رواية يانوس الفصل الرابع

 

الفصــل الرابع ..

[ الــقـآضي كـي يختـآر جلاده المفـــضل , يختبــره في مهـآراته . ]

اضاءات المصـآبيح تنيـر الحـي , السيارات مصفوفـه بجانب الرصيـف من النـآحيتين , وهم في منتصف الطريق , اربع خطوات تفصل بينهم , قطط الشوارع الشاهد الوحيـد على نظراتهم المتبادله
لم يتخذ اي وضعيـة دفـآع , كآن منتظرها تشــرد لكن مـآزالت امـآمه ! , حوآجبه ارتفعت بعدم تصديق لما هجمــت عليـه للمره الثـآنيه , ضرباتها في الهوى , مره ومرتين وثلاثه واربعه , واتباعدت خطواتهم عن بعض , تتنفس بصوت مرتفع , وعينها مانزلت من عليـه , سئل بجديـه وذهول : إيش تبي !!!!
لكـن هجمــت , وانسحبت من ذراعها دفعها بااتجاه سيارته المرتفعه , وحط ذراعه تحت رقبها , ثبتها بثُقل جسمـه , حاولت تدفعه لكن ماتزحزح , وجهه مقابل وجهها , تمر بينهم فقط نسمــة الهوى
قال بوعيـد : عندك فرصــه وحده
ماكان يحتـآج يشـرح , يده بدأت تخف من عليها , رجـع خطوه فقط , وبكل تمـرد الدنيـآ ارتفعت رجلـها ,بنفس سرعتها يده التفت حول رجلها واترمى جسمها في الارض , رفع رجلو على رقبتها : اقدر اهمش وجهك برجلي !
ماكان يلقى رد ! لكن نظرتها مخيفه ! نظرتها ماتدل على إنها اتنازلت ! ضغط على رقبتها , رفعت يدها الاثنين ومسكت جزمته مازال يهدد : حعطيكي فرصة ثــآنيـه
تــركها لأنه عارف انها بتهــجم وقفت وهجمـت ضربتين مالمستـه وضربة كآنت مؤلمـه في ذقنـه , رجع للخلف مسك فكــه وعيونه مشدوده : اتكلمي واختصري عليا !
صدرها يرتفع وينخفض بشكل سريـع , نطقت بين انفاسها المرهقــه : يومي ..سيئ ... وابا .. افرغــه ..فيك
هجمـت عليـه , ضربتـه في ضلعه , امتدت يدها مرا ثانيه بتلكـمه مسكها من منتصف ذراعها , سحبها باتجـآهه , بداخله , ولف ذراعه حول رقبتها : ماتوقع ..إنو اسوء ..من يومي
دفعها على الارض وانفـآسه متسارعه , رفع يده بتهديــد: ثالث مرا ارحمـــك
ركب سيـآرته , طل فيـها ومازالت على الارض , شغل السيـآره , وقفــت , مستنيها تمشي ! مستنيها تروح في حـآلها لكن لسى واقفـه , ماكان ناقصها , كآنت غريبه !
مافــهم ايش بيسيــر في يومـه !!! حسسته بنظرتها انو شــآرد ! حرك السياره وشعوره مهــزوم وهيـآ المنتصره !

امـآ ديــمآ اتوجهت لجوالها المحطوط على وضعيـه التصوير في الشارع المقــآبل سحبتـه , قفلت التسجيل , جلست على الرصيـف كتبت بالعربي : هزمني ولد الكلب ومافيا حيل اترجملك

دخل لشقــته بنص عقــل , خايف , فلوسـه اختفت برمشة عيــن !!! , مين يحـآسب ! .. جلس على الكنبه الدائريـه , سند اكواعه على ركبه والتفت كفوفه حول راسـه , على وشك الإنفجـآر , يهدي نفسـه بكلمـآت مو حاسس فيها لكن يبا يسمعها , حلم مزعج , حلم مزعـج حلــم مزعــج

حلـم مزعــج في مكـآن اخر , لكن بعيد عن رفاهية حيـآته , وملابسه المترفه , يتشابهه بالظلام الطاغي على البيت , يتشابهه بالوحده , بالألم الداخلي , اختلفو بالعمــر , اختلفـو بالملامح , اختلفو بسبب الألم , اصيــل جالس بجوار سرير امـه وكآنت امنيته الوحيـده إنو يكون حلـم مزعـج , خايف يخرج من البيت , خايف يستوعب الحقيقه من تعاطف النـآس اتجاهه , لأول مرا تكون الاصوات الحنونه مزعـجه , نظرات الشفقـه مؤذيــه , غلق الباب على نفسـه ومايبا يواجه احد , حتى نفسـه بيطبطب عليها ويقول " حلم مزعــج " غمض عينه

,
بين الظلام الطـآغي , حس بحركـه حولـه , جسمها الأنثوي ظهر بين السواد , عيونها الحـآده , الحلق الفضي في حـآجبها ,انقضت عليـه , خنقتــه , جسمها النحيل كآن زي الصخــره فوقــه , شلت حركـتـه , صوت انفاسه المختنقه , ووجهه يميل للإحمرار , استنجد فيها بدون صوت , , لكن مافي رأفـه بعينها , رن الجــرس , رن بشكل متكرر , دفعها وسقط من فوق الكنبـه , فتح عينه , كابوس ! , نقاط العرق منتشره على وجهه , مازال الجرس يرن , مرر يده على جبينه ,مشي بخطوات مهتزه , طل خلفـه وكأنه مو مقتنـع إنو حلــم ! حط يده على مقبـض الباب ولوهلـه جاه شعور لو فتح حيشوفها ثاني ! , مشتت , رن الجرس , فتح البـآب وصاحبه سئله بشك : إنتا بخير !
دار ظهره مشي للداخل
قفل البـآب مشي وراه : صح اللي وصلني ! فلوسك انسرقت !
جلس على الكنبه , حوآجبه مشدوده , حرك راسـه باإيجـآب
ماهر ماجلس : كيف انسـرقت فهمني والله مو قادر استوعب !
اتكلم بكلمـآت مقطـعه :صار اختـراق للبنك ! ... رصيدي ..انا الوحيد اللي راح !
ماهر : مين يقدر يخترق بنك !!
ضغط على راسـه وغمض عينه : مدري !
: وليش انتا ! صدفه ؟
حرك راسه بنفي : لا جوالي قبلها اخترقوه واخذو كل بياناتي
جلس بشويش على الكنبه , ملامحه مالت للصدمـه : ياألله !!!
نيـآر بعدم تصديق : لو ماقدرو يسترجعو فلوسي انا روحت فييـها ماعندي ولا مصدر دخل , بعت كل شي عندي عشان ادخل في مشروع حيجبلي اضعاف اللي بعتو وكل شي رااح
صاحبه بلع ريقـه , خانه التعبيــر حرك راسه : ماعليك احنا معـآك
وقف نيـآر ,يمشي امـآم النوافذ الزجاجيـه بتكرار يروح ويجي يروح ويجي , كلم نفسه : كل اللي عندي سيارتي وشقتي ذي ! _ يكرر ومو قادر يستوعب _ انا ماعندي إلا سياره وشقه ملكي !
ماهر : مو مشكله فلوسنـآ وحده لــ
بحده قاطعـة : مو محتاج شي
مـآهر : رجعلي هيا لما تتحسن امورك
مازال يمشي
مـآهر : انا صاحبــك اسند نفسك فيا و
: يخخخي انا مو محتــآج احد تبا تجلس عندي وانتا ساكت الله يحيك , تبا تعطيني صدقات عيال الشوارع اولى فيها
ماهر :إلعن ابو كبريائك أنا متربي معــآك مو أمس تعرفنــي
عاد كلمـآته واياديه ترتفع وتنخفض : قلتلك مو بحــآجة احد , اعيدها كم مرآآ لك ؟ انا شخص ماخذ فلوس مو تعبان فيـها
ماهر حرك راسه بيأس : بكيفك _سند ظهره وارتفع صوتـه _ على فكره في اشاعه عنك إنو انتا سبب حبس سالم ! مع اني قلت للشباب_ شد على كلامـه _ صاحبنا ومايطلع منو بس محد واثق فيك
نيـآر وقف عند طاوله الطعـآم , ضغط اياديه على الطاوله وخفض راسـه قال بتعب : اطلع من بيتي .. اطلع يامـــآهر
ثواني عدت , سمع صوت خطوات ماهر , الباب ينفتح ويغلق , فتح عينه المرهقه , سحب الكرسي وجلس , اياديه بارده وتتنافض من قلة الأكل والنــوم

يتأمل اياديـه المهتـزه في بيتـه الصغيــر جمب سرير امـه , متى اكل ؟ متى نـآم ؟ , مايبى اي شي خارج ذا المكـآن ,حاسس باإكتفاء مخيــف , ليش يهتم بنفسـه ؟ ليش ياكل , ليش يرجع يشتغل ؟ ليش الحياه المفروض يكملها بقوانينها ؟!! طيب ايش الصح وايش الغلــط , كيف يقدر يقيم نفسـه بدونها ؟ سار كل شي موحــش كل المبادئ والقيم اتدمرت خايف يواجه حتى الحيـآه
ســآمع صوت دقات على باب بيتـه مو اول مرا , عشرات المرات , كل مرا صوت مختــلف , اتوجه للباب , فتحـه , عيونه ذبلانه , شفايفه من جفافها بصعوبه اتباعدت عن بعض وقـآلها : ايش ..تبي ؟
خانتها الحروف للحـظـآت ,ديمـآ رجعت شعرها ورا اذنها : ممكن ادخل
امـه لو موجوده ماكان اتجرأت تدق الباب , مين الصح همـآ ولا امـه , دموعه اتجمعت في عينه لأنو مو عارف يجاوب على ابسط سؤال نطق بصوت مهزوز : مـ ا عـ رف
اختنقت من نظرتـه , امتدت يدها على ذراعه الممكسه بالباب ونزلتها ودخلت قبـله للبيت , اخر مرا كانت هنـآ قبل 11 سنه تطالع يمينها ويسارها فوقها وتحتها , المكـآن سار اصغر وابشع ؟ ولا كذا هوا من زمـآن !؟ اختلف عليـها كل شي
جلست على طرف السرير , وجلس على الارض في الجدار المقـآبل , حطت يدها على فخذها وتتأمله وهوا يتأمل الأرض : متى اخر مرا اكلت
كأنها ماتكلمت , مانتظرت جوابـه , اتوجهت للمطبـخ صحنين بلاستيك واحد فاضي والثاني فيه بعض من البليله الخمج على سطحها , اقراص عيش على الطاوله مسكتها اتكسرت بيدها , صراصير تتحرك على علبة اللبنه المفتوحه , فتحت الثلاجه علبـه مويـآ موجوده , حبتين خيـآر , نصف حبة طمـآطم , قفلت الثلاجه بصدمـه
خرجت من المطبـخ , حكت رقبتها من الخلف , تبا تبــكي , بلعت غصبتها بصعوبـه, سارت انفـآسها تألمها لأنها بتتظـآهر , جلست على الارض امـآمه مسكت يده : ايش رايك تخرج تمشي نغير جو
_ بتردد _ ولا تبا تروح تشوفها ؟ تسمع منها
عينه ارتفعت عليها , مافهمت نظرتـه سئلت بشك : تبا تروح ؟
يبا يحرك راسه بتكرااار ويقولها ايوا , من حقه يسئل ويسمع ويعاتب ويصرخ ,بس لو رفضت تقابله ماحيسامحها طول عمــره فاحرك راسه بنفي , نطق بكلمـآت ثقيله ودموعه تزداد كل بعد كلمـه : اباكي تخرجي , تقولي ,, للكل ,, امي ماتت , مابى , مـ مـابى احد يسئلني ,,, عنها _ ارتفع صدره وانخفض وبكي _ حتـذكر ,, الطيب ,, منها .
ديمـآ بصوت مهزوز : ماغلطت احنا نعرفها _ شدت على يده _ الحياه تخوف يمكن سار فيها
سحب يده منـها :اطلعي من بيتــي .... اطلعي ياديمــآ

..

الســآعـآت تعـدي , الأيــآم تمــر , الأسابيع انقضــت , نيــآر وأصيـل السبب الوحيـد لخروجهم من بيتهم , المـآل , واحد يدور لقمة عيشـه , والثـآني يحـآرب الكل عشـآن يسترجع امـوآلـه
رفضـو اصدقائـهم , رفضو وجود اي يـد تمتــد لهم , واليـد الوحيده اللي امتدت لاصيــل ومارفضها كآنت حاملة سجـآرة حشيش ,في الأجواء البارده الساعه 11 الليل خلف بيوتهم المزدحمه سحب اول نفس , والتفت السجـآره على 4 اشخـآص وجاته مرا ثانيـه , سحب ثــآني نفس , رجــع بيتـه لأول مرا ينـآم مرتـآح , والليله التاليه وقف بينهم لكن ذي المره امتدت يدهم فاضيه وطلبه مقـآبل قبل لايعطوه , كآن محتـآج ينـآم , مايبى يبكي , مايبى يرجع للبيت الموحش , فاخرج فلوسه من جيبه ورضيو بالقليل ذي المره .


,
حــآنت اللحظــه , امـآم شـآشات الكمبيوتر , يبـآ يتواصل معـآه , يبا يستمتع بصوتـه الخـآضع , سحب السماعه الكبيـره ووضعها على راسـه , اللعبه مفتوحـه امـآمه ضغط على قضيـته , ملف نيـآر امـآمه , معلومـآتـه كلها مكتوبـه ,صغط على علامة الإتصـآل اللعبه توفلرلو الحمـآيه الكـآمله عشان محد يقدر يتتبـع المكـآلمه , رن جوآل نيـآر , لأول مرا يكون بينهـم حوار صوتي
يـآنوس : يأست خلاص ؟
نيـآر واقف تحت اشعة الشمــس , الأزارير الاولى من بلوزته الرسمـيه مفتوحـه , طل حولـه بتوتـر وقال : يانــوس ؟
بتعداد هـآدي : نيـآر رافع اليـآسي , عمرك 32 سنه , ثروتك_ باإستهزاء _ لابأس فيها , أتوقعت ابوك ورثك اكثر من كذا
بصوت مهتز : شوف شوف مستعد اعطيك مبلغ يفك حاجتك مستعد اساعدك لكن رجعلي فلوسي
: وليش ارجعها وانتظرك تديني جزء منها ! ههههههه
صرخ في منتصف الشاررع وأعين الكل اتجهت ناحيته اتكلم بجنون : والله لأجيبـــك والله لأخليهم يسحبوك زي الكلب واسجنك طول عمري
: أعطيتك شهر كـآمل اتوقع ذي الفرصـه تكفي تخليــك تستوعب انو ماليا وجود حولـك
مرر يده على ذقــنه اتحرك بعشوائيــه يمين ويســآر : إنتا إنتا ايش تبـــآ !!
بعكس يانوس مرتـآح على الكرسي الكبير , الهواء البارد موجه عليه اخذ كاسة العصير وقبل لايشرب قال بشفقه : حعطيك مهله يوميــن ولا تحتاج اكثر ؟
بضياع نطق : مهلة لإيش !
: لحيـآتك .. لو تبـآ فلوسك تِرجــع , حتعيش الحيـآه اللي انا اختارها لك
وضغـــط ببسـآطه اغلاق المكـآلمه , كآن مبتسم , سحب السماعات وحطها على الطاوله , طلب مهمه من جلاد و" دوم دوم " كآنت متوفره لكن رفضها , ارسلت مرا ثانيه ورفضها


في مكـآن ثاني تحت اشعـة الشمس وجوه النـآس حولـه انطمست , يشوف اشخـآص رايحين وجـآين , اصوات السيارات متداخله ...كلمـآت يانوس بسيطه لكن صعب استيعابها .. بعد ثواني عدة ..وصلتـه رسـآلة تحويل بنكي 70 دولار , 70 دولار !!! قمة التحقيــر , ساحــب 3 مليون دولار ومحولــة 70 !!! ركب سيـآرته عبى بنزيـن , اشترى اكل واكل في السياره كآن يحتـآج ياكل عشـآن يفكر , رفع جوآله واتصـل على الرقـم مقفـل , مجرد ثواني وجاه اتصـآل من رقم مختــلف رد وكآن يـآنوس : أووه ماتوقعت تتصل بذي السـرعه ..كآن فكرت اكثـر
نيـآر : لفين تبا توصل معايا !
يـآنوس : قبل لانتعمق بعطيك تحذير , تفكر تاخذ قرض تفكر ترهن شي ملكك صدقني سيارتك ماحتلقالها وجود وبيتك ححرقه بعفشه
لحظـه صمـت من نيـآر , عرف انو بيراقبـه : ايش تبـآني اسوي ؟
يانوس : اول شي عيد سؤالك وقول ياتاج راسي ايش تبـآني اسوي
اكتفـــى ... قفل جواله ورماه على الكنبه المجاوره واتوجـه لبيتــه , ماينذل يسوي اي شي لكن بدون إذلال
يانــوس :هههههههه لسى ماقلت شي ! زعول الولـد

تركــه على راحتـه , الساعات تعدي , اليوم الأول انتهــى , بدأ ثــآني يوم , واخر فرصـه , ساعه , ساعتيـن , ثلاثــه واتصل نيـآر , بيشتت نفسـه لأخر لحظـه واقف على السيـر المتحرك في غرفته المخصصه للريـآضه , شورت ريـآضي تيشيرت رمـآدي , جواله امـآمه موضوع في المكان المخصص , والايبودز في اذنه , جاه الرقم مقفـل , واتصل يانوس برقم مختلف من دولـة ابعد من اللي قبلها يـآنوس : موافق ..؟
نيـآر برغم انكسـآر الجمله لكن قالها بشده : موافق على اي شي تبــآه
يـآنوس ابتسم سحب القلم يفتح غطـآه ويقفلو يفتحو ويقفلو : شوف انا انسـآن شريف وعند كلمتي فلوسك حترجع كآمله ومو ناقصها ولا مليـم
نيـآر شد على حوآجبه ومازال يمشي بخطوات سريعه : ليش !! ايش حتستفيد !
يانوس رمى القلم باإنزعـآج وقال : ليش ؟كيف ؟ ماحب كثرة الأسئله اتفاقنا الاول حتنفذ كلامي من غير نقـآش
نيار زاد سرعة السيـر عشان يشتت نفسـه , مارد , ماتكلم , ماقدر يقول طيب وينصاع ولا قدر يقول ايش بعدو ويحس انو راضي بالإهانه , منتظره هوا يكمــل
يانـوس : عندك 60 يوم حتعيش ليلها ونهارها بقوانيني , في االمكان اللي اختـآره , حتنسى انتا مين وايش كآن عندك , حتنسى بيتك وسيارتك واصحآبك لو في يوم لجأت لأحد تعرفـو حترجع من جديد لأول يوم
نيـآربين انفـآسه السريعه : فين حعيش ؟
يانـوس : في اسوء مكان بنسبه لك , حتعيش وكأنك واحد منـهم
طفى الجهاز , حركتـه بتقل بتقل لحد مانزل سحب المنشفه الصغيره ومررها على وجهها واتكلم بااستهزاء : يعني لو عشت 60 يوم في اسوء مكـآن بنسبه ليا حاخذ فلوسي ! مو ناقص فيها على قولك ولا مليم !؟
يانوس : علييــــك نور, شايف كيف الموضوع سهل ؟
نيار : دحين حروح اعطيني العنوان
يـآنوس : ههههههه قالولي انك تسوي اي شي عشان الفلوس
نيـآر : وتخيل لو كآنت ذي الفلوس حق من حقوقي !
يـآنوس : حلو اجل ماحتعبني , جيب شنطه لا اسف اقصــد كيـس , حط جوته جينز بلوزتين بجامتين مزيل عرق عشان برضو احنا ناس نحب النظـآفه هههه وعطر , شاحن جوالك مع إنو الكهربا تطفي كثير لكن جيبو يمكن تقدر تشحن ,كذا يكفي
نيـآر : لـ 60 يوم !
:وكلامي ينفذ بالحرف وعلى فكره عقابك في كل مرا تكسر كلامي , تحويل 100 الف لأي جمعيه خيريه
نيـآر كأنو ماسمع ,بكل جديه : ارسلي الموقع
انتهت المكـآلمه , ملامحه خاليه من اي تعبيــر , كأنو رايح يأدي مهمــه , دخل لحمـآمه تحت مرشات المويـآ القويـه دقـآيق طويله عدت مغمض عينه , يحاول يوقف الضجيج اللي براسـه
رجع شعره المبلل للخلف , لف المنشفه حول وسطـه , اتوجه للمغسله رسـآله من رقم مجهول فتحها " يُفضل تلبس شي بسيط واتخلى عن اي شي ثمين لمصلحتك "
لبس ملابسـه تيشيرت , جينز ماقدر يتخلى عن سـآعته , اخذ كيـس لويس فيتون خرج الكرتون من داخله وحط ملابسـه , شنطه صغيره مخصصه لفرشة اسنانه والمعجون وغسول الوجه
شنطه صغيره ثانيه عطر جسم وعطر ملابس ومزيل عرق , شاحن باور بانك مكينة الحلاقه , كريم الحلاقه اتملى الكيس .
خارج كل تفكيره بشي واحد فلوسـه حترجع فين رايح ايش حيسير ولا شي هامه , تحويل بنكي " 100 دولار "
رسـآله " اسحب الفلوس لأنو حتروح لمجتمع مايتعامل مع البطايق "
بــعد سـآعه بزبــط دق على البــآب الــحديـدي ... فتح اصيــل ,, طل فيه من فوق لتحت وباستغراب سئــل : ايش تبــآ ؟
ضاغط على اسنـآنه , حرب داخليه , بصعوبـه نطق نيـآر :أقدر ... استأجر ...عندك ؟

.......
قبــل سـآعه ....]
الرابعه عصــرا ..
جالسه على كرسي بجوار البقـآله : انا جاهزه نفسيـآ يامعتز ابا العب
معاه منفضة الغبار يمررها في ارجاء البقاله ويتكلم : بعد هزيمتك محد سار يقبلك وأولهم القاضي يانوس
: ذا بالتحديد انا اباه , ابا ارجع اقابل الانسان الحقير اللي هزمني , تدري انو عمي الوحيد اللي عيشني نفس احساسه ماقدرت انام بسببو حريقه تحرقه
: لاتشخصني الأمور , حنحاول نزيد مهاراتك يمكن احد يرضى فيكي
دفعت الكرسي ووقفت دخلت باإتجاهه : ماتلاحظ إنو ساير تقل ادبك عليا
مد باإتجاهها المنفضه وكأنه سلاح : بلاشي تقربي ونخسر بعض ترا اطلع البيت والغي اللعبه ويسحبوكي من ام الحاره ونرتـآح من جنانك
ديمـآ : ههههههههههههههههههههههههههه _ رفعت اياديها الاثنين وصفقت باإنبهار _ واو واو شايف جلستي معـآك كيف خلتك
:ههههه _ اخذ علبة ورق عنب ورماها باإتجاهها_ خذي هديه بس ارجعي بيتك
ديمـآ مسكت العلبه : هههه شكراا ..شوفلي مهمه
معتز قفل عينه بقلة حيله وفتحها : حاضر حاضر لو الساعه 5 الفجر حتصل عليكي واقولك قومي
ديمـآ : شاطر يلا رايحه لغدير
فجأه ابتسم , عيونه لمعت : على طاري غدير
خرجت وماسابتلو مجـآل يتكلم ...حك رقبته بااحراج لف يمين ويسـآر ماعرف ايش يسوس فجلس على الكرسي
.
مشيـت في الشوارع , حياتها فوضى بين اكتئاب امهـآ , لعزلة اصيـل , لعجز ابوها , لرفض عمها , لوظيفتها اللي تبدأ 12 الليل ,وصلت لحد عمارتهم وابتسمت لما شافت غدير واخوهـآ معاهم دراجات: ابا اللعــب
غدير : اوووف بس انكسرت الدراجه
وسعت عينها بصدمـه : ايش شايفتني
غدير : صدقيني حتسوي حادث
هاني : خذي دراجتي طالع اتغدى
ديمـآ : شوف الناس اللي تفهــم _ اخدت الدراجه وركبتها عباره عن كفرتين عجلاتها كبــآر _
غدير ركبت دراجتــها وديمـآ ركبت دراجه : يلا ؟
ديمـآ : االلي يوصل _ بحقاره _ بقاله عم علي هوا الفايز بس نجيها من الخلف
غدير :تمـــآم 1 , 2 , 3
وانطلقــو بالدراجات في الأزقـة, ضحكـآتهم مندمـــجه في بعض , يدقو صوت الجرس الموجود في الدراجه وصرخاتهم مرتفعه : ابعدددددووو
مازالو في نفس المستوى وحده تتقدم وحده تتراجع والعكس ,مســرعين , الهوى يحرك شعرهم , ابتسامات تترسم على وجيه الجيران , تشجيع من بعيــد ,
وفي عز ســرعتها لمحــته , لاشعوريا التفتت , صخرة عرقلت الدراجه , لفت تبا توازن نفسها , سقطت والدراجه ابتعدت عنها مسـآفة متر مازالت العجلات تلتـــف
جو اثنين يجرو ناحيتها , وغدير وقفت دراجتها , ديمـآ وقفت وماسكه كوعها قالت بصوت عالي : مااافيا شي كويســآ
تركت الدراجه وغديــر وبتمشي ورا الشخص اللي لمحتــه , مابتتهيئ , هوآآ , جريت اتجاهه سيـآره خرجت عن يمينها وسدت طريقها , ضربت مقدمة السياره باانزعــآج : اوووف
عدتها وغدير تنـآديها وتجري وراها , ووصلت لتقــآطع, طالعت حوليـها يمين , يسار امـآمها , بلعت ريقـها , ودقات قلبها تتسـآرع , غدير وصلت : ااايش بكككك وقفتي قلبي
مازالت تايهه برغم وقوفها في مكـآنها : مدري شبهت على احد
: على مين !
: فاكره اللي اتضاربت معـآه في اللعبه
: ايوا ؟
: شوفتو هنـآ _ تمرر يدها على كوعها _ تتوقعي عرف مكـآني ؟


,
,

في سيـآرة الأجـره يقرأ شروط يانــوس للمره الرابـعه ..
1 ] تستأجر عند الشخص المطلوب ولو رفض أعرض عليـه المـآل
2 ] تبحث عن وظيفه داخل الحواري
3 ] خروجك من الحواري الموضوعه في الخريطه داخل دائره , يعتبراخلاء للشروط عقـآبك تم ذكره
4 ] ممنوع استلاف اي مـآل , ممنوع التواصل مع اصددقائك القدامى وعائلتك تحت أي ظرف
5 ] سوف يتم التمديد إذا لم تحصل نهاية كل شهر 400 دولار بمجهودك الشخصي
6 ] ترك تأمينك الصحي في منزلك , الغاء فوترة جوالك
7 ] أنت مراقـــب .
عينه ارتفعت على العمـآير المتلاصقـه وابنيتها مرتفعه بشكل متفاوت, واجهتها , اعلام وملابس وحبـآل تمتد من نافذه لنـآفذه , وقفت سيارة التاكسي بين زحمـه السيارات , اتأمل النـآس مجرد ثواني , سند ظهره وابعد نظره عنهـم , اصواتهم تخترق النوافذ , اصوات البواري المزعـجه وكأنه الضغط المستمر حيحل أزمه الزحمـه وتداخل السيارات ,7 دقـآيق
ووقف
نيـآر رفع جوآلـه , باقي 5 دقـآيق على الموقع المحدد: أمشي قدآم
صاحب سيارة الأجره ضحك : يابني تستهبل ! السيارات ماتدخل ذيك المنطقـه عصابات وناس عقلها مو في راسـها , روح مشي
قليل الــكلام , حابس انزعـآجه , تذمــره , نزل من السيـآره , مشي ثلاث خطوآت وسمـعع اصوات متداخله : اتعورتي ؟! ... بسم الله سارلك شي
وامــآمه اشخـآص اتضاربـو , عقـد حوآجبه ومشــي بخطوات سريـعه , المسـآفه امتدت لضعف الوقــت كآن بقمــة اشمئزاره من حوآري ديمـآ , لحد ماوصــل للمنطقه المسوره , ماقدر يمشي
ماقدر يدخــلها لدقايق عدة , النــآس هنـآ فعلا مشــردة , يتأمل من فتحـآت السور الحديده , مجرد شبك , وكأنهم قطيــع خرفان فاصلينهم عن الباقي , لو دخـل حياكلوه , حس بيد تدخل في الكيس , وسع عينه ورفع الكيس للاعلى , طفل عمره 8 سنوات يبتسم : اعطيني ياعمو ..دخيلك ياعمو ابا اكل
رجع خطوه للخلف , اعطى ظهره للمكـآن , أنسحب , طفولتـه مترفه وشبابه يعيشو لأقرب لحظـه في أفخم الأمـآكن الخدم يحاوطوه من صغره , عينه اعتادت على الجمـآل , دا الجزء من العـآلم مامر عليـه , حياة ديمـآ يلمحهـآ لكن داخل ذا السور عـآلم مايشبهه ولا يقدر يتعدااه ابتعـد 8 خطوآت , صدم شخص فيــه , دفعه بااتجاه الجدار ,,حدة السكين تحت رقبته ووجه الشخص اقترب من اذنه همسلــه : أدخل ولا تراني استنى أسيل دمــك
الشخص المتلثم ابتعد , ماقدر يلمح شي فيــه , بس مازال ظهره لاصق في الجدار , وماسك الكيس بشــده , وانفاسه محبوســه , طالع حولـه , مع الأزعـآج محد انتبه ايش ســآر فيـه , لو طعنـه كآن مات بينهم !
مشي بإتجـآه السور , خطوه , خطوه , ودقـآت قلبه تعلى وتعلــى , اتعدى الشبـــك وظهرله العــآلم الآخر , بيوت على مدى النظر من الجانبين , بيوت من دور واحد واسقف منخفضـه , منطقـه محظور للغريب يدخـلها , وكيــف لما يكون ذا الغريب وكأنه خارج من حملــة اعلانات , طوله , بنيته الجسديه , ذقنه المرتبه , شعره المسرح بعنـآية , ملامحه المرسومه بحده , 4 شباب من الجانب الأيمن تركو الكوره وجو باإتجاهه , من الجانب الايسر بنت عمرها 11 سنـه تجري وتنـآدي تعالو شووفوووو وبسببها جو 7 رجـآل ,تتفاوت اعمارهم من للثلاثيـن وفوق , ملابس قديمه على اجسامهم , شيئ حاد لمحه يلمع بيد احدهم , خشبه طويله بيد الأخر , يتذكر كلام يانوس , سادس يت على يمينــك عليه علامــه اكس حـمرا , مشي بخطوات متتاليــه , والشباب من الجانبين اجتمعو ومشيـو وراه بخطوات هاديه وكأنو وقع في مصيــده ومستحيل يقدر يخرج منــها , يسمع خطواتهم , همساتهم , اثنين اقتربـو منـه , خلفه بالتمــآم , قلبه على وشك الخروج من جسمه, لمح البيت , زادت خطواته وزادت خطواتهم وقبل لايهجمو رفع يده على الباب وواحد رفع يده ووقفهم كلـــهم , محد اتحرك , دق الباب ويده تهتــز , بطرف عينه لمحهم كلــهم ينتظرو ايش حيسيــر , جاي لواحد منهم , ردة فعل صاحب البيت حتحكم ردة فعلهم إتجاه الغريب , دق الباب مرتين وثلاثـــه , سمع صوت خطوات من الداخل , انفتــح الباب , زادت صدمـته لما شاف امـآمه مراهق ...
اصيـــل عدسة عينه اتحركت من شعر نيـآر لجزمتــه وبعدها في عيـآل حارته : إيش .. تبـــآ
بصوت خــآفت : اقدر ..استأجر ...عندك
شد حوآجبه اصيل بعدم استيعاب ونيـآر بدون تردد دخل يده بجيبه وخرج 50 دولار : خــذ ... محتاج بيت انـآم فيه
كآن شكله مايليق على كلامــه ,,, ليش هنــآ !!! ... بس يبا سجارة حشيش ... يبا الفلوس ... فتح الباب بدون تفكير : ادخل
وقبل لايدخله سحب الفلوس من يده وبعدها دخل وقفــل الباب وكآن شكل البيت من الداخل الصدمه الثالثه لنيــآر .مجرد خطوتين ووقف
اصيـل يقلب الخمسين دولار وكأنها ورقة احلامـه , يتأكد انها حقيقيـة , ماهمو ليش هوا بالذات دق بـآبـه همه الفلوس اللي بيده تجبلو كم قطعة حشيش
جلس اصيـل على الارض ودخل الفلوس بجيبـه : اجلس
ماقدر يجلس , حتى الكيس ماقدر يحطو في الارض , مستنقع قذاره , كيس اكل مشقوق ومحطوط عليه بقايا رز وعظام دجاج في منتصف الغرفـه , ملابس مرميـه يمين ويسـآر , بساط متغير لونـه كان السرير المكـآن الوحيـد اللي يقدر يجلس عليـه , اتوجه له جلس وعينه على المطبـخ , على الحمام المغلق بابـه
اصيـل : كم تبا تجلس ؟
ماقدر يتكلم ,ماقدر يقول 60 يوم لأنو 60 ثانيه كثيره عليــه , عينه مو على اصيــل على كل شي حول اصيـل
اصيـل : بتسمعني ؟
رفع حوآجبهه الاثنين بصدمــه وكأنه فاق للحـظـآت , اصيل عاد سؤاله : كم حتجلس ؟
: شـ شهـر أتوقع ..أو ..مدري يمكن شهرين
: حتدفعلي ثاني ؟
حرك راسه بدون اي كلمـه , اصيل اشرله : تبا تاكل ؟
للمره الثانيه يحرك راسه كأنو طفل مو عارف يتكلم , دقيقه دقيقتين , ثلاثـه ووقف اصيـل : انا خـآرج
وخرج !
بكل بسـآطه خرج ومو قادر نيـآر يخرج لأنو مايضمن تصرف اللي حولــه , اتوجه للباب المغلق وفتحه بطرف جزمتـه وبعد عن الحمـآم بملامح مشمئزه , يحوم في الغرفـه الصغيره , كيف حينـآم ! كيف حياكل , كيف حيدخل للحمـآم , مو قادر يلمس شي في البيت

اصيــل خـرج وقطعـو طريقـو رجـآل الحـآره : مين اللي عندك ؟؟
رمش بتكرار , فتح فمـه يبا يتكلم بس عيونهم مو مبشره بخيــر
: اتكــلم , ذا بيتك إنتا حر لكن احنا من حقنـآ نعرف مين اللي داخل ومين اللي خخـآرج
: صـ صـآحب اخويآ _ مرر يده على رقبته من الخلف _ حيجلس عندي فترة ورآيح
عيونهم طلت في بعض , مو مقتنعين ومو قادرين يكذبـوه , ابتعدو عن طريقي , اتوجه لخــلف المبـآني , رجوله الحافيه متغير لونها , ناشفه , اجراح منتشره حول رجلو , يطلعو فوق الصخور يعدي الاولى والثاني والثــآلثه ولمح مجموعه مستكنـه حولهم قوارير مويـآ معبئه بمشروبات صفرا , هادئين غير عادتهم : فين شكري ؟
اشرو لمكـآن ابـعد , مشي , مشي ولمحــه , شكري قفل سحـآب بنطلونه , وقفـه قبـآل بعض : ايش تبا ؟
خرج الفلوس من جيبـه : خذ
عين شكري وسعت وشفايفه ابتعدت عن بعض , سحب الفلوس : لا إنتا كذا تترأس الجلســه _ حط يده حول كتــف اصيـل ويمشي لحد الشباب _ ألله عليك ياأصيل _ باسه في خده بطريقه مزعـجه _
جلسوه بينــهم واحد يغني بطرب , سجارة حشيش وقت الغروب تعدل مزآجهم , امتدت اتجاهه قارورة , حرك راسـه بنفي , همسلـه شكري : وازن ياعم _ فتحلـو القاروره _ جرب
ريحتها ماكانت اسوء من ريحة المكـآن , بس مجرد جغمـه ودفع القاروره , كآنت همسـآت شكري مغلفه بالاهتمام : اول طعم سيئ بس ذوق الثانيه
: لا ...لا مابى
مسك يد اصيــل ولفها حول القاروره : عشان خاطر الحلوين
عيون الكل تترجـآه , محتاجين شخص يدفــع , حس انو مهم بنسبه لهــم , وهمـآ سارو مهميـن لأنهم فاهمين مزآجه ويريحوه , شرب دفعتين ورا بعض لإرضائهم , ابتسم وفي نفس الثانيه اتحولت ملامحه للإشمئزاز , مرر يده على فمـه , اعطوه السجـآره سحب منـها , رجع راسه للخلف نفث الدخان , وككآنت ثواني بسيـطه وعاش فوق السحب , يحرك يده على الصخور الصغيره , كأنها قطع المـآس تلمــع , يبتسم , اصواتهم مرتفعه , مو قادر يركز في ملامحـهم , صورتهم تدخل في بعض شكري وسعيد اشكـآلهم تندمج وتبـعد , ملامحهم تكبر وتصغر , الأرض مو مستويـه , ماقدر يرجع بيتـه انسدح على التراب , نـآم , محد اهتم يرجعـه بيتـه , قامو لأعمـآلهم خرجو من الاسوار, فتح عينه والشوارع مظلمه , فار يقرض صباعـه , حرك يده باإزعـآج , شرد الفـآر , نـآم .


5 ســآعات محبــوس في الغرفـه , اضاءه بيضا خفيفـه منوره المكـآن , رجوله الإثنين يحركها , يطل في جواله كل شويـه , يوقف ويجلس يوقف ويجلـس , معدته تألمه من الجوع بس مستحيل يدخل المطبـخ , عينه تنعس بس مستحيل يحط راسـه في اي مكـآن بذا المكـآن , ويتمنى يتمنى إنو مايحتـآج الحمــآم , غفــى وهوا جالس , راسه يميل لليمين ويرفعه , يميل لليمين ويرفعه , فتح عيونه المائله للإحمرار لما سمع صوت في الغرفـه , كيس في الزاويـه اتحرك ومشي لنص الغرفه ووقف , وقف بشــويش وحذر ,مع التعب يتوهم ؟ ولا الهوى حركه ؟ مشي خطوتين وسار امـآمه , جزمته برغم غلائها لكن الشي الوحيد اللي يتعـآمل فيه عشان يمسك اي شي في البيت , دفع الكيس برجلــه وشاف اكبر فــآر في حيــآته من كبره ماعرف انو فــآر , اصيل برا دفع فار بكل بــرود وبالداخل فتح بـــآب البيت ونسي انو فيه نـآس مستنين يلمحـــوه , الفار جري بين رجولــه وهوا جري لخـآرج المنزل ووقف في منتصف شوارعهم لما سارو ينـآدي بعض بالتصفير , في ثواني سار محـآط من كل جـآنب , اقتربو , الدائرة صغرت , اقتربو , الدائرة صغرت اكثر , وقف شخــص امـآمه أشبه بزعيـم المكـآن : خلينا ندردش شويـه _ اشر براسه على بيت اصيـل _ ايش جابك عندو ؟
: احتجت مكـآن اسكن فيه !
ابتسم قرب وجهه من وجه نيـآر , اسنانه الصفرا برزت , غير كلامه عشان يطيح بالفخ : يعني منتظر تشوف ابوه ؟
حرك راسه باإيجـآب كآن بيمشي بس اعترض طريقه : مو عاجبنا وجودك
نيـآر رفع يده يبا يبعده عن طريقـه الا الشاب لف ذراع نيـآر , ودوبو بيهدده الا نيـآر بدون تفكير رفع يده ولكمـه بكل قوته , طاح في بركة المويـآ
غلــطة عمــره , هنـآ تصرفاتك محسوبه كلمـآتك محسوبـه , تعابير وجهك كمـآن محسوبـه , من كل إتجـآه اتدافعو عليـه , حاول يحمي نفسه لكن واحد منـهم ضربـه على راسـه بخشبـه , فقد توازنه , ضربه على وجهه , ضلعـه , الخشبـه اترفعت ونزلت على ظهره , سقط في الارض , رجولهـم كآن لها نصيب في ضربـه , شخص دفعــهم : ابعدو ... ابعدددو
رجولهم تبـعد عنــه , الدائره تبـعد , شد حوآجبه بألم صوته مازال مسموع : محد يلمســـو
اصيــل واقف امـآمـه رافع اياديه الإثنيــن حمـآيه

في الخـآرج مشيت اتجـآه الســور , لمحت اصيــل يجري , نـآدتـه بس ماسمعها , مشيت بخطوات سريـعه , اختفى اصيـل بين التجمهر , قربت اكثـر , دفعت اثنين , شدت حوآجبها لما شافت اصيـل مثني جسمه اتجاه شخـص , مجرد خطوه , خطوه وحده واصيـل ابتعد وبانت ملامح نيـآر , طـآح قلبــها , رجعت للخلف , خبطت في جسم واحد رفعت يدها بااعتذار , طلت فيه للمره الثانيه تتأكد

نيـآر رفع جسمه العلوي وقف على ركبـه , دم يسيل من مقدمـة راسـه , الآم منتشره في جسمـه , عينه اتثبتت على زعيمهم يتكلم بتحقيـر , عالمه مختــلف عنهم لكن عزة نفســه ماتسمح احد يذله , يذل لكن ماينذل , وقف , دفع اصيـل من امـامه , وللمره الثانيه يهجم عليـه ويضـربه , ضربات سريعه مخيفه ,لوهله محد اتحــرك , هجومه نظرته ضعف زعيمهم شتتهم لثواني , شخص عن يمينه اتدارك نفسـه , نيـآر حس بحركته كآن بيهجم عليـه , لمحـها , لمح عينها , حلقها , فقد تركيزه لأقل من ثانيه وكآنت فرصه لإسقاطــه .

نظرته اتجاهها فجعتها , انسحــبت , جريت باتجاه السور , خارج السور , انفاسها تتسارع ,عرفها ! اللعبــه كـآبوس ووقعت فيــها !


نهــآية الفصــل ...