اشتعال السحب الفصل الثالث عشر

البــآرت الثالث عشــــر ...

فـــي تركيــــآ ..
واقفــــه وهيا تطـــآلع فيـــه والكميراات والاضوواء عليـــه من جميـــع الجهــآت
وجمبـــه بنت قمـــة بالجمـــآل
شعــرها طويل اصفــر
ولابســـه فستــآن جدن قصيــر على جسمها المغــري
ضمت اياديها تحت صدرهاا وهيا تشــوفوو ...
فيـــه ثقه مو طبيعيـــه
متعوود على دي الاجوااء
هيا حاسه انها متوتره وهوا عااادي
مرررهـ حبــت اللي بيســـويه
ابتسمت لاشعووريا لما طلبوو منو يضحك وهوا ضحــك

جلست على الكــرسي اللي كان وراهاا ومانزلت عينها من عليييه
ليــن ماقــآلوو " كت "
وهوآ هنــآ دار جسموو للبنت اللي كانت معاه بتصـــور
وطـــق حنــك
البنت تضحك وتتمايل عليـــه بكل اغراااء
وهوا الابتسسسامه العريـــضه على وجههو
خــرج جواله وهيا كأنها بتعطيـــه الرقـم

اما رنيـــم بلمت فيــه : ايش دا الوقح مو دحين يحب دانا وجالس مع دي الخوجيه ياخد رقمهاا مررره حيوووان دااا كم قللب عندوو ... لعااب

البت اعطتو الرقــم وراحت عنــو وهيا مبســـوطه وهوا اكييد نفس الشــي
رجع لرنيــم وعينو على الجوال بيثبت الرقــم
وقف قبال رنيــم اللي على الكرسي : همم
رنيم تطالع فييه وهوا منشغل بجالو : حتى مو قادر تهررج
يزن طالع فيها : ايش _ ورجع نزل عينو على الجوال يكمل شغلو _
رنيم كانت بتمدحو على التصوير وحتعبببر من قلبها لأنه عجبها كل شي بس بعد ماشافتو مع دي البنت
وبكل وقااحه لايمكن تقولو شي : ولاشي
يزن بصوت متمتم: طيب
رنيــم كشــرت (( دا كلو يسجل رقمها )) : ايش بتسوي
يززن : دانا ارسلتلي رساله برد عليها
رنيــم وقفت : مقسسم وقتك ماشالله
يزن ارسل لدانا الرساله ودخل الجوال في جيبو : في ايش
رنيم : ولاشي خلينا نممشي
يزن مسك بلوزتـه : بروح اغير وراجعلك
رنيم رجعت جلست على الكرسي بملل: لاتتأخر
يزن : اوكـ
رآآح غيـــر ورجعــلهاا ..
رنيم وقفت لما شافتو جاي باإتجـآهها : خلصتو الاعلان
يزن : لا
رنيـم : بكرا حتكملو ؟
يزن : على حسب الجو
رنيـم : اها _ كملو كلامهم وهماا يمشــو ورايحين للرصيــف _ دحين دانا ايشلها بشغلك
يزن : جات بدال مديرة اعمالي
رنيـم : مديرة اعمال ! غلبت محمد عبده
يزن طالعلها بنص عين : مشغول بجامعتي فامخليها هيا تشوف شغلي
رنيم عقدت حوآجبها : تدرس ؟!!
يزن نسسسسسسي هرجة نزاار : اييوا باقيلي سنتين واخلص
رنيـم سكتت تبى تستوعب لأنه عرفت انوو نزار مابيدرس وعنده معهد رقص بس
هرجت : تدرس !
يزن مد يدوو بيوقف تاكسي : سلامات !
رنيم حست انها سئلتو نفس السؤال مرتين : كيف تدرس وانا يوميا كنت معااك صباح ولليل اجل متى تداوم
يزن طالع فيها حس نفسسووو انحشششك مو عااارف ايش يرد قال : ها
رنيم رفعت حاجبها : ايش ها !
يزن : قصدي سارتلي مشكله بالجامعه فانفصلت كم اسبوع
رنيـم مشت عليها : اهاااااا
يزن (( اووف )) وقف تاكسي ودخلو الاتنين .. كالعاده جوالو مايهجد
جاتو رساله فتحها لقاها من صفــآء زفر وفتح الرساله
" لو تبانا نتفاهم على كلامك اتصل "
: اووف _ اتصل _
ورنيــم تطالع فيــه امنيتها جواله مايدق لمده ساعه بس
حط الجوال على اذنــو : ايوا
صفــآء صوتها عكس العاده : ماتتصل الا لما اطلب منك
يـزن : ايش تبيني اتصل اقولك ؟
صفـآء بكت : يزن وربي احبك وانا سويت كدا عشان احبك لاتعااملني بدي الطريقه
يزن ساكت ولا كأنه احد بيبكي
صفــآء : يزن
يزن بنفس مسدوده : اييوا
صفاء : انا موافقه
يزن : على ايش !؟
صفاء : 30 الف مقابل الصور
يزن ماصددددق يسمع ردها دا : ايش ضمني انو ماعندك لها صور تانيه
رنيــم استغربت من ردو طالعت فيــه
صفاء : لاأنا مو مهتمه بعد اليوم تحسب انو مو عارفه اللي يمر باأخويا بسببك
يزن ابتسم : لا والله زكيه
صفــآء : طيب ادفع انتا الدين اللي على اخويا لأنو لدحين في السجن وانا والله حرجعلك صور رودينا
يزن : شوفي انا مشيت معاكي من البدايه لأنو خايف دي الصور احد يشوفها وعارفه ايش سوويت بسببك عشان كدا والله لو عرفت انو الصور عندك نسخه تانيه منهاا عيلتك كلهاا حتروح وحده ورا التانيه
رنيم طالعت بالطاقه وبلعت ريــقهاا (( ايش هوا داا ))
صفــآء بكت من قلبــهاا ماتوقعت ينقلب عليها الموضوع بدي الطريــقه : والله اسفففه والصور هيا نسخه وحده ماعندي اي نسسسخ تانيه منها
يزن بعد ماكان خايف منها دحيــن بكل وقاااحه يكلمهاا : خلاص حتصل على اخويــآ هوا حيسدد المبلغ حطي الصور بـ usb وخلي فيه رقم سسري
صفاء: ليش
يزن مايبى احد يشوف الصور حتى اخوانو : سوي اللي قلتلك علييه وبس
صفاء : طيب اهم شي اخويا الله يخليك كلم اخوك دحييين
يزن : قلت طيب بلاش هرج زايد
صفاء : مع سلامه
يزن : سلام


صفــآء غطت وجهها بيدها وبكت من قلبــهاا .. جلست جمبها صحبتــها : خلاص صفـآء حيتعدل الموضوع
صفــآء : انااا ليشش سوويت كداا
صحبتها حطت يدها على ظهر صفاء : كم مره قلتلك لاتسويها بس ماسمعتيني
صفآء بين شهقاتها تهررج : انتي عارفتني احوبو 4 سنوات كنت معميه حسوي اي شي عشان اكلموو
صحبتها ماعندها كلام لها طفشت وهيا تنبهها بس مافي اي فايدهـ ...


اما يـــزن قفل وضــحك من قلبـــه ..سواق التاكسي طالع بالمرايه باإستغراب وابتسسسم
رنيـم ماحبت تفتح موضوع الجوال : ايش بك
يزن : هههههههههههههههههه اااااه واخييرا
رنيـم شايفتو مبسووط بزيـآده
يزن : دقيقه _ مع الفـــرحه انعمممى خلاص نفسسو ينطنط اتصل على نزاار م _ الوو ميزو شووف فاكر امس لما كلمتك على هرجه الـ 30 الف
نزار : ايوا
يزن : اسحبها من حساابي وسوي اللي قلتلك عليه
نزار : ولساتك مو راضي تقولي ايش في ؟
يزن : هههههههههههههههههههههههههه لاتقللب عليا ترااني مره مبسووط
نزار : ايش الضحكه دي شكلك بتسوي مصيبه
يزن : يامحلى المصايب لو هيا كدا
نزار : هييي تراا حاسس في شي
يزن : هههههههههههههههههههه سوي اللي قلتلك عليه وبعدين اباك تقابل وحده وتاخد منها شي
نزار : اقولك انا صاحي من النوم ومو مستوعب شي بعدين اكلمك
يزن : لاتتاخر
نزار : طيب سلام
يزن :مع سلامه


صفاء تمسح دموعها وماسكه الاب تنقل الصوور وصحبتها جمبها وبتشوف صور رودينــآ
: من فين جبتي دي الصور
صفــآء : مره رودينا سوت حفله وعزمت بنات على الشاليه وطلبت منهم يصوروها لما تنزل المسبــح
صحبتها : الله يستر علينا والله لو انتشرت دي الصور البنت كانت راحت فيها
صفـآء : عارفه وليش يزن سوا دا كلوو اصلا انا حسيت الايام الاخيره اتغير عليا
صحبتها ماتدري عن الموضوع لأنو قالتلها لو سويتي شي لاتكلميني : من اي ناحيه
صفاء : اول مارسلتلو الصوره جاني ووجهو مقلوب وقلي حسوي اي شي بس ماترسليها ووقتها قلتلو ماتقول لأحد عن الصور وبزات رودينا عارفه ايش رد
صحبتها : ايش
صفاء : قلي انا مجنون اقولها المهم كنت اتقرب منوو ومو مهتمه لعلاقته بروديناا قلت بكرا ينساها بس بعدين سرت احس انو يسئل عن عيلتي كتتير اانبسطت حسبت حبني او يبى يتعرف عليا اكتر وانا غبيه قلتلو كل شي عرف مصايبناا وشوفي ايش سوواا الله ياخده
صحبتها : لساتك تدعي علييه انتي اللي غلطانه مافي بنت تسوي اللي سويتيــه
صفاء : سوسو خلاص اللي فيا مكفيني

في السيـــآرهـ
يزن : نفففسي ارقـــص واهيص
رنيـــم لساتها مو عارفه ايش اللي ساير : احد ماسسكك
يزن : لازم نروح عند دانه ؟
رنيـم شهقت : هيي مين قال اصلا اني حروحلها
يزن : ههههههههههههه كنت مسويلك مفاجأه بس دحين مو فايقلها ولا اقول نروح ناكل ونخررج اخر الليل اكمل فوورتي
رنيـم تطالع فيه مفجوعه: ايش حكايتك الييوم
يزن مو عارف يتصل على رودينا ويحكيها ولا يسيبها لما يرجع (( لما ارررجع احسسن )) : مبسووط آآآه يااربي
رنيـم : طيب انبسط مع نفسسك بس عند دانا دي انا مااابى ارووح فاهم ولا لأ
وقفــت السياره
الا يزن ضحك ورفعلها حاجبه ونزلو باإستفزاز: ههههههههههههههههه وصلناا
رنيــم تطالع فيه بخوف : نزار اهجددددد
يزن دفع للرجــآل ورنيــم لساتها بسيــآره ماكانت تبى تنززل : اوووف
يزن خررج من السياره وراح فتحلها الباب : ليديز فيرست
رنيـم : لأول مره اكره اشوف انسان مبسوط
يزن فرط ضحـــك : هههههههههههههههههههههههههه انزلي
رنيـم دوبها بتنززل الا قفل الباب بوجهها وكمل ضحكتو بحقــآره
رنيــم انفجعت ورجعت فتحت الباب بعصبيـــه : يزززن بطلللل بلااا
يزن : هههههههههههههههههه حبيبتك دانا تستنااكي
رنيـم : ماحنزل من السياره
يزن طالع بالسوااق وقلوو بلغتو التركيــه الضعيفه " امشي "
رنيم كانت مخرجه رجلهاا من السياره وجالسه على الكرسي لما مشت السياره خرجت من السيااررره بردة فعل سريـعه ويزن قفل الباب وهوا يضحك : ماتمشي الا بالعين الحمراا
رنيم تطالع فيــه مفجووعــه : ترا حالتك صعبه وربي ترااك مريــض
يزن ضحك كانت فرحتو اكبر من إنو يرد عليـــها ماهتم لو تقول اللي تقولو حيتقبلوو اليوم
رنيم تباه يعصب مره مستفزها وهوا مبسوط ضربتو كعادتها على كتفه : خلاص لاتضحكك بدي الطريقه
حسبتو حيعصب
ولا حيمسك يدها ويهزأها
بس دي المره اتقبلها بكل رووح رياضيه لا وكمااان خبطها على قفاها : امشي وانتي ساكته
رنيـم مسكت راسها : ايييي نزاار يرحم امك لاتنبسط تاني
يزن : هههههههههههههههه
وصلو لحد بيت دانا ودق الجــرس ورنيييم ضامه يدها تحت صدرها ومكورهـ ومستنين احد يفتلحهم الباب
يزن : تراكي اختي واسمك عبير لاتنسي
رنيـم طالعت فيه بقهر : شكلك متعود على الكزب عشان كدا مانسيت
يزن : ايوا _ يبى يستفزها طالع فيها من فوق لتحت وارسلها بووسه على الهوى _
رنيـم فرصعت عينها : لا انا لايمكن اجلس الييوم معااك
داارت جسسمها تبى تمششي الا مسكهاا من قفاهاا ووقفت مشي
شكلها مره كان اكسس : يززن سيب البلوزه
يزن بصيغة امر : امشي ياابت مكاانك
رنيــم : بقوولك سيبني
يزن سمع صووت الباب بينفتح سحببها بكل قووته لحده وانفتح الباب وسارت رنيم قبال الباب بزبط
عينها فاتحتها بصدمه على وسعها نزلت بلوزتها اللي شويا اترفعت مع السحبه ورسمت إبتسامه بالقووه
دانا حست انو في شي ابتسامتها اختفت : في شي ؟!
رنيـم دوبها بتهرج الا يزن قاطعها :عبير مره اشتاقلتك ياشيخه قلتلها بكرا نجيكي قالت لا والله توديني دحيين عند داااناا سوتلي فلم هنندي
دانا : ياحييياااااتي _ قربت حضنتهاا ورنيم دارت وجهها على يزن وهيا ضاغطه على اسنانها وتحرك شفايفها مافهم شي بس عرف انها بتتوعدلوو _
دخــلووو بيت دانا وسلمو على امــها اللي ماتهرج الا تـــركي
عشان كدا سابتهم على راحتهم وراحت
رنيــم ويزن جالسين على نفس الكنبـــه ودانا جالسه قبالهم
يزن : خلاص ارتحتي ياعبير ها شوفتي دانا لاتقومي تصجيني بكراا
رنيــم تطالع فيــه وهوا يهرررج ونفسسها تموتوو ودانا تضــحك
كانت تباه يسكت قالت : مين البنت اللي كنت تضحك معاها وتتبادلو ارقاامكم _ ابتسمت بحقااره تبى تردلوو حركتوو _
يزن رفع حاجبه الاتنين ودا لأنو انصدم من دخلتهاا ماتوقعها تهرج كدا قدام دانا
دانا اختفت ابتسامتها وطالعت بيزن وكأنها تبى رد منوو
يزن : دي دي اللي تصور معايا اخدت رقمي عشان بيننا عمل
رنيــم : بللهي واللي تبى تدي واحد رقمها عشان عمل تضحك _ ضحكت بتقليــد للبنت باإنحرااف ومالت على يزن وقلدت البنت وهيا تتمايل عليه _ ههههههاي _ هرجت بجديه _ كدا تسوي
يزن يبى يعدل الوضــع ضحك بالقووه وحط يده على ظهر رنيم وسار يخبطها بهداوه : شكلك ماشوفتي عددل ماكانت تتضحك كدا ياعبورتي
رنيــم : الا كدا
يزن قرصها بظهرها عشان تسكت وسحب يدو : لا ماشوفتي
رنيم فزت من مكانها مفجوعه من قرصتوو ... ودانا تطالع فيهم مفجووعــه : آآآآآآي نزااار اهجدددد بلا
دانا : ايششش بكم
رنيــم مره عصبت منوو : تراااني مو اختو
يزززن انفجع : كزاابه لاتصدقيها
دانا بلمـــت ..
رنيـم : اسمي رنيييم مو عبير ولا يحزنوون بلاش فقش زايد
يزن مره اتنرفز منهاا ماهتم بدانا عندو دحين رودينا اهم منها
كدا يبى يخربها اشر على رنيــم : تراها ليزيبيان ومعجبه فيكي
دانا فرصعت عينها ورنيــم انفجعت اكتتتر من دانا : لا ياااشيخ
دانا وقفت : انتو ايش فييكم يزن دي اختك ولا لأ
يزن ابتسملها : لا
رنيم ضمت يدها تحت صدرها
دانا رمشت عينها بصدمه : وليش كزبت عليا
رنيـم طالعت بيزن : ايوا ليش كزبت عليها
يزن طالع في رنيم وقال كلام كآن ممززوج بضحكه وباين انو كداب : عشان رنيــم معجبه فيكي
دانا مره اتنرفزت من اسلوب يزن الامباالي : انتو بتضحكو عليااا
رنيـم : لا هوا اللي بيضحك عليكي انا اساساا ماعرفك ولا

داناا وصــلت حدهاا حسست نفسها ولاشي بينهم من اسلووبهم كمان في بيتها واخدينها مضحكه : اطلعوو برا
يزن على طول وقف ورنيم مصدوومه محطوطه بموقف زي الزفت حست بالإحرااج
يزن كان بيمشي الا وقف وطالع بدانه وقال بقمة الاستهباال : يسير الواحد وهوا مطرود يقول مع سلامه ولا يخرج بس وهوا معصب _ دانه اكتفت انها تطالع فيـــه وباااين في وجهها العصبيه بس مانطقت بشي جاوب من نفسو _ اها مايسير _ رجع مشي خطوتين ووقف وطالع بدانه _ طيب مايسير نتعشا وبعدين تطرديناا
دانا قالت بعصبيــه : قلللت اطلللع من بيتي
رنيــــمم جات لحدو وومسسسكتوو من بلوزتو وقالت لدانه : سوووري
ومشيت وهيييا ساحبببته : اممممشي الله يفضضضضحك
خــرجو من البيت ودانا رزعت الباب وراااهم ويييزن يضححححك من قلببـــو حالتوو مو طبيعيه اليييوم
رنيــم تطالع فيــه مفجوعه : خلاص ارتحت
يزززن وجههو محمر من كتر مايضحك: آآآآآآآه ياااقلبي شوفتتي وجهها كيف سااار
رنيــم : ترااك مره وقــح يعني ببيتها وكمان كدا تسوي
يزن : والله اني مقهوور على التبووله اللي راحت علييا دقيقه ادق الباب اقولها ايش احسسن مطعم بتركياا
رنيـم وقفت قداموو وماقدرت تمسك نفسها ضحكت : هههههههههههههههههههههه يزززن ايش بك اليييوم اهجددد
يززن : هههههههههههه تراا انا وإنتي ضايعين ماعرف شي هنااا
رنيــم : يلا وريني ايش حنسسوي دحيين حترجعني دبي سااالمه ترا
يزن يطالع حولينو ويضحك : بللهي فين نروح
رنيــم مسكت يدو : تعاال معايا
يزن مشي معاها : على فين
رنيــم جات لحد كرسي خشبي : اجلس
يزن جلس : طيب ؟
رنيــم : صلي على النبي وخد انفاسك وحااول تتذكر شي ممكن يعصبك وبعدين نكمل طريقنا
يزن : ههههههههههههههههه انتي حاسدتني على الضحكه
رنيـم : انا لأول مره في حياتي ماعرف اتعامل مع انسان مبسسوط
يزن : هههههههههههههههههه ايش رايك نروح نغيرك
رنيـم : ايش تغيرني .!؟
يزن : ايووا نغير ستايلك
رنيـم : اسرري
يزن وقف : اقولك خليهاا بكرا الليل دحين مرره جيعااان تعاالي ندورلنا مطعم
رنيـم : وكيف اول كنت عارف الشوارع
يزن : اعرف شويتين والباقي كنت اتصل على دانا واسئلها
رنيــم : ياحلاوه
يزن : تراني ميت جوع
رنيـم : في مطاعم بالفندق ليش نروح نضيييع عل فاااضي
يزن : اووه صح والله نسيييت _ يرتب الجدول _ ناكل وبعدها ننام نقوم ناكل نروح لتبع الرقص حقونك وبعدها نخررج نلفلف بتركييا شويتين وبعد المغرب نروح لصالون تجميــل اقولهم يعدلو شكلك وبعدين نغير ستايلك
رنيــم : وبعدين مره مع نفسسسك
يزن : صدقيني ماحترجعي تركيا وانتي بدا الشي
رنيـم : سري
يزن : نشووف
رنيـم نفسها تغير ستايلها بس بنفس الوقت ماتبــآ ...
يزن : انتي عارفه اني انبسط لما كدا اغير في احد احس بمتعه
رنيـم : يالطيف حتى الاشياء اللي تبسطك سخيفه زي بسطتك 
~|تلوثات من مصنع القلب |~

دفتـــوو وبكـــل قهـــر اعطتـــو كف ... انسحبــت من المكـــآن بســرعه
دخلت الحمام وقفلت على نفسسسها

اما هووا واقف بمكـآنو طالع حوليــنه رفع يده وخللها بشــعره
يبــى اي مكــآن يتــرمي فيه وينـآم
دخل اقرب غــرفه ورمى نفســه على الكنبــه وكمـــل نومتـــه ولا كأنو سار شي



اما هيـــآ منهاااره في الحماااام مقهوره لأنو سوا كدااا
دقاات قلبــها ورا بعــض
مسحت دموعها اكتر من مرا وشطفت وجهها بالمويا وتجي تبى تخرج بس ترجع تبكي وتفضل في مكــآنها
تبــى ترجـــع البيــت .. مافي غير سواق اروى تروح تصحيه من النووم
لايمكن تجلللس هنــــآآ
فتحت الباب وخــرجت بس راسها ماحبت احد يشوفها ووجهها كدا محمـــر من كتر البكى
خــرجت بخطوات تقيــله وهيا بطالع حولينها خــرجت من البيت وراحت باإتجــآه غــرفة السوااق
دقت عليه الباب كدا مره ولما فتحلها وهوا بالقوه فاتح عينــه : ايوا مدام
حزنت تقومو بس غصبا عنها : تقدر توديني بيت انا
السواق : دحين ؟!
جنى : ايوا
السواق : دقيقه انا اجي
جنى : طيب
اخد منو 3 دقايــق وخــرجلها
ركبت السيــآره وسندت جسمها على الكنبـــه غمضت عيــنها ومسحت دمعتها اللي بطرف عينها
(( حتى هوا يشــرب وانا حسبــتو غير عنهم ))
(( يحسبني اكييد وحده من حقونوو لما يســكر يجي يلمسها بكل سهوولا ))
رجعت نزلت دموعهاا غير لأنها مقهوره لانو سوا فيها كدا
بس مقهوره كمان لأنه الشخص اللي حبته
واللي كانت راسمتوو في بالها
غير عن كل الرجال
انسان مثقف ومتعلم
بعيد عن دي التفاهات بس دوبو حطم كل شي راسمتوو


في الظهـــر حس باأحد يبوســه على خدو فتح عينوو وهوا مكشــر قال باإرهااق : تاامر
تامر جالس جمب راسه ورجع باسوو ويضحك وخبط على خدوو يبااه يقوووم : ضااااح ضااح
وضاااح رفــع جسمو من على الكنبــه وجلس : هااا فيين امك بلا
اروى جالسه في الغرفه : انا هنا تراك مو نايم بغرفتك عشان كدا لاتخاصم ولدي
وضـآح رجع انسدح على رجل تامر الصغيره لما حس نفسسه مصدع ومارد على اروى
وتامر يلعب بشـعره
اروى : ايش بك
وضـآح غمض عينو : ولاشي
تامر رجــع يبووس وضــآح ووضاح مطنششوو
اروى مسكت جوالها واتصلت : ايوا جنى ؟ ايش بك كدا روحتي بدون ماتقوليلي .. والله انفجعت .. ماتبطلي يعننني

اما وضــآح مغمض عينوو وحاسس ببوس تاامر سمع اسم جنــى واتذكــر اللي سار امس فتح عينو بردة فعل سريـعه
(( لا انا لايمكن اسويها )) رجع جلس تاني على الكنبه ويطالع باأروى وهيا تكلم جنى
ودقات قلببببه ورا بعض مو عارف هوا من جد سااار كدا امس ولا دا حلم
ولو انو حلم ليش بيحلم بشي زي كدا ؟!!!!
ليش هيا !؟
تااامر انبسبط لما شاف وضاح جلسسس على طوول جا فوقو ويمد يدو يبى يمسك السكسوكه ووضاح ينزلو يدوو
ويرجع يمسكو ووضاح يرجع ينزل يدوو وبيطالع في اروى يبى يسمع كلمه من هنا ولا من هنا يمكن تفهمو اكتر
وضاح عصب من تامر : تيموو اهجددد
تامر على طول حط راسه على صدر ووضاح وررسم على وجههو الحزن ببرائه
وضاح ولا أهتم
اروى قفلت من جنــى وطالعت في وضاح باإستغراب : ايش بك متكرن اليوم
وضـآح مكششششر مرره : ولاشي
اروى : طيب متى حتروح
وضاح : فين ؟
اروى : مو سيدي طلبك تجيه اليوم
وضاح : هاا ايوا للعزيمه
اروى : ايش بك نايم هنا
وضاح مارد عليها : جنى فينها ؟
اروى : في البيت
وضاح : مين وداها ؟؟
اروى : تخييل بللهي قومت الساعه 9 ادور عليها مالقيتها والله اتجننت لا وكمان اتصل على جوالها وهوا هناا
بس سئلت السواق قلي امس الفجر قالتلي رجعني البيت
وضاح بتردد : ماقالتلك ليش
اروى : على ايه ؟
وضاح : يعني ليش راحت ؟
اروى : الا قالتلي طفشت
وضاح مره خايف انو يكون اللي سار امس من جد ومابيحلم
قام من مكــآنه وهوا يتذكر
متأكد انو مو حلم
لأنه بدي يتذكر تفاااصيل اللحظه
صوت تنفسسها
تصريفاتها
ضربتها
دموعـــــــهآآآ ...!
دقات قلبه كل مالو تزييد لما تجي في بالو دي التفاصيل
(( اروح اليوم واشوفها لو كانت ماتكلمني ساعتها الله ياخدك ياإياد عل مصيبه اللي حطيتيني فيها ))



امــآ اياد فتح عينو باإزعاااج على صووت نادر وهوا بيصحيـــه ...
اياد غطى وجهه بلحاف : نادر اقفل اللمبـــه
نادر يسحب منوو اللحاف : خلاااص قوم قدو ظهر
اياد ميت نووم ماسك اللحاف : طيب بنام شويا سيب اللحاف
نادر سحب اللحاف ورماه بالارض : بقووولك قووم
اياد بعد ماكان منسدح على بطنــه انسدح على ظهره وطالع بنادر بقهر : ايششش تبى انتاا
مايقدر بنام بدون اللحاف ولا كان طنشو وكمل نومــه
نادر : قوم صلي الظهر ويكفيك كدا نوم وبعدين جوالك دق كدا مره
اياد قام من على السرير : للبش ياشيخ
خــرج من الــغرفه ونادر مستغرب فين حيروح دا
اياد كان بيشــرد راح لغرفه رودينا ودق الباب فتحو لقى الغرفه مظلمه والتكيف مقفل
وشكلو مافي احد شغـل التكيــف
واخد اللحاف والمخده وانسدح على الكنبــه ونام

رودينا واليـــن فطروو وكآنو متوجهيــن لغرفة رودينا ..
الين لصقت في رودينا : هههههههههههههههههه زوجة هادي ليش سرتي تعصبي بسرعه
رودينا : ياازفت لاتقوليلي زوجة هاادي عشان لاأعصب ساعتها
الين : عجبتني الكلمه
رودينا فتحت باب غرفتها دوبها بتهرج بس عقدت حوآجبها : مو قلتلك قفلي التكيف وانتي خارجه
الين : وي قفلتو
رودينا دخلت وفتحت الاضائه الخافته وضحكت بهدووء : ياحبيييييييييييبي دا ناايم هنا
الين : هههههههههههههههههههه ايش بوو
رودينا قفلت الباب : ايش نسسسوي فييه
الين : هههههههههههههههههههههه _ قربت من الكنبــه _ والله في راسي الف شي بس شكلو يحزن نايم من قلب
رودينا : ههههههههههه مو دي المتعه انو نايم بعمق يلا يلا فككري
الين : طيب ساعديني ايش نسسوي
رودينا : مدري انتي حقيره ممكن يجي في راسك شي حقير
الين طالعت فيها بنص عين : ترا كدا مابتمدحيني !
رودينا : هههههههههههههههههههه
الين : اسكتي الله يفضحك لايقوم
رودينا : لاتشيلي هم نومو تقيــل
الين ابتسمت بخبث : تقيل مره ؟
رودينا : ايووا ليش
الين : ندف الكنبــه وندخلها الحمام
رودينا اتخيلت شكل اياد بس يفتح عينو وهوا بالحمام فرطت ضحك : هههههههههههههههههههههه
الين : ههههههههههه صدقيني حيقوم على ضحكنااا
رودينا : ههههههههههه بسرعه بسسرعه دففي معايا _ جات من يمين الكنبــه _
والين من يسارها حاولو يدفوها وفرطوو ضحك لما ماقدروو : اااه تقييييله
رودينا حطت راسها على الكنبــه وهيا تضحك : هههههههههههههههههههههههههه اتوقع اياد يقوم يشوف نفسو بلحمام يرجع ينام ماحيهتم
الين : هههههههههههههههه اما عاااد مو لدي الدرجه
رودينا : ههههههههههههههه دحين ايش نسسسوي
الين : نادي المزز
رودينا : اي مزز ؟!
الين : صاحب اخوكي يجي يساعدنا
رودين شهقت : سري دا اللي ناقص ادخلو غرفتي
الين : عادي اياد في الغرفه
رودينا خبطت راس اياد : هاا تراا دا مايحححس بشي وهوا نايم
الين فرصعت عينها : وي _ ضحكت مفجوعه _ههههههههههههههههه بشووويش بلا بشكلك انا حاسه انو حيقوم قبل لانسوي شي
رودينا : جيبي شي تاني
الين : دقيقه _ اتوجهت للباب ورودينا نادتها _ اصبرري دحين جايه
روودينا جلست على السرير وبتستنى اليــن ولا دقايق الا الين داخله وابتسامه عريضه على وجهها
دوبها رودينا بتهرج الا انكتمت لما شافت نادر داخل وراها وبيسألها : ايش في طيب
الين اشرت على الكنبــه : اباك تسوي شي معانا
رودينا على طول وقفت اما نادر طالع في رودينا ومبعدها شتت نظرو عنها
اتذكر كلامها حق امس كدا ماحب يطالع فيـــها
حتى هيا ارتبكت من وجوده
نادر : دا نايم هنا
الين : ههههههههههه ايووا شووف ابى اسوي شي بس لازم تساعدنا
نادر بدون مايهرج بس نظراته باين فيها ردو
الين ابتسمت اكثر وهيا تشــرح : شوف اباك تسحب معانا
نادر : طيب قومووهـ اول
رودينا : هههههههههههههههههههههههه
الين : هههههههههههههههههههههه لا
رودينا قاطعتها : احنا نبى نسوي فيه مقلب حندف الكنبه وندخلها الحمام
نادر انفجع : حرام عليكم
الين ورودينا فرطو ضحك طبعا دا شي عادي من مصاايبهم ومقالبهم
نادر : لا مايسير تسيبوه في مكان كدا نسحب الكنبه نحطها عند الدرج ولا غرفه تانيه ممكن
رودينا : ايوا نحطو على حافة الدرج كدا يقوووم ينفجع اكتتر
الين : ههههههههههههههههههههههههه بس اتخيل ردة فعلوو اااه ياابطني هههههههههههههههههه
نادر شايفهم مره مبسسوطيين ابتسم غصبا عنوو : طيب يلا
رودينا : دقيقه بطفي انوار الممرااات على بال انتو دفووو الكنبــه
الين : مو قلتي نومو تقيل
رودينا : احتياطا
الين : دوبك خبطيييه خبطه على راسوو ماقام جاي يقوم على لمبه
b رودينا : ههههههههههههههههههه ماحنخسسسر شي دحين راجعه
خــرجت روديناا جججريي وهيا بقمه حماسها ..
نادر طالع باألين : اما ضربتو ولا قام ؟
الين كعادتها ناس تدخل معاهم عرض وناس ماتديهم مجال اصلا يهرجو معاها : ههههههههههههه ايووا شوف شوف _ راحت باإتجااه اياد وخبطتو براااسوو ولما مالقت اي ردة فعل منوو حطت يدها على فمها وهيا تكتتتتم ضحككتها _
نادر : هههههههههههههه بشوووويششش
الين : هههههههههههههههههههههههه يلا يلا دف
رودينا دخلت الغرفه : لسااتكم انتوو
الين : بقولو من اول دف مو راضي
نادر طالع باألين مفجووع مستحي يقول " كزابه " اتوجه للكنبه : يلاا طيب
الين : ورودينا جوو من الجهه التــآنيه وهوا من جهه ودفووهــآ بس خرجوو الكنبــه من الغرفه بدأت ضحكااتهم المكتوومه في المكـــآن
خرجــو خدامتين من الغــرفه ووقفو مفجوعيـــن يطالعو بالتلاته والكنبه اللي بيدفوها


اما ايااد مغمض عينو وهوا حاسس فيهم وبالعنيه مايبى يقووم مع إنو نفسسو يضحك
بس ماسك نفسسوو مررره ..
وناااوي على رودينا والييين بسبب الضربه اللي براسه ..


حطو الكنبـــه بوآجهة الدرج ...
نادر : خلاص ارتحتو كدا
رودينا تعدل الكنبه في حافة الدرج : ههههههههههههههههههه ايوا كداا
الين اتكت على طرف الكنبــه : بلله مو يبالي الصوره هههههههههههه الكنبه شكلها غلط هنا
اياد جلس وقال : طيب ممكن دحين ترجعوني الغرفه
الين مره انفجعت مع الربشه حركـــــت الكنببببه وانقلللبت من على الدرج
شهققققت شهققققه في كل المكااان
اماااا رودينا : ايا اي _ تبى تنادي وتقولي اياد بس كل مابطيح الكنبه درجه تسسسسكت _

اياد انقلللب طبعااا قلبــــه ماقد انقلبها في حياااته كلهااا
بس 4 درجااات وقدر يمسك بدربزااان والكنبـــه كملللت المشواااار طاااحت للنهايييه وانكسسسرت
التلاته فووق مبلمييين
امو وابوووه خرررجوو جري من غرفتهم كانت صووت الكنبه مره عاليـــه
غير الصدددى
والخدم برضوو جوو مع الفجعه
واياد جالس بنص الدرج واللحاف بيدوو
ام اياد طالعت بالثلاثي وبعدها باإياد وبعدين بالكنبــه ومو عارفه ايش تقول
ابو روديناا : يش اللي ساااار هناااا
الين ورودينا ونااادر مخروووسيـــــــــــنن
واياد مخروووس من الصدمـــه يتخيييل لو انو مامسك بس الحديده دي ايش كان سرلوو مو بعييد عظمه بجسمه تنكسرر
ابو ايااد : احد يردد علياا ايش اللي سار
رودينا ضمت اياديها في بعض وتبى تطلع عذر : كنا نبى نسوي مقلب بسيط يعني ماتوقعنا يسير كدا
اياد وقف : دا بللهي مقلب كنتو بتمووتووني
ابو اياد طالع فييهم الاربعـــه : ولا وحده من الخدم حتنظف اللي سار دحيين
نادر مره منكسسف من نفسسه : خلاص ياعمي انا حرميها ما
ابو اياد قاطعو : لا دي ماتترمي حتصلحوها
الين طالعت بالكنبه مفجوعه : عمو منتا شايفها كيف مكسسره
ابو اياد : الا شايف قالولك اعمى و
الين قاطعته : ماكنت اقصد كدا بس مايحتاج نصلحها
رودينا : انا ادري يابابا خلص الكنب يعني
ابو اياد يتكي على كلامه : قلت الكنبه حتتصلح ولا والله ولا وحده فيكم حتروح العزيمه
الين بكدب : ماما قالتلي شويا اجيها
ابو اياد : انا حكلمها قومو بسسسرعه انتو الاربعه صلحوو دا
ام اياد انسحبت من المكان وهيا تضحك ..
اما اياد دام فيها شغلل بدأ يستنذل جلس على الدرج : اااي جسمممي يوجعننني
ابو اياد بصرامه : لاتستهبببل تراا دوبك كنت واقف ولا فييك شي
اياد رجع قاام ووطللع الدرج : طيب اوك كلم دول التلاته انا مالي فيهم
ابو اياد : انتا معاهم
اياد : ههههههههههههه _ كان بيمر من عند ابوه الا ابوه مسكو من يدوو _
ابو اياد : انا بهررجك
اياد طالع باأبوه وسحب يدوو : لو تهرج لبكرا ماحسمعلك
ابو اياد : اياد بطل دي الحركاات
اياد : دحين ليش معصب ترا كلها كنبه لا راحت ولا جات .. تبى قيمتها ؟!
ابو اياد ماكان مقصدو من الحكايه دي كلها عشان فلوس بس يبى يعاقبهم
رودينا خافت انهم يتضاااربوو راحت لحد ابوها : خلاص يابابا هوا مالو صلاح
ابو اياد متنرفز ليش بيكلمو بدي الطريقه قدام نادر والين .. : لمااا اكلللمك تحتررمني لمتى حتفضضل كداا انا اببووووك فاهمم ولا لأ ادا مو عارف دا الشي اطلللع من البيت
اياد على صوتو: ترا لو واحد مننا حيخرج من البيت دا ... هوا انتا طبعا وانتا عارف ليش
ابووه وجههو صفــر .. ورودينا خافت انو اياد يهرج قدام الين بالموضوع : اياد انكتتتم
نادر عل طول جاا ومسسك اياد : اياد امشي للغرفه
اياد مارضي يمشي : انا مااشي اصلا بس بلااش تسوي على راسي ابوياا وترفعع صووتك علياا عشان _ هنا نااادر دفاااه بعصبيــــه وسحبببوو بعيييد عن ابووه _
ابو رودينا واقف مكــآنه مخروووووس .. رودينا : بابا خلاص بلاش تكلمو مره تانيه سيبو في حالو
ابوها وجههو حمممر من العصبيــــه لأنه ولدو بدي يغلط عليه كماان قدام الناااس
كان اول بين بعضهم .. لكن دحين بدي يتمادى واي كلمه ممكن يكلمو يقوم اياد يتفرعن عليه ويصرررخ
قال : حساااابوو بعدييين معايا _ وممممشي _

اما ناادر دخل اياد للغرفه وقفل الباب رفع صوتو بعصبيـــه : انتااا اهبببل ؟! مابقي الا تعطييه كف
اياد : نادر خليك في حالك ولا تتدخل
نادر : لا لما توصل المواضيع لكدا حدخل دا ابببوووك مايسير ترفع صوتك عليه وتكلمو بدي الطريقه
اياد اتوجه لدولابه وفتحو بعصبيــه ومارد اصلا على نادر
نادر : كمان حتخصررني وانا بكلمك
اياد ساكت ويخرجلوو ملابــس ورجع قفل الدولاب بقووه وكآن رايح للحمام الا نادر وقف قباله
وقال باإسلوب امر : لما بكلمك رد علييا مني جداار هنا
اياد سااكت لأنو مايبى ينفججر في وجه نادر : بروح استحمى ابعد عننني
نادر بعصبيــه : وانا بهرجك فماحتروح مكان
اياد مو متعوود احد يهرجوو بدي الطريــقه : نادر ان
نادر قاطعه : شوف لو انك تطلع مصايب الدنيا في ابوك كلها مايحقلك تهرجو بدي الطريـقه
اياد قال بهدووء عكس اللي جواته : صدقني قليل اللي بسويه فيه
نادر : لساتك مصر كمان على كلامك اياد افهم دا ابوك لو ايش ماسوى فيك حرااام تكلمو بدي الطريقه
اياد : انتا دحين تتكلم على اي اساس ؟
رودينا فتحت الباب وكانت بتدخل الا رجعت وقفت وسارت بتسمع كلامهم ..
نادر دوبو بيهرج الا اياد قاطعه : على اساس انك فاهم الموضوع ولا لأنك اكبر مني ولازم تتفلسف وتقولي احترم ابوك ومايسير تكلمو كدا ودا حرام ودا حلال .. ترا لسى فيا عقل واعرف اميز الحرام من الحلال وعارف اللي سويتو مع ابويا قليل فييه ولو مسحت فييه البلاط لسااتي ماحبرد قلبي عشان كداا لاعاد ترجع تقوولي ايش اسوي
كان بيمشي الا نادر ماخلاه ومصر انو يكلمو : شووف انا انسجنت 11 سنه بسبب امي هيا اللي الوحيده اللي كانت تقدر تخرجني من القضيه دي كلها بس دخلت فجأه وشهدت ضدي ظللم تتوقع ابوك سوا اكتر من كدا بحقك ؟!؟ انا لو شوفت امي مره تانيه يمكن ماقدر اهرج معاها بس برضو ماحقدر اقلل من قدرها زي ماإنتا سويت دوبك
اياد سكت شويتين وبعدها قال باإقتناع : انا مو زيك لاتحاول تهرج معايا بدا الموضوع لأنو مافي شي حيغير الصوره اللي ببالي _ ساب نادر ودخل الحمام يبى يستحمى ويخرج من البيت _
في ناس ممكن يقتنعو بكلام الغيــر
لو ايش ماكان حاقد كاره ممكن بالكلام المفيد يغير نظرته
بس اياد عكس دا الشي مايقدر يكره بس طبعو لو كره مافي شي ممكن يحببو بشي مره تانيه
لا كلام
ولا بكى
ولا حــآجه
خلاص يرسم شي بباله وماشي عليــه
عكـــس نادر اللي لو حتى شاف شي غلللط بحق انسان مايرضى يحطو براسسوو ويشوه الصوره الحلوه اللي راسمها عنو
ويفضل يسمع منوو عشان لايظلموو
الا امو اعتبرها نقطة سودا بحيــآته بس فوق دا كلو مايجيب سيرتها بالبطال

رودينا سحبت نفسها بهدوء وهيا مفجووعه .. كانت جايه تهززء اياد بس كلام نادر فجعها
معقووله في ام كدا
بلعت ريقها وهيا تسترجع كلامو حتى نبرة صوتو وهوا بيهرج عن الموضوع قطعلها قلبها
رودينا راحت لألين اللي سارت تهرج عادي وسوت نفسها ماسمعت كلام اياد ولا علقت عليـــه اصلا
روددينا : قومي قومي نسوي الكنبه
الين طالعت فيها باإستحقار : اقوول سري على اخر عمري اقوم اصلح كنبه
رودينا : ههههههههههه تراها فكرتك ياحيوانه
الين : هههههههههههههههههههههههههههههههههههههه والله لما اياد طاااح فضيييييع
رودينا رجعت تضحك هيا والين بهسترياااا وهما يتذكروو ..
رودينا : يلا ننزل نصلحها
الين طالعت باأظافيرها : نو اخاف تخرب اظافيري ولا خشبه تدخل في صباعي وتجرحني مو ناقصه والله
رودينا : طيب تعالي نروح نرميها في اي مكان
الين : فين ترميها دي المفروض تحطوها زكرى هههههههههههههههه
رودينا : هههههههههههههههههههههههههه اقوولك تعالي نخرج بسرعه من البيت
الين : ليش
رودينا : مافيا حيل بابا يقولي نظفي عاد لو حطى شي براسي مايسيبو
الين : والخدم على قلتهم في البيت
رودينا : عاد ماتعرفي بابا
الين : تدري استغرب من بابا بعض حركاتو
رودينا : زي ؟
الين : لما يطيح شي مني والشغاله بالغرفه تدري لما اجي اشيلو من الارض يصرخ عليا ؟
رودينا : اما ليش !؟
الين : يقولي ودي ايش فايدتها غير انها تلم وتعدل وراكي
رودينا وقفت : اقول انتي محد خاربك غير تفكير ابوكي دا
الين : لا من جد كنت اعتبر كلامو درر بس دحين بديت اشوف كلامو غلط
رودينا : وايش اللي خلاكي نبيهه كدا ياستي
الين : هتان
رودينا رجعت تجلس بحماس : ايش قلتي
الين ضحكت : هههههههههههههههههههههههه لاتفهمي غلط بس من جد الولد غصبا عنك يخليكي تحترميه
رودينا قربت منها اكتتتر : اقووول دي اليومين بعدت عنك بديتي تهلووسي ولا كيييف
الين : ههههههههههههههههههه
رودينا : انتي قصدك دا المنتف اللي يشتغل عندكم
الين : ههههههههههههههههههههههههههههه ايوااا دا هوا
رودينا : وايش اللي قلب تفكيرك يختي
الين : شوفي انا بديت معاه بحقاره مره كنت وقحه معاه
رودينا : وايش الجديد انتي كدا مع الكل
الين : مو دي المشكله لما انتي تكوني كدا مع الكل وفجأه شخص يحسسك انك ولاشي لما تستخدمي دا الاسلوب معاه
فرض عليا اني احترمو
رودينا بدت تستغرب من كلام الين اللي لأول مره تسمعها كدا بتهرج : ايييوا ؟!
الين : شوفي فاكره بعد ماروحنا الروضه اخر يوم اتضاربت معاه وطبعا كان بيننا مقال لازم نكتبو ونروح المكتبه وكدا انا سحبت عليييه ولارضيت اروح اليوم التاني في الكلاس تدري ايش سوا
رودينا : ايش ؟
الين : اعطى للدكتوره المقال وحاتط اسمي واسمو
رودينا : امااا
الين : وربي وبعدين ماسوا دا الشي وانو مستني مني مقابل بالعكس قدمو ولما انتهى الكلال خررج ولا كأنو مسوي شي طنششت قلت دي وشغلتو
رودينا : ههههههههههههههههههههههه حلوه دي شغلتو حتى بالجامعه خدام عندك
الين : هههههههههههههههههههه
رودينا : ايوا كمللي
الين : ودي اليومين محد بيحضر بالجامعه مدري ايش حكايتكم وجا كريم ليا كالعاده يستعبط على راسي الا فجأه جا هتان مدري من فين وخلاه يقوم من جمبي وجلس معايا واليوم اللي بعدو جا جلس برضو قرريب مني وقلي وحده زيك ماتجلس لوحدها
رودينا : ينااسوو عجبتني الجمله هههههههههههههههههههههه
الين : هههههههههههههههههه مو انا بلمت تدري ايش قلتلو
رودينا : هههههههههههههه عارفه اكيد رد بايخ زي وجههك
الين : هههههههههه قلتلو شغلتك
رودينا : او ماي قاااد تراكي مره وسسخه ايش رد
الين : ولاشي سوا نفسو ماسمعني مع انو سمع
رودينا بحماس : لايكون الولد يحبببك انتبهي ترااه بواااب ههههههههههههههههه
الين : لا وي يحب اصلا تدري كم لهم ؟
رودينا : كم ؟
الين : 18 سنه يحبها
رودينا :يناسو شكلو يحبها من هوا صغير زي يزن
الين : يزن ؟
رودينا : يزن يحبني من يوم مافقس من البيضا
الين طالعت فيها بجديه : لا ياشيخه
رودينا : هههههههههههههههههههههههههه تراااه حقيير مايبين
الين : انا القط كل صغيره وكبيره الا دا الموضوع مالقطو ولا حتى قادره استوعبو لدحين
رودينا : هههههههههههههه مشي حاالك تصدقي طلعتو من راسي مرره
الين : امس كنتي تهرجي عنو
رودينا : ايوا لأنو كنت ابى اهررج مع اي احد ولما حكيتك ارتحت وكدا حسيت انو اتمنى واحد راكز وعاقل ودا مو في يزن انا عارفه لو استمرينا كان تعبت معاه
الين : ايوا ياقلبي قلتلك هيا عشرين مره الحب مو كل شي
روديناا : وانتي بديتي تحبي هتان ولا كيف
الين فرصعت عينها : احبببببببببببب داااك المنتففف هييييي قلتلك احترموو دا اللي ناقص احب واحد زيوو
رودينا حضنتها : كوويس صحبتي رجعت
الين : ههههههههههههههههههههههههه الله يقلعك ايوا صح اتعرفتلك على واااحد جميييل بشكل مو طبيعي
رودينا : ايوا وايش شغلتو
الين : شوفي لدحيين مو عارفه ايش موقعو بزبط من الاعراب بس كدا من الصور والاماكن اللي هوا فيها يجي منو
رودينا : لايغررك اللي وراه اهم شي هوا ايش
الين : هههههههههههههه اكييد مو لو مو كويس حسحب عليه 

امــآ اياد استحمـــى وخـــرج بنفسيــــه ولا كأنو دوبو اللي داخل وهوا معصبــ
خارج يغني بكل تحشيش : اماا نعيييمه نعمييين _ نادر طالع فييه مفجوع _ هههههههههههههههههههه ماتعرف دي اللي تغنيها هههههههههههههه احسها تناسبك وجهها ملائم مع وجهك
نادر حس انو بيتريق ومصدوم كمان من روقانوو المفاجئ اللي خلاه اصلا ينفجع من شخصيتوو : حاسس انها شاكوشه
اياد : لساتك تحس حبيبي هيا شاكوشه بس زي ماقلت ملائمه معاك
نادر : ارحمني يللي جمالك مقطع البلد
اياد يبى يستفز نادر : ياأخي انا وسيم وجزاب وحلو لاتنكككر
نادر : اياد بللهي انكتم
اياد : ههههههههههههههههههههههههههه انتا عارف البنت تبدا تشك بنفسسها لما انتا تكون واثق بنفسك بزياده
نادر : دا لو كانت هيا مو واثقه بنفسها
اياد : وربي حتى لو كانت واثقه بنفسسها _ وقف قدام المرايــه ويعدل شعره المبلبل _ ثقة الرجال تهزهاا
نادر : لاتجمع ياأخي مو كلهم كدا
اياد : من تجاربي الخاصه اقول الاغلبيه يعني اللي اعرفهم مزز بس لما اهرج معاهم واقولهم انا ايش اسوي وايش اعمل وماحب دا واكره دا واطلع في شخصيتها الف وستميه عيب وستايلها اطلع فييه الف وميتين غلللط تلاقيهم يسيرو يهرجووني كدا وهما شاكييين ويخافو يغلطو بكلمه معايا
نادر : اقوول اسرري انتا وشخصيتك الهبله دي يعني تنبسط لما تنفخ ريشك عليهم
اياد : ياتنكه انا اكره البنت اللي شخصيتها تتأثر بللي حولها ماحب اللي تكون مهزوزه تعجبني اللي واثقه بنفسها وماتتأثر واللي عرفتهم لدحيين يسو نفسهم واثقين اول ماكلمهم وانو هما مرا واو بس لما اعرفهم اكتر احسهم يتأثرو باأي كلمه اقولها ..
نادر : اقول انتا لاتتناقش معايا في دي المواضيع لأني ماتفق معاك
اياد : ههههههههههههه شي طبيعي ماتتفق معايا انتا 11 سنه مختفي عن الكوكب الارض حدك ام كلثوم ومنديلها الابيض
نادر : الله لايوليك على مسسلم
اياد مسك جواله بعد ماتعطــر ولقى اتصال من لانا استغرب ورجع اتصل عليها بدون اي تردد
بعد كدا رنــه ردت عليــه .. : السلام عليكم
لانا : وعليكم السلام
اياد : كيكفك ؟
لانا : كويسا وانتا كيفك ؟
اياد : تمام
لانا : امم سوري لأني اتصلت و
اياد قاطعها : عادي ياشيخه بلاش دا الاسلوب
لانا ابتسمت حست شويا براحه : كنت حابه اهرج معاك بموضوع
اياد طالع بساعته : خلصتي دوامك مو ؟
لانا استغربت : ايوا
اياد : طيب يسير نتقابل وتقوليلي اللي تبيه
لانا كانت بتهرجو على الجوال بس زي مايبى حتسوي : اوك متى
اياد يبى يخررج : دحين
لانا : اممم اوك بس اوصل اخواني البيت نتقابل
اياد : انتي فينك دحين
لانا : بمطعم $$$$$$
اياد : بلاشي المشاوير اجلسي في اي مكان تبيه وانا حجيكي مو مشكله لو اخوانك معاكي
لانا طالعت باأخواتها ولؤي : اممم طيب اوك
اياد : حتفضلو بالمطعم ولا خارجين
لانا : لا حنخررج _ حددتلو المكان اللي حتروحلو وهوا قلها مسافة الطريـــق واكون عندك _

كلـــها دقـآآيق ووصــل اياد للانا اللي كانت جالسـه بالحديقــه
قرب للطاوله الخشبيــه الا اخو لانا وقــف لما اشفو : انتا ايش جاابك هنا
لانا مسكت يد لؤي : اجلسس
لؤي عقد حواجبه على انو كآن خايــف من اياد بس برضو بيدافع عن اخواته
اياد : هيي ماحسويلك شي اجلس اجلس
لؤي ولا جلس عينو مليانه نظرات حقد لإياد
اياد جلس جمب ليان ولينا ماعرفوه طبعا وقباله لانا ولؤي
طالع في لينا وابتسملها : كيفك
لينا ابتسمتلو بدون رد
لانا : ماعيلك منهم المهم معليش لأني اتصلت عليك
اياد قاطعها : لا عادي مافيها شي _ مو قادر ياخد راحتو بسبب لؤي فقال يعدل وضعو معاه وبعدين يهرج مع لانا _ايش اسمو اخوكي
لانا : لؤي
اياد مد يدو للؤي : انا اياد
لؤي جلس مد يدو له وسلم
اياد : عارف انك حاقد بس لو إنك بمكاني ودوبك مشتري سياره واحد يجي يخربها لك ايش حتسوي
لؤي كاإنسان يعشق السيارات : حدعسو
اياد قلو باأمر : اجل يلا انكتم ولا طالع فيا بدي النظره
لانا : لؤي خد البنات وروحو العبو
ليان حطت راسها على الطاوله : مابى العب
لينا : ولاانا
اياد : ماتقدري تهرجي وهما فيه ؟!
لانا : لا عادي امم انا ابى أأجر بيتي بس مو عارفه كيف او ايش اسوي فاعشان كدا طلبتك
اياد : سعرتو البيت
لانا : ماسويت شي وبنفس الوقت مو عارفه كيف حأجرو لأنه دورين ومفتوحه على بعض مع إنو للدورين مداخل خاصه فيها بس برضو
اياد : مو مشكله دي الناحيــه
لانا : الا بقولك مفتوحه على بعض يعني لو أجرتو كيف حقدر اخد راحتي بالبيت
اياد ضحك : انتي ماكلمتي احد بالموضوع قبلي
لانا استغربت : لا ليش
اياد : لو أنك كلمتي احد قبلي كآنو جاوبلك حل لمشكلتك تراا كل اللي موصل بينكم درج يعني تقدري تفصليه بحاجز الموضوع مو مره كبير
لانا مليون الف شغله براسها عشان كدا مشوشه ومو عارفه تطلع حل لشغله بسيطه : اه ايوا صح
لؤي : ومين قلك تأجري البيت ؟!
لانا : مو وقتك يالؤي
لؤي : البيت مو بيتك لوحدك عشان تأجريه متى ماتبي
لانا طالعت فيه وقالت بجديه : لؤي لما نرجع البيت حتفاهم معااك
لؤي : قلتلك ماحتأجري البيت مو على كيفك
لانا طنشتو وطالعت باإياد : ايوا بس لو انتا فاضي تقدر تساعدني بدا الموضوع
لؤي : ماحتأجريـــه
اياد : ايوا اقدر
لؤي لساته مصمم : لانا ماحدخلي احد بيبيتنا
لانا قامت : اممشي
لؤي : فين
لانا : بكلمك
لؤي قام وهيا مشيت وراح وراها اما اياد ولا ادخل بالهــرجه
حط يدو على الطاوله على انو ظهر بس الجو حـــلو والمكااان مافيه ناس كتيـــر
طالع بالبنتين اللي جمبو ومالهم اي حــس
كآنو يطالعو بالعيله اللي جالسه على بساطهم الاحمر
وامهم حاضنه ولدها الصغير والاب بيلعب كوره مع بناته
اتأمل العيله اللي ضحكاتهم واصله لحدهم وبعدين طالع في لينا وليان
عيونهم كآنت مجمعه فيها الدمووع شكلهم يقطع القــلب
وسكووتهم ونظراتهم تدل على انهم يتمنو يكونو مكان دول الصغــآر



اما لانــآ بعدت عن اخواتها واياد ..
لؤي : هاا ايش في
لانا : انتا كدا تحب تتفلسف وتستقوي قدام اي احد
لؤي : مابستقوي بس مايسير تأجري البيت
لانا : اهاا عشان احنا مو محتاجين صح ؟
لؤي سكت
لانا : شووف اي شي انا اسويه لاتفتح فمك لأنو مو انتا اللي بتصرف على العيله
لؤي : لاحفتح فممي انا مابى احد يسكن معانا دا بيت ابوويا
لانا دا اخر شي ممكن تستحملو اخوها لؤي: ابوك في قبروو ومو سايبلنا ولا فلسس ططيببب ولو ماأجرت البيت حتموت انتا واخواتك من الجوع لأنو انا اقدر ادبر نفسي وانتا عارف دا الشي فلو تبى تعيش لاعاد تتناقش معايا بشي انا اسوويه فاهم ولا لأ
لؤي : حتسيبينا يعني وتمشي لو ماخليتك تأجري البيت
لانا ماعرفت ترد عليه بس ماتنكر انها فكرت تسويها :ايواا لأنو انا يادوب بلحق على شغلي ويادوب بقدر اسويلكم اللي تبووه وانتي مو مقدرين دا الشي
لؤي قال وهوا مخنوق : طيب سوي اللي تبيه انا اسف
سبــقها ورجع جلسسس بدون اي كلمــه فكرة انو اختو تسيبهم وتروح فجعتوو
لانا رجعت لإيااد وجلسسست وباين العصبيه بوجهها ..
اياد : ايوا فين كنا
لانا : مدري نسيت
اياد : صاحببي يعرف لدي المواضيع فاأنا حسئلك هوا واردلك اوك
لانا : سوري حتعبك معايا
اياد : عادي ماورانا شي
لانا ابتسمت له
اياد مو مقطع قلبو غير ليان ولينا : ايش بهم مايقومو يلعبو
لانا : مايبو
اياد اتصل على وضااح واستفسسر عن كل شي لانا بتسئل عنـــو ..
اما هوا ولانا فضلو يهرجو عن موضوع البنا والتأجير وهما يمشو بالحديقه
اياد : اجل ابدأي من بكرا
لانا : ان شالله
اياد : ارسليلي عنوان بيتك عشان ارسلك الرجال بكرا
لانا :اوك
اياد رجع يطالع في اخواتها : حيفضلو كدا لمتى ؟
لانا : سيبهم ماحيلعبوو
اياد : طيب حاولي معاهم مايسير تخليهم كدا
لانا قالت وهيا مخنوقه: امس وديتهم الملاهي وبرضو محد رضي يلعب كل واحد جلس في مكان ويطالعو بالبزوره لما يحسو نفسهم حيلعبو حيلعبو من نفسهم مايحتاج اقول شي
اياد : تراهم مو زينا عشان لو فكينا حنقوم نستهبل دول لساتهم صغار لو مامسكتيهم ولعبتيهم عز الله كبرو وهما معقدين
لانا : اغصبهم يعني على اللعب
اياد : ازا الغصبيه تجي معاهم اغصبيهم
لانا ضمت اياديها تحت صدرها وطالعت فيهم ماتحس انها تقدر تلعبهم : مدري ماحس انهم حينغصبو
اياد : طيب حوريكي كيف الغصيبه تجي معاهم
لانا طالعت فيه مستغربه : ايش حتسووي
اياد انتبه للنافوورهـ اللي بنص الحديقـــه : تقولي دي ممنوع احد يدخل وسطها
لانا فرصعت عينها : تراا والله لو قرب
اياد ماسبلها مجــآآل تهــرج رااح لأخواتهاا ومو عارف اساميهم غير انهم بحرف الام : لولاات
رفعو عينهم عليه بدون مايرفعو راسهم حتى
اياد : قوموو
ولا وحده قامت شااف لانا جايه باإتجاهه وتنادي علييه : ايااد سيبهم
اياد ضحك وجا من رواهم وشالهم الثنتين من خفتهم .. ولؤي كآن ساعتها بسياره
لياان : آآآ نزززلني بقوولك نززلننني
ايااد خااصرهم وراايح جــــري للنافوووره وبدون تفكــــير رمااهم فيييها ومااات من الضحك
الثنتين رفعو نفسهم وهما مبلبلييين ويرجعو شعورهم عن وجههم
اياد: شايفين الموياا حلووه انبسسطوو
لانا جات عندهم وحطت يدها على فمها : وااا من جدددك انتااا الناس ايش حيقولو علينا
اياد عكسهاا ولا همو احد اللي براسو يسويه : ماعليكي من احد
لانا : وانتا كماان ماعليييك من احددد _ وجاات من ورااه ودفتتتو بكل قووتها في المويــآ
دوبو بيــرفع نفســو الا نطوو عليه ليان وليناا وهما يضحوو
اياد : هييي سيبوونييي
ليان تكششو بالموياا وتضحكك : هههههههههههههه احسسسن احسسن
ليناا اتعلقت برقبتوو وهوا قلبها على قدااام وغطسها بالموياا : اهجدددي
لينا : ههههههههههههه لياان اضربييييه بيموتني
اياد : هههههههههههههههه
ليان شاتتو ببطنو برجلها : سيبببهاا
اياد سابها : بلاا انتو بنات
كان بيخررج من المويا الا مسكووه الثنتين ويبووه يلعبب معاهم
ولانا تضضحك عليهم وعيونها مدمعه ماتدري ليش كانت تبى تبــكي
واللي في المكان سارو دحين العكس هما اللي بيطالعو فيـــهم
اما لؤي خرج من السياره واتكى عليها وبيطالع فيهم من بعيـــد
اياد دف ليان : اااي لاتتتقرصي بلا بشششكك _ رجع دف لينا _هيييي لاتعضيي لاناااا ابعديييهم عننني
لانا رفعت يدها باإستسلام وهيا تضحك : تسستااهل قلتلك لاتقرب منهم
ليان : هههههههههههههههههه قوم قوم ارفعني زي اوول
اياد وقف : اسرري
ليناا : لااا ارفعنني اناا
اياد : اقولكم طيرو عن وجههي
الاتنين جو قبالو وماخلوه يمششي يبى يخررج من الموويا وهما عاجبهم الحال
ليناا : مااالي ارفعنني
اياد قرب منها : حشتريلك ايسكريم بس ابعدي عني الله يخليكي
لينا : مابى
ليان : انا ابى ايسكريم
لينا ابتسمت : ايوا حتى انا
اياد : دوبك ماكنتي تبي
لينا : ايوا بكيفي
اياد طالع فيها مفجوع (( يازينكم وانتو منسدحين على الطاوله )) : مايسير تكلميني كدا عيب
لينا : طيب ابى ايسكريم
اياد حب لينا اكتر شي عشنها صغيره ..
اياد : طيب يلا نخررج من هناا
ليان : الناس بيطالعو فينا
اياد : ههههههههههه خليهم
ليان انبسطت انو الصغار سارو يطالعو فيها زي ماكنت هيا اول تطالع فيهم
وخــرجوو وهما يقطرو موياا
لانا : لو تعبوو دحيين ايش حسوويلك
اياد : ههههههههههه وانا ماالي محد قلهم يلعبو
لانا: ايواصح هما اللي راحو رمو نفسهم
اياد : افكورس افكورس
لانا : دحين حيعدموو اوم السياره
اياد : ياااي دا اللي شايله همو السياره
لانا : لو ماشلت هما السياره اشيل هم مين يعني
اياد : دول اللي مبلبلين ويبو شي يدفييهم .. ايش رايك انا اوصلهم عل بيت ومره وحده عشان اعرف طريق بيتك
لانا : مستحييل
ليناا : ايوا ايووووا اببببى
ليان : حتتى انا بروح معااه
لانا : مايسير تركبو مع اي احد
اياد :ممرمتطني كم يوم اقوم من صباااح ربنا عشان اشوفلك وظيفه غير دحيين خارج من بيتنا وانا برضو صاحي من نومي وتقوليلي غريب لما تخلصي من حاجتك اسير غريب ووقت ماتبيني اول واحد اجي على بالك ؟!
لانا استحت من كلامو مو عارفه تردوو : مو قصدي كدا
اياد : بنات روحو على سيااارتي
ليان ولينا طالعو بلانا وكأنهم مستنين اشاااره منها
لانا منحرررررررررجه قالت غصبا عنها : طيب
لينااا جرررت مع الفرررجه وليان واقفه لساتها جمب اياد
لينا تجججري ومبسسسسوطه: هييييييييييييييييييييييييي
وقفت جري لما استوعبت انها مو عارفه سياره اياد ورجعت لهم واياد فااطسس ضحك
ليان : غبيييه فين كنتي رايحه
لينا : نسيييت
اياد : ههههههههههههههههههه شكلو الهبل وراثه في العيله
لانا طالعت فيه : مع نفسسسك
اياد : هههههههههههههههه _ مشي _ يلا تعالو
لينا على طول مسكت يدوو : وااا حتشتريلي ايسكريم
وليان ماسكه يد لينا : انا بردانه مابى ايسكريم
لينا : اووف حتى انا بردانه
اياد : اشتريلكم حاجه تدفيييكم
لينا تشد على يدو : هيي انا بركب قداام
ليان : لا انا الكبيره حركب قداام
لينا : مو على كيفك
ليان : ولا على كيفك انتي
اياد : اتضاربو اتضاربو
ليان : انتا قولنا مين ييركب قدام
اياد : انتو قررو مين يركب يلا
ليان : اناااا
لينا : لا اانااا
ليان : انا قلت قبلك
اياد : ايوا صح هيا قالت اول
لينا : بس انا قلت من هكانا
اياد طالع فيها مستغرب : هكانا ايش دي تطلع
ليان عدلت كلمة اختها : قصدها هنااكا
اياد : ها اها ايوا صح هيا اول شي فتحت الموضوع
ليان : مو على كيفها انا كبيره
اياد فتح السياره ووقتها سكتو الاتنين : مافي كراسي ورا كدا حتجلسو على نفس الكرسي
ليان : طيب ليش ماقلت من اول
اياد : كنت ابغاكم تتضاربو ماتضاربو انتو بالايادي تشدو شعر بعض تعضو بعض
ليان : لا
اياد : اها اجل اطلعو اطلعو
ليان ولينا ركبو وهوا ركب برضو ووقف على طريــقو عند بارنيــز واشتــرالهم وبعدها سار يمشي ورا لانـآ
اياد : كم اعماركم ؟
ليان : انا 9 ودي 5
لينا : خلاص حسير 6
ليان : لسى ماسرتي
اياد : يعني لينا ماتدرس
ليان إلا
لينا : اوووف انا اجاوب انتي ليش كدا
اياد : ههههههههههه يالطيييف
لينا : انا برووضه
اياد : يوو غبي اللي هناك
لينا : لا مو غبي كلنا اذكيااء
اياد يستعبط على راسها : إلا غببي مرره
لينا شهقت : اووف نسيت ماقول للانا
اياد : ايش تقوليلها
لينا : عندي حفله بعد 3 ايام
اياد : وانتي ايش حتسوي بالحفله
لينا : حخغني اغنيه واقول شععر
اياد : ماشالله كوويس
لينا تهرج ببرائه : الاستازه قالتلي جيبي امك وابوكي بس انا قلتلها هما ماتو عشان كدا قالتلي نادي اختي
عشان حتجي تصفقلي وانا اغني وتصورني
اياد على انها صغيره بس انكتم ومارد على كلامهاا سكت للخظات وبعدها قال : وحفظتي الاغنيه ولا لسه
لينا : لا ليان تحفظني لما ارجع
اياد : ولانا ليش ماتحفظك
ليان دوبها تهرج : لانا مو فاضيه لنا بس تجلس بغرفتها وانا ولؤي نزاكر للينا
اياد : ايش تسوي بغرفتها
ليان : مدري
لينا : زماان كنت ادخل عليها تكون بس تهرج بالجوال وترقص بس دحين مدري ايش نسوي كمان شكلها تهرج بالجوال كمان
اياد : انتو بس 3 ماعندكم اخوان تانين
ليان : الا عندنا لما صغنوونه
لينا ضحكت : مرره هبله لما اغمض عيني وافتحها بسرعه تقوم تضحك
اياد : هههههههههههه كم عمرها
ليان : اممم يمكن سنه
اياد : ودي مين يمسكها كمان
ليان : الشغااله هيا تسويلها كل شي
اياد سكت بتفاجئ ..
لينا : اوووف بردتت
اياد : طيب اشربي اللي بيدك


اخدهم الطــريق كلو هــرج ولما وصــل لبيتها نزلوو الاتنين جري علشان يغيرو
اما هوا ماكان له نفس يرجع للبيت بس مضطر عشان يغيررر ... 

~|تلوثات من مصنع القلب |~

اتستر على احزاني .. مثل سكيـر يتستر على رائحة انفاسه في مأتم والدهـ ..

لبــس كعادتــه من دولاب صاحبـــه وكان نفسو يمسك ورقــه ويكتــب
بس مالقى اي دفتر او قلم في غرفــة اياد
نززل ولقى بطريــقه اليــن وروديناا وهما يتساسرو ..
الين اول ماشافتو نادته : نادر تعال تعال
رودينا نغزتها بكوعها وقالت بهدوء : ليش
الين استغربت من رودينا بس طنشتها ووجهت كلامها لنادر : اليوم عيد الام وبما إننا ماحنروح للحفلة الي مسويها سيدي فاقرننا نسوي لمامتي ومامة رودينا مفاجأه هنا بس ايش رايك نفاجأهم بالحديقه ولا بالغرفه
نادر : مافرقت
الين : الا فرققت وي
نادر : االجو حلو سوها بالحديقه
الين : قلتك يارودينا بلا ماتعرفي حتى تفكري
نادر ابتسم بدون تعليق
ورودينا ساكته عشان حزنانه عليــه ماحبت ينفتحلو الموضوع
الين : مررسي
نادر راح ورودينا طالعت باألين بقهــر : ارتحتي
الين : ايش بك انتي وجعتيلي كليتي بنغزتك دي
رودينا : ولاشي خلينا نجهز دحين
الين طالعت بساعتها : تقولي في وقت
رودينا : عندنا 12 ساعه ياهببله اكيد في وقت
الين : لو ام التلاتي فيي كان سوينا الحفله هناك
رودينا : ايوا على سيرة ابوهم وامهم دول فينهم مختفيين كل ماتتصل ماما عليهم تقولي اخرجي من الغرفه
الين : يمكن سايرتلهم مشاكل باالعمل انا كدا سمعت
رودينا : بس لهم كتير مسافرين مو عوايدهم
الين : مدري عاد
رودينا : ايوا خلينا بالبارتي
الين : ترا ماما تحب السيمبل
رودينا : ههههههههه ماما تحب كل شي اووفر
الين : يالطييف كل وحده طالعه عكس امهاا
رودينا : ههههههههههههههههههههههه من جد
الين : قومي جيبي شنطتك على بال نشتري الهدييه
رودينا : ترا انا حاجزه كل شي من امسس
الين : يعني ؟! حتجي معايا ترا
رودينا : ههههههه جااايه بلا

اما نـــآدر خــرج من البيــت وتفكيرو محصــور على امــه
وقفــلو تاكسي ولاشعوريا قلو يوديــه لشركه امـــه
نفسسو يشوفها حتى لو من بعيـــد
مع إنو كارهها بس برضو حاسس بالحنين

وقفت السياره فين ماحددلو خــرج وسار بشاارع المقابل للشــركه
ماقـدر يروح للشــركه حاول يقطع الشاره ونزل على الرصيــف
بس رجع خطوى لورى ومد يدوو يوقفلوو تااكسي
الخطووهـ بس اللي خطاها اضايق وحس باإنوو مخنووق كداا يبى يبععد
~|تلوثات من مصنع القلب |~ 

ركبــت معااه السيــآره ومو كعادتها دي المره مكشــرهـ
: سلمي على الاقل
ضمت يدها تحت صدرها ومبوزه : مابى
مـآزن حرك السياره : مين مزعلك
ولا ردت عليــه
مازن : مين متكرن العسل _ ولا ردت عليه _ حبي قلببي اثوورتي
ولا من مجيب
مازن : تووتي
اثيـر : لاتكلمني كدا وكأني صغيره
مازن : شوفي شوفي نفسك بالمرايه وجهك زي ولد اختي لما يبى رضاعه ومحد فاهمو
اثيـر طالعت فيه بقهر : مني صغيره
مازن : حفظتها والله مني صغيره ومني هبله ومني غبيه فهممتتهاا لاتناحليني قوليلي مين مزعلك
اثيـر : انتا
مازن استغرب : انا
اثيـر : ايوا
مازن : هوا انا اقدر ازعللك
اثيـر : ايوا
مازن : طيب ايش سوويتلك ؟!
اثيـر : كنت دوبي عند بنت جارتنا وصاحبها كان يتصل عليها كل شويا ولما قلتلها ليش كدا قالتلي عشان يهتم فيا
مازن مافهم : طيب وانا اشلي فيها ؟!
اثيـر : مو انتا صاحبي ؟
مازن : ايوا _ استوعب _ اهااااااااا
اثيـر : عشان كدا
مازن : وانتي تبيني اقلد الناس عشان ارضيكي ؟
اثيـر سكتت شويا بعدين استوعب : لاتقلد احد
مازن : لا انتي تبيني اتصل عليكي كل شويا وكأني حبيبك عشان تعرفي انا مهتم فيكي
اثيـر ماردت
مازن : لما ولد يتصل على بنت كدا مره باليوم ويهتم فيها زياده عن اللزوم دا يكون يحبها وانا علاقتي معاكي اكترها اتصل عليكي مره باليوم اكترها دا
اثير ماعرفت ايش ترد عليــه سكتت شويا وبعدين اندفعت بالكلام : اقولك لاعاد تتصل عليا مره احسن
مازن : ماعندك حل وسط ياإنك تبيني اتصل عشرين مره ياإنو ماتصل مره
اثيـر : ايوا انا ماحب كدا اخرج معاك وانتا مو مهتم انا ايش سويت امس
مازن : يعني ايش ممكن حتكوني سويتي خلفتي بزوره ولا حتتزوجي
اثير : سارت اشييااء كتييير بابا جاا وو واتعرفت على بنت جارتنا مره طيبه واخوها جبلي كفر لجوالي شووف _ رفعتلو الجوال _ مره حلوو ومكتوب عليه اسمي
مازن : ياسلام _ٍ سحب الجوال منهاا _ وهوا ايش اسمو
اثيـر : حسن
مازن : ههههههههههه عشان كدا حاطط جمب اسمك حرف الـ H
اثيـر مافهمت : ايش يعني
مازن : حاتط حرفو
اثيـر ماهتمت : اهاا وايش كمان سويت ايوا ايوا حطاالي كمان غنيه مره حلو لما احد يتصل عليا _ سحبت جوال وقربتو لوجههو _ ها اتصل اتصل اسمعها
مازن : ياابتي بشوويش عليااا _ ساب جوالها واخد جوالو _
اثيـر مسكت جوالها : يلا اتصصصل _ اتأخر _ اووف يلاا _ اتكت على اسمو _ مااازن اتصللل
مازن ارتببك من زنهاا قال بعصبيه : طيببب اصبببري _ اتصل _
NA NA NA
I'M Not beauyt queen
i'm just beautiful me
na na na
na na na
you'v got every right
to a beautiful life
c'mon
who say's
who say's you'r not
قفل ورمى جواله باإهمال فين ماكان
اثيــر كانت تتحرك بدلع مع الموسيقاا ولما قفل على طول صنقرت : ليش ماخلصصت الاغنيه
مازن عاد الجمله اللي لفتتو : i'm just beautiful me الولد دا كم عمرو بزبط
اثيـر : مدري
مازن : كبير ولا صغير ولا ايش حكايتو يعطيكي كفر عليه حرفو ويحطلك اغنيه كدا
اثير : كبير عادي هديه مافيها شي
مازن : الهديه مو كدا ياشاطره الولد شكلو يحبك
اثيـر ضحكت : ايوا قلي انا احبك
مازن طالع فيها باإهتمام : ايوا وانتي ايش رديتي
اثيـر اختفت ابتسامتها وقالت باإستغرب : لما واحد يقولك احب ك ايش تقولو
مازن : تختلف ياجحا من شخص لشخص فاخلصيني وقوليلي ردك
اثيـر : عادي قلتو وانا كمان احبك
مازن رجع طالع بطريـق : وانتي تحبيه ؟
اثيـر : ماعرفو
مازن : كيف تقولي لواحد ماتعرفيه وانا كمان احبك تستهبلي انتي
اثيـر : هوا يعرفني ساكنين مع بعض من زماان كدا قلي احببك
مازن : اوك انا فاهم دي النقطه بس ابى اعرف انتي على اي اساس قلتيلو احبك
اثيـر رفعت جوالها وهيا مبسوطه : عشان جبلي الكفر دا وحطالي اغنيه ايوا كمان جبلي اسورا بس نسيت مالبسها
مازن حرك وجههو باأسف : اللهمني الصبر يارب
اثير نزلت الجوال وقالت بهدوء : ايش فيي
مازن : يعني انا لو فكرت دحين اجبلك هدييه حتقوليلي احبك
اثيـر فتحت الشنطه وبتدخل الجوال قالت بطريقه سريعه زي عادتها : عادي انا اصلا احبك مو لازم تجبلي حاجه عشان اقولك _ طالعت فيه وابتسمت بدون اي ارتباك وبدون اي حاجه كأنه بتقولو كيفك _
مازن فهم مشاعرها طبعا غلط بما إنها دوبها بتحكيه عن واحد جبلها هديتين مالها قيمه وقالتلو احبك : ياأثير ياحبيبتي مايسير تقوولي لأي واحد احبك
اثيـر : يعني ايش اقول بللهي اكرهك
مازززن : لاتردي انكتمي ابتسمي سوي اي مصيبه بس ماتقولي وانا كماان
اثير رجعت شعرها ورا اذنها: اوف مالك انا اقول عادي اللي اباه
مازن سار يعرف يفهمها بطريـقه منااسبه : مو انتي ماتحبي احد يقولك هبله
اثيـر : ايوا
مازن : لما واحد يجي يقولك احبك وانتي تردي بديك الجمله الهبله فاحيعتبروكي هبله قوليها لصحبتك لأبوكي لأختك
اثيـر طالعتلو بقرف : لا والله اقولها لحسن ولا لأختي
مازن : ههههههههههههههه المهم فهمتي اللي اقصدو
اثيـر : ماأقول لأي واحد احبك عشان لاأسير هبله ايش دا
مازن : لو حبيتي واحد من قلبك ديك الساعه قوليلو احبك
اثيـر : طيب انا دوبي قلتلك
مازن سكت لسى ماستوعب وبردة فعل سريعه طالع فيها : ايش ؟!
اثير : وااا وصلنا ابى انزل البحــر
مازن وقف السياره وهيا كانت بتنزل الا قفل الابواب : ايش قلتي دوبك
اثير تفتح الباب مو قادره : ليشش مايفتتتح
مازن : انا مقفلو دحيين كلميني ايش دوبك بتقوللي
اثيـر : ايش قلت ؟
مازن : تحبي مين ؟!
اثيـر : اووف ماحببك خلااص بلا ابى انزل افتح الباب
مازن مو عارف يطنش وياخدها بهبل زي تصرفاتها ولا بجديــه
فتح الباب وهيا نزززلت على طول .... لحقـها
مازن وقف جمبها : تعالي ندخل الشاليه
اثيـر : ابى اجلس عند البحــر
مازن مافراسو يسويلها شي بس طفش من البحر : بعد نص ساعه نخرج على المغرب يكون الجو احلى كمان
اثيـر بدون اعتراض : اوك
مآزن مشي وهيا مشيت جمبوو ... دخلو لشاليــه العيلــه ..
مآزن : ايش تشرربي
اثيـر جلست على الكنبــه : عادي اي شي
مازن دخل للمطبــخ استغرب ديك المره ليش مارضيت تدخل للشاليه ودحين
بدون اي اعتراض وافقت !
(( دي لو غيري قلها تدخل كان دخلت ))
مافسر انو هيا عشان تحبه ماترفضلو طلب
خرج من التلاجه علبــتين بيبسي وقبل لايخرج من المطبخ ابتسم بحقــآره خض البيبسي بكل قوتو واكتر من 10 مرااات ورجع خرج من المطبخ وبكل حقــآره اعطاها البيبسي
اثيـر اخدتو : اووه ماحبو
مازن (( بلا )) : عشاني اشربيه
اثير كانت بتفتحو الا رجعتو على الطاوله : ماقلتلك
مازن عينو على البيبسي مستنيها تفتحو : ها ايش
اثير : نسيت ايش كنت حقولك
مازن : طيب اشربي يمكن تتزكري
اثيـر اخدت العلبه وكانت بتفتحها الا فرصعت عينها : ايوا اتزكرت
مازن مقهور من جوآته : ايش هوا
اثيـر : سمعت الاغنيه اللي قلتلي عليها
مازن : رهيبه مو
اثيـر : لا بايخه احس زوقك كلو بايخ في الاغاني ماحب اسمع شي انتا تسمعو
مازن يكره صراحتها بعض الاحيان : ايش عرفك بزوق ياهبله
اثيـر دوبها بتفتح العلبه الا قالت بهجومه : مني هببله
مازن يكره يستنى حاجه بتسير : وررربي منتي هبببله بس افتتتحي العلببه يرحم اممك
اثير مو عارفه ايش بو : طيب وي اص _ وصـــرختت لمااا اطرطششش في وجهها
وهوا ماااات من الضـــــــــــحككك : ههههههههههههههههههههههههههههههههههههههههههههه
اثيـــر وقفففت وهيا لسسسه ماااسكه البيبسي : آآآآآآآآآآآآآآ _ وقتها رمتت البيبسي بالارض _
ومااازن ضحكتو قالبه الشاليـه : ههههههههههههههههههههههههههههههههههاااااي
اثير تطالع فييه وهيا مبعده اياديها عن جسمهاا تيشيرتها كلو انعدم: بلاا ليش سوا كدا
مااازن : هههههههههههههههههههههههه مدري عنننك
اثيـر لساتها على نفس الوقفه : انععععدمت
مازن مو قادر يووقف من كتر ماايضحك خرج جوواااله : خليكي خلييكي مكآآنك
لقطلها بســـرعه صوورها ورجع يطالع بصوره وفيها ويضحك : ههههههههههههههههههههههه خطيرره
اثيــر : بلا لاتصوور فيين الحمااام
مازن اشــرلها وهيا راحت جججري تغسسل وجهها وشعررها اللي انعدم برضــو
خرجت من الحمام ومازن منسدح على الكنبــه ويطالع بصوره ولساته بيضحك
بعدت تيشيرتها عن جسسمها : مرره مدبق وكلو معدووم ايش اسسوي
مازن : غسليها
رجعت اثير للحمام وقفلت الباب مو عارفه كيف تغسلها فسسخت التيشيرت ودعكت اومها بالمويا
رجعت تطالع بتيشرت : كيف حلبسسو وهوا كداا اووووه بس
مو قادره حتى تخرج وقفت بنص الحمام وشويا وتبــكي : دحيين ايش اسووي اصلا ليش دخللت الشاليــه نونا قالتلي عيب تجلس مع حبيبها بس في مطعم وانا هنا دخلت معاه البيت لوحدنا
طالعت بنفسها بالمرايــه بقهــر وعل موقف الاهبل اللي انحطت فييه مو قادره تلبس ولا قادره تخــرج


اما مــآزن برا منسدح على الكنبـــه وماسك الريمووت وماساب ولا قنــآة الا حطاها
مرت عشره دقايق واثير ماخرجت قام مفجووع لما جات افكاره هبله في راسوو
وراح للحمام رفع يدو بيدق الباب وقبل لاتووصل وقف لما سمع صوت بكاها عقد حوآجبه باإستغراب ورجع دق : اثييير ايشش بك
اثيـر ماردت
مازن حاول يفتح الباب بس مقفل : اثيييير ايش فيي
اثيــر : بلوووزتي كلهاا اتبلبلت ومااقدر البسها دحين
مازن زفر برااحه فجعتو حسب سرلها شي : ماتبطططلي هبلك دا تبكي على اشياااء تافهه
اثيـر : اكررهك اصلا ليش تقوولي ادخل هنا الشالييه ابى اخرررج
مازن : طيب اخررجي
اثيـر : بلوووزتي معدوومه ماقدر اخررج
مازن : طيب يااهبله لاااتبكككي
اثيـر مستمره ببكاها : مااالي ابى اخررج
مااازن : احد ماسكك ياغبيهه
اثيـر زااد صوت بكاها
ماازن : اوك اسكتتي وانا حجبلك تيشيرت من عندي طيب ؟
اثير : مابى ابى بلووزتي
مازن : ياغبيه على بال تنشف بلوزتك
اثيـر وقفت بكا
مازن : خلاص لاعاد تبكي دحين حجبللك اصبرري بس
اثيــر تمسسح دموعــها وتحلف بينها وبين نفسها دي اخر مره تدخل فيه الشاليه
مازن مالقى اي لبس في غرف اروى وجنــى
دخل لغرفة ابوه ولقى بلوزهـ بيضا رسميــه سحبها وخرج من الغــرفه
راح للحمام ودق الباب : ها خدييها
اثيـر تمسح بقايا دمموعها : حطها عند الباب وروح
مازن : ياابتي ماحاكولك افتتحي
اثير خايفــه : ماازن حطها وروح
مازن : طيب زي ماتبي _ حطها وراح _
وهيا حتى مافتحت الباب على طول استنت دقيقتين ورجعت فتحت وسحبت البلوزه ولبستها
قفلت الازارير بســــرعه وشالت بلوزتها المبلبله وخــرجت من الحمام
مازن كان يستناها لمحها كان بيهرج بس لما ركز بالبلوزه وكيف شبه شفافه انكتم
اثير ترفع اكماام البلوزه الطويله : كيف انشف دي
مازن خلل يده بشــعره باإرتبااك : امم حطيها ع طاقه حتنشف مع الهوا
اثيــر : طيب
سوت زي ماقلهاا وطالعت بالمكان : اسفه عدمت المكان
مازن : مو مشكله _ االازارير اللي عند صدرها مخبصه قرب منها
اثيـر : ايش فيي
مازن : حتى ماتعرفي تعدلي الازارير _ مد يدو وهيا اتخشبت مكانها عدل الاول كآن بيمسك التاني بس دقات قلبه وقفتــه بعد عنها بخوف من احاسيسه _ عدليها ياهبله _ دار جسسمو ورااح بسسرعه على الكنبــه ومسك الريمووت وهوا يقلب بصــربعه
اثيـر وجهها كلو حمر قفلت الازارير : انا بخرج
مازن : اوك شويا لاحقك
اثيــر خـــرجت عشان خايفه من دقات قلبها الســريعه
وهوا جووا وخايف انو يتهوور معاها ويسوي شي فيها
ابدن ماكانت نظرته بريئهه اتجاهها بس كل مايتذكر شخصيتها وايش كانت يحاول يشتت نفسو باأي شي
قعد ربــع ساااعه بينو وبين نفسو لاهيا حست بالووقت ولا هوا كماان
دوبو استوعب انو هيا ايش لابســه وخاف احد يمممر جمبها ويشووفها اتذكر الجاكيت حق يزن اللي مرمي بالغرفه التانيه رااح بســرعه اخدو وخرج لها وارتاح لما شاف المكان فااضي ..
مشي باإتجاهها بخطوات بطيئــه
وهوا يفكــر بينها وبين رغد
ابتسم لما اتذكر رغـــد التقل رغد الراكزه
مو زي اثيـــر حيجلس يعلم فيها لبكرا وماحتفهم كمان شاف كيف راميه جزمتها جمبها وبتلعب برجلها بالرممل : هيي
دارت عليه مفجووعه وحطت يدها على قلبــها : فجعتتني
مازن ابتسملها وبعدها طالع بالغروب : اعشق دا المنظر
اثيـر : اييوا سبحان الله
مازن اكتفى بالتأمل
واثيــر بعد سكوت مطول قالت : مدري كيف كنت اول عايشه
مازن ماستوعب : ليش
اثيـر هرجت من قلبها: اول كان نفسي اشوف زي اي انسان طبيعي بس عادي اتأقلمت وجاتني ايام مو مهتمه اني اسير اشوف رضيت بللي انا فيه بس دحيـــن بعد ماشوفت الناس والعالم وكل حاجه خلتني اندم على اللحظه اللي قلت فيها مو لازم اسوي العمليه وبنسبه لحياتي اول اللي كلها سواد ماكنت اعتبرها حياه حسيت دوبي اني بعييش اول ايااامي سرت احس بالضحكه والبكى وكل حــآجه غير عن اول لما كنت اضحك وماحس فيها _ طالعت فيه _ و بعدين انا مبسوطه لأني اتعرفت علييك
مازن ابتسملهاا دوبو بيهرج الا دق جوآله شاف المتصل امو ماعطى اهتمام وخلاه سايلنت : الحمدالله على كل حال
اثيـر : وانتا ماسرلك شي حلو بحياتك
مازن جات في باله رغد : الا .. تراني انا كنت مره قح مع البنات لأبعد ماتتصوري بس دحين ماسرت مهتم فيهم يمكن لما الوااحد يحب من قلبه يسير مايهتم الا باإنسان واحد او يبطل عن الاشياء الهبله اللي كان يسويها عشان مايقدر يجرحها
اثيــر حبت كلامو ماتدري هوا موجه لمييين بس عاشت احلام ورديه بينها وبين نفسســـهاا

مازن : حنطول هنا
اثيــر : ابى العب
مازن : اسررري انا ورايا عزيمه لبيت سيدي وملزوم اروح
اثير جلست : متى حتروح
مازن طالع بسـآعه وجلس : بعد ساعتين
اثيـر : اوووف ومتى بلوزتي تنششف ترا طفششت
مآزن : شوويا ماوراكي حاجه _ اعطاها الجاكيت _ ها البسي
اثيـر : ليشش
مازن بكدب : عشانو برد
اثيـر اخدتو ولبستوو : شكرا
مازن : انبسطي برجعه ابوكي
اثيــر : ايوووووا مرررراا اصلا كل شويا يبكي لما يشوفني
مازن : ليش؟
اثيـر : مبسووط عشاني بشووف
مازن : كوويس
اثيــر : وانتا فين ابوك وامك
مازن : مسافرين
اثيـر : ومتى حيرجعو ؟
مازن : مدري
اثير : اوو وكدا تستناهم وانتا مو عارف متى حيرجعو
مازن : عادي
اثيـر : وليش انطردت من الجــآمعه
مازن : سارت مشاكل
اثيــر : نفسي ادرس واسوي حاجه كويسا
مازن : هههههههههههههههههههه بديتي تكبري والله
اثيـر كتبت على التراب " احبك "
مآزن طلع فيها مفجوع : مو ماتعرفي تكتبي ولا شي
اثيـر ابتسمتلو : حسن علمني اكتب دي الكلمه
مازن : اقول دا الولد انا مو مرتحلوو
اثيـر : ليش مره طيب ويحبني كمان
مازن : ياحلاوه مو المشكله هنا انو يحبك ياغبيه
اثيـر : اووف مالك لقافه
مازن : اسمها مالك صلاح ياهبله
اثيـر : اقول اللي اباه انا حره
مازن : وريني اسلوبك دا لفين حيوصلك _ اتذكر _ اووه صح بتصل على رغد × خرج جواله الا اثيــر بردة فعل سريعه سحبتو منو وحطتو ورا ظهرها ×
اثيـر :مافي ماتتصل
مازن مد يدو : اثيـر هااتي
اثيـر حركت راسها بنفي : مااافي
مآزن : وبعدين معااكي
اثيـر : لما اروح كلمها مو دحين
مآزن : انتي مايجي معاكي الا الغصيبه _ دوبو بيمد يدو ويسحبها منها الا هيا وقفت وبعدت عنو _
اثير بتضحك باإنتصــآر وتقول بعناد : ماحتااخدوو ولاحتتصل مااااااااااافي
مآزن : ترا لو قومتلك حتندمي
اثيـر : ماالي
مآزن : لاتستفزززيني عشان لاتشوفي شي مايعجبك هاتي الجوال احسن لك
اثير ولا مهتمه لتبرة صوتو الجديه : قلت مابى _ دق الجوال وهيا رفعتوو _ مين بيتصل
مآزن عارف انها رغــد : دي هيااا هاتي _ وقف _
الا
اثيـــر تججججري وووصوت ضحكتتها ماليـــه المكــآن وهوا ججرري وراهاا يبى يردد على رغـــد
اثيـــر وقفت فجأه وهوا على طوول سحب الجوال :سرييييعه الله يصيب شيطااانك _ رد _ ايوا رغودتي
رغد : كيفك حبيبي
مآزن كان بيرد بس استغرب من هدووء اثيــر طالع فيهاوحرك راسه يعني ايش بك وبنفس الوقت رد على رغد :كويس
اثيـر تطالع برجلهاا وللمره التانيه فتحت فمها تبــــكي : آآآآآآآ رجللللللللللي
طالع برجلها وانفجعع نسي رغد ونزل الجوال عن اذنوو : انتي هبله ماتشووفي
اثيير واقفه مكــآنها ولا حركت حتى رجلللها : شيللللهاا
ماازن : طيببب اسكتتتتي _ نزل لحد رجللها وعععصب من صوت بكاها اللي سار يسمعو كل مره يتقابل معاها _ اثييير خلاص
اثيـر فاضحتو في المكاان كلو بصووت بكاهاا
مانتبهت للقــزاز اللي كان ممرمي ودعســـت عليـــه وبس خرووج الدم كفى انها تبكي بدا الصوت كلو
مآآزن سحب القزازهـ من رجلها ووقف : تعالي الشاليه
اثيــر : اببببى ارووح عند بابا
مآزن مسكها من يدهاا : امممشي بقوولك
سارت تممشي ورافعه رجللها : وااا دمم كتتتير
مآزن فرصصصع عينو لما جات في بااالو رغـــد رفع الجوال وقال بتردد : الوو
رغد قالت وهيا تتكي على كلامها : ايوا يامازن
مازن : شويا اتصل عليكي
رغد : مين اللي معاك
مازن : مين يعني انا واختي واخوااني روحنا الشاليه
رغد : اها
مازن : اكلمك بعدين سلام
رغد : باي
اثيــر : اببببى ارووح عند بابا
مآزن : طيب حطي على الجرح اي شي وبعدين اوديكي
اثيــر كعادتها لما يسرلها شي تقولو : ماحببك خلاص
مازن فتح باب الشاليه ودخل : اسكتي بللهي انا احس انو ببنن معاااكي مو بخرج مع بننت
اثيــر : لاتتصل عليا مره تانيه ولا تقولي نخرج مابى اخررج معاااك
مازن : طلعي طلعي اللي بقلبك
اثيــر جلست على الكنبه وفتحتلو موششح وهيا مستمره بالبكى : كل مره اخررج معااك يسررلي شي غغبي يخليني اببكي وانا مابى ابكي بس انتا تخليني ابكككي كتير
مازن : ههههههههههههههههههه انا اللي قلتلك دحين خدي الجوال واجري ولا غصبتك تشربي البيبسي
اثير رفعت رجلها على الكرسي واخدت منديل وحطتو على الجرح : انا قلتلك ماحب البيبسي
مازن ضحكك ودخل المطبـــخ سار يحس بكاها شي عادي يعنني ماتسير خرجه معاها
لو ماضحكت من قلبها
ولو مابكت
ولو ماستهببلت
لازم دي التلاته الاشياء تسويها ومابتضايقو اصلا
لأنها تبكي دقيقتين وتســـكت
دخل المطبخ جبلها لصـــق وخررجلها : ترا مافي الا دا حطييه على الجرح ولما ترجعي البيت شوفي ابوكي ايش يسويلك
اثيـر : والله حقولو عليك وحيجي يضربك وانا اوريك
مازن : ههههههههههههههههههههه اتحدااكي _ مد اللصق _ خدددي
اثيــر اخدتو فتحتو وشالت المنديل وحطت اللصق : يلا وديني البيت
مازن : طيب البسي بلوزتك وبعدين حرجعك
اثيـر : جبلي هيا
مازن : انتي مشغلتني عندك ولا كيـــف
اثيـر :قلتلك ماحخرج تاني معاك سويلي دا الطلب اخر شي
مآزن : كل مره بتقولي نفس الكلام ماحبك ولاتكلمني تاني واليوم اللي بعدو تتصلي وكأنو مافي شي وبعدها تقوليلي انا مو صغيره ولاتقولي صغيره بلله في اصغر من عقلك
اثيـر : ايوا انا مو صغيره لأنو انا ماأبكي الا منك محد تاني يبكيني
مآزن : افهم يعني الغلط مني انا
اثيـر تطالع برجلها وتعدل اللصق : اييوا
مآزن تعب من النقاااش معاها: اقوول انا اصلا غاسل يدي منـــك _ راح يجيبلها التيشيرت _

اثيــر اخدتو وراحت لبــست وخرجت من الشاليـــه .. لساتها بتتصــرف بدون تفكيـــر ولا مسئوليــه
بس ايش اللي حيفووقها على دي تصــرفاتها كلها ؟

في مكـــآن تـآني رجعت من محــآضراتها على الســـكن اول مادخلت بشــرى فتحت فمها : السلام عليكم راما ليش اتأخرتي ايوا صح على فكره سويت حلى وحتآكلي اصابعك وراها
راما ابتسمتلها وقالت بكل ارهااق مو من الجامعه لا من صوت بشرى : وعليكم السلام _ رمت شنطتها على السرير وجلسست _
بشــرى : وي ايش بك يابتي تعباانه فيكي شي
راما تباها تفهم : لا بس مصدعه
بشــرى : طيب اجابلك بنادول
راما تستمر تدقها بالكلام : لا حيخف من وحدو بس ابى شوية هدوووء
بشــرى : ايوا اكييد صجة الجامعه وجعتتتك حبيبتي الله يعييينك والله انا دايما اجي احس راسي حينفجججر
راما مسكت الجوال ودقت على اسامه : كويس حاسه فيا
اسامه طبعا لسى مارد كدا بتهرج مع بشرى
بشــرى : اكييد حااسه فيكي سمعت انو ممكن الاسبوع الجاي اجااازه
راما اول مره تسمع شي منها مفيد : مين قال
بشــرى : احتمال مو متأكده
راما : ان شالله والله تعببت _ وماخلت بشــرى تهرج عشان قالت _ الوو
بشــرى اخدت ملابســها وراحت تستحمى وهيا هنا ارتاحت
اسامه : برضو القلق صاجتك
راما شويا وتبـــكي من كتر مو مخنوقه من ضغط الجامعه وكمان تجي بشــرى تكمل عليها : يوميين كدا كتتتيرر والله مو قادره استحملها اكتتر
اسامه : هههههههههههههههههه خخليكي احسسن
راما: ترا بهررج من جدددي
اسامه : بلاشي دللع ايوا كلمتي ابويا ولا لساتك
راما : الا كلمتو وزعل
اسامه : بطقاق
راما : شكلي حرجعلو
اسامه : ايش بك انتي هبله
راما : والله ماقدر هنااا انتا مو حاسس فيا
اسامه : سكن مع ابويا مرره انننسي
راما : ليش يعني
اسامه : لأنو انا عارف ابويا يبى حاجه منك
راما : زيي ؟
اسامه: مو عارف بس اكيد في حاجه براسو ولا ماكان جابك اصلا لدبي
راما ماتبى وجع راس زياده : يعني والحل
اسامه : ياتجلسي مع بشرى ياتسمعي كلامي وتسوي اللي اقولك عليه
راما : اللي هوا ؟
اسامه : تتعرفي على مجوعه بنات يبو يسكنو بشقه كبيــره كل وحده لها غرفه خاصه فيها بدال دا العزاب الي انتي فييه
راما : واحنا فايقين نقوم ندور شقق دحين
اسامه : وانا فيني ؟
راما سكتت للحظات وبعدها قالت : كم بنت يعني
اسامه : في شقه براسي بس ايجارها عاالي يعني لو تكونو 6 بنات كويسس ليكم
رااما : اوووف 6 مره كتير
اسامه : الشقه اكببر وحترتاحو فيها
راما : ماعرف اصلا احد بالجامعه
اسامه : تعرفي بشرى
راما : لا بللهي
اسامه : هههههههههههههههههه عاد دي انتي وشطارتك شوفيلك مجموعه بنات وارجعي كلميني ورديلي خبر
راما : اووك
اسامه : انبسططي اخر ايامك معع بششرى
راما بحقـــد : اسرري
اسامه :هههههههههههههه سلام
راما : باي


قفلت وهيا بس تفكــر كيف حتترمط دي اليومين فتحت الطرحه وانسدحت على السرير بتعــب
ايش ممكـــن يسير اكتر من كدا..؟
بدت تثـــق كتير في اسامه وماتحس انها حتندم لو مشت معااه ..
فكــرت انها تبدآ تســأل من السكن نفســـو
اكييد في زيــها مايبو يســكنو هنا ..
خرجت من الــــغرفه وحاولت انها تتجرأ وتهرج مع اي احد لمحت وحده بتمشي بالممر
نادت بتترد : هددديل ؟
هديل دارت عليها وابتسمت : راماا اهليين
راما راحتلها : كيفك
هديــل : كويسسا وانتي ايش مسويا
راما : ماااشي
هديل : ماكنت عارفه انك ساكنه هنا
راما : ليا بس يومين لكن خلاص مو قادره اصبر اكترر
هديل : هههههههههه كلنا بنعاني
راما : بس انا ماستحممل عشان كدا حدي يومين تانيه وحخرج من هنا
هديل : على فين ؟
راما: لقيتلي شقه
هديل : فين ؟
راما مو عرافه ايش ترد : والله مدري لسى ماروحت شوفتها بس قالولي كويساا
هديل : ياشيخه انا بخررج من دا المكاان ماحب احد يتأمرر على راااسي
راما شويا وطري من الفرحه : تجي معايا ؟
هديـــل : اكيييد بس عندي مشكله بسيطه
راما : ايش هيا ؟
هديل : ولا اقولك صعبه شويا
راما :لا عادي قولي
هديل : الشقه صغيره ولا كبيره ؟
راما : كبيره ليه
هديل : لأنو انا وتلاته من صحباتي مخططين انو نروح مع بعض اي مكااان
راما شووويا وتنطنط مع الفرررحه : يعني كدا حنكون خمسسه
هديل : ايوا مو عشان كدا بقولك صعبببه
راما : لااااا مو صعبه ولا شي اصلا انا ابى 6 يعني ناقصتنا وحددده
هدديل انبسطت : مو من جدك
راما : هههههههه والله
هدديل : ياشيخه الوحده تدبر ماعليكي
راما : دبريلي هيا
هديل : من عييوني اعتبريها مدبره
راما : هههههههههههه ياااحياااتي والله مره مبسسسوططه
هديل : ههههههه مو اكتتر بني رايحه ابششر البنااات
راما : وانا كماا ن بااي
هدديل : باااي ياقلب ي

رامااا جرررررت للغرفه قفللت الباب بصربببعه ورمت نفسسها على السرير وسحبت الجوووال وعلى طوول اتصلت
رد عليهاا وهيا تصصصرخ بكل صووتها : اساااااااااااااااااااااااامه
اسامه بعد الجوال عن ادنو وبعدين رجعوو : هااا والله سااامع ايش فيي بششرى ماتت ؟
راما : هههههههههههههههههههههههههههههههههه لا احللى من كدااا
اسامه : بتنقل ؟
راما : لا لا اااااااه مبسسسسوطه مبسسسسوطه اول مره في حياااتي يسرلي شي كدا بلمح البصصصر
اسامه : حترجعععي جده ؟
راما : لا طبعا
اسامه : اتقدملك حبيبك
راما : ياااااااااربي خليني اقوولك طيب
اسامه : طيب اطربيني
راما : لقيييت 5 بنااات يسكنو معايا
اسامه : نعم !؟
راما : بقولك لقيييت البنات
اسامه : تستهبلي مو ؟
راما : لا
اسامه : مسسرع لقيتيهم في دي الدقيقتين
راما : سر المهنه
اسامه : عرضتيلهم حاجه
راما انفجعت : ايش
اسامه : من جد بهررجك كيف دبرتيهم بدي السهووله
راما : مااالك اهم شي لقييت وخلاص
اسامه : دوبك بتقوليلي ماعرف احد بالجامعه
راما : اووف منك انتا ايش عليييك اهم شي لقيتهم
اسامه : لا والله يجي منك ماشالله مع انو حاسس الموضوع فيه إنا
راما : ياأخي انا مبسسوطه لاتنكد عليا بلا
اسامه : انبسسطي انبسسطي وبشــري بشرى كماان
راما : هههههههههههههههه اكييييييد



اما هدييل دقت الباب وسمعت صوت قربعه قربت فمها من الباب : ترا انا هددديل افتحو
فتحوو الباب والغررفه كلها دخاان واكيااس حشيش
نيرمين تعدل شعرها ورا اذنها وعيونها محمررره ووجههها شاحب لونو: فجعتيني
هديل : بنااات حنقدر نعيش على راحتنا دحين
غلا لابسه شوورت وبس براا والسجاره بيدها وتنفخها بالجو : كيف ؟
هديل : في وحده تقولي عندها شقه وتبى احد يسكن معاها تبى 5 بنات
مرفت خرجت من الحمام وهيا لافه منشفه حولين جسمها : مرره كوويسن
غلا ابتسمت لمرفت واشرت على رجلها : تعاالي هنااا
مرفت ضحكت وراحت جلسست فوق غلا
نيرمين : قوليلها السعر اللي تباه احنا جاهزين فيه اهم شي نخرج من هنا
هدديل : ماعلييكم بس يبالنا وحده تانيه معانا
مرفت : عادي تدبر من اي مكــآن
هديل : مو انا قلت برضو كداا بس وخده لازم مننا وفينا على اساس لو سار شي
نيرمين : سلوى تنفع
هديل : ايييوا تنفع قوليلها ولو ماقدرت كلمي مروى او جميله دول بس


اما أســـآمه في الشـــقه اللي استأجرهاا له ولأمـــو اتصل على صاحب العمــآرهـ
: السلام عليكم .. كويس الحمدالله وانتا كيفك .. الله يعطيك العافيه .. كنت حاب اسئلك الشقه اللي قدامي لسه ماحد استأجرها ؟

~|تلوثات من مصنع القلب |~


في الحديقـــه الكبيــــره صوووت الموسيـقا الهاديــه في المكــآن كلوو وعدد من الطاولات المشعتره في المكاان بعضها عليــها رجال اعماآآل وبعضها عليهاا اصحاااب نزاار ومازن او مجمووعه بنات مع جنـــى واروى لكل طاوله حديثها الخاصه المكان ماكان ناقصــه والجو كآن زايد حلاوة المكــآن الخدم بيــشرفو على كــل شيالموسيــقا ناسبت للكــلوهوا بيطــآلع فيهم ومو قادر يرووح .. شافها وقفت ولابســه فتان ازرق غامق قصير بلمــعه وفاتحه شعرها بنعومآآضحكتها كالعاده مو مختفيــه عن وجهها مشي كدا خطووه ويحس دقاات قلبــه في المكآآن كلوو وصل لعندها ونادها بصووت شبه واثق: جنى جنى دارت عليــه وبان الارتباك في وجهها وهوا هنا غاص قلبه اتأكد من انو لمســهاا بلع ريــقه ودوبو بيهرج الا سكتو كلامهاجنى حطت يدها على قلبها وقالت باإسلوب كأنو مافي شي : وضاااح دووبك جيييت سيدي من اول بيسـأل عنك ههههههههه ايوا صح شووف اللي جالسه بطاوله سيدي لابســـه احممر مرره لاتفووتك _ مشيت ودخلللت وهنا اختفت ابتسامتـــهاا سوت زي ماتبى تشككو بللي سار امس حاولت قد ماتقدر انها تبين انو ماسار حاجه مع انو وجهه وضاح مره مقلووب .. هيا جات لدبي وماحيتو من راسها وحركتو حق امس ممكن توتر علاقتهم وهيا ماتبى يسير بينهم اي شي مجرد علاقه سطحيه وبس _ 

اما بــرا طالع فييها ليين ماختفت مو مصدق انو داك حلللم متأكد من اللي سار ..رآآح سلم على الموجودين وماقدر يجللس رجع دخل البيــت وهوا يدور عليــهاخرجت من الغــرفه وطالعت فيـــه : ايش بك انتا طالعلي زي الجني في كل مكان وضـآح باإسلوب هادي : ليش رجعتي امس البيت جنى ععقدت حوآجبها وهيا تحاول ماتبين شي :اروى نايمه وانتا مو في وتامر برضو نايم ايش اسوي يعني طول الليل وضـآح : متى روحتي حنى : ههههههههههههههه ايش بك كدا بتهرج ؟وضـآح : جاوبنيي جنى : امممم الساعه 3 ساير شي؟وضـآح : انا اللي بسئلك سار شي ؟جنى : في ايشوضاح : لاتستهبليجنى فررطت ضحك : وضاااح شووف شكلك وانتا تهررج كأنو قاتلتلك قتيييل بلا لاتفجعني وضـآح مره جدددي عكسها تماما : يعني امس كنت بحللم ولا ايش ؟جنى عقدت اياديها تحت صدرها : في ايش حلمت ياسيدي وضــآح : فيكي جنى : اماا كنا نتضارب برضو وضـآح شي زي كدا مو قادر يسيبو في فمو كدا هرج عنو : لا سويت شي مو كويس ليكي جنى سوت نفسها مستصيبه : قتلتني ياوضااح وضاح عصب : جنى لاتستهببلي جنى : طيب اشلي تجي تحكيني عن حلمك وضـآح : لأني حاسس انو ماكان حلم وانتي بتثبتيلي العكسجنى : قصدك انو انتا _ اشرت عليـــه وماقدرت تهرج _وضـآح : ايوا جنى شهقت : وضــآح مررره مع نفسسسك تحسب اصلا لو قررربت مني شبر حسكتلك تراك الييوم مو صااحي ايش بك انتاا ردة فعلهااا جننتو مو عارف راسو من رجلو جنى سوت نفسها معصبه : بلاا احلام زي كدا خليها لنفسسك محد يهررج عنها _ مررت بســـرعه من جمممبوو _ وهناا عررف انها كدااابه من ريحـــة عطررها مو معقوووله حتى بحلموو بيشم ريـــحه عطرررهاا خــرج بعدها بس ماكان زي عادتـــه .. مع انو اياد ومازن ونزار موجودين بس حس انو مو معاهم بيحاول قد مايقدر مابين نظراته لجنى بس مو قااادر نظراته دايما تفضحو كل شي يبان في وجههو لو حب لو مضاايقلو مبسسوط مايقدر يخبي شيودحين نظرتو مو مفهومه بتحديد ايش هيا 
جنى جات لطاولة الشباب وكآنت ورا ماازن والطاوله فييها تركي ونزار ومازن واسامه واياد ووضــآح قربت وجهها من اذنو وصرررخت : مااااااااااازن مازن وقف مفجووع ودار علييها مره انفجع : جنننى بطلللي دي الحركااات الله يااخدك جنى : ههههههههههههههههههههههههههه بكيفيمآزن رجع يجلللس وهوا يحسها بهبلها زي اثيـــرجنى : ايااد فينها رودينا واليــناياد : ابوويا حابسهم بالبيت جنى : واا حمااس ليشاياد : ههههههههههه حماااس ايشش بقوولك حابسهم جنى : عارفه بس اكيد حابسهم عشان مسوين مصيبه ايش بلله سوو اياد : رمووني من الدرج وانا نايم كلهم طالعو باإياد مو مستوعبين وضــآح نطق اخير وهوا معاهم : ايشش ؟!مازن : هههههههههههههههههههههههههههههههههههههههههههههههه تركي : تستهببل انتا اسامه : ههههههههههههه لا رودينا والييين يجي منهم شي زي كدامازن : ههههههههه ايوا احنا عاجنينهم وخابزينهم بس العتب عليك ياإياد اللي ماسويت شي جنى : اياد لو تبى تسويلهم شي قوولي وانا اساعدك نزار : يازينك سااكته جنى : هههههههههههههههه اياد قرب من وضاح وهمسلو : استحي على وجهك اخوانها ع طاوله وضاج طالع فيه : ها ايش تقصد؟اياد ضحك : مو عليا بس خفف وضاح : بلاش تخررف وخخلييك بحالك جنى : ههههههههههههه يلله شوفتو اللي لابسه احممر تركي : ايش بها دي امي جنى وجهها راح فيــها ووضاح طالع فيها لأنه عارف انها بتحشش مازن (( الله يصيبك ياجنى ))جنى حاولت تصرفها :لبسسها مره خططير ههههههههههههههههه مو عارفه ليش بضحكك بس ماشالله عليها لما تهرج كدا تنكت تــركي : امي ماتهرج (( بكمه ))مازن ونزار شويا ويغطوو وجههم من الاحرااجووضاح واسامه واياد ماسكييين نفسسهم لايضحكـــو حركت راسها وكأنها مندمجه بالهرجه مو عارفه ايش تقوول : اهاا الله يشفيها شكلي اتخلبطت بينها وبين احد تاني سوريتركي : عادي جنى تبى تعدل الوضع : واخووك ماشالله مره يشــبهك تركــي شويا ويفقعها : داك زوج اممميجنى فرصعت عينها وقالت بدون ماتحس : وي قدكنزار حس انو كدا كفااايـــــــه كسفتووووو لين ماااقااال بسقاام من على الكــرسي ومسسسك جنىى ووداها لعند البنات وجلسها جمب سهاد : خلووها عندكم بللهي عشان لاأرتكتب فيها جريييمه جنى قربت من سهاد :ههههههههههه شوفي كيف يعامملني ياسهاااد دايما كدا مايحسسني بالاخوهسهاد : ههههههههههههههههه نزاار حراام علييك بشويش عليهانزار : اقول انتي التانيه امسكيها بس خليني اروح اعدل وضعي مع ابوكي سهاد وجنى ضحكوو عليـــه وهوا راح جلللس مع ابووها وسار يتفلسف ودخلو في الامور السياسيه والتجاره وماسابو شي 

في بيــــت رودينـــآ ..

وبتحديد في احد غــرف البيـــت المكـــآن مقلللووب والاغااني فاتحينها والين ورودينا يرقصوو وامهاتهم يصفقوولهم
مـــرت عليـــهم الساااعااات وام اليــن طلعت بساعه : خلاص الساعه 2 كدا يكفي
الين : ياماما على ايش طااايره ماورانا شي
ام اليــن : لا يكفيكي كدا من امس وانتي عندهم
ام رودينا : طيب للفجر واخرجوو
ام الين : لا وي اصلا بكرا يادوب اقوم من بدري عندي شغلل خليني الحق انملي كم ساعه
ام رودينا : اها يلا الله يعينك


ودعووهم ووصلوهم لحد الباب ..
رودينا : اليين اشووفك بالجامعه
الين ارسلتلها بوسه : اوك حيااتي
مشيت سيارتهم ورودينا وامها كآنو داخلين الا امها لمحتو : نااادر
رودينا: فينو ؟
نادر : ايووا خاله
ام رودينا : ايش بك ياولدي جالس هنا
نادر : عاجبني الجوو
ام رودينا : عايدت مامتك
رودينا ماكانت شايفه وجه نادر عددل بس قلبها قبضها من سؤال امها ..
نادر : ايووا
ام رودينا : الله يخليلك هياا
نادر : اميين
دخلو الاتنين وقبــل رودينا لاتطلـــع غرفتها امها مسكتها وحضنتها : تسلميلي حبيبي على مفاجأتك
رودينا سلمت على راسها : الله يخليكي ليا
ام رودينا : خليني اكلمك على موضوع هادي
رودينا اختفت ابتسامتها : ايش غي
ام رودينا : جدو اتوفى امس عشان كدا حيتأخر موضوع الملكه
رودينا : الله يرحموو كيف اتوفى
ام رودينا : جلطه يقولو
رودينا : الله يصبرهم
ام رودينا : اميين اهم شي انتي لاتفكري انك تسيبيه الولد الحفيد الوحيد لجدوو يعني شوفي ايش حيطلعلو بعد وفاتوو
رودينا تكره دا التفكير : ماما مابفكر بدي الطريقه ازا كان كويس انا راضيه فييه
ام رودينا طبطب على كتفها : لما تتزوجي حتفهمي
رودينا مشيت وطنششت امها مو مضايقه عادي دايما تسمع دا الكلام اتعودت عليــه

طلعت لغــرفتها مرت نص ساعه وهيا تفكككر بكدا شي وبعدين جا في بالها نادر
صوتو وهوا يرد على امها ماكان طبيعي
فتحت باب الغرفـــه ونزززلت بعد ماعرفت انو امها نامت وابوها نااايم من زمااان



خرجت ولقتــو لســى مكــآنه ... اتوجهت له بتردد .. وقفت مكانها لما سمعت صوت تنفسو عالي وكانو بيبكي~|تلوثات من مصنع القلب |~
ضحكك ضحكـــه من قلبـــــه وكأنوو مو في مطعممم .. لأول مره هيا تنكسسسف ونفسسهاا تمشي وتسيبوو ..
يزن : ههههههههههههههههههههههههههههههههههه اقراي اقراي الرساااله
رنيم : ماابى اقرااا ... _ باأمر _ يززن لاترسسسلها شي
يزززن :ههههههههههههههههههههههههههههههههههه انا حاسس انو حتسفر انا وانتي
رنيــم : والله لو اني حتسفر مره كوويس بس ياخوفي نتنفي برا البلد شووف الناس كيف بيطالعو
يزن اشر على الاكل : هما حاطين حشيش ولا ايش
رنيم : يززن خلص اكلك بســرعه عشان نمشي
يزن : دقيقه بعدل الرساله وارسلها
رنيــم : الله يصبرررني
يززن : هههههههههههههههههههههه كدا احسسن دحين برسللها فين اسم داناا _ دور _ دانا دانا _ لقاها _ أهوو سيننند هههههههههههه اترسلللت
رنيــم : ايش كتبت
يزن : انتي ليش معصبه دحين بس اتخيلي بللهي شكلها لما تشوف الرسااله
رنيــم : لك عين اصلا ترسلها
يزن : ايوا لازم اهزأها على حركتها
رنيم : طيب قولي ايش كتبت
يزن يقراا وهوا فااااااصل لأبعد حددد : كبتلها
رنيـم : العن اوم الكلجه اسمها ياحبيبي كتبتلها
يزن : هههههههههههههههههه _ اشر على العصير _ والله انهم حاطين حاااجه
رنيــم حتى شاكه بالموضوع : بااين في وجههك بس كممل
يزن يقرا الرساله " دانا انتي وحده وقحه اوص ولاكلمه ياحقيره عشني في تركيا تقومي تطرديني من بيتك وتخليني مهجوول

مع تحيات يزن اللي سحب عليكي "

رنيــم حطت راسها على الطاوله وتضضضحك : يززن ايش دي الرساااله الهبللله
يزن : ههههههههههههههههههههههههههههههههههه
رنيــم : والله باااين انك محششش كمان تقولها اووص كأنو واحد عمرو 7 سنوات كتبهااا
يزن : بلله كيف النهايه يزن اللي سحب عليكي
رنيــم تتريق علييه من كتر الرساله مو هبله وهوا اصلا كاتبها بدا الاسلوب عشان دانا انسانه عاقله ورزينه ودا الاسلوب ممكن يخليها تووولع : اوووف فضييييعه
يزن : عاارف
رنيم : دمرتها بدي الرساااله
يزن : اكيييد
رنيــم : قطعتتها
يزن : اعجبببك
دق جوال يزن : ههههههههههه ارسلت رسااله
رنيم :هههههههههههههههههههههههههههههههه غبيييه وربي غبيييه
يزن فتح الرساله وقرا بصوت مسموع " احتترم نفسسك ولا والله حتشووف شي مايعجبك ولاتحسبني مخفه زي اللي يعرفوك "
رنيــم : هههههههههههههههه اييووووا هوا دا اللي احبو تهديد
يزن ارسلها رساله " تهدديني ياهبله ترااكي جايه من دبي لتركياا عشان تترجميلي الناس ايش يقولوي لاتنسي مين انتي يامخفه ههههههه "
رنيم : يزززن خلاااص والله مايسير
يزن : خلينا ننبسط
رنيــم : طيب تعاال ننبسط باأي شي تاني مو في البنت
يزن : زي ؟
رنيــم : نخرج برا ..
يزن : اووكـ
رنيــم سبقتــو وخـــرجت وهوا دفع وجا ورااها : شايفه طلع كلامي صح
رنيم : في ايـــش ؟
يزن : اللي شربتو مو طبيعي
رنيــم : ليش سئلت
يزن : ههههههههه ايوا طبعا خوفت على نفسي بس كويس انو خفيف ولا كان جبت العيد
رنيــم : اكتر من كدا انا اشك اللي قابلتو بالمطار هوا نفسسو انتا لا عارف كآني قابلت تلاته اشخااص
لماتعلمني الرقص تسير تفقع القلب وبس تصررخ عليا وكأني اشتغل عندك ولما قابلتلك بالمطار حسيتك كأنك اول مره تشوفني ومو عاجبتك ولا طايق تهررج معايا وشويا ووممكن تضربني بس اليوم شايفه انسان تاني وكرهتك بالتلاته الحالات
يزن : هههههههههههههههههههههههههههههه انا عشني مروق اتقبلتك ولا كلك على بعضك مو قادر اتعامل معاكي
رنيـم : بكرا البسلك شورت وانا عارفه انك فجأه حتقدر تتعامل معايا
يزن : ايوا حقدر
ررنيــم : يالطيف سطحي
يزن : حلوه السطحيه لو اني حشوفك زي البنات
رنيــم : طيب طيب
خــرجو لعند المسبح وغير عن طوول الوقت المكان شبه فااضي
اخر الليل وغير الجو مايسمح للسبــآحه
رنيــم وقفت عند الممسبح : يااااه شكلو مره روووعه
يزن : قصدك مرره مغري
رنيـــم جلسست على الكرسبي الابيــض اللي قبال المسبح ويززن مو قادر يجللس : تعالي ننزل نسبح
رنيــم : مابى انتا حاسس الجو كييف ولا تستهبل
يزن : عاادي ماحيسرلنا شي
رنيــم : انزل طيب لوحدك
يزن طالع حولينو : كوويسسس _ رفع التيشيرت ورماااه في وجه رنيـم _ اممسكي
رنيـم مسكت التيشيرت : وربي انك اهبــل
يزن فسخ الجينز وشالو ورمااه في وجهها
رنيــم عصبببت : يززن بلاااا
يزن لابس البوكســـر السمااوي : يلا انزززلي معايا مايسير لوحدي
رنيــم مستحيه تطالع فيـــه : قلتلك انزل لوحدك
يزن : طيييب لاتعصصصبي
نطط في المسبــــح وفضـــل يســبح
كآنو في بنتين قريب من رنيــم وبيطاالعوو في يزن بنظرااات باينه انها اعجاااب
يزن جاا لعند رنيـــم وحط يدو على طرف المسبح : تعاالي
رنيــم جلست على طرف الكرســي : هاا
يزن : الموويا تجنن تعالي جربي
رنيــم : ماابى ماتفهم
يزن رفع شعره عن وجهه : طيب بكيفك ايش بتسوي بعد ماترقصي
رنيــم : دحين فوقت تهرج معايا
يزن : اييوا
رنيــم موترها شكلو بدي الصووره طالعت في البنتين اللي بيهرجو ويضحكو : ضحكتهم مره وقحه
يزن : بس تقدري تقلديهم
رنيـم : لا
يزن : فاكره عند دانا قومتي ضحكتي زي ديك البنت
رنيـم : ماحسيت بنفسي
يزن يهرج بصوت عاادي : لا ياشيخه
رنيـــم صوتو وشكلوو لاشعورياا اخدها لمكاان تاااني :ايووا وانتا حتوصل فين لإعلاناتك
يزن : انا سئلتك اول
رنيـم : مدري اللي يجيني انا راضيه فيه وانتا ؟
يزن : اهلي موموافقين على شغلتي دي اساسا مع اني مره احبببها
رنيــم : ليش مو موافقين مافيها شي
يزن : عشان سيدي وابويا يعني تجار معروفين بدبي ويبونا نسير زيهم ووانا مو بس انا حتى اخواني كل واحد ماشي بمزاجو
رنيـم : اهاا طيب حلوو يمكن دحين مايتفهمو بس اكيد بعدين حيتقبلو شغلتك
يزن : لا فكرت اصلا اني اسوي اللي يبوه حشتغل لما اخلص الجامعه وبنفس الوقت حسوي اللي انا اباه
رنيـــم : تضرب عصفورين بحجر
يزن : هو دا يلا دحين ممكن تسبحي
رنيم : اصلا ماعرف
يزن : انا اعلمك
رنيــم : ماابى
يزن : يلا عشاااني
رنيــم : شوف شفايفك كيف مزررقه واالله لاأتشنج لو نزلت
يزن : هههههههههههههههههههههههه امممشي اقوولك
رنيــم : طيب شوف جاتني فككره
يزن : قوولي
رنيــم : اتحداك تدخل تحت المويا اكتر من دقيقه لو عديت الدقيقه حنزل اسبح
يزن : والله ؟
رنيم : اييوا يلا
يزززن على نياااتو سووا زي ماقاال ومن يوم قالت يلا هوا نززل تحت الموويا
وهيا شالت الجينز والتيشيرت ودخللللللت جري للفننندق وفااااااااااااااااااااطسسسسسه ضححححك
~|تلوثات من مصنع القلب |~