البارت الـ 20 ..
دائمآ ماتواجهنا الدنيا بصعاب مختلفه
لكن
عندما نواجه الصعوبات وترتبط بكمية الجهد المبذول لتحسين أنفسنا
لنفعل كل مانراه صحيح
كل مانره يوازي اعتقادنا
ونصدم لنجد من نحب يظلم
نتشتت لنجد من نحب يكذب
نحاول الهرب مرارآ وتكرارآ بحثآ عن المخرج
لانجد
نضل بنصف الطريق
أمامنا باب خلفه أناس تضررو وجرحو وتألمو بسببنا
وخلفنا باب مقفل وراءه ماض أسود افعال شنيعه قدرات مؤذيه
فمالعمل
نكشف هوياتنا رغبة منا للاعتذار
نتراجع بخصوص كل ماقلنا رغبة منا في الاحساس بمعنى الضعف
فا العمل
نعود للماضي الشنيع فبالآخر سنكون بأقنعه ونخفي حقيقتنا
وقــف السيـآره عند الشـآليــه دا المكـآن اللي بقالـو .. خــرج من السياره ومافي اي تعبير بوجهه
مضـآيق
مكتووم
مقهور
وكلو جوآته
عيونه منفخه من كتر مابكـي ..
خرج المفاتيـج من جيبـو وحاول يفتح الباب لكن الصدمــه ..
المفـآتيــح اتغيرت
ماستوعب اصلا على طول
خرج المفتاح ورجع دخلو تاني وحاول يفتح بس برضو مارضي
عقــد حوآجبه
واتذكر كلام ابوه
" الشاليــه باإسمي .. "
شي طبيعي انو حيغيــر مفاتيــح الباب
بدون اي ردة فعل بعد عن الباب
يتوقع سار اي شي
والي سارلو اكبر من انو يهتم فين حيجلس دحين
اوجه لسيـآرتو وجلس فيــها غمض عينــو اللي حسها تحرقــو
وزفر بضيـق
شاف جواله ينور والمتصـل " لانـآ "
ماجا في بـآله يرد
مالو نفس يكلم احد
يسمعع صوت احد
يجتمع مع احد
يبى يكون لوحدو وبــس
الجوال ماوقف اتصـآل
وعارف انو دي مو لانا اختها الصغيرهـ
اخدو وكآن بيقفلو بس افتكر شي
افتكر حـآجه مهمه ممكن تفيدوو
فلتـها ممكن يستفيد منـها
ورجع اياد يفكـر بنفسو
هما هبل وماعندهم رجـآل
يقدر يسكن في بيتهم زي مايبى
يضحك عليهم بكلمتين يدفعلهم ايجـآر لين مايخليها تكتب المكان باإسمو على اساس انو يفيدها ويخرجها هيا واخوانها
مستحيل يعييش هوا يشارع وعلى دا الحـآل
نسي مين لانا بلحظتها
نسي انو بسببو ابوها سرلو الحـآدث
نسي انسانيتو وفجأه سار زي ابووه
لا هوآ من يومو كدا بس لحظات ضميرو يشتغل
بس بعد اللي سرلو
بعد ماظلمووه
مستحيل يفكر بضمير
محد مسكين بدي الحياه كل واحد وشطارتـه
وهوا جاتو فرصه لعنده انو يكون نفسـو
بعيد عن حقارة ابوه
وظلم امو ..
وماحيسيبها حتى لو كانت على حسـآب غيرهـ
شغــل السيـآرهـ وقرر يروح يقابلهم في الملاهي
بس قبــل لايروح اتوجه للبقـآله اخد قارورة مويـآ شرب وشطــف وجههو مايبى يبن انو ساير شي ...
ووجهه في دي اللحظه مرا فاضحـو
وبعدها راح للمكان اللي وصفتلو هوا ليــآن مارضي ينزل
مالو نفــس يجلس معااهم من يوم ماحيشوفهم يخرجو من البوابه حيسوي نفسو دوبو جااي
وبعد ساعه بزبــط سوا اللي برااسه واول مالمحهم خارجيين ولانا ماسكه لينا وليان ولؤي ماشين مع بعض وبيدهم حلويااات
خرج من السياره ورسم ابتسامه بسيطه على وجههو ..
: شككلي جييت متأخررر
ليناا صرررخت اول ماشاافتو : اياااااااااااااااد _ وراااحت جررري له وهوا نزل جسموو لمستواها وشالها _
اياد : معللليش اتأخرررت
لينا : اووف كان نفسي الللعب معااك
لانا ضمت يدها تحت صدرها وواقفه قبالو وسوت نفسها اتفاجئت : ايش جابك ..!!
ولؤي مرا مو عاجبو الوضع اتوجه على طول للسياره
اياد : ماحتخسري شي لو سلمتي
لانا بتهرج بتقل مرا : السلام
ااياد مارد عليها وطالع بلينا : ها انبسسطي
لانا ولعت من جوااتها حركتو مرا وقحــه
لينا : اييوا مرا انبســطت
لانا انقهرت لأنو طلبت منو اصلا يجي مسكت يد ليان : يلا ع سيااره _ طالعت بلينا _ يلا ليناا
لينا حوطت يدها على رقبه اياد : مااالي دووبوو جاا
لانا ودت ليان السياره وبعدين رجعت للينا : لينا بطيب امشي للسياره
اياد : يعني ولا بجيتي
لانا : محد قلك اتأخر
اياد : اساسا اباكي في موضوع
لانا رفعت شنطتها لكتفها : خليها مرا تانيه مشغوله دحين
اياد : مايتأجل الموضوع عن بيتك
لانا طبعا ماتقدر تأجل موضوع زي كدا مهم بنسبه لها : ايش ساير
اياد رفع حاجبه : بشارع حنهرج
لانا : اجل
اياد : نروح بيتك
لانا شهقت : نععم
اياد انففجع من ردة فعلها : بمززح قصدي نروح اي كافي ولا مطعم اي حاجه
لانا طالعت على سيارتها وبعدها قالت بتردد : طيب
اياد : اوك حشوف اقرب مكان من هنا ونروحو
لانا : خلاص انا حمشي وراك
لينا : انا حرركب مع اياد
اياد ابتسم : خلاص خليها معايا
لانا نفسها تعطي كف للينا ايش الحب دا : طيب
وكــل واحد اتــوجه لسيـآرتو ..
وكالعاده في سيـآرة لانا ..
لؤي : ليشش خليتيها ترووح معاه
لانا طالعت فيــه : بكيفي كم مرا اقولك كل شي بسويه بكيفييي لاتحششر نفسك
لؤي انكتم .. وليان جالسه ورا وفي يدها لعبــه سياره قاعده تلعب فيهاا
وفي سيـآرة اياد ..
اياد : ايش بها اختك كدا معصبــه
لينا ماسكه علبه المناديل اللي بسياره وبتلعب فيها : مددري عنها
اياد : شكلها صنقرت لما شافتني
لينا اوف منها تراها هيا اللي قالتلي اكلمك _ شمقت وقالت الجمله بدون اي اهتمام _
اياد طالع بلينا : ايش .!!!
لينا ماستوعبت : ايش في
اياد : هيا قالتلك تكلميني ؟
لينا فرطت كل شي : اييوا قالتلي اتصل عليك واقولك تجي وقالت لاتقوليلو انو انا اللي قلتلك ودحين تسوي نفسها معصبه اوف منهاا بسس
اياد : هههههههههههههه من جدك بتهرجي ؟
مو فاهم قصدها بالحركه دي ايش
لينا : ايييوا ووالله
اياد : بس انا حسيتها معصبه من يوم ماشافتني تكرنت
لينا :ايوا عشان ماجيت بدري
اياد : طيب ماتعرفي ليش تباني اجي
لينا رفعت اكتافها : مدري
اياد طالع بالمرايه وشاف سياره لانا وراه وابتســم .. دام البنت شبه ثقيله بس تباه نوعا ما يعني يقدر يسوي اللي براسو بسهوله ...
وقف السياره عند اشاره وجات بنت تدق على القزاز من جهه لينا ولينا في يدها فلووس
اياد : اعطيها اللي في يدك
لينا غطت الفلوس باأياديها الثنتين : لا مابقيلي الا دا
اياد : لو اتصدقتي ربي يزيدك
لينا : كيف يزيدني
اياد : يزيدك فلوس اكتر
لينا : كيف طيب
اياد فتح القزاز : اعطيها وبعدين تعرفي
لينا بتردد مدت يدها واعطتها وهيا مو راضيـــه مراا ..
وطول الطريــق ماتكلمت صنقرررت دي فلووسها واياد نفسو يضحك على شكلها لين ماوصلو المطعم ..
فتحت باب السياره وكانت بتقوم الا اياد اشرلها على الكنبه : ليناا ايش دا
لينا فتحت عينها : فلووس
اياد ضحك : شووفتي ربي زاادك
لينا نزلت من على الكنبه ومدت يدها اخدت الفلوس اللي حطالها هيا اياد بدون ماتنتبه : وااااا سار اكتتتر من اول
اياد : ايوا لو تسيري تتصدقي على الناس الفقيره فلوسك دايما حتزيد
في السياره التانيه : لؤي بقولك انزل
لؤي : شبعان ماليا نفس ادخل معاكم
لانا : دا اخر كلام عندك ؟
لؤي مصمم : ايوا حجلس بسياره
لانا ماتبى تاخد وتدي معاه كتتير : يلا ياليـآن
نزلت لانا وليـآن واتوجهه لإيــآد ودخلوو للمطـــعم ..
بعد دقيقتين بزبط .. على طول لانا فتحت الموضوع : ايووا ايش الموضوع ؟
اياد ولانا جاالسين قبال بعــض ولليان ولينا بيهرجوو ..
اياد : دحين انتي قسمتي البيتين مو ؟
لانا : اييوا امس خلصو الشغل
اياد : عمتك عاد حتجي ؟
لانا : والله مدري عنها لدحين ماردتلي خبر بس ماتوقع تجي حاليا
اياد قرب للطاوله : طيب انتي بتأجري الدور الاول ولا التاني
لانا : التاني
اياد : اوك كوويس يعني ينفع اخد الدور الاول من دحين ولا لسى مافضيتيه من اغراضكم
لانا رفعت حاجبها : كيف مافهمت
اياد : انا ابى استأجرو منك
لانا حطت في راسها تعطيه لعيله مو لولد شباب خافت : لاا انو _ سكتت وبعدها قالت _ صعبه اعطيك هوا وبعدين انتا باإيش تحتاجو اهلك وفيي وشاليه وعندك
اياد بدأ اسلوب الكدب اللي له فتره مابيمشي فيه : الشاليه داك حق صاحبي وبعدين اهلي مو ساكنين بدبي
لانا : ودك اللي جاك المستشفى مو اخوك
اياد : لا صاحبي
لانا بتردد : والبنت اللي معاه
اياد : ديك اختي بس اليوم سافرت بصباح
لانا : اهااا يعني مالك احد هنا ؟
اياد : لا
لانا : بس البيت كبير علييك وانا برضو خايفه من كلام الناس
اياد : الناس كدا ولا كدا مايرحمو احد يعني انتي سوي اللي تحسي نفسك مرتاحه فيه ولا تعطي للعالم اهميه
لانا : انتا حتسكن لوحدك
اياد : احتمال انا وصاحبي
لانا بلعت ريقها وبدأت تحس بخوف
اياد : شوفي لاأنا ولا صاحبي حتسمعيلنا حس انتي لكي مخرج علـ حوش وانا على للشارع يعني كدا ولا كدا مابيننا اي احتكاك غير بشارع قد العالم كلها لو راضيه اتصلي عليا واديني خبــر ولو ماتبي فاأستني 6 شهور او 7 شهوور لين مالقى مستأجرين جدد
لانا حسست المده مرا بعيييده وهيا حاليا محتاجه
واياد لو في راسو يلقاها مستأجرين بشهر يقدر يجبلها بس يبى يصصعبها في وجهها
لانا ابتسمت باإرتباك : والله مو عارفه ايش اقولك
اياد على الوتر الحساس : فكري باأخوانك قبل كلام الناس
لانا ماتبى تحسسهم انهم ناقصين او بعد ووافة امها وابوها حيتغير شي
كلام الناس عمرو ماحيخلص
اهم شي سعاده اخوانها
فكرة بسطحيه
مافكرة اصلا كتير بالموضوع
كلمة " 7 شهور " صدمتها وعمتها بنفس الوقت
لانا بشبه ثقه : مايحتجلها تفكير بس افضي الدور واعطيك خبر
اياد : ترا اباه بدي اليومين عشان ماعندي مكان اجلس فيه
لانا طالعت بسـآعه : اجل خليني امشي اروح اشوف الوضع كيف واجهز الأوراق
اياد : خلاص اووك
لانا وقفت : اشوفك ان شالله
اياد وقف ومد يدو : ان شاالله
خرجت من المطعــم وهوا بقي جالس فكر بالموضوع افتكر المبلغ اللي بحسـآبــه
وبدأ يفكر بطريــقه يخليها تحتاج للفلووس
يمرر يدو على شفايفه كدااا مراا وعيونه متصوبه على مكاان محدد
وابتســم لما رســم كل شي برآســـه
حس نفسو من جد حقيــر وهنا زادت ابتسسامته
له سنه يمكن هاااجد
خليه ينبسط شويتين
كدا ولا كدا هوا بعين الكل غلطان ولما حاول يسوي خير طلع حقير ومايستاهل وانطرد كمان من البيت
يبى يسحب كل الفلوس اللي بحسابه يخاف يسير شي كمان مو متوقعه من امه ولا من ابووه
تلوثات من مصنع القلب
هوا في بدايه الممر شافها جالسه على كــرسي والناس رايحه وجايه من قدامها وهيا مســرحه
وبــس دموعها تنززل
الطرحه على راسها ولابســه عبايه اكبر منها باين انو في احد محشمها
عرف كل الحكــآيــه دحيــن فهمها من الرجال اللي حقق مع راما
بلع ريقه بتوتر واتــوجه لهاا وقف قبالها ودقات قلبببه زادت
حسها انها جالسه على الكرسي وكأنها مو موجوده ولا طالعت فيه ولا شي
نادى عليها : راما _ على نبرة صوتو _ راااما
راما رفعت راسها وطالعت فييه ولا كأنها تعرفو رجعت تطالع في الناس
مالامها هوا بنفسو مو عارف ايش يسوي او كيف يتصرف معاها
مد يدو ومسك يدها يبى يقولها يقوومها
الا هياا سحبببت يدهاا وقالت بكل صوتها : لاااتلمسسسني
انففجعع من ردة فعلها غير الناس اللي طالعت فيه دا شي تاني
اسامه جلس بالكرسي اللي جمبها : راما ا
قامت من مكانها وضمت يدها تحت صدرها وكان تنفسها مو طبيعي
ماتبى تقرب منو ولا من اي احد
واسامه مو عارف يتصصرف
دموعها ماوقفت كانت تبكــي بدوون صووت
اسامه ماوقف جلس في مكانو دام هيا مرتاحه انها بعيد عنو خلاص حيفضل كدا بعيـد عنها ويكلمها : خليني ارجعك عند ابويا بيتو امان .. تبي ترجعي بيت ابويا ولا فين ..؟
بدون اي رد مشيت وكأنها تقولو وديني
صووت قدو ماعندها من كتر ماصرخت
واصلا مو قادره تفتح فمها وتهرج
ايش تقوول
حتى " الطيب " مو قادره تخرجها من فمها
وقف اسامه ومشي وراها " لاحول ولا قوة الا بلله "
اتوحهه لسياره ولا رضيت تركب قداام ركبت روا
مع انها مو خايفه من اسامه نفسو
بس مو قادره تقرب من اي رجـآل حااليا
متقرفــه منهم كلهم
اسامه ابدن مافكر بالمضـآربه اللي بينو وبين ابووهـ ولا اخد في بالو
كان يبى يسوي اللي يريحها وحاسس انها كابته على نفســها
بعد الكلام اللي سمعو اتوقع ردة فعلها اكبر من كدا
بس زي ماقال الرجال البنت كانت منهاره ودوبها هديــت
وحس انو سكوتها دا لأنو بتمر بمرحله الاستيعاب ..
طالع فيها بالمرآيــه كدا مرا
كل شويا يطل فيـها
وطول الطريــق وهوا يستغفر ويدعي ربو يعدي الموضوع على خير
مع انو موضوع زي كدا كيف حيعدي على خيــر مايدري
ندم انو خلاها تاخد الشقه
رااح الطريق كلو وهوا وبيفكــر لين مادخل اسواار القصــر ...
نزل من السياره وراح فتحلها الباب هيا نزلت واول ماسار جمبها ضمت يدها تحت صدرها وطالعت فيه بنظره جانبيه
وبعدها بعدت عنو
نفسسو يقولها انا ماحسويلك شي
او انا اسف مع انو مايدري ليش يبى يقولها
لحظظظظه صممت طوويله بتمر بينهم
وكل اللي واضح من صمتهم دا
اهتمام اسامه
وخوف راما
دخلو البيت واستقبلتهم رئيسة الخدم وهيا مصدوومه من رجعة اسامه : اهلين مستر اسامه
اسامه اشر على راما : طلعيها غرفتها
الشغاله طالعت براما اللي شكلها مرا مبببهدل وبعدها بتردد اتوجهت لها : اتفضلي
دوبها راما بتمشي خطوتين الا شافت عمها قدامها
صح انها كانت خايفهه منو زمــآن
بس دحين شكلو زي هيئه ابوها
كأنها بتشووف ابووها قدامها
محتااجه حضنوو
لاشعووريا اتووجهت له وحضنتو وبكيــــــتت بكل صوووتها
والشغاله واقفه مفجوعه بطالع
واسامه قلبه بيتقطع عليييها
وابو اسامه حضنها وهوا مو فاهم ايش في : ايش اللي سااير
رااما ماتبى تبعد عن حضضضنو كآنت تبكي بكل انهيــآآر
وكل اللي بيطلع مع بكاها كلمه : آآه
ماتحس انو في كلمه تقدر تقوولها غيرهااا
ابوو اسامه وجههو صفــر انفففجع من بكاها وغير انو بدأ يحس جسمها بدأ يثقل عليــه
مو قادره توقف على رجلها اكتتتر
مسككهاا وجلسسسها على الكرسي وهيا خلاص مافي اي قووه بجسسسمها بس رخت جسمها على الكررسي : آآه ياماما
وتمتم بعبارات مو مفهوومه
ابو اساامه صرخ للشغاله : رووحي جيبي موويــآ
اسامه انسحب من المكاان بكبــرو دخل للغرفه اللي جمبوو
والشغاله زي اللهوووا رجعت لأبو اسامه وفي يدها المويـآ شربــها وحاول يفهم شي منها بس ماااقدر
طلب من الشغاله انو توديها لغرفتها وهوا اتوجه لأساامه
اسامه كان رايح وجاي بالغرفه ومخلل يدو وسط شعروو واول ماشاف ابوه وقف بمكانو ونزل يدو
ابوه : اسامه اايش ساااير
اسامه حاول يفتح فمو ويهرج بس مو عارف يقوولها
جلس على الكرسي وهوا يتنفس بصووت مسموع : انا الغللطااان
ابووه : فهممني طيب ايش سويت في البنت
اسامه طالع في ابوه : اتهجمو على شقتها ولدين و
ابوه : وايشش ؟
اسامه مو قادر يقولها : يعني حتكون حالتها كدا ليششش
ابوه بلم : احد لمسها
اسامه اشر براسه يعني ايوا
ابوه بدأ يستوعب : هيا مو ساكنه بسكن الجامعه
اسامه : لا _ قال بعتب _ انا الغبي استأجرتلها شقه قدام شقتي وخليتها هناك لوحدها
ابوووه لاشعوريا قال : امك فينها ؟
اسامه مايدري ايش دخل دا الموضوع : سافرت
ابوه طبعا عرف الرجال دول هما اللي مرسلهم عشان كدا ماعرف ايش يقول
صح انو نذل بس يمكن هوا كدا من كتر مايحب اسامه
كان يبى يهدد امو عشان تسيبو
ماطلب انهم حتى يأذووها
خرررج من الغرفه وهوا بس يذكر الله مو قادر اصلا يقول اي شي غيرو
انخرررس
بنت منهاره في الغرفه
ولد حاتط اللوم عليــه
واب سبب المشاكل دي كلـــها
كيــف حتنحل المشكــله .....؟!!!
مرت ساااعه
ساعتيـــن
3
4
وبدأ اليوم التــآني ..
والبيت على وضعوو
سكون × سكوون
ضامــه رجلها لصدرها على سريرها السكــري ومابقي اصلا فيها اي دمووع
الشغاله واقفه ومعاها الاكل : طيب على الاقل كلي شوويا
مافي اي تجاوب اصلا حتى ماعبرتها بنظظظره
في الغرفــه التانيه وبتحديد بغرفتو جالس لسى بتوبــو حق العمل وعينو ماجاها النووم
ندمااان لأنو خلاهاا تااخد الشقــه وسابها لوحدها لأنو اتوقع انو أمــآن لهاا
وفي المكــتب جالس على مكتــبو ودموعو نزززلت افتكر امس كلام اخووه
والله راماا اتقدملها رسمي ولد خالد وان شالله بس ترجع تسير الملكــه ..
حس راسو بينفجر من كتر مابيفكر بالموضوع
بذات لأنو هوا السبب يبــى يصـلح الهرجه دي كلــها
ومافي غير شي واحد مسح دموعو وقام من على الكرسي
صح انو كان حاقد على اخوه بس راما حسها زي بنتــو ..
مستحيــل يقبل الضرر او الكلام عليها
وراح لغرفــة اسامه
فتح الباب ولقاه جالس على الكرسي
واسامه على طول عدل جلستو وكان اصلا بيقوم بس ابوه قلو : خليك خليك
اسامه متعود على القوانين الصارمه طبعا عيييب يدخل ابوه وهوا جالس عشان كدا
فضل جالس وطالع في ابوه اللي وجههو متغير مرا ماتوقع انو ابوه فيه ولو ذرة طيبــه
ابو اسامه جلس على السرير وسار قبال ولدوو ..
: لاحول ولاقوة الا بلله انا مو عارف اتصــرف
اسامه فضل ساكت
ابو اسامه : ابوها امس كان بيكلمني وعلى اساس بعد شهر ملكتها
اسامه اتفاجئ بس برضو ماعلللق
ابو اسامه : اسامه اسسمع انتا عارف انك غلطت والمفروض ماتستاجر لبنت شقه وتسيبها لوحدها ربي ستر وبقية البنت حيه انا عارف انو حتسير مشاكل بس دا الحل الوحيد
اسامه : اللي هوا ؟
ابو اسامه : اتقدملها
اسامه وقف : نعععم !! مستححححيل طبعاا وبعدين البنت قلت ملكتها بعد شهر
ابو اسامه : يعني ايش تباانا نسوي نرجعلهم بنتهم كداا
اساامه لاشعوريا قال : سولها اي عمليه واستر عليها اما زووواج مسسستحيل
ابو اسامه على صوتو : اجللس مكاانك واحترم نفسسك وانتا بتهرج معاياا
اسامه ولا رضي يجلس موضوع الزواج فجعو : فكرة الزواج دي شيلها من راااسك انا مااالي صلاح لو إنو انا اللي مدخل عليها الشباب بنفسي مستحيل اتزوجها ارتتتحت
ابو اسامه : انتا شايف نفسيييتها كيف البنت حتى لو سوت مية عمليه حترجعلهم بدا الشكل واحنا اللي حنتلام
اسامه : دي بنت اخووك اللي انا ماعرف ولا واحد فيهم تبى تصلح الي سار صلحو بنفسك انا مالي بدا كلوو
ابو اسامه مفجووع من وقاحه ولدو وقف : لا والله كبرت وسرت تعرف تهرج ياسيد اسامه كلامي ماحينزل الارض زي ماغلطت انتا حتصلح غلطك وتستر على البنت وموضوع ابوها انا حهرج فيييه
ماجيت اطلب منك واقولك تبى تتزوجها ولا لأ بقولك حتتزوجها ورجلك فوق رااسك
اسااامه مرا وللع حس انو يبى يرتكب جريمه في ابوه
هوا واخوانو
اساسا هوا مايطيق اعمامه جاي يااخد كمان بنتهم
ومو مهتم ادا كان السبب هوا في الموضوع ولا لأ
بس يحس انو في كدا حل غير انو يتزوجهاا
بنظررررات حاده طااالع فييي ابووه وماقققدر يعلق عشان حاسس انو حيسبووو
فاكتتفى انو يخررج من الغررفه ويقفل الباب بكل قووتــه وراه طلع حرتو بالباب ..
ابو اسامه (( حسبيه الله علييك يانضــآل فييين بس حترووح مني ))
العائلة كالمرفأ
قبطانها الأكبر والأعلم
وطاقمها الإداري الوالدين
وطاقم العمل الأولاد
لاتكتمل الحياه او يومهم بدون مساندتهم لبعضهم
فاكلما تفرقو اصاب الميناء السكون وهجر
فمهما صعبت الامواج طريقهم تكاتفو ليواجهوها معا
وكلما تفرقو تأذت أشرعتهم وكسرت مجاذيفهم وضاعو وضلو وحيدين
فلن يؤازرهم ويشد من عزيمتهم ويشجعهم ويثق بقدراتهم الا طاقمهم الاداري
ليحثوهم على توحيد قواهم والصبر والأمل
هذا ميناء كل شخص منا
في مطــآر دبــي ...
شال شنطــو وودعها .. مشيت هيا بطريــق وهوا بطريــق
صح قلبها معاه لأنو مرا باين انو خايف على امــو بذات الخبر اللي جاه دحين صدمو اكتر
لما ابوه كلمو وحددلو اسم المستشفى وقلو تعال لهناك
كانت متحمسه تشووف هتان وامها بس دحين نفسها تعرف ايش اللي حيسير مع يــزن ..
اختفى عن نظرها وانتبهت لشنطتو التانيه نساها طالعت يمين ويسااار بدوور عليه مو لاقيتوو
حاستو اصلا مو بعقققلوو
مافي حل غير انها تتصل عليييه
اتوجهت لأقرب تلفوون ودقت الرقم اللي حافظتو من قبل لاتسافر تركيـآ
اللي هوا رقم " نزار "
اتصلت كدا مرا بس مافي اي مجيــب ..
: اووف ياااربي دحين كيف ارجع البيت وشنطتو معايا من جد دا الادمي مو بعقلو بعض الاحيان
سحبت شنطتها الجديده الحمرا وفيها ملابسها برضو الجديدهـ
وحطت على كتفها شنطه يزن البنيــه
مرااا اشتااقت لأمها الشنطه تقدر تطلع اي عذر لو احد شافها
خرجت من المطار وركبت التاكسي
وعلى طول دقااااات قلبــها بدأت تزيــد
رفعت يدها ومررتو على شعرها المفتووح
لابســه الجينز المخصــر وتيشيرت ابيــض سادهـ ونظارهـ شمسيـــه مغطيه ربع ملامح وجهها ومديها
جاذبيه اكتــر وروج وردي باهت
خايفه من ردة الفعــل
على كتر مو متحمســـه بس الخووف كاان غالب على الحماس
متأكده انو امها حطير من الفرح لو شافتها بدا الشكل
بس هتااان
ايش ردة فعلو ماهمها احد غيرو
فجأه نسيت كل شي بينها وبين يزن ساار
وكل عقلها بدي اللحظه ردة فعــل هتان
سندت جسمها للكنبــه وحركت رجلها بتوتر " الله يستـــر "
في القصــر الكبيــر " بيت الجد"
اتجمعو التوأم مازن ونزار وابوهم قدامهم قفل الباب وباين انو الموضوع ابدن مايبشر بخيـــر ..
مازن ونزار جالسين على الكنبــه وبدأ الخوف يتسلل لقلبهم
مازن : ابويا بتوقفلي قلبي ايش سااير
ابوهم اشد من سيدهم بمراااااااااااحل : فينو السيد يززن مو انا قلت اباكم كلكم
نزار : والله اتصلت عليه كدا مرا جوالو مقفل يمكن ماقدر يجي
ابوهم : استغفرالله اساسا مين اعطاه الحق يسافر بدون مايستشيرني
مازن : ابويا احنا مو صغار عشان نطلب الازن لما نسافر كمان وبعدين انتو كدا مسافرين ولانعرف شي عنكم لاإتصال ولا حاجه حتى فجأه نسيتو انو عندكم عيال
ابوهم اخر انسان ممكن يحب يتناقش معاه مازن لأنو مايسيب شي بفمو : لا ياشيخ ماباقي الا تجي تعلمني كيف اتعامل معاكم ياسيد مازن انتا على بالك اني مو عارف طردتك من الجامعه ولا مو داري انك سايب البيت ولا تحسبني اهبل ومدري انو الشاليهات كنت تتمصخر فيها انتا ووضاح والسيد اياد
مازن انفجع مو عارف ايش يقول قال بدفاع اهبل : هيا يومين بس اللي استهبلنا فيها
نزار همس لمازن : خليك ساكت احسن لك
ابوهم : شوفو يزن دا انا بتعامل معاه معامله تانيه على الحركه اللي سواها اليوم انا انتا يامازن اعرف من اول يوم بدوام حتدرس وتشتغل والشاليهات ماحتنفتح لك ولا لأخوانك كل وجبه اشوفك قدام وجهي ولا ليا ساعتها تصرف تاني معاك
نزار لاشعوريا ابتسم يحس محد يقدر يوقف يزن ومازن عند حدهم الا ابوهم
ابوهم طالع بنزار : وانتا ايش قرارك دا الجديد
نزار مافهمو : اي قرار
ابوهم : تبى تشتغل مع سيدك
نزار ابتسم زياده : ايوا قررت اني اتزوج فاقلت اشتغل مع سيدي احسن
ابوه : ليش ايش ناقصك ؟
نزار : ولاشي بس زياده الخير خيرين
ابوه : شغل مستحيل تشتغل وانتا مرابط بمعهدك قدامك خيارين ياالمعهد حق الرقص ينقفل ولا تسيب شغل عند سيدك لاتكون ملهوف ورا الفلوس وتعيش طول عمرك عشان تجممع انتا اكتر واحد باأخوانك عارف كم حسابك واتوقع يكفيك المعهد وبيجبلك مبلغ طيب يعيشك انتا ومرتك طول العمر
نزار حس انو ابوه مالوحق مايخليه يشتغل : مو شايف فيها شي لو سويت الاتنين وضمنت مستقبلي
ابوه : يعني لو اشتغلت كدا حترتاح نفسيا وتحس انك ضمنت مستقبلك انتا مو شايف الناس كيف عايشه احمد ربك على اللي بيجيك من المعهد دا يعيشك ملك طول عمرك
نزار : الزياده مو بطاله ياأبويا
ابوه : لا بطاله لما تعيش طول عمرك عشان بس تبى تلهف فلووس بطاله تسير
نزار حس الكلام ضايع مع ابوه هوا تفكيرو بجهه وابوه بجهه كدا انكتم
مازن : طيب دحين ليش جامعنا في حاجه ؟
ابوهم جلس على الكرسي اللي قبالهم وهوا فتح دي المواضيع كلها بس عشان ماقدر يفتح الموضوع دا على طول
: اللي بهرج فيه ماأبى لاأروى ولا جنى ولا سيدكم يدرو عنو
نزار : ايش ساير ؟
ابوهم : انتو عارفين ليش امك لها فتره ماتكلمكم
مازن على طول غير جلستو باإهتمام : لا والله مو عارفييين _ قالها باإستهزااااااء تام _
في السيــاره السودا الطويلــه جالس على الكرسي اخد الكاسه القزاز اللي جمبو وصبالو مويـآ وشرب ..
اخد جواله وشغلوو ..
لقى مكالمااااااااات ياكترها من نزار ومازن ..
: لاحوول على دوول
بس استغرب من مكالمه لخالتو بالرضـآعه ..
من زمان مايكلمها وعلى بال الطريــق يتصل عليهاا وبعدين يكلم نزار
: الو اهليين خاله .. كويس الحمدالله .. دوبي راجع من السفر _ حس صوتها مو طبيعي _ ايش بو صوتك .. تعبانه من ايش .!! .. سهر اي سهر نامي طيب محسستني انك مكروفه طول اليوم .. _ ارتخى صوتـه _ كيف ! .. اي مستشفى .. طيب سلام
وعلى طول قال للسواق يغير وجهه سيــروو وهوا مرعوووب من جواااتــه .. .
نرجع للبيـــت ... نزل الخبر على مازن ونزار زي الصاعقه ..
مازن قال باإرتباك : طيب هياا فين دحيين
ابوه بكدب : مو في الامارات
امس وصلت للإمارات بس هيا مو راضيه تقابلهم وهيا بدي الحاله عشان كدا اضطر انو يكدب عليهم عشانها بس
نزار: طيب فين نبى نروحلها ابى اشووفها
ابوه : محد حيروح ولا أحد حيسافر هيا دحين بتتعالج وكل اللي طلبتو مني انو اعطيكم خبر
نزار : ايش اللي تعطينا خبر محسسني ياأبويا انها مو امي ترا يحقلي ارووح اشوفها فين ماكانت ماحستنى لسى موافقه من احد
ابوه : اسسمعني لا انا ولا إنتا ولاواحد من اخوانك يقدر يشوفها كيف ماتفهم انتا ..بقولك بتتعالج وسبت معاها خالتكم .. حالتها مو ميؤس منها عشان تنفعلي كدا امك حترجع كويسا وزي ماكانت جاتها فتره انا اصلا كنت متوقع انها خلاص حتموت لدرجه انها ماكانت ترد عليكم تقول اباهم يعتمدو على نفسهم عيالي لساتهم بزوره واتعودو كل شويا يتصلو عليا وبس بعدها اتحسنت بس كان صوتها مرا تعبان ومارضيت تكلمكم ولو اضطرت تهرج تقولكم انا صاحيه من النوم وانتو تصدقوها هيا انشغلت عنكم بس لأنها تعبانه والسيد مازن خير شر مايرد عليها ومقفل جوالتو وجالس مع اصحابو يسرح ويمرح وهيا قاعده تتقطع من المرض
مااازن قام من على الكنبــه وانسسحب من الغرفــه بكبرها
حس انو مكتووم ومضـآيق
اتذكر اتصالاتها وهوا كان مع رغد ويقفل
مايرضى حتــى يرد عليــها
ولا يهتم ادا يسمع صوتها ولا لأ
مو قادر يبكي ولا قادر يطلع اي ردة فعل
كل اللي حاسس فيـــه بغصــه ويبــآ اقرب انسـآنه له
بدون تفكيــر اتوجه لرغـــد ...
بعد دقـآيق انسحـــب نزار من الغرفــه واتصل على امو كان عندو امل ترد عليــه بس محد يررد
امااا ابوهم اتذكر انو مايكلم خالتهم ويقولها لاتكلمي العيــآل وتقوليلهم انو امهم هنا
لأنو امهم ماتبى احد يشوفها وهيا بدي الحاله
عارفه احتمال ابوها يطيح من طوله لو شافها
وعيالها حيروحو فيــها
وبناتها حيقلبو منـآحه
تبى تتعالج وترجعلهم بعدها ..
بس في شخــص بدون تفكيــر اتوجه للمستشفى كان حاسس انو امه فيــها شي بس مو عاارف ايش فيها بزبــط
وقفت السياره ونززل على طول كان بيحاول يطمن نفســه ويقول انو فيها شي بسيــط بس صوت خالتو ابدن مايبشر باأي خيـــر ..
كان يمشي ويروح يمين ويسـآر ويحاول اتوجه للغرفه المحددهـ .. طالع برقم الغرفه بدون تفكيــر فتح الباب على طول شاف حرمه على السرير ورجع بيرد الباب مو أموو
بس لمح خالتو ورجع فتح الباب بشوووووووويشششششش
كانت ماسكه جوالها ماركزز بخالتوو
زي ماركز على الحرمــه اللي على السرير
رجلو حسها انشششلت ماقدر يخطو خطوه وحده
مو اموو دي
بياااضـــهاا اتحووول لسمـآآآآر كاااتم
عيوونها يحسها سارت جاحظه وتحتها السووواد
شعرهاا اي شعــر ماكان في اي شعره براسها
ولا حواجب ولا رمووش
كان نفسوو يقفل الباب ويرجع
يرووح بعيـــد
ينسى اللي دوبو شافوو
حتى متنهاا راااح سارت نحيفــه بشكل فضيــع
خالتو لمحتو ووقفت ماستوعبت طبعا مين : نزار
يزن فاق على صوتها طالع فيها وعيونو كلها دمووع
خالتو فهمتو طالعت فيه باأسف وكأنها تقولو " مابيدنا شي "
اتوجه للســرير وقف جمبها بزبط
كانت مسدوحه ومغمضــه عينها وفتحتها لما حست بااحد واقف على راسها طالعت فيه وقالت باإرهاق : مازن
هيا اكتر وحده تقدر تميز التوأم بس دحين ولا ميزتو
كانت الوحيييده اللي مايقدرو يمقلبوها
تعرفهم من اصواتهم
من نظراتهم من ابتسامتهم اشياء بسيطه كانت تميز فيها اولادها
بس سمممع صوتها حس انو انفججججر الللف شي فيـــه نززلت دموووعوو ونزل جسموو لييها وحطو على صدرها وبكــي
بكييي بكل صووتــه
اتوقعها تعبااانه
بس مو كداا
امو رفعت يدها عليه ومسكت شعره وقالت بعتب : ليشش جيت
ماقدر يطالع فيها كان يبكي على صدرها ومغممض عينو يحسها مو هيا
صوتها لوحدو كان بيقطع قلبــوو
خالتو جات وراه ودموعها على خدها حطت يدو على ظهرو وقالت باألم : بس خلااص
ماكان يهررج ولا نطقق بكلمــه بس كان يبــكي بحضنهاا
امو سارت تبكي معاااه حاولت تبعدو عن حضنها بس ماكان رااضي يسيبها كان ماسسكها بكل قوته طالعت باأختها
وقالت بكل ترجي : خرجييه ياوداد
ماتبى ولدها يشوفها بدي الحاله
هيا خلت زوجها يوعدها انو مايقولهم انها بالامارات
وانقهرت لما شافت يززن
ايوا عرفتوو
عرفتو من بكــآهـ
خالتو مسسكت يزن وتبعدو عنها بكل طاعه بعد عن اموو
ووجههو محمر من البكاا
ماقدر يقولها لا مابى اخرج
يحس لو اي احد مسكو ومشاه حيمشي معاه بدون تفكير
بدون استيعاب
ممصدووووم من منظر امو
حسها خلاص حتموووت حتمووت مافي كلام بالموضوع
خرجتو من الغرفه : حراام علييك تسووي فيها كدا هيا نفسيتها بدون شي تعبااانه
مارد علييها كان بس يشهق من البكى
خالتتو : ياحبيبي خلاص لاتسسسوي كدا والله حالتها اتحسنت عن اول هوا كدا شكلها لأنو بتتعالج كيماوي بعدين حترجع زي اول
مو قادر يوقف بمكانو اكتر من كدا
ولا قادر يدخخخل عند اموو مايباها تبكككي زي اوول
مشــي وساب خالتو
راااجع للبيت باإنهيــآآآآر تــــــآآآم
اما مــآزن وقف سيارتو تحت بيت رغــد عارف انو دا الموعد تكون في المستشفى
ومستحيل تجي البيت
بس مايدري ليش جااا
عندو امل بسيــط انو يلاقيــها هنا
يبى يحضنها
يشتكيلها من هبلوو
من تسرع قرارتو
يقولها انا كنت اقفل في وجه امي
كنت مارد عليها
كنت مارضى اكلمها
وهيا كانت تصارع الف مرض جواتها
طلع الدرجاات بثواااني
ودق الباب كدا مراا
سمع اصووات اصلا كدا حس انها قريبه منو وقلبو بدأ يلهف عشانهاا
زادت دقاتو على الباب
وانفتـــح
رجــآل لابـس شورت والكرش سابقو حك شعرو : مييين
مازن جا على بالو انو ابووهاا كان بيمشي بس جات رغد وهيا لابســه قميس النوم اللي لبستلو هوا اخر مرا
كانت حاطه مكياااج اووفر
ابتسااامه حقيره على وجهها
اللبانه تمضغها بشكل مقرررف
وصوووتها اللي مو طبيعي تنادي فييه : حبيبي مييييين
من يوم ماشافت مازن ملامح وجهها اختفت مع الصدمه
صدمــــه
صدمــــــه
الرجال قال بكل حقـآره : ياعم لسى ماخلص وقتنا روح روح من هنا
يعني لو انو هوا مو في حاااله زي الزززفت ومصدوم من خبر اموو كان يمكن دخخخل وضرررربها وضربووو وطلع اوم شياطينو عليهم
بس فجعه امو
على صدمه رغد
خلاه يوقف قدام الباب وكأنو بيستوعب
الرجال قفل الباب بووجهو
وجووا البيت رغد غطت وجهها وبككت بكل صوووتها
الرجال قرب منها : ايش بكك خلينا نكممل
دفتو وصررخت عليـــه : بعدددد عننني
رجعت فتحت الباب وصععب عليها لما لقتو لساتو واقف
ومافي اي ملامح على وجههو
حستو مصدوووووم بشكل خلاها تتمنى موتها بلحظتها
خرجت وقفلت الباب وراها وقربت منو : ماازن اسمعنني والله انا ماستااهلك
مازن بطالع في وجهها اللي كأنو مايعرفو من المكياج
حس من شكلها بدا المنظر انها من بنات اللي كان يشوفهم بالكباريهات
رغد كملللت لما مالقت اي تجاوب منو :كنت والله حقولك من اول انا انسانه مو زيك كنت بسببك حسير احسن انسانه كنت حتغير عشانك _ بكت باإنهيار _ كنت حسيب كل حياتي دي عشانك يامازن بس لما عرفت اني حامل ماحبيت ظلمك معايا انا عمري ماحتغير وماحقدر اتغير
ساااب كل كلامها وقال بصوت خافت مع الصدمه : حامل !!
انفتح باب الشقققه وخررج تاني الرجال وصرخ بكل صوووته : ياهوووه ترانا بندفع في الساااعه لاتااخيد من ووقتي
رغد كلام الرجال تحسو كسسسرررر ماازن ومابقى خلااص فيييه شي
مااازن العصبــي
مازن اللي يتنرفز بســـرعه
مااازن اللي يهجم قبل لايهرج
مازن اللي مايتفاهم
قال لرغد بهدوء : بعدي _ وبعدها من كتفها من قدامو _
ومشي من قدامها
نززل من الدرج
ركب السيـآره وبــعد بعيــــــد
كان يسووق بدون اي اتجاه
كان يسووق بدون اي استيعاب
صدمه
على صدمه
على صدمه
على صدمــه
خلتو مايستوعب حاجه
لاأستوعب انو امو بتتعالج من السرطان
ولا استوعب انو رغد بتخونــــه
ولا استوعب انه انضضحك عليه
ولا استوعب انو هيا اصلا حااامل
ولا استووعب انو دخل شقتها كدا واحد قبلو
بس استووعب شي واحد انو غبـــي
واغبى من الغباء نفســووو
كان ماايرد على اموو عشااانها
كان يخصر امو عشانننها
كان يحس لحظاتو معاها احسن من مكالمه مع امووو
مافي اي دمعه
مافي اي ردة فعــل
ملامحو طاغي عليها مليون شي من لاشي ..
في غرفتــو كآآن بيهــرج معاها وهيا بكل سهوولــه هدتــو ..
: نزار حبيبي ادعيلها وبعدين بابتك قال انها بتتحسن كتيـــر لو انها ماتحسنت ماكان جا قلكم
نزار بخوف يهرج : ياسهااد هوا قال لاتقولو لسيدي يعني ال
سهاد قاطعتو : بزببط شاايف قالك لاتقول لسيدك لأنو ان شالله حترجع زي اول ليش يخوفو على الفاضي وسيدك رجال كبير بسن وماعندو غيرها يعني مو بعيد لاقدر الله يتعب وربي يانزاار ابو بابا لما جااه السرطاان
كان الكل يقول خلاص دا حيمووت وانا قد قلتلك ايش ساار شوفو دحيين الحمدالله مافيه اي شي مافي شي بعيد عن ربنا لو انتو دعيتولها ان شالله ترجعلكم بسـلامه
نزار : نفسي اشووفها والله ابى اكون جمبها
سهاد : دا قرارها احترمووهـ انتو اتصلو عليها خليها تحس انكم جمبــها حسسوها انو مافيها شي وعادي حترجعلكم طبيعي اهم شي تكون نفيستها كويسا لاتتصلو تبكو ولاتقولو كلام مالو داعي هيا في مرحله تحتاج كلمه بس حلوه منكم عشان تتعدل نفسيتها واعرف انو نفسيتها مرتبطه بمرضها
نزار : مو علشان كدا انا ابى اسافر
سهاد : حبيبي هيا حتضايق لو انتو جيتو سوو اللي تباه دا حيبسطها
نزار : ماقدر اتصل عليها وابين انو مافي شي
سهااد : طيب فرحها باأي شي ارسلها صورتك واكتبلها اي شي قولها انو انتا سويت شي كنت تتمنى تسويه من زمان اي شي يانزاار ممكن يخليها تنبسط وكدا
نزار سكتت
سهاد : حبيبي مامتك باإزن الله ماحيسرلها شي
نزار اتنهد بضيق وقال : ان شالله
امــآ يزن وصـل البيت وماقدر يدخلوو اصلا خلى السواق يوقف عند قاعة نزار اللي مقابله لبيتــهم ونزل
دخلل والمكاان مظلللم وانور خافت من التلاجــه اللي في ركنيه القـآعه كان يمشي
وماسك بالجدار ويبــكي بكل صووتـــه
سنند جسموو على المرآآيــه الكبيـره اللي بطوول وعرض الجدااار وجللس
شكللل اموو مو راضي يخرج من راسوو
هوا يخااف من الموووت خلقــه
وشكلها كان يدل انو خلاص مافيها اي رووح
علــى حظــووو ...
رنيــم خلت التــآكسي يوقف عند القـآعــه مع الخوف اللي فيها من ردة فعل امها وهتان قررت انها ترجع
ليزن شننطتوو وبعدين ترجع للبيت
مع انو قادره اصلا ترجع للبيت مرااا خااااااايفه من جووواتها
ماغيرت شي ولا شيين فيها غيرت كل حاااجه
نزلت من السيــآره وطالعت بالقصــر ابتسمت باإعجاب يمكن اول ماكانت تطالع فيــه زي مادحين تطالع فيــه
دوبها اكتشفت دللع يززن في الرحلات واحد عايش بدا المكان شي طبيعي مايعجبو العجب ولا الصيام برجب
اتحولت ابتسامتها لإبتسامه فيها الف معنى ومعنى فوق دا كلو تحس انو طيــب ومافي زييو لمما يرووق
مرا تحب ترويقو وبسطتو وضحكوو على كتر ماتنرفزت وصرخت عليه على كتر مانبسطت وتتمنى انهم يرجعو ..
ماتدري تروح للقاعه ولا القصــر نفسوو بس طبعا مستحييييييييييل تعتب بوابه بيتهم تحسس بخووف من المكان
ناااس مرا مو مستواها خليها تدخل القاعه وتحط الشنطـــه وتمشي ..
واتوجهت للباب فتحتو ودخلت يدها بس ماقدرت تحطهاا
اختفت الابتسامه تدريجيا من وجهها فتحت الباب كلو وحطت يدها على الجدار فتحت نص الاضائه الخافته ومن يوم ماشافتو شهقت وطاحت الشنطه من يدها
لاشعووريااا قلبها تحسسو طااح لما شافتو بدي الحاااله ررراحت جرري لعنندوو نزززلت لمستوااه : يززن ايشش بك
طالع فيها مايدري كيف جات
ولا من فيين جات
ولا ايش اللي جابها اصلا
بس كل اللي يعرفو انو جات في وقتتـــهااا
رنيـم عادت سؤالها بخوف تااني : ايش في ايش اللي صاااير
يززن هرج باإنهياار : اممي يارنيــم اممي
رنيم حسبتها ماتت فتحت عينها كلها مع الفجعه
يزن اشر على نفسو : كنت حاسس والله كنت حاسس
رنيـم حطت يدها على ركبتـو : خلاص _ ماعرفت ايش تقول _
يزن يهرج نفسو : ياااريتني ماشووفتها
رنيم قربت منوو ودموعها على طول جات بعينها
اللي تستغربو من نفسها انو هتان على كتر ماشتكالها كانت تتأثر دايما معاه بس عمرها مابكت زي ماتبكي كل ماشافت يزن يبـــكي
مدت يدها وحطتو على كتفــو وهوا على طول انسسحب لحضضضنهاا ودخللل في دواامــه بكـآ مو طبيعيه
بكاها معااه
حس انو ممكن يسرلو شي لو امو ماتت او سار حااجه
يزن اتذكر كلام امو : اتصللت اخر مرا عليا تقولي اعتممد على نفسسك دوبي فهمتهاا
رنيـم : يززن خلااص لاتقوول كداا
يزن ولارفع راسو من عليها كان يشتكيلها: حتمووت يارنييم
رنيــم ماعرفت راسها من رجلها هيا بتبــكي لبكاااه مو فاهمه امو ايش سايرلها بزبط
في البيــت ومعاه الجوال وبيهرج معاها بعصبيه : انا قلتلك لاتجيبي سيره للعيااال ... ياودااد امهم ماكانت تبااهم يدروو ..لأاحووول ولاقوووة الا بللله ..مدددري فينوو دحين حشووف ازا جاا سلااام ياااشيخه
قفل واتصل على يززن ومافي اي رد نززل من البيت ووجههو مقلوووب
هوا تعبان نفسيا من يوم ماشاف مرتو وهيا بتتعب بتدريج
فكيف ولدو اللي شافها اخر مرا بصحتها وعافيه وفجأه شافها وكأنها مو امو
خررج من البيت وشاف السياره اللي دايما يركبها يزن نادى السواااق وسئلو عن يزززن قلو في القاعه
اما في القــآعه يززن سند جسمو على المرآيــه وفاتح عينو بسهتان
يحس كل عضو بجسمو تعب وارتخى من كتر البكـآ
رنيــم طالعت في التلاجه وتبى تجبلو مويــآ قامت الا وقفت في مكانها لما شافت رجال بحدود الستين داخل الغرفــه
وكانت ردة فعلوو زي ردة فعــلها بزببط راح بسسسرعه ليييزززن ونزل لمستواه
مافكر اصلا يطالع في البنت دي مين كل همو ولدوو اللي حالتو واضحه انها زي الزفــت
مسك يدوو : يزن قوم
يزن سحب يدو واول ماشاف ابوه رجعت دموعو تنزل : ابى اجلسس
رنيــم واقفه في مكانها مو عارفه ايش مصدرها من الاعراب بس اتوقعتو واحد يعرفو او شي
ماجا على بالها انو ابوه ابدن عشان كددا اتوجهت للتلاجه وجابت قارورة مويــة وجات لحدو
ابوه سار جالس عن يسارو وهيا عن يمينو
اتعودت كدا بين الرجال ماتحس دايما انها انثى او مكانها غلط في دي المواقف
بس الشي الوحيد اللي حاستو غلط انو هيا متفاعله مراا ومتأثره مع يززن
جلست وممدت يدها : خد اششرب
يزن حرك راسو بنفي
وابوه دموعه في عينو ماسك نفسو بس لايبكي : يززن والله بتتحسن امك عن اول
يزن : شوفتها ياأبويا شوفتها بعيني مو هيا والله مو هيا
ابوه : هيا كدا حالتها عشان بتتعالج شي طبيعي
يزن حاتط في راسو انها خلاص حتموت بعد ماشاف شكلها ماعندو اي بصيص من الامل
بعكس نزار ومازن اللي ممكن يكون عند
هم امل كبير انها تتعالج ويصدقو كلمه " بتتحسن "
يزن : انا لسى ماشبعت منها
ابوه : يزن لاتحسسني انك صغير وماتفهم بقولك امك دحين حالتها احسن بمرااحل وان شالله حتتعافى وترجعلكم
_ مسسك يدوو _ يلا قوووم تعال للبيت
مالو نفسس يقوم بس ماقدر يرفض او يقوول شي
قاام ومشيتو كآنت مهزوزه وابووه ماسكوو
اول ماوقف جواله طااح على الارض ابوه دار على رنيــم اللي مو عارف مين هيا اصلا بس ماهتم وقلها : جيبي بللهي الجوال
بكل طاعه قفلت القاروره اللي بيدها وشالت الجوال وكآنت بتعطيه بس هما مشوو وهيا فضلت تمشي وراهم واخدت الشنطه حق يززن وهيا خارجه من القـآعه
دخلو لأسواار القصـــر واتفاجأأأت رنيـــم بعدد السيـــآآآرات اللي في المكاان
ولما دخلت للبيت بس من عند المدخــل خافت من اشيــآء كتيــر
ابوو يزن جلسو على الكرسي اللي قريب من الباب وطلب من رنيـم المويا رنيم على طول قربت من الكرسي واعطتو هوا
ابوه : يززن اللي شوفتو اصحك تقولو لواحد من خوانك قلتلهم انو امكم بتتعالج برا لأنو عارفه انو ماحيستحملو يشوفها بدا الشكل ودا طلبها وسيدك واخواتك مايدرو انها تعبانه ابدن لأنو فتره وحتعدي بلاش نخوفهم
يزن في يدو القاروه وسااكت
ابوه : ساامعني
يزن ولا رد
ابوه : يزززن
يزن : طيب
ابوه : انا داخل عند سيدك وانتا لحد يشوفك بدا الشكل _ وانسحب من المكان بكبرو _
رنيـم حطت الجوال على الطاوله كانت بتمشي الا يزن مسك يدها
قلببها زااادت دقااته بشكل مو طبيعي بلعت ريقها وطالعت فيــه
قلها بصوت مبحووح : حتروحي
رنيـم شي طبيعي ترووح : ايوا
نفسو يقولها خليكي يحس انو يباها جمبــو هيا الوحيده لو بكي يشتكي معاها في بكااه هيا الوحيده اللي بيحس براحه بقربها بس طبعا ماقدر يقولها شي
رخى يدو وسابها : طيب
بحركتو بس دي تحسس انو صععععب عليها بشكل مو طبيعي
نفسها تكلمو اكتر
نفسها تهدييه
بس مستحيه المكان مو مناااسب : ان شالله تقوم بسلامه
يزن من دي الناحيه يحس ماعندو اي امل اشر براسو وكأنو يقول ايوا او ان شالله
رنيــم بتمشي بس مية سبب جواتها يقولها لاتمشييي
قربت من الكرسي وحطت يدها على يدو وشدت عليها : متى ماتحتاجني انا حكون جمبك اوك
يزن قام من على الكــرسي ومسك يدها وهيا مو عارفه ايش بو انفجعت : ايش في يايزن
يزن الهدوء متمكن منو خرجها برا واتوجه للسياره الليمو البيضــآ وفتح باب السياره : حخلي السواق يرجعك عشان اطمن عليكي بلاشي تكاسي
رنيــم مالقت اي رد بس كل اللي بتحس فييه دقاات قلبـها كل مالها تزيـــد اكتر واكتر واكتتتتر ودا اللي خايفه منوو .. يعني هوا حالتو حاله ولسى بيفكر فيها
يزن : ادخلللي
رنيــم مو عارفه كيف سياره زي كدا حتدخلها لحارتها وكمان شكلها متغير الف هرجه وهرجه حتجي على راسها
بس ماحبت ترفض كلامو : خلاص طيب
دخلت السياره وجلست وهوا قبل لايقفل الباب فضل يطالع فيها لدقيقه
نظرااااتوو بس تغير الف شي وشي فيهااا
قفل الباب بهدوء ونادى السواق يوصلــها
وخرجت من اسوار وهيا تحس قلبــها ملك لأميــر بمستوى غير عن مستواهاا
وهوا طلع لغرفتو وجززء كبيــر منهاار فيــه وجزء يحس انو يهديه لما تجي هيا على بالو ...
في البيــت الصغيــر المتوآضــع
كآآنت تزغـــرط بفــرح مبسووووطه .. الفرحه عامره البيــت ..
: الحمدالله والشكر لك ياارب هتاان كلمت نضال
هتان : مع ابويا دحييين
امو جلست جمب ام رنيــم : آآه يااقلبي الحمدالله الحمدالله
ام رنيم : وعقبال مايرجع البيت ان شالله بسلامه
ام نضال من كل كل قلبها : ان شالله ياااارب
هتان كآن مبتسسم براااحه مو طبيعيه نجحت العمليــه وابووه يمكن يرجع زي اول واحسسن كمــآن
ايش يبى اكتتر من كدا
ماهتم دي المرا نضال من فين جايب الفلوس
مع انو شافو امس يبكي
بس حسبو عشان ابوه .. نضال شويتين حساس من جهه ابوهـ
دق الباب وهتان راح فتح ولقى واحد من اولاد الحاره : هتان ايوا كيف ابوك
هتان بكل فررح : الحمدالله دوبو كلمني نضال وقال خرج من غرفه العمليات
عيسى : يعني كوويس
هتااان : ايوا الحمدالله
عيسسسسى انبسسط مرا : الحمدالله على سلامتوو _ دااار _ ياااشبااااب العم غااازي رااجعلناا
كانو كلهم فرررحه وحده
اغلبببهم جو يسسلمو على هتاان وامو ويباركوولهم
مافي كل بيت مايعرف التاني بلعكس كل بيت قلبو على التاني ..
برآآ الحـــآآره وبعيد شويا عن البيت طلبت السواق يوقف ماتقدر تدخل بدي السياره لحارتهم
وسوا زي ماقالت
نزلت من السيـآره بكعبــها الاسوووود وجينزها المخصر وتيشيرتها الابيض نظارتها الشمسيه حطتها بالشنطه
سحبت شنطتها الحمرااا اللي كانت تمشي بالقووه بسبب الارض اللي مو مسفلته
وكعبها كمان كان بيتعبها بالمشي ماحست الا بواحد مسكه شنطتها طالعت فيه مفجوعه ولقتو السواق ببدلتو السودا ابتسم ببساطه : السيد يزن طلب مني اوصلك لباب البيت
اي كلمه فيها يزن توترها لاشعوريا سابت الشنطه وقالت باإرتباك : طيب
مشيت ووراهاالرجال ونسيت بلحظه ردة فعل الحاره كل فكرها يزن واهتمامه
اول ماعتبت الحااااره نظرااات الشباب لييها بطريــقه مو طبيعيه
بااين انهاا ماسارت وحده من عندهم
اساسا محد عرف مين دي
كان الكل بيطالع فيها باإعجاب
شعرها لبسسسها والرجال اللي وراها باين انو سارت مو اي وحده بسبب طلتها دي
طالعت هيا باإرتباك فيهم وقفت مكانها ولاأحد جاها
تعرف دا وداك ودااكا بس محد عرفها
رجعت شعرها ورا اذنها ونزلت راسها وكملت مشي
والسواق وراها يمشي وصلت لحد بيت هتااان وبدأ التوتر يزدااااد
الباب كان مفتوووح
هتاان شاافتو واقف عند الباب بزبط ومعااه واحد بيسسلم عليه
باين انو مرا مبسسسوط
ابتسمت لإبتسامتـه وفجأه اختفت ابتسامتها لما افتكرت بكا يزن
حاولت ترسم إبتسامه بسيطه ولما راح الولد هيا جات لهتان ووقفت قبالو
هتان طالع فيها ورجع طالع بواحد من الشباب بعيييد
ماعطاها اهتماااااام ابببببببببببدن
رنيــم طالعت بسواق ومسكت الشنطه : خلاص هاتها تسسسلم
هتان على انو ماكان بيطالع فيها بس صوووتها لوحدوو يخليي قلبببو يدق بصوورة جنونيه
طالع فيها بردة فعل سريعه وبللللم
هيا اخدت شنطتها وطالعت فييه وابتسمت : ماتبى تسسلم
صعععق
طالع فيها من فوق لتحت
شعرها حواجبها الميك اب لبســهاا اناقتها
حس انو وحده من حقون جامعتو قدامو طقة الين ورودينا
قال بشك واضح : رنيـم !!!
رنيم ضحكت لاشعوريا : يعني اتوقعت ردة فعل متنحه بس مو لدي الدرجه
حتى صوتها يحس انو فييه انوثه بسيطه يعني مو زي اول صح انو مميزوو بس دا الصوت ماكان يطلع الا لما تكون طفشانه ومافيها حيل تهررج بس مو لما تكون حتى مبسسوطه
هتان مبببلم : رنيم كيف _ طالع فيها من فوق لتحت ورجع بهباله عاد اسمها _ رنيم
رنيم مايموتها من الضحك غير ردات فعلو دي الغبيه : ههههههههههههههههههههههه هتااان خيير ايوا رنيــم لبسس خلاك ماتعرفني الله على الزمن
هتان ابتسمت تدريجياا : ايش دا اللي مسويتو بنفسك
رنيـم رفعت حاجبها : ماعجبك
هتان ارتخى صوتو وقال : بكل حالاتك تجننيني
رنيـم ماتدري ليش اختفت ابتسامتها ورجعت ابتسمت مجامله : فينها ماما وحششتني
هتان لساتو مو مستووعب اشرلها : جواا
رنيم سابت الشنطه ودخللت جرررريي وطبعاا هتااان واقف عند الباب مررت 4 دقااايق مافي اي صووت وبعدها صرررخه ام رنيــم لما استوووعبت وهيا تحضضن بنتها بفـــرح
رنيم بحضن امها : ههههههههههههههههه حرام عليكي اقول هتان ماعرفني ممكن بس انتي ياماما تجرحيني كدااا
امهاا باستها من قلبــهاا : وااا ياااربي يحفظظظلي بنتتي
رنيم : هههههههههه _ بعدت عن حضنها وقعدت قدامها ومسكت شعررها بدللع : بللهي ايش رايك بللونه
وهتان واقف هوا وامو عند الباب ولا واحد مستوووعب
امها تمسسك شعرها : طالعه زي القمممر _ حطت يدها على خدها _ اخيرا شوفتك كدا
رنيـم : شايفه كيف
امها :ايش اللي غيرك كدا
رنيـم : دي وحده اتعرفت عليــها سافرت معاها تركيــا وهيا غيرتني
هتان اختفت ابتسامتو لأنو حس كلمه هيا قصدها هوآ واتأكد دحين من كلام داك الولد ..
امها : ساافرتي فيين
رنيم : ههههههههههه تركياا ماكنت بقولك عشان اعرفك حتخافي عليا بس هوا شغلي كان لازم يخليني اسافر ومراا وربي انبسسطت ياماما ناااس غيرررر شوفت كل شي اتمنيت تكوني معايا ..
امها : ومين ساافر معاكي
رنيم : بقولك دي اللي بشتغل عندها البنت مرا طيبــه
هتاان بدأ يوولع من جوآته ونسي شكلها كيف اتغير ويبى يتفااهم معاها ..
مررت ساعه ساعتين 3 4 وهيا مو راضيه تتحرك من جمب امها
تحكيها تحكيها تحكيها وكل حكايه تدخل البنت المجهووله
حكتها عن مغامراتهم
حكتها عن اسلوب البنت
عن كلامها
عن تفكيرها
وعن تروريقها
قالتلها كلب لحق ورايا ونطيت فووقها
حكتها انها طاحت من النش بس طلعتها دي البنت
ماسابت ولاشي كل شي قالتوووووو
وهتااااان خلاااص وصل حدووو ..نظره وحده خلت رنييم تفهم انو يباها برااا
خررج برا البيت وكالعاده كانو بيهرجو عند الباب بس نظرات الشباب لرنيييم
خلت هتان مايقدر يتفاهم : تعاالي نروح اي مكان
رنيم ولا اهتمت : هتان ايش بو وجهك مقلوب كدا
هتان مشي وقال باأمر : امممشي بقولك بطيب
طالعت فيه مصدومه وبعدين مشيت انصدمت يمكن لأنو لها فتره محد يعالمها بدي الطريقه
مهما يزن تكرن على راسها ماكان يتكلم بدي الطريقه
خرجت يزن من راسها ومششيت : طيب بشووويش امممشي
هتان ماشي قدامها ولا كأنو يعرفها كدا متعود هوا يمشي وهيا ورااه قدامو جمبو عادي ماتفررق
راحو لمكان شبه فاضي ووقف
وهيا جات قبالو بزبط : ايش في
هتان : دي البنت اللي سافرتي معاها ايش علاقتك بيها بزبط
رنيم : زوجتي محد قد قلك
هتان : بهرج معاكي بجد لاتستهبلي على راسي
رنيم : يعني ايش اللي حيكون يربط بيني وبينها بللهي هبل
هتان :قصدي علاقة شغل ايش بزبط بس انتي اللي تفكيرك مدري فين راح مو هيا بنت يعني ايش اللي حيكون بينكم
رنيـم حست كلامو دق في دق بس متأكده انو مايدري عن حاجه كدا واثقه من نفسها : اشتغل عندها كم مرا قلتلك
هتان : اها تشتغلي عندو وفجاه حب يسافر معاكي اعطاكي كم فلس اغراكي روحتي معاه متعك الادمي وبسطك وغيرك وخلاكي شي انا ماقدرت اخليكي هوا مقابل ايش دا كلو فلوس ولا ايش
رنيــــم انفجعت من كلامو وبان دا كلو بملامح وجهها : يمكن صح انا سافرت مع واحد ياهتان بس ماقد وصلت فيا اني اروح مع واحد عشان فلوس
هتان مع القهر بيهرج باإستفزاز: اها عشان تسليييه
رنييم ولللعت : انتا ايش بتخرررف احترم نفسسك اقوول محسسني انك ماتعرفني
هتان : طالعي بنفسسك بالمراايه لو عرفتي نفسك ديك اللحظه اقدر احكم ازا اعرفك ولا ماعرفك
رنيـم : ازا انتا تهتم بشكلي من برا فدي مشكلتك انا زي ماأنا وعمري ماحتغير من جوااتي انتا اللي فيوزك ضربت ومدري ايش حكايتك
هتان : ايش تبيني اسويلك يعني سبتيني بدون اي كلمممه وتحسبيني حجي اخدك بالاحضاان سااامعك تحكي امك عن لحظاتك السعيده مع السيد يزززن وتقوليلي فيوزي ضااربه
رنيـم : وكمان تعرف اسمو ايش انتا قعدت تراقبني
هتان : لا مو يقولو حبل الكزب قصير كل شي جاني وانا في مكاني سمعت انك مسافره ماشالله مع وااحد ينقاال عنو معرووف هنا كمان تعرفي تختاري صرااحه ايش ماسرنا مستواااكي
رنيييم رفعت يدها: هيييي ايشبك تخبص بالكلااام اليييوم حدك عااد
هتان : لا تعاليلي بكفيين كماان يمكن اقدر استووعب اسلوبك دا الجديد
رنيــم ماتدري ايش بو : انتا خير محسسني اول مرا اتكلم معاك بدا الاسلوب انا لو إني مو فايقه كان اساسا سمعتك كلام مالو داعي بس واللهي دوبي جايه من السفر وتعبانه وماليا نفس اتناقش مع نفسيه زيك
هتان : تبيني انادي السواق يرجعك للبيت ولا فاكره الطريق
رنيـم خلاااص الدنيا سودت بوجهها من كلامو : ومين قلك اني راجعه بيتك رايحه اسلم على ماما وماشيه
هتان سكت
رنيم دارت جسمها ومع الحجر الكتير رجلها انتنت ورجعت تمشي عدل
هتان هرج بقهر : استوعبي فينك دحين ترا دي الجزم ماتناسب دا المكان
رنيـم دارت عليه : محد طلب رايك
هتان : ماشيه يعني
رنيم : لاحووول ليش تباني اجلس اسمع كلامك الاهبببل دا اللي محسسني اني بنت من الشارع
هتان : انتي اللي حسستيني كدا من يوم ماساافرتي مع دا الللي مايتسمى
رنيـم : اسمو يزن دا اولا تانيا عمرك ماحتفهم انا ليش سافرت دامك ماجربت تشتغل الف شغله باليوم عشان تصرف على البيت
هتان : وبدافعي عنو كمان
رنيـم حست انها تكلم نفسسها حيفضل يدقق بالكلام المرتبط بيزن وينسى الكلام اللي بعدو : انا ماااشيه
مشيت وساابتو واقف يطالع فيـــها ومن جواااته مشتعععل ناااار ... طالع بســآعه وافتكر دوامو له 3 ايام مايروح اتصل على نضال واطمن على ابوه واتوجه لبيـــت اليــن ...
تلوثات من مصنع القلب
في غرفتـــهاا الملابــس مرميــآ بكل مكــآن ..
ومشغــله اغنيــه .. منصور زايد
خلوني خلوني إبحالي محبوب قلبي على بالي
سرحان هيمان في حبه
ولهان ودي قربه
دونه حياتي ترا صعبه
ودوني ودوني للغالي
مشتاق والشوق ذابحني محبوب قلبي مخاصمني
يزعل ولا اعرف اخباره
مسكين قلبي على ناره
امر ودايم على دياره
والحزن يبكي على حالي
قولوله قولوله قلبي على شوفته يوله
ماطيق بعده ولا ساعه
قلبي انا زادت اوجاعه
في شوفته تضحك الدنيا
وفي قربه العمر يهنى
جلسسست على الكرسي اللي قدام السرير : لااا ماحلبس كدا قصير الين والله ماحب استحي
الين رمت اللبس على السرير : اثير تعبتيني يش حتلبسي يعني الولد تلاقيه حيجي باأي لحظه
اثيـر : خلاص سويلي بس ميك اب زي ماقلتي بس ملابسي اللي انا لابستها حلوا مابى اغيرها
الين : الولد يغريه اللبس يهبله
اثيـر : مو لازم عادي في بعضهم لا
الين : اوووف منك .. دقيقه بس اتصل على واحد من اصحاابي داا مصيبه في البنات مشبك نص بنات دبي اسئلو ايش اكتر شي يغري الوللد وبعدين نسوويه
اثيـر خافت من كلامها ..
اما الين اخدت جوالها ودخلت لغرفه ملابســها .. : ايووا الوو
.. : اهلا
الين ماسكه اجوال بكتفها وقاعده تشوف الملابـس : اهلين مازن كيفك
مازن : تمام
الين استغربت من صوته وبنفس الوقت ماسئل عنها : اممم ايش بك في حاجه
مازن : لا
الين بعدت عن الملابس ومسكت الجوال وحواجبها عقدتها : هبله انا ماعرف صوتك قولي ايش فيك
مازن : ياشيخه مافي شي
الين : انتا فينك
مازن : بتمشى
الين : بتتمشى من متى الطبيعه سارت تعجبك
مازن : الين خلصيني ايش تبي
الين ماقدرت تسئلو : اباك تمر عليا
مازن : ليش ؟
الين تبى تشوفو عشان تتاكد مافيه شي : ولاشي بابا مو في البيت وبعطيك حاجه لازم يعني يجي الخميس عشان نتقابل
مازن : خليها مرا تانيه
الين : مازن ماحاخد من وقتك كلها دقيقتين
مازن : ياشيخه انا مدري فيني بعيد عن بيتك
الين : والله لو تبى توصل بدقيقه حتوصلي بس مزاجك مدري ايش بو مقفل
مازن : خلاص يااشيخه بلاشي نق زايد حجيكي
الين : اوك استنى يلا باي
مازن : سلام
في السيــآره ...
مرت عليـه ساعات وهوا بس يلفلف حس انو طغى عليه الامبالاه على انو مكسسسسسوووووور كلمه قليله يحس فيها
مجروووح ولاشي توصــف
بس اقل شي بيقولو لنفسو " مو انا اللي ابكي عشان بنت اساسا مو مهتم بكيفهاا اللي جابها يجيب غيرها "
عنده كبريـــآآء لدرجه انو بيكبت الف غصه جواتو
وبيكاااابر انو مو مهتتتم
وصرف كل تفكيره في امـــه ..
اتوجه لبيت اليـــن وهوا معدووم الاحســآآآس تعابير وجهه مافيها اي شي
لا مضايق
ولا مرتاح
ولا زعلان ولاشي
في بيت اليـــن ..
اثيــر : يعني ايش حتسوي
الين : سيبيكي من هتان شوويــآ صاحبي دحين جاااي
اثيـر : ليش
الين : مدري ابى اديه شي
اثيـر : وامك هنا
الين : هيا تعتبرو زي ولدها عادي
اثيـر : اها
الين اتربعت على السرير واخدت المناكير الفوشيــه : تعالي اسويلك
اثيـر ماقد حطت شي باأظافيرها : لا مابى
الين ورتها يدها : والله حلو اللون شووفي
اثيـر : ايوا شوفت الناس حاطتو بس مدري ماسويت
الين مسكت يدها : هاتي هاتي
وقعدت تسويلها لييين ماتصل عليها مازن سابت يدها : جا جا تعاالي
نزلو الثنتين من السرير ونزلو لتحــــت ... مازن دق جرس البيت وكانت الشغاله بتروح الا الين اشرتلها : خلاص روحي
الين فتحت الباب ولسى اثيـــر حتى ماوصلت للباب بس وقفت في نص المكان وفتحت عينها على وسعها
مازن كان يطالع في الارض رفع عينو لما حس انو انفتح الباب واول ماطاحت على اثيــر وكانت ردة فعــلهم
تتنيــح لاأكتتتر
الين اشرت لأثيــر : تعاالي ايش بك خاايفه
اثير ولا اتحرركت الين ضحكت ورااحت ليها وسحبببتها واتوجهت للباب خرجوو وقفلو وراهم وسارو واقفين برا مع مازن
الين : دي اثير صحبتي
مازن : ايش جابها عندك
الين استغربت من السؤال ومن دموع اثير اللي اتجمعت بدون سبب في عينها : نعم !! بيتي ايشلك انتا
مازن يحسها مرا هبله ماينفع تجلس مع اليين : اثير ارجعي للبيت
اثيـر : مو كل شي على كيفك
الين ماستوعبت شي
مازن : انتي شايفه الساعه كم لو ابوكي مابيسئل عنك في جيران بيشوفي داخله خارجه في اخر الليل
الين كانت بتفتح فمها وتهرج الا سكتت لما اثير نطقت : انتا ايش لك روح روح لديك اللي تباها احسن
الين : انتو تـ
وقاطعها مازن على طووول وكأنو ماصدق احد يفتح سيرة رغد عششان ينفجججر : انتي ماتفهممي بزرره ولا ايش حكاايتك لمتى حتكوني هبله كداا_ مد يدو وحرررك فييها راسسهااا _ استوووعبي عمممرك 21 ياجااهله خرجيني من راااسك
الين انفجعت دفت يد مازن ووقفت قبال اثيرر : مااازن ايش بك على البنت
اثييير نززلت دموعها على طوول ونزلت راسها للأرض زي البزره بزبببط وقالت بضعف : انا مو هبله لاعاااد تقوولي كدا ولاسرت اصلا احبك
مازن : بعد ماقلتلك حلي عني عشرين مرا دوبك استوعبتي اني ماعاد ابى اشوفك
الين : مااازن خلاص امممشي
اثيـر : عشانك كزااب كنت تكزب عليا وتقولي انا انبسط معاكي واحب اجلس معاكي
مازن : انا كدا لعااااب عندك مشكللله وحده زيك غبيه بكلمتين ازبطها دا وانا ماعشمتك بالحب وانتي لاحقه ورايا في كل مكاان
الييين خلاااص تحسس كلام مااازن مرا مالو داعي ماتدري ايش بووو مسسكت يد اثيــر وفتحت الباب ودخلتها : اطللعي غرفتتتي
ومااازن على طوول راح لسيــآرتو مايدري ايش بو رما كلام لأضعف انسانه قد شافها
دوبو بيفتح باب السياره الا اليييين جاتو : ماااازن
مازن طالع فيها : خير
الين : انتااا اهببل ولا ايش حكايتك
مازن : خليها ترجع بيتها وسيبيها في حالها تراها مرا عقليتها مو زيك
الين : بفهم يعني دا خوف ولا برضو لأنها غبيه وتعبت من غبائها
مازن : انا ماااشي
الين مسكت باب السياره : بهرررجك انا ايش فييك اليييوم قالب خلقتك كدا
مازن : مافيا شي ايش حيكوون فياا يعني
الين : مدري عنك انا شايفتك بترمي كلام مالو دااعي ابدننن والبنت ماسوت شي
مازن : دي البنت اللي جوا عمرك ماحتشوفي وحده بغبائها خليها تفووق على نفسها بس لو اني مارحمتها كان البنت راحت في خبر كان من زمااان
الين : روح اتأسفلها
مازن : ياشيخه ولللي عن وجهههي
الين: مااازن انتا استوعبت اللي قلتو حرام عليك ماتحس انتا
مازن : لا والله ماحس ليش انتي فجأه سرتي تحسي ترا الناس دول واطيـــه مو مستوانااا مو دايما تقولي دا الكلام
الين : مو كلهم
مازن : لا كلهم هيا والف وحده مو مستوايا ماتسوى اني اديها كلللمه
اليين : ادخل كلمها طيب
مااازن قفل باب السياره باأققووووى ماعندوو خلى اصلا اليين تنفففجع
قال بككل صووتو وبعصبيه تاااامـــه : امممي مرمياا في المستشفى وعندها السرطااان وحالتها زي الزززفت وانتي تقوليلي ادخخخل اتكلم مع بزررره ..!
اتلعععب على مخخي من اوووسخ بناات الارض وتبيني ادخخخل اراضي وحده ماعندها عقققل _ اشر على نفسو بقهههر _ انااا مااازن خلي دا الشي في بااالك لا إللي جوا ولا اللي غيرها تسووا اني اطالع ففيـــهاا دووول عايشين على حسااابناا كل همهم فلووسك وبس محد يتقرب لك الا عشان امك وابوك محد يتكلم معاك الا لأنوو عارفيين حساابك ضاارب الملايين محد يجاريك بكلمتيين ويحسن اسلوبو معاك إالا لأنهم عارفين انا ولد مجدي وسيدي عصام احنا كداا عايشين ... اللي حوليننا يبونا عشان فلوسناا مو علشاننا فاخلي دي الزفت اللي عندك جواا لاتخليني اشووف وجهها تاني عشان لأأسوي فيها مصصصيبه
فتح باب السياره وبثااانيه اختفى عن نظرها
واقفه مكانها مفجوووووووعه
اول مرا في حيااااتها تشوف مازن كدا
بلعت ريقها
حستو مقهور مجرووح مكسسوور عشان كدا بيهررج
افتكرت امو ودخلت جوا البيت وهيا مصدوومه
جلست على اقرب كرسي شافتو ... ربع سااعه بزبط تحاول تستوعب الللي سار
مقهوره علييه
لاشعوريا نزلت دموعها
وفضلت تبكي علييه صوتو وهوا يهرررج بقهههر بحرقة قلب .. بيتردد في راسها
قامت من مكانها وطلعت لغرفتها وقبل لاتدخل مسحت دمووعها ولقت اثيــر جالسه على السرير وتبكي
حست انها كرهتها بعد كلام مازن تبى تفهم ايش علاقتها فيييه عشان كدا يكون حاقد علييها
جلست جمب اثيــر : انتي كيف تعرفي مازن ؟
اثيـر تمسح دموعها وهرجت : اتعرفت عليه جمب بيتنا
الين : طيب ليش كدا كارهك
اثيـر : مدري ماسويتلو شي قبل يومين كنت عندو وعادي كان يضحك معايا والله ماسويتلو حاجه
الين : وانتي تحبيه ؟
اثيـر : ايوا قلتلو احبك بس هوا يحب وحده تانيه
الين انصدمت : لا مازن مايحب
اثير : لا مازن يحب وحده اسمها رغد قد قلي
الين : تلاقيه بيضحك عليكي
اثيـر : مازن مايخبي عليا شي كنت كل يوم اخرج معاه ويوديني كل مكااان
الين تعرف مازن وقح : يوديكي بيتو
اثيـر : يوديني اماكن كتير يخليني اشوف البحر وانبسط والعب
الين حست الكلام مادخل راسها : مازن يلعب ؟
اثيـر تهرج وتشهق من البكى : ايوا دايما يلعب معايا هوا قلي انو عشان انا ماقد شوفت شي هوا يبى يوديني كل مكان وحيكون معايا على طول
الين : كنتي محبوسه قصدي طول يومك بالبيت ؟؟
اثير : لا انا اول ماولدت كنت ماشوف شي
الين طبعا بدون اسلوب : عمياا ؟
اثيـر : اييووا
الين : وا ايوا؟
اثيـر : بس قبل فتره سويت عمليه ولما سرت اشوف بعدها باإسبوع اتعرفت على مازن هوا كان يوديني ويوريني كل حاجه ماشوفتها ويقولي دا غلط ودا صح _ رجعت تبكي _ كل يوم كنت اخرج معاه وانبسسسط هوا الوحيد اللي كان يسوي دا كلو معايا
الين حستها مرا بريئه وطيبه مستحيل تطالع في مازن عشان فلوسو بس استنتجت انو دي رغد هيا االلي لعبت عليه : ماتعرفي شي عن رغد ؟
اثيـر : لا بس هوا مرا يحبها وقلي بتزوجها قريب
الين انفجعت : اووف الموضوع مرا كان جدي
اثيـر مافهمت قصدها : بس انا عمري ماضايقتو هوا ليش كدا يقولي
الين سكتت وهيا تفكر في مازن طالعت بعدها باأثير : ترا مازن يحب البنت الثقيله
اثير : مع نفسو خلاص اصلا مابى افكر فيه
الين ماعرفت ايش تقولها قلبها مع صاحبها طبعاا وفي النهايه اثير على نضوج شكلها بس تحس تصرفاتها طفله
مافي رجال حيقدر يرتبط باإنسانه يهتم فيها طول اليوم ...
تلوثات من مصنع القلب
في عــــــــآلم غير عن عاااالمهم وجووو غيير عن جوو الكــــل
الحب طاااغي على المكااان
ضمت اياديها لبعض وطالعت حولينها باإرتباك : وضاح خلاص ترا ماحب كدا
وضاح الابتسامهه مرسوومه على وجهه : طول عمرنا بنجلس مع بعض دحين سرتي تخافي احد يشوفنا
جنى : دحين غير
وضاح : غير بنسبه لنا مو لهم لاتوتريني وتلفتي نظر الكل بتصرفاتك دي
جنى ااستغربت شويتين : الفت نظرهم ؟ليش انتا ماتبى تقولهم ؟
وضاح : الا بس لما امك ترجع مو دحين
جنى ابتسمت : حسبببت
وضاح ضحك : حلعب عليكي يعني
جنى : لا مو قصدي كدا اصلا عارفتك مالك بدي الحركات
وضاح : طيب خليكي اليوم هنا ابى اتصبح عليكي
جنى : خلاص ولييد كرهني وبعدين بابا رجع عيب ماروح
وضاح : مو استقبلتيه انتي واروى بالمطار
جنى : طيب وي ابى اجلس معاه
وضاح : وانا
جنى : ههههههههههههههههه وضاح ايش بك
وضاح : ولاشي خلاص روحي
جنى فتحت الباب : حروح بس حلوه طردتك
وضاح : ههههههههه تبيني احضنك يعني
جنى : انتا اصلا لو قربت مني خطوه تانيه حتلاقي مازن فوق راسك
وضاح : يادا مازن كل ماقلت شي قلتيلي مازن
جنى : اييوا عشان لاتتعدى الحدود وراياا رجال ترا
وضاح طالع فيها بتعجب : لا ياشيخه على اساس انا ماأخاف عليكي وابى اسويلك شي غلط
جنى : ههههههههه لا وي بس انبهك يعني الشيطان شاطر
وضاح : انتي لوحدك مقر ابليس فلاتتفلسفي وتجيبي سيرتهم
جنى فتحت عينها على وسعهاا : مع نفسسسسسسسك
وضاح : ههههههههههه طيب دحين ابى افهم وداع من غير شي
جنى مدت يدها : حدك سلام باليد
وضاح طالع بيدها : بس كدا
جنى نزلت يدها : اجل اسرري اصلا كتير عليك كمان كداا
وضاح : اييييوا اييييوا خلينا نتضاارب
جنى : والله انتا اللي مدري ايش تبا
وضاح : التطور حلو برضو
جنى : تطووور في عييينك وربي لو قلتها تاني ماعاد حكلمك دا اولا وتانيا لو تبى تطور _ ضمت يدها تحت صدرها وقالت بغرور _ انتا عاارف كيف
وضاح رخى صوته وقال بحقاره : اها تبيني اتزوجك
جنى فتحت عينها على وسعها وقالت باإرتبااك : ها لا مو كدا قصدي .. _ اداركت نفسها _ باي انا رايحه
وزززززي الهووووى راحت جري على السياااره
وهوووا ماات من الضحك عليــهاا
تلوثات من مصنع القلب
جالســه بالغرفه ولساتها مو مستوعبــه جلس على الكنبه اللي قريب منها ..
: ياخاله خلاص لاتعزلي نفسك كدا
طالعت فيـه : على الاقل كنت ابى سبب بدون اي سبب جاني الطلاق ليشش طيب
نادر : انا حروح افهم من اياد
ام اياد رفعت يدها بتحذير : ولا تجبللي سيرتو دا بعد الييوم كل شي انا فييه بسببو حسبيه الله عليــه
نادر : لاتتسرعي يمكن يكون سار حاجه مو معقوله اياد يطلب من ابوه انو يطلقك كدا بدون شي براسو
ام اياد : انا وابوه طول عمرنا مرتااحين عمرو ماضايقني ولا سارت بيننا مشاكل بس هوا مايحب يشوف احد مرتاح طالعه اخلاقو على ابويا عارفه طبايع ولددي عارفه انو ارتاااح ضميروو دحيين بعد ماشافناا كدا كل واحد بجهه
نادر : لازم تفهمي بس من اياد لازم يكون في رجال بالبيت يكون معاكم وجمبكم
ام اياد : انتا تكفي وتوفي
نادر ابتسم باإرتباك : ياخاله انا ماقدر اجلس معاكم بدون اياد
ام اياد : الا تقدر البيت بيتك يانادر
نادر : عارف وانتو ماقصرتو معايا بس انا مابى اجيب لكم كلام زايد
ام اياد : ايش حيقولو يعني اكتر من اللي بيقولو دحينا
نادر: مو عشان كدا لاتحوجو نفسكم للكلام اللي مالو داعي انا اقدر ادبر نفسي
ام اياد : اجلس في البيت لين ماتتوظف وتقدر تاخدلك شقه محد يقدر يهرج انتا زي ولدي
نادر قام وباس راسها يحسها ام بمعنى الكلمــه
مايلومها لما طردت اياد من البيت
ولا يلومها لما تسبو كدا
يحقلها
جلس معاها نص ساعه ولما دخلت رودينا هوا وقف وابدن ماطالع فيـــها : عن ازنكم
وخرج من الغرفففه بكككككل هدوووء
وماعبر ابدن رودينا
رودينا طالعت فيه مفجووعه ايش حكايتو طول اليوم اول ماتجي ولا كأنو يشوفها ومايعبرها ابدن
جلسست في المكان اللي هوا كان جالس فيــه
وملامح وجهها طاغي عليها الاستغراب
اتذكرت لما حضنتو من بعد دا الموقف بذات ماسار بينهم اي موقف تاني
ولا كلمها ولا شي
اما هوااا خرج من الغرفــه وطلع لفووق مع انو ماخلص هرج مع امها
بس ماقدر يجلس في الغرفه وهيا داخله
يحــس بعد ماحضنتو مرا جريئـــه
ماتعود على كدا مايحب البنت اللي بدي الصورة
صح انو في لحظتها هوا كان محتاج احد يحضنه بس ممكن يتقبل فكره انو هوا راح يحضنها بعكس انو هيا جات تحضنــه
من النهايه " مو عاجبتو تصرفاتها "
اتصل على اياد كدا مرا طبـــعا مافي اي مجيــب .. " الله يستــر "
اما اياد موقف سيارتو في احد المواقـــف ونايييم فيــها كان مرهــق خارج من المستشفى محتاج انو يرتاح
بس مالقى اي رآآحـــه
ولانــآ هيا والشغــآله بينظفو الدوور وهيا مو مرتااحه ابدن للموضوع
بس الحاجه تسوي اكتــر من كدا ..
الاثتنين قدآمــو وبيحاولو يقنعــوهـ ..
طـآرق " اخو نادر " : ساري انتا مو صغير عشان ماتفكر بزواج
نوف : قولي بس ابى وانا مستعد اجبلك ست البنات كلهم
طارق : مو عارف ليش لدحين شايل فكرة الزواج من راسك
ساري جلس على سريرهـ : محسسني اني جالس على قلبكم انا مرتاح كدا _ رفع رجلو على السرير ورجلو التانيه منزلها _ مرتاح كدا
نوف : ماحترتاح كدا لازم وحده تهتم فييك وتكون جمبك
ساري : الشغاله مابتقصر وبعدين ليش تبو تجيبولي وحده من بيت اهلها وتعزبوها معايا
نوف : ساري انتا كل شي بتسويه بنفسك احمد ربك غيرك ماعندهم رجول اصلا وانتا بتدلع على راسنا
ساري كلمه الين لين دحين ترن في ادنو ككدا انفعل : انا معوووق وراضي بللي انا فيه بس غيري ماحيرضى فيا مابى احسس اني عاهه على قلب احد تاني انا لو ابى اتزوج ابى اتزوج عشان انا اهتم فيها انا اللي اشتغل واروح واجي مابى أتزوج وحده تخاف عليا حتى لما اخرج من البيت لأحد يجي يدفنني ولا فجأه اطيح انتو تحسبو شي سهل لما بنت تطالعلك بنقص ازا انتو ماحسيتو انا قد حسيت الف مراا بدا الاحساس اسمع كدا شخص يمر من جمبي ويقول الحمدالله على العاافيه وغير اللي يقول يالطيييف انا اقدر استحمل دا كلو بس مابى اعزب وحده معايا فادا الموضوع لاعاد تفتحوه معايا
نوف : كل مرا بتعييد نفس الموال ياساري غيرك
ساري قاطعها : غيري لاتقولي غيري وانا ماقدر اطالع في غيري من كتر مو حزنان على نفسي انا ماقدر اطالع الا بنففسي عشان لاأحسسد غيري نوف بقولكم انهو دا الموضوع معايا دا تفكيري ودا قراري وعمرو ماحيتغير لو ايش ماسار
نوف عصبت وخرجت من الغرفـــه .. طارق طالع فيها وبعدها بسـآري : ياساري اختك تبى تفرح فيك
ساري : ودا الشي عمرو ماحيفرحني انا لو اتزوجت دا اكتر شي ممكن يضايقني عشان كدا لاتضغطو عليا اكتر
طارق : دي حياتك انا ماقدر الزمك على شي بس اختك الله يهديها كل مرا بتفتح معايا الموضوع وتباني اكلمك
ساري : اجل كلمها وفهمها انو دا اخر اهتماماتي
طارق : ان شالله
خرج طارق من الغرفــه واخد ساري الجوال واتصــل ..
: الو .. وعليكم السلام ..كيفك ..؟ كويس الحمدالله ..شادن ايش قلتيلي اسم الدكتور
شادن : وانتا تبى تسوي العمليه واهلك مايدرو
ساري : مو مشكله يمكن تجيب نتيجه
شادن : طيب على الاقل قولهم اديهم خبر
ساري : لا مالو داعي تعبتهم معايا من كتر مادخل العمليات اللي بسويها
شادن : والله مو عارفه ايش اقولك بس حاسه انو مرا غلط اللي بتسويــه
ساري : دحين دا صاحب ابوكي حيساعدني ولا كيف
شادن : طبعا انا كلمتو خلاص وقال بس يكشف عليك ويشوف الازم
ساري : طيب تسسلمي مااحنسالك دا المعروف
شادن بتردد : طيب على الاقل قول لزوج اختك
ساري : لا مرا ماأبى احد يدري
شادن : فين حتقولهم رايح
ساري : مسافر اي شي
شادن مو مطمنه مرا للهرجه دي : اللي تشوفو ...
تلوثات من مصنع القلب
طلعت لفوق وهوا كان دوبو مار من جمبــها وماقدر دي المرا يسيب الكلام في نفســو وقف : رودينا
رودينا طالعت فيــه وقالت باإسلوب استهزاء : ياألله دوبك استوعبت اني معاك بالبيت
نادر : ملاحظك من اول
رودينا مستمره : لا يااشيخ كوويس والله فيك الخير انك عبرتني دوبك
نادر : انتي كل لبسك كدا
رودينا كانت لابســه برمودا وتيشيرت عادي : ايش بو لبسي
نادر : انا كنت خايف اني اكون مضايقك في البيت بس احسك ماتهتمي اساسا لوجودي
رودينا : ايش دخل اللبس بدا الشي
نادر رماها من النهايه : ماتنكسفي لما تلبسي كدا
رودينا : منك يعني ؟
نادر : من الكل
رودينا ماعرفت ترد
نادر : مابتكلم بشكل عام يعني حتى لما تخرجي انتي عارفه نظرات الشباب كيف
رودينا : ماهمني كل واحد يكون بحالو وبس
نادر : انتي بلبسك دا مابتخلي احد في حالو
رودينا رفعت حاجبها من ردو صدمها ردو : انتا اشلك فيا
نادر : شوفي انا الشي الوحيد اللي يخليني ابى امشي من هنا هوا انتي سرت اعتبرك زي اختي وانا طبعي عندي غيره وماقدر اسكت لما اشوف احد بدا الشكل وبنفس الوقت كنت خايف اكلمك وتاخدي كلامي بحساسيه مابطلب منك تغيري نفسك بس على الاقل احترمي وجودي لين ماأمشي
رودينا :والله ازا انتا شايف لبسي مرا اوفر فاأمشي زي اليوم وانتا خاصرني ولا تكلمني لأني الحمدالله اعرف ايش الللبس وايش اللي ماألبسو
نادر : اها وانتي ازا تعتبري دا للبس فامقدر اتناقش معاكي اكتر بدا الموضوع بنهايه انا في بيتكم ومقدر دا الشي وحبيت بس انصحك يمكن تقدري كمان طريقة تربيتك
رودينا فيوزها اصلا ضاربه مع هرجه امها وابوها ونادر جا يتفلسف كمل عليها : والله مادريت انو السجون لها تربيه كمان _ طنشششتوو ومشيييت _
دخلت غرفتها وقفلت البــآب : هوا انا ناااقصــه دحيين كمان
تلوثات من مصنع القلب
اجواء البيت زي ماهيــآ ..
شخص منهااار نفسيا
شخص من الصدمه سار بيضحك ويهرج وكأنو شي ماسار
وشخص بيدعي في كل خطوه لأمــه ...
قام من على السرير وهوا قرفااان نفســه بس غصبــآ عنه لازم ينزل يتغــدى .. كان مار من الغرفــه سمع اسمها ..
لاشعووريا دخل على طول وسمع نزار يكلمــها : كويس الحمدالله
يزن اتوجه على طول لنزار وهمسلو : هات بكلمها
نزار عقد حواجبه وشايف وجه يزن مرا مقلوب كدا ماقدر يتخاطب معاه او يرفضوو
يزن : ايوا رنيـم .. ولاشي مافيا شي بس ايش كنا نقوول .؟ .. لا مو مشكله عادي .. ايوا كويس دحين وانتي فينك .. في القاعه ليشش
نزار اشرلوو : ياأهببل هاات
يزن حس انو في شي وبدأت دحيين الحووسه اللي مايدري كيف حيخرج نفسو منها : ها لا قصدي اييوا بس كنت بقولك دا الرقم لاعاد تدقي عليه حعطيكي جوالي اللي دايما معايا .. خلاص مو دحيــن شويا اكلمك سلام ..
رما لنزار الجوال وكان خارج الا نزار ناداااه : هييييي خيييير تكلم البنت كدا كمان تقولها لاتتصلي عليا
تستهبل انتا
يزن مالو نفس يهرج : سلامات ايش تبى فيها
نزار : بعلمها الرقص يعني ايش بى وبعدين انتا ليش تحشر نفسك
يزن بدون مايحس قال : اساسا ماحترقص بطلت من الهرجه
نزار ماستوعب مسفرها وصاارف عليها وفي النهايه تقوول ماتبى : انتا تستهبل على راسي ؟؟
يزن : لا ماستهبل ولاشي بقولك رنيم ماعاد حترقص مهي فرجه عشان تخلي الناس يتفرجو عليها
نزار : ماتوقع انو دا كلامها لأنو قبل شويا فاتح معاها الموضوع وبعدين البنت انا صارف عليها دم قلبي عشان تررقص وفاتحلها القاعه غرفه نوم عشان تنام فيها وانتا دحين بتقولي من راسك ماحترقص
كل واحد معصب وماصدقو يتضــآربو ..
يزن : وليش بتنام بالقاعه ؟
نزار : كان سئلتها وانتا مسافر معاها يمكن كان جاوبتك _ خررج من الغرفه وساب يزن الي مايدري ليش رما ذا القرار بدون حتى ممايكلم رنيــم _
خرج ورا نززار وكلهم اتوجهه لغرفه الطعــآم ...
وبس كدا نهايه البارت
باقي ربع الروايه وخلاص حتنتهي
اغرقووني بردوودكم وتقيمااتكم
1 التعليقات:
Best eCOGRA Sportsbook Review & Welcome Bonus 2021 - CA
Looking for https://deccasino.com/review/merit-casino/ an eCOGRA https://jancasino.com/review/merit-casino/ Sportsbook gri-go.com Bonus? At casino-roll.com this eCOGRA Sportsbook 1xbet 먹튀 review, we're talking about a variety of ECCOGRA sportsbook promotions.
إرسال تعليق