
الين : طبعا 
اثيـر : اها مرا حلوا 
الين ولا ردت عليها 
اثيـر سكتت شويا وبعدها قالت ببلاهه : انتي كم عمرك 
الين مفجوعه منها تحسها بززره باإسلوبها بالهرج عقدت حوآجبها : لو سمحتي انا مشغوله
اثيـر : اها طيب
سكتت شويتين وبعدها قالت اثيـر: طيب اسفه 
الين (( من جد الجمال مايكمل )) ولا ردت عليـها 
نزلت المول واثيـر كانت بتنزل معاها الا الين قالتلها : على فين 
اثيـر : بنزل معاكي 
الين : لا خليكي هنا ولا اقول تعالي 

ونزلتها معاها وخلتلها تشيل الاكيــآس كأنها بتشتغل عندها بزبط ورجعو بعدها للسياره 
اثيـر وصفتلها البيت والين طول الوقت تطالع فيــها 
تحسها هبله 
وسامجه 
ودي الفتره نفسها كدا تلعب على راس اي احد 
نفسها تنبسسط 
هتان مكئبها من جهه 
وهرجتها مع ساري حطمتها 
وكلام امها 
كل شي اتلم عليــها 
ابتسمت بينها وبني نفسها لما اتذكرت هتـآن 
اثير حلوه وجذابه لو ارسلتها لهتان ولعب عليــه يمكن تخليه يحبها وتخرب علاقتو مع رنيــم
الين ابتسمت لأثيـر بمصلحه : ايش اسمك .؟
اثيـر ابتسمت بعفويه : اثيـر 
الين : ماشالله عيونك مرا تجنن 
اثيـر : زي عيون ماما الله يرحمها 
الين : اها المهم انا اسمي الين _ مدت يدها وتبى تبدأ لعبتها _ 
اثيـر على طول مدت يدها : حلو اسمك 
الين تبى تكسبها بصفها : عيونك الحلوه حبيبتي ايش كنت بقولك ايش رايك نروح كافي بدال من رجعة البيت 
اثيـر : عادي 
الين : يعني اهلك مايقولو شي
اثيـر على طول فرطت الشريط : لا عادي مايسئلوني وبعدين انا متضاربه معااهم مابى ارجع البيت دحين 
الين دا اللي تباه : كويس اجل ترجعي على بيتي احسن من الكافيهات الشباب دي الايام مايسيبو البنات في حالهم 
اثير هنا اترددت بس من القهر اللي بقلبها من موضوع مازن ومرت ابوها وحسن تبى تسوي اي شي 
تبى بنت تصاحبهاا 
بنت تشتكيلها 
تنصحها 
اي شي : اممم بس اخااف ان
الين قاطعتها : تخافي من ايشش ماما معانا في البيت وماعندي حتى اخوان وبابا مسافر يعني بناخد راحتنا
اثيـر : بس بعدين انتي توصليني البيت 
الين : اوصلك بنفسي كمان 
اثيـر ابتسمت : خلاص طيب 

وصلـــو البيـــت والين بكل مصلحــه نزلت ومسكت يد اثيــر : تعالي نروح لغرفتي 
واثيـر اعجبت في البيت كانت بطالع بكل شي والين من جواتها تضحك .. 
طلعو لغرفة الين وقفلت الين الباب اخدوو نص ساااعه هــرج .. 
كانت الين تبى تحسسها انها مو غريبه عنها 
سارت تاألف مشاكل من راسها عشان تقرب اثيــر اكتر لها وتحسسها انها ارتاحتلها 
واثير بكل سذااااجه دخلت جو واتأثرت والين ماسكه نفسها لاتضــحك على غباائهاا 
اليـن : وهوا مرا جرحني 
اثيــر شويا وتبكي : وانتي ماسويتيلو شي 
الين : نفسي اخد بحقي منو 
اثيـر : ايش حتسوي 
الين بكدب : ابى ااخلي وحده تحبو زي ماعلقني فيه 
اثيـر : كيف يعني
الين : ايش رايك تساعديني 
اثيـر : ها ؟ ماعرف اصلا انا ماعرف دا الولد 
الين ضحكت لاشعوريا على ردها : انا عارفه انك ماتعرفيه بس انا حعرفك عليـه 
اثيـر : اخاف 
الين : ازا ماتبي خلاص بس كان نفسي اخد بحقي الي سوالي هوا مو قليل 
اثيـر : يعني ازا سويت اللي تبيه انتي حترتاحي 
الين : على الاقل ماأحس اني غبيه وانضحك عليا وانتي عارفه الدنيا دواره زي ماسوالي ابى احد يسويلو كدا
اثيـر حست انها ماقدرت ترفضلها طلب لأنها تبى تسير صحبتها وشخصيتها ضعيفه : مدام حتنبسطي كدا انا حسويلك اللي تبيه 
الين : ياحياااااتي والله اني حبيتك مرا تسسسلمي بس لازم اعدلك شويتين 
اثيـر : كيف تعدليني 
الين : يعني هوا يحب البنت التقيله ويحب كمان اللي تغريه 
اثيـر : كيف يعني 
الين : يعني اباكي تلبسي ملابس قصيره 
اثيـر : كيف قصيره 
الين جلست جمبها : اووف ايش بك تنحتي ملابس قصيره يعني _ هرجت بصوت اوطى _ فساتين قصيره تنانير قصيره 
اثيـر : لا باابا يخاصمني 
الين : وابوكي ايش عرفو انتي حتكوني هنا في بيتي 
اثيـر : اخااف 
الين : محد حيشووفك لاتخاافي ولاشي _ مسكت يدها _ وانا ماحخلي احد يسويلك شي انتي دحين صحبتي _ ابتسمتلها _ 
واثير ابتسمت بخووف : طيب 



في آحـــد المستشفيــآت
جالس هتــآن على كرسي قريب من سرير ابووه وماسك القرآن وبيقرآ

في مكــآن تـآني وبوسيــله بعيــده كل البعد عن الحلال 
هوا وصــآحبــه مستنين اســآمه يخــرج من شقتــه عشان يهجمو على امو
ابوه مايدري انو ام اسامه مســآفره
كان بس يبى يهددها كدا ارسل نضــآل وصاحبــه
تخوويف عشان تسيب اسامه



في شقه راما وبتحديد في المطبــخ ضامه يدها تحت صدرها ولابســه مسفع الصلاه : خلصت 
اسامه بعد عن انبوبة الغاز ونفض يدو : دا وانتي حلفتي ماتكلمييني
راما : يعني ايش تباني اسوي اموت من الجوع
اسامه : على اساس الاكل اللي تسويه جدن لزيز
راما شمقت : خلاص تسسسسلم ماقصرت
اسامه طالع بساعه : اخرتيني عن عملي
راما تتكي على كلامها : معليش اسفييين
اسامه مشي وخرج من الشقـــه بدون اي كلمه وهيا قفلت وراه ونفسها تعطيه على قفاه
بعد داك اليوم الجو متوتر بينهم

خرج من شقــه راما وعلى طوول على السياره 
نضــآل وصاحبــه راقبــوه ..
صاحبه : دي شقتو
نضال :ايوا اللي خرج منهاا
صاحبه : اجل خلينا نصبر لين مانتأكد انو بعد عن المكان
نضـآل : اووك


وســط الشقه رمت المسفع واتوجهت لغرفتها فسخت الجينز ولبست قميس قصير لنص فخدها فتحت شعرها الطويل واتوجهت للاب 
لقت اختها على طول ارسلت مكالمه وكلمت امها
: ياماما ايش بك دحين
امها : انا بقولك مو عاجبني حالتك ساكنتلي في شقه مدري فين ارجعي لسكن الجامعه
راما : ياماما اتكلمنا بدا الموضو اكتر من مرا انا ابى اسكن هنا مرتاااحه
امها : انا مو مرتااحه ليا كم يوم بحلم بكوااابيس الله لايوريكي
راما : اوووف خلاااص تراا خوفك دا الزاايد حيعقدني خلاص انا بقفل الاب مافيه شحن ومو عارفه فين حاطه اصلا الشاحن
امها : دا اللي تعلمتيه من اهل الامارات حتى ماسرتي تحترمي امك
راما : انتي اللي وترتيني بكلامك كل يوم طالعتلي بحكايه
امها : مو علشاني خايفه عليكي
راما : ماما ماما بيقفل الاب باااي _ قفلت الاب بدون اي احترااام لأمها _
معصبه من اسامه
حطت البلا على امها
ماحترمتها
لا بالكلام ولا باإسلوبها
" ولا تقل لهما اوف ولا تنهرهما "
وقلب الام دليلها ... خوفها ماجا كدا من الهوا


خارج الشقـــه .. وقفو الاتنين .. 
صاحب نضال : انا عليا الحرمه حسحبها للغرفه وانتا كســر كل البيت
نضال بدأ يتوتر : المشكله دي عمااره اخاف احد يسمممع
صاحب نضال منتا سااامع صوت الاغاني اللي مشغله محد حيسمعنا يااشيخ
جو من جنب الباب ودقوو الجرس

اتوجهت للباب راما : مييين ؟ميييين - شافت بعين الباب مالقت احد _ 
حسبتو اللي بينظف العماره او حاجه فتحت الباب وماخرجت راسها حتى : مي
وماكمللت كلامممها الا الاتنين دفوو الباب ودخلللووووو وصاحب نضااال كتمهاا وسحبببها على طول للغرفه
نضال ولا انتبه انها صغيره البنت
ونسي ماينبه صاحبو انو الحرمه حتكون كبيره بسن
شال العمود اللي بيدووو وبدأ يكككسر كل شي في البيت
وصوووت الاغاااني مرفوووع عل آآآآخر


اما صاااحب نضــآل سحبـــهاا للغرفه وقفل الباب وبس انتبه لشكلها ولبســـها تنـــح 
رامااا دفتتتوو الا رجع مسكككها من يدها
والطامــه انو كانت غرفة نووومهاا
قربــهاا منوو ولاشعوووريااا
الشيطااان اتسلل ولعب بمخووو
جسسسم
جماال
لبسسس قصير مبين اغلب جسمها
كل شي اغرااااه
والباب مقفللل
رماها على السرررير وحططط يدووو على فمـــهاا
وهيا تررفز
تصصصرخ
تبببكي
ماافي اي احد ساااعدهاااا
صوتها انجرررح من كتتتر ماتتصصرخ
هوا متين وداا اللي شل حركتها اكتـــر
حركه وحده منو اكتفى انو ينغري اكتتر لما اترفففع القممميييص
كان بيحاااول ينزل الاندروووير وهياااااااا تصرررخ بكل صووتها
نزلت يدها بالقووه وساارت تمسسسك
بس كان اقووى منهاا
دموووعها كانت تنززل على يدو اللي كاتمممه صوووتها
وصررررخت بكككل صووتها وكأنو روحها طللللعت لمااا خططفت كل براائتـــهاا بلمممح البــصر
ساارت تبكي بصوووت مكتووم
الصريييخ الللي كلوو كان اختتتفى
وبقي انينهاا
كانت تحاول تبعد بعد دا كلوو بس هوا ماكتفففى
يرميها بوحشيه
يمسكها بشراسه
يقتل احلامهاا


مرت خمســه دقااايق ووضاح خاايف في الصااله الصرريخ مو طبيعي 
ايش بيسوي دااا اتووجه للغرفه
ولماا شااف صااحبوو فوق البنــت بردة فعععل سريـــعه رجع قفل الباب
وبعد خطوووات لووورى
وصوت تنفسسو علي بالمكااان
وضاح اتووجه للباب وشششرد على طوول
ساااب الباب مفتووووححح
وخررج للششارع يجججري وايااديه تتناافض كل شي عندوو الا دا الشي مايحب يتعدى على احد
عندو اخت
عندو ام
دعاا على نفسسو هوا السبب اللي جااب صاحبوو
صووت راما وهيا تصصرخ لسااتو يدور برااسه
كان بيححاااول يبعد بقدر المكاان عن البيت
لعن اوم الحااجه للفلوس اللي تخلي البني ادم كدا متووحش
مجرد من الاحاسيس والمشاااعر



في العمــآره وحده من سكانها دوبها نازله من شقتها 
سمعت صريخ مدموج باأغاني والباب مفتووح كلوووو
صح انها ماتعرف مين اللي ساكن بس مهما كان لايمكن ماتتفقد
دخلت بتردد والصوت سحبها لغرفه راما
فتحت الباب وشششهقت بببكل صوووتها
صاحب نضاال من يوم ماشاف الحررررمه قام من على السرير ررفع بنطلونو
ودفاا الحرمه من طريقووو وجري لبراااا

انينهاا لساتو ماختفى 
كان مو طبيعي معاهاا
الحرمه فضلت مصدوومه في مكانها وهيا تشووف بنت بعمر الزهور مرميــه بدا الشكل
تون
تبكي
ماقدرت تتصرف غير انها تطلب الاسعاااف مع الخووف




اما اسامه في عملوو " ســآعه ســآعتين 3 " وبعدها خرج من العمـــل 
وضــآح : طيب تعال معايا على البيت
اسامه طالع بساعه : يااعم شوف الساعه كم
وضـآح : اقوول امشــي هيا
اسامه : خليها لبكرا لأني اساسا مانمت عدل اليوم _ ابتسمت بحقاره _ وبعدين ايش بك اليوم كدا شايفك غير عن كل يومم
وضــآح ضحك : زي ماانا ايش اللي اتغير يعني
اسامه : وربي باين من عينك انك بتسوي مصيبه
وضـــآح ضحك من قلبه : ههههههههههههههههههههههههههههههههههههههههههههه
اسامه : من ضحكتك باين انك مهبب ياااشيخ
وضـآح : لا انتا عارف مالي بتهبيب
اسامه : انو حتقنعني يعني
وضـآح : بحاول
اسامه : مع نظرتك وضحكتك دي الحقيره مستحيل اقتنع
اخدهم الكلام لخمســه دقــآيق ..

وبعدها رجــع اسامه البيــت وهوا مرووق طبــعـآ دخل العماره اتوجه لشقتو دوبو بيدخل المفتاح 
بس اتذكر هبلو امس مع راما ودار راسو بيطالع في باب شقتها وعقد حوآجبه لما لمح الباب مردود
بعد يدو عن باب شقتو وبدون تفكير اتوجه لشقتهاا
حسبها مهمله ونسيت الباب مفتووح
اول ماقرب من الشقــه سمع صوت رجال
على طول فتح الباب وانصصصصصصصصدم لمااا شااف المكااان مكســـر
وفيه ناس بياخدو بصمات اللي استوعبو انهم شرطــه
اللي موجودين بشقــه طالعو فيــه
وهوا قلبـــو بدأت تزيييد دقاته
خايف يسئل خايف من الجواب
اصلا وجودهم لوحدوو يخووف
بلع ريقو ودخل خطوتيين ودا اللي قدر يمشيه فضل واقف بمكانو
مو عارف ايش يسئل بزبط
فين اللي ساكنه
ولا انتو ايش جابكم
ولا ايش الحكايه بزبط
فتح فموورجع قفلو رفع حواجبــه
واحد من الرجال اتوجه له مد يدو : السلام عليكم
اسامه بتناحه طالع بيد الرجال وبعدها مد يدو : اهلين وعليكم السلام _ وجه نظرو للمكان_ ايش سار هنا
مع انو السؤال المهم عندو فين " راما "
اللرجال : اول شي انتا تعرف صحبة الشقه
اسامه بدون اي كلمه اشر براسه
الرجال : لاحول ولا قوة الا بلله
اسامه اتوقعها ماتت : ايـ ايش في
الرجال : انتا ايش تقربلها بزبط
اسامه : ولد عمها ايش اللي سااير
الرجال : والله اللي اعرفو انو انتين اتهجمو على الشقه
اسامه : طيب هيا فينن
الرجال : مدري
اسامه نفسو كان يضربو : كيف ماتدري اللي دخلو سولها شي
الرجال : والله ياأخويا انتا افهم الهرجه كلها من جارتكم دوبها كانت هنا وخرجت
اسامه مايعرف احد بالعماره : طيب انتا ايش عارف صحبة الشقه دي فيين
الرجال : واللهي مدري علمي علمك
اسامه حس انو ماحياخد ممنو لاحق ولا باطل بذات لما حس انو دمو نشششف خلاااص يبى احد يتكلم معاه عدل
طلع للدور اللي فوق ودق الشقه وطلعلو رجال سئلو قال مايدري عن حاجه
راح للشقه اللي بعدها ونفس الحكايه
طلع للدور اللي بعدو وهوا منتهي دق الباب وطلعتلو الحرمه سئلها ووججها اتغير : ايووا انا شوفت الباب كان مفتوح ودخلت
اسامه : طيب ؟
الحرمه ضمت يدها بتوتر تحت صدرها ورجف صوتها : لقيت واحد _ ماقدرت تهرج _
اسامه : اييوا لاتنشفيلي دمي اكتر من كدا
الحرمه شتت نظرها عن وجهه وقالت : اتعرضت لإغتصاب
اسامه لاشعوريا قال : ايشششش
الحرمه كل ماتتذكر صوت راما وهيا تصصرخ تحس انها بتبكي اتجمعت دموعها : الله يكافيه
اسامه الكلام ضاع منو
مو عارف ايش يقول
ايش يسوي فضل ساكت حق دقايق وبعدها قال : هيا فين دحين
الحرمه : اتوقع بيحققو معاها







خــرج من العمــآره وهوا مو بوعيو شغل السياره ولســآتو مو مستوعب 
مايبى يتخيل هيا باأي حاله
ولا بيتذكرر كلمه " اغتصــآب "
مايدري ايش بها دي البنت المصاايب تجي لعندها
راح لأقرب مركز شــرطه واللي حددتو بزبط البنــت ..

ابدن ماكان له نفس يووصل مايبى يشوفها باأي حــآله قفل باب السياره واتوجه بخطووات مهزوزه33 ساعات الموضوع له وهوا مو داري عن شي 
تلوثات من مصنع القلب

اما وضــآح رجــع بيتوو وهوا مبـسوط وراق مزآجه لما لمحها بالصاله مع تامر 
واقفه وحاطه يدها على خصرها وتصرخ على تامر : اهببل انتااا مالت على وجههك طالع كربون من وضاح
جاها من وراها وهمسلها : ياحياة وضــآح
صرررخت بكل صووتها وحطت يدها على قلبها
داارت عليييه : بسم الله من فين طلللعت
وضااح : هههههههههههههههه ايش ببببك
جنى وجهها كلو حمر مسكت رقبتها باإحراج : ولاشي _ اتوجهت لتامر وشالتو من الارض وحاسه من كتر قلبها مايدق ماتبى تجلس معاه بنفس الغرفه : انا طالعه عند اروى
وضاح وقف قبالها : طيب سلمي على الاقل

لهم 3 ايام مايتقاابلو اطورت علاقتهم على الجوال بسس .. فاكدا مو قادره تطالع بعينو حتــى 
طالعت في وجه تامر : تامر جيعان بطلعو يغير ملابسو
وضاح فرط ضحك : وايش دخل اللبس في الجوع
طالعت فيه لاشعوريا : قصدي انو يعني _ اتوترت من نظراتو صرختا _ بلااا خلاص لاتوترني
وضاح : هههههههههههه اول مرا اعرف انك تستحي
جنى وجهها كلمه احمر يمكن قليله فيـــه تحس الضغط كمان ارتفع عندها مع الاحرااج
تحبو من صغرها
حلمها اتحقق
ايش تبى اكتر من كدا : وضــآح خلاص
وضاح : امس مو مخليتني اناام وتبي تكلميني وفلسفه على راسي وماتقدري تقولي كلمتين عدله وانا قدامك سقى الله ايام زمان لما صوتك يلعلع لآخر البيت
تامر ضحك بدون سبب
وجنى : شووف أهو بيبكي ابى اطلع البسو
وضاح : هههههههههههه جنى حبيبي فيوزك ضاربه ولا ايش االولد بيضحك
جنى صوتها شويا وتبكي : وضااااااح بطللل ابى اطللع

دخلت اروى الغرفه ووضاح على طول بعد عن جنى : اهليين اروى _ راح سلم على راسهاا _ 
وجنى اتوجهت تجلس على الكنبه تحس رجولها مو شايلتها
وضاح جلس على الكنبه
وجنى مو جنى تلعب تامر وصوتها يادوب يطلللع وابتسامه احراج راسمه على وجهها
ووضاح عيونو تنطققق بكلمه " مشتــآق "
يكلم اروى وكل شويا يطالع بنق عين في جنــى
ارروى حاسه انو شي مو طبيعي ساير
والي اتأكدت منو انو اتصـآلحو وعلاقتهم ماشيه بس دايما تراقب بصمت
اروى حبت تتأكد وتعرف نقطة ضعف وضاح " الشعر " : جنى ليش ماتقصصي شعرك لحد اذنك
وضاح بردة فعل سرييييعه : لا وي خليها _ حس بنفسو _ قصدي كدا .. يعني ..انو مناسب _ حس اروى مرا لاحظت فقام يبى يعدل الوضع _ جنى شكلها غبي لو قصتو ولد ححس انها واحد من اصحاابي مايكفي اسلوبها الاهبل
جنى اتنرفزت من ردو مع انو عارفه مو من قلبوو : اصلا يناسبني اي شي بس انا ابى شعري طويل
اروى حللت رد وضاح على طول
ورد جنى وضحلها انو جنى برضو دايبه فيه لأنو عوايدها تسبوو
اروى : اهاا _ جنى جيبي الطاوله قدامي _
جنى حطت تامر على الكنبه وقامت بتسحب الطاوله بس تقيلــه الا وضااااح على طول قام : سيبيها
سحبها لعند اروى
اروى رفعتلو حوآجبه
وضاح : ايش بك تقيله الطاوله
جنى رجعت مكانها وهيا خلااص منحرجه
ووضاح نفسو يضحك
واروى بتشوف نهايتهم
اخد الكلام وضاح واروى
واروى وجهت كلامها لجنى : خير ياجنى ايش بك اليوم هاديه
وضاح ابتسم بحقاره ويطالع فيـها يبى يشوف ردها
جنى : بتكلميني انا
اروى : ايوا
جنى ماتدري ايش بها سارت بتقطيع تهرج : وضاح تعبان... قصدي تامر تامر تعبان مسخن شكلو والله
قامت من مكانها ورمت تامر لأروى : انا رايحه البيت بابا يستناني _ حكت رقبتها _ قصدي سيدوو ايوا سيدو اتصل يباني _ حسسسست شكلها مرا مرا ساار اهببل وهيا تهرج كدا شالت شنطتها _ بااي
وضااح كااتم ضحكتوو
واروى طالعت بوضاح : ايش بها الاخت استخفت
وضاح : لا حرام عليكي تلاقي في راسها شي
اروى : ياسلام ومن متى تدافع طول عمرك ماتصدق احد يتريق عليها
وضاح : انا اليوم مروق عشان كدا سايبها
اروى : الله يديم عليك الروقان
وضاح : ان شالله
اروى : نفسي اسافر
وضاح : وليد مو فاضي
اروى : مو مشكله خليه يشتغل وانا اسافر
وضاح : كوويس تغيري جوو
اروى : من جد واخد جنى معايا
وضاح مايبى جنى تبعد : ها ليش شوفي صراحه سفره بدا الوقت مرا احسو غلط أجلوها لقدام
اروى الشي اللي مريحها وضاح زي ولدها واروى اختها ايش تبى اكتر من كدا
حابه الاهتمام دا : فجأه سار غلط مو دوبك بتقولي اغير جو
وضاح : مافكرت عدل اجليها اجليها ولا اقول اسافر انا معاكم عادي رجال يكون معاكي وكدا
اروى : لا يكفي انا واختي ليش حاشر نفسك ومن متى دا الكلام ماشالله
وضاح : من يومي عندي غيره وماحب البنت تسافر لوحدها
اروى : الله واكبببر انا بشوف اشياء جديده بتطلع بدي اليومين خير ياطير
وضاح : هههههههههههههههههه خير خير ان شالله
اروى : اشك والله
وضاح : هههههههههههه تشكي بعقليتي
اروى : حاليا ايوا اشك لأنو شاكه اصلا انو عندك عقل مدري ايش اللي سايرلك
وضاح : اهم شي اني مبسوط سيبوني براحتي
اروى : نشوف نهاية بسطتك وروقانك دا اللي مو عارفه سرو
وضاح ابتسسم دق جواله خرجو لقى رقم غريب حطو سايلنت ومارد ...


في مكــآن تاني نزلت جوالها عن ادنها : مابيرد يابابا 
ابوها : انتي متأكده دا رقم وضاح
رغد : ايوا يابابا متأكده
ابوها : من امس مابيرد عليكي تستهبلي انتي عليا
رغد : والله يابابا رقموو ايش يعني استهبببل علييك
ابوها زفر : لاحووول شوفي هيا يومين ادا مارد حخليكي ترووحي بنفسك لعندهم


تلوثات من مصنع القلب 


في الصباح وباحد الكافيــهاات 
التعود سار سبب علاقتهم ... بس اليوم مو وطبيعي معاها ..
شادن : مروان ايش بك اليوم ..؟
مروان طالع بجواله : ها لا ولاشي بس مستني
شادن : ترا صجيتني اليوم من الاسئله ودحين بتستنى ايش الهرجه!!!
مروان لمحها جات وقف .. وصلت لعنده سلم على خدها ومدت بعدها يدها لشادن : اهلين
شادن مرا استغربت من سلامهم بدي الطريقه وقفت ومدت يدها: اهلا ..!
: دي شادن ؟
مروان وجههو مايبشر باأي خيــر : ايوا وشادن دي نورة خطيبتي
شادن كأنو احد صفعها كف على وجهها مو عارفه تبتسم ولا تعصب !
نوره جلست جمب مروان : مروان حكاني عنك كتير
شادن : اها _ قالت بدقه _ انا اول مرا اعرف انو خاطب _ وابتسمت لمروان _
مروان انحرج
نورة طالعت في مروان وحاولت ماتعلق دحين : خلينا ندخل في الموضوع
مروان : دقيقه خليني
شادن رفعت لمروان يدها : بسمع منها
مرا معصبببه منوو ماتبى تسمع حسسو
مروان حس الجو اتوتر بذات لأنو نوره ماتبين عصبيتها
شادن : ايوا .؟
نورة: انا حهرج على طول عن الموضوع يعني انتي عارفه ليش مروان اتعرف عليكي
مروان : نورة مو كدا الموضوع
نورة بدون ماتطالع فيه : لا كدا الهرجه كلها انا ارسلت مروان عشان بابا كان يبى يشتري الشاليه حقتكم قلتلو يامروان انتا اهرج معاها وبعدين الغيت الموضوع اتاااريه بعدين هوا واصحاابـ
مروان : نووره انا
نروة قاطعتو : خليني اكمل اتاريه هوا واصحاابو حلفو انو يقدرو ياخدو الشاليهات حقك لو شبكك واحد فيهم وخطيبي هوا اللي رما نفسو عليكي سافرت ليا فتره وامس رجعت والاقي ماشالله كلام معاااككي طول اليوم
مروان اساسا ساكت لأنو نورة بتهرج بصوت عالي ومعصبه وهوا يكره دا الاسلوب وشادن مصدوومه : شادن انا كنت جايب نوره هنا عشان تتعرف عليكي لأنو شاكه بعلاقتنا وانا بقولها انو احنا مجرد اصحاب _ طالع بنوره _ ماتوقعت تقوم تهرج بكلام مالو داعي
نورة : والله دي الحقييقه اللي سمعتها من احمد صاحبك ادا انتا وهيا عندكم توضيح اكتر من كدا قولولي انا شوفت فواتيرك نص يوومك بتكلمها خير
مروان : اولا اهرجي معايا باإسلوب عدل ولا قومي من قداام وجههي قللتلك لو انا خايف من علاقتي مع شادن ماكان خليتك تجي هنا من الاساس
نورة : والله وحده بتكلمها طووول يومك وتقولي صحبتك
مروان طالع فيها : انكتمي

شادن قامت من على الكرسي وشالت شنطتها ومشييييت ... 
اما مروان قااام ونوره مسكت يدو : على فيين
مروان بعد يدها بعصبيه وراح ورااا شادن على طوول : شااادن
خرجت من الكافي : شااادن اسمعيني
شادن دارت عليه : انا تستغلني وتقولي كنت معجب وكنت
مروان قاطعها ويهرج بهداااوه : شوفي نوره معصبه عشان علاقتنا
شادن : انا مو عارفه اصلا اعصب على ايش على انك خاطب ولا انك كنت تستغللني
مروان : عمري طلبت شي منك لا ياشادن والله نيتي كانت اني اتعرف عليكي كنتي تعجبيني فاجات مرا نورة الجامعه وطلعت تعرف امك وقالتلي اكلمك هيا شجعتني اكلمك ولما اتصلت عليكي صراحه قلتلك الحقيقه
شادن : قلتلي انك معجب فيا وانتا خاطب واصحابك يعرفو انك تبى تشبكني عشان الشاليه
مروان : وربي لأ اصحاابي ليومك دا وهما عارفين اني خاطب بس معجب فيكي
شادن : انتا تحسب دا الكلام انا انبسط فيه لما تقولي خاطب ومعجب فيكي
مروان : شوفي انا اتعديت مرحله الاعجاب وانتي عارفه انا ماعتبرك الا كاأختي وماكنت اباكي تمشي وانتي فاهمتني غلط حتى جبت نورة عشان تعرف انو علاقتنا مافيها اي حب ودي الخرابيط بس مدري ايش بها قامت انفجرت
شادن : اوك ياسيد مروان مافهمتك غلط ومبروك على خطوبتك اللي اول مرا ادري عنها يللي تعتبر نفسك اخويا
مروان : شااادن
شادن قاطعتو : It's over
ســآبتو ومشيـــت مرا معصبـــه منـــووو
علاقـــه انتهت هنــآ
مروان رجــع لنورة لأنو همو رضاها بالنهايه
وشادن كالعاده رجعت سيارتها وبتسوق وهيا تبــكي ..كانت تبى تبببعد عن الكـآفي
وبعدها وقفت عند ممشـآ
انخنقت من السيــآره
خرجت تبى تمممشي مشيت
ومشيت
ومشيت وهيا باصمه مليون بالميــه انها ماحترجع تكلم مروان .. انتبهت لكرسي جلست عليه وجمبها واحد ماسك الجريده
شادن فضضلت ساكتــه وتفكر بلموضوع لاشعوريا قالت : غباااء
نزل الجريده وطالع فيــها وهيا حست بنفسها طالعت فيــه وابتسمت باإحراج مع انو وجهها مرا مايناسبو بدي اللحظه انها تبتسم : معليش
: لا عادي
طالعت بساعتها : حتى الساعه صنقرت
ابتسم وقلها : الساعه 10
: اها تسلم
: الله يسلــمك _ طالعت بالعكاز اللي جمبو _ سلامتك
ابتسملها ساري : الله يسلمك

مرت لحظه صمت اكتر من 10 دقـآيق 
رجعت طالعت فيـه : ممكن اسئلك
ساري : اوك ؟
شادن : بسئلك لأنك ماتعرف شخصيتي ولا انا اعرف شخصيتك
ساري : اها طيب اسئلي
شادن : ازا كنت تعرف شخص لمده طويله وبعدين تكتشف انو خاطب فجأه تزعل ولا ماتزعل
ساري : اشيل بقلبي عليه بس
شادن : اها
ساري : الا لو انتي تعتبريه اكتر من صديق فشي طبيعي تزعلي
شادن : لا طبعا
ساري : كويس طيب مايحتاج زعل
شادن ماحبت تدخل اكتر بالموضوع : اها اوك
مرت لحظه صمت تانيه وقاطعها دي المرا سـآري ..
احلى شي لما تهرجي مع انسان مايعرفك بس تقولي كلام وتلاقيه فجأه يسمعك وبيرد كمان عليكي
: طيب لو حبيتي انسانه ولما عرفت انك معوق ناقص يعني فسابتك ايش ردة فعلك
شادن : النقص لو كان في احد حيكون بالعقل مو بالجسم
سكتت شويتين وبعدها طالعت برجلو استوعبت وبعدها طالعت في وجههو : صدقني يمكن الحياه كدا احلى لك
ساري ابتسم : من اي ناحيه يعني
شادن : يمكن لو كنت معافى حتسوي اشياء ربي يكون غصبان فيها عليك ويمكن كدا ربي شايف انو دا خير لك
ساري : لو كل العالم تفسر كل شي بدي الطريقه كان الشعب بخير
شادن : ههههههههههه الشعب صدقني في عاهه
ساري بمزح : احس بعض الاحيان انا الوحيد العاقل
شادن : ههههههههههههههه حتتعب نفسيا لو بتفكر كدا


نهاية البارت


البارت قليل صراحه ماكنت مستعده نفسيا اني اكتب بس ماحبيت اتأخر عليكم 
مانحرمش من الردود